WELCOME TO PANNAGAM.COM & PTV

பண்ணாகம் இணையம்

NEWS 11

வலிகாமம் வடக்கில் இராணுவத்தினரின் கட்டுப்பாட்டுக்குள் இருந்து 36 ஏக்கர் காணி இன்று மக்கள் பாவனைக்கு விடுவிக்கப்பட்டது. விடுவிக்கப்பட்ட காணிகளுக்குள் சென்ற மக்கள் அதிர்ச்சி அடைந்தனர்.

காணிகள் இப்பிலிப்பிலி மரங்களால் மூடப்பட்டிருந்தன. தமது வீடுகளையோ ஒழுங்கைகளையோ இனங்காண முடியவில்லை.

இராணுவத்தினர் பயன்படுத்திய தனியார் வீதியூடாகச் சென்று தமது காணிகளை பார்வையிட்டனர்.

ஜே/233 கிராம அலுவலர் பிரிவுக்குட்பட்ட மாம்பிராய் , மாங்கொல்லை பகுதிகளைச் சேர்ந்த 85 குடும்பங்களுக்குச் சொந்தமான 36 ஏக்கர் காணிகள் இன்று விடுவிக்கப்பட்டன என்று தெல்லிப்பழை பிரதேச செயலர் தெரிவித்தார்.

அத்துடன், காங்கேசன்துறை சீமெந்து தொழிற்சாலையூடான மாங்கொல்லை காணி வீடுகள் விடுவிக்கப்படவில்லை. அவை தொடர்ந்தும் பொலிஸாரிடம், இராணுவத்தினரின் பாவனையிலேயே இருக்கின்றன.

இதனால் காங்கேசன்துறை செல்லப்பிள்ளையார் கோயில் பின்பகுதியூடாகவோ, மாம்பிராய் உள் வீதியூடாகவோ விடுவிக்கப்பட்ட காணிக்குள் போக முடியும் எனவும் தெரிவிக்கப்படுகின்றது.

மக்கள் தமது வீடுகளையோ, ஒழுங்கைகளையோ இனங்காண முடியவில்லை இராணுவத்தினர் பயன்படுத்திய தனியார் வீதியூடாகவே போக முடிகிறது. அங்குள்ள வீடுகள் சில உடைக்கப்பட்டுள்ளன.

மாம்பிராய் காணிகள் முழுமையாக விடுவிக்கப்பட்டாலும் மாங்கொல்லை காணிகள் முழுமையாக விடுவிக்கப்படவில்லை. இங்கிருந்த நரசிம்ம வைரவர் கோயில் இராணுவ வேலிக்குள்ளேயே உள்ளது.

காங்கேசன்துறை சீமெந்து தொழிற்சாலையின் ஊழியர்கள் தங்கும் விடுதியூடாக சீமெந்து தொழிற்சாலைக்கு நேராக கம்பி வேலி அடித்து விடுவித்திருந்தால் அநேகமான வீடுகள் விடுவிக்கப்பட்டிருக்கும்.

ஆனால் குறுக்கறுத்து மாங்கொல்லை உள் ஒழுங்கையூடாக இராணுவ முட்கம்பி வேலி அடிக்கப்பட்டதால் பல வீடுகள் வேலிக்குள் அகப்பட்டுள்ளதாக குறிப்பிடப்படுகின்றது.

இதேவேளை, தமது சொந்த காணிகளை துப்புரவு செய்து மீள்குடியேறுவதற்கு வலி.வடக்கு பிரதேச செயலக மீள்குடியேற்ற செயலணி அதிகாரிகள் தமக்கு உதவி செய்ய வேண்டும் என்று மக்கள் கோரிக்கை விடுத்துள்ளனர்.

யேர்மனி நொஸ் நகரில் நுால் அறிமுகம்.

 

''மனிதாபிமானம் கொண்ட புதிய தலைமுறைக்காக..''


மனிதாபிமானம் கொண்ட புதிய தலைமுறைக்காக..  என்ற கட்டுரைத் தொகுப்பு நுால் கடந்த 20 வருடங்களாக இணையங்களில் பிரசுரமான கட்டுரைகளின் தொகுப்பு நுாலாக  இலங்கையில்  இருந்து எழுத்தாளர் திரு. திருநாவுக்கரசு சிறீதரன் -சுகு அவர்கள் எழுதிய கட்டுரைகளின் தொகுப்பை காவலுார்  ஜெகநாதன் நினைவு வெளியீடாக  வெளியிட்டுள்ளார்கள்.

இதன் அறிமுக நிகழ்வை 13.5.2018 இல் யேர்மனி நொஸ் நகரில் நடைபெற்றது. இந்த நிகழ்வு திரு.அலெக்ஸ் .திரு.லோகானந்தம் ஆகியோரின் ஒழுங்கமைப்பில் நடைபெற்றது. இன்நிகழ்வில் 100க்கும் மேற்பட்ட அபிமானிகள் கலந்து சிறப்பித்தார்கள். ஒரு புத்தக வெளியீட்டிற்கு யேர்மனியில் மிகஅதிகமான மக்கள் கலந்துகொண்ட நிகழ்வென நிகழ்வை தொடங்கிவைத்து  உரையாற்றிய திரு.அலெக்ஸ் தெரிவித்தார். இன் நிகழ்வில் பிரமுகர்களாக  நுாலின் ஆசிரியர் திரு.சிறீதரன்-சுகு அவர்கள் இலங்கையில் இருந்து வந்திருந்தார்,  இந்தியாவிலிருந்து  இலங்கைத்தமிழர் ஆதரவாளர் சட்டத்தரணி திரு.இளங்கோவன்  மற்றும் கொலண்டிலிருந்து திரு பாலசூரியா் மற்றும் தமிழாசிரியரும் பேச்சாளருமான  திரு.குமரன் அவர்களும் கலந்து  நுால்விமர்சனங்களைச் செய்தார்கள். நுால்விமர்சனத்தின்போது கட்டுரைகளின் குறை நிறைகளை எதுவித தயக்கமும் இன்றி எல்லோரும் சுட்டிக்காட்டினார்கள். இதற்கான பதிலுரையை நுாலாசிரியர் நிறைவுப்போச்சில் விடைபகிர்ந்தார். இன்நிகழ்வில் பண்ணாகம் இணையம் சார்பாக பிரதமஆசிரியர்  ஊடகவித்தகர்.திரு.இக.கிருஷ்ணமூர்த்தியும் கலந்து கொண்டார். இந்நிகழ்வை மிக சிறப்பாக ஜெயகாந்தன் சிறீப்பிரியா அவர்கள் தொகுத்து வளங்கினார். இந்நிகழ்வை நடாத்தியவர்கள் மக்கள் கேள்வி நேரம் ஒதுக்கியுள்ளதாக குறிப்பிட்டிருந்தார்கள் ஆனால் நிகழ்வில் நுாலாசிரியர் பேசிக்கொண்டிருக்கும் போது மண்டப பொறுப்பாளரான யேர்மனியர் நிகழ்வுக்கு கொடுக்கப்பட்ட நேரம் முடிவடைந்ததால் நிகழ்வை நிறுத்த நிற்பந்திக்கப்பட்டதால் நுாலாசிரியரின் பேச்சு முழுமையாக நிறைவு செய்ய முடியவில்லை. அத்துடன் மண்டபத்தில் மக்களை நிற்கவிடாது வெளியேற்றியமை மக்கள் பெரும் குறையாகவிருந்தது.   நிகழ்வு நேரம் சரியாக கட்டுப்படுத்தபடவில்லை என்பது தெரிகிறது. எனவே நிகழ்வுகள் ஒழுங்காக அமைக்க நிகழ்வு அமைப்பாளர்கள் மிக கவனம் எடுக்கவேண்டும் என மக்கள் பேசிக் கொண்டனர். உணவு உபசரிப்புகள் மிக சிறப்பாக இருந்தது.

பல சர்ச்சைக்குரிய வழக்குகளுக்கு அதிரடியான தீர்ப்புக்களை வழங்கி மக்கள் மத்தியில் மிகவும் நம்பிக்கைக்குரிய நீதிபதியாக யாழ். மேல் நீதிமன்ற நீதிபதி மா.இளஞ்செழியன் உள்ளார். இந்நிலையில் அவரை யாழ்ப்பாணத்தில் இருந்து மாற்றப்படவுள்ளதாக தகவல்கள் வெளியாக உள்ளன.

நீதிபதியின் மாற்றம் தொடர்பான தகவல்கள் யாழ் குடா நாட்டு மக்கள் மத்தியில் பெரும் அதிர்ச்சியை ஏற்படுத்தியுள்ளது.

இவ்வாறான சூழ்நிலையில் நீதிபதியின் இடமாற்றம் குறித்து கொழும்பு ஊடகம் ஒன்று நீதிபதி இளஞ்செழியனிடம் கேள்வி எழுப்பியுள்ளது.

அதற்கு பதிலளித்த நீதிபதி இளஞ்செழியன்,

இடமாற்றம் தொடர்பான தகவல்கள் இணையத்தில் பரவி வருகின்றன. எனினும் இதுவரையில் அவ்வாறான தகவல் எதுவும் எழுத்து மூலம் அறிவிக்கப்படவில்லை.

நான் அரசாங்க ஊழியர் என்பதனால் எந்த இடத்திற்கு இடமாற்றம் செய்யப்பட்டாலும், எங்கும் செல்லத் தயார். யாழ்ப்பாணத்தில் சேவை செய்த காலப்பகுதி என் வாழ் நாளில் மறக்கவே முடியாத காலம் என குறிப்பிட்டுள்ளார்.

இதேவேளை நீதிபதி இளஞ்செழியன் இன்னும் சில காலம் யாழ். மேல் நீதிமன்ற நீதிபதியாக இருக்க வேண்டும் என மக்கள் விரும்புகின்றனர். அவரை மாற்ற நடவடிக்கை எடுக்கப்பட்டால், அதனை இரத்து செய்ய மேற்கொள்ள வேண்டிய அனைத்து நடவடிக்கைகளையும் தாம் மேற்கொள்வதாக யாழ்ப்பாண பொது மக்கள் அமைப்பு தெரிவித்துள்ளது.

திருகோணமலை மேல் நீதிமன்றத்தில் நீதிபதியாக செயற்பட்ட போது, 2015ஆம் ஆண்டு யாழ்ப்பாண மேல் நீதிமன்றத்தில் நீதிபதி இளஞ்செழியன் மாற்றப்பட்டார்.

நீதிபதி இளஞ்செழியனின் அதிரடி தீர்ப்புகள் தமிழ் மக்களை மட்டுமன்றி ஒட்டுமொத்த இலங்கை மக்களையும் மிகவும் கவர்ந்த ஒன்றாகும்.

அண்மைக்காலமாக தென்னிலங்கை மக்கள் நீதிபதி இளஞ்செழியன் தமது பகுதிகளில் பணியாற்ற வேண்டும் என சமூக வலைத்தளங்களில் கோரிக்கை விடுத்து வருகின்றமை குறிப்பிடத்தக்கது.

யாழ்ப்­பாண மாவட்­டத்­தில் முதன்­மைச் சுற்­றுலா மைய­மாக விளங்­கும் கசூ­ரினா கடற்­க­ரை­யில் இரவு ஏழு மணி­வரை சுற்­று­லாப் பய­ணி­கள் தங்கி இருக்க முடி­யும். எனி­னும் இரவு 6 மணி­வரை மட்­டுமே கட­லில் நீராட முடி­யும்.

இந்த நடை­முறை நேற்று முன்­தி­னம் தொடக்­கம் நடை­ மு­றை­ப்ப­டுத்­தப்­பட்­டுள்­ளது. இது தொடர்­பில் காரை­ந­கர் பிர­தேச சபை உப தவி­சா­ளர் க.பாலச்­சந்­தி­ரன் தெரி­வித்­த­தா­வது:

காரை­ந­கர் பிர­தேச சபை­யின் முத­லா­வது அமர்வு கடந்த புதன்­கி­ழமை இடம்­பெற்­றது. அபி­வி­ருத்தி சம்­மந்­த­மான பல முன் மொழி­வு­கள் வைக்­கப்­பட்­டன. உப தவி­சா­ள­ரால் கொண்­டு­வ­ரப்­பட்ட பிரே­ர­ணை­யின் கீழ் பிர­தேச சபை அமர்­வில் எடுக்­கப்­பட்ட தீர்­மா­னத்­துக்­க­மைய நேற்று முன்­தி­னம் தொடக்­கம் இரவு 7 மணி­வரை கசூ­ரினா கடற்­கரை சுற்­றுலா மையத்­துக்கு மக்­களை அனு­ம­திப்­பது தொடர்­பான நட­வ­டிக்கை முன்­னெ­டுக்­கப்­பட்­டுள்­ளது.

இரண்டு மாத காலப்­ப­கு­திக்­குள் கசூ­ரினா கடற்­கரை சுற்­றுலா மையம் மின்­னொ­ளி­கள் பொருத்­தப்­பட்டு இரவு 10 மணி­வரை சுற்­றுலா பய­ணி­கள் பாவ­னைக்கு விடப்­ப­டும். அதற்­கான நட­வ­டிக்­கை­களை முன்­னெ­டுத்து வரு­கி­றோம் – என்­றார்.

மட்டக்களப்பு வாகரை பிரதேசத்தில் புத்தாண்டு தினத்தில் ஏற்பட்ட கைகலப்பில் 32 வயதுடைய குடும்பஸ்த்தார் மண் வெட்டி தாக்குதலுக்கு இலக்காகி மரணமடைந்துள்ளதாக வாகரை பொலிசார் தெரிவித்தனர்.

இச்சம்பவத்தில் 5 வயதுடைய பெண் பிள்ளை உட்பட இருவர் காயமடைந்துள்ளதாக தெரிவித்தனர்.இச்சம்பவம் வாகரை கட்டுமுறிவில் இடம்பெற்றுள்ளது.

இராசைய்யா சவுந்தராஜன் வயது 32 என்பவரே சம்பவத்தில் மரணமடைந்துள்ளார். காயமடைந்தவர்கள் வாழைச்சேனை ஆதார வைத்தியசாலையில சிகிச்சைக்காக  அனுமதிக்கப்பட்டுள்ளனர். மதுபோதையில் காணப்பட்ட இருவர்களுக்கிடையில் வாய்த்தர்க்கம் ஏற்பட்டு பின்னர் கைகலப்பாகி அது கோஸ்டி மோதலாக மாறியது.

இச்சம்பவம் தொடர்பில் சந்தேகத்தின் பேரில் ஒருவர் கைது செய்யப்பட்டுள்ளார். மேலும் ஒருவர் தலைமறைவாகியுள்ளதாகவும் அவரை கைதுசெய்ய பொலிசார் நடவடிக்கை மேற்கொண்டுள்ளனர். 

மரணமடைந்தவரின் சடலம் மட்டக்களப்பு போதனா வைத்தியசாலையில் பிரேத பரிசோதனைக்காக வைக்கப்பட்டுள்ளதாக  வாகரை பொலிசார் மேலும் தெரிவித்தனர். இது தொடர்பான மேலதிக விசாரணைகளை தாம் மேற்கொண்டுள்ளதாகவும் தெரிவித்தனர்.

சிறிலங்கா பிரதமர் ரணில் விக்கிரமசிங்கவுக்கு எதிராக கொண்டு வரப்பட்டுள்ள நம்பிக்கையில்லா பிரேரணை மீதான வாக்கெடுப்புக்குப் பின்னர், சிறிலங்கா சுதந்திரக் கட்சியைச் சேர்ந்த 22 நாடாளுமன்ற உறுப்பினர்கள் அரசாங்கத்தில் இருந்து விலகவுள்ளனர்.

நம்பிக்கையில்லா பிரேரணையில் சிறிலங்கா பிரதமருக்கு எதிராக வாக்களித்த பின்னர் கூட்டு அரசாங்கத்தை விட்டு  22 சிறிலங்கா சுதந்திரக் கட்சி உறுப்பினர்களும் வெளியேறவுள்ளனர்.

அமைச்சர் சுசில் பிரேம ஜெயந்த இந்த தகவலை  சிறிலங்கா பிரதமருக்கு தெரியப்படுத்தியுள்ளதாக, அமைச்சர் அனுர பிரியதர்சன யாப்பா தெரிவித்தார்.

நிமல் சிறிபால டி சில்வா, சுசில் பிரேம ஜெயந்த, அனுர பிரியதர்சன யாப்பா உள்ளிட்டவர்கள் அரசாங்கத்தை விட்டு வெளியேறவுள்ளதாக, ஐக்கிய மக்கள் சுதந்திர முன்னணியின் நாடாளுமன்ற உறுப்பினர் ரமேஸ் பத்திரன தெரிவித்தார்.

  • எம்­மீது முன்­வைக்­கப்­பட்ட குற்­றச்­சாட்­டுக்­கள் தொடர்­பில் விசா­ர­ணை­கள் நடத்­தப்­பட வேண்­டும். நாம் குற்­ற­வா­ளி­கள் என்­றால் எமக்குத் தண்­டனை வழங்க வேண்­டும். நாம் எதற்­கும் தயா­ரா­கவே உள்­ளோம். வீணான திரு­டன் பழியை ஏற்­றுக்­கொள்ள முடி­யாது.

இவ்­வாறு வடக்கு மாகாண சபை உறுப்­பி­னர் சத்­தி­ய­லிங்­கம் தெரி­வித்­தார். வடக்கு மாகாண சபை­யின் 119 ஆவது அமர்வு நேற்று அவைத்­த­லை­வர் சி.வி.கே.சிவ­ஞா­னம் தலை­மை­யில் நடை­பெற்­றது. அதில் அவர் இவ்­வாறு தெரி­வித்­தார்.அவர் தெரி­வித்த­தா­வது:-

வடக்கு மாகாண சபை ஆரம்­பிக்­கப்­பட்ட போது நாமாக விரும்­பிக் கேட்டு அமைச்­சுப் பத­வியை பெற­வில்லை. வடக்கு மாகாண முதல்­வர் சி.வி.விக்­னேஸ்­வ­ரனே எமக்கு அமைச்­சுப் பத­வியைத் தந்­தார்.அவர் எமக்குத் தந்த பணியை நாம் மக்க­ளுக்­காக சிறப்­பா­கவே செய்து வந்­தோம். எனி­னும் அர­சி­யல் ரீதி­யான பழி­வாங்­க­லுக்­கா­கவே அவர் எம்மை நீக்­கி­யுள்­ளார்.

அதற்­காக நான் எனது பத­வியை மீண்­டும் கேட்­க­வில்லை. எம்மை மாற்ற வேண்­டு­மென்­றால் முதல்­வர் தனது அதி­கா­ரத்தைப் பயன்­ப­டுத்தி அமைச்­ச­ரவை மாற்­றத்­தைச் செய்­தி­ருக்­க­லாம். முத­ல­மைச்­சர் அமைத்த ஆணைக்­கு­ழு­வும் எம்மைக் குற்­ற­வா­ளி­க­ளாக இனங்­கா­ண­வில்லை. முத­ல­மைச்­சர் விடுத்த கோரிக்­கை­யின் பேரி­லேயே நான் அமைச்­சுப் பத­வி­யில் இருந்து தானாக வில­கி­னேன்.

விசா­ர­ணைக் குழு­வின் அறிக்கை வெளி­யா­கிய பின்­னர் என் மீது இரண்டு குற்­றச்­சாட்­டு­கள் உள்­ளன என்று முதல்­வர் ஊட­கங்­கள் வாயி­லாகத் தெரி­வித்­தி­ருந்­தார். விசா­ரணை அறிக்கை வந்த பின்­னர் 750 கோவை­களை நான் திரு­டி­னேன் என்­றும்,நோயா­ளர்­க­ளுக்­காக கொள்­வ­னவு செய்த உப­க­ர­ணங்­க­ளில் மோசடி செய்­தேன் என்­றும் என்­மீது குற்­றம் சுமத்­தப்­பட்­டது. ஆனால் இன்­று­வரை அது தொடர்­பில் எந்த விசா­ர­ணை­யும் நடக்­க­வில்லை.

முத­ல­மைச்­சர் உட­ன­டி­யாக விசா­ர­ணைக் குழுவை நிய­மிக்க வேண்­டும். அல்­லது சபை­யில் குற்­றச்­சாட்­டுக்­கான ஆதா­ரங்­களைச் சமர்ப்­பிக்க வேண்­டும். அதன் பின்­னர் சபை­யின் ஊடாக நட­வ­டிக்கை எடுக்­கட்­டும். அது­வும் இய­லாது என்­றால் வடக்­கில் உள்ள பொது அமைப்­பு­களை இணைத்து விசா­ர­ணைக் குழு ஒன்றை நிய­மித்து விசா­ரணை நடத்­தப்­பட வேண்­டும்.

எந்த விசா­ர­ணை­யை­யும் நன் சந்­திக்கத் தயா­ராக இரு­க்கின்­றேன். எனது எதிர் காலம் மற்­றும் எனது பிள்­ளை­க­ளின் எதிர்­கா­லம் போன்­ற­வற்றைக் கருத்­திற் கொண்டு விசா­ர­ணைக் குழுவை நிய­மித்து நாம் குற்­ற­வாளி என்­றால் எம்மைத் தண்­டி­யுங்­கள். அதை­வி­டுத்து பொய்­யாக எம்மைத் திரு­ட­னாக்­கா­தீர்­கள். மாகாண சபை­யின் ஆயுட்­கா­லம் முடி­வ­தற்­குள் எம்மைத் தண்­டி­யுங்­கள் அல்­லது குற்­றச்­சாட்­டில் இருந்து விடு­வி­யுங்­கள் –  என்­றார்.

எமது மக்களை சர்வதேச சமூகத்தால் கைவிட முடியாது. நாங்கள் தனி ஈழத்தைக் கேட்டோம். அதனைக் கைவிட்டும் விட்டோம்.

சர்வதேச சட்டத்தின் பிரகாரம், எமது உரித்து, எமது உரிமை, சிவில் - அரசியல் உரிமைகள் சம்பந்தமான சர்வதேச ஒப்பந்தம் மற்றும் பொருளாதார சமூக கலாசார விடயங்கள் சம்மந்தமான சர்வதேச ஒப்பந்தங்களின் அடிப்படையில், ஒரு மக்கள் குழாமுக்கு உள்ளக சுயநிர்ணயத்துக்கு உரித்துண்டு. அதை எவரும் மறுக்க முடியாது. அவ்விதமான உள்ளக சுயநிர்ணய உரிமை அந்த மக்களுக்கு வழங்கப்படாவிட்டால், அவர்களுக்கு வெளியக சுயநிர்ணய உரிமைக்கு உரித்துண்டு. இதைத் தான் சர்வதேசத்திடம் கேட்டு நிற்கிறோமென, எதிர்க்கட்சித் தலைவரும் தமிழ்த் தேசியக் கூட்டமைப்பின் தலைவருமான இரா சம்பந்தன் தெரிவித்தார்.

யாழ்ப்பாணம் - சுழிபுரம் வலி மேற்கு பிரதேச சபை முன்றலில் மூத்த தமிழ்த் தலைவருமான அமரர் அப்பாப்பிள்ளை அமிர்தலிங்கத்தின் திருவுருவச்சிலை திறப்பு விழா, நேற்று (18) நடைபெற்றது. அதில் கலந்துகொண்டு உரையாற்றும் போதே, அவர் மேற்கண்டவாறு கூறினார்.

அங்கு அவர் தொடர்ந்து கூறியதாவது,

'ஒருமித்த நாட்டுக்குள், பிளவுபடுத்தப்பட முடியாத நாட்டுக்குள், எமது உள்ளக சுயநிர்ணய உரிமையின் அடிப்படையில், எமது இறையான்மையின் அடிப்படையில், அதியுச்ச அதிகாரப் பகிர்வு, நாங்கள் சரித்திர ரீதியாக வாழ்ந்து வந்த பிரதேசங்களில், எங்களுக்கு வழங்கப்பட வேண்டும் நாங்கள் கேட்கின்றோம். அது தான் எமது கொள்கை. அது தான் எமது நிலைப்பாடு. இதனை எல்லோரும் ஏற்றுக்கொள்கின்றார்கள். எவரும் இதனை மறுக்கவில்லை.

ஒரு காலத்தில், தமிழீழம் தான் நிலைப்பாடு என்று கூறியவர்களும் கூட, இன்றைக்கு இதை ஏற்றுக் கொள்கின்றார்கள். ஆகவே, இதை நாங்கள் முன்னெடுக்க வேண்டும். இதனை நாங்கள் முன்னெடுக்க வேண்டுமாக இருந்தால், எங்கள் மத்தியில் போட்டி, எதிர்ப்பு இருந்தால், அதை முன்னெடுக்க முடியாது. இன்றைக்கு சர்வதேச சமூகத்தின் ஆதரவு ஏறத்தாழ முழுமையாக எங்களுக்கு இருக்கிறது.

கடந்த 2012ஆம் ஆண்டு, ஐ.நா மனித உரிமைகள் பேரவையில் தீர்மானம் நிறைவேற்றப்பட்ட பின்னர், 2013, 2014 தீர்மானங்களும் நிறைவேற்றப்பட்டு, 2015ஆம் ஆண்டில், இலங்கை அரசாங்கமும் அதை, ஏகமனதாக ஏற்றுக்கொண்டிருந்தது. அந்தத் தீர்மானம், 2017ஆம் ஆண்டில், மீண்டும் வலியுறுத்தப்பட்டிருக்கின்றது. அந்தத் தீர்மானம் நிறைவேற்றப்பட வேண்டும். அதில் நாங்கள் உறுதியாக இருக்க வேண்டும். ஏனெனில், அதில் எமது சகல கருமங்களும் உள்ளடக்கப்பட்டிருக்கின்றன.

'அதனை நிறைவேற்றுவதற்கு, 2019ஆம் ஆண்டு பங்குனி மாதம் வரையில் கால அவகாசம் இருக்கின்றது. ஆகவே, அதை நிறைவேற்ற வைக்கவேண்டும். அதை நிறைவேற்றாது விட்டால், சர்வதேச சமூகம் என்ன செய்யப் போகின்றதென்பதைச் சொல்ல வேண்டும். அதில் என்ன நடக்கிறதென்பதை நாங்கள் அறிய வேண்டும்.

'எமது மக்களை சர்வதேச சமூகத்தால் கைவிட முடியாது. நாங்கள் தனி ஈழத்தைக் கேட்டோம். அதனைக் கைவிட்டும் விட்டோம். 30 வருட காலமாக இளைஞர்கள் ஆயுதப் போராட்டத்தில் ஈடுபட்டார்கள். இன்று அது முடிவுக்கு வந்துள்ளது. மனித உரிமைகள் சர்வதேச பிரகடனத்தின் அடிப்படையில், எம்மை ஆட்சி புரிவதற்கு, ஓர் அரசாங்கத்துக்கு எமது சம்மதம் இருக்க வேண்டும். எமது இணக்கப்பாடு இருக்க வேண்டும். 1956ஆம் ஆண்டு முதல் இன்று வரையில், எமக்கு குறிப்பிட்ட ஆட்சி முறை தான் தேவையென்றும் கேட்கின்றோம்.

'எமது மக்களுடைய பிரச்சினைக்கு ஒரு விடிவு வேண்டும். எமது மக்கள் பல்வேறு துயரங்களை எதிர்நோக்கியிருக்கின்றார்கள். குறிப்பாக காணாமல் போனோர் பிரச்சினை, காணி விடுவிப்பு, சிறைகளில் தடுத்து வைக்கப்பட்டள்ளவர் பிரச்சினை. இந்த எல்லாக் கருமங்களிலும் ஒரளவுக்கு முன்னெற்றம் ஏற்பட்டுள்ளது. ஆனால், போதியளவுக்கு முன்னெற்றம் ஏற்படவில்லை.

அரசாங்கங்கள், உண்மை நிலைமைகளை சிங்கள மக்களுக்கு விளக்க வேண்டும். தமிழ் மக்களுக்கு ஏற்பட்டிருக்கின்ற அநீதிகளை இழைக்கப்பட்ட அநியாயங்களை சிங்கள மக்கள் மத்தியில் அவர்கள் தெளிவாக கூறவேண்டும். அவ்வாறு கூறி தமிழ் மக்களுக்கு நியாயம், நீதி வழங்க வேண்டியது எங்டகளுடைய கடமை. அந்தக் கடமையில் இருந்து நாங்கள் தவற முடியாது என்பதையும், சிங்கள மக்களுக்கு அரசாங்கம் தெரிவிக்க வேண்டும்.

காத்மாண்டு திரிபுவன் சர்வதேச விமான நிலையத்தில் தரையிறங்கிய வங்காளதேச விமானம் மோதி விபத்தில் சிக்கியது.

டாக்காவில் இருந்து விமான பணியாளர்கள் உள்பட 71 பேருடன் புறப்பட்ட யுஎஸ் பெங்கலா விமானம் 2:20 மணியளவில் காத்மாண்டு சென்றது. விமானம் அங்கு தரையிறங்கிய போது ஓடுபாதையில் இருந்து விலகி சென்று விமானம் அருகே இருந்த கால் பந்து மைதானத்திற்குள் புகுந்து தீ பிடித்து எரிந்தது. விபத்து நேரிட்டதும் மீட்பு பணிகள் துரிதமாக தொடங்கப்பட்டது.

விபத்து தொடர்பாக விமான நிலைய செய்தித் தொடர்பாளர் பிரேந்திரா பிரசாத் பேசுகையில், “நாங்கள் விமானத்தில் ஏற்பட்ட தீயை அணைக்க முயற்சி செய்து வருகிறோம், விரைவில் விரிவான தகவல்களை தெரிவிப்போம்,” என கூறிஉள்ளார். விமானம் தரையிறங்கிய போது நிலைத்தடுமாறியதாகவும் தெரிவிக்கப்பட்டது. மோசமான வானிலை காரணமாகவே விமானம் விபத்துக்குள் சிக்கியது எனவும் தெரிவிக்கப்பட்டது. விபத்து நேரிட்ட பகுதியில் இருந்து 17 பேர் காயங்களுடன் மீட்கப்பட்டு உள்ளனர், அவர்கள் சிகிச்சைக்கு அழைத்து செல்லப்படுகிறார்கள் என முதல்கட்ட தகவல்கள் வெளியாகியது.
விமானம் விபத்துக்குள் சிக்கியதை அடுத்து விமான நிலையம் மூடப்பட்டது, விமான சேவை தடைப்பட்டது. மீட்பு பணியில் நேபாள ராணுவம் இறங்கியது. விமானத்தில் எரிந்துக்கொண்டு இருந்த தீயை ராணுவ வீரர்கள் விரைவாக அணைத்தனர், விமானத்தை குளிர்விக்கும் பணியும் நடைபெற்றது. இதனையடுத்து விமானத்திற்குள் இருந்தவர்கள் நிலை என்னவென்று பார்க்கப்பட்டது. அப்போது அங்கிருந்த செய்தியாளர்கள் விமானத்தில் இருந்து மீட்பு குழுவினர் மிகவும் மோசமாக எரிந்த நிலையில் உடல்களை மீட்டு உள்ளனர் என செய்தி தெரிவித்தனர்.  

 விமானத்தில் ஏற்பட்ட தீ அணைக்கப்பட்டாலும் உயிரிழப்பு இருக்கும் என அஞ்சப்படுகிறது என தெரிவிக்கப்பட்டது. விமானத்தில் இருந்து மிகவும் மோசமான நிலையில் எரிந்த உடல்களை மீட்பு குழுவினர் மீட்டதை பார்த்ததாக ராய்டர்ஸ் செய்தி நிறுவன செய்தியாளர் தெரிவித்து உள்ளார். 

50 பேர் உயிரிழப்பு

இந்நிலையில் விமானம் விபத்தில் சிக்கியதில் 38 பேர் உயிரிழந்தனர் என நேபாள போலீஸ் அதிகாரிகள் தெரிவித்து உள்ளனர். 23 பேர் காயம் அடைந்து மருத்துவமனைகளில் சிகிச்சை பெற்று வருகிறார்கள். 10 பேரது நிலை என்னவென்று இதுவரையில் தெரியவில்லை என போலீஸ் அதிகாரி தெரிவித்து உள்ளதாக ஏபி செய்தி நிறுவனம் செய்தி வெளியிட்டு உள்ளது. இதற்கிடையே 50 பேர் உயிரிழந்தனர் எனவும் தகவல்கள் வெளியாகி உள்ளது. சம்பவ இடத்தில் தொடர்ந்து தேடுதல் பணிகள் நடைபெற்று வருகிறது. 50 பேர் உயிரிழந்தனர் என ராணுவ செய்தித் தொடர்பாளர் குறிப்பிட்டு உள்ளதாக ராய்டர்ஸ் செய்தி வெளியிட்டு உள்ளது.

மாத்தளை, அம்பதென்ன பகுதியில் வன்முறை சம்பவங்கள் வெடித்துள்ளதாக தகவல்கள் வெளியாகி உள்ளன.

அந்தப் பகுதிகளிலுள்ள கடைகள் உடைக்கப்பட்டு தாக்குதல் மேற்கொள்ளப்பட்டுள்ளதாக தெரிய வருகிறது.

கடைகளில் வேலை செய்தவர்கள் மீதும் தாக்குதல் மேற்கொள்ளப்பட்டுள்ளது. இந்த அனர்த்தம் காரணமாக சிலர் காயமடைந்துள்ளனர்.

கடந்த சில நாட்களாக கண்டி நிர்வாக எல்லைக்குட்பட்ட சில பகுதிகளில் இனவாத மோதல்கள் ஏற்பட்டுள்ள நிலையில், தற்போது மாத்தளை வரை அது தீவிரமடைந்துள்ளது.

அந்தப் பகுதியில் பதற்ற நிலை ஏற்பட்டுள்ளது. இதன் காரணமாக பாடசாலைகளை மூடுமாறு அறிவிக்கப்பட்டுள்ளதாக சிங்கள ஊடகம் ஒன்று தகவல் வெளியிட்டுள்ளது.

இந்தோனேசியாவில் சிறுவன் ஒருவன்  கடந்த இரண்டு ஆண்டுகளாக 20 முட்டை போட்டுள்ள சம்பவம் மருத்துவர்களிடையே ஆச்சரியத்தை ஏற்படுத்தியுள்ளது.
இந்தோனேசியாவின் குவாபகுதியைச் சேர்ந்தவர் அக்மல்  14 வயதுடைய இவர் கடந்த 2016-ஆம் ஆண்டு முதல் முட்டையிட்டு வருவதாக பெற்றோர்கள் கூறிவருகின்றனர். இது குறித்து அக்மலின்  தந்தை கூறுகையில், அக்மல் கடந்த இரண்டு ஆண்டுகளாக தொடர்ந்து முட்டையிட்டு வருகிறான், இதுகுறித்து நாங்கள் பலமுறை மருத்துவமனைக்கு சென்றுள்ளோம். 

தற்போது கூட மருத்துவமனைக்கு வந்த பின் அவன் இரண்டு முட்டைகள் போட்டான். கடந்த இரண்டு ஆண்டுகளில் 20 முட்டையிட்டிருக்கிறான், அதை நான் உடைத்து பார்த்த போது மஞ்சள் நிறத்தில் இருப்பதாக கூறினார், மாணவன் தொடர்பான  எக்ஸ்-ரே புகைப்படங்களையும் வெளியிட்டுள்ளார்.

ஆனால் மருத்துவர்களோ இது நிச்சயமாக இருக்க முடியாது, மனிதன் உடலில் முட்டை இருப்பதற்கு வாய்ப்பே இல்லை, மருத்துவமனையில் முட்டை போட்டதாக கூறுகின்றனர். நாங்கள் அதை நேரடியாக பார்க்கவே இல்லை என்று கூறுகின்றனர். மேலும் மருத்துவர்கள் மாணவனை முழுமையாக பரிசோதித்து வருவதாக அங்கிருக்கும் தனியார் மருத்துவமனை  நிர்வாகம் தெரிவித்துள்ளது.

இந்த அரசின் பிரதமராக நானே தொடர்ந்தும் இருப்பேன். இதில் எந்தவித மாற்றமும் கிடையாது. அரசியலமைப்புக்கு அமையவே நான் தொடர்ந்து செயற்படுவேன் என பிரதமர் ரணில் விக்கிரமசிங்க நேற்று தெரிவித்தார்.

இந்த நிலைப்பாடு உறுதியானதெனவும் இதில் யார் என்ன சொன்னாலும் அது குறித்து அலட்டிக்கொள்ளப் போவதில்லையெனவும் பிரதமர் சுட்டிக்காட்டினார்.

அலரிமாளிகையில் நேற்று வெள்ளிக்கிழமை மாலை இடம்பெற்ற ஊடகப் பிரதானிகளுடனான சந்திப்பின் போதே பிரதமர் ரணில் விக்கிரமசிங்க தனது நிலைப்பாட்டை அறிவித்தார். உள்ளூராட்சித் தேர்தல் முடிவுகள் வெளியானதன் பின்னர் முதற்தடவையாக நேற்று மாலை அனைத்து ஊடகப் பிரதானிகளையும் அலரிமாளிகையில் சந்தித்தார்.

உள்ளூராட்சித் தேர்தல் முடிவுகளின் பின்னர் கடந்த பத்து நாட்களாக நாட்டில் இடம்பெற்ற அரசியல் கொந்தளிப்பு காரணமாக அரசாங்கத்தின் இருப்பு குறித்து எதிரும் புதிருமான தகவல்கள் மேலோங்கி வந்த நிலையில் நேற்று மாலை பிரதமர் ஊடகங்கள் முன்பாக தோன்றி தனது நிலைப்பாடு குறித்து தெளிவுபடுத்தினார்.

அரசியலமைப்புக்கு முரணாக நான் ஒருபோதும் செயற்படப் போவதில்லை. எனது இந்த நிலைப்பாடு உறுதியானது. அரசியலமைப்புக்கமைய நாட்டின் பிரதமராக நானே தொடர்ந்து பதவி வகிக்கின்றேன்.  இன்றைய நிலையில் நான் பிரதமர் பதவியிலிருந்து விலக வேண்டுமானால் இரண்டு வழிகளே உண்டு. முதலாவது எனக்கெதிராக பாராளுமன்றத்தில் நம்பிக்கையில்லாத் தீர்மானம் கொண்டுவரப்பட்டு என்னை தோற்கடிக்க வேண்டும். அடுத்தது அரசின் வரவு - செலவுத் திட்டம் தோற்கடிக்கப்பட வேண்டும். இத்தருணத்தில்தான் நானும், அரசாங்கமும் பதவி துறக்க வேண்டியேற்படும். இந்த இரண்டும் நடக்காத ஒரு நிலையில் இந்த அரசின் பிரதமராக நானே தொடர்ந்து பதவிவகிப்பேன்.

உள்ளூராட்சித் தேர்தல் முடிவுகள் வெளியானதன் பின்னர் ஆளும் தரப்பில் உள்ள இரண்டு பிரதான கட்சிகளும் பெரும் பின்னடைவைக் கண்டன.

மக்கள் அதிருப்தியடைந்து எமக்கு ஒரு செய்தியை வழங்கியுள்ளனர். அந்தச் செய்தியில் சில நியாயங்கள் இருக்கவே செய்கின்றன. அவற்றை சீர்செய்து கொண்டு சில முடிவுகளை எடுக்க வேண்டிய நிலைக்கு நாம் தள்ளப்பட்டிருக்கின்றோம். இந்த நிலை எமது நாட்டில் மட்டுமல்ல இந்தியா, அமெரிக்கா, பிரிட்டிஷ் உட்பட உலக நாடுகள் பலவற்றிலும் நடந்துள்ளன. நடந்துகொண்டுமிருக்கின்றன.

உள்ளூராட்சித் தேர்தலில் மக்கள் வழங்கிய தீர்ப்பை நாம் ஏற்றுக்கொள்கின்றோம். தேர்தல் முடிவுகள் எமக்கு பின்னடைவை ஏற்படுத்தியிருக்கின்றன. இதற்கான காரணங்களில் மிக முக்கியமானதாக பொருளாதார வீழ்ச்சியும் ஒன்றாகும். 2017ல் நாம் எதிர்பார்த்த பொருளாதார வளர்ச்சியை எட்டமுடியாமல் போனது. வரட்சியும், கடும் மழை வெள்ளமும் பொருளாதார வளர்ச்சிக்குத் தடையாக அமைந்தன. விவசாயம் வீழ்ச்சிகண்டது. உணவு உற்பத்தியில் பெரும் பாதிப்பு ஏற்பட்டது. இதனால் உணவுத்தட்டுப்பாடு ஏற்பட்டது.

கடந்த அக்டோபர், நவம்பர், டிசம்பர் மாதங்களில் பொருட்களின் விலை வாசிகள் அதிகரித்தன. பொருளாதார வளர்ச்சி தற்போது சீரடையத் தொடங்கியுள்ளது. தேங்காய் விலை அதிகரிப்பு மட்டும் இன்னமும் அப்படியே காணப்படுகின்றது. முழு நாட்டையும் இது பாதித்தது. இதன் பின்விளைவாகவே மக்கள் உள்ளூராட்சித் தேர்தலில் எமக்கு எதிராக வாக்களித்து ஒரு எச்சரிக்கைச் செய்தியை தந்தனர்.

2015 ஜனவரி 8ல் நாம் நாட்டு மக்களுக்கு அளித்த வாக்குறுதிகளை மறந்து செயற்படவில்லை. சிலவற்றை நிறைவேற்றி இருக்கின்றோம். இன்னும் சிலவற்றுக்கு அடித்தளமிட்டுள்ளோம். மேலும் சிலவற்றை கவனத்திலெடுக்க வேண்டியுள்ளது. இதற்குப் புதிய வழிகளை தேடவேண்டியுள்ளது. இத்திட்டத்தை வெற்றிகொள்வதற்கு புதிய வியூகம் அமைத்துச் செயற்பட வேண்டும்.

உள்ளூராட்சித் தேர்தல் பின்னடைவுக்குப் பின்னர் பல தடவைகள் ஜனாதிபதியுடன் கலந்துரையாடியுள்ளேன். மாற்றுத் திட்டங்கள் குறித்தும் ஆராய்ந்துள்ளோம்.

முக்கியமான ஒரு விடயத்தை இங்கு குறிப்பிட விரும்புகின்றேன். உள்ளுராட்சித் தேர்தல் நாட்டின் ஆட்சி மாற்றத்திற்கான தேர்தல் அல்ல. கிராமங்களின், பிரதேசங்களின் அபிவிருத்திப் பணிகளை முன்னெடுப்பதற்காக கிராமத்திலிருந்தே உறுப்பினரக்ளைத் தேர்ந்தெடுத்து அவர்களுக்கு அதிகாரங்களை கையளிக்கும் ஒரு திட்டமாகும். இந்தத் தேர்தல் முடிவை வைத்து ஆட்சி மாற்றத்தை எதிர்பார்க்க முடியாது எனவும் பிரதமர் ரணில் விக்கிரமசிங்க தெரிவித்தார். இந்த விடயத்துடன் தொடர்புபட்ட சில கேள்விகளை ஊடகத் தரப்பினர் எழுப்பியபோது பிரதமர் பதிலளித்தார்.

கேள்வி : பிரதமராக நீங்களே தொடர்வது உறுதியாகிவிட்டது. அமைச்சரவை மாற்றம் குறித்து உங்களது நிலைப்பாடு என்ன?

பதில் : அமைச்சரவை மாறுவதில் எந்தவித பிரச்சினையும் கிடையாது. அமைச்சரவையில் சில மாற்றங்களைச் செய்ய விரும்புவதாக ஜனாதிபதி தெரிவித்திருக்கிறார். அது குறித்து நாம் ஆராய்ந்துவருகின்றோம். அடுத்த வாரமளவில் அது இடம்பெறலாம். அதனை முரண்பாடுகளின்றித் தீர்த்துக்கொள்ள முடியும் என்ற நம்பிக்கை எமக்கு இருக்கின்றது.

கேள்வி : தேசிய அரசாங்கம் பிரச்சினைகளின்றி தொடருமா?

பதில் : எம்மால் உருவாக்கப்பட்ட இந்தத் தேசிய அரசு வித்தியாசமானதாகும். பிரதான இரண்டு பெரிய கட்சிகளும் மற்றும் சில சிறிய சிறுபான்மைக் கட்சிகளையும் இணைத்துக்கொண்டே இந்த தேசிய அரசு அமைக்கப்பட்டுள்ளது. தனிக்கட்சி அரசு சுயமாக தீர்மானம் எடுத்துச் செயற்பட முடியும். ஆனால் தேசிய அரசு அப்படி செயற்படுவது கடினமானதாகும். பிரச்சினைகள், சவால்களை எதிர்கொண்டே ஆக வேண்டியுள்ளது.

இந்தச் சவால்களை எதிர்கொண்டு வெற்றிபெற முடியும் என்ற நம்பிக்கை எனக்கு இன்னமும் உண்டு. எமது பயணத்திசை சரியாக அமையுமானால் நிச்சயம் வெற்றி இலக்கை எட்டமுடியும். பிரச்சினைகள். சவால்களைக்கண்டு தான் பயப்படவில்லை.

கேள்வி : உங்களின் அடுத்த திட்டம் எவ்வாறானதாக இருக்கப் போகிறது?

பதில் : அடுத்த இரண்டு வருட காலத்துக்குள் மக்களின் எதிர்பார்ப்புகளை நிறைவேற்றுவதற்கே முன்னுரிமை கொடுக்கப்படும். அதேசமயம் பொருளாதார வளர்ச்சியிலும் அபிவிருத்தி பணிகளிலும் கூடுதல் கவனம் செலுத்தப்படும். சர்வதேசத்தின் நம்பிக்கையை வென்றெடுத்தே இதனைச் சாதிக்க வேண்டியுள்ளது.

கேள்வி : சுதந்திரக் கட்சியும், ஐக்கிய மக்கள் சுதந்திர முன்னணியும் புதிய அரசை அமைக்க ஜனாதிபதியிடம் கோரியுள்ளார்களே?

பதில் : அது எனக்குரிய பிரச்சினையல்ல முடிந்தால் அமைத்துக்கொள்ளட்டும். நான் அரசியலமைப்புக்கு முரண்படாமல் தொடர்ந்து செயற்படுவேன்.

யாரும் எதனையும் பேசலாம். பேசுவதெல்லாம் நடக்கும் என எதிர்பார்க்க முடியுமா? மொட்டுக் கட்சித் தரப்பினருடனும் ஜனாதிபதி பேசி இருக்கிறார். அதனை எம்மால் தடுக்க முடியாது. ஜனாதிபதி எவருடனும் பேச முடியும் அதனை தவறெனக்கூற முடியாது.

கேள்வி : முன்னாள் ஜனாதிபதி மகிந்த ராஜபக்ஷவை நீங்கள் சந்தித்ததாகவும், பிரதமர் பதவியை விட்டுக்கொடுக்க வேண்டாமென அவர் கூறியதாகவும் செய்திகள் வெளிவந்திருக்கின்றனவே?

பதில் : மகிந்த ராஜபக்ஷவை கடந்த திங்கட்கிழமை பாராளுமன்றத்தில் சந்தித்தேன். அதன்போது பிரதமர் பதவியில் தொடர்ந்து இருப்பீர்களா? எனக்கேட்டார் அதற்கு நான் அரசியலமைப்பின் பிரகாரம் செயற்படுவேன். தொடர்ந்தும் நான் பிரதமராக பதவி வகிப்பேன் எனப் பதிலளித்தேன். அதனை அவரும் வரவேற்றார்.

கேள்வி : ஜனாதிபதியுடனான இறுதிச் சந்திப்பு எவ்வாறாக அமைந்தது?

பதில் : தேசிய அரசாங்கத்தை தொடர்ந்து முன்னெடுப்பது என தீர்மானிக்கப்பட்டுள்ளது. குறைபாடுகளை நிவர்த்தி செய்து கொண்டு பயணிப்பதற்கு இணக்கம் கண்டுள்ளோம். 


சிவனுக்குரிய விரதங்களாக மாத சிவராத்திரி, நித்ய சிவராத்திரி, யோக சிவராத்திரி, மகா சிவராத்திரி என்று வருடம் முழுவதும் பல சிவராத்திரிகள் வந்தாலும் மகா சிவராத்திரி விரதம் எல்லா சிவராத்திரிகளிலும் சிறப்பானது என புராணங்கள் கூறுகின்றன.


மாசி மாதம் வரும் தேய்பிறை சதுர்த்தசி நாளையே `மகா சிவராத்திரியாகப் போற்றிக் கொண்டாடுகிறோம். 'ராத்திரி' என்ற சொல்லுக்கு அனைத்தும் செயலற்று ஒடுங்குதல் என்று பொருள். அதாவது, உயிர்கள் செயலற்று ஈசன் நினைவாக ஒடுங்கும் காலமே சிவராத்திரி.

ஆகவே, இந்த புண்ணிய காலத்தில் சிவனின் திருநாமம் சொல்லி, நான்கு கால பூஜைகள் செய்து வழிபடுவது விசேஷம்.

இந்நாளின் மூன்றாம் காலத்தில் ஈசனை வழிபட்டால் எத்தகையப் பாவங்கள் செய்திருந்தாலும் அது நம்மை விட்டுவிலகிப் போகும். இதனால், இந்த ஜென்மம் மட்டுமல்லாது மறுஜென்மத்திலும் நிறைவான வாழ்வையும் பெற முடியும் அந்த அளவிற்கு மகத்துவம் மிக்க நாள் அது.


மகா சிவராத்திரிக்கு கண் விழித்து சிவனை வழிபடுவது ஏன் தெரியுமா?

சிவ ராத்திரி விரதம் இருப்பதால் தெரியாமல் செய்த பாவங்களுடன், தெரிந்தே பாவங்கள் செய்திருந்தாலும் அவை நம்மை விட்டு நீங்கிப் போகும். யார் வேண்டுமானாலும் சிவராத்திரி விரதத்தை மேற்கொள்ளலாம். மகாசிவராத்திரி நாளில் இரவெல்லாம் கண் விழித்து சிவபெருமானை வழிபட வேண்டும். இதனால் இறைவன் அருள் கிடைப்பதோடு நினைத்த காரியம் நடக்கும் என்பது முன்னோர்கள் வாக்கு. மகா சிவராத்திரி அன்றுதான் அன்னை உமாதேவி சிவபெருமானை பூஜித்து வழிபட்டாள். அதனால், நாமும் அந்த தினத்தில் பூஜை செய்து சிவபெருமானை வழிபடுவது சிறந்த பலனைத்தரும். ஒரு வருடம் சிவராத்திரி விரதம் இருப்பது என்பது நூறு அசுவமேத யாகம் செய்த பலனும், பல தடவை கங்கா ஸ்நானம் செய்த பலனும் கிடைக்கும் என்பது நம்பிக்கை.

மகா சிவ ராத்திரி விரதம் மேற்கொள்பவர்கள் கோபத்தைக் கட்டுப்படுத்துவதுடன், பிரம்மச்சரியத்தைக் கடைபிடிக்க வேண்டும். சிந்தையில் அமைதியுடன் சிவ புராணத்தை பாடிக் கொண்டிருக்க வேண்டும். பற்றற்று இருப்பதுடன் பேராசைகளைக் கைவிட்டு பிறருக்குத் தீங்கிழைக்காமல் இருத்தல் வேண்டும்.



உள்ளூராட்சித் தேர்தலில் அஞ்சல் மூலம் வாக்களிக்க விண்ணப்பித்து விட்டு வாக்களிக்காதவர்களிடம், அதற்கான செலவுத் தொகையை அறவீடு செய்வது குறித்து சிறிலங்கா தேர்தல்கள் ஆணைக்குழு ஆலோசனை நடத்தி வருகிறது.

கொழும்பில் இதுகுறித்து செய்தியாளர்களிடம் பேசிய தேர்தல்கள் ஆணைக்குழுவின் தலைவர் மகிந்த தேசப்பிரிய,

“எமது மதிப்பீடுகளின் படி, அஞ்சல் மூலம் வாக்களிக்க விண்ணப்பித்து அதற்கு தகைமை பெற்ற 4000  வாக்காளர்கள் இன்னமும் வாக்களிக்கவில்லை.

இவர்களில், 1500 தொடக்கம் 2000 பேர் வரையில், நேற்றும் இன்றும் வாக்களிக்க அளிக்கப்பட்டுள்ள சந்தர்ப்பத்தைப் பயன்படுத்தி, வாக்குகளை அளிப்பார்கள் என்று நம்புகிறோம்.

பெரும்பாலும், ஆயுதப்படைகளைச் சேர்ந்தவர்கள் தமது வாக்குகளை அளித்திருக்கிறார்கள். வாக்களிக்காமல் இருப்பவர்கள், தற்போது வெளிநாட்டில் இருக்கலாம். மருத்துவமனையில் அனுமதிக்கப்பட்டிருக்கலாம்.

ஒவ்வொரு அஞ்சல் வாக்குகளுக்கும், அரசாங்கத்துக்கு 750 ரூபா வரை செலவாகிறது.  எனவே அரச பணியாளர்கள் பொறுப்புடனும், முன்னுரிமை கொடுத்தும் வாக்களிக்க வேண்டும்.

அவர்கள் வாக்களிக்காவிட்டால், அதற்கு ஏற்படும் செலவை அறவிடுவதற்கான ஏற்பாடுகள் இருக்க வேண்டும்.

எனவே, வாக்களிக்காத அரச பணியாளர்களிடம் விளக்கம் கோர தேர்தல் ஆணைக்குழு முடிவு செய்துள்ளது.

அஞ்சல் வாக்குகள் ஏற்கனவே எண்ணி முடிக்கப்பட்டு விட்டதாக பரப்பப்படும் வதந்திகளில் உண்மையில்லை. அஞ்சல் வாக்குகள் எம்மிடம் பத்திரமாக உள்ளன.

பெப்ரவரி 10ஆம் நாள் மாலை 4 மணிக்குப் பின்னர் தான் அவை எண்ணப்படும்” என்றும் அவர் தெரிவித்துள்ளார்.

யாழ்பாணத்தில் உலக தமிழ் பண்பாட்டு இயக்கம் இலங்கை நடத்தும் கலை இலக்கிய பண்பாட்டுப் பெருவிழா இன்று (சனிக்கிழமை) நடைபெற்றது.

உலக தமிழ் பண்பாட்டு இயக்கம்  இலங்கை சார்பில் கலை இலக்கிய பண்பாட்டுப் பெருவிழா, உலகத் தமிழ் பண்பாட்டு இயக்கத்தின் தலைவர் கு.சண்முகம் தலைமையில் நடைபெற்றது.
இதில் சிறப்பு விருந்தினராக வடக்கு மாகாண முதல்வர் சி.வி.விக்னேஸ்வரன் மற்றும் வடமாகாண ஆளுநர் ரெஜினோல்ட் குரே ஆகியோர் கலந்துகொண்டனர்.

சிறப்பு விருந்தினராக தமிழகத்தின் மூத்த சட்டத்தரணியும் இந்திய உலக தமிழ் பண்பாடு இயக்கத்தின் தலைவருமான இரா.காந்தி அவர்கள் கலந்து சிறப்பித்தார்.

தவத்திரு தனிநாயகம் அடிகளார் அவர்களால் 1962 ம் ஆண்டில் ஆரம்பிக்கப்பட்ட உலகத் தமிழ் பண்பாட்டு இயக்கம்.

1974ம் ஆண்டில் யாழ்ப்பாணத்தில் உலகத்தமிழர் மகா நாடு நடைபெற்ற வேளையில் முதல் முதலாக இலங்கையில் அங்குரார்ப்பணம் செய்து வைக்கப்பட்டது. அந்த நிகழ்வை நினைவுகூரும் நோக்காகவே கலை இலக்கிய பண்பாட்டு பெருவிழா  நிகழ்வுகள் இம்முறை யாழ்ப்பாணத்தில் இடம்பெற்றது.

இந்த நிகழ்வில் கலந்து கொள்வதற்கு இந்தியாவில் இருந்து சுமார் 67 துறைசார் விற்பன்னர்களும் மலேசியாவிலிருந்து 30 பேரும், அமெரிக்கா தென் ஆபிரிக்கா போன்ற நாடுகளில் இருந்தும் பல தமிழ் அறிஞர்கள் வருகைதந்திருந்தனர்.

கலை இலக்கிய பண்பாட்டுப் பெருவிழாவின் ஆரம்ப நிகழ்வில் தமிழர்களின் பண்பாட்டினை பறைசாற்றும் ஊர்திகளின் ஊர்வலும் இடம்பெற்றது.

இதில் தமிழ் மக்களின் கலை இலக்கிய பண்பாட்டு அம்சங்களை பிரதிபலிக்கும் விஷயங்கள் காட்சி படுத்தப்பட்டது குறிப்பிடத்தக்கது.
நாட்டு மக்களின் பணத்தை திருடிய எவருக்கும் மக்கள் மன்னிப்பு வழங்கக் கூடாது என்றும் அத்தகையவர்களுக்கு மன்னிப்பு வழங்க தானும் தயாரில்லை ஜனாதிபதி மைத்ரிபால சிறிசேன இதனைத் தெரிவித்தார்.

இனம், சமயம், நிறம் என்ற பேதமின்றி இந்த நாட்டின் அனைத்து மக்களும் இணைந்து தன்னை ஜனாதிபதியாக தெரிவுசெய்தது ஜனநாயக சமூகமொன்றையும் தூய அரசியல் இயக்கமொன்றையும் எதிர்பார்த்தேயாகும் எனக்குறிப்பிட்ட ஜனாதிபதி, தான் எப்போதும் மக்களுடன் செயற்பட்டு அந்த சவாலை வெற்றிகொள்வதாக தெரிவித்தார்.

இன்று பிற்பகல் மட்டக்களப்பு பிரதேசத்தில் இடம்பெற்ற மக்கள் சந்திப்பொன்றில் கலந்துகொண்டு உரையாற்றும்போதே ஜனாதிபதி மைத்ரிபால சிறிசேன இதனைத் தெரிவித்தார்.

இனம், சமயம் என்ற பேதங்களின்றி நாட்டின் அனைத்து இனங்களினதும் உரிமைகளுக்காகவும் தான் முன்னிற்பதாக ஜனாதிபதி தெரிவித்தார்.

அபிவிருத்தியில் பின்தங்கிய மட்டக்களப்பு மாவட்டத்தில் அபிவிருத்தியை துரிதப்படுத்தி மக்கள் பிரச்சினைகளை தீர்ப்பதற்காக தன்னுடன் செயற்படும் புதிய அமைப்பொன்றை மாவட்டத்தில் தாபிப்பதாக குறிப்பிட்ட ஜனாதிபதி, அந்த நிகழ்ச்சித்திட்டத்தை வெற்றிபெறச்செய்வதற்கு இம்முறை உள்ளுராட்சி மன்றத் தேர்தலில் ஸ்ரீ லங்கா சுதந்திரக் கட்சியை வெற்றிபெறச் செய்யவேண்டும் என்று தெரிவித்தார்.

நாட்டை முன்கொண்டுசெல்வதற்கும் தூய அரசியல் இயக்கத்திற்காகவும் இனம், சமயம் என்ற பேதங்களின்றி ஸ்ரீலங்கா சுதந்திரக் கட்சியுடன் கைகோர்த்துக்கொள்ளுமாறு மக்களுக்கு அழைப்பு விடுத்த ஜனாதிபதி, நாட்டு மக்களின் பணத்தை திருடிய எவருக்கும் மக்கள் மன்னிப்பு வழங்கக் கூடாது என்றும் அத்தகையவர்களுக்கு மன்னிப்பு வழங்க தானும் தயாரில்லை என்றும் குறிப்பிட்டார்.

விளையாட்டரங்கில் நிரம்பியிருந்த மக்கள் இதன்போது ஜனாதிபதி அவர்களுக்கு பெரும் ஆரவாரத்துடன் மகிழ்ச்சி தெரிவித்தனர்.

ஸ்ரீ லங்கா சுதந்திரக் கட்சியின் மட்டக்களப்பு மாவட்ட அமைப்பாளர் ஜீ.ஹரிதரன்கிரியினால் ஏற்பாடு செய்யப்பட்டிருந்த இந்த மக்கள் சந்திப்பில் ஸ்ரீ லங்கா மக்கள் தேசியக் கட்சியின் தலைமை செயலாளர் விஷ்னு காந்தன், மட்டக்களப்பு பட்டிருப்பு, கல்குடா ஸ்ரீ லங்கா சுதந்திரக் கட்சி தொகுதி அமைப்பாளர்கள் உள்ளிட்ட ஸ்ரீ லங்கா சுதந்திரக் கட்சியின் செயற்பாட்டாளர்கள் பலர் கலந்துகொண்டனர்.

தமிழ் மக்கள் விடுதலைப் புலிகள் கட்சியின் முன்னாள் பொருளாளர் ஏராவூர்பற்று

பிரதேச சபையின் முன்னாள் உப தலைவர் தம்பிநாயகம் கலேந்திரன் ஜனாதிபதிக்கு ஆதரவு தெரிவித்து ஸ்ரீ லங்கா சுதந்திரக் கட்சியில் இணைந்துகொண்டார்.