WELCOME TO PANNAGAM.COM & PTV

பண்ணாகம் இணையம்

NEWS 12

மட்டக்களப்பு மாவட்டம் வாழைச்சேனை பிரதேச செயலகப்பிரிவில் பொது மக்களின் நெருக்கமான குடியிருப்பினை கொண்ட கிராமத்து வீதியின் மழை காலத்தில் ஏற்படும் நிலையினை இவ்வாறான ஒரு நடவடிக்கையின் மூலம் தமது ஆதங்கத்தினை வெளிக்காட்டினார் அப்பிரதேசத்தில் வாசியொருவர்.

வாழைச்சேனை பிரதேச செயலகத்திற்கு உட்பட்ட யூனியன்கொளணி 4ம் குறுக்கு வீதியில் மழைகாலங்களில் நீர் நிரம்புவதனால் அப்பகுதி வாழ் மக்களின் அன்றாட போக்குவரத்துக்கு இடையூறுகள் விளைவிப்பதாகவும் அப்பகுதி மக்களும் பாடசாலை சென்றுவரும் மாணவர்களும் பெரும் சிரமத்துக்குள்ளாகுவதாக அங்குள்ள மக்கள் தெரிவிப்பதோடு, அரசியல் பிரமுகர்கள் தேர்தல் காலங்களில் மட்டுமே தங்களை நாடிவருவதாகவும் இப்படியான விடையங்களை சரிசெய்ய முனையவில்லை எனவும் பொதுமக்கள் தெரிவிக்கின்றர்கள்.

யா/பண்ணாகம் மெய்கண்டான் மகா வித்தியாலத்தில் கல்வி கற்கும் 25 மாணவர்களுக்கு  துவிச்சக்கர வண்டிகள் இன்று வழங்கி வைக்கப்பட்டது.

யா/பண்ணாகம் மெய்கண்டான் மகா வித்தியாலத்தில் கல்வி கற்கும் 25 மாணவர்களுக்கு யாழ்.றோற்றரி கழகத்தின் அனுசரணையில் வடமாகாண ஆளுநரால் 25 துவிச்சக்கர வண்டிகள் இன்று வழங்கி வைக்கப்பட்டது. 

வேலணை – மண்கும்பான் பகுதியில் உள்ள பனை மரங்கள் நிறைந்த பகுதியில் திடீரென பற்றிக்கொண்ட தீ காரணமாக அதிகளவான பனைமரங்கள் எரிந்து நாசமாகியுள்ளன.

நேற்றையதினம் இடம்பெற்ற குறித்த சம்பவம் தொடர்பில் தெரியவருவதாவது –

மண்கும்பான் பகுதியில் உள்ள பனைமர கூடல் நிறைந்த பகுதியில் திடீரென தீப்பிடித்து எரிவதை வீதியால் சென்ற ஒருவர் கண்டள்ளார். குறித்த சம்பவம் தொடர்பில் அவர் பிரதேச வேலணை பிரதேச செயலருக்கு தகவல் வழங்கியுள்ளார். குறித்த சம்பவத்தை பிரதேசசெயலர் பிரதேச சபை தவிசாளர் மற்றும் யாழ் மாநகர தீயனைப்பு பிரிவினருக்கும் தெரியப்படுத்தியுள்ளார்.

இதனையடுத்து சம்பவ இடத்திற்கு வேலணை பிரதேசசபை தவிசாளர் நமசிவாயம் கருருணாகரகுருமூர்த்தி, பிரதேச செயலர் மற்றும் பிரதேசசபை செயலாளர் ஆகியோர் சென்று மக்களுடன் இணைந்து தீயினை கட்டுப்படுத்தினர்.

இந்நிலையில் சம்பவ இடத்திற்கு வந்த யாழ் மாநகரசபையின் தீயனைப்புப்படைப்பிரிவினர் தீ மேலும் பரவாமல் கட்டுப்படுத்தினர்.  தீ ஏற்பட்டதற்கான காரணம் சதியா அவ்வது தவறுதலாக நடைபெற்ற சம்பவமா இதுவரை கண்டறியப்படவில்லை என தெரியவருகின்றது.


பண்ணாகத்திலும் பனைகள் தீயில் கருகியது
தனது வீட்டுக்கு தீ விபத்து ஏற்படுத்தும் வகையில் பனங்கூடலுக்கு தீ வைக்கப்பட்டதாக அருகில் இருந்த வீட்டின் உரிமையாளர் வட்டுக்கோட்டை பொலிஸ் நிலையத்தில் முறைப்பாடு செய்துள்ளார்.

பனங்கூடலுக்கு தீ வைத்ததனால் 8 பனைகள் தீயால் எரிந்துள்ளதாகவும் மீண்டும் நேற்றைய தினம் நேற்று மாலை மீளவும் பனை ஓலைகள் போட்டு அந்தப் பகுதியில் எரியூட்டப்பட்டதாகவும் தெரிவிக்கப்பட்டுள்ளது.

அதனால் எனது வீடு முழுவதும் புகை மண்டலமாக உள்ளதாகவும் குடியிருப்பாளர் தெரிவித்தார்.

கற்பகத்தருவான பனை மரத்தை அழிக்கும் வகையில் அவற்றுக்கு தீ வைக்கப்பட்டது என்ற அடிப்படையில் பனை அபிவிருத்தி சபையும் இந்த விடயத்தில் கவனம் செலுத்தியுள்ளது.

பனங்கூடல் உரிமையாளருக்கும் அதன் அருகே உள்ள குடியிருப்பாளருக்கும் இடையே முரண்பாடு உள்ளது.

அதன் வெளிப்பாடாகவே பனங்கூடலுக்கு அதன் உரிமையாளரே தீயை மூட்டி அருகிலுள்ள குடியிருப்பாளருக்கு அச்சத்தையும் இடையூறையும் ஏற்படுத்தியுள்ளார்.

இந்தச் சம்பவம் தொடர்பில் விசாரணைகள் முன்னெடுக்கப்படுவதாக வட்டுக்கோட்டைப் பொலிஸார் தெரிவித்தனர்.



சங்­கி­லி­யைப் பறித்த கொள்­ளை­யர் தப்­பி­ ஓ­டும்­போது தமது அலை­பே­சி­யைத் தவ­ற­விட்­ட­னர். சிசிரிவி கமரா கைகொ­டுத்­த­தால் கொள்­ளை­யர் தப்ப, அவர்­கள் வந்­தி­ருந்த மோட்­டார் சைக்­கிளின் உரி­மை­யா­ளர் மாட்­டி­னார்.

இந்­தச் சம்­ப­வம் சித்­தங்­கேணி பிள்­ளை­யார் கோவி­ல­டி­யில் நேற்­று­முன்­தி­னம் மாலை இடம்­பெற்­றது. மோட்­டார் சைக்­கி­ளில் சென்ற கொள்­ளை­யர் இரு­வர் வீடு ஒன்­றின் முன்­பாக நின்று முக­வரி கேட்­ப­து­ போல் பாசாங்கு செய்து பெயர் ஒன்­றைக்­கூ­றிக்­கேட்­டுள்­ளார்.

அந்­தக் குடும்­பப் பெண்­ணுக்கு கொள்­ளை­யர் கேட்ட பெயர் தெரி­யா­த­தால் அந்த இடத்தை அண்­மித்து நின்­றி­ருந்த மற்­றொ­ரு­வரை அழைத்­த­போதே கொள்­ளை­யர் பெண்­ணி­ட­மி­ருந்து சங்­கி­லியை அறுத்­துச் சென்­ற­னர். அவர் கூக்­கு­ர­லிட அவர கண­வ­னும் அந்த இடத்தை அண்­மித்­த­போது கொள்­ளை­யர் தப்­பி­யோ­டி­னர்.

அதன்­போது அவர்­க­ளில் ஒரு­வ­ரது அலை­பேசி தவறி வீழ்ந்­து­விட்­டது. தம்­மைப் பிடித்­து­வி­டு­வார்­களோ என்ற அச்­சம் கார­ண­மா­கவோ கவ­னிக்­கா­மலோ அவர்­கள் இந்த இடத்­தி­லி­ருந்து தப்­பி­யோ­டி­னர். ஆனால் வீழ்ந்த அலை­பே­சியை அவர்­கள் வட்­டுக்­கோட்­டைப் பொலி­ஸா­ரி­டம் ஒப்­ப­டைத்து வழக்­குப்் பதிவு செய்­த­னர்.

மூன்­ற­ரைப் பவுண் சங்­கிலி கொள்­ளை­ய­டிக்­கப்­பட்­ட­தாக முறைப்­பாட்­டில் தெரி­விக்­கப்­பட்­டது. இது­ த­விர, கொள்ளை நடந்த இடத்­தில் சிசிரி கமரா பொருத்­தப்­பட்­டுள்­ளது. அதன்­ மூ­ல­மாக கொள்­ளை­யர் பய­ணித்த மோட்­டார் சைக்­கிள் இலக்­கம் அடை­யா­ளங்­கள் பதி­வா­கின.

அத­ன­டிப்­ப­டை­யில் யாழ்ப்­பா­ணத்­தைச் சேர்ந்­த­வ­ரது பெய­ரில் அது பதி­வா­கி­யுள்­ளமை தெரி­ய­வந்­தது. அவர் கைது செய்­யப்­பட்­டார். பொலிஸ் நிலை­யத்­தில் தடுத்து வைத்து விசா­ரிக்­கப்­ப­டு­கி­றார். கொள்­ளை­யர்­கள் இன்­னும் பிடி­ப­ட­வில்லை. தலை­ம­றை­வா­கி­யுள்­ள­னர் என்று பொலி­ஸார் தெரி­வித்­த­னர்.


மத்திய அரசாங்கத்தால் மாகாணங்களுக்கான அதிகாரங்களுக்கு கட்டுப்பாடு விதிக்கப்பட்டமையினால் தமிழ் மக்களை முழுமையாக முன்னேற்ற முடியவில்லை என முதல மைச்சர் சி.வி.விக்னேஸ்வரன் தெரிவித்துள்ளார். 

இந்தியாவுக்கு சென்றுள்ள வடக்கு மாகாண முதலமைச்சர் விக்னேஸ்வரன் செய்தியாளர்களிடம் கருத்து தெரிவிக்கும் போதே இதனைத் தெரிவித்துள்ளார்.   
வடக்கு மாகாண சபைத் தேர்தலில் பொது அணியில் களமிறங்குவார் என எதிர் பார்க்கப்படும் நிலையில் அவர் இந்தகருத்தை வெளியிட்டுள்ளார்.
சீனாவுடனான நட்பால், இந்தியா - இலங்கை இடையிலான ராஜதந்திர உறவுகள் முன்பு போல் இல்லை.
இந்தியா போன்ற வெளிநாடுகளில் அக திகளாக உள்ளவர்களை மீண்டும் அழைத்துவர பேச்சுக்கள் நடைபெற்று வருகின்றன என்றும் முதலமைச்சர் விக்னேஸ்வரன் கூறினார்.
இலங்கையின் மாகாண சபைகளுக்கான அதிகாரங்களில் கட்டுப்பாடுகள் விதி க்கப்பட்டுள்ளதாக அவர் குறிப்பிட்டுள்ளார்.
இதன்காரணமாக தமிழ் மக்களுக்கான தேவைகளை உரிய முறையில் நிறை வேற்ற முடியவில்லை என்றும் அவர் குறிப்பி ட்டுள்ளார்.

இதனிடையே, இந்தியா உட்பட வெளி நாடுகளில் தங்கியிருக்கும் இலங்கை ஏதி லிகளை நாட்டுக்கு அழைத்து வருவதற்கான பேச்சுவார்தைகள் முன்னெடுக்கப்படுவதாக வும் வட மாகாண முதலமைச்சர் சி.வி.விக் னேஸ்வரன் தெரிவித்துள்ளார்.          

தாம் முன்வைத்த 10 அம்ச கோரிக்கையை சிறிலங்கா பிரதமர் ரணில் விக்கிரமசிங்க ஏற்றுக் கொண்டுள்ளார் என்று தமிழ்த் தேசியக் கூட்டமைப்பின் நாடாளுமன்ற உறுப்பினர் செல்வம் அடைக்கலநாதன் தெரிவித்துள்ளார்.

சிறிலங்கா பிரதமர் ரணில் விக்கிரமசிங்கவுக்கு எதிரான நம்பிக்கையில்லா பிரேரணைக்கு எதிராக தமிழ்த் தேசியக் கூட்டமைப்பின் 16 நாடாளுமன்ற உறுப்பினர்களும் வாக்களித்திருந்தனர்.

முன்னதாக, நம்பிக்கையில்லா பிரேரரணை தொடர்பாக தமிழ்த் தேசியக் கூட்டமைப்பு சிறிலங்கா பிரதமர் ரணில் விக்கிரமசிங்கவுடன் பேச்சு நடத்தியிருந்தது.

இதன்போது, 10 அம்ச கோரிக்கையை கூட்டமைப்பு சிறிலங்கா பிரதமரிடம் கையளித்திருந்ததுடன், இதற்கு எழுத்துமூல உறுதிமொழி தந்தால், பிரேரணைக்கு எதிராக வாக்களிக்க முடியும் என்று கூறியிருந்தது.

இந்த நிலையில், ஐதேக நாடாளுமன்ற உறுப்பினர்களிடம் சிறிலங்கா பிரதமர் ரணில் விக்கிரமசிங்க இந்த 10 அம்ச கோரிக்கையை முன்வைத்த போது, சூடான வாதப் பிரதிவாதங்கள் இடம்பெற்றன.

எனினும், அதன் பின்னர் 10 அம்ச கோரிக்கையை நிறைவேற்றுவதற்கு இணக்கப்பாடு காணப்பட்டது.

சிறிலங்கா பிரதமர் ரணில் விக்கிரமசிங்கவினால் ஏற்றுக்கொள்ளப்பட்ட 10 அம்ச கோரிக்கைகளாவன.

வடக்கு கிழக்கு பிரச்சினைக்கு துரிதமாக அரசியல் தீர்வு காண்பது.

அடுத்த நாடாளுமன்றத் தேர்தலுக்கு முன்னர், மூன்றில் இரண்டு பெரும்பான்மையுடன் புதிய அரசியலமைப்பை நிறைவேற்ற வேண்டும்.

பொதுமக்களுக்குச் சொந்தமான காணிகள், கட்டடங்களில் இருந்து சிறிலங்கா படையினர் முற்றாக விலக வேண்டும்.

அனைத்து அரசியல் கைதிகளுக்கும் பொதுமன்னிப்பு வழங்கி விடுவிக்க வேண்டும்.

போர்க்காலத்தில் காணாமல் ஆக்கப்பட்டவர்கள் குறித்த விசாரணைகளை துரிதப்படுத்த வேண்டும்.

வடக்கு, கிழக்கில் வாழும் மக்களின் உரிமைகளை உறுதிப்படுத்த வேண்டும்.

வடக்கு, கிழக்கில் உள்ள இளைஞர்களுக்கான வேலை வாய்ப்புகளை உறுதி செய்ய வேண்டும்.

வடக்கு, கிழக்கு மாகாணங்களில் வசிக்காதவர்களுக்கு இந்த மாகாணங்களில் நியமனங்கள் வழக்கப்படக் கூடாது.

வடக்கு, கிழக்கின் 8 மாகாணங்களுக்கும் மாவட்டச் செயலர்களாக தமிழர்களை நியமிக்க வேண்டும்.

வடக்கு, கிழக்கில் அபிவிருத்தித் திட்டங்களை முன்னெடுக்கும் போது, இரண்டு மாகாணசபைகளுடன் இணைந்தே முன்னெடுக்க வேண்டும்.

ஆகிய நிபந்தனைகளின் அடிப்படையிலேயே தமிழ்த் தேசியக் கூட்டமைப்பு ஆதரவு வழங்கியதாக செல்வம் அடைக்கலநாதன் தெரிவித்துள்ளார்.

க.பொ.த வில் 8A 1B  பாடசாலையில் சாதனை!!


பண்ணாகம் மெய்கண்டான் பாடசாலையில்

  பண்ணாகம் செல்வி சி.சுபாநிதா 8A 1B மற்றும் சழிபுரம் கிழக்கு செல்வன் தேசிகன் 8A 1B மற்றும் சிலமாணவர்கள் 7பாடங்களில் Aயில்  சாதனை மாணவர்கள் விபரம்




1.செல்வி சுபாநிதா  சிறீகாந்தமூர்த்தி   8A 1B


2. செல்வன் தேசிகன்  8A 1B


செல்வன் அனோஜன்  7A  2B


செல்வன் கஜேந்திரன்  7A 1B 1C

செல்வி சுபாநிதா  சிறீகாந்தமூர்த்தி

செல்வன் தேசிகன்

சங்கானையில் ஆலயக் குருக்களைத் துப்பாக்கிச் சூட்டில் கொலை செய்த இராணுவச் சிப்பாய் உள்ளிட்ட மூவருக்கும் எதிரான குற்றச்சாட்டுக்கள் நிரூபிக்கப்பட்டுள்ளதால் அவர்களுக்கு தூக்குத் தண்டனை வழங்குமாறு அரச சட்டவாதி நாகரட்ணம் நிஷாந்த், தனது தொகுப்புரையில் யாழ்ப்பாணம் மேல் நீதிமன்றிடம் கோரினார்.

இந்த வழக்கின் தீர்ப்பு நாளைமறுதினம் வியாழக்கிழமை (22-03-2018) வழங்கப்படும் என திகதியிட்ட யாழ்ப்பாணம் மேல் நீதிமன்ற நீதிபதி மா. இளஞ்செழியன், அன்றுவரை எதிரிகள் மூவரையும் விளக்கமறியலில் வைக்குமாறு உத்தரவிட்டார்.

2010ஆம் ஆண்டு ஏப்ரல் மாதம் 11ஆம் திகதி சங்கானை, முருகமூர்த்தி வீதியில் உள்ள வீடொன்றுக்குள் புகுந்த கொள்ளையர்கள் துப்பாக்கிச் சூடு நடத்திவிட்டு நகைகள் மற்றும் மோட்டார் சைக்கிள் என்பன கொள்ளையிடப்பட்டன.

துப்பாக்கிச் சூட்டில் சிவானந்தக் குருக்கள் நித்தியானந்தக் குருக்கள் கொல்லப்பட்டார்.அவரது மகன்கள் இருவரும் படுகாயமடைந்தனர்.சம்பவம் தொடா்பில் விசாரணைகளை முன்னெடுத்த பொலிஸார், இராணுவப் புலனாய்வாளர்கள் என்று தெரிவிக்கப்பட்ட காசிநாதன் முகுந்தன் அல்லது சக்தி, பாலசுப்பிரமணிம் சிவரூபன் மற்றும் இராணுவச் சிப்பாய் பேதுறு குணசேனவும் கைது செய்யப்பட்டனர்.

சம்பவம் தொடர்பில் மல்லாகம் நீதிவான் நீதிமன்றில் இடம்பெற்ற சுருக்கமுறையற்ற விசாரணைகளின் பின்னர் வழக்கேடுகள் சட்டமா அதிபர் திணைக்களத்திடம் பாராப்படுத்தப்பட்டன.

வீட்டுக்குள் அத்துமீறி நுழைந்தமை, துப்பாக்கியைப் பயன்படுத்தியமை, குருக்களைக் கொலை செய்தமை மற்றும் மூவரை படுகாயப்படுத்தியமை ஆகிய 4 குற்றச்சாட்டுகளை முன்வைத்து எதிரிகள் மூவருக்கும் எதிராக யாழ்ப்பாணம் மேல் நீதிமன்றில் சட்டமா அதிபரால் குற்றப்பத்திரிகை தாக்கல் செய்யப்பட்டது. இந்த வழக்கு யாழ்ப்பாண மேல் நீதிமன்ற நீதிபதி மா.இளஞ்செழியன் முன்னிலையில் இடம்பெற்று வந்தது.

வழக்குத்தொடுனர் தரப்பு மற்றும் எதிரிகள் தரப்பு தொகுப்புரைகள் இன்று இடம்பெற்றன.வழக்குத் தொடுனர் தரப்பில் அரச சட்டவாதி நாகரட்ணம் நிஷாந்த் தொகுப்புரை வழங்கினார்.

அரச தரப்புச் சாட்சியங்கள் மற்றும் எதிரிகளிடம் முன்னெடுத்த குறுக்கு விசாரணைகளின் அடிப்படையில் அரச சட்டவாதி தனது தொகுப்புரையை முன்வைத்தார்.

3 எதிரிகள் மீதான நான்கு குற்றச்சாட்டுக்களும் தம்மால் நிரூபிக்கப்பட்டுள்ளதாக எடுத்துரைத்த அரச சட்டவாதி, எதிரிகள் மூவருக்கும் தூக்குத் தண்டனை வழங்கப்படவேண்டும் என்றும் மன்றிடம் கோரினார்.

முதலிரண்டு எதிரிகள் சார்பில் சர்மினி விக்னேஸ்வரனும் மூன்றாவது எதிரியான இராணுவச் சிப்பாய் சார்பில் மன்றினால் நியமிக்கப்பட்ட ஜோய் மகிழ் மகாதேவாவும் முன்னிலையாகி தமது தொகுப்புரைகளை முன்வைத்தனர்.

வவுனியா, ஓமந்தை A9 வீதியில் ஹயஸ் வாகனம் சற்றுமுன் தடம்புரண்டு விபத்துக்குள்ளாகியுள்ளது .
குறித்த விபத்து அதி வேகத்தினால் இடம்பெற்றுள்ளது என பொலிசார் தெரிவிக்கின்றனர் அத்துடன் மேலதிக விசாரணைகளை ஓமந்தை பொலிஸார் மேற்கொண்டு வருகின்றனர்.

இலங்கையில் அண்மையில் சமூகங்கள் மீது மேற்கொள்ளப்பட்ட தாக்குதல்கள் மிகவும் கவலையளிக்கிறது என ஐரோப்பிய ஒன்றியம் விடுத்துள்ள அறிக்கையில் தெரிவிக்கப்பட்டுள்ளது.

ஐரோப்பிய ஒன்றியம் விடுத்துள்ள அறிக்கையில் மேலும் தெரிவிக்கப்பட்டுள்ளதாவது, அரசாங்கம் மற்றும் பாதுகாப்பு தரப்பினர் இந்த வெறுப்பூட்டும் சம்பவங்களுக்கு எதிராக உடனடியாக நடவடிக்கைகள் மேற்கொள்வது மிகவும் முக்கியத்துவம் வாய்ந்தது என்பதுடன் நீதியை நிலைநாட்டும் நடவடிக்கைகளை மேற்கொள்ள வேண்டும் என தெரிவிக்கப்பட்டுள்ளது.

மேலும், வன்முறைகளை அரச தலைவர்கள், சமய மற்றும் இதர சமூகத் தலைவர்கள் கடுமையாக கண்டிக்க வேண்டியது முக்கியத்துவம் வாய்ந்தது என்பதுடன் சமூகங்களுக்கிடையே புரிந்துணர்வை ஏற்படுத்த சகலவிதமான முயற்சிகளையும் மேற்கொள்ள வேண்டியுள்ளது.

நாட்டில் பிரகடனம் செய்யப்பட்டுள்ள அவசரகால நிலையின் அடிப்படையில் முன்னெடுக்கப்படும் எந்தவொரு நடவடிக்கையும் ஏற்புடையதாகவும், ஜனநாயக உரிமைகள் மற்றும் சுதந்திரத்துக்கு மதிப்பளிக்கும் வகையிலும் அமைந்திருக்கும் என்பதிலும் ஐரோப்பிய ஒன்றியம் நம்பிக்கை கொண்டுள்ளது எனவும் அந்த அறிக்கையில் மேலும் தெரிவிக்கப்பட்டுள்ளது.

வடக்கு மாகாண அமைச்சர் அனந்தி சசிதரனை தமிழ் அரசுக் கட்சியில் இருந்து நீக்குவதற்கு கட்சியின் மத்திய செயற்குழுக் கூட்டத்தில் தீர்மானிக்கப்பட்டுள்ளதாக தகவல்கள் வெளியானதை தொடர்ந்து…  அனந்தி சசிதரன் அறி்க்கையென்றை வெளியிட்டுள்ளார்.

அதில் அவர் தெரிவித்துள்ளதாவது…

“சும்மா இருந்த என்னை கொண்டுவந்து எழிலனின் மனைவி என அடையாளப்படுத்தி, அரசியலில் இணைத்து விட்டு, தமிழரசுக் கட்சி இவ்வாறு என் மீது அடாத்தான செயற்பாடுகளை மேற்கொள்வது, ஜனநாயகம் அற்றதொன்றாகும்.

இனிமேல், நானும் சும்மா இருக்கப்போவதில்லை. என் பலம் எதுவென அனைவரும் உணரும் தருணம் இது” என வடக்கு மாகாண மகளிர் விவகார அமைச்சர் அனந்தி சசிதரன் தெரிவித்தார்.

தமிழரசுக்கட்சியில் இருந்து அனந்தி சசிதரனை நீக்குவதாக கட்சியின் மையச் செயற்குழு முடிவெடுத்துள்ளது என வெளியாகியுள்ள செய்தி தொடர்பாக, அவரிடம் தொடர்பு கொண்டு கேட்டபோதே இவ்வாறு தெரிவித்தார்.

அவர் மேலும் தெரிவிக்கையில்,

“ஆரம்பத்தில் இருந்தே தமிழரசுக்கட்சி என் மீது தாக்குதல் மேற்கொண்டுள்ளது. அதனை நான் தான் புரிந்து கொள்ளவில்லை, என் வீட்டின்  மீது இடம்பெற்ற தாக்குதல் மற்றும் என் மீதான அச்சுறுத்தல் என அனைத்தையுமே தமிழரசுக்கட்சி தான் மேற்கொண்டுள்ளது. இவர்கள் இவ்வாறு இருந்து கொண்டு, இதர கட்சியினரை குற்றஞ்சாட்டுவதை நிறுத்த வேண்டும்.

இனிமேல் என்னால் அரசியலில் இருந்து விலகி, சாதாரண ஒரு வாழ்க்கையைத் தொடரமுடியாது.

காரணம் பின்புலத்தில் எனக்கு பாதுகாப்பு பிரச்சினை என்பது பாரதூரமானதாக உள்ளது. இதை நன்கு அறிந்துள்ள கட்சி இவ்வாறு என்மீது தாக்குதல் மேற்கொள்ள முனைவது ஜனநாயகம் அற்றது.

நான் உயிருக்கு பயப்படுபவர் அல்ல. நானும் திருப்பி அடிப்பேன். நான் அரசியலை வடிவாக படித்துவிட்டேன். கட்சி என் மீது மேற்கொண்ட குற்றங்கள், தாக்குதல்கள் நடவடிக்கைகள் தொடர்பாக மக்களுக்கு விரைவில் தெளிவுபடுத்துவேன்.

2015 ஆண்டு இடம்பெற்ற ஜனாதிபதி தேர்தலில் தற்போதைய ஜனாதிபதி மைத்திரிபால சிறிசேனவை ஆதரிப்பதாக எந்த ஒரு முடிவும் கட்சி பொதுக்கூட்டத்தில் எடுக்கப்படவில்லை. அக்கூட்டத்தில் தமிழ் தேசிய கூட்டமைப்பின் தலைவர் இரா. சம்பந்தனும் கலந்து கொள்ளவில்லை.

இந்நிலையில், அது தொடர்பான நடவடிக்கையாகவே என்னை கட்சியிலிருந்து விலக்குதல் என்பது, எந்த விதத்தில் நியாயம், இதனை விட இந்த விவகாரம் தொடர்பில் என் மீது ஒழுக்காற்று நடவடிக்கையும் எடுக்கப்பட்டுள்ளது.

என்மீதான ஒழுக்காற்று விசாரணைக்காக, மூன்று பேர் கொண்ட குழு அமைக்கப்பட்டுள்ளது என கட்சி அறிவித்தது.

இதன்படி என்னை விசாரணைக்காக கொழும்புக்கு வருமாறு அழைப்பு விடுக்கப்பட்டது. அப்போது நான் வடக்கு மாகாணசபை உறுப்பினராக இருந்தேன்.

கொழும்பு செல்வதுக்கான வாகன வசதியும் இல்லை. அத்தோடு பாதுகாப்பு பிரச்சினையும் இருந்தது. இதனை விசாரணை குழுவில் அங்கம் வகித்த சட்டத்தரணி தவராஜாவிடம் தொலைபேசி மூலம் தெரிவித்தேன். அதனை அவர் எழுத்தில் கோரிய நிலையில், எனது தரப்பு முழு விடயத்தையும் நான் எழுத்து மூலம் வழங்கியிருந்தேன்.

விசாரணை முடிவில் நான் கட்சியின் அடிப்படை உறுப்பினர் பதவியில் மட்டும் இருக்கலாம் எனவும் கட்சியின் மகளீர் விவகார செயலாளராக பதவி வகிக்க முடியாது எனவும் தெரிவிக்கப்பட்டது.

இது முதல் 5 வருடங்கள் என கூறப்பட்டு பின்பு 3 வருடங்களுக்கு என கடந்த 2017 ஆம் ஆண்டு தீர்ப்பு வழங்கப்பட்டது.

தற்போது கட்சியில் இருந்து நிறுத்துவது என்ன, என்பது எனக்கு புரியவில்லை. கட்சி என் மீது திட்டமிட்டே இவற்றை செய்கிறது.

இது தொடர்பாக எனக்கு எந்த விதமான உத்தியோகபூர்வ அறிவித்தல்களும் கட்சியினால் வழங்கப்படவில்லை.

நானும் இவ்விடயத்தை பத்திரிகை செய்தி வழியாகவே அறிந்து கொண்டேன். இச்செய்தி தொடர்பான முழுமையான எனது விளக்கத்தை அறிக்கை வடிவில் விரைவில் வெளிப்படுத்துவேன்” என தெரிவித்தார்.

கமலகாசன் என்ற திராவிட பொதுவுடமைவாதி என்ற ; தமிழ்ச்'சாணக்கியன்'

ஏலையா க.முருகதாசன்

நடிகர் கமலகாசன் நேற்றிலிருந்து அரசியல்வாதியாக தன்னை முழுமையாக பிரகடனப்படுத்திவிட்டார்.
நான் விதை விதைத்துப் பார் முளைப்பேன் என ஸ்டாலினுக்கு பதில் சொல்லிய கமலகாசன,; நான் எப்பொழுதோ அரசியல்வாதியாகிவிட்டேன் எனச் சொல்லிவந்தவர்  மண்ணுக்குள் விதைக்கப்பட்ட விதையாக இருந்த கமலகாசன் இன்று மரமாகவே விஸ்வரூபமெடுத்துக் கிளம்பியுள்ளார்.

மண்ணுக்குள் இருந்து கொண்டே வெளி உலகத்தை விதைகளால் பார்க்க முடியுமா என்ற ஒரு கேள்வி எழுமானால் கமலகாசன் என்ற விதை தமிழக மக்கள் என்ற மண்ணுக்குள் இருந்து கொண்டே  அரசியல் நிலவரங்களை மட்டுமில்லை மாநில அரசுகளின் அரசியல் நடவடிக்கையை அக்குவேறு ஆணி வேறாக உற்றுக் கவனித்துள்ளமையும் இந்திய மத்திய அரசை எவ்வாறு கையாள வேண்டுமென்பதையும் தன்னைச் சுற்றியிருக்கும் அரசியல் சூழலை தெளிவாகவே கற்றுணர்ந்து மக்களுக்குள்ளிருந்து வெளிப்பட்டு கட்சியைத் தொடங்கியுள்ளார்.

கமலகாசன் ஆரம்பித்துள்ள 'மக்கள் நீதி மய்யம்' என்ற கட்சியின் உள்ளீடும் ரஜனியின் ஆன்மீக அரசியல் என்பதும் உற்றுக் கவனித்தால் ஒன்று போல் தோன்றினாலும் 'மக்கள் நீதி' என்பதற்குள் ரஜனியின் ஆன்மீக அரசியல் கரைந்து போய்விடும் நிலை ஏற்படப் போகின்றது.

மக்கள் நீதி என்றால் மக்களின் கருத்துக்களும் அபிப்பராயங்களும் மக்களின் அவர்தம் உரிமையாகவும் மக்களுக்கான நீதியாகவும் இருக்கும் என்ற மிக ஆழமான கருத்துக்களைக் கொண்ட படிமுறை அலகுகளைக் கொண்ட சொற்பிழம்பாக இதைப் பார்க்க முடிகின்றது.

மக்கள் நீதி என்பது மக்களின் வாழ்வுக்கு தேவையான அனைத்தையும் மய்யம் என்று சொல்லப்படுகின்ற அரசு செய்து கொடுக்க வேண்டுமென்ற கோட்பாடு இதில் உள்ளடக்கப்பட்டிருக்கின்றது என்பதைக் காண முடிகின்றது

மக்கள் அனைவரும் மகிழ்ச்சியாக வாழக்கூடிய தேவைகளை செய்து கொடுப்பதற்கு மக்களின் தலைவனாக தன்னை வெளிப்பாடுத்த முனைவபவனிடம் மக்களிடம் அன்பும் கருணையும் இருக்க வேண்டும்.

இரக்கமுள்ள ஆன்மாவிடம் மட்டுமே மக்கள்மீதான கருணை இருக்கும். ஆன்மீகம் என்ற சொல் ஆன்மா சக ஈகம் என்ற சொற்களின் ஒட்டுறவே ஆகும்.

ஆக,மக்கள் நீதி என்பதும் ஆன்மீகம் என்பதும் ஒன்றென்ற போதிலும் மக்கள் என்ற சொல் மூலமும் அவர்களுக்கான நீதியை நிலைநாட்டுதல் என்ற சொல் மூலமும் ரஜனியின் ஆன்மீக அரசியலை நீர்த்துப் போக வைத்துள்ளார் பொதுவுடமைவாதியான சாணக்கிய கமலகாசன்.

தனது மக்களிடம் நேர்மையாகவும் உண்மையாகவும் இருந்து கொண்டு தனது மக்களுக்கு அண்டை மாநிலங்களிலிருந்தும் மத்திய அரசிடமிருந்தும் எதையெல்லாம் பெற்றுக் கொடுக்க வேண்டுமோ அதைப் பெற்றுக் கொடுப்பதற்கு இராஜதந்திர அணுகுமுறைகள் தேவை. அதற்கு சாணக்கியம் தேவை.
உனக்கு இந்த உதவியைச் செய்ய மாட்டேன் என்று சொல்லும் அண்டை மாநில அரசிடம் அதைச் செய்யவைப்பதற்காக 'உதவியைச் செய்ய மாட்டேன்' என்பதை செய்வதாக அந்த அரசிடமே அந்த அரசாலேயே அர்த்தப்படுத்தி ஒப்புக் கொள்ள வைத்து அதைச் செய்ய வைப்பதற்கு பெயர்தான் சாணக்கியம்.

அந்த அணுகுமுறையைத்தான் கமலகாசன் கையாளப் போகிறார்.தமிழக மக்கள் மத்தியிலும் அரசியல்வாதிகள் மத்தியிலும் அதிகாரிகள் மத்தியிலும் பூச்சி புழுக்கள் நெளியும் சாக்கடையாக நுதம்பி கொப்பளித்து நிற்கும் இலஞ்ச ஊழல்களை இல்லாது ஒழிப்பதே இந்த சாணக்கியனுக்கு இருக்கும் சவால்.

ரஜனி தமிழகத்தை ஆள நினைத்த நினைப்புக்கு தமிழகத்திலிருந்து கிளம்பிய எதிர்ப்பினை யாராலுமே வெகு நுணுக்கமாக கண்டறிய முடியாதவாறு அதை தனக்குச் சாதகமாக மக்களே அதைச் செய்யும் சூழ்நிலையை உருவாக்கிய இராஜதந்திரிதான் கமலகாசன்.

தமிழன் என்ற அடையாளத்தைக் கொண்ட கமலகாசன் சாதியத்தையும் மதத்தையும் அடியோடு அறுத்தெறிந்தமை, பிராமண அடையாளத்தை தூக்கி எறிந்துவிட்டு நான தமிழன் மட்டுமே என்ற அடையாளத்தைக் கொண்டு மக்கள் முன் போய் நின்றமை ஒரு வியூகமாகும்.

பாரதிய ஜனதாக் கட்சியுடன் சேரமாட்டேன் என்று ரஜனி பலமுறை அடித்துச் சொன்னாலும் அவர் காவி உடைக்குச் சொந்தக்காரன்தான்.

ஆன்மீக அரசியலின் தேவையே இனி இல்லை அதை நிரப்பத்தான் மக்கள் நீதி மய்யம் என்ற கட்சி வந்துவிட்டதே என மக்கள் திருப்திப்படுவர்.

கன்னட மாநிலத்தவரான ரஜனி தமிழகத்தை ஆள முடியாது என தமிழக மக்கள்  நினைப்பதில் தவறு எதுவுமேயில்லை.அதே வேளை கமலகாசன் ஆறு மாநிலங்கையும் தனது கட்சிக் கொடியில் உள்ளடக்கியமை ஒரு தூர நோக்கமாகும்.

அண்டை மாநிலங்களுடன் உறவைப் பேணுவதன் மூலமே தமிழகத்திற்கு எது தேவையோ அதை அவர்களிடமிருந்து இராஜதந்திர உறவு மூலம் பெற்றுக் கொள்ளுதலே நடைமுறைக்குச் சாத்தியமானதாகும் என்பதை கமலகாசன் தெளிவாகவே உணர்ந்து வைத்துள்ளார்.சண்டை பிடித்து எதையும் சாதிக்க முடியாது சாணக்கியமே உகந்தது என்பதைத் தெளிவாக கமலகாசன் உணர்ந்தமையே ஆறு கைகளைக் கொண்ட சின்னமாகும்.

தமிழகம் இந்தியா என்பதற்கப்பால்; உலக அரசியல் அவற்றின் அணகுமுறைகளை உள்வாங்குதல் என்பது அரசியல்வாதிகளுக்கு இருக்க வேண்டிய தகுதியாகும்.

தனது கட்சியின் கொள்கையில்; மீனவர் பிரச்சினையில் மிகுந்த அக்கறை கொண்ட கமலகாசன் விவசாயிகள் பிரச்சினையையும் இயற்கை வேளான்மைப் பிரச்சினையையும் முதன்மைப் பிரச்சினையாக எடுத்துக் கொண்ட நாம் தமிழர் கட்சியின் கொள்கையை ஏற்றுக் கொண்டு தனது கட்சியின் ஆட்சியில் அதற்கான முன்னிருப்பை செயல்படுத்துவதன் மூலம் நாம் தமிழர் கட்சியுடன் நெருங்கிய உறவைப் பேணுதல் அல்லது ஒன்றாகச் செயல்படுதல் என்ற கூட்டுச் செயல்பாட்டை எதிர்காலத்தில் மக்கள் நிதி மய்யம் என்ற கட்சி செய்யத் துணியும் என்பதை விவசாயிகள் பிரச்சனையை வெளிப்படையாகச் சொல்லாமல் விட்டிருக்கிறார் எனத் தோன்றுகின்றது.

கமலகாசனின் கட்சியும் அதன் பெயரும் அவசரம் அவசரமாக திட்டமிடப்பட்டது அல்ல.மிகத் தெளிவான நோக்கம் கொண்டு திட்டமிடப்பட்டிருப்பதை அறிய முடிகிறது.

பெரியாரின் கொள்கையில் ஈடுபாடுடைய கமலகாசன் பெரியாரின் மொழிப்புரட்சிக்கு ஏற்ப 'மையம்' என்பதை 'மய்யம்' எனக் குறிப்பிட்டமை சரியானதுதான்.

60 பயணிகள் மற்றும் ஆறு விமானப் பணியாளர்களோடு சென்ற பயணிகள் விமானம் ஒன்று இரானில் உள்ள மலையில் மோதி நொறுங்கியதில், அதில் பயணித்த அனைவரும் உயிரிழந்ததாக விமான நிறுவனம் தெரிவித்துள்ளது.

இரான் தலைநகர் தெஹரானில் இருந்து யசூஜ் நகருக்கு இந்த விமானம் பறந்துகொண்டிருந்தபோது விபத்து நடந்திருக்கிறது.

இஸ்ஃபஹான் மாகாணத்தில் செமிரொம் நகரத்துக்கு அருகே உள்ள சக்ரோஸ் மலைகளில் இந்த விமானம் மோதியது.

"அனைத்து அவசர காலப் படைகளும் தயாராக இருப்பதாக" அவசர சேவைகளின் செய்தி தொடர்பாளர் ஒருவர் தெரிவித்தார்.

மோசமான காலநிலை காரணமாக சம்பவ இடத்துக்கு மீட்பு ஹெலிகாப்டர் செல்வதில் சிக்கல் ஏற்பட்டுள்ளது.

இந்த விமானம் ஏசெமன் விமான நிறுவனத்தின் ATR 72-500 விமானம் என நம்பப்படுகிறது.

விமானத்தில் 60 பயணிகளோடு, இரண்டு பாதுகாவலர்கள், இரண்டு விமான ஊழியர்கள், விமான ஓட்டுனர் மற்றும் ஒரு சக விமான ஓட்டுனர் இருந்ததாக செய்திகள் தெரிவிக்கின்றன.

உ.த.ப.இயக்க தமிழக ஒன்றியத் தலைவர் தமிழ்த்தேனி மதிவாணன் ஐயா அவர்கள், 1,500 நூல்களை ஒளிரும் வாழ்வு நிலையத்திற்கு வழங்கியுள்ளார்கள்.


எமது கனவு நனவாகின்றது  ஒளிரும் வாழ்வின் அடுத்த மைல் கல்ஆரம்பம் அறிவுச்சோலை படிப்பகம் (நூலகம்) எதிர்வரும் மாசி மாதம் பதினைந்தாம் நாள் எமது அலுவலகத் திறப்பு விழாவின் போது ஆரம்பித்து வைப்பதற்கு ஏற்றால் போல் எமது தொப்புள்கொடி இந்திய உறவுகள் எமக்காக ஆயிரத்து ஐந்நூறு புத்தகங்களுக்குமேல் அன்பளிப்பு செய்துள்ளார்கள் .

முதன் முதலாக எமக்கு இந்தியாவிலிருந்து கருணாகரன் என்ற உறவு பல புத்தகங்களை அனுப்பி இதற்கான அத்திவாரத்தினையிட்டார். தற்போது எமது கனவு நனவாகின்றது. செந்தமிழ் தேனி இரா மதிவாணன் அவர்களின் முயற்சியால் பன்னாட்டு அரிமா கழகம் இந்தியாவினை சார்ந்த உறவுகள் தமது முயற்சியினால் எமது இவ் அரிய முயற்சிக்கு தமது பங்களிப்புகளை வளங்கியுள்ளார்கள்.
அத்துடன் நடத்திற்கு தேவையான அரங்க தொகுதிகள் ஐந்தினையும் உடு புடவைகளையும் அன்பளிப்பு செய்து மகிழ்ந்தார்கள்....
அன்பு உறவுகள் அனைவருக்கும் எமது மனமார்ந்த நன்றிகள் .....

செய்தி .விஐன்

இன்று யேர்மனி எசன் நகரில் உள்ள ஓர் அறநெறிப்பாடசாலைக்கு (சைவநெறி) செல்லும் வாய்ப்புக் கிடைத்தது அங்கு சென்ற பொழுது பாடசாலை நடைபெற்றுக் கொண்டிருந்தது. 35மாணவர்களுக்கு மேற்பட்டவர்கள் 3 ஆசிரியர்களும் காணப்பட்டார்கள் அங்கு சைவசமய பாடம் நடைபெற்றுக் கொண்டிருந்தது இப்பாடசாலை 15 வருடங்களாக பல நூறு பிள்ளகளுக்கு சைவநெறியுடன் பண்பாடுகளையும் ஊட்டி வரும் ஒரு உயர் சேவை நிறுவனமாக உள்ளது இதைப்பார்த்து நான் பிரமித்து நின்றேன். இப்பாடசாலையை தமிழர்கலாச்சார நற்பணி மன்றத்தால் நடாத்தப்படுவதாக அதன் பொறுப்பாளர்களான திரு .திருமதி.நயினை விஜயன் சசிகலா அவர்கள் தெரிவித்தார்கள்.
-இணைய அசிரியர்-

பண்ணாகம்டொட்கொம் அதிபர் ஊடகவித்தகர் திரு. இ. க. கிருஷ்ணமூர்த்தி அவர்கள் இன்று.. எமது அறநெறிப்பாடசாலைக்கு வருகை தந்து... 
மாணவர்கள், ஆசிரியைகள் திருமதி.சசிகலா விஜயன் ,திருமதி.கலா ரவி, திருமதி.ஜெயராணி ஆசிரியர் .நயினை விஜயன் ஆகியோரையும் பெற்றோர்களையும் வாழ்த்திய.. போது....! 
முகநுால் படங்கள் செய்தி- விஜயன்

யாழ்ப்பாண மாவட்ட தனியார் துறை ஊழியர்கள் ஒன்றிணைந்து தனியார் ஊழியர்கள் சங்கம் என்ற அமைப்பை இன்று(28.01.2018) ஆரம்பித்து வைத்தனர்.

யாழ்ப்பாணம் வீரசிங்கம் மண்டபத்தில் இன்று காலை 10 மணியளவில் இடம்பெற்ற ஆரம்ப நிகழ்வில் புதிய நிர்வாகம் தெரிவு செய்யப்பட்டது.

சங்கத்தின் போசகராக சட்டத்தரணி விஸ்வலிங்கம் மணிவண்ணன் நியமிக்கப்பட்டார். யாழ்ப்பாணம் தனியார் ஊழியர்கள் சங்கத்தின் தலைவராக எஸ். லக்ஸனும், செயலாளராக ரி.தியாகேந்திரனும் தெரிவாகினர்.
மேற்படி நிகழ்வில் சங்கத்தின் பணிகள் மற்றும் சட்டதிட்டங்கள் தொடர்பில் சட்டத்தரணி வி.மணிவண்ணன் சிறப்புரை வழங்கினார்.

உலகத் தமிழ்ப்பண்பாட்டியக்கம் யாழில் நடாத்தும், மாபெரும்


 கலை இலக்கியப்பெருவிழா!!!


27.1.2018.சனிக்கிழமை காலை 8.00 மணி முதல்...!


உலகத்தமிழ்ப் பண்பாட்டியக்க கலைப்பெருவிழாவை வடமாகாண முதலமைச்சர் சி.வி.விக்னேஸ்வரன் ஐயா ஆரம்பித்துவைக்கிறார்.

தமிழர்களின் பாரம்பரிய கலை கலாச்சார பண்பாடுகளை வெளிப்படுத்தும் முகமாக , ஊர்திப்பவனியும் இடம்பெறவுள்ளதாக யாழில் இருந்து  எமது ஊடகவியலாளர் விசு .செல்வராஜா அவர்கள் அறிவித்துள்ளார்



-யெர்மனியிலிருந்து தமிழருவி நயினை விஜயன் கலைப்பொறுப்பாளர் உ.த.ப. இயக்கம்.

கடந்த நான்கு தசாப்த்தங்களாக உலகெங்கும் பரந்து ,தமிழர் வாழும் நாடுகளில், தமிழினத்தின் மொழி ,பாரம்பரியக் கலைகள் , கலாச்சாரப்பண்பாடுகளைப் போற்றிப் பாதுகாப்பதில் உ.த.ப.இயக்கம் காத்திரமான பங்கை வழங்கிவருவது யாவரும் அறிந்ததே.
1974ம் ஆண்டு, யாழ்ப்பாணத்தில் கூடிய தமிழறிஞர்கள், பேராசிரியர்கள் தமிழகம்,சாலை இளந்திரையன்,சாலினி இளந்திரையன்,மலேசிய இர.ந.வீரப்பன், குரும்பசிட்டி இரா.கனகரட்ணம்,அருட்திரு.தனிநாயகம் அடிகள்,திரு.திருமதி சோதிநாதன்,பேராசிரியர் சு.வித்தியானந்தன் இன்னும் பல தமிழறிஞர்களால் ஆரம்பித்துவைக்கப்பட்டது.
உலகில் 169 நாடுகளில் வாழும் தமிழர்களின் தாய் மொழி,மற்றும் அவர்தம் கலை பன்பாடு காக்கப்படவேண்டும் என்ற நோக்கில்,அரிய பணியை ஆற்றிவருகிறது.
முதல் தலைவராக,பேராசிரியர் சாலை இளந்திரையன் அவர்களும்,
2வதாக,பேராசிரியர் இர.ந.வீரப்பன் அவர்களும்,3வதாக திரு.சி.செல்லையா அவர்களும்,4 வதாக, மலேசியா திரு.பி.கே.சண்முகம் அவர்கள் துணைத்தலைவராகவும்,5 வதாக, தென்னாபிரிக்க திரு.கோவிந்தசாமி படையாட்சி,அவர்களும்,6 வதாக
அமெரிக்கா திரு.வேல்.வேலுப்பிள்ளை அவர்களும்,
2015 ல் நடைபெற்ற பொதுத்தேர்தலின் பின்னர், மலேசியத் தமிழ்ப்பணியாளர் திரு.ப.கு.சண்முகம் ஐயா அவர்களும் தலைமையேற்று இவ்வியக்கத்தை வழிநடத்திவருகின்றனர்.
பல நாடுகளிலும் மாநாடுகள்,கருத்தரங்குகள்,கலைப்பெருவிழாக்கள்,இடம்பெற்றபோதும் எமது தாய் மண்ணில் நாம் அனைவரும் ஒன்றிணைவது தாயிடம் பிள்ளைகள் ஒன்றிணைவது போலாகும்.காலத்தின் தேவை கருதி,எமது எதிர்காலச்சந்ததிகள், கல்வி,கலைகள், பண்பாட்டில் இழந்தவற்றை சீர் தூக்கிப்பார்த்து,மென்மேலும் அவற்றை ஈடுசெய்வதற்கு உந்துகோலாக,இக்கலைப்பெருவிழா அமையும் என்பது திண்ணம்.
இலங்கை கிளைகளும்,யாழ்.கிளையுடன் இணைந்தும்,சர்வதேசக் கிளைகள் கரம் கொடுக்க, இக்கலைப்பெருவிழா வெற்றியடையும்.
தமிழகத்திலிருந்து 64 தமிழறிஞர்களும்,15 கலைஞர்களும், மலேசிய நாட்டிலிருந்து, 14 தமிழறிஞர் பெருமக்களு,ம்,இலங்கையின் சகல பிரதேசங்களிலிருந்தும்,ஊர்திகள், கலை நிகழ்வுகள், கலைஞர்களும்,பங்கெடுப்பது,தமிழுக்காக,அவர்தம் பாரம்பரியத்துக்காக பேதங்களை மறந்து ஒன்றுபடுவதும்,ஒன்றுபடுத்துவதும், கலைப்பெருவிழாவின் சாதனை என்றால் மிகையில்லை.அனைவரும் இக்கலைப்பெருவிழாவில் கலந்துகொண்டு சிறப்பிக்கவேண்டுமென புலம்பெயர்ந்து வாழும் உங்கள் தமிழுறவுகளாகிய நாம் வேண்டி வாழ்த்தி நிற்கிறோம்.விழா ஏற்பாடுகளை , இணைத்தலைவர் கவிஞர் விசு செல்வராஜா, டாக்டர்.சதீஸ்குமார்,திரு.வேல்.வேலுப்பிளை ஆகியோர் விழாக் குழுவினருடன் இணைந்து பணியாற்றுகிறார்கள் தமிழகத்திலிருந்து தமிழறிஞர் மதிவாணன் ஐயா தலைமையில்,64 அறிஞர்கள் வருகைதரவுள்ளளனர்.


உலகத்தமிழ்ப்பண்பாட்டியக்கம் யாழ் கிளையினர்நடாத்தும் மாபெரும், கலை இலக்கியப் பெருவிழா.27.1.2018 !!!!!!
உலகெங்குமிருந்து உ.த.ப.இயக்க கிளையினரும்,கலைஞர்களும், இலக்கிய அன்பர்களும்,தமிழறிஞர்களும் கலந்துகொள்கிறார்கள்.ஏற்பாடுகளை கவிஞர் விசு, உ.த.ப.இயக்க தலைவர் தமிழ்ப்பணி செம்மல் ப,கு,சண்முகம் ஐயா,செயலர் தருமன்தருமகுலசிங்கம்,கொழும்புக்கிளைத்தலைவர் ஜனாப்.மூர்ஷின்,கலைப்பொறுப்பாளர் நயினை விஜயன்,உ.த.ப.இயக்க அறக்கட்டளை திரு.வேல் வேலுப்பிளை,கல்விப்பொறுப்பாளர் எழுத்தாளர் சதிஸ்,பண்ணாகம் ,கொம் அதிபர் கிருஷ்ணமூர்த்தி ஆகியோர் ,யாழ் கிளையினருடன் இணைந்து பணிகளை மேற்கொண்டுள்ளனர்.அனைவரும் இவ்விழாவில் கலந்து கொண்டு சிறப்பிக்கவேண்டுமென உலகத்தமிழர்கள் ஆவலோடு எதிர்பார்த்து வாழ்த்துகிறார்கள்.!!!

பண்ணாகம் இணையமும்  விழா சிறக்க தனது வாழ்த்துக்களைத் தெரிவிக்கின்றது





நிராகரிக்க வேண்டும்.

ஒரு கோமாளித்தனமான நடிகர் தான் 'அரசியலுக்கு வந்துவிட்டேன்' என கோமாளித்தனமான, கொஞ்சமும் ரோசமில்லாத இரசிகர்களிடத்தில்  சொல்லியிருக்கிறார்.
அவர் வேறு யாருமில்லை.ரஜனிகாந்தான். இதில் என்ன வேடிக்கை என்றால் எட்டுக்கோடித் தமிழரை ஆள நினைப்பவன் தமிழனா என்பதைக்கூட ஆராய முற்பட எது தடுக்கிறது என்பதுதான் முக்கியம்.
தமிழினம் கீழ்வருவனற்றை எல்லாம் மேற்கோள் காட்டி தம்மை இழிச்சவாயர்களாக்கிக் கொள்கின்றதா என்று எண்ணத் தோன்றுகின்றது.
அவை இவைதான்'வந்தாரை வாழ வைக்கும் தமிழகம் அல்லது தமிழன்' யாதும் ஊரே யாவரும் கேளிர் என்பவையே.
தமிழர்கள் நல்லவர்களாக பண்பாளர்களாக இருப்பதில் எந்தத் தவறும் இல்லை. அவை பெருமைக்குரியவையாகவும் இருந்துவிட்டுப் போகட்டும்.
ஆனால் அந்தப் பெருமைக்குரியவை தமிழனின் தோளிலே தமிழரல்லாவர்கள் கால் வைத்து நடக்கும் பாதையாகவும் ஏறிச் செல்லும் ஏணியாகவும் மாறிவிடக்கூடாது.
நான் தமிழகத்திலேதான் பிறந்தேன் நான் ஒரு தமிழன் எனது நெற்றி வேர்வை தமிழக மண்ணுக்கு என்று சொல்லிச் சொல்லி முட்டாள் இரசிகர்களின் கையொலியில் வளர்ந்தவர்தான் இந்த ஒருமுறை சொன்னால் நூறுதரம் சொல்வதற்கு சமன் எனும் நடிப்பே சுத்தமாக வராத ரஜனிகாந்த்.
தமிழர்களை மகிழ்விப்பதற்காக சொல்லப்படும் சொற்கள் தமிழர்களின் தலையில் மிளகாய் அரைக்கிறார் என்பதைத் தமிழகத் தமிழர்கள் புரிந்து கொள்ள வேண்டும்.
தமிழகத்திற்கு ரஜனிகாந்த் என்ன செய்தார். கோடிக்கணக்காக பணம் வாங்கிக் கொண்டு நடித்து வரும் ரஜனிகாந்த் ஏதோ பொதுத் தொண்டு செய்தவர் போல இயற்கை வேளான்மை ஆழ்வார் போல தன்னை இனங்காட்டிக் கொள்ள முயற்சிப்பதை தமிழக மக்கள் உணர்ந்து கொள்ளுதல் வேண்டம்.
தமிழகத்தில் வாழும் எட்டுக் கோடித் தமிழர்களில் பல இலட்சம் தமிழர்களான அறிவுஜீகளும், அரசியல் தெரிந்தவர்களும் இருக்கிறார்கள். இவர்கள் யாருமே இல்லை என்பது போல ரஜனிகாந்த் நினைத்துக் கொண்டிருப்பதற்கு வழிசமைத்தவர்கள் மண் சோறு சாப்பிட்டவர்களும் தலைவா என்று தூக்கிப் பிடிப்பவர்களுமே.
திரைப்படத்தில் கைதட்டல் வாங்கிவிட்டால் தமிழர்களை ஆளலாம் என்று நினைப்பது எவ்வளவு தவறு என்பதை ரஜனிகாதந்திற்கு தமிழர்கள் உணர்த்த வேண்டும்.
தமிழர்களைத் தமிழர்கள்தான் ஆளற வேண்டும் என்பதில் இரண்டாவது பதிலுக்கே இடமில்லை.
நட்பு என்பது வேறு ஆள நினைப்பவருக்கு ஆதரவளிப்பது என்பது வேறு. ஆன்மீகம் வேறு அரசியல் வேறு. அரசியல் என்பது அந்தந்த இனம் சார்ந்தது.
தமிழர்தான் ஆள வேண்டும் என்று தமிழர்கள் நினைப்பது இனவெறியல்ல. அது தமிழ் இன உணர்வு.இதில் தவறு ஏதுமே இல்லை.
தமிழகம் வந்தாரை வாழ வைக்கட்டும்.ஆனால் அவர்கள் தமிழகத்தை ஆள வேண்டும் என்று கற்பனை செய்தும் பார்க்கக்கூடாது.
ஆந்திர மாநில மக்களைப்; போல, கேரளமாநில மக்களைப்; போல, கன்னட மக்களைப் போலத்தான் தமிழகத் தமிழர்களும் மாற வேண்டும்.
தமிழர்களின் தோள்கள் தமிழரல்லாதவர்களின் கால்கள் நடக்கும் பாதையல்ல.
ரஜனிகாந்த் அரசியலின் நுழைவாயிலேயே திருப்பி அனுப்பப்பட வேண்டியவர்.
இனித் தனது படங்கள் தோல்வியைத் தழுவும் இரசிகர்கள் புறந்தள்ளவார்கள் என்பதைத் தெரிந்து கொண்ட ரஜனிகாந்த் பொழுது போக்குவதற்காக அரசியலுக்கு வர நினைக்கிறார்.
ஏலையா க.முருகதாசன

யாழ்ப்பாணம் – வல்வெட்டித்துறையில் பட்டப்போட்டித் திருவிழா இன்று சிறப்பாக நடைபெற்றது.

தைப்பொங்கல் பண்டிகையை சிறப்பிக்கும் வகையில் இந்நிகழ்வு இன்று நடைபெற்றது.

வல்வெட்டித்துறை விக்னேஸ்வரா விளையாட்டுக் கழகத்தினால் ”பட்டப்போட்டித் திருவிழா 2018” ஏற்பாடு செய்யப்பட்டிருந்தது.

பட்டப்போட்டித் திருவிழாவைக் கண்டுகளிப்பதற்காக வல்வெட்டித்துறை ரேவடி கடற்கரையில் ஆயிரக்கணக்கான மக்கள் திரண்டிருந்தனர்.

போட்டியில் பல்வேறு வடிவங்களைக் கொண்ட 68 வகையான விசித்திர பட்டங்கள் பறக்க விடப்பட்டன.

வானத்தில் பட்டங்கள் காட்டிய வர்ணஜாலங்கள் பார்வையாளர்களுக்கு பெரும் விருந்தாக அமைந்திருந்தது.

காங்கேசன்துறை துறைமுகத்தை அபிவிருத்தி செய்வதற்காக இந்தியா, இலங்கைக்கு 45.27 மில்லியன் அமெரிக்க டொலர் நிதியினைத் தந்து உதவி செய்துள்ளது.

இது தொடர்பான உடன்படிக்கை புதுடில்லியில் இந்திய ஏற்றுமதி வங்கியின் முகாமைத்துவப் பணிப்பாளர் டேவிட் றஸ்குன்கா மற்றும் இலங்கை நிதியமைச்சின் திறைசேரியின் செயலாளர் ஆர்.எச்.எஸ். சமரதுங்கவிற்கும் இடையில் கைச்சாத்திடப்பட்டுள்ளது.

இலங்கை மற்றும் இந்திய அரச உயர் அதிகாரிகளுக்கு மத்தியில் குறித்த உடன்படிக்கை கைச்சாத்திடப்பட்டுள்ளது.

குறித்த நிதியுதவியின் மூலம், காங்கேசன்துறை துறைமுகம் முழு வசதிகளை கொண்ட வர்த்தக துறைமுகமாக அபிவிருத்தி செய்யப்படவுள்ளதாக தெரிவிக்கப்படுகின்றது.

இதன்காரணமாக இந்த துறைமுகம் பிராந்தியத்தின் முக்கிய கடல் எல்லையின் கேந்திர நிலையமாக திகழும் எனவும், இதனை முன்னிட்டு வடக்கில் பாரிய வேலைத்திட்டங்களும் முன்னெடுக்கப்படவுள்ளதாக தெரிவிக்கப்படுகின்றது.

மேலும், இந்திய அரசாங்கம் இலங்கையின் அபிவிருத்தி திட்டங்களுக்கு தொடர்ச்சியாக உதவிகளை வழங்கும் என்று இதன்போது உறுதியளிக்கப்பட்டுள்ளது.

முன்னாள் முதல்வர் ஜெயலலிதாவின் மறைவுக்குப் பிறகு, ஜெயா டிவி மற்றும் டாக்டர் நமது எம்ஜிஆர் நாளிதழ் ஆகிய ஊடக நிறுவனங்கள் டிடிவி தினகரனின் கட்டுப்பாட்டில் இயங்குவதால், அதிமுகவின் ஓபிஎஸ்-இபிஎஸ் அணியினர் தங்களுக்கென ஒரு நாளிதழும், தொலைக்காட்சியும் தொடங்கவுள்ளனர்.

ஜனவரி 8ம்தேதி தமிழக சட்டமன்ற உறுப்பினர்கள் கூட்டம் நடக்கவுள்ளதால், அந்த கூட்டத்தில் அதிமுக உறுப்பினர்களின் பங்கேற்பு எவ்வாறு இருக்கவேண்டும் என்று விவரிக்க சென்னை ராயப்பேட்டையில் உள்ள அதிமுக கட்சி அலுவலகத்தில் விளக்கக்கூட்டம் இன்று (ஜனவரி3) நடத்தப்பட்டது.

அதிமுக சட்டமன்ற உறுப்பினர்கள் 104 பேர் கலந்துகொண்ட இந்தக் கூட்டத்தில், கட்சிக்காக நாளிதழ் மற்றும் தொலைக்காட்சி தொடங்க வேண்டும் என்று முடிவுசெய்யப்பட்டுள்ளது என அதிமுகவின் செய்தித்தொடர்பாளர் பொன்னையன் பிபிசி தமிழிடம் உறுதிப்படுத்தினார-

ஜெயா டிவி மற்றும் டாக்டர் நமது எம்ஜிஆர் நாளிதழின் நிலை என்ன என்றும் புதிதாக ஊடகம் ஒன்றை தொடங்கவேண்டிய தேவை குறித்தும் பிபிசிதமிழிடம் பேசிய பொன்னையன், ''எங்கள் கட்சியின் கருத்துகளை கிராமம், நகரம் என எல்லா இடங்களிலும் கொண்டு சேர்க்க ஊடகம் தேவைப்படுகிறது.

எல்லா அரசியல் கட்சிகளும் தங்களுக்கென ஊடகம் ஒன்றை நடத்தி வருகின்றனர். திமுகவில் கூட பிரிவுகள் உள்ளன. சன் தொலைக்காட்சி மற்றும் கலைஞர் டிவியில் அழகிரி காட்டப்படுவதே இல்லை. அதுபோல ஏற்கனவே ஜெயாடிவி மற்றும் நாளிதழ் இருந்தாலும், நாங்களும் தனியாக ஊடக நிறுவனத்தை நடத்த முடிவுசெய்துள்ளோம்,'' என்றார்.

அதிமுக சட்டமன்ற உறுப்பினர் கூட்டத்தில் விவாதிக்கப்பட்ட விவரங்கள் தொடர்பாக செய்தியாளர்களிடம் பேசிய அதிமுக அமைச்சர் ஜெயக்குமார் ஜனநாயக மாண்புகளை காப்பாற்றும் வகையில் சட்டமன்ற உறுப்பினர்கள் நடந்துகொள்ளவேண்டும் என்று கூறப்பட்டது என்றார்.

அடுத்து வரவிருக்கும் சட்டமன்றக் கூட்டத்தில், ஆர்.கே.நகர் சட்டமன்ற உறுப்பினர் டிடிவி தினகரனின் பங்கேற்பு, அதிமுகவிற்கு சிரமத்தை ஏற்படுத்துமா என்று செய்தியாளர்கள் கேட்டபோது ''நாம் ஒருவர் நமக்கு ஒருவர்'' என்ற அளவில்தான் டிடிவி தினகரனின் பங்கேற்பு இருக்கும். அவரால் அதிமுகவுக்கு எந்த பாதிப்பும் இருக்காது என்றும் கூறினார்.

அதிமுக சட்டமன்ற உறுப்பினர்கள், எதிர்க்கட்சியினர் குறைசொல்லும் அளவுக்கு நடந்துகொள்ளக்கூடாது என்றும் தேவையற்ற சர்ச்சை பேச்சுக்களில் ஈடுபடக்கூடாது என்றும் அறிவுறுத்தப்பட்டது என பெயர் சொல்ல விரும்பாத அதிமுக சட்டமன்ற உறுப்பினர் ஒருவர் பிபிசி தமிழிடம் தெரிவித்தார்.

மேலும், அடுத்த வாரம் தொடங்கவுள்ள சட்டமன்றக் கூட்டத்தில் அனைத்து அதிமுக சட்டமன்ற உறுப்பினர்களும் தவறாமல் தினமும் கலந்துகொள்ளவேண்டும் என்றும் தங்களது தொகுதியின் வளர்ச்சித்திட்டங்கள் குறித்து தெளிவாக தெரிந்துவைத்துக்கொள்ளுமாறு வலியுறுத்தப்பட்டுள்ளது என்றும் கூறினார்.

2017ஆம் ஆண்டுக்கான க.பொ.த உயர்தரப் பரீட்சையில், பௌதீக விஞ்ஞான பிரிவில் அகில இலங்கை ரீதியில் முதலிடம் பெற்ற யாழ்.மாணவனை வடக்கு ஆளுநர் ரெஜினோல்ட் குரே சந்தித்துள்ளார்.
யாழ். ஹாட்லி கல்லூரி மாணவரான ஸ்ரீதரன் துவாரகன் பௌதீக விஞ்ஞான பிரிவில் முதலிடம் பெற்று அகில இலங்கை ரீதியில் முதலிடம் பெற்றிருந்தார்.இந்த நிலையில் குறித்த மாணவனின் வீட்டிற்கு இன்று காலை சென்ற வடக்கு மாகாண ஆளுநர் தனது வாழ்த்துக்கைளை தெரிவித்தார்.அத்துடன் மாணவனின் பெற்றோரையும் சந்தித்துக் கலந்துரையாடினார்.வடக்கு ஆளுநர் ரெஜினோல்ட் குரே தனது தனிப்பட்ட நிதியிலிருந்து 10 ஆயிரம் ரூபா பெறுமதியான காசோலையையும் மாணவனுக்கு அன்பளிப்புச் செய்தார்.புலோலி, புற்றளை, உபயகதிர்காமத்தைச் சேர்ந்த ஸ்ரீதரன் துவாரகன் பௌதீக விஞ்ஞான பிரிவில் 3A பெறுபேற்றை பெற்றுள்ளமை குறிப்பிடத்தக்கது.

யாழ்ப்பாணம் ஆரியகுளம் நாக விகாரையின் விகாராதிபதி உயிரிழந்துள்ள நிலையில் அவரது உடலினை யாழ்ப்பாணம் முற்றவெளிப் பகுதியில் தகனம் செய்வதற்கான ஏற்பாடுகளை யாழ்.இராணுவ படைத் தலமையகம் முன்னெடுத்துள்ளது.

குறித்த நாக விகாரையின் விகாரதிபதி மேகாஜதுரே ஜானரத்ன கடந்த 19ஆம் திகதி உயிரிழந்திருந்தார். அவரது உடலினை இன்றைய தினம் பிற்பகல் 2 மணியளவில் தகனம் செய்வதற்கு யாழ்.இராணுவ படைத் தலைமையகம் ஏற்பாடுகளை முன்னெடுத்து வருகின்றது.

இந்நிலையில் யாழ்ப்பாணம் கோட்டைக்கு பின்னால் பொதுவெளியில் இவரது உடலினை தகனம் செய்வதற்கான ஏற்பாடுகளை யாழ். இராணுவ படைத் தலைமையகம் முன்னெடுத்து வருகின்றது.

இதற்காக குறித்த பகுதியில் தகனம் செய்வதற்கான கோபுரங்கள் அமைக்கப்பட்டும், அஞ்சலிகள் நடாத்துவதற்கான கொட்டகைகள் அமைக்கப்படும் அப் பகுதி முழுவதும் இராணுவத்தினுடைய கட்டுப்பாட்டில் மேற்படி ஏற்பாடுகள் முன்னெடுக்கப்பட்டு வருகின்றன.

மேலும் குறித்த விகாராதிபதியின் தகன அஞ்சலி நிகழ்வில் கலந்துகொள்ள இலங்கை இராணுவத் தளபதி மகேஸ்சேனநாயக்கவும் அங்கு சென்றுள்ளார்.

இதேவேளை குறித்த பகுதியில் தகனம் செய்யக் கூடாது என பொதுமகன் ஒருவரால் யாழ்.நீதிமன்றில் வழக்குத் தொடர்வதற்கான நடவடிக்கைகள் மேற்கொள்ளப்பட்டு வருவதாக அறியமுடிகின்றது.

மேலும் தமிழ்த் தேசிய பண்பாட்டு பேரவையானது குறித்த பகுதியில் தமிழர் ஆராய்ச்சி மாநாட்டின் நினைவுத்தூபி, முனீஸ்வரர் ஆலயம், ஆகிய உள்ள நிலையில் அங்கு தகனம் செய்யக் கூடாதென உத்தரவிட வேண்டும் எனக் கூறி வடமாகாண முதலமைச்சர், யாழ்.மாநகர சபை ஆணையாளர் மற்றும் தொல்பொருளியல் திணைக்கள யாழ்.ஆணையாளர் ஆகியோருக்கு கடிதமொன்றையும் அனுப்பியுள்ளது.


தற்போது ஐயப்ப விரதம் ஐயப்ப அடியார்களால் அனுட்டிக்கப்படுகிறது. இதற்காக விரதத்தை அனுஸ்டிப்பவர்கள் கறுப்பு நிறமான ஆடைகளை அணிவதுடன் கறுப்பு நிறமான சால்வையை கழுத்தில் சுற்றி கால்களில் செருப்பின்றி இந்த விரதத்தை அனுஸ்டிக்கின்றனர்.

கடந்த வாரம் இவ்வாறு ஐயப்ப அடியார் ஒருவர் நீதிமன்றுக்கு இந்த கோலத்தில் வந்தபோது அவரை கடுமையாக எச்சரித்த நீதிவான் சி.சதீஸ்தரன் அவரை நீதிமன்றை விட்டு வெளியேறுமாறு பணித்தார். அத்துடன் நீதிமன்ற பொலிஸ் உத்தியோகத்தரை இவ்வாறான நபர்களை நீதிமன்றுக்குள் அனுமதிக்க வேண்டாம் எனவும் கட்டளையிட்டார்.

இதன் காரணமாக ஐயப்ப பக்தர்கள் பலர் நீதிமன்றுக்குள் அனுமதிக்கப் படவில்லை.

இதே வேளை யாழில் உள்ள ஐயப்ப பக்தர்களில் பெருமளவானோர் சமூகவிரோதிகளாகவும் நீதிமன்றத்தில் தண்டனைக்கு உட்பட்டவர்களாகவும் காணப்படுவதாகவும் மீதமுள்ள ஐயப்ப பக்தர்கள் மிகுந்த அப்பாவிகளான பணக்காரர்களாகக் காணப்படுவதாகவும் ஐயப்ப பக்தர்கள் தொடர்பாக அனுபவமிக்க ஒருவர் தெரிவித்துள்ளார்.

ஐயப்ப விரதம் அனுஸ்டிக்கும் நாட்களில் யாழில் பெருமளவான குற்றச் செயல்கள் குறைந்து காணப்படுவது வழமையாகும்.