WELCOME TO PANNAGAM.COM & PTV

பண்ணாகம் இணையம்

NEWS 11

தைப்பிறப்புடன் தமிழர் வாழ்வும் விடியட்டும் என வட மாகாண மகளிர் விவகார அமைச்சர் அனந்தி சசிதரன் தெரிவித்துள்ளார். மலர்ந்துள்ள தமிழர் திருநாளாம் தைத்திருநாளை முன்னிட்டு அவர் விடுத்துள்ள வாழ்த்துச் செய்தியிலேயே இவ்வாறு குறிப்பிடப்பட்டுள்ளது.

குறித்த வாழ்த்துச் செய்தியில், ஆண்டாண்டு காலமாய் தொடர்ந்து இருந்துவரும், தை பிறந்தால் வழி பிறக்கும் என்ற நம்பிக்கை வாசகத்தின் வழியே, 2018 தைப்பிறப்புடன் தமிழர் வாழ்வும் விடிய வேண்டும் என்ற உன்னத இலட்சியத்தை உலகத் தமிழர் உள்ளமெங்கும் விதைத்து தமிழ்ப் புத்தாண்டை வருக வருக என வரவேற்பதோடு அனைவருக்கும் தைப் பொங்கல் நல் வாழ்த்துகளையும் தெரிவித்துக் கொள்வதில் பேருவகை கொள்கிறேன்.

விடைபெற்றுச் செல்லும் ஆண்டோடு தமிழர்களாகிய நாம் அனுபவித்து வரும் துன்பங்கள், துயரங்கள், இன்னல்கள், இழப்புகள், ஏமாற்றங்கள் என யாவும் எம்மை விட்டகன்று, புலர்கின்ற புதிய ஆண்டில், சுதந்திரமான, சுபீட்சமான நல்வாழ்வு மலரட்டும் என்ற எதிர்ப்பார்ப்புடனும் நற்சிந்தனையுடனும் அடியெடுத்து வைப்போம்.

“விடுதலை என்ற இலட்சியத்தை நாம் இலகுவாகத் தேர்ந்து எடுக்கவில்லை. வரலாறுதான் அதை எம்மிடம் கட்டாயமாகக் கையளித்தது.

சுதந்திரம் வேண்டுவதைத் தவிர வேறு எதையும் வரலாறு எமக்கு விட்டு வைக்கவில்லை” என்ற தேசியத் தலைவரின் சிந்தனை வழியே எமது மண்ணினதும், மக்களினதும், விடிவிற்காய் உலகத் தமிழர்கள் அனைவரும் ஒன்றுபட்டு சாத்வீகமான முறையில் தொடர்ந்தும் போராட்டத்தை முன்னெடுப்போம் என இன்றைய நாளில் உறுதியேற்போம் என குறிப்பிட்டுள்ளார்

இன்று அதிகாலை இடம்பெற்றுள்ளது. தம்புள்ளை பகுதியிலிருந்து யாழிற்கு மரக்கறி ஏற்றி சென்ற லொறி கட்டுப்பாட்டை இழந்து வீதி அருகில் காணப்பட்ட நீர் வடிகாண் கட்டமைப்பில் குடை சாய்ந்ததில் குறித்த விபத்து இடம்பெற்றுள்ளது.

பரந்தன் ஓசியர் கடை சந்தி பகுதியில் குறித்த விபத்து இடம்பெற்றுள்ளது. விபத்தில் சாரதி சிறு காயங்களுடன் தப்பிக்கொண்டதுடன் லொறி பாரிய சேதமடைந்துள்ளது.

விபத்து இடம்பெற்றமை தொடர்பிலான விசாரணைகளை கிளிநொச்சி பொலிசார் முன்னெடுத்து வருகின்றனர்.

திமுக தலைவர் கலைஞர் அவர்களை கோபாலபுரம் இல்லத்தில் இன்று (03-01-2017) சந்தித்த நடிகர் ரஜினிகாந்த் கலைஞர் மற்றும் தயாளு அம்மாளைச் சந்தித்து அவர்களது உடல்நலம் குறித்து நடிகர் ரஜினிகாந்த் விசாரித்தார்.

இந்தச் சந்திப்பு குறித்து ரஜினி பேட்டியளிக்கையில் ''என்னுடைய அரசியல் பிரவேசம் பற்றி கருணாநிதியை சந்தித்து ஆசி பெற்றேன்'' என்றார்.

திமுக செயல் தலைவர் ஸ்டாலின் இது குறித்து பத்திரிகையாளர்களிடம் பேசுகையில் '' தலைவர் கலைஞர் அவர்களை நேரில் சந்தித்து அவரது உடல்நலம் குறித்து விசாரிக்க நேரம் ஒதுக்க வேண்டும் என்று சூப்பர் ஸ்டார் திரு. ரஜினிகாந்த் அவர்கள் நேற்றைய தினம் என்னோடு தொலைபேசியில் தொடர்பு கொண்டு அனுமதி கேட்டார். ஏற்கனவே, நான்கைந்து மாதங்களுக்கு முன்பாக திரு. ரஜினிகாந்த் அவர்கள் தலைவர் கலைஞர் அவர்களை சந்தித்து உடல்நலம் விசாரித்தார். எனவே, இந்த சந்திப்பானது புதிதல்ல. ஆகவே, இதுவொரு அதிசயப்பட வேண்டிய, ஆச்சரியப்பட வேண்டிய ஒரு செய்தியல்ல.

எனவே, இங்கு வருகிறேன் என்று அவர் சொன்னதும், வருபவர்களை இன்முகத்தோடு வரவேற்பது தமிழர் பண்பாடு என்ற அடிப்படையில், அவரை நாங்கள் இன்முகத்தோடு வரவேற்றோம். அவரும் தலைவர் கலைஞர் அவர்களை சந்தித்து உடல்நலம் குறித்து விசாரித்தார். அதேபோல, என்னுடைய தாயார் தயாளு அம்மாள் அவர்களையும் சந்தித்து உடல்நலம் குறித்து விசாரித்தார்'' என்றார் .

கடந்து செல்க ஃபேஸ்புக் பதிவு இவரது BBC News தமிழ்

முடிவு ஃபேஸ்புக் பதிவின் இவரது BBC News தமிழ்

ரஜினிகாந்த் அரசியல் பிரவேசம் குறித்து ஆசி பெற்றதாக பேட்டியளித்தது குறித்து பத்திரிகையாளர்கள் ஸ்டாலினிடம் கேட்டனர்,

'' இதேபோல, நடிகர் விஜயகாந்த் அவர்கள் புதிய கட்சி தொடங்கியபோதும் தலைவர் கலைஞர் அவர்களை சந்தித்து வாழ்த்து பெற்றார். எனவே, அரசியல் பண்பாடு மற்றும் அரசியல் நாகரிகத்தின் அடிப்படையில் தலைவர் கலைஞர் அவர்களும் அவரை இன்முகத்தோடு வாழ்த்தி இருக்கலாம். அதையே நடிகர் ரஜினிகாந்த் அவர்களும் சொல்லியிருப்பதாக நான் கருதுகிறேன்'' என்றார்.

நடிகர் ரஜினிகாந்த் ஆசி மட்டும் கேட்கிறாரா அல்லது திமுகவின் ஆதரவையும் கேட்கிறாரா? என செய்தியாளர் ஒருவர் கேள்வி கேட்டதற்கு பதிலளித்த ஸ்டாலின் '' அப்படி அவர் கேட்பதானால், அதை ஏற்பதா இல்லையா என்பது தேர்தல் நேரத்தில் முடிவெடுக்கப்பட வேண்டிய ஒன்று. ஆனால், ஆன்மிக அரசியலை நடத்தப் போவதாக அவர் தெளிவாக சொல்லியிருக்கிறார். தமிழ்நாட்டில் உள்ள திராவிட இயக்கத்தை அழித்து விட வேண்டும் என்று சிலர் திட்டமிட்டு, பலருடைய தூண்டுதலால் திரு. ரஜினிகாந்த் அவர்கள் கட்சி தொடங்கியிருப்பதாக ஒரு சித்திரத்தை, ஒரு உருவகத்தை சிலர் உருவாக்கி வருகின்றனர். அவர்களுக்கு எல்லாம் நான் தெளிவாக சொல்லிக் கொள்வது, தமிழ்நாட்டின் மண் திராவிட இயக்கத்தின் மண். தந்தை பெரியார் அவர்கள், பேரறிஞர் பெருந்தகை அண்ணா அவர்கள், தலைவர் கலைஞர் அவர்கள் ஆகியோரால் பண்பட்டு இருக்கின்ற மண் இந்த மண். அப்படிப்பட்ட திராவிட இயக்கத்தை அழிப்பதற்கு யார் யாரோ இதற்கு முன் முயற்சித்துப் பார்த்து இருக்கிறார்கள். அவர்கள் அனைவரின் கதைகள் எல்லாம் நாட்டுக்கே நன்கு தெரியும்'' எனக் கூறினார்.

யாழில் பகலில் பணிப்பெண்ணாகவும் இரவில் கள்ளியாகவும் சந்தேகிக்கப்படும் பெண் ஒருவரை தாம் கைது செய்துள்ளதாக மானிப்பாய் பொலிஸ் நிலைய பொறுப்பதிகாரி நாலக்க ஜெயவீர தெரிவித்துள்ளார்.

மானிப்பாய், வட்டுக்கோட்டை மற்றும் யாழ்ப்பாணம் பொலிஸ் பிரிவுகளில் இடம்பெற்ற பல கொள்ளைச் சம்பவங்களுடன் தொடர்புபட்டதாகச் சந்தேகிக்கும் 55 வயதான பெண் ஒருவரையே நேற்று செவ்வாய்க்கிழமை கையும்-மெய்யுமாக பிடித்துள்ளதாக அவர் தெரிவித்துள்ளார்.

சங்கானைப் பகுதியைச் சேர்ந்த குறித்த பெண், சங்கானை – சேச் வீதிக் கொள்ளை, சண்டிலிப்பாய் திருட்டு, சுதுமலையில் மதகுரு வீட்டில் இடம்பெற்ற நகை, பணம் திருட்டு, வட்டுக்கோட்டை பகுதியில் உள்ள ஆசிரியர் வீட்டில் இடம்பெற்ற திருட்டு ஆகியவற்றுடன் தொடர்புபட்டிருப்பதாகவும் மேற்படி பொலிஸ் பொறுப்பதிகாரி தெரிவித்தார்.

குறிப்பாக வயதானோர் உள்ள வீடுகளுக்கு பணிப்பெண்ணாகச் செல்லும் இவர், அங்குள்ள நகைகள் மற்றும் பணம் தொடர்பில் திருடர்கள் மற்றும் கொள்ளையர்களுக்கு தகவல் வழங்குவதாகவும் பின்னர் திருடப்படும் நகை, பணத்தில் அவர்களுடன் பங்கு போட்டுக்கொள்வதாகவும் விசாரணையில் தெரியவந்துள்ளதாக பொலிஸார் கூறினர்.

இதேவேளை, கைது செய்யப்பட்ட குறித்த பெண்ணிடம் இருந்து 2 சங்கிலிகள், ஒரு மோதிரம் ஆகியன மீட்கப்பட்டுள்ளதாக பொலிஸார் கூறியதோடு மல்லாகம் நீதிமன்றின் உத்தரவிற்கமைய குற்றத்தடுப்புப் பிரிவினர் மேலதிக விசாரணைகளை மேற்கொள்ளவுள்ளதாக பொலிஸார் தெரிவித்ததோடு மக்களை இதுகுறித்து அவதானத்துடன் செயற்படுமாறும் எச்சரித்துள்ளனர்.

ere to edit text

வவுனியா கண்டி வீதியில் அமைந்துள்ள இலங்கை பண்ணை மற்றும் மீன்பிடி உற்பத்தி ஊக்குவிப்பாளர் கம்பனி நிதி மோசடியில் ஈடுபட்டுள்ளதாக தெரிவித்து இன்று காலை அந்த நிதி நிறுவனத்தின் அலுவலகத்தை பாதிக்கப்பட்ட வாடிக்கையாளர்கள் முற்றுகையிட்டனர்.

அந்த நிறுவனத்தில் உறுப்பினர் ஆகுவதற்கு ஆயிரம் ரூபா செலுத்தப்பட்டடது. 10 இலட்சம் ரூபா கடனை ஒரு சதவீத வட்டியடிப்படையில் பெற்றுக் கொள்ள வேண்டுமாகவிருந்தால் ஒரு இலட்சம் ரூபா பணம் வைப்பிடலிடவேண்டுமெனவும், 5 இலட்சம் ரூபா பணம் தேவைப்படின் 50 ஆயிரம் ரூபா பணம் வைப்பிலிடவேண்டுமென நிதி நிறுவன ஊழியர்கள் தெரிவித்தனர்.

இதனை நம்பி வாடிக்கையாளர்கள் பணத்தை வைப்பிட்டுள்ளனர். அதன் பின்னர் வாடிகளுக்கு அந்தத் தனியார் நிதி நிறுவனத்தால் காசோலைகள் வழங்கப்பட்டன.
அந்த காசோலைகளை வைப்பிட சென்ற சமயம் வங்கி கணக்கு முடக்கப்பட்டுள்ளதாக வங்கி ஊழியர்கள் தெரிவித்தாக பாதிக்கப்பட்ட வாடிக்கையாளர்கள் தெரிவித்தனர்.

இதனையடுத்து இன்று பாதிக்கப்பட்ட அனைத்து வாடிக்கையாளர்களும் குறித்த தனியார் நிதி நிறுவனத்தினை முற்றுகையிட்டனர்.

அதனையடுத்து சம்பவ இடத்திற்கு விரைந்த வவுனியா பொலிஸார் பாதிக்கப்பட்ட மக்களுடனும், நிதி நிறுவன ஊழியர்களுடனும் கலந்துரையாடினர்.

பாதிக்கப்பட்ட மக்களிடம் முறைப்பாட்டைப் பெற்றுக் கொண்ட பொலிஸார், நிதி நிறுவனத்தின் முகாமையாளருடன் தொலைபேசி மூலம் தொடர்பை ஏற்படுத்தி உடனடியாக பொலிஸ் நிலையத்திற்கு வருமாறு தெரிவித்தனர்.

தேயிலை உட்பட இலங்கையின் விளைபொருட்களை இறக்குமதி செய்வதற்கு ரஷ்யா தற்காலிகத் தடை விதித்துள்ளது. தடைக்குக் காரணம், ஒரு வண்டு!

ரஷ்யாவில் விற்கப்படும் தேயிலையில் 23 சதவீதமானவை இலங்கைத் தேயிலையே! இதன் மூலம் ஆண்டொன்றுக்கு நூற்றுக்கணக்கான மில்லியன் டொலர்களை இலங்கை வருமானமாகப் பெறுகிறது.

இந்த நிலையில், அண்மையில் அனுப்பப்பட்ட தேயிலைப் பொதியில் ஒரு சிறு வண்டு இருந்தது கண்டுபிடிக்கப்பட்டது.

இதையடுத்து, இலங்கைத் தேயிலையை இறக்குமதி செய்வதற்குத் தற்காலிகத் தடை விதித்து உத்தரவிட்டுள்ளது ரஷ்ய அரசு. இந்தத் தடை நாளை மறுதினம் 18ஆம் திகதி முதல் அமுலாகவுள்ளது.

உள்ளூராட்சித் தேர்தலில் போட்டியிடுவதற்கான ஆசனப்பங்கீட்டில் இணப்பாடு ஏற்படாத நிலையில், தமிழ்த் தேசியக் கூட்டமைப்புக்குள், ஏற்பட்ட குழப்ப நிலையை தீர்த்து வைக்கும் உயர்மட்ட முயற்சிகள் மேற்கொள்ளப்பட்டு வருவதாக தெரிவிக்கப்படுகிறது.

யாழ்ப்பாணத்தில் கூட்டமைப்பின் பங்காளிக் கட்சிகளுக்கிடையில் நடத்தப்பட்ட பேச்சுக்களில், இணக்கப்பாடு ஏற்படவில்லை.

யாழ்ப்பாண மாவட்டத்தில் புளொட் ஏற்கனவே கோரிய மூன்று உள்ளூராட்சி சபைகளுக்கு மேலதிகமாக ஒன்றையும், ரெலோ நெடுந்தீவுக்குப் பதிலாக கரவெட்டி பிரதேசசபையையும் கோரியதால் பிரச்சினைகள் ஏற்பட்டன.

பிளவுக்குக் காரணம்

எனினும், திருகோணமலை, யாழ்ப்பாணம் உள்ளிட்ட இடங்களில் தமிழ் அரசுக் கட்சியுடன் தாம் அதிகபட்ச விட்டுக்கொடுப்பை மேற்கொண்டதாகவும், முல்லைத்தீவு மற்றும் மட்டக்களப்பு மாவட்டங்களின் ஆசனப்பங்கீட்டிலேயே தமிழ் அரசுக் கட்சி விட்டுக்கொடுப்பற்ற கடும் போக்கை கடைப்பிடித்ததால், தாம் வெளியேறியதாகவும் ரெலோ செயலர் என்.சிறிகாந்தா தெரிவித்திருந்தார்.

அதேவேளை, தமிழ் அரசுக் கட்சிக்கு வெற்றிவாய்ப்பு அதிகம் உள்ள உள்ளூராட்சி சபைகளைக் குறிவைத்து, அவற்றைத் தமக்கு ஒதுக்குமாறு பங்காளிக் கட்சிகள் அழுத்தம் கொடுப்பதே பிரச்சினைக்குக் காரணம் என்றும், எனினும் கூட்டமைப்பின் ஒற்றுமைக்காக விட்டுக் கொடுப்புக்குத் தயாராக இருப்பதாக தமிழ் அரசுக் கட்சியின் தலைவர் மாவை சேனாதிராசா கூறியுள்ளார்.

நடுத்தெருவுக்கு வந்த ரெலோ 

தமிழ் அரசுக் கட்சியுடன் இணைந்து போட்டியிடுவதில்லை என்று ரெலோ முடிவெடுத்த ரெலோ ஈபிஆர்எல்எவ், தமிழர் விடுதலைக் கூட்டணி ஆகிய கட்சிகளுடன் பேச்சுக்களையும் நடத்தியிருந்தது.

எனினும், இந்த இரண்டு கட்சிகளும் இணைந்து உதயசூரியன் சின்னத்தில் அமைத்துள்ள கூட்டணியில் இணைந்து கொள்வதற்கு சாதகமான வகையில் இணக்கப்பாடு ஏற்படவில்லை.

இந்தநிலையில், அகில இலங்கை தமிழ் காங்கிரசுடன் ரெலோ நடத்தத் திட்டமிட்டிருந்த பேச்சுக்களும் கைகூடவில்லை.

இதையடுத்து, மீண்டும் தமிழ் அரசுக் கட்சியுடன் இணைந்து போட்டியிட வேண்டும், அல்லது தனித்துப் போட்டியிட வேண்டும் என்ற நிலைக்கு ரெலோ தள்ளப்பட்டுள்ளது.

சம்பந்தன் இணக்க முயற்சி

இதனிடையே, தமிழ் அரசுக் கட்சியுடனான கூட்டணியில் இருந்து விலகும் ரெலோவின் முடிவை அடுத்தும், கூட்டமைப்பின் மற்றொரு பங்காளிக் கட்சியான புளொட் அதிருப்தியடைந்துள்ளதை அடுத்தும், சமரச முயற்சிகள் தீவிரப்படுத்தப்பட்டுள்ளன.

இதன் ஒரு கட்டமாக கூட்டமைப்பின் தலைவர் இரா.சம்பந்தன் ரெலோ, புளொட் ஆகிய கட்சிகளின் தலைவர்களான செல்வம் அடைக்கலநாதன், தர்மலிங்கம் சித்தார்த்தன் ஆகியோருடன் பேச்சுக்களை நடத்தியுள்ளார்.

அத்துடன், நேற்றுமுன்தினம் மாலை செல்வம் அடைக்கலநாதன், கூட்டமைப்பின் பேச்சாளர் எம்.ஏ.சுமந்திரனின் இல்லத்தில் இரண்டு மணிநேரம் பேச்சுக்களை நடத்தியிருந்தார்.

இதன் தொடர்ச்சியாக, யாழ்ப்பாணத்துக்கு விரைந்த எம்.ஏ.சுமந்திரன், தமிழ் அரசுக் கட்சியின் தலைவர் மாவை சேனாதிராசா உள்ளிட்டவர்களுடன் பேச்சு நடத்தினார்.

மன்னிப்புக் கோரினார் சுமந்திரன்

அவர் நேற்று யாழ்ப்பாணத்தில் செய்தியாளர்களைச் சந்தித்த போது, ஆசனப் பங்கீட்டினால் கூட்டமைப்புக்கு ஏற்பட்டுள்ள குழப்பங்களுக்காக தமிழ் மக்களிடம் மன்னிப்புக் கோருவதாக தெரிவித்தார்.

அத்துடன் இன்று இரவு அல்லது நாளை இந்த முரண்பாடுகளுக்குத் தீர்வு காணப்படும் என்றும்  தமிழ் மக்களின் நலனுக்காக விட்டுக் கொடுப்புகளைச் செய்ய தமிழ் அரசுக் கட்சி தயாராக இருக்கிறது என்றும் அவர் கூறியிருந்தார்.

 கூட்டமைப்பை உடைக்க துணைபோக வேண்டாம்

இந்தநிலையில், தமிழ்த் தேசியக் கூட்டமைப்பை பிளவுபடுத்த, உள்ளுக்குள்ளேயும், வெளியேறும் சிலர் கங்கணம் கட்டிச் செயற்படுவதாகவும், அதற்குத் துணைபோகவேண்டாம் என்றும் பங்காளிக் கட்சிகளின் தலைவர்களிடம் கேட்டுள்ளதாக இரா.சம்பந்தன் தெரிவித்துள்ளார்.

ஆசனப் பங்கீட்டு விவகாரத்தை பேசித் தீர்த்துக் கொள்ளலாம் என்றும் அதற்கு செல்வம் அடைக்கலநாதனும், சித்தார்த்தனும் இணங்கியுள்ள நிலையில்,, இறுதி முடிவு நல்லதாக அமையும், தமிழ் அரசுக் கட்சி, புளொட், ரெலோ என்பன இணைந்து தேர்தலை எதிர்கொள்ளும் என்றும் அவர் நம்பிக்கை வெளியிட்டுள்ளார்.

பிளவுபடாது கூட்டமைப்பு

அதேவேளை, கூட்டமைப்பு கட்சிகளுக்குள் ஏற்பட்டுள்ள பிணக்குத் தொடர்பாக வடக்கு மாகாண முதலமைச்சர் சி.வி.விக்னேஸ்வரனிடம் செய்தியாளர்கள் இன்று கேள்வி எழுப்பிய போது, இதுபற்றி விரிவான கருத்து எதையும் கூற அவர் மறுத்துள்ளார்.

எனினும், கூட்டமைப்பு பிளவுபடாது, சென்றவர்கள் மீண்டும் திரும்பி வருவார்கள். நல்லதாகவே நடக்கும் என்று மாத்திரம் தெரிவித்துள்ளார்.

இராஜதந்திர மட்டத்திலும் அழுத்தம்

இதற்கிடையே, தமிழ்த் தேசியக் கூட்டமைப்புக்குள் எற்பட்டுள்ள குழப்பத்தை தீர்ப்பதற்கு கட்சியின் உயர்மட்டத் தலைவர்கள் சமரச முயற்சிகளில் ஈடுபட்டுள்ள நிலையில், பிரச்சினைகளைச் சுமுகமாகத் தீர்க்குமாறு வெளிநாட்டு இராஜதந்திர மட்டங்களில் இருந்தும், அறிவுரைகள் கூறப்பட்டுள்ளதாகவும் தகவல்கள் வெளியாகியுள்ளன.