WELCOME TO PANNAGAM.COM & PTV

பண்ணாகம் இணையம்

NEWS - 4

கட்டுநாயக்க விமான நிலையத்தின் கூரை பெயர்ந்து விழுந்ததால், குடிவரவுத் திணைக்களப் பணிகள் பாதிக்கப்பட்டன

கடும் மழை காரணமாக, கடந்த  வெள்ளிக்கிழமை கட்டுநாயக்க விமான நிலையத்தின் குடிவரவுப் பகுதியில் உள்ள கூரை ஆங்காங்கே பெயர்ந்து விழுந்தது.

இதனால் குடிவரவுச் சோதனைகள் நடத்தப்படும் பகுதியில் பயணிகள் பெரும் சிரமங்களை எதிர்கொண்டனர்.

குடிவரவுச் சோதனைக்காக உள்ள பத்து சாவடிகளில்,  மூன்று சாவடிகள் இதனால் மூடப்பட்டன.

கடும் மழை பெய்யும் போது இதற்கு முன்னரும் கட்டுநாயக்க விமான நிலைய கூரை பெயர்ந்து விழுந்த சம்பவங்கள் இடம்பெற்றுள்ளன.

எனினும், இத்தகைய சம்பவங்களை தடுக்க நடவடிக்கை எடுக்கப்படவில்லை என்று குற்றச்சாட்டுகள் எழுந்துள்ளன.

இலங்கையிலிருந்து மத்திய கிழக்கு நாடுகளுக்கு வீட்டு வேலைக்கு அனுப்படும் இலங்கை தமிழ்ப்பெண்களுக்கு வலுக்கட்டாயமாக கருத்தடை ஊசி போடப்படும் என்ற அதிர்ச்சி தகவல் வெளியாகியுள்ளது.

இது தொடர்பான செய்தியை பிரித்தானியாவிலிருந்து வெளியாகும் தி கார்டியான் பத்திரிக்கை வெளியிட்டுள்ளது.

அதில், இலங்கையிலிருந்து வெளிநாடுகளுக்கு அதிலும் முக்கியமாக மத்திய கிழக்கு நாடுகளுக்கு என்று பணிக்கு ஆட்களை அனுப்ப அரசால் அங்கீகரிக்கப்பட்ட ஆறு நிறுவனங்கள் உள்ளன.

இந்த நிறுவனங்கள் தாங்கள் வீட்டு வேலை செய்ய அனுப்பும் பெண்கள் குறைந்தபட்சம் மூன்று மாதங்களுக்கு கர்ப்பமாக மாட்டார்கள் என அங்கு வேலைக்கு அமர்த்துபவர்களிடம் உறுதியளிக்கின்றனர்.

எனவே இதை நிறைவேற்றும் விதத்தில் மத்திய கிழக்கு நாடுகளுக்கு அனுப்ப தெரிவு செய்யப்படும் பெண்களுக்கு கருத்தடை ஊசி போடப்படுகிறது.

இது தொடர்பாக பேசிய ஒரு நிறுவனத்தின் முகவர், வெளிநாடுகளுக்கு அனுப்பபடுவர்களுக்கு அரசு சார்பாக மருத்துவ சோதனை நடைபெறும், அதன் பின்னரே நாங்கள் கருத்தடை சாதனங்களை அளிக்கிறோம் என கூறியுள்ளார்.

இது, டெபோ ப்ரோவெரா என்னும் மருந்து ஊசி வழியாக செலுத்தப்படுவதாக தெரியவந்துள்ளது.

இலங்கையில் நடந்த உள்நாட்டு யுத்தத்தின் போது பல்லாயிரக்கணக்கான ஆண்கள் இறந்துவிட்ட நிலையில் குடும்பத்துக்காக உழைக்க பெண்கள் இது போன்று வெளிநாடுகளுக்கு சென்றாக வேண்டிய சூழலுக்கு தள்ளப்படுகிறார்கள்.

அரசோடு துணை இராணுவமாகச் செயற்பட்ட EPDP இடமும், சந்திரகுமாரிடமும் ஆதரவுக்கரம் நீட்டி ஆட்சி அமைக்கும் இழி செயலை கிளிநொச்சி மாவட்ட மக்களாகிய நாம் ஒருபோதும்
செய்துவிடமாட்டோம். 


தமிழ் மக்களின் நீண்ட பெரும் விடுதலைப் போராட்ட வரலாற்றில் தம்மீது கட்டவிழ்த்து விடப்பட்ட இன அடக்குமுறைகளுக்கு எதிராகவும். தம் இனத்தின் இருப்பைத் தக்கவைத்துக் கொள்வதற்காகவும் தமிழர்கள் சிந்திய இரத்தமும், வியர்வையும், இன்றளவும் தமிழர்கள் சுமக்கும் வலிகளும் எண்ணிலடங்காதவை.

கிளிநொச்சி மாவட்ட தமிழ்த் தேசியக் கூட்டமைப்பு, இலங்கைத் தமிழ் அரசுக் கட்சியின் மாவட்ட கிளைத்தலைவரும், நாடாளுமன்ற உறுப்பினருமான சிவஞானம் சிறீதரன் அவர்களால் இந்த அறிக்கை ஊடகங்களுக்கு வெளியிடப்படுகிறது.

இருள் பொதிந்த இறுதிப்போருக்குள் அகப்பட்டுக்கொண்ட நான்கு இலட்சத்துக்கு மேற்பட்ட மக்கள் உண்ணஉணவின்றி ,உடுக்கத்துணியின்றி, இயற்கைக் கடன் தீர்க்கக்கூட இடமில்லாமல் அலைந்தபோது, வன்னிமண்ணில் வெறும் 75, 000 பேர்தான் உள்ளனர் என்ற அரசு உணவு கூட அனுப்பாமல் குழந்தைகளையும், வயோதிபர்களையும், காயப்பட்டவர்களையும், கர்ப்பவதிகளையும் பட்டினிபோட்டு, பாதுகாப்புவலயம் என அறிவித்த பகுதிக்குள்ளேயே பொஸ்பரஸ் குண்டுகளையும், கொத்தணிக் குண்டுகளையும் வீசி எம்மக்களைக் கொத்துக் கொத்தாக கொன்றொழித்த போது அரசோடு துணை இராணுவமாகச் செயற்பட்ட EPDP இடமும், சந்திரகுமாரிடமும் ஆதரவுக்கரம் நீட்டி ஆட்சி அமைக்கும் இழி செயலை கிளிநொச்சி மாவட்ட மக்களாகிய நாம் ஒருபோதும்
செய்துவிடமாட்டோம்.

தமிழர்கள் பல தசாப்த காலங்களாக இரத்தமும், கண்ணீரும், வியர்வையும் சிந்தி வளர்த்தெடுத்த விடுதலைப்பயிரை வேரோடு பிடுங்கியெறிந்துவிட்டு, தமிழ் இனத்தினது இருப்பையே சிதைத்து சின்னாபின்னமாக்கிய சிங்கள அரசோடு சேர்ந்து வெற்றிவிழாக கொண்டாடியும், 2011 இல் ஐக்கியநாடுகள் மனிதஉரிமைகள் ஆணையகத்தில் இன அழிப்புக்கான போர்க்குற்ற விசாரணைக்கு அத்திவாரமிடப்பட்டபோது, EPDPயின் டக்ளஸ் தேவானந்தா ஜெனீவாவின் முன்றலிலும், சந்திரகுமார் கிளிநொச்சி நகரத்திலும்,‘இறுதிப்பபோரில் இறந்தவர்கள் அனைவரும் புலிகளேயன்றி பொதுமக்களல்ல’என அப்போதைய அரசுக்கு ஒப்புக்கொடுத்ததை போரின் வலிகளை சுமந்துநிற்கும் தமிழ் மக்கள் ஒருபோதும் மறந்துவிடப்போவதில்லை. 2006ம் ஆண்டிலிருந்து இறுதிவரை யாழ்ப்பாண மண்ணில் 3000க்கு மேற்பட்ட இளைஞர்கள் காணாமல் ஆக்கப்பட்டு செம்மணியில் புதைக்கப்பட்டதற்கும், 1990களில் யாழ் மண்டைதீவு, அல்லைப்பிட்டி, மண்கும்பான் பகுதிகளில் கொப்பேகடுவவால் அழைத்துவரப்பட்ட 160க்கும் மேற்பட்ட இளைஞர்கள் மண்டைதீவு தோமையார் ஆலய முன்றல் கிணற்றிலும், செம்பாட்டுத் தோட்டக் கிணற்றிலும் தூக்கிவீசப்பட்டபோது அல்லைப்பிட்டியில் வைத்து உங்கள் பிள்ளைகளுக்கு நான் பாதுகாப்பு அளிக்கிறேன் எனக் கூறி, அப்படுகொலைகளுக்கு காரணமான டக்ளஸ் தேவானந்தாவும், அவரது அடிவருடி சந்திரகுமாரும் எப்படி எம்மோடு சம பங்காளிகளாகிவிட முடியும்?

கரைச்சி பிரதேச சபையிலும் ,பச்சிலைப்பள்ளி பிரதேச சபையிலும் எமக்கு கிடைத்த பெரும்பான்மையின் அடிப்படையில் தலா ஒவ்வொரு ஆசனப்பற்றாக்குறை உண்டு என்பது உண்மையே என்றாலும் ஆட்சி அமைப்பதற்காக இணைந்து செயற்படுமாறு நாம் ஒருபோதும் அவர்களை கோரவுமில்லை. இனி எப்போதும் அவ்வாறு கோரப்போவதுமில்லை. மாறாக இந்த இரண்டு சபைகளிலும் எமது கட்சி தவிர்ந்த ஏனையவர்கள் எல்லோரும் இணைந்து ஆட்சி அமைத்தால், நாங்கள் ஜனநாயக பண்புகளின் அடிப்படையில் ஆரோக்கியமுள்ள எதிர்க்கட்சியாக எமது பணியை எம்மக்களுக்கு ஆற்றுவோம். தேர்தல்களில் வெற்றி, தோல்வி என்பது இயல்பானதே! இவ்விரு சம்பவங்களும் நடக்கின்றபோது மக்களும், நாங்களும் விட்ட தவறுகளைத் திருத்திக் கொள்கிறோம். அதற்கான காலமௌனிப்பாக இன்னும் நான்கு ஆண்டுகள் காத்திருக்க வேண்டுமானால் அதற்கும் நாம் தைரியமான எண்ணத்தோடு தயாராக இருக்கிறோம்.

கொள்கைக்காக குப்பி கடித்து உயிர் மாய்த்த மாவீரர்களின் கந்தக மண்ணிலே, எதிரிகளை விட துரோகிகளே மன்னிக்கப்படமுடியாதவர்கள். அத்தகைய துரோகமிழைத்து, எம் இனத்தை அழித்தவர்களுடன் அணிசேர நாம் ஒருபோதும் தயாரில்லை. நாங்கள் எடுக்கும் முடிவு சரியா,பிழையா என்பதை வரலாறும், எம் தமிழ் மக்களும் தீர்மானிக்கட்டும்.

இலங்கை கம்னியூஸ்ட் கட்சியில் போட்டியிட்டதற்கு தான் வெட்கப்படுவதாக தெரிவித்து நபர் ஒருவர் தன்னை தானே செருப்பால் அடித்து கொண்ட சம்பவம் பரபரப்பை ஏற்படுத்தியுள்ளது. 

இந்த சம்பவம் தொடர்பில் மேலும் தெரியவருவதாவது,

நடைபெற்று முடிந்த உள்ளூராட்சி மன்ற தேர்தலில் இலங்கை கம்னியூஸ்ட் கட்சி போட்டியிட்டது.

இந்த கட்சியில் ஹட்டன் டிக்கோயா நகர சபைக்கு போனஸ் பட்டியலில் இருந்த வேட்பாளர் ஒருவருக்கு நுவரெலியா மாவட்ட பதில் நீதவான் ஏ.பி. கணபதிபிள்ளை முன்னிலையில் சத்தியபிரமாணம் செய்யவிருந்த நிகழ்வில் அதே கட்சியில் போட்டியிட்ட வேட்பாளர்கள் சிலர் இடையூறு விளைவித்துள்ளனர்.

இந்த பதவி பிரமாண நிகழ்வு நேற்று (24) மாலை 4 மணியளவில் ஹட்டன் கிருஷ்ணபவான் கலாச்சார மண்டபத்தில் இடம்பெறவிருந்தது.

எனினும், இந்நிகழ்வுக்கு இடையூறு செய்தமையால் வேறு ஒரு இடத்தில் சத்தியபிரமாணம் நிகழ்வு இடம்பெற்றுள்ளது.

நடைபெற்ற உள்ளூராட்சி மன்ற தேர்தலில் இலங்கை கம்னியூஸ்ட் கட்சி சார்பில் ஹட்டன் டிக்கோயா நகர சபைக்கு ஹட்டனில் சிலர் வேட்பாளராக போட்டியிட்டார்கள்.

அதில் போட்டியிட்டவர்கள் அனைவரும் 200 இற்கும் மேற்பட்ட வாக்குகளை பெற்றதனால் அக்கட்சிக்கு ஒரு பட்டியல் ஆசனம் கிடைக்கபெற்றது.

இதற்கு அக்கட்சியில் போனஸ் பட்டியல் வேட்பாளருக்கு அந்த கட்சியின் உயர்மட்ட குழு ஹட்டன் டிக்கோயா நகர சபைக்கு ஆசனத்தை வழங்கியுள்ளது.

எனினும், இதில் நேரடியாக போட்டியிட்டவர்களுக்கு ஆசனம் கிடைக்கவில்லையெனவும், இன்று இடம்பெறுகின்ற சத்தியபிரமாணம் நிகழ்வுக்கு அழைப்புவிடுக்கவில்லையெனவும், குறித்த பட்டியல் வேட்பாளர் தேர்தலின் பொழுது எவ்விதமான செயற்பாடுகளும் செய்யவில்லை.

ஆகவே இவருக்கு இந்த பதவி வழங்க கூடாது என தெரிவித்தே இந்த இடையூறை விளைவித்துள்ளனர்.

இது தொடர்பாக இலங்கை கம்னியூஸ்ட் கட்சியில் நேரடியாக போட்டியிட்ட வேட்பாளர் ஒருவரிடம் வினவியபோது,

இம்முறை தேர்தலில் இலங்கை கம்னியூஸ்ட் கட்சி இலங்கையில் எந்தவொரு இடத்திலும் ஆசனம் பெற்றுக்கொள்ளாத நிலையில் ஹட்டன் டிக்கோயா நகர சபையில் போனஸ் ஆசனத்தை பெற்றுக்கொண்டது.

இந்த ஆசனம் நேரடியாக களத்தில் போட்டியிட்ட தம்மீது நம்பிக்கை கொண்ட மக்கள் அளித்த வாக்குகள் மூலமாகவே இந்த ஆசனம் பெற்றுக்கொள்ளப்பட்டது.

அப்படியாயின் மக்கள் நம்பிக்கை கொண்ட எமக்கு இந்த ஆசனத்தை வழங்காமல் போனஸ் பட்டியலில் இருந்த வேட்பாளருக்கு வழங்கியது எவ்வகையிலும் ஏற்றுக்கொள்ள முடியாதுள்ளது.

குறித்த பட்டியல் வேட்பாளர் ஆசனத்தை பெற்றுக்கொண்டு பெருங்கட்சிகளுக்கு பணத்திற்கு விலை போவதாகவும் தெரிவித்து அவர் இலங்கை கம்னியூஸ்ட் கட்சியில் போட்டியிட்டதற்கு தான் வெட்கப்படுவதாக தெரிவித்து செருப்பால் அடித்துக்கொள்வதாக தெரிவித்து அவர் தன்னை தானே செருப்பால் அடித்துக்கொண்டார்.

இது தொடர்பாக இலங்கை கம்னியூஸ்ட் கட்சி போனஸ் பட்டியல் வேட்பாளரிடம் வினவியபோது,

நேரடியாக போட்டியிட்டவர்கள் கட்சியில் உறுப்பினர்கள் அல்லர். எந்த கட்சியிலும் இவர்களுக்கு வேட்பாளர்களுக்கான இடம் கொடுக்காத நிலையில் தான் அதை இந்த கட்சியில் பெற்றுக்கொடுத்தேன்.

ஆனால் அவர்கள் வட்டார ரீதியில் போட்டியிட்டு வெற்றிப்பெறவில்லை. ஆகவே இந்த பட்டியலில் ஊடாக கிடைத்த ஆசனத்தை பெறவேண்டும் என அவர்கள் முயற்சி செய்தார்கள். அது அவர்களுக்கு பலனளிக்கவில்லை.

இதனாலேயே இன்று நடைபெறவிருந்த சத்தியபிரமாணம் நிகழ்வை குழப்ப வேண்டும் என்பதற்காகவே திட்டமிட்டு சிலர் தடுத்தார்கள்.

ஆனால் நாங்கள் அங்கிருந்து வெளியே சென்று வேறு ஒரு இடத்தில் வைத்து சத்தியபிரமாணம் செய்துக்கொண்டோம் என குறிப்பிட்டுள்ளனர்.
யாழ் வலி மேற்கு சுழிபுரம் பிரதேச சபை முன்பாக சிலை திறப்பு விழா 18.3.2018
பண்ணாகத்தின் மைந்தனும் நாடறிந்த தலைவரும் இலங்கையின் முதலாவது தமிழ் எதிர்க்கட்சித் தலைவருமான மறைந்தும் மறையாத அப்பாப்பிள்ளை அமிர்தலிங்கம் அவர்களின் திருவுருவ சிலை திறப்பு விழா.

1949 ஆம் ஆண்டு புதிதாக ஆரம்பிக்கப்பட்ட தமிழரசுக் கட்சியில் இணைந்துகொண்ட இளைஞன் அப்பாப்பிள்ளை அமிர்தலிங்கம் 

எஸ்.ஜே.வி.செல்வநாயகம் மற்றும் ஜீ.ஜீ.பொன்னம்பலம் போன்ற கொழும்புசார் அரசியல் தலைவர்கள் செல்வாக்குச் செலுத்திய காலத்தில் நடுத்தரவக்கக் குடும்பத்திலிருந்து தோன்றிய உள்ளூர்த் தலைவராக அப்பாப்பிள்ளை அமிர்தலிங்கம் மக்கள் மத்தியில் செல்வாக்குப் பெற ஆரம்பித்திருந்தார்.

1977 ஆம் ஆண்டு தேர்தலில் வெற்றிபெற்ற அமிர்தலிங்கம் மரணிக்கும் வரை பாராளுமன்ற அரசியல்வாதியாகவே காலத்தை நகர்த்தினார்.

1977 ஆம் ஆண்டு இலங்கையின் எதிர்க்கட்சித் தலைவராகப் பதவிவகித்தார்.


--------------------------------------------


முஸ்லிம்­களை அதி­கம் கொண்ட யாழ்ப்­பா­ணம் ஐந்து சந்­திப் பகு­திக்கு வந்து திரண்ட பிக்­கு­க­ளால் அந்­தப் பகு­தி­யில் சிறிது நேரம் பதற்­றம் நில­வி­யது.

நேற்­று­முன்­தி­னம் இரவு ஐந்து சந்­திப் பகு­திக்­குச் சுமார் 15 வரை­யான பிக்­கு­கள் வந்­த­து­டன் அங்­குள்ள விடு­தி­யொன்­றில் தங்­கி­யி­ருந்­த­னர்.

இத­னால் அந்­தப் பகு­தி­யில் சிறிது பதற்­றம் நில­வி­யது. சம்­ப­வத்தை கேள்­வி­யுற்ற யாழ்ப்­பாண பொலி­சார் அப்­ப­கு­திக்கு விரைந்து வந்­த­து­டன் அந்த இடத்­தில் காவல் கட­மை­யி­லும் ஈடு­பட்­ட­னர்.

நாட்­டில் சிங்­கள –முஸ்­லீம் மக்­க­ளி­டையே கல­வ­ரங்­கள் இடம் பெற்­றுள்ள இந்த வேளை­யில் முஸ்­லீம் மக்­கள் செறிந்து வாழும் பகு­திக்கு ஏன் வந்­தார்­கள் என்­பது தொடர்­பான தக­வல்­கள் தெரிய வர­வில்லை.

கச்சதீவு புனித அந்தோனியார் தேவாலய திருவிழா இன்று ஆரம்பமாகியுள்ளது. இம்முறை இலங்கையிலிருந்து பெருந்தொகையான சிங்களவர்களும் கலந்து கொண்டுள்ளனர்.

தமிழக பக்தர்கள் காணிக்கையாக வழங்கிய கொடிமரத்தில் கோயில் நிர்வாகக்குழுவின் பங்குத் தந்தை யமீன் பவுல்ராஜ் தலைமையில் கொடியேற்றப்பட்டதோடு, தொடர்ந்து இந்திய, இலங்கை பக்தர்கள் இணைந்து சிலுவையை சுமந்து வரும் சிலுவைப்பாதை நிகழ்ச்சியும், புனித அருளானந்தரின் தேர்ப் பவனியும் சிறப்புத் திருப்பலியும் நடைபெற்றன.

யாழ். மறை மாவட்ட ஆயர் அருட்தந்தை ஜஸ்டின் பேர்னாட் ஞானபிரகாசம் அடிகளார், இன்று நடைபெற்ற ஆராதனையை நடத்தினார். ஆராதனைகள் தமிழிலும் சிங்களத்திலும் இடம்பெற்றது. வரலாற்றில் முதல்முறையாக சிங்களத்திலும் இடம்பெற்றது.

இலங்கையில் இருந்து சிங்களவர்கள் தமிழர்கள் என 6500பேர் இம்முறை கச்சத்தீவிற்கு சென்றுள்ளனர். இவர்களில் பெரும்பாலானோர் சிங்களவர்களாகும். இதுதவிர பெருந்தொகையான கடற்படையினரும் அங்கு வருகை தந்துள்ளனர்.

இந்தியாவில் இருந்து 1532 ஆண்களும் 336 பெண்களும் சிறுவர்கள் குழந்தைகள் 52பேருமாக 1920 பேர் கச்சத்தீவு சென்றுள்ளனர்.

தெற்கில் ஏற்பட்டுள்ள அரசியல் குழப்பநிலையில் வெளிநாடுகளின் தலையீடுகளும் இருக்கலாம் என வடக்கு முதல்வர் விக்னேஸ்வரன் தெரிவித்துள்ளார்.

யாழ்ப்பாணத்தில் இடம்பெற்ற நிகழ்வொன்றின் பின்னர் ஊடகங்களுக்கு கருத்து தெரிவித்தபோதே அவர் இதனை குறிப்பிட்டார்.

தொடர்ந்து கருத்து தெரிவிக்கையில்,

சர்வதேசங்கள் அரசாங்கத்தினை பிளவுபட விடமாட்டார்கள் என்ற தோற்றப்பாடு காணப்படுவதால் தற்போதைய அரசாங்கம் தொடர்ந்தும் நீடிக்குமென தாம் நம்புவதாகவும் அவர் குறிப்பிட்டுள்ளார்.

அரசாங்கம் இதன் பின்னர் முடிந்தளவு தமிழ் மக்களின் பிரச்சினைகளைத் தீர்ப்பதற்கோ, அல்லது அவற்றினை ஒதுக்கி வைப்பதற்கோ முனையலாம் என அவர் மேலும் குறிப்பிட்டுள்ளார்.

சமஸ்டி அரசியல் யாப்பினை 9 மாகாணங்களுக்கும் கொண்டு வருவதுடன், வடகிழக்கு மாகாணங்கள் இணைத்து, அவ்வாறான நடவடிக்கைகளை முன்னெடுக்க முடியும். ஆனால் இந்த விடயத்தில் சிங்கள கட்சிகள் எவ்வாறான நிலைப்பாட்டினை எடுக்கின்றார்கள் என்பதனைப் பொறுத்து, நிரந்தரமான தீர்வினை எட்ட முடியும் என்பதை தாம் எதிர்ப்பார்ப்பதாகவும் அவர் குறிப்பிட்டுள்ளார்.

வடக்கு- கிழக்கில் ஆதிக்கம் செலுத்திவந்த தமிழ் தேசிய கூட்டமைப்பிற்கு இம்முறை பாரிய வீழ்ச்சி ஏற்பட்டுள்ளதை சுட்டிக்காட்டும் வகையில் ஈழம் சிறியதாகிவிட்டது என முன்னாள் ஜனாதிபதி மஹிந்த ராஜபக்ஷ தெரிவித்துள்ளார்.

மஹிந்த தலைமையிலான ஸ்ரீலங்கா பொதுஜன பெரமுனவின் வெற்றியை தொடர்ந்து கொழும்பில் இன்று (திங்கட்கிழமை) நடைபெற்ற ஊடகவியலாளர் சந்திப்பின்போதே அவர் இவ்வாறு குறிப்பிட்டார்.

மேலும், இத்தேர்தலின் மூலம் வடக்கு கிழக்கில் தமிழ் மக்கள் மத்தியிலும் தனக்கு ஆதரவு கிட்டியுள்ளமை மகிழ்ச்சியளிப்பதாகவும் தெரிவித்துள்ளார்.

எதிர்வரும் பத்தாம் திகதி நடைபெறவுள்ள உள்ளூராட்சித் தேர்தல்களின் முடிவுகள் அன்றைய தினம் மாலை 7 மணி முதலே அறிவிக்கப்படவுள்ளதாக தேர்தல் ஆணைக்குழு தெரிவித்துள்ளது.

இதேவேளை, வாக்கெடுப்பு நிலையங்களைப் புகைப்படம் பிடிப்பதோ அல்லது காணொளிப் பதிவிடுவதோ கடுமையாகத் தவிர்க்கப்படவேண்டும் என, மேலதிக தேர்தல் ஆணையாளர் சமன் ஸ்ரீ ரத்னாயக்க தெரிவித்துள்ளார்.

அடுத்தமாதம் நடைபெறவுள்ள உள்ளூராட்சித் தேர்தலுக்கான தமிழ்த் தேசியக் கூட்டமைப்பின் தேர்தல் அறிக்கை நேற்று வவுனியாவில் வெளியிடப்பட்டது.

வவுனியாவில் உள்ள இலங்கைத் தமிழ் அரசுக் கட்சியின் பணியகத்தில் நேற்று மாலை நடந்த நிகழ்வில், இந்த தேர்தல் அறிக்கையை, தமிழ் அரசுக் கட்சியின் தலைவர் மாவை சேனாதிராசா, கூட்டமைப்பின் தலைவர் இரா.சம்பந்தனிடம் கையளித்தார்.

அதையடுத்து, கூட்டமைப்பின் பங்காளிக் கட்சிகளின் தலைவர்களுக்கு இரா.சம்பந்தன், தேர்தல் அறிக்கைகளை வழங்கினார்.