WELCOME TO PANNAGAM.COM & PTV

பண்ணாகம் இணையம்

NEWS - 4

யாழ்.வடமராட்சி கிழக்கில் பொலிஸாரின் துப்பாக்கிச் சூட்டில் இளைஞர் ஒருவர் படுகொ லை செய்யப்பட்டமை மிகவும் மோசமான சம்பவம் எனக் கூறியிருக்கும் வடமாகாண முதலமைச்சர் சி.வி.விக்னேஸ்வரன்

தமிழ் பொலிஸார் ஒருவர் சக தமிழ் இளைஞர் ஒரு வர் மீது துப்பாக்கிப் பிரயோகம் நடத்தி படுகொலை செய்ததாகக் கூறப்படுவது சகிக்க இயலாத ஒரு செயலெனவும் கூறியுள்ளார். 


கடந்த ஞாயிற்றுக்கிழமை வடமராட்சி கிழக்கில் பொலிஸாரின் துப்பாக்கி சூட்டில் இளைஞர் ஒருவர் படுகொலை செய்யப்பட்ட சம்பவம் தொடர்பாக நேற்று செவ்வாய்க்
கிழமை முதலமைச்சரிடம் ஊடகவியலாளர்கள் எழுப்பிய கேள்வி ஒன்றுக்கு பதிலளிக்கும்போதே அவர் இவ்வாறு கூறினார். இதன்போது அவர் மேலும் கூறுகையில்;


இச்சம்பவத்தில் பொலிஸார் துப்பாக்கி சூடு நடத்தியமை மிகவும் பிழையான ஒரு நடவடிக்கையாகும். தவறே செய்திருந்தாலும் அவர்களை தடுப்பதற்கு பல வழிகள் இருக்கின்றன. குறிப்பாக, வாகனத்தின் சில்லுக்கு சுட்டிருக்கலாம். அ தேபோல் அடுத்த பக்கத்தில் கடமையிலிருக்கும் பொலிஸாருக்கு கூறி வாகனத்தை தடுத்திருக்கலாம். இப்படிப் பல வழிகள் இருக்கின்றன.

ஆனால் அவற்றை கருத்தில் கொள்ளாமல் துப்பாக்கிச் சூடு நடத்தி இளைஞர் ஒருவரை கொலை செய்திருக்கின்றமை மிகவும் தவறானது. அது மட்டுமல்லாமல் துப்பாக்கிச் சூடு நடத்திய பொலிஸார் தனது அதிகாரத்தை துஷ்பிரயோகம் செய்திருக்கின்றார். 


அதேபோல் துப்பாக்கி சூடு நடத்தவும் ஒருவரைக் கொல்லவும் முக்கியமான காரணங்கள் இருக்கவேண்டும். குறிப்பாக சுய பாதுகாப்புக்கு பாதகம் உண்டாக்கப்படும்போது இவ்வாறான துப்பாக்கிச் சூ ட்டு சம்பவங்கள் நடப்பதுண்டு. ஆனால், இங்கே அவ்வாறான ஒரு நிலை இல்லாமல் துப்பாக்கிச் சூடு நடத்தப்பட்டு ஒரு இளைஞர் கொலை செய்யப்பட்டிருக்கின்றார்.


அதனை விட தமிழ் பொலிஸார் ஒருவர் சக தமிழ் இளை ஞர் ஒருவரை துப்பாக்கியால் சுட்டுப் படுகொலை செய்ததாகக் கூறப்படுவது சகிக்க இயலாத ஒரு செயலாகவே அமைந்திருக்கின்றது. இந்தவகையில் துப்பாக்கிச் சூடு நடத்திய பொலிஸார் கைது செய்யப்பட்டிருக்கின்றார்கள். இந்த விடயத்தை தொடர்ந்து பார்க்க வேண்டுமென்றார். 

ஜேர்மனியில் நடைப்பெற்று வரும் G-20 மாநாட்டிற்கு எதிராக நிகழ்ந்த போராட்டத்தில் சுமார் 76 பொலிஸ் அதிகாரிகளுக்கு காயம் ஏற்பட்டுள்ள சம்பவம் பரபரப்பை ஏற்படுத்தியுள்ளது.

ஜேர்மனியில் உள்ள Hamburg நகரில் நேற்று மாநாடு தொடங்கியுள்ளது. மாநாட்டிற்கு எதிராக போராட்டம் நிகழ வாய்ப்புள்ளதால் சுமார் 20,000 பொலிசார் பாதுகாப்பு பணியில் ஈடுப்பட்டனர்.

எனினும், மாநாடு தொடங்குவதற்கு முன்னதாக சுமார் 12,000 பேர் போராட்டத்தில் ஈடுப்பட்டனர்.

போராட்டக்கார்களை ஒடுக்க பொலிசார் ஈடுப்பட்டபோது இருதரப்பினருக்கு இடையே அடிதடி ஏற்பட்டுள்ளது.

பொலிசாரை நோக்கி போராட்டக்காரர்கள் கற்கள் மற்றும் கண்ணாடி பாட்டில்களை வீசியுள்ளனர்.

இத்தாக்குதலில் 76 பொலிசாருக்கு காயம் ஏற்பட்டது. பொலிசாரின் வாகனங்களும் தீயிட்டு எரிக்கப்பட்டன.

வடமாகாண முதலமைச்சர், தமது கட்சியின் தலமையை ஏற்க வந்தால், அதனை வரவேற்க தயாராக இருப்பதாக தமிழர் விடுதலை கூட்டணியின் செயலாளர் வீ. ஆனந்தசங்கரி தெரிவித்துள்ளார்.

வடமாகாண முதலமைச்சர் இல்லத்தில் நேற்றையதினம் முதலமைச்சரை சந்தித்து கலந்துரையாடியதன் பின்னர் ஊடகங்களுக்கு கருத்து தெரிவிக்கையிலையே அவ்வாறு தெரிவித்தார்.

மேலும் தெரிவிக்கையில் ,

வடமாகாண முதலமைச்சரை விமர்சிப்பதற்கு இங்குள்ள சிலருக்கு தகுதியில்லை. இந்த சந்திப்பில் நாங்கள் அரசியல் பேசவில்லை அவருக்கு ஆறுதலாக சந்தித்து கலந்துரையாடினேன் என அவர் தெரிவித்துள்ளார்.

தன்னுடைய கட்சிக்கு அவர் தலைமையேற்க வருவார் என்றால் அவரை தாங்கள் வரவேற்க தயாரக இருக்கின்றோம் எனவும்  அவர் ஒருவருக்கே தலமைதாங்குவதற்கான தகுதி இருக்கின்றது எனவும் அவர் தெரிவித்தார்.

புதிய கட்சி ஆரம்பிக்க போவதாக ஊடகங்களில் வெளியான செய்திகள் பொய்யானவை எனவும் தன்னுடைய கட்சி பழைய தமிழ் தலைவர்களால் உருவாக்கப்பட்ட பழமையான கட்சி. அந்த கட்சியை பாதுகாக்க வேண்டும் எனவும் அவர் தெரிவித்துள்ளார்.

மேலும் அதற்கு முதலமைச்சர் தயார் என்றால் வரவேற்போம் எனவும்  இதனை தாம் எப்போதே அவரிடம் சொல்லிவிட்டோம் எனவும்  இந்த சந்திப்பில் அது பற்றி எதுவும் கதைக்கவில்லை எனவும் அவர் தெரிவித்துள்ளார். .

அதேவேளை இந்த சந்திப்பு அரசியல் சந்திப்பில்லை எனவும் தானும் ஆனந்தசங்கரியும் 55 வருடங்களுக்கு மேலாக நண்பர்கள் எனவும் தன்னைப்பற்றி வந்த விமர்சனங்களை பத்திரிகைகளில் படித்துவிட்டு இந்த வயதிலும் வேகம் கொண்டு தன்னை சந்தித்து ஆறுதல் கூறினார்.

தன்னைப்பற்றி தவறாக பேசுவதைக்கண்டு அவரால் பொறுக்க முடியவில்லை எனவும்  அதனால் தன்னை தேற்றுவதற்காகவே சந்தித்தார் எனவும்  முதலமைச்சர்தெரிவித்தார்.

அண்மையில் வடமாகாணத்தில் ஏற்பட்டிருந்த அரசியல் குழப்ப நிலையை தொடர்ந்து தமிழ்த் தேசியக் கூட்டமைப்பின் தலைவர் இரா.சம்பந்தனுக்கு வெளிநாட்டு தூதுவர்கள் அழுத்தம் கொடுத்துள்ளதாக தகவல்கள் வெளியாகியுள்ளன.

வடக்கில் ஏற்பட்டிருந்த அரசியல் குழப்பங்களை முடிவுக்கு கொண்டு வருமாறு வலியுறுத்தி இவ்வாறு அழுத்தங்கள் கொடுக்கப்பட்டிருந்ததாக தெரிவிக்கப்பட்டுள்ளது.

ஆங்கில ஊடகங்களை மேற்கோள்காட்டி வெளியாகியுள்ள செய்தியில் இந்த விடயம் தெரிவிக்கப்பட்டுள்ளது.

வடக்கில் ஏற்பட்டிருந்த அரசியல் நெருக்கடி தீவிரமடைந்த நிலையில், கூட்டமைப்பின் தலைவர் இரா.சம்பந்தனை வெளிநாட்டு தூதுவர்கள் பலரும் தொடர்பு கொண்டிருந்தனர்.

உடனடியாக குறித்த பிரச்சினையில் தலையிட்டு தீர்வு காணவேண்டும் என சம்பந்தனை வெளிநாட்டு தூதுவர்கள் வலியுறுத்தியிருந்தனர்.

தமிழ் மக்களின் பிரச்சினைகளுக்குத் தீர்வு காணும் விடயத்தில், தமிழ் அமைப்புகள் அனைத்தும் ஒற்றுமையுடன் செயற்பட வேண்டியது அவசியம் என வெளிநாட்டுத் தூதுவர்கள் வலியுறுத்தியிருப்பதாக கூறப்படுகிறது.

அமெரிக்கா, இந்தியா உள்ளிட்ட சில மேற்குலக நாடுகள் கூட்டமைப்பின் ஒற்றுமையை உறுதிப்படுத்துவதில் கவனம் செலுத்தியதாக அந்த செய்தியில் மேலும் தெரிவிக்கப்பட்டுள்ளது.

இதேவேளை, வடக்கில் ஏற்பட்டுள்ள குழப்ப நிலையை முடிவுக்கு கொண்டு வர சில வெளிநாட்டுத் தூதுவர்கள் எனக்கு ஆலோசனை வழங்கியிருந்ததாக இரா.சம்பந்தன் அண்மையில் தெரிவித்திருந்தமை குறிப்பிடத்தக்கது.

இது தொடர்பா வேற என்னலாம் நடந்திருக்குனு தெரிஞ்சுக்கலாமா?

தன் மீது நம்­பிக்­கை­யில்லை எனத் தெரி­வித்து மாகாண சபை உறுப்­பி­னர்­கள் வட மாகாண ஆளு­ந­ரி­டம் கைய­ளித்த மனு­வைத் திரும்­பப் பெற்­றுக்­கொண்­டால் தற்­போ­தைய பிரச்­சி­னை­யைத் தீர்த்­துக்­கொள் ள­லாம் எனத் தெரி­வித்­த◌ார் வட மாகாண முத­ல­மைச்­சர் சி.வி.விக்­னேஸ்­வ­ரன். தனக்­கெ­தி­ரான நம்­பிக்­கை­யில்­லாத் தீர்­மா­னம் வெற்­றி­பெ­றாது என்­றும் அவர் நம்­பிக்கை தெரி­வித்­தார். 

‘‘அவர்­கள் ஒரு மனுக் கொடுத்­துள்­ள­னர் ஆளு­ந­ரி­டம், அந்த மனு­வைத் திரும்ப வாங்­க­வேண்­டும், இந்­தக் கொந்­த­ளிப்­புத் தானா­கவே நிறுத்­தப்­ப­டும். ஏனென்­றால் மனு­வைத் திரும்­பப் பெற்­ற­வு­டன் அது சம்­பந்­த­மான நட­வ­டிக்கை தொட­ராது. எவ­ருமே அதைப் பற்றி பேச வேண்­டிய அவ­சி­ய­மில்லை. எங்­கள் வேலை­கள் நடந்­து­கொண்­டு­போ­கும்” என்­றார் அவர்.

வடக்கு மாகாண சபை தொடர்­பாக எழுந் துள்ள அர­சி­யல் சிக்­க­லைத் தொடர்ந்து நேற்று அவர் செய்­தி­யா­ளர்­க­ளி­டம் பேசி­னார். அப்போது அவர் தெரிவித்த தாவது:

கேள்வி: சம்பந்தருடன் என்ன பேசினீர்கள்?

பதில்: நாங்கள் சம்பந்தனுடன் பேசிய விடயங்கள் தொடர்பாகத்தான் தொடர்ந்தும் பேசிக் கொண்டிருக்கின்றோம்.   அறிக்கையில இரண்டு பேரைப் பற்றித்தான் சொல்லப்பட்டிருக்கின்றது, மற்றைய இருவரைப் பற்றியும் சொல்லவில்லை, அது சம்பந்தமாக நடவடிக்கை எடுப்பதற்கு காரணம் என்ன என்று கேட்டார் சம்பந்தன். அவர்கள் சம்பந்தமான விசாரணை நடத்தப்படவில்லை. 

முறைப்பாட்டாளர் வராதபடியால் அவர்களுக்கு எதிராக எந்தவிதமான தீர்மானமும் எடுக்கப்படவில்லை. ஆனால் 7ஆம் திகதி முறைப்பாட்டாளர் சபையில், இன்னொரு விசாரணை நடத்தினால் இருவர் பற்றியும் உரிய சாட்சியம் வழங்க முடியும் என்று கூறினார். அதன் பின்னரும் முறைப்பாடுகள் புதிதாகக் கிடைத்துள்ளன. அதனடிப்படையில்தான் எனது தீர்மானம் அமைந்திருந்தது. 

முறைப்பாட்டாளர் திரும்ப வருவதாகக் கூறியதால் விசாரணையைத் திரும்ப நடத்தத் தீர்மானித்தேன். ஒரு மாதத்திற்கு அவர்களை விடுமுறையில் இருக்கும்படியும் அவர்களுக்குச்  சம்பளம் கிடைக்கும் என்றும் கார் வைச்சிருக்கலாம் எல்லாம் செய்யலாம் என்றும் அதால அவர்களை விடுமுறையில் இருக்கும்படியும் கேட்டேன். அவர்களின்ர அமைச்சுக்களை நான் பார்த்துக்கொள்கின்றேன் என்று சொன்னேன். விசாரணைக்கு பங்கம் ஏற்படாத வகையில் நடந்துகொள்ளவேண்டும் என்று கூறினேன். இது சம்பந்தமாகத்தான் சம்பந்தன் பேசினார்.

அவர்கள் தொடர்ந்து அமைச்சர்கள் என்ற முறையில் வேலை செய்ய என்ன செய்யலாம் என்று சம்பந்தன் கேட்டார். அவர்கள் எழுத்து மூலமாக, இந்த விசாரணை நடக்கும்போது எந்தவிதமான பாதிப்புக்களையும் ஏற்படுத்தாது நடந்து கொள்கின்றோம் என்ற அடிப்படையில் தங்களைத் தொடர்ந்து அமைச்சர்களாகப் பதவி வகிக்க இடமளிக்கவேண்டும் என்று சொல்லிக் கேட்டால் அதை நான் பரிசீலித்து அனுமதியைக் கொடுக்க முடியும் என்று தெரிவித்தேன்.

இதேவிடயத்தைத்தான் சித்தார்த்தனும், சிறீதரனும், சாள்””ஸ்சும் கேட்டனர். அப்படி எதுவும் எழுத்தில் கேட்காமல் நீங்களாகவே வேலையைச் செய்யச் சொல்லிச் சொல்லுங்கோவன் என்று  சிறிதரனும் சாள்ஸ்சும் கேட்டனர். நான் அப்படிச் செய்ய முடியாது என்று கூறிவிட்டேன். நான் எழுத்திலேயே போட்டுள்ளேன். அந்த எழுத்த மாத்த வேண்டும் என்றால் எழுத்திலதான் கேட்கவேண்டும், நான் நினைச்சமாதிரிச்  செய்ய முடியாது என்று கூறிவிட்டேன். அதைதான் கன நேரமாக கதைத்துப் பார்த்தார்கள். நான் முடியாது என்று சொல்லி விட்டேன். போய்விட்டார்கள். சம்பந்தன், மாவையிடம் கதைச்சுப்போட்டுச் சொல்லுறன் என்று கூறினார். ஆனால் இதுவரையில் சொல்லவில்லை. 

கேள்வி: மதத் தலைவர்களைச் சந்தித்து என்ன பேசினீர்கள்? 
பதில்: நாங்கள் மதத் தலைவர்களைச் சந்தித்தது, என்ன நடந்தது என்பதைத் தெரியப்படுத்தத்தான். ஏனென்றால் மக்கள் இப்போது கொந்தளிச்சு இருக்கின்றார்கள். அந்த நிலையிலேயே மதப் பெரியார்கள் எல்லோரும் இதைப் பற்றி அறிந்திருந்தால்தான் என்ன நடவடிக்கை எடுக்க வேண்டும் என்பதைப் பற்றித் தெரிய வரும். 

இந்தக்  கொந்தளிப்பை அடக்க என்ன செய்யவேண்டும் என்று நல்லை ஆதினம் கேட்டார். நான் சொன்னேன், அவர்கள் ஒரு மனுக் கொடுத்துள்ளனர் ஆளுநரிடம், அந்த மனுவைத் திரும்ப வாங்கவேண்டும், கொந்தளிப்புத் தானாகவே நிறுத்தப்படும் என்று. ஏனென்றால் மனுவைத் திரும்பப் பெற்றவுடன் அது சம்பந்தமான நடவடிக்கை தொடராது. எவருமே அதைப் பற்றி பேச வேண்டிய அவசியமில்லை. எங்கள் வேலைகள் நடந்துகொண்டுபோகும்.
கேள்வி: - எழுத்துமூலம் (அமைச்சர்கள்) தருவதில் என்ன பிரச்சினை ?
பதில்: அது வந்து, கொஞ்சம் நாங்கள் கொழுத்திட்டம்தானே. கஷ்டமாக இருக்கின்றது. (சிரிக்கின்றார்.) அவ்வளவுதான்.

கேள்வி:  பதவி விலகல் கடிதத்தைக் குருகுலராசா தந்து விட்டரா ?
பதில்: - தருவேன் என்று சொல்லியிருக்கின்றார். என்னிடம் சொல்லவில்லை. வேறு ஒருவரிடம் சொல்லியிருக்கின்றார். தருவார். 

கேள்வி: தங்களுக்கு எதிரான நடவடிக்கை என்று தெரியாமல் நம்பிக்கையின்மையை வெளிப்படுத்தும் மனுவில் கையொப்பம் இட்டோம் என்று சிலர் கூறுகின்றனரே ?

பதில்: - பசுபதிப்பிள்ளை ஐயாவும், ஜவாகிர் அப்பிடிச் சொல்லியிருக்கிறார்கள். அவ்வளவுதான் எனக்கும் தெரியும். உங்களுக்குத் தெரிந்த அளவுதான் தெரியும். நான் அவர்களுடன் கதைக்கவில்லை. இருந்து பார்ப்போம். அப்பிடியென்றால், எனக்கு எதிராக வாக்களிக்கக் கூடியவர்களுடைய தொகை குறைந்து கொண்டு போகக்கூடும். அப்ப இந்த மனுவைத் திரும்பப் பெறுவதில் பிரச்சினை இருக்காது. 

கேள்வி: அமைச்சர் சரத்பொன்சேகா, இரு வாரத்துக்கு முன்னர் உங்களை பதவி நீக்குவது தொடர்பில் பேசியதாக நீங்கள் சொல்லியிருந்தீர்கள். அவர் எங்கே சொல்லியிருந்தார். 
பதில்: - இரண்டு கிழமைக்கு முதலோ மூன்று கிழமைக்கு முதலோ அந்தச் செய்தி வந்தது. நீங்கள் எந்தப் பத்திரிகை என்பதைத் தேடிக் கண்டறியுங்கள். 

கேள்வி: - சரத்பொன்சேகாவுடன் பேசியபோது, அவர்தான் அப்படிச் சொல்லவில்லை என்கின்றாரே ? 

பதில்: - பத்திரிகையில் இருந்தது. தனது உதவியாளரிடம் சிங்களத்தில் பேசினார். தமிழ் பத்திரிகையில்தான் கண்டிருக்கின்றம். அவருடைய கருத்தை வைத்து நடந்திருக்கிறதை அனுமானிக்கின்றன். மற்றதுகளைப் பற்றி என்னால் சொல்லமுடியாது. கொழும்பில இருந்து வரும் ஒருவர் இங்கு இப்பிடி ஒன்று நடக்கப்போகுது என்று கூறமுடியுது என்றால், அதாவது என்னுடைய பதவி பறிபோகக் கூடிய நிலை இருக்காதபோதே விரைவில் அவருடைய பதவி பறிபோகப் போகின்றது என்றால், எங்கோ ஓரிடத்தில் இதைப் பற்றி பேசியிருக்கினம். கதைச்சிருப்பினம். இது சம்பந்தமாக நடவடிக்கைகள் நடக்கப் போதை அவருக்குத் தெரியப்படுத்தியிருப்பதால்தான் அவர் இங்கு வந்து அதனைச் சொல்லியிருப்பார். இவ்வளவுதான் என்னால் சொல்ல முடியும். 

கேள்வி: ஐங்கரநேசனைப் பாதுகாப்பதற்காக நியமிக்கப்பட்ட விசாரணைக் குழுவால் அவருக்கே பாதிப்பு ஏற்பட்டுவிட்டது என்று சொல்லப்படுகிறதே!
பதில்: - முதலில் ஐங்கரநேசனுக்கு எதிராகத்தான் குற்றச்சாட்டுக்கள் வந்தன. அது சம்பந்தமாக விசாரித்துக் கொண்டு போகும்போது ஏனையோருக்கு எதிராகவும் குற்றங்கள் சுமத்தப்பட்டன. சபையில சத்தம் போட்டது எல்லாம் ஓர் அமைச்சருக்கு எதிராகத்தான். ஆனால் எனக்கு பல முறைப்பாடுகள் வந்தன, எல்லாருக்கும் எதிராக. ஆகவேதான் 4 பேருக்கும் எதிராக விசாரணைக் குழு அமைக்கப்பட்டது.

கேள்வி: - அமைச்சர் ஐங்கரநேசன், நீங்கள் நியமித்த விசாரணைக் குழுவின் நீதிபதி ஒருவர் தொடர்பில் குற்றச்சாட்டு முன்வைத்துள்ளார். அவரை நீங்கள்தானே நியமித்தீர்கள். 
பதில்: - நாங்கள் நியமிக்கேக்க எல்லாத்தையும் பார்க்கேலாது. ஒவ்வொருத்தரைப் பற்றியும் விசாரிக்க இயலாது. அவர்கள் இருவரும் ஓய்வுபெற்ற மேல் நீதிமன்ற நீதிபதிகள். 

கேள்வி :- ஐங்கரநேசன், விசாரணைக் குழு மீது குற்றச்சாட்டுச் சொல்வது சரியா ?
பதில்:- அதைப் பற்றி எனக்குச் சொல்ல முடியாமல் இருக்கு. விசாரணைக் குழுவில் இருந்த ஒருவர் ஒரு வழக்கில் சட்டத்தரணியாக ஈடுபட்டிருக்கின்றார். அது எனக்குத் தெரியாது.ஆரம்பத்திலேயே தெரியப்படுத்தியிருந்தா நடவடிக்கை எடுத்திருக்கலாம். எல்லாம் முடிந்து தீர்மானம் எடுத்த பின்னர் சொன்னால் நான் என்ன செய்ய ? 

கேள்வி: - சுமந்திரனின் ஊடக அறிக்கை குறித்து?
பதில்: - முதலிலேயே இதைத்தான் சொன்னான். ஐங்கரநேசனுக்கு எதிராகத்தான் குற்றச்சாட்டுக்கள் கொண்டு வந்தார்கள். ஆனால் 4 பேருக்கு எதிராகவும் குற்றச்சாட்டுக்கள் வந்தன. அதுதான் உண்மை.

கேள்வி: - சமாதான முயற்சிகள் எந்த நிலையில் உள்ளன?
பதில்: - இப்போ இருக்கிற நிலையில் பலருடைய ஆதரவும் கிடைக்கிற மாதிரித்தான் தெரியுது. ஆனால் நிச்சயமாக என்னால் சொல்ல முடியாது. அவர்கள் கொடுத்த மனு தள்ளுபடியாகும். அது முன்னேறாது. அதிலும் பார்க்க அவர்கள் ஆளுநரிடம் கொடுத்த மனுவைத் திரும்பப் பெற்றால் இந்தப் பிரச்சினையைத் தீர்த்துக்கொள்ளலாம். மற்றம்படி நாங்கள் முன்னேறலாம் என்றதுதான் நிலை. சமரசம் பேசினால் பேசிக் கொண்டே போக வேண்டியதுதான். இது தீருமோ தீராதோ என்று தெரியாது.

கேள்வி: - உங்களுக்கு ஆதரவான மக்கள் போராட்டத்தால் நாளை வன்முறையும் வெடிக்கலாம்?
பதில்: - கட்டாயம். கட்டாயம். மக்கள் வந்து தங்களுடைய மனோநிலையை எடுத்துக் காட்டி விட்டார்கள். அதற்கு நான் தலை வணங்குகின்றேன். ஆனால் அதே நேரத்திலே அதை அவர்களாகவோ அல்லது அதில் உள்ளிருக்கும் சில கறுத்த ஆடுகளோ எங்கயாவது இருந்து ஒரு தகாத முறையில் நடந்து கொண்டார்களானால் பொலிஸாரையும் இராணுவத்தினரையும் அழைகக்கக் கூடியநிலை ஏற்படும். 

அதனால்தான் நான் கூறுகின்றேன். இவர்கள் தங்களுடைய மனுவை விரைவில் திரும்ப வங்கிக்கொண்டால் மக்களை விரைவில் சாந்தப்படுத்த முடியும். ஆனால் மக்களும் தங்களுடைய மனோநிலையை அளவுக்கு மீறிக் காட்டத் தலைப்படக் கூடாது. அப்படிச் செய்வதால் மக்களுக்குதான் நட்டம் ஏற்படும். அரசு அதனைக் காரணமாக வைத்து நடவடிக்கை எடுக்கலாம். மக்கள் அவ்வாறு செய்ய மாட்டார்கள் என்று எனக்குத் தெரியும். ஆனால் நான் குறிப்பிட்ட கறுத்த ஆடுகள் செய்யக் கூடும். ஆகவே நீங்கள் விழிப்போடு இருக்க வேண்டும். 

கேள்வி: - நீங்கள் தமிழ் அரசுக் கட்சிக்கு கடிதம் ஒன்று 2013ஆம் ஆண்டு கொடுத்ததாகக் கூறப்படுகின்றதே ?
பதில்: - நான் அந்தக் கடிதத்தை வாசிக்க முடியாமல் இருக்கின்றது. அது என்னுடைய கையெழுத்து என்றால் என்னுடைய கடிதமாகத்தான் இருக்கவேண்டும். என்ன எழுதியிருக்கு என்று எனக்கே தெரியாது. ஏதோ ஒரு காரணத்திற்காகத்தான் கடிதம் எழுதியிருக்க வேண்டும். அது என்ன காரணத்திற்கு என்பதைப் பார்த்த பின்னர்தான் சொல்ல முடியும். ஏதோவொரு காரணத்துடன்தானே பதில் சொல்லியிருக்க வேண்டும். அந்தக் காரணம் அல்லது அந்த சூழலுக்கு ஏற்ற விடயத்தை எல்லாக் காலத்திலையும் செல்லுபடியாகும் என்று சொல்ல முடியாது.

ஜேர்மனியில் உள்ள அகதிகள் முகாம் ஒன்றில் தீ விபத்து ஏற்பட்டதை தொடர்ந்து 37 பேர் காயமடைந்துள்ள சம்பவம் பரபரப்பை ஏற்படுத்தியுள்ளது.

மேற்கு ஜேர்மனியில் அமைந்துள்ள Bremen நகரில் தான் இச்சம்பவம் நிகழ்ந்துள்ளது.

நேற்று நள்ளிரவு நேரத்தில் அங்குள்ள அகதிகள் முகாமில் தீ விபத்து ஏற்பட்டுள்ளதாக தீயணைப்பு துறைக்கு அவசர அழைப்பு வந்துள்ளது.

தகவல் பெற்றதும் 27 வாகனங்களில் 70 தீயணைப்பு வீரர்கள் விரைந்து சென்றுள்ளனர். ஐந்து மாடிக்குடியிருப்பில் ஏற்பட்ட தீயை வீரர்கள் கடுமையாக போராடி அணைத்துள்ளனர்.

எனினும், இவ்விபத்தில் 37 பேருக்கு காயம் ஏற்பட்டுள்ளது. குழந்தைகள் உள்பட 10 பேர் மருத்துவமனைக்கு அனுப்பி வைக்கப்பட்டனர்.

அகதிகள் முகாமில் உள்ள குப்பை கிடங்கில் இருந்து தீவிபத்து ஏற்பட்டுள்ளதாக முதல் கட்ட விசாரணையில் தெரியவந்துள்ளது.

எனினும், இவ்விபத்து தொடர்பாக அப்பகுதி பொலிசார் வழக்கு பதிவு செய்து விசாரணை நடத்தி வருகின்றனர்.

ஐரோப்பிய நாடுகளை ஒப்பிடுகையில் ஜேர்மனி மட்டுமே அதிக எண்ணிக்கையில் அகதிகளுக்கு புகலிடம் அளித்து வருகிறது.

கடந்த ஒரு ஆண்டில் மட்டும் சுமார் 10 லட்சம் புலம்பெயர்ந்தவர்களை தன்னுடைய நாட்டிற்குள் ஜேர்மன் அரசு அனுமதித்துள்ளது.

புகலிடம் கோரி வந்துள்ளவர்களில் உள்நாட்டு யுத்தங்களால் தப்பி வந்துள்ள சிரியா, ஈராக் மற்றும் ஆப்கானிஸ்தான் நாடுகளை சேர்ந்தவர்களே அதிகம் என்பது குறிப்பிடத்தக்கது.

பிரிட்டனில் கடந்த 2015ஆ-ம் ஆண்டு பொதுத் தேர்தல் நடைபெற்றது. தற்போதைய நாடாளுமன்றத் தின் பதவிக் காலம் 2020ல் முடி வடைகிறது. ஆனால், பதவிக் காலம் முடியும் முன்னரே தேர்தலை நடத்த திட்டமிட்டார் பிரதமர் தெரசா மே. அதன்படி, ஜூன் 8ஆ-ம் தேதி பொதுத் தேர்தல் நடத்தப்படுகிறது.

நாட்டில் நிலைத்தன்மை யைக் கொண்டு வருவதற்கு முன்கூட்டியே தேர்தல் நடத்து வதுதான் ஒரே வழி என்பதால் இந்த முடிவுக்கு வந்ததாக கூறிய அவர், பொதுத் தேர்தலை ஜூன் 8-ஆம் தேதி நடத்த அனு மதிக்க கோரி நாடாளுமன்றத் தில் தீர்மானத்தையும் நிறை வேற்றினார். இதையடுத்து தேர் தல் பணிகளில் தலைவர்கள் சுறுசுறுப்பாக ஈடுபட்டுள்ளனர்.

இந்நிலையில், லண்டனில் நடந்த பயங்கரவாத தாக்குத லில் 7 பேர் கொல்லப்பட்டனர். 48 பேர் காயமடைந்தனர். இத னால், தேர்தல் பிரச்சாரத்தில் ஈடுபட்டுள்ள தலைவர்கள் அதிர்ச்சி அடைந்துள்ளனர்.

ஆளுங்கட்சியான கன்சர்வேட் டிவ் கட்சி, எதிர்க்கட்சியான தொழிலாளர் கட்சி மற்றும் ஸ்காட்டிஷ் தேசிய கட்சியின் தேர்தல் பிரச்சாரங்கள் நிறுத்தப் பட்டன.

தீவிரவாத தாக்குதலுக்கு பிரதமர் தெரசா மே கடும் கண்டனம் தெரிவித்துள்ளார்.

பின்னர் செய்தியாளர்களி டம் பேசிய பிரதமர், ஜனநாயக நடைமுறைகளுக்கு இடையூறு ஏற்படுத்தும் வன்முறைகளை ஒருபோதும் அனுமதிக்க முடி யாது. இனி பயங்கரவாத தாக் குதல்களை சகித்துக்கொள்ள முடியாது. சமீபத்தில் பிரிட்ட னில் நடைபெற்ற பயங்கரவாத தாக்குதல்களுக்கு நேரடி தொடர்பு இல்லாத போதும், இஸ்லாமிய பயங்கரவாதம் என்ற தீமையான ஒற்றை சித் தாந்தத்தால் பிணைக்கப்பட்டு உள்ளது.

பிரிட்டனின் பயங்கரவாத எதிர்ப்பு சட்டத்தை மறுசீர மைப்பு செய்ய திட்டமிட்டுள் ளேன். பிரச்சாரம் தொடர்ந்து நடைபெறும். திட்டமிட்டபடி 8ஆ-ம் தேதி தேர்தல் நடை பெறும் என்றார்.


பிரித்தானியாவுக்கு பொது தேர்தல் நாளை நடைபெறவுள்ளது. மீண்டும் தெரசா மே பிரதமராவாரா அல்லது எதிர்கட்சியை சேர்ந்த தலைவர்கள் பிரதமர் ஆவார்களா என்ற எதிர்பார்ப்பு ஏற்பட்டுள்ளது.

இந்நிலையில் பிரித்தானிய மகாராணி எலிசபெத் மற்றும் ராஜ குடும்பத்தை சேர்ந்தவர்கள் எப்போதும் போல இந்த தேர்தலிலும் வாக்களிக்க மாட்டார்கள் என தெரிகிறது.

இதற்கு காரணம் ராஜ குடும்பத்தினர் தேர்தலில் தங்கள் நடுநிலையை கடைப்பிடிக்க வேண்டும் என நினைப்பது தான்.

அதிலும் முக்கியமாக எலிசபெத் மகாராணி நடுநிலை வகிக்க முக்கிய காரணம், எந்த அரசு அமைந்தாலும் அது அவரின் தலைமையிலான அரசாக தான் கருதப்படும்.

ஆனால், எலிசபெத் மகாராணி நினைத்தால் தேர்தலில் வாக்களிக்கலாம். அவர் வாக்களிப்பதை தடுப்பது ஐரோப்பிய ஒன்றியத்தின் அடிப்படை உரிமைகள் சட்டத்தின் கீழ் குற்றமாகும்.

சொத்து குவிப்பு வழக்கில் குற்றம்சாட்டப்பட்ட முன்னாள் முதல்வர் ஜெயலலிதா, சசிகலா, இளவரசியின் சொத்துகளை பறிமுதல் செய்யும் நடவடிக்கைகளை தமிழக அரசு தொடங்கியுள்ளது.

ஜெயலலிதா முதல்வராக இருந்த போது வருமானத்திற்கு அதிகமாக சொத்து சேர்த்ததாக தொடரப்பட்ட வழக்கில் நான்கு ஆண்டுகள் சிறைத்தண்டனையும், ரூ.100 கோடி அபராதமும் விதிக்கப்பட்டது.

இந்த வழக்கில் ஜெயலலிதாவின் தோழி சசிகலா, இளவரசி மற்றும் சுதாகரனுக்கு 4 ஆண்டுகள் சிறைத்தண்டனையும், ரூ.10 கோடி அபராதமும் வழங்கப்பட்டது.

ஜெயலலிதா மரணமடைந்த நிலையில் மற்ற மூவரும் சிறைத்தண்டனை அனுபவித்து வருகின்றனர்.

இதைத் தொடர்ந்து குற்றம்சாட்டப்பட்ட 4 பேருக்கு சொந்தமான தமிழகத்தில் 6 மாவட்டங்களில் உள்ள 68 சொத்துகளை பறிமுதல் செய்வதற்கான பணிகளை தொடங்க தமிழக அரசு உத்தரவிட்டது.

இதைத் தொடர்ந்து சென்னை, காஞ்சிபுரம், திருவள்ளூர் மாவட்டங்களின் ஆட்சியர்கள் முதற்கட்ட நடவடிக்கையை தொடங்கியுள்ளனர்.

இந்த சொத்துக்கள் அனைத்தும் பறிமுதல் செய்யப்பட்டவுடன் தமிழக அரசுக்கு சொந்தமானது என வருவாய் துறையினரால் அதிகாரப்பூர்வமாக அறிவிக்கப்படும்.

இந்த சொத்துகள், சம்பந்தப்பட்ட குற்றவாளிகள் செலுத்த வேண்டிய ரொக்க அபராதத்துக்கான ஈடு அல்ல.

இந்த வழக்கில் மொத்தம் 128 சொத்துகள் கையகப்படுத்தப்பட்டாலும், விசாரணை நீதிமன்றம் அவற்றில் 68-ஐ மட்டும் பறிமுதல் செய்ய உத்தரவிட்டது குறிப்பிடத்தக்கது.

சுவீடனில் உள்ள விமானநிலையத்தில் மர்மப் பை ஒன்றில் வெடிகுண்டு இருப்பதற்கு சாத்தியங்கள் இருப்பதால் பயணிகள் வெளியேற்றப்பட்டு வருவதாக தகவல்கள் தெரிவிக்கின்றன.

சுவீடன் Gothenburg பகுதியில் உள்ள Landvetter விமானநிலையத்தில் பயணிகள் புறப்புடுவதற்காக காத்திருக்கும் அறையில் மர்மபை ஒன்று இருந்துள்ளது.

அதில் வெடிகுண்டு இருப்பதற்கான தடயங்கள் இருப்பதால், அந்த விமானநிலையத்தில் இருந்த பயணிகள் அனைவரும் அவசர அவசரமாக வெளியேற்றப்பட்டு வருகின்றனர்.

அளவுக்கு அதிகமாக பசி எடுத்ததால் மெக்டொனால்ட் கடையில் ஹெலிகொப்டரை நிறுத்தி உணவு வாங்கி சென்றிருக்கிறார் விமானி ஒருவர்.

அவுஸ்திரேலியாவின் சிட்னியில் உள்ள மெக்டொனால்ட்ஸில் ஹெலிகொப்டர் ஒன்று நின்றிருப்பதை பார்த்த மக்கள், ஏதேனும் விபத்து ஏற்பட்டிருக்குமோ என சந்தேகித்துள்ளனர்.

ஆனால், அதனை ஓட்டி வந்த விமானிக்கு நடுவானில் பறந்துகொண்டிருந்தபோது தீவிர பசி எடுத்த காரணத்தால், ஹெலிகொப்டரை மெக்டொனால்ட் கடையின் முன்னிலையில் நிறுத்திவிட்டு உணவு வாங்கியுள்ளார்.

அதன்பின்னர், வாங்கிய உணவுடன் விமானத்தில் ஏறி சென்றுவிட்டார். விமானியின் இந்த செயல் அவுஸ்திரேலிய போக்குவரத்து துறைக்கு எட்டியதைடுத்து விசாரணை நடத்தி வருகிறது.

பிரித்தானியாவில் கடந்த இரண்டு ஆண்டுகளில் மட்டும் 2,579 பயங்கர ஆயுதங்களை பள்ளி மாணவர்களிடமிருந்து பொலிசார் கைப்பற்றியுள்ளதாக தெரியவந்துள்ளது.

பிரித்தானியா மற்றும் வேல்ஸில் 28,850க்கும் மேற்பட்ட பள்ளிக்கூடங்கள் உள்ளன.

பள்ளி மாணவர்களிடம் ஆயுதம் ஏந்தும் கலாச்சாரம் சில வருடங்களாகவே அதிகரித்து வருகிறது.

கத்தி, துப்பாக்கி, கோடாரி போன்ற பயங்கர ஆயுதங்களை மாணவர்கள் பள்ளிக்கூடங்களுக்கு எடுத்து வருவது தொடர் கதையாகி வருகிறது.

இது குறித்து கூறிய பொலிசார், கடந்த இரண்டு வருடங்களில் மட்டும் மாணவர்களிடம் பல்வேறு வகையான ஆயுதங்கள் 2579-ஐ கைப்பற்றினோம்.

கடந்த 2016 மற்றும் இந்த வருடத்தின் மூன்று மாதங்களில் மட்டும் 1369 ஆயுதங்களை கைப்பற்றியுள்ளோம்.

இதில் அதிகமாக கத்தி மற்றும் வாள் ஆயுதங்கள் அடங்கும் என அவர்கள் கூறியுள்ளனர்.

மேலும், 26 துப்பாக்கிகள், இரும்பு கம்பிகள் போன்றவைகளும் பொலிசாரால் கைப்பற்றப்பட்டுள்ளது.

பள்ளி நிர்வாகத்துடன் பொலிசாரும் இணைந்து, மாணவர்கள் ஆயுதங்களை எடுத்து வருவதை தடுக்கும் முயற்சியில் ஈடுப்பட்டுள்ளனர்.

இது குறித்து பள்ளி மற்றும் கல்லூரி சங்கங்களின் தலைவர் Geoff Barton கூறுகையில், பள்ளி மாணவர்களை பாதுகாக்க பொலிசாருடன் சேர்ந்து பள்ளி நிர்வாகம் பணியாற்றி வருகின்றன.

பல பள்ளிக்கூடங்களில் பொலிசார் பாதுகாப்புக்காக நிறுத்தப்பட்டுள்ளார்கள்.

ஆயுதங்களை வைத்திருக்கும் மாணவர்களை கண்டறிந்து அவர்கள் மீது ஒழுங்கு முறை நடவடிக்கைகளும் எடுக்கப்பட்டு வருவதாக அவர் கூறியுள்ளார்.

கடந்த 2014ல் பள்ளி மாணவர் ஒருவர் பள்ளிக்கூட வாசலில் மற்றொரு மாணவரை கத்தியால் குத்தி கொலை செய்த சம்பவம் பரபரப்பானது.

அதே போல இன்னொரு பள்ளிக்கூட மாணவர் பள்ளி வளாகத்தில் கத்தியை காட்டி எல்லோரையும் மிரட்டிய வீடியோ வெளியாகி அதிர்ச்சியடைய வைத்தது குறிப்பிடத்தக்கது.

பிரான்சில் ராணுவ முகாம் அருகே நடமாடிய மர்ம நபரை பயங்கரவாத தடுப்பு பொலிசார் அதிரடியாக கைது செய்து விசாரித்து வருகின்றனர்.

பிரான்சில் நார்மண்டி ராணுவ தளம் அருகே நடமாடிய மர்ம நபரை கைது செய்த பயங்கரவாத தடுப்பு பொலிசார் குறித்த நபர் இஸ்லாமிய தீவிரவாத ஆதரவாளர் என முதற்கட்ட விசாரணைக்கு பின்னர் அறிவித்துள்ளனர்.

கைது செய்யப்பட்ட நபர் பிரெஞ்சு உளவுத்துறையினரால் ஏற்கெனவே கண்காணிக்கப்பட்டு வந்தவர் என தெரிய வந்துள்ளது. மட்டுமின்றி குறித்த நபர் பிரெஞ்சு உளவுத்துறையினரால் பொதுமக்களுக்கு அச்சுறுத்தல் ஏற்படுத்தலாம் என்ற பட்டியலில் சேர்க்கப்பட்டவர் எனவும் தெரிய வந்துள்ளது.

நார்மண்டி ராணுவ தளம் அருகே சந்தேகத்துக்குரிய வகையில் வாகனம் ஒன்று வட்டமிடுவதை உறுதி செய்த பொலிசார், அப்பகுதியில் தீவிர எச்சரிக்கை நடவடிக்கைகளை மேற்கொண்டுள்ளனர்.

34 வயது நிரம்பிய அந்த நபர் தலைநகர் பாரிஸ் சுற்றுவட்டாரத்தில் குடியிருந்து வருவதாக விசாரணை அதிகாரிகள் தெரிவித்துள்ளனர்.

குறித்த நபரின் வாகனத்தை சோதனையிட்ட பொலிசார், அதிலிருந்து துப்ப்பாக்கி குண்டுகள் சிலவற்றையும் இஸ்லாமிய மத நூலான குரான் ஒன்றையும் கண்டெடுத்துள்ளனர். ஆனால் ஆயுதம் எதுவும் கைப்பற்றப்படவில்லை என பொலிசார் தெரிவித்துள்ளனர்.

நார்மண்டி ராணுவ தளம் அருகே நடமாடிய நபரால் ஏதேனும் அச்சுறுத்தல் உருவாகலாம் என்ற கேள்விக்கு இதுவரை பொலிஸ் தரப்பில் இருந்து இதுவரை உறுதியான தகவல் எதுவும் வெளியாகவில்லை.

கடந்த செவ்வாய்க்கிழமை பயங்கரவாத ஆதரவு நபர்களை கைது செய்யும் நடவடிக்கையின் ஒரு பகுதியாக ஒரு பெண் உள்ளிட்ட 5 நபர்களை கைது செய்த பொலிசார் அவர்களிடம் இருந்து பெருமளவு ஆயுதங்களையும் கைப்பற்றியுள்ளனர் என்பது குறிப்பிடத்தக்கது.

it text

தேர்தல் ஆணைய அதிகாரிக்கு லஞ்சம் கொடுக்க முயன்றதாகக் கூறப்படும் குற்றச்சாட்டின் அடிப்படையில், அதிமுக துணைப் பொதுச் செயலர் டி.டி.வி. தினகரன் செவ்வாய்க்கிழமை நள்ளிரவில் கைது செய்யப்பட்டார்.

கடந்த நான்கு நாட்களாக விசாரணை நடத்தி வந்த டெல்லி போலீசார், சுமார் 35 மணி நேரங்களுக்கு மேலாக விசாரணை நடத்தி, அதில் கிடைத்த ஆதாரங்களின் அடிப்படையில் கைது செய்துள்ளனர்.

டிடிவி தினகரனின் நண்பர் மல்லிகார்ஜுனாவும் கைது செய்யப்பட்டுள்ளார்.

ஜெயலலிதா மறைவுக்குப் பிறகு அதிமுகவில் பிளவு ஏற்பட்டது. ஆர்.கே. நகர் இடைத் தேர்தல் அறிவிக்கப்பட்ட நிலையில், சசிகலா மற்றும் முன்னாள் முதல்வர் ஓ. பன்னீர் செல்வம் ஆகிய இரு அணியினருமே அதிமுகவின் இரட்டை இலைச் சின்னத்துக்கு உரிமை கோரின.

கடந்த 12-ஆம் தேதி நடைபெற இருந்த இடைத் தேர்தல், பெருமளவு பணப்பட்டுவாடா செய்யப்பட்டதாகக் கூறி ரத்து செய்யப்பட்டது.

இதற்கிடையில், கடந்த வாரம் சுகேஷ் சந்திரா என்ற இடைத்தரகர் ஒருவரை டெல்லி குற்றப்பிரிவு போலீசார் கைது செய்தனர். அவரிடம் விசாரணை நடத்தியதில், இரட்டை இலைச் சின்னத்தை பெற்றுத்தருவதாகவும், அதற்கு தேர்தல் ஆணைய அதிகாரிக்கு லஞ்சம் கொடுக்க வேண்டும் என்று தினகரனிடம் பல கோடி ரூபாய் அவர் பெற்றிருப்பதாக தகவல் வெளியானது. அவரிடமிருந்து ரூ.1.3 கோடி ரொக்கமும் கைப்பற்றப்பட்டது.

இதுதொடர்பான விசாரணைக்கு வருமாறு டிடிவி தினகரனுக்கு டெல்லி போலீசார் சம்மன் அளித்தனர். அதன்பேரில், தினகரன் டெல்லி வந்து விசாரணையை சந்தித்து வந்தார்.

சுகேஷ் சந்திரா, அவரது உதவியாளர் ஜனார்த்தனா, நண்பர் மல்லிகார்ஜுனா உள்ளிட்டோரிடமும் விசாரணை நடத்தி வந்தனர்.

இந்த நிலையில், தினகரன் செவ்வாய்க்கிழமை நள்ளிரவில் கைது செய்யப்பட்டார். அவருடைய நண்பர் மல்லிகார்ஜுனாவும் கைது செய்யப்பட்டுள்ளார்.

நூதனமான முறையில் தங்கத்தை கடத்தி செல்ல முற்பட்ட இலங்கையர்கள் இருவர் மும்பை விமான நிலையத்தில் வைத்து கைது செய்யப்பட்டுள்ளாதாக தெரிவிக்கப்பட்டுள்ளது.

பெருங்குடலில் வைத்து தங்க கட்டிகளை கடத்திச் செல்ல முற்பட்ட இலங்கையர்கள் இருவரே இவ்வாறு கைது செய்யப்பட்டுள்ளனர்.

மும்பை விமான நிலைய சுங்கத் திணைக்களத்தின் புலனாய்வு பிரிவினரே இவர்களை நேற்றிரவு கைது செய்துள்ளனர்.

சந்தேகநபர்களில் ஒருவர், டுபாயிலிருந்து எமிரேட்ஸ் எயார்லைன்ஸ் விமானம் மூலம் மும்பை விமான நிலையத்தை வந்தடைந்துள்ளார்.

குறித்த சந்தேகநபரிடம் சோதனை மேற்கொண்ட போது, 1,516 கிராம் எடையுடைய 13 தங்க கட்டிகள் மீட்கப்பட்டுள்ளன என பொலிஸார் தெரிவித்துள்ளனர். சந்தேகநபரின் பெருங்குடலில் இருந்தே, தங்கக் கட்டிகள் மீட்கப்பட்டுள்ளன.

இதேவேளை, மற்றைய சந்தேகநபரும்(48) டுபாயிலிருந்து எமிரேட்ஸ் எயார்லைன்ஸ் விமானம் மூலம் மும்பை விமான நிலையத்தை வந்தடைந்துள்ளார்.

இரண்டாவது சந்தேகநபரிடம் இருந்து 1,399 கிராம் எடையுடைய 13 தங்க கட்டிகள் மீட்கப்பட்டுள்ளன.

கைது செய்யப்பட்ட இரண்டு இலங்கையர்களும் புத்தளம் மாவட்டத்தை சேர்ந்தவர்கள் என இந்திய அதிகாரிகள் தெரிவித்துள்ளனர்.

புடவைகள், துணி வகைகள் ஆகியவற்றை கொள்வனவு செய்வதற்காக அடிக்கடி இந்தியாவுக்கு செல்லும் இலங்கையர்களே இவ்வாறு கைது செய்யப்பட்டுள்ளனர் என அந்நாட்டு பொலிஸார் கூறியுள்ளனர்.

இதேவேளை, சம்பவம் தொடர்பில் இந்திய பொலிஸார் மேலதிக விசாரணைகளை முன்னெடுத்து வருகின்றனர்.

யாழ்.மாவட்டத்தின் வெப்பநிலை எதிர்வரும் 15 ஆம் திகதிக்கு பின்னர் 36 பாகை முதல் 37 பாகை செல்சியஸ் வரை அதிகரிக்கலாம் 

என யாழ்.வானிலை அவதான நிலைய பொறப்பதிகாரி ரி.பிரதிபன் தெரிவித்துள்ளார்.

இதற்கிடையில் மாலை 2 மணிக்கு பின்னரான நேரங்களில் ஒடுங்கல் மழைக்கான சாத்தியம் உள்ளதாகவம் அவர் கூறினார்.

இலங்கையின் மத்தியில் உச்சம் கொடுக்கும் சூரியன் படிப்படியாக நகர்ந்த எதிர்வரும் 15 ஆம் திகதியளவில் யாழ்ப்பாணத்துக்கு நேரே உச்சம் கொடுக்கும் என எதிர்பார்க்கப்படுகிறது. இதனால் 15 ஆம் திகதிக்கு பின்னர் யாழ்.மாவட்டத்தில் வெப்பநிலை மேலும் அதிகரிக்கும் சாத்தியம் உள்ளது.

இதேபோல் இன்று (நேற்று) தொடக்கம் மாலை 2 மணிக்குப் பின்னர் ஒடுங்கல் மழை பெய்வதற்கான வாய்புகளும் உள்ளன. இவ்வாறு பெய்வதால் சில சமயங்களில் வெப்பநிலை குறைவதற்கான சந்தர்ப்பங்களும் உள்ளன எனவும் யாழ்.வானிலை அவதான நிலைய பொறுப்பதிகாரி மேலும் தெரிவித்தார்.

இலங்கையின் கலாச்சாரத்தலைநகர் யாழ்ப்பாணத்தில் உலகத் தமிழ்ப் பண்பாட்டு இயக்கத்தின் 13வது உலக மாநாடு

உலகத் தமிழ்ப் பண்பாட்டு இயக்கத் தலைமையகம் அறிவிப்பு

யாழ்நகர் விழாக்கோலம்

உலகத் தமிழ்ப் பண்பாட்டு இயக்கத்தின் தலைமையகம் ஒன்றியங்கள் கிளைகள் ஆகியவற்றின் பேராதரவுடன் இலங்கைக்கிளை நடாத்தும் 13வது உலக மாநாடும் அனைத்துலக பேரவைக்கூட்டமும் 2017 ஆவணி மாதம் 5ம் 6ம் நாள் சனி மற்றும் ஞாயிறு தினங்களில் (2048 திருவள்ளுவராண்டு) இலங்கையின் கலாச்சாரத் தலைநகர் யாழ்ப்பாணத்தில் இடம் பெற உள்ளது. உலகத் தமிழ் இனத்தை மொழியாலும் பண்பாட்டாலும் ஒருங்கிணைக்கும் உயர் நோக்குடனும் இலங்கை இந்தியாவில் வாழும் தமிழ் மக்கள் தலை நிமிர்ந்து வாழ வேண்டும் என்னும் குறிக்கோளுடனும் அரசியற்சார்பற்று இன மத பேதங்களைக்கடந்து தமிழ்ப் பண்பாட்டாளர் என்னும் ஒரே குடையின் கீழ் செயற்பட வேண்டும் எனும் உயர்ந்த கொள்கையுடனும் தமிழ் மொழியினை மறந்து போனவர்களைத் தாய்மொழி தமிழ் உணர்வுக்குக் கொண்டுவரும் நல்நோக்குடனும் 1974 தைத் திங்கள் சுறவம் 08.01.1974 அன்று இலங்கை கலாச்சாரத் தலைநகர் யாழ்ப்பாணத்தில் நடைபெற்ற 4வது உலகத் தமிழாராட்சி மாநாட்டின்போது தோற்றுவிக்கப்பட்டது. மாநாட்டிற்கு வந்திருந்த தமிழ் அறிஞர்களால் ஒன்று கூடி தோற்றுவிக்கப்பட்ட இவ் இயக்கம் தமிழர்களை ஒன்றிணைப்பதில் வெற்றிகண்ட உலகப் பேரியக்கம் என்பது மறுக்க முடியாத உண்மையாகும். இவ் இயக்கம் கனடாவைத் தலைமையகமாகக் கொண்டு இயங்கி வருகின்றது.

உலக நாடுகளில் பல கிளைகளை அமைத்து இதுவரை 1977 சென்னை தமிழ்நாடு ( இந்தியா) 1980 மொரீசியஸ் 1985 சேலம் தமிழ்நாடு (இந்தியா) 1987 கோலாலம்பூர் ( மலேசியா ) 1992 சிட்னி (அவுஸ்திரேலியா) 1996 ரொறன்ரோ (கனடா) 1999 வெள்ளி விழா சென்னை(இந்தியா) 2001 டர்பன் (தென் ஆபிரிக்கா) 2004 புதுவை (இந்தியா) 2007 கோலாலம்பூர் (மலேசியா) 2011 பிரான்ஸ் 2014 யேர்மனி ஆகிய இடங்களில் 12 உலக மாநாடுகளையும் பல சிறப்பு மாநாடுகளையும் தமிழ் மக்களின் நலன் கருதி நடாத்தியுள்ளது. கடந்த காலத்தில் இடம் பெற்ற மாநாடுகள் தமிழ் உலகை ஒன்றிணைத்துள்ள செயற்பாடாகும்.

இம்மாநாடுகள் ஊடாகத் தமிழ்வழி இறைவழிபாடு தமிழ்க்கல்வி தமிழ்கலை கலாச்சாரப் பண்பாடு ஊக்குவிப்பு தமிழர் இறையாண்மை தமிழர் நிறுவனங்களின் ஒன்றிணைப்பு மறந்து போன மறக்கப்பட்ட தமிழர்களின் வரலாற்றுத்தேடல்கள் தமிழ் ஆண்டு தமிழர் திருநாள் தமிழர் மரபுரிமைத்திங்கள் உலகளாவிய தமிழர்களின் ஒருங்கிணைப்பு உலகத் தமிழ்ப் பண்பாட்டு மையம் தமிழர் கொடி தமிழர்கீதம் மேலும் தமிழ் ஆய்வுகள் உரையாடல்கள் ஆகியவற்றினை நடாத்தி தீர்வுகளையும் எண்ணங்களையும் உலகத் தமிழ்ப் பண்பாட்டு இயக்கம் உலகறிய வைத்துள்ளது.

30க்கு மேற்பட்ட நாடுகளில் கிளைகளையும் 50மேற்பட்ட நாடுகளுடன் தொடர்புகளையும் யுனஸ்கோவில் அங்கீகாரத்தினையும் பெறுவதற்கான வாய்ப்பினையும் பெற்றுள்ளது. இதுவரை இயக்கத்திற்கு உலகெங்கும் வாழும் பல கல்வியாளர்கள் ஆய்வாளர்கள் கலை இலக்கிய வாதிகள் மற்றும் நிபுணத்தவம் மிக்கவர்களின் ஆசியும் ஆதரவும் இதற்கு உண்டு.

இந்த மாபெரும் மாநாட்டை இலங்கையில் நடாத்துவதற்கு உலகத் தமிழ்ப் பண்பாட்டு இயக்கத்தின் இந்தியக்கிளையின் மூத்த உறுப்பினர்களாக விளங்கும் மாநாட்டுத் தலைவர் முனைவர் பாஞ் இராமலிங்கம் இந்தியக்கிளைத் தலைவர் திருமதி மாலதி இராஜவேலு (இந்தியா) மற்றும் எமது கிளைப் பிரதிநிதிகள் அனைவரும் ஆக்கபூர்வ ஆதரவினை வழங்கிவருவது குறிப்பிடத்தக்கதாகும் . அரசும் யாழ் முதல்வரும் அமைச்சர்களும் அவை உறுப்பினர்களும் கலந்து சிறப்பிக்க உள்ளது உலகத் தமிழ்ப் பண்பாட்டு இயக்கத்திற்கு வலுச்சேர்ப்பதாக அமைந்துள்ளது.. இந்தியாவிலிருந்து மற்றும் உலக நாடுகளில் இருந்து பல பிரமுகர்களும் அறிஞர்களும் மேற்படி மாநாட்டில் கலந்துகொள்வதுடன். 25 நாடுகளில் உலகத் தமிழ்ப் பண்பாட்டு இயக்கப் பிரதிநிதிகள் உட்பட 200க்குமேற்பட்ட பேராளர்கள் கலந்து கொள்வது சிறப்பு நிலையாகும். .

இறுதி யுத்தத்தின் நிகழ்வில் இருந்து மீளமுடியாமல் தவிக்கும் எமது மக்களுக்கு சிறிதேனும் மருந்து தடவும் முயற்சியாக ஒருமுகமாக இம் மகாநாட்டினை இலங்கையில் நிகழ்த்துவதற்குத் தலைமை தீர்மானித்தது. வரலாற்று முக்கியத்தவம் மிக்க இந்த இருநாள்மாநாடு தொடர்பான ஏற்பாடுகளை சிறப்பாகச் செய்து வரும்குழுவில் மாநாட்டுத்தலைவர் கலாநிதி பாஞ்இராமலிங்கம் (இந்தியா) உலகத் தமிழ்ப் பண்பாட்டு இயக்கத்தின் அகிலத்தலைவர் கனடாவாழ் திரு.வி.சு.துரைராஜா யேர்மனிவாழ் செயலாளர் நாயகம் திரு.துரைகணேசலிங்கம் இயக்கத்தின் சர்வதேச இணைப்பாளர் திரு.இ.இராஜசூரியர் தலைமையக ஆலோசகர் திரு.மாவைசோ.தங்கராஜா கனடா கிளைத்தலைவரும் மாநாட்டு நிதிப்பொறுப்பாளர் திரு.மா.இரவிச்சந்திரன் இந்தியாவாழ் தலைமையக சட்ட ஆலோசகர் பேராசிரியர் சி.இராமமூர்த்தி இலங்கையில் இருந்து மாநாட்டு ஒருங்கிணைப்பாளர் திரு.தம்பிமுத்து குருகுலராஜா(வடமாகாணக்கல்வி விளையாட்டு மற்றும் இளைஞர் விவகார அமைச்சு ) இலங்கைக்கிளையின் தலைவரும் மாநாட்டுக் கலை பண்பாட்டுப் பொறுப்பாளருமாகிய திரு.அ.சத்தியானந்தன் இலங்கைக்கிளையின் செயலாளரும் மாநாட்டுச் செயலாளருமான திரு.சு.பிரசாந்தன் இலங்கைக்கிளையின் பொருளாளரும் மாநாட்டு உதவி நிதிப்பொறுப்பாளருமான திரு.அ.கேசவமூர்த்தி மாநாட்டு ஊடகத்துறைப்பொறுப்பாளர் திரு.செந்தில்வேலவர் தலைமையக இளைஞரணிப் பொறுப்பாளர் திரு. கு.பிரதீப்குமார் மாநாட்டு ஆலோசகர் திரு.ம.செல்வின் மற்றும் நோர்வேயைச் சேர்ந்த உலகத் தமிழ்ப் பண்பாட்டு இயக்க துணைத்தலைவர் திரு.சு.தியாகலிங்கம் ஆகியோர் முக்கிய பொறுப்புக்களை ஏற்று செயற்பட்டு வருகின்றனர். இவர்களுக்குத் துணையாகத் தலைமையக ஊடகத்துறைப் பொறுப்பாளர் கனடாவாழ் திரு.ஆர்.என்.லோகேந்திரலிங்கம் அவர்களும் திரு.கி.யேம்ஸ் அல்ஸ்ரன் நிருவாகச் செயலர் ஆகியோரும் செயற்பட்டு வருகின்றனர்.

கடந்த ஆண்டு 2016ல்எமது உலகத் தமிழ்ப் பண்பாட்டு இயக்கத்திற்கு ஒரு ஆரோக்கிய ஆரம்பமாக இந்திய மண்ணின் புதுவை மாநிலத்தில் உள்ள பாண்டிச்சேரி தலைநகரில் இடம்பெற்ற இரண்டு நாள் மாநாடு அனைத்துலக இயக்கத்தின் உறுப்பினர்கள் அனைவர்க்கும் உற்சாகம் தரும் செயற்பாடாக அமைந்தது. உலகில் தமிழ்மொழியினதும் தமிழ்ப் பண்பாட்டினதும் காவல் தெய்வங்களாக விளங்கும் இந்திய தேசமும் தமிழ்நாடு என்னும் தாய்த்தமிழகமும் அமைந்தள்ள இந்திய மண்ணில் தமிழ்மொழியின் நறுமணம்கமழும் பாண்டிச்சேரியில் எமது இயக்கத்தின் அகிலத்து அங்கத்தவர்களும் அறிஞர்களும் கூடிப்பேசி ஆராய்ந்து பல நல்ல திட்டங்களை அறிமுகம் செய்யக்கிடைத்த அந்த அரிய நிகழ்வு எம்மைப் பெருமடங்கு உயர்த்தி அழைத்துச் சென்ற ஊக்கியாக அமைந்திருந்தது என்றே கூறவேண்டும். உலகத் தமிழ்ப் பண்பாட்டு இயக்கத்தின் 13வது உலக மாநாடு இலங்கையில் இவ்இயக்கம் தோன்றிய யாழ் மண்ணில் நாடாத்தப்படவேண்டும் என அங்கு முக்கிய தீர்மானம் எடுக்கப்பட்டது

2012 கல்வித்திட்டம்

கடந்த 2012ம் ஆண்டு உலகத் தமிழ்ப் பண்பாட்டு இயக்கம் சென்னையில் (இந்தியா) உலகத் தமிழ்க் கல்வி மாநாடு ஒன்றினை நடாத்தி அம்மாநாட்டுத் தீர்மானத்திற்கமைய சென்னையில் உள்ள முக்கிய பல்கலைகழகங்களில் ஒன்றான எஸ்.ஆர்.எம் பல்கலைக்கழகத்துடன் புரிந்துணர்வு உடன்படிக்கையின் கீழ் மொழி வளர்ச்சிக்காகவும் புலம்பெயர்ந்த நாடுகளில் வாழும் தமிழ் மக்களின் அடையாளத்தினைப் பேணிப் பாதுகாக்கும் பணியினை எமது இயக்கம் மேற்கொண்டு தென்ஆபிரிக்கா அவுஸ்திரேலியா சுவிற்சர்லாந்து கனடா போன்ற நாடுகளில் அத்திட்டம் முன்னெடுக்கப்பட்டு வருகின்றது. இவ்ஆண்டு மியான்மார் நோர்வே பொன்ற நாடுகளில் முன்னெடுக்கப்படவுள்ளது.

. உலகப் பொதுமறையாம் திருக்குறளை எமது தமிழ் மறையாக ஏற்று செயற்படுவதற்கு இலங்கையில் வாழும் சிறார்கள் முதல் பெரியவர்கள் வரை வாழ்வில் திருக்குறளைப் பின்பற்றி வாழ இலங்கை தழுவிய ரீதியில் சிறியவர்களுக்கான திருக்குறள் மனனப்போட்டி இடம்பெறவுள்ளது

இம் மாநாட்டின் கருப்பொருளாக தமிழர் மொழி பண்பாடு எதிர்நோக்கும் சவால்களும் முன்னெடுப்புக்களும் என்னும் ஆழப்பதிந்த கருத்ததில் சிறப்பு வெளியீடாக இக்கருப்பொருளை உள்ளடக்கியதாக 300 பக்கங்களைக் கொண்ட வரலாற்றுச் சிறப்புமிக்க மாநாட்டு மலர் ஒன்றும் வெளியிடப்பட உள்ளது. இம்மாநாட்டு மலரின் கருப்பொருள் உள்ளடக்கிய விடயங்கள் பற்றியதாகக் கட்டுரைகளை பாமினி யூனிக்கோட் அல்லது சாதாரணம் ஆகிய எழுத்தில் தமிழில் தட்டச்சு செய்த எழுத்துருவில் A 4 2000 சொற்களுக்கு மேற்படாமல் எழுதி அனுப்பிவையுங்கள் . மேற்படி விடங்கள்பற்றிய கட்டுரைப்போட்டி ஓவியப்போட்டி பேச்சுப்போட்டி என்பனவும் இலங்கை தழுவிய ரீதியில் கல்வி நிலையங்கள் தனியார் கல்வி நிலையங்கள் ஊடாக மேல்வகுப்புக்கள் கீழ் வகுப்புக்கள் பாலர்வகுப்புக்கள் ஆகியவற்றிற்கு இடம்பெறவுள்ளன. இங்கு 

இடம்பெறும ஆவணக்கண்காட்சியில் தாயகத்திலும் புலத்திலும் உள்ள தமிழர்களின் வாழ்வியல் வரலாறு மொழி பண்பாடு இலக்கியம் சார்ந்த நுால்கள் இறு வெட்டுக்கள் ஒலி இழை நாடாக்கள் அரிச்சுவடிகள் புகைப்படங்கள் என்பன காட்சிக்கு வைக்கப்படும்

பேராளர்கள் கட்டணமாக

வெளிநாடுகளில் இருந்து 100 USDoller

இந்தியா அந்நாட்டு நாணயத்தில் ஆயிரம் ரூபாய்

இலங்கை அந்நாட்டு நாணயத்தில் ஆயிரம் ரூபாய்

ஆகியன இலங்கை வங்கியூடாக அனுப்பிவைக்கப்படல் வேண்டும். விபரங்களுக்கு மின் அஞ்சல்மூலம் தொடர்பு கொள்ளுங்கள்.

கனடாவைத் தலைமையகமாகக் கொண்டு இயங்கிவரும் உலகத் தமிழ்ப் பண்பாட்டு இயக்கத்தின் இலங்கைக் கிளை நடாத்தும்13வது உலக மாநாட்டில் ஆய்வரங்குகள் கருத்தரங்குகள் கலைநிகழ்வுகள் விளம்பரங்கள் மற்றும் சந்திப்புக்கள் தொடர்பான அனைத்து விடயங்களுக்கும் 16.05.2017க்கு முன்னர் கீழ்க்காணும் மின்னஞ்சல்கள் ஊடாகத் தொடர்பு கொள்ளுங்கள்

மாநாட்டு அலுவலகம் கலாவாசா-10 மைல்போஸ்ற் தெரு மாவிட்டபுரம் தெல்லிப்பளை இலங்கை

Conference Address : Kalavasa-10, Mile Post Lane, Mavidapuram, Tellippalai, Sri Lanka.

திரு. ம.செல்வின் மாநாட்டு ஆலோசகர் Email : [email protected], . Phone: 0094 770847133

மாநாட்டுத்தலைவர் கலாநிதி.பாஞ் இராமலிங்கம் [email protected] அகிலத்தலைவர் திரு.வி.சு.துரைராஜா [email protected]

செயலாளர்நாயகம் திரு.துரைகணேசலிங்கம் imtc1974@yahoo.com மாநாட்டுதுணைத்தலைவர் திரு.இ.இராஜசூரியர் [email protected]

மாநாட்டுச் செயலாளர் திரு.சு.பிரசாந்தன். E.Mail: [email protected]

மாநாட்டு ஊடகத்துறைப் பொறுப்பாளர் திரு.தே.செந்தில்வேலவர் E.Mail: [email protected]

நிருவாகச் செயலர் திரு.கி.யேம்ஸ் அல்ஸ்ரன் [email protected]

இவ்வாறு உலகத் தமிழ்ப் பண்பாட்டு இயக்க மாநாட்டுக்குழு தலைவர் கலாநிதி பாஞ் இராமலிங்கம் (செயலாளர் இந்திய ஒன்றியம்) மாநாட்டுச் செயலாளர் திரு.சு.பிரசாந்தன் (செயலாளர் இலங்கைக்கிளை) ஆகியோர் மாநாட்டுக்குழு சார்பில் ஊடகங்களுக்கு விடுத்துள்ள அறிக்கையில் தெரிவித்துள்ளதாக மாநாட்டு ஊடகத்துறைப் பொறுப்பாளர் திரு.தே.செந்தில்வேலவர் அவர்கள் தெரிவித்துள்ளார்.


------------------------------------------------------------------------------------------------------------------------------------------

தமிழ் மொழித் திருவிழா என்ற இனிமையான விழாவொன்று  01.04.17 அன்று ஜேர்மனி டோட்முண்ட் நகரில் இடம் பெற்றிருந்தது.

இவ்விழாவிற்காக குழுவொன்று அமைக்கப்பட்டு இக்குழுவின் தலைவியாக திருமதி.நகுலா சிவநாதன் அவர்களின் தலைமையில் நடைபெற்ற இவ்விழாவின் உள்ளிடாக பல சிறப்பான நிகழ்ச்சிகள் இடம்பெற்றமை மனதிற்கு சுகமாவிருந்து எமக்குள் புதிய சிந்னையையும் தேடலையும் உருவாக்கியுள்

தமிழ் என்ற சொற்களைத் தாங்கிய மூன்று சிறுவர்கள் மூன்று மதகுருமார்களையும் மேடைக்கு அழைத்து வர விழாக்குழுவினர் மேடையில் சமூகளித்திருக்க மதகுருமார்கள் மூவரும் மங்கல விளக்கேற்றி ஆரம்பித்து வைத்து ஆசியுரைகளையும் வழங்கியிருந்தனர்.

தொடர்ந்து விழாக்குழு சார்பாக திருமதி. நகுலா சிவநாதன் அவர்களின் வரவேற்புரையுடன் கூடிய இவ்விழாவை ஏன் செய்கிறோம் என்ற விளக்துடன் விழாவின் நிகழ்ச்சிகள் தொடர்ந்தன.

புகழ்பூத்த அறிவிப்பாளரான திரு.முல்லை மோகனுடன் இணைந்து இளந்தலைமுறை அறிவிப்பாளரான சறீகாஇ நித்யா ஆகியோர் நிகழ்வுகளை சிறப்பான முறையில் அறிவிப்புச் செய்தனர்.

கவிமணி திரு.குகதாஸ் அவர்களின் பிரதம விருந்தினர் உரைஇ நடனங்கள்இ ஆங்கிலச் சொல்லுக்கு ஒத்த தமிழ்ச் சொல்லைக் சபையோரிடமிருந்து கேட்டறிதல்இ வேறு வேறு துறைசார் கல்வியை பல்கலைக் கழகங்களில் கற்று வரும ஐந்து மாணவர்கள் தமது கல்வி சம்பந்தமான பாடங்கள் பற்றிய விபரங்களைச் சபையோருக்கு கூறியதுடன்இ சபையோருக்கு இப்பாடங்கள் தொடர்பான அறிதலை அறிந்து கொள்ளும் நோக்குடன் சபையோருடன் கலந்தரையாடியமைஇதமிழக் கல்வி ஏன் முக்கியம் என்பதை தெருவில் இறு சிறுவர்கள் உரையாடிக் கொண்டே சென்ற நிகழ்ச்சிஇ பொய்க்கால் குதிரையாட்டம்இ கவியரங்கம்இ எசன் நுண்கலை மன்றத்தின் குமணன் நாடகம் ஆகிய நிகழ்ச்சிகள் இவ்விüழாவில் இடம்பெற்றிருந்தன.

நிகழ்ச்சிகள் யாவும் தரம் குன்றாது சபையோரை மகிழ்விப்பனவாகவும் சிந்திக்க வைப்பனவாகவும் இருந்த போதும் பல்கலைக்கழக மாணவர்களின் கல்வி சார்ந்த நிகழ்வு சபையோரையும் இணைத்து நடத்தப்பட்டது புதிய அணுகமுறையாக இருந்தது.

அனைத்து நிகழ்வுகளும் மனம் கொள்ளத்தக்கதாக இருந்த போதும். எதிர்காலத்தில் தவறுகள் ஏற்படாமல் இருக்க கீழ்வருவனவற்றை சுட்டிக்காட்டுகிறேன்.

1.தமிழ் மொழியை வளர்க்கவே எனச் சொல்லிக் கொண்டே நாடக வசனங்களை ஒலிப்பதிவு செய்து அதை ஒலிபரப்ப நாடக நடிகர்கள் வாயசைத்தமை.

2.அதே போல தமிழ் மொழியை ஏன் கற்க வேண்டும் என்பதை இரு சிறுவர்கள் தெருவில் கதைத்துக் கொண்டு போகும் நிகழ்ச்சிக்கும் ஒலிப்பதிவு செய்து வாயசைக்கச் செய்தது தவறேதான்.

இவ்விரு நிகழ்ச்சிகளையும் தயாரித்தவர்கள் ஆயிரம் காரணங்களையும் சாக்குப்போக்குகளைச் சொல்லி சுட்டிக்காட்டலை கோபத்துடன் நோக்கினால் நாங்கள் திருந்துவதற்கு வாய்ப்பு இல்லை. நாடக நடிகர்கள் மேடையில் பேச வேண்டும். மொழி பேசப்பட்டால்தான் மொழி அழியாது. சித்திரமும் கைப்பழக்கம் செந்தமிழும் நாப்பழக்கம் என்பது வெறும் வரிகள் அல்ல. தத்துவ வார்த்தைகள்.விமர்சனங்களைக் கண்டனங்களை ஏற்றக்கொள்ளுதல் உயர்பண்பு இவ்விரு நிகழ்ச்சிகளையும் தயாரித்தவர்கள் உணர்வார்களா.

இன்னுமொரு விடயம் உயிர் எழுத்துகளில் ஆயுத எழுத்தாகிய அகேனம் உயிர் எழுத்து அல்ல ஆசியுரை வழங்கிய மதகுரு ஆயுத எழுத்தை உயிர் எழுத்தாக குறிப்பிட்டிருந்தார்.

மொத்தத்தில் கடுமையாக உழைத்து குறுகிய நாட்களுக்குள் திட்டமிட்டு தமிழ் மொழிக்காக ஒரு விழாவை அரங்கேற்றிய திருமதி. நகுலா சிவநாதன் அவர்களையும்இ ஒத்துழைப்புக் கொடுத்த அனைவரையும் வாழ்த்திப் பாராட்டுகிறேன்.

அத்துடன் இனிய வாழ்வு இல்ல வாழ்த்துப்பாடலை அறிவிப்பாளர் திரு.வல்லிபுரம் திலகேஸ்வரன் இவ்விழாவில் அறிமுகம் செய்து வைத்தார். இனிய வாழ்வு இல்லத்தைச் சேர்ந்த விழிகளற்ற செல்வி. பி.தமிழினி அவர்களின் பாடல்கள் இடம்பெற்றிருக்கின்றன.

இந்த வாழ்த்துப் பாடல் இறுவெட்டை தனது பொறுப்பிலெடுத்து நிதி அன்பளிப்புச் செய்து திரு.வல்லிபுரம் திலகேஸ்வரன் இத்திட்டத்தை முன்னெடுத்திருந்தார்.இவ்:வெளியீட்டுக்க எஸ்ரிஎஸ் ஸ்ரூடியோ திரு.தேவராஜா முழு ஒத்துழைப்பையும் வழங்கியிருந்தார். இந்த நற்பணியைச் செய்த இருவரையும் வாழ்த்திப் பாராட்டுகிறேன்.


தொகுப்பு- ஏல.முருகா

புலம்பெயர் உறவுகள் பணியாற்ற முன் வரவேண்டும் என வட மாகாண முதலமைச்சர்  சி.வி.விக்னேஸ்வரன் கோரிக்கை விடுத்துள்ளார்.   

யாழ்ப்பாணத்தில் உலக வங்கியின் நிதியில் முன்னெடுக்கப்பட இருக்கும் பல்வேறு அபிவிருத்தித் திட்டங்களிற்கு பொறியியலாளர்கள் பற்றாக் குறையாகவுள்ளதனால், புலம்பெயர் உறவுகள் பணியாற்ற முன் வரவேண்டும் என  அவர்  பொறியியலாளர்களிடம்  கோரிக்கை விடுத்துள்ளார்.

உலக வங்கியின் நிதி திட்டம் தொடர்பில், உலக வங்கியின் பிரதிநிதிகள் மற்றும் வட மாகாண முதலமைச்சர் தலைமையிலான குழுவினருக்கும் இடையில் நேற்றைய தினம் இடம்பெற்ற பேச்சுவார்த்தையின் போதே  அவர் இந்த வேண்டுகோளினை  விடுத்துள்ளார்.

யாழ்ப்பாணக் குடாநாட்டிற்குள் மேற்கொள்ளப்படவுள்ள பல திட்டங்களுக்கான பொறியியலாளர்கள் பற்றாக்குறையாக உள்ளமை காரணமாகவே  அத் திட்டங்களை ஆரம்பிப்பதற்கு தடையாக  உள்ளதாகவும் அவர் தெரிவித்துள்ளார்.

மாலியில் ஐ.நா அமைதிப்படையில் பணியாற்றச் செல்லவுள்ள சிறிலங்கா இராணுவத்தின் அணியொன்று, பாரிய களப்பயிற்சி ஒத்திகை ஒன்றை காங்கேசன்துறையில் ஆரம்பிக்கவுள்ளது.

வரும் மார்ச் 27அம் நாள் காங்கேசன்துறையில் ஆரம்பிக்கும் இந்தக் களப் பயிற்சி ஒத்திகை, 9 நாட்கள் 1166 கி.மீ பயணம் செய்து, அம்பாந்தோட்டை மாவட்டத்தில் உள்ள சூரியவெவவில் நிறைவடையவுள்ளது.

மாலியில் ஐ.நாவின் சண்டை வாகனத் தொடரணியில் இடம்பெறவுள்ள சிறிலங்கா இராணுவத்தின் 15 அதிகாரிகள் மற்றும் 185 படையினர் இந்தப் பாரிய ஒத்திகைப் பயிற்சியில் ஈடுபடவுள்ளனர்.

மாலியில் உள்ள களநிலைச் சவால்களை எதிர்கொள்வது குறித்த தயார்படுத்தல்களை மேற்கொள்ளவே இந்த ஒத்திகை மேற்கொள்ளப்படுகிறது. இந்தப் பயிற்சியில் கவசப்படை, இயந்திர காலாட்படை, மற்றும் ஏனைய உதவிப்படைப் பிரிவுகளுடன் 68 வாகனங்களும் ஈடுபடவுள்ளன.

போர் மற்றும் விநியோக நடைமுறைகள், கட்டளை மற்றும் தலைமைத்துவம், அவசரகால திட்டங்கள், போர் தொடரணி நடவடிக்கைகள், அவசர நிலையின் போது முடிவெடுத்தல், தொடரணி பயிற்சி உத்திகள், போராட்டங்களைக் கட்டுப்படுத்தல்,  வெடிபொருட்களை செயலிழக்கச் செய்தல், நிர்வாக மற்றும் விநியோகம், தொலைத்தொடர்பு பராமரிப்பு, மற்றும் ஏனைய நடைமுறைகள், தொழில்நுட்பங்கள் குறித்து இந்தப் பயிற்சியில் கவனம் செலுத்தப்படும்.

மாலியில் ஐ.நா அமைதிப்படையில் பணியாற்றுவதற்கு சிறிலங்கா படையினரைத் தயார்படுத்தும் வகையிலேயே இந்தப் பாரிய பயிற்சி மேற்கொள்ளப்படவுள்ளது.

மட்டக்களப்பு நாவற்குடா மாதர் வீதியில் 4 வயது சிறுவன் ஒருவன் தாக்கப்பட்டு கொலை செய்த சம்பவம் தொடர்பில் பெண் ஒருவர் சந்தேகத்தின்த பேரில் கைது செய்யப்பட்டுள்ளார்.

இந்த கொலை  தொடர்பாக குறித்த சிறுவனின் வளர்ப்பு தாய் கைது செய்யப்பட்டுள்ளதாக என காத்தான்குடி பொலிஸார் தெரிவித்துள்ளனர்.

இந்நிலையில் கொலை தொடர்பான மேலதிக விசாரனைகளை காத்தான்குடி பொலிஸார் மேற்கொண்டு வருகின்றமை குறிப்பிடத்தக்து.

ஜேர்மனியில் அண்டை வீட்டு சிறுவனை துடிதுடிக்க கொன்று வீடியோவை இணையத்தில் வெளியிட்ட இளைஞன் பொலிசில் சரணடைந்துள்ளார்.

Herne நகரத்திலே குறித்த கொடூர சம்பவம் நடந்துள்ளது. சம்பவம் தொடர்பாக தேடப்பட்டு வந்த மார்செல் என்ற 19 வயது இளைஞன் பொலிசில் சரணடைந்துள்ளான்.

Jaden என்ற 9 வயது சிறுவன் படுகொலை செய்யப்பட்ட அதிர்ச்சியளிக்கும் வீடியோ இணையத்தில் வெளியானது.

கொலை குற்றவாளி மார்செல் என அடையாளம் கண்ட பொலிசார் கடந்த மூன்று நாட்களாக தீவிர தேடுதல் வேட்டையில் ஈடுபட்டு வந்தனர்.

இந்நிலையில், பொலிசாரை தொடர்பு கொண்ட மார்செல், Jaden படுகொலை செய்யப்பட்ட இடத்தில் தான் கைதாக தயராக உள்ளதாக கூறியுள்ளார்.

சம்பவயிடத்திற்கு விரைந்த பொலிசார் மார்செலை கைது செய்துள்ளனர். கைதான மார்செல், குடியிருப்பில் ஒன்றில் மேலும் ஒரு உடல் உள்ளதாக பொலிசிடம் தகவலளித்தார். குறித்த குடியிருப்புக்கு விரைந்த பொலிசார் ஆண் சடலம் ஒன்றை கண்டெடுத்துள்ளனர்.

சம்பவம் குறித்த பொலிசார் அளித்து தகவலில், குடியிருப்பில் இறந்து கிடந்த நபரை மார்செல் தான் கொன்றுள்ளார் என்பது இன்னும் உறுதி செய்யப்படவில்லை என தெரிவித்துள்ளனர்.

மனித உரிமைகள் தொடர்பான ஐ.நா. மனித உரிமை ஆணையத்தின் புதிய அறிக்கையில் வலியுறுத்தப்பட்டுள்ளபடி, மனித உரிமை மீறல் தொடர்பான விசாரணையில் வெளிநாட்டு நீதிபதிகளை ஏற்க முடியாது என இலங்கை அதிபர் மைத்ரிபால சிறிசேன, நிராகரித்துள்ளார்.

இலங்கையில் உள்நாட்டு போரின்போது நடைபெற்ற தீவிரமான மனித உரிமை மீறல் குற்றச்சாட்டுகளை விசாரிக்கும் பணியில் உதவ வெளிநாட்டு நீதிபதிகளை அனுமதிக்கமுடியாது என்று அவர் மீண்டும் வலியுறுத்தியிருக்கிறார்.

முன்னதாக, அதற்கு அவர் ஒப்புக்கொண்டிருந்தார்.

தவறிழைத்த இராணுவத்தினர் தண்டிக்கப்பட வேண்டும் என்ற கோரிக்கைகளுக்கும் செவிசாய்க்கப்போவதில்லை என்றும் இலங்கை அதிபர் கூறியிருக்கிறார்.

நீதி குறித்த தனது சொந்த கடப்பாடுகளை பூர்த்தி செய்யும் இலங்கையின் நடவடிக்கைகள் மந்த கதியில் இருப்பது கவலையளிப்பதாக ஐ.நா மனித உரிமை ஆணையர் அலுவலகம் வெள்ளிக்கிழமையன்று கூறியிருந்தது.

காவலில் எடுக்கப்படும் மக்கள், தற்போதும் கொடுமைப்படுத்தப்படுவதாகவும், மனித உரிமை பணியாளர்கள் தொடர்ந்து துன்புறுத்தப்படுவதாகவும் தகவல்கள் கிடைப்பதாக அது மேலும் தெரிவித்திருக்கிறது.

அமெரிக்க ஜனாதிபதியான டிரம்ப் பதவியேற்ற பின்னர் வெள்ளைமாளிகையில் பணியில் இருந்த இஸ்லாமிய பெண் ஒருவரை பணி நீக்கம் செய்துள்ள சம்பவம் பரபரப்பை ஏற்படுத்தியுள்ளது.

அமெரிக்காவின் ஜனாதிபதியான பின்பு டிரம்ப் பல அதிரடி அறிவிப்புகள் மற்றும் மாற்றங்கள் என நிறைய செயல்படுத்தி வருகிறார். அவர் செய்யும் ஒவ்வொரு விஷயமும் யாருக்கேனும் ஒரு பாதிப்பை ஏற்படுத்தி விடுகிறது.

இதனால் பலரும் டிரம்ப் மீது கடும் அதிருப்தியில் உள்ளனர். ஆனால் டிரம்போ தான் செய்யும் ஒவ்வொரு விடயமும் தம் நாட்டின் நலனுக்காகவே, இதை ஊடகங்கள் தவறாக சித்தரிப்பதாக புகார் கூறினார், இதில் ஒரு சில ஊடகங்களை நேரடியாகவே தாக்கினார்.

இந்நிலையில் அமெரிக்க தலைநகர் வாஷிங்டனில் உள்ள வெள்ளை மாளிகையில் ருமானா அகமது என்ற பெண் தேசிய பாதுகாப்பு கவுன்சில் அலுவலகத்தில் பணிபுரிந்து வந்தார்.

இவர் வங்கதேசத்தைச் சேர்ந்த வம்சாவளி இஸ்லாமிய பெண் ஆவார்.

இவர் கடந்த 2011 ஆம் ஆண்டு முதல் ஒபாமா அரசு நிர்வாகத்தில் பணிபுரிந்து வந்துள்ளார். ருமானா பணியின் போது தலையில் ஹிஜாப் அணிந்து இருப்பார் என்று கூறப்படுகிறது.

புதிய ஜனாதிபதியான டிரம்ப் ஈராக், ஈரான், சிரியா உள்ளிட்ட 7 இஸ்லாமிய நாடுகளுக்கு விசா தடை விதித்தார். தற்போது ருமானா திடீரென பணி நீக்கம் செய்யப்பட்டுள்ளார்.

இது குறித்து ருமானா கூறுகையில், விசா தடை விதித்த 8 நாட்களில் பணியில் இருந்து நீக்கப்பட்டதாகவும், ஆனால் தான் அவமானப்படுத்தப்பட்டதாகவும் கூறியுள்ளார்.

மேலும் அமெரிக்காவின் ஜனாதிபதியாக டிரம்ப் பதவி ஏற்றவுடன் தனது நிர்வாகத்தில் பல்வேறு மாற்றங்கள் அவ்வப்போது செய்து வருகிறார். அது போன்று தேசிய பாதுகாப்பு கவுன்சிலுக்கு புதிய தலைவர் மற்றும் உதவியாளர்கள், நியமிக்கப்பட்டனர். இந்த அடிப்படையில் தான் ருமானா பணி நீக்கம் செய்யப்பட்டதாக கூறப்படுகிறது.

பிரித்தானியாவில் தற்போது புழக்கத்தில் இருக்கும் ஒரு பவுண்ட்ஸ் நாணயங்களில் மாற்றம் செய்யப்பட்டவுள்ளதாக தெரிவிக்கப்பட்டுள்ளது.

அந்த நாட்டு ஊடகங்களை மேற்கோள்காட்டி வெளியிடப்பட்டுள்ள செய்தியில் இந்த விடயம் தெரிவிக்கப்பட்டுள்ளது. அந்த செய்தியில் மேலும் தெரிவிக்கப்பட்டுள்ளதாவது,

எதிர்வரும் மார்ச் மாதம் 28ஆம் திகதி முதல் மக்கள் பாவனைக்கு வரும் வகையில் இந்த புதிய நாணயங்கள் உருவாக்கப்படவுள்ளதாக கூறப்பட்டுள்ளது.

மேலும், குறித்த நாணயம் இருவேறு உலோகங்களை கொண்டு பல்வேறு பாதுகாப்பு அம்சங்களுடன் உருவாக்கப்படவுள்ளதாகவும் அந்த செய்தியில் குறிப்பிடப்பட்டுள்ளது.

இந்நிலையில், தற்போது மக்கள் பாவனையில் இருக்கும் ஒரு பவுண்ட்ஸ் நாணயம் எதிர்வரும் ஒக்டோம்பர் 16ஆம் திகதி முதல் செல்லுபடியாகாது என தெரிவிக்கப்பட்டுள்ளது.

இதேவேளை, தற்போது புழக்கத்தில் இருக்கும், ஒரு பவுண்ட்ஸ் நாணயங்களில் முப்பதில் ஒன்று போலியானவை எனவும் கண்டுபிடிக்கப்பட்டுள்ளது.

இந்நிலையிலேயே, புதிய ஒரு பவுண்ட்ஸ் நாணயங்கள் வெளியிடப்படவுள்ளதாக பிரித்தானியா வங்கி அறிவித்துள்ளதாக அந்த செய்தியில் மேலும் தெரிவிக்கப்பட்டுள்ளது.

தமிழகத்தில் மீண்டும் குடும்ப ஆட்சி வேண்டாம் என மத்திய அமைச்சர் பொன்.ராதாகிருஷ்ணன் தெரிவித்துள்ளார். தமிழக முதல்வராக எடப்பாடி பழனிச்சாமி நீடிப்பாரே என்பது கேள்விக்குறிதான் என்றும் அவர் தெரிவித்துள்ளார். 

தமிழகத்தில் கடந்த 10 மாதங்களில் மட்டும் மூன்று முதல்வர்கள் மாறியுள்ளனர். கடந்த நாட்களுக்கு மேலாக நடந்து வந்த முதல்வர் பதவிக்கான போட்டி நேற்று முடிவுக்கு வந்தது. எடப்பாடி பழனிச்சாமி முதல்வராக பதவியேற்றார். அவரது தலைமையில் 31 அமைச்சர்களும் பதவியேற்றுக்கொண்டனர்.

நாளை சட்டசபைக் கூட்டம்
நாளை கூடவுள்ள சட்டசபைக் கூட்டத்தில் முதல்வர் எடப்பாடி பழனிச்சாமி பெரும்பான்மையை நிரூபிக்க உள்ளார். இந்நிலையில் மத்திய அமைச்சர் பொன்.ராதாகிருஷ்ணன் கோவையில் செய்தியாளர்களிடம் பேசினார்.

காவல்துறைக்கு சுதந்திரம் இல்லை
அப்போது அவர் கூறியதாவது, கடந்த 50 ஆண்டுகளாக தமிழகத்தில் நடைபெற்றுவந்த திராவிடக் கட்சிகளின் சகாப்தம் முடிவடைந்து. அதிமுக ஆட்சியில் காவல்துறையில் சுதந்திரமாக செயல்படவில்லை.

நாளை வரை நீடிப்பாரா?
முதல்வராக பதவியேற்றுள்ள எடப்படி பழனிச்சாமியை சுதந்திரமாக செயல்பட விடமாட்டார்கள். மேலும் முதல்வராக எடப்பாடி பழனிச்சாமி நாளை வரே நீடிப்பதே கேள்விக் குறிதான்.

குடும்ப ஆட்சி வேண்டாம்
தமிழகத்தில் ஆட்சி அமைப்பதற்கான அனைத்து பணிகளையும் பாஜக மேற்கொள்ளும். தமிழகத்தில் குடும்ப ஆட்சியை மீண்டும் கொண்டு வரவேண்டாம். இவ்வாறு மத்திய அமைச்சர் பொன்.ராதகிருஷ்ணன் தெரிவித்தார்.

சசிகலா குடும்பத்தினர் ஆட்சி
அதிமுக பொதுச்செயலாளரான சசிகலாவுக்கு சொத்துக்குவிப்பு வழக்கில் சிறை தண்டனை விதிக்கப்பட்டதால் அவரது அக்காள் மகனான டிடிவி.தினகரனை சசிகலா துணைபொதுச்செயலாளராக நியமித்தார். தற்போது சசிகலா தரப்பின் பிடியில் உள்ள எடப்பாடி பழனிச்சாமியே முதல்வராக பொறுப்பேற்றுள்ளார்.

சசி குடும்பத்தின் பிடியில் ஆட்சி
இந்நிலையில் அதிமுக அரசு சசிகலா குடும்பத்தின் கட்டுப்பாட்டில் தான் உள்ளது என்பதை சூசகமாக பொன்.ராதாகிருஷ்ணன் கூறியுள்ளார். சசிகலா குடும்பத்திற்கு எதிர்ப்பு தெரிவிக்கும் மத்திய அமைச்சரின் இந்த பேச்சு பரபரப்பை ஏற்படுத்தியுள்ளது.

சிவனொளிப்பாத மலை உச்சிக்கு சென்றுகொண்டிருந்த மூன்று யாத்திரிகள் கடும் குளிர் காரணமாக உயிரிழந்துள்ளனர். இச்சம்பவம் கடந்த வெள்ளிக்கிழமை(10) இரவு போயா தினத்தன்று இடம்பெற்றுள்ளது.

தெவிநுவர பகுதியைச் சேர்ந்த 65 வயதுடை சிரியாவதி என்ற பெண்ணும், கம்புறுபிட்டியவைச் சேர்ந்த 64 வயதுடைய சந்திரசேன என்ற நபரும், மொரட்டுவ பகுதியைச் சேர்ந்த 50 வயதுடைய கித்சிறி பெர்னாண்டோ என்ற நபருமே இவ்வாறு உயிரிழந்துள்ளனர்.

சீரற்ற காலநிலை காரணமாக உடலில் ஏற்பட்ட மாற்றத்தால் இதயம் செயலிழந்து குறித்த நபர்கள் உயிரிழந்துள்ளதாக மஸ்கெலியா வைத்தியசாலையில் மேற்கொள்ளப்பட்ட பிரேத பரிசோதனை மூலம் தெரியவந்துள்ளது.

கேப்பாப்புலவில் தமது காணிகளை மீட்கப் போராடும் மக்களுக்கு ஆதரவு தெரிவித்து சிங்கள மக்களால் நீர்கொழும்பில் கவனயீர்ப்புப் போராட்டமொன்று முன்னெடுக்கப்பட்டுள்ளது.

இராணுவத்தினர் ஆக்கிரமித்துவைத்துள்ள தமது காணிகளை மீட்பதற்காக கடந்த பத்து நாட்களாக கேப்பாப்புலவு மக்கள் தொடர் போராட்டத்தில் ஈடுபட்டு வருகின்றனர்.

இந்நிலையில் குறித்த மக்களுக்கு ஆதரவு தெரிவிக்கும் முகமாக நீர்கொழும்பில் சிங்கள மக்களால் குறித்த ஆர்ப்பாட்டம் முன்னெடுக்கப்பட்டுள்ளது.

முல்லைத்தீவு, கேப்பாப்புலவு விமானப்படைத்தளம் அமைந்துள்ள பகுதியில், அப்பகுதி மக்களினால் ஆரம்பிக்கப்பட்ட போராட்டமானது இன்று சுதந்திரதினத்திலும் கறுப்புக்கொடி பறக்கவிடப்பட்டு 5 ஆவது நாளாகவும் முன்னெடுக்கப்பட்ட நிலையில், வடமாகாண முதலமைச்சர் சி.வி விக்னேஸ்வரன், சம்பவ இடத்திற்கு சென்று போராட்டத்தில் ஈடுபட்டுள்ள மக்களுடன் கலந்துரையாடியுள்ளார்.

முதலமைச்சரின் குறித்த விஜயத்தின் போது வட மாகாண சபை விவசாயத் துறை அமைச்சர் ஐங்கரநேசன், வட மாகாண சபை உறுப்பினர் உறுப்பினர்களான சிவாஜிலிங்கம்,சிவநேசன் மற்றும் ரவிகரன் உள்ளிட்டவர்களும் சென்றுள்ளனர்.

மேலும் புதுக்குடியிருப்பு மற்றும் கேப்பாப்புலவில் பேராட்டத்தில் ஈடுபட்டுள்ள மக்களுக்கு ஆதரவாக முள்ளியவளை, முல்லைத்தீவு, புதுக்குடியிருப்பு, ஒட்டுசுட்டான் ஆகியநகரங்களில் அமைந்துள்ள கடைகள் அனைத்து மூடப்பட்டு, இன்றையதினம் அர்த்தால் அனுஷ்டிக்கப்பட்டுவருவதால் பொதுமக்களின் இயல்புவாழ்க்கை பாதிக்கப்பட்டுள்ளது.

விமானப்படையினர் வசமுள்ள 30 ஏக்கர் காணியை விடுவிப்பதாக அரச அதிகாரிகள் மக்களுக்கு தெரிவித்தபோதிலும் அது குறித்த தினத்தில் விடுவிக்கப்படவில்லை. இதன்காரணமாக குழந்தைகள், சிறுவர்கள், முதியவர்கள், பெண்கள், ஆண்கள் என 50 க்கும் மேற்பட்ட கேப்பாப்புலவு குடியிருப்புமக்கள் தொடர் போராட்டத்திலீடுபட்டு வருகின்றமை குறிப்பிடத்தக்கது.


திருவடி நிலை அன்னதான மண்டப திறப்பு விழா  3.1.2017
அனைவரையும் அன்புடன் அழைக்கிறார்கள் மண்டப திறப்புவிழா ஏற்பாட்டாளர்கள்.
சுழிபுரம்  ,பண்ணாகம் மற்றும் அயல்கிராம உள்நாட்டு வெளிநாட்டு மக்களின் நிதிப்பங்களிப்பில் கட்டிடம் நிறைவாகி திறப்பு விழாக்காணுகிறது.

யார் அந்த மேலிடம் என்பது தான் தற்போதைய மெரினா மணல் எண்ணிக்கை கேள்வி? முதல்வருக்கு அப்பாற்பட்டு போலீஸ் அதிகாரிகளை இயக்கிய அதிகார மையம் எது?


ஜல்லிக்கட்டுப்பிரச்னை முடிவுக்கு வராததால், 22ம் தேதி முதல்வர் பன்னீர் போலீஸ் உயரதிகாரிகளுடன் ஆலோசனை நடத்தியுள்ளார். அந்த சந்திப்பில் முதல்வர் பன்னீர்செல்வம் போலீஸ் அதிகாரிகளிடம் பேசும்போது, மாணவர்களுக்கு எந்த பிரச்னையும் வந்துவிடாமல் இந்த பிரச்னையை டீல் செய்யுங்கள் என்று கூறியிருக்கிறார்.

சசிகலாவை முதல்வர் சந்தித்த போது கூட சசிகலாவும் இதே கருத்தை தான் வலியுறுத்தியிருக்கிறார். இத்தனை நாள் பொறுத்திருந்தோமே இன்னும் ஒரு நாள் பார்க்கலாம். ஆனாலும், இது மாணவர்கள் பிரச்னை. வெடித்து பூதாகரமாகிவிடும் என்று சசிகலாவும் எச்சரிக்கை தெரிவித்திருந்தாராம்.
போலீசாரும் அன்று இரவு முழுவதும் அமைதியாகவே இருந்துள்ளனர்.

ஆனால், அன்று அதிகாலை எல்லா போலீஸ் அதிகாரிகளுக்கும் அந்த தகவல் பரிமாறப்பட்டுள்ளது. அதாவது போலீஸ் உயரதிகாரி, மாணவர்களை அங்கிருந்து எப்படியாவது வெளியேற்றுங்கள் என்ற உத்தரவு.

எல்லா போலீஸ் அதிகாரிகளுமே இதை ஷாக் நியூசாகத்தான் பார்த்திருக்கிறார்கள். உத்தரவு பிறப்பித்த உயரதிகாரியிடம் சில போலீஸ் அதிகாரிகள் விசாரித்துள்ளனர். அந்த போலீஸ் உயரதிகாரி, இது மேலிடத்து உத்தரவு என்று பொத்தாம் பொதுவாய் சொன்னாராம்.

யார் அந்த மேலிடம் என்பது தான் தற்போதைய மெரினா மணல் எண்ணிக்கை கேள்வி? முதல்வருக்கு அப்பாற்பட்டு போலீஸ் அதிகாரிகளை இயக்கிய அதிகார மையம் எது?

இதற்கும் மாணவர் படை போராட்டம் நடத்தித்தான் கண்டுபிடிக்க வேண்டுமோ? எல்லாம் சிவனுக்கே வெளிச்சம்..??

சகாயம் அல்லது ராகவா லாரன்ஸ் முதல்வர் வேட்பாளர் ஆக வாய்ப்பு. இனி டெல்லியை போல தமிழகமும் லஞ்சம், ஊழல் இல்லாத மாநிலம் ஆக வாய்ப்பு இருப்பதாக கூறப்படுகின்றது.


ஜல்லிக்கட்டு போராட்டம் அரசியல் வட்டாரத்தையும், அதிகார வர்க்கங்களையும் ஒரு குலுக்கு குலுக்கியுள்ளது என்றே சொல்ல வேண்டும். ஏனென்றால், மாணவர்கள் தொடங்கிய இப்போராட்டத்தில் அரசியல் கட்சிகள் மற்றும் அரசியல் தலைவர்கள் யாரையும் பங்கெடுக்க அனுமதிக்கவில்லை.

இதனால், அரசியல் கட்சிகள் என்ன செய்வதென்றே தெரியாமல் முழித்துக் கொண்டிருந்தனர். அதன்பிறகு ஜல்லிக்கட்டுக்கு ஆதரவாக ஒவ்வொரு இடங்களிலும் போராட்டங்களை நடத்த தொடங்கினர்.

அதேப்போன்று தான் திரை நட்சத்திரங்களையும் போராட்டத்தில் பங்கெடுக்க அனுமதிக்கவில்லை. மாணவர்களிடம் ஏற்பட்டுள்ள இந்த போராட்ட விழிப்புணர்வு அரசியல் ரீதியாகவும் பிரதிபலிக்கும் என்றும் ஒரு செய்தி வெளியாகின்றது.

அதாவது, மக்களிடம் அதிகமாக பகிரப்படும் செய்தி. அது என்னவென்றால், ஸ்டாலினும் வேண்டாம், சசிகலாவும் வேண்டாம், மோடியும் வேண்டாம், ராகுலும் வேண்டாம்.. இவர்கள் அனைவரும் பீட்டாவிடம் விலை போனவர்கள். 234 தொகுதியிலும் காளைமாட்டு சின்னத்தில் போட்டியிட மாணவர்கள் முடிவு செய்திருப்பதாக கூறப்படுகின்றது.

அதேபோன்று, சகாயம் முன்னிலையில் ஒவ்வொரு தொகுதியிலும் போட்டியிடும் வேட்பாளர்கள் குலுக்கல் முறையில் தேர்வு செய்யப்பட வாய்ப்பிருக்கின்றதாம். சகாயம் அல்லது ராகவா லாரன்ஸ் முதல்வர் வேட்பாளர் ஆக வாய்ப்பு. இனி டெல்லியை போல தமிழகமும் லஞ்சம், ஊழல் இல்லாத மாநிலம் ஆக வாய்ப்பு இருப்பதாக கூறப்படுகின்றது.

இதுவெல்லாம், நடந்தால் தமிழகத்தில் ஒரு மாற்றம் ஏற்படும் என்றால், அதையே தமிழக மக்கள் விரும்புவார்கள். அதற்கு எந்த மாற்றுக்கருத்தும் இருக்க முடியாது.