WELCOME TO PANNAGAM.COM & PTV
பண்ணாகம் இணையம்
NEWS 9
டெங்கு கட்டுப்பாட்டு விசேட நிகழ்ச்சி திட்டத்தின் கீழ் இன்று யாழில் இடம்பெற்ற சோதனை நடவடிக்கையில் 5 மணித்தியாலங்களுக்குள் இதுவரை 500 க்கும் மேற்பட்ட வழக்குகள் பதிவு செய்யப்பட்டுள்ளன.
டெங்கு கட்டுப்பாட்டு விசேட நிகழ்ச்சி இன்றும் நாளையும் யாழ் மாவட்டத்தில் மேற்கொள்ளப்பட்டு வருகிறது.
யாழில் 5 மணிநேரத்தில் 500 வழக்கு பதிவு: காரணம் இதுதான்- மக்களே உஷாா்!
அந்த வகையில் இன்று காலை 7 மணிக்கு அனைத்து பிரதேசங்களிலும் ஆரம்பமாகிய இந்த சோதனை நடவடிக்கையில் ஒவ்வொரு சுகாதார வைத்திய அதிகாரி பிரிவுகளிலும் அதி தீவிரமாக நடவடிக்கைகள் மேற்கொள்ளப்பட்டு வருகிறது.
தெல்லிப்பழை பிரதேசத்தில் 50 வழக்குகளுக்கு மேல் தற்போது பதிவு செய்யப்பட்டுள்ளது.
டெங்கு நுளம்பு பரவுவதற்கு ஏற்ற வகையில் சூழலை வைத்திருந்த வீட்டு உரிமையாளர்கள், பற்றைக்காணிகளை துப்பரவு செய்யாதிருந்த காணி உரிமையாளர்கள் என பலருக்கு வழக்கு பதிவு செய்யப்பட்டு வருகிறது..
வீதிகளில் குப்பைகளை போடுதல், வீட்டின் முன் பக்கத்தில் பற்றைகளை துப்பரவு செய்யாமை, நீர் தேங்கக்கூடிய வகையில் பொருட்களை பாத்திரங்களை வைத்திருத்தல், நீர்த்தொட்டிகளை பயன்படுத்தாமல் வைத்திருந்தமை போன்ற குற்றங்களுக்கு இந்த வழக்குகள் பதிவு செய்யப்பட்டு வருகிறது.
இன்றும் நாளையும் கடுமையான நடவடிக்கை எடுக்கப்படவுள்ளதாக தெரிவிக்கப்பட்டுள்ளது
இந்த அதிரடி நடவடிக்கையால் அனைத்து பிரதேசத்திலும் மக்கள் பாய்ந்து விழுந்து துப்பரவுப்பணிகளில் ஈடுபட்டுள்ளமையை அவதானிக்க முடிகிறது.
புங்குடுதீவு மாணவி வித்தியா கொலை வழக்கில், பிரதான சந்தேக நபர்களில் ஒருவரான சுவிஸ்குமார் எனப்படும் மகாலிங்கம் சசிகுமாரை தப்பிக்க வைக்க இராஜாங்க அமைச்சர் விஜயகலா மகேஸ்வரன் முனைந்துள்ளார் என்று நீதிபதி இளஞ்செழியன் தனது தீர்ப்பில் கூறியுள்ளார்.
வித்தியா படுகொலை வழக்கில் கைது செய்யப்பட்டுள்ள சுவிஸ்குமார் விடயத்தில், இராஜாங்க அமைச்சர் விஜயகலா மகேஸ்வரன் நடந்து கொண்ட விதம் தொடர்பாக நீதிபதி மா.இளஞ்செழியன் விமர்சனம் செய்துள்ளார்.
வித்தியா கொலை வழக்கில், 9 ஆவது எதிரியான சுவிஸ் குமாரைப் பொதுமக்கள் கட்டி வைத்திருந்த போது அங்கு சென்ற அமைச்சர் விஜயகலா மகேஸ்வரன், அவரை அவிழ்த்து விடுமாறு கூறி, காவல்துறையினரின் ஒப்படைக்க நடவடிக்கை எடுக்காமல் உறவினர்களிடம் ஒப்படைத்துள்ளார். இதனை 9 ஆவது எதிரியே சாட்சியம் அளித்துள்ளார்.
அத்துடன், அவிழ்த்து விடப்பட்ட பின்னர், சுவிஸ் குமாரை அவரது உறவினர்கள் அழைத்துச் செல்லும் வரை- நள்ளிரவு 11 மணி தொடக்கம் 1 மணிவரை இரண்டு மணிநேரம் அவருக்காக வீதியில் காத்திருந்துள்ளார்.
இது சுவிஸ்குமாரைத் தப்பிக்க வைக்கும் முதல் நடவடிக்கை என்றும், யாழ். காவல் நிலைய உதவி ஆய்வாளர் சிறீகஜன் அவரைத் தப்பிக்க வைக்க மேற்கொண்டது இரண்டாவது நடவடிக்கை என்றும் நீதிபதி இளஞ்செயழியன் தனது தீர்ப்பில் கூறியுள்ளார்.
யாழ் நகரப் பகுதிகளின் கழிவுகளைக் கொட்டும் இடமான கல்லுண்டாய் குப்பை மேடு திடீர் திடீரெனத் தீப்பற்றி எரிகிறது. கடந்த ஒரு மாதத்துக்கு மேலாக நடக்கும் இந்த நிகழ்வால் அந்தப் பகுதி மக்களும் அதன் வழியே பயணம் செய்பவர்களும் அச்சமடைந்துள்ளனர். இரவில் பயணிப்போர்மேலும் கலங்கிப் போகின்றனர். குப்பைகள் மற்றும் கழிவுகளால் ஏற்படும் அளவுக்கதிகமான மீதேன் வாயுவே தீ எரிவதற்குக் காரணம் என்று கூறப்படுகிறது.
அதிகரித்த வெப்பம் காரணமாக குப்பைகளிலிருந்து வெளியேறும் உயிர் வாயுவால் தீ மூழ்கிறது என்று யாழ். மாநகரசபை ஆணையாளர் பொ.வாகீசன் தெரிவித்தார். யாழ்.மாநகரசபையே கல்லுண்டாயில் குப்பைகளைக் கொட்டி வருகின்றது.
கடந்த ஏப்ரலில் மீதெட்ட முல்லவில் குப்பை மேடு சரிந்து 26 பேர் உயிரிழந்தனர். அந்தக்குப்பை மேட்டில் மீதேன் வாயு அதிகரித்து, அது இடையில் தீப்பற்றி எரிந்ததாலேயே சரிந்து விழுந்து பேரிடர் ஏற்பட்டது என்று ஆய்வுகள் பின்னர் தெரிவித்தன. கல்லுண்டாய் வெளிக்கு அண்மையில் குடியிருப்புக்கள் இல்லாவிடினும் அந்தப் பகுதியால் தினமும் பல நூற்றுக்கணக்கானவர்கள் பயணிக்கின்றனர்.
மீதெட்ட முல்ல பேரிடரின் பின்னர் அங்கு ஆய்வு மேற்கொண்ட ஜப்பான் வல்லுநர்கள் குப்பை மேட்டுப்பகுதியில் அளவுக்கதிகமான மீதேன் வாயு காணப்படுவதாகவும் அது ஆபத்தானது என்றும் தெரிவித்திருந்தனர். மெதேன் வாயுவின் அளவானது சாதாரணமாகக் காற்றில் 0.5 வீதம் காணப்படும்.அது 1.5 வீதம் வரை சராசரியாக அதிகரிக்கும். எனினும் மீதெட்ட முல்ல குப்பை மேட்டில் மீதேன் வாயுவின் அளவானது 16 வீதமாக இருந்தது. மலசலக் கழிவுகளும் குப்பை மேட்டில் கொட்டப்படுவதே மீதேன் வாயுவின் அளவுக்கதிகமான அதிகரிப்புக்குக் காரணம் என்றும் ஜப்பான் வல்லுநர்கள் தெரிவித்திருந்தனர்.
யாழ்ப்பாண மாநகர சபை மற்றும் தனியார் நிறுவனங்களால் யாழ்ப்பாண மாநகரிலுள்ள குடியிருப்புக்கள் மற்றும் நிறுவனங்களில் அகற்றப்படும் மலசலகூடக் கழிவுகளும் கல்லுண்டாய் குப்பை மேட்டுப் பகுதியிலேயே கொட்டப்படுகின்றன.
இதேவேளை, யாழ்ப்பாணம் போதனா மருத்துவமனையின் மருத்துவக் கழிவுகளும் கல்லுண்டாயில் கொட்டப்பட்டு எரிக்கப்படுகின்றன என்ற குற்றச்சாட்டை பணிப்பாளர் மருத்துவர் த.சத்தியமூர்த்தி மறுத்தார்.
“போதனா மருத்துவமனைக் கழிவுகள் கல்லுண்டாய் வெளியில் கொழுத்தப்படுவதாக தெரிவிக்கப்படுவதில் எந்தவிதமான உண்மையும் கிடையாது.
போதனா மருத்துவமனையில் தினமும் சேதனக் கழிவுகள் 500 கிலோ தொடக்கம் 600 கிலோ வரையில் சேர்கின்றன. அவற்றை நாம் தெல்லிப்பழையில் உள்ள புகை போக்கி மூலமே எரித்து அகற்றுகின்றோம்.
இதே போன்று தினமும் உணவுக் கழிவுகள் இரண்டு உழவு இயந்திரங்கள் சேர்கின்றன. அவையும் மாநகர சபையினருக்கு பணம் செலுத்தி அகற்றப்படுகின்றன. அதே போன்று சத்திர சிகிச்சை மூலம் அகற்றப்படும் மனித உடற்பாகங்கள் மற்றும் இறந்த சிசுக்கள் என்பன வாரம் ஒருமுறை மாநகர சபை மூலம் அகற்றப்பட்டு கோம்பையன் மயானத்தில் எரிக்கப்படுகின்றன. அதற்கும் மாநகர சபைக்கு பணம் செலுத்தப்படுகிறது. இதுவே எமது கழிவகற்றல் முறைமையாகும்” என்று மருத்துவர் த. சத்தியமூர்த்தி மேலும் தெரிவித்தார்.
குப்பை தொடர்ந்து இரவு பகலாக எரிவதால் எழும் புகை நவாலி வரை பரவி குடியிருப்புக்களைப் பாதிக்கின்றது என்று அந்தப் பகுதி மக்கள் குற்றஞ்சாட்டுகின்றனர்.
250க்கும் மேற்பட்ட தமிழர்களைக் காப்பாற்றிய நிகழ்வு..!!
காலங் காலமாக எமதினத்தின் மீது கட்டவிழ்த்து விடப்பட்ட இனக்கலவரங்கள்..1958,1964,1977,1983 , 2009, என நீண்டுகொண்டிருக்கும்
இக்காலகட்டத்தில்,1958 ல் சிறுவனாக,கண்ட முதலாவது கலவரத்திலிருந்து ....தொடங்கி..1977ல் ....திட்டமிட்டுக் கட்டவிழ்த்து விடப்பட்ட கலவரம், அனுராதபுரம்,மற்றும்,சூழவுள்ள கிராமங்களில், வாழும் தமிழர்கள் மீது கட்டவிழ்த்து விடப்பட்டது.80 வீதம் தமிழர்கள் வாழ்ந்த அனுராதபுரம், 20 வீதமாகக் குறைக்கப்பட்டது.தமிழர்களின் சொத்துக்கள்,உயிர்கள் பறிக்கப்பட்டன.16.8.1977ல் யாழில்.டொக்டர் பிலிப்ஸ் நடாத்திய கார்ணவேலில் தொடங்கிய சிறிய சம்பவம் பெரிதுபடுத்தப்பட்டு,வதந்திகள் ..சிறகடிக்க..இலங்கைத்தீவு முழுதும் பரவி பேரனர்த்தத்தை, தமிழர்கள் சுமந்தார்கள்.ஜே.ஆர்.ஜயவர்த்தனா அவர்களின் ஆட்சியில்,தமிழ்த் தலைவர்கள் எதிர்க்கட்சியில் அமர்ந்தபோது...அரங்கேறிய இனக்கலவரம்...அன்று..1977ல்.
17.8.1977 - காலை 10.00 மணியிருக்கும்,,காவல் துறையில் தகவல் பரிமாற்றக் கடமையில்,(Weirless and Teleghraphy Operator)இருந்தபோது,சிங்களக் கிராமங்களான மிகிந்தலை, ஹொரவப்பொத்தான சீப்புக்குளம
போன்றபகுதிகளிலிருந்து,காடையர்கள், கஹடகஸ்திகிலிய,பெரிய தபால் நிலையத்தை , தாக்கி,அங்கு கடமையிலிருந்த தபாலதிபர் நீர்வேலி கந்தசாமி ஐயா உட்பட 10 க்கு மேற்பட்ட தமிழ் உத்தியோகத்தர்களையும்,,(குடும்பத்தோடு வசித்த)- தாக்குவதற்காகவும் தபால் நிலையத்தை கொள்ளையடிப்பதற்ககவும்,அப்பகுதியிலுள்ள தமிழர் வர்த்தக நிலையங்களையும்,தாக்கும் நோக்குடன் வந்து கொண்டிருக்கும், தகவல் வர,உடனடியாக தபால் நிலையம் சென்று, அவர்களைப் பாதுகாப்பான இடத்திற்குச் செல்லுமாறு கூறினேன்.கடைகளைத்தான் தம்பி உடைப்பார்கள், நாங்கள் அரச உத்தியோகத்தர்கள் எனக் கூறி, அங்கேயே இருந்துவிட்டார்கள். கடைக்காரர்களை பாதுகாப்பாக அனுப்பிவிட்டு வந்துவிட்டேன்.பி.ப.1.10 இருக்கும், 2 பேருந்துகளில் வந்து, தபால் நிலையத்தை காடையர்கள் தாக்குவதாக தகவல் வர
ஓடிச்சென்று பார்த்தபோது..தபாலதிபர் கந்தசாமியாரின் மண்டை உடைந்து,இரத்தம் சொட்டசொட்ட என்னிடம் ஓடிவந்தார்.
ஏற்கனவே சொன்னேனே.ஐயா..சரி சரி, ....அங்கு நின்ற இஸ்லாமிய நண்பரோடு காவல் நிலையத்திற்கு அனுப்பிவிட்டுப்..பார்த்தபோது, ஏனைய தமிழ் உத்தியோகத்தர்களையும்,, காடையர் கூட்டம், தாக்கிக்கொண்டிருந்த்தது.மிகப்பெரிய தபால் நிலையம் போர்க்களமாகத் தெரிந்தது. அக்கணத்தில், பொலிஸ் நிலையப் பொறுப்பாளர் பொலிஸ் உப பரீட்சகர் தயானந்தாவும் அங்கு வந்துவிட,
2 பிரிவுகளாகப் போரடிக்கொண்டிருந்தோம் நாமிருவரும், கட்டுப்படுத்த முடியவில்லை.நாங்கள் இருவர் மட்டும். 140 க்கு மேற்பட்ட காடையர் கூட்டம் மறும்பக்கம்.அப்போது .பக்கத்து ஒழுங்கையால், காடையர்கள் தமிழர்களை,பெண்களை கலைத்துக்கொண்டு செல்வதை பார்த்தேன்,வேறு வழியில்லை அந்தப்பக்கமாகவும்,நான்கு தடவைகள் வேட்டுக்களை தீர்த்தேன்,ஆகாயத்தை நோக்கித்தான்,திரும்பிப் பார்த்த காடையர் கூட்டம்,குடல் தெறிக்கஓடி, பொலிசியேங் வெடி தியனவா எனக் கத்திக்கொண்டு,தாம் வந்த பேருந்துகளில் ஏறிக்கொண்டு,
எண்ணிக்கை செய்துகொண்டிருந்தனர்.நான்கு வெடிச்சத்ததிற்கும்,நான்கு பேர் உயிரிழந்து விட்டதாக எண்ணிவிட்டனர்.ஒருவனைக் கொன்று ஒருவனைக் காப்பாற்ற விரும்பாத தமிழர் ..உன்னத மனநிலையை ..அக்கூட்டம் எங்கே உணரப்போகிறது.என்னைத் திரும்பிப்பார்த்த அவர்கள், நீ தமிழன் தானே ..பிறகு பார்த்துக்கொள்கிறோம் எனக் கூறிவிட்டு சென்றுவிட்டார்கள்.
இனியென்ன...... இனித்தான் அடுத்த சோகம்.வெடிச்சத்தம் கேட்ட,அருகிலிருந்த புத்தகோவில் பிக்குவானவர், வர நான்குபேரை பொலிஸ் சுட்டுவிட்டதாக அங்குள்ளவர்கள் கொழுத்திப்போட,இந்தத் தமிழனுக்கு யாரடா துவக்கு கொடுத்தது.எங்களாலும் சுட முடியுமெனக் கூற, குடா பண்டா என்ற, ரவுடி,அந்த ஏரியாச் சண்டியர் ஷொட் கண் துவக்கோடு என்னைச் சுட முயற்சிக்க, நானும்,முயற்சிக்க இழுபறிப்பட.. பொலிஸ் அதிகாரி, சூழ்ந்துகொண்ட கும்பலை நோக்கி,எல்லோருக்கும் சொல்லுகிறேன்,இவர் யாரையும் கொல்லவில்லை,காடையர்களைக் கலைக்கத்தான் மேலே வெடி வைத்தது.போலிசில் இன மத பேதம் கிடையாது...எங்கள் கடமைய நாங்கள் செய்தோம்.எல்லோரும் ஓடிவிடுங்கள் எனக்கூறவும்,பிறகு பார்க்கிறோம் எனக் கூறிக் கலைந்துவிட்டார்கள்.அந்த அதிகாரி, கண்டியைச் சேர்ந்த நேர்மையான அதிகாரி.அவரின் உதவியால் தான் 256 க்குமதிகமான பெண்கள்,ஆண்கள்,சிறுவர்கள்,சிறுமியர்,இளம் பெண்களென, அவர்கள் அனைவருள்ளும்,வைத்தியர்கள், ஆசிரியர்கள்,மாணவர்கள்.அரசங்க உத்தியோகத்தர்கள் என தமிழர்களைக் காப்பாற்றி, அனுராதபுரத்தில் கச்சேரியில் அப்போது அமைக்கப்பட்டிருந்த அகதி முகாமில் ஒப்படைத்து விட்டு, நிம்மதியாகத் தூங்கியது.. இன்றும் அழியாத நினைவாக உள்ளது. அப்போது காப்பாற்றப்பட்டவர்கள்,இன்று உலகெங்கும், வாழ்கிறார்கள்.
இடையிடையே ஞாபகப்படுத்துவார்கள்.ஆனால் ஒன்றைக் கூறவேண்டும், இந்த 256 பேரையும் காபாற்ற உதவியவர்கள், உணவளித்தவர்கள்,4 நாட்களாக, எனது முஸ்லிம் நண்பர்கள், எனது சிங்கள நண்பர்கள் (முதலில் 4 பேரை நான் கொன்றதாக நம்பிப், பின் உண்மையறிந்து உதவியவர்கள்.) இவர்களின் உதவியால் தான் என் இன மக்களுக்காக இந்த உதவியைச் செய்யக்கூடியதாக இருந்தது.இது குறித்த தகவலை, அன்று பி.ப.2.30க்கு , வானொலியில் உரையாற்றிய ஜே.ஆர். அவர்களின் யுத்தம் என்றால் யுத்தம்,சமாதானம் என்றால் சமாதானம்..என்ற உரையில் கேட்கலாம்.
அதே நகரத்தில் , 1983 க்கலவரத்தில், உயிரைக்காக்க ஓடி,இஸ்லாமியர்களின் வீடுகளில் தஞ்சமடைந்த தமிழர்களைப்பார்த்து,,விஜயன் ஐயா ..இங்கு இருந்திருந்தால்,இப்படி உங்களை ஓடவிடாமல் காப்பாற்றிருப்பார் எனச் சொல்லி,அந்த கதையை,கூறிக்கொண்டிருக்க,(கேட்டவர் யேர்மனியில் வாழ்கிறார்)அதே 1983ல் ..(26 ஆண்டுகளுக்குப்) பிறகு,கொழும்பில், 1983மிகப்பெரிய கலவரத்தில்,31 வயதில், பல இளைஞர்களுடன் இணைந்து, (குட்டிமணி,தங்கத்துரை இன்னும் பலர் வெலிக்கடையில் கொல்லப்பட்ட அன்று..) பிரபல பாடகர் பித்துக்குளி முருகதாஸ் , M.L.வசந்தகுமாரி
உட்பட , பலரையும் , காடையர்களிடமிருந்து பாதுகாக்க ஜிந்துப்பிட்டி முருகன் ஆலயத்தில் அகதியாகி,3 நாட்களாகப் போரடிக்கொண்டிருந்தோம்... !!!!
இனங்களிடையே,புரிந்துணர்வும்,சக மனிதனை மதிக்கும் பண்பும்,ஆன்மீக நாட்டமும், ஜனநாயப் பண்புகளும் வேரோடினால் மட்டுமே, நாட்டில் அமைதி தவழும்.எமதினம் இனியும் கலவரங்களால் அழியக்கூடாது..அனைவரும் உழைக்கவேண்டும்.உழைப்போமா.?
சிறிலங்காவின் முன்னாள் அதிபரின் செயலர் லலித் வீரதுங்க மற்றும் தொலைத்தொடர்பு ஒழுங்கமைப்பு ஆணைக்குழுவின் முன்னாள் தலைவர் அனுஷ பல்பிட்ட ஆகியோருக்கு கொழும்பு மேல்நீதிமன்றம் 3 ஆண்டுகள் கடூழியச் சிறைத்தண்டனை விதித்து தீர்ப்பளித்துள்ளது.
2015ஆம் ஆண்டு அதிபர் தேர்தலின் போது, தொலைத்தொடர்பு ஒழுங்கமைப்பு ஆணைக்குழுவுக்குச் சொந்தமான, 600 மில்லியன் ரூபாவை தவறான முறையில் கையாண்டு , தேர்தல் நடவடிக்கைகளுக்குப் பயன்படுத்தியதாகச் சுமத்தப்பட்ட குற்றச்சாட்டு நிரூபிக்கப்பட்டதையடுத்தே, இவர்களுக்கு இந்த தண்டணை விதிக்கப்பட்டுள்ளது.
லலித் வீரதுங்கவும், அனுஷ பல்பிட்டவும் குற்றவாளிகளாக காணப்பட்டதை அடுத்து, 3 ஆண்டுகள் கடூழியச் சிறைத்தண்டனையுடன், தலா 2 மில்லியன் ரூபா அபராதத்தையும் நீதிமன்றம் விதித்துள்ளது,
அத்துடன் இரண்டு பேரும் தலா 50 மில்லியன் ரூபாவை, தொலைத்தொடர்பு ஒழுங்கமைப்பு ஆணைக்குழுவுக்கு இழப்பீடாக வழங்க வேண்டும் என்றும், கொழும்பு மேல்நீதிமன்றம் உத்தரவிட்டுள்ளது.
இறுதிக்கட்டப் போரின் போது, இராணுவ நடவடிக்கைகளுக்கு ஏற்படும் தடைகளை அகற்றுவதற்காக, இந்தியாவுக்கும் சிறிலங்காவுக்கும் இடையில் மூவரணிகள் அமைக்கப்பட்டிருந்தன.
அதில் பசில் ராஜபக்ச, கோத்தாபய ராஜபக்ச ஆகியோருடன், சிறிலங்கா அதிபரின் செயலராக இருந்த லலித் வீரதுங்கவும் ஒரு உறுப்பினராக இடம்பெற்றிருந்தார்.
இந்தியா தரப்பில் சிவ்சங்கர் மேனன், எம்.கே.நாராயணன், விஜய்சிங் ஆகியோர் இடம்பெற்றிருந்தனர் என்பது குறிப்பிடத்தக்கது.
பலாலி விமானப்படைத் தளத்தை, பிராந்திய விமான நிலையமாக மாற்றுவதற்கு சிறிலங்கா அரசாங்கம் நடவடிக்கை எடுக்கவுள்ளது.
பிரதானமாக, இந்தியாவுக்கான விமானப் பயணங்களை மேற்கொள்ளும் வகையில், இந்த நடவடிக்கை மேற்கொள்ளப்படவுள்ளது.
பிராந்திய விமான நிலையமாக பலாலி விமான தளத்தை மாற்றுவதற்கான வாய்ப்புகள் தொடர்பாக இந்தியா சாத்திய ஆய்வுகளை மேற்கொண்டுள்ளது.
பலாலி விமான தளத்தை எவ்வாறு அபிவிருத்தி செய்யலாம் என்பது தொடர்பாக, இந்திய விமான நிலைய அதிகாரசபை ஆய்வு ஒன்றை நடத்தியுள்ளது. இந்த அறிக்கை சிறிலங்கா அரசாங்கத்திடம் கையளிக்கப்பட்டுள்ளது.
பலாலி விமானதளம் பிராந்திய விமான நிலையமாக அபிவிருத்தி செய்யப்பட்டால், சிவில் விமான போக்குவரத்து அதிகாரசபையின் கீழ் கொண்டு வரப்பட்டு, சிவில் விமான சேவைகள் நிறுவனத்தினால் விமான நிலையம் இயக்கப்படும்.
மேலதிக காணி சுவீகரிப்புக்கு பிரதேச மக்கள் எதிர்ப்புத் தெரிவித்து வருவதால், ஓடுபாதையை விரிவாக்காமல், பலாலி விமான தளத்தை அனைத்துலக விமான நிலையமாக அபிவிருத்தி செய்வதற்கு இந்தியாவும் சிறிலங்காவும் இணங்கியுள்ளன.
பொதுவாக, எதிர்கால போக்குவரத்து மற்றும் பாரிய விமானங்களைத் தரையிறக்கும் வசதிகள் என்பனவற்றைக் கருத்தில் கொண்டே, பொதுவாக விமான நிலையங்கள் கட்டப்படுகின்றன. ஆனால் காணி சுவீகரிப்பு சர்ச்சைகள் இருப்பதால், பலாலி விமான நிலையத்தின் ஓடுபாதையை விரிவாக்காமல் அதனை தரமுயர்த்துவதே தற்போதுள்ள நல்ல தெரிவாகும் என்று சிவில் விமானப் போக்குவரத்து அதிகாரசபையின் அதிகாரி ஒருவர் தெரிவித்துள்ளார்.
பலாலி விமான தளத்தின் தற்போதைய ஓடுபாதை 2.3 கி.மீ நீளம் கொண்டதாக உள்ளது. இங்கு, சுமார் 100 பயணிகளை ஏற்றக் கூடிய, போயிங்- 717 போன்ற, ஒடுங்கிய உடலமைப்பைக் கொண்ட விமானங்களை தரையிறக்க முடியும் என்பது குறிப்பிடத்தக்கது.
கென்யாவில் பிளாஸ்டிக் பைகளுக்கு நேற்று திங்கட்கிழமை முதல் தடை விதிக்கப்பட்டுள்ளது.
இதன் பிரகாரம் எவராவது பிளாஸ்டிக் பைகளை விற்பதோ அன்றி உற்பத்தி செய்வதோ கண்டுபிடிக்கப்பட்டால் அவர் 38,000 அமெரிக்க டொலருக்கும் அதிகமான தண்டப் பண விதிப்பை அல்லது 4 வருடங்களுக்கு மேற்பட்ட சிறைத்தண்டனையை எதிர்கொள்ள நேரிடும் என்பது குறிப்பிடத்தக்கது.
சுற்றுச்சூழல் மாசடைவதைத் தடுக்கவே பிளாஸ்டிக் பைகளுக்குத் தடை விதித்துள்ளதாக அந்நாட்டு அரசாங்கம் கூறுகின்ற அதேசமயம், அந்தப் பைகளை உற்பத்தி செய்பவர்கள் மேற்படி தடையால் 80,000 வேலை வாய்ப்புகள் வரை இழக்கப்படலாம் என வாதிட்டு வந்தனர்.
இந்தத் தடைக்கு எதிராக நீதிமன்றத்தின் மூலம் முன்னெடுக்கப்பட்ட சவால்கள் காரணமாக அந்தத் தடையை நடைமுறைப்படுத்துவது பல வருட கால தாமதத்தை எதிர்கொண்டது.
இந்நிலையில் கடந்த வெள்ளிக்கிழமை இந்தத் தடை தொடர்பான மேன்முறையீட்டை விசாரித்த அந்நாட்டு நீதிமன்றம் மேற்படி தடைக்கு ஆதரவாக தீர்ப்பளித்துள்ளது.
இது பிளாஸ்டிக் பைகளுக்கு தடை விதிக்கும் முகமாக கடந்த 10 வருட காலப் பகுதியில் மேற்கொள்ளப்பட்ட மூன்றாவது முயற்சியாகும்.
கென்ய மக்கள் ஒரு மாதத்துக்கு 24 மில்லியனுக்கும் அதிகமான பிளாஸ்டிக் பைகளை உபயோகித்து வருவதாக தரவுகள் தெரிவிக்கின்றன.
விடுதலைப் புலிகளின் ஆயுதக் கப்பல்கள் பலவற்றை மூழ்கடித்த காரணத்தினால், அவர்களின் அச்சுறுத்தல் தனக்கு இருப்பதாக கடற்படை தளபதி வைஸ் அட்மிரல் ட்ராவிஸ் சின்னையா தெரிவித்துள்ளார்.
யுத்தம் முடிவுக்கு கொண்டு வரப்பட்ட போதிலும் தனக்கான அச்சுறுத்தல் தொடர்வதாகவும் அவர் குறிப்பிட்டுள்ளார்.
கொழும்பில் நேற்று இடம்பெற்ற செய்தியாளர் சந்திப்பின் போது கடற்படை தளபதி இதனை கூறியுள்ளார்.
இதன் போது தொடர்ந்தும் கருத்து தெரிவிக்கையில், " நாட்டில் மீண்டும் யுத்தம் ஒன்றை எதிர்கொள்ள வேண்டிய நிலை ஏற்படும் என நான் நம்பவில்லை.
கடற்படையை மேலும், அதிக திறமை மற்றும் தொழிற்திறன் கொண்டதாக மாற்ற வேண்டும். அதுவே எனது இலக்கு.
அந்த வகையில், கடற்படை நிர்வாகத்திலும், அரசாங்கத்தினால் ஒதுக்கப்படும் நிதிப் பயன்பாடு குறித்தும் வெளிப்படைத்தன்மை பேணப்படும்" என அவர் கூறியுள்ளார்.
இதேவேளை, யுத்தத்தின் போது எத்தகைய சாதனைகளைச் செய்திருந்தாலும், சீருடையில் தவறு செய்த கடற்படையினர் தண்டிக்கப்படுவார்கள் என அவர் வலியுறுத்தியுள்ளார்.
அத்துடன், விடுதலைப் புலிகளின் ஆயுதக் கப்பல்கள் பலவற்றை மூழ்கடித்த காரணத்தினால் அவர்களின் அச்சுறுத்தல் தனக்கு இருப்பதாகவும் கடற்படை தளபதி தெரிவித்துள்ளார்.
எவ்வாறாயினும், யுத்தம் முடிவுக்கு கொண்டு வரப்பட்ட போதிலும் தனக்கான அச்சுறுத்தல் தொடர்வதாகவும் அவர் மேலும் கூறியுள்ளார்.
யாழ். ஏழாலை கிழக்கு இசிதோர் வீதியில் உள்ள வீடொன்றில் இருந்து இன்றைய தினம் திருடிச் செல்லப்பட்ட இரு பசு மாடுகள் நல்லூர்க் கந்தசுவாமி ஆலயத்திற்குச் சென்ற இளைஞர்களின் நடவடிக்கையால் மீண்டும் பாதுகாப்பாக மீட்கப்பட்டுள்ளன.
குறித்த சம்பவம் தொடர்பில் மேலும் தெரியவருவதாவது,
இன்று அதிகாலை கடும் மழை பெய்து கொண்டிருந்த சந்தர்ப்பத்தைப் பயன்படுத்தி யாழ். ஏழாலை கிழக்கு இசிதோர் வீதியிலுள்ள இரு இடங்களில் வீடுகளுக்கு அருகில் கட்டப்பட்டிருந்த இரு பசு மாடுகள் திருடப்பட்டுள்ளன.
இதன்போது நல்லூர்க் கந்தசுவாமி ஆலயத்தின் வருடாந்தப் பெருந்திருவிழாவை முன்னிட்டு அதிகாலை வேளையில் அங்கப் பிரதட்சணை செய்யச் செல்லும் இளைஞர்களால் ஏழாலை மத்தியிலுள்ள பகுதியில் பசு மாடுகள் சில கொண்டு செல்லப்படுவதாக குறித்த பிரதேசத்தைச் சேர்ந்தவர்களுக்குத் தகவல் வழங்கப்பட்டுள்ளது.
குறித்த இளைஞர்களின் தகவலுக்கமைய பசு மாட்டின் உரிமையாளரும், உறவினர்கள் சிலரும் அந்தப் பகுதிக்குச் சென்று பார்த்த போது, திருடர்களின் பிடியிலிருந்து குறித்த பசு மாடு தப்பித்து அங்குள்ள வீதியில் நின்றமை கண்டறியப்பட்டுள்ளது.
திருடிச் செல்லப்பட்ட நிலையில் மீண்டும் மீட்கப்பட்ட குறித்த இரு பசு மாடுகளினதும் மொத்தப் பெறுமதி ஒரு லட்சத்து எண்பதாயிரம் ரூபா எனத் தெரிவிக்கப்படுகிறது.
இதேவேளை, ஏழாலைப் பகுதியில் அண்மைக்காலமாக இரவு வேளைகளில் கால்நடைகளின் திருட்டு அதிகரித்துள்ளதாகக் குறித்த பகுதிப் பொதுமக்கள் சுட்டிக்காட்டுகின்றனர்.
அத்துடன் கடந்த சில தினங்களாக ஏழாலை கிழக்குப் பகுதியில் திருடர்களின் நடமாட்டம் அதிகரித்துக் காணப்படுவதாகவும் தெரிவிக்கப்படுகிறது.
இதனால், தாம் இரவு வேளைகளில் அச்சத்துடன் வாழ வேண்டியுள்ள சூழ்நிலை உருவாகியுள்ளதாக அப்பகுதி மக்கள் விசனம் வெளியிட்டுள்ளனர்.
தொடரும் திருட்டுக்களைக் கட்டுப்படுத்தி நிம்மதியாக வாழச் சுன்னாகம் பொலிஸார் விரைந்து நடவடிக்கை எடுக்க வேண்டுமெனவும் அவர்கள் மேலும் கோரிக்கை விடுத்துள்ளனர்.
ஆசியாவின் மிகப்பெரிய இரும்புத் தாதுப்படிவு இலங்கையின் மொனராகலை மாவட்டத்தின் புத்தல பிரதேசத்தில் கண்டுபிடிக்கப்பட்டுள்ளதாக புவியியல் திணைக்களம் தெரிவித்துள்ளது.
இந்த கனிமப்படிவு சுமார் 64 சதுர கிலோ மீற்றர்கள் வரை வியாபித்திருப்பதாகவும், அதிலிருந்து கிட்டத்தட்ட ஒன்பது மில்லியன் தொன் இரும்புக் கனிமத்தைப் பெற்றுக்கொள்ள முடியும் எனவும் இந்த ஆராய்ச்சிக்கு பொறுப்பாகவுள்ள புவியியல் பேராசிரியர் அத்துல சேனாரத்ன தெரிவித்துள்ளார்.
இந்த கனிமத்தை பிரித்தெடுக்க சரியான வழிகள் பின்பற்றப்பட்டால் இலங்கை வருடாந்தம் வெளிநாடுகளிலிருந்து இறக்குமதி செய்யும் சுமார் 60 ஆயிரம் மெட்ரிக் தொன் இரும்புக்கான பாரிய செலவை மிச்சப்படுத்தலாம் எனவும் அவர் கூறியுள்ளார்.
அதேவேளை, இந்த இரும்புக் கனிமத்தைத் தோண்டியெடுப்பதற்காக ஒருசில உள்நாட்டு வெளிநாட்டு நிறுவனங்கள் மேற்கொண்ட முயற்சி பிரதேசவாசிகளின் கடுமையான எதிர்ப்பால் முறியடிக்கப்பட்டுள்ளது.
இலங்கை அரசு இந்த திட்டத்தில் நேரடியாக ஈடுபடுவதன் மூலம் தங்களுக்கு ஏராளமான தொழில்வாய்ப்புகள் கிடைக்குமென அவர்கள் எதிர்பார்ப்பதாக தெரியவருகின்றது.
எதற்கு அரசியல் வால்பிடிக்கவேண்டும். மலேசியத் தலைமையகத்திலிருந்து உலகத்தமிழ் பண்பாட்டு இயக்கத்தின் அகிலத்தலைவர் ப.கு.சண்முகம் அவர்கள் மறுப்பு அறிக்கை
காரைநகர், ராஜராஜேஸ்வரி அம்மன் ஆலயத்திற்கு அருகிலிருந்து வெடி பொருட்கள் மீட்கப்பட்டுள்ளன.
பாழடைந்த கிணற்றில் இருந்து வெடி பொருட்கள் மற்றும் இராணுவ உபகரணங்கள் நேற்று கண்டுபிடிக்கப்பட்டதாக யாழ்ப்பாண பொலிஸார் தெரிவித்துள்ளனர்.
குறித்த கிணற்றை சுத்தப்படுத்தி கொண்டிருந்த பிரதேச மக்கள் முதலில் இராணுவ உபகரணங்களை அவதானித்தவுடன், கடற்படையினரிடம் தகவல் வழங்கியுள்ளனர்.
பின்னர் கடற்படையினர் மற்றும் பொலிஸார் தலையிட்டு அங்கிருந்து 14 கிளேமோர் குண்டுகள், 02 வெடி குண்டுகள் மற்றும் ஒரு அழுத்த குண்டும் மீட்கப்பட்டுள்ளது.
குறித்த வெடி குண்டுகள் மற்றும் இராணுவ உபகரணங்கள் பழையது எனவும் அதனை அழிப்பதற்கு கடற்படையினர் நடவடிக்கை மேற்கொண்டுள்ளனர்.
எதிர்கட்சித்தலைவர் மற்றும் தமிழ்த் தேசியக் கூட்டமைப்பின் தலைவர் இரா.சம்பந்தனும் வடமாகாண முதலமைச்சர் க.வி.விக்னேஸ்வரனும் கொழும்பில் சந்தித்துக் கூடிப் பேசியுள்ளார்கள்.
இந்த சந்திப்பின் போது ஏனைய விடயங்களுடன் வடமாகாணசபையின் தற்போதைய நிலைமையும் பரிசீலிக்கப்பட்டதாக தெரிவிக்கப்படுகின்றது.
அங்கு எழுந்துள்ள நிலைமை பற்றி முடிவுகளை எடுக்க முன்பதாக தமிழ்த் தேசியக் கூட்டமைப்பின் எல்லா கட்சித் தலைவர்களுடனும் பேச வேண்டும் என்ற கருத்தின் அடிப்படையில் எல்லாக் கட்சித் தலைவர்களையும் சந்திப்பது என்று முடிவு எடுக்கப்பட்டது.
அது வரையில் வடமாகாணசபையில் முன் மொழியப்பட்ட பிரேரணைகள் உட்பட சபையில் எழும் ஏனைய முரண்பாட்டுக்கமைவான கருமங்கள் பிற்போடப்படுவது தேவை என்றும் இணக்கம் காணப்பட்டது.
ஜேர்மனி நாட்டில் லொறி மீது மோதி பேருந்து ஒன்று தீப்பற்றி எரிந்த விபத்தில் 18 பேர் பலியாகியுள்ளதாகவும், 30 பேர் படுகாயங்களுடன் மருத்துவமனையில் அனுமதிக்கப்பட்டுள்ளதாக அதிர்ச்சி தகவல் வெளியாகியுள்ளது.
பவேரியா மாகாணத்தில் உள்ள Stammbach நெடுஞ்சாலையில் தான் இவ்விபத்து நிகழ்ந்துள்ளது.
சுற்றுலா பேருந்து ஒன்று இன்று பிற்பகல் நேரத்தில் சாலையில் சென்றுக்கொண்டு இருந்தபோது லொறி மீது மோதியதாக கூறப்படுகிறது.
பேருந்து மோதிய வேகத்தில் தீப்பற்றி எரிந்துள்ளது. பேருந்துக்குள் இருந்த 30 பேர் படுகாயங்களுடன் வெளியே தப்பியுள்ளனர்.
ஆனால், எஞ்சிய 18 பேர் வெளியேற முடியவில்லை என்பதால் அவர்கள் அனைவரும் உயிரிழந்துருக்கலாம் என பொலிசார் அச்சம் தெரிவித்துள்ளனர்.
ஜேர்மனி நாட்டில் சமூக வலைத்தளமான பேஸ்புக்கில் வன்முறையை தூண்டும் விதத்தில் பதவிகள் வெளியானதை தொடர்ந்து 36 வீடுகளில் அந்நாட்டு பொலிசார் அதிரடி சோதனை நடத்தியுள்ளனர்.
ஜேர்மன் நாட்டு சட்டப்படி சமூக வலைத்தளங்களில் வன்முறையை தூண்டுவது, வெறுப்புணர்ச்சி ஏற்படுத்தும் தகவல்களை பரப்புவது, பாலியல் ரீதியான தாக்குதல்களை நடத்துவது உள்ளிட்ட குற்றங்களுக்கு கடுமையான தண்டனை விதிக்கப்படும்.
இதுமட்டுமில்லாமல், இதுபோன்ற தகவல்கள் பேஸ்புக்கில் வெளியானால் அவற்றை 24 மணி நேரத்திற்குள் நீக்க வேண்டும் எனவும், இல்லையெனில் பேஸ்புக் நிறுவனத்தின் மீது 50 மில்லியன் யூரோ இழப்பீடு கோரி வழக்கு தொடுக்கப்படும் என ஜேர்மன் அரசு எச்சரிக்கை விடுத்துள்ளது.
இந்நிலையில், சில தினங்களுக்கு முன்னர் பேஸ்புக்கில் வன்முறையை தூண்டும் விதத்திலும் பாலியல் ரீதியான தாக்குதல்கள் அடங்கிய பல பதிவுகள் சில தினங்களுக்கு முன்னர் வெளியாகியுள்ளது.
பேஸ்புக் பயன்பாட்டாளர்களின் தகவல்களை சேகரித்த பொலிசார் நேற்று 36 வீடுகளில் அதிரடி சோதனை நடத்தியுள்ளனர்.
இத்தகவலை மத்திய குற்றப்பிரிவு பொலிசார் உறுதிப்படுத்தியுள்ளனர்.
எனினும், இச்சோதனையை தொடர்ந்து கைது நடவடிக்கை மேற்கொள்ளப்பட்டதா என்ற தகவலை பொலிசார் வெளியிடவில்லை என்பது குறிப்பிடத்தக்கது.
விசாரணைக் குழுவின் அறிக்கையை வைத்து அமைச்சர்கள் இருவர் மீதும் வடக்கு மாகாண முதலமைச்சர் சி.வி.விக்னேஸ்வரன் நடவடிக்கை எடுக்க முடியாது. இவ்வாறு ஆளும் கட்சி உறுப்பினர் கேசவன் சயந்தன் தெரிவித்தார்.
வடக்கு மாகாண சபையின் சிறப்பு அமர்வு நேற்று நடைபெற்றது. இதில் கருத்துக் கூறுகையி லேயே அவர் மேற்கண்டவாறு குறிப்பிட்டார். அவர் மேலும் தெரிவித்ததாவது,
இந்த விசாரணைக் குழு என்ன நோக்கத்துக்காக நியமிக்கப்படுவதாக சபைக்கு அறிவிக்கப்பட்டதோ அந்த நோக்கத்தை மாத்திரம் செயற்படுத்தவேண்டும். அதற்கு மேலதிகமாக நடவடிக்கை எடுக்க முடியாது. அமைச்சர்கள் மீது நடவடிக்கை எடுப்பதற்கு இந்த விசாரணை அறிக்கை சான்றாதாரமாக அமைய முடியாது. அமைச்சரவையை மாற்றுவதற்கு அரசமைப்பில் முழுமையான சிறப்பு அதிகாரம் முதலமைச்சருக்குத்தான் உண்டு.
இந்த அறிக்கையைப் பயன்படுத்தி அடுத்த கட்ட விசாரணை மேற்கொள்வதாக இருந்தால், விசாரணைக் குழு தொடர்பில் ‘போஸ்ட்மோடம்’ (உடற்கூற்றுப் பரிசோதனை) செய்யவேண்டி ஏற்படும். முதலமைச்சர் அமைச்சர்களிடம் தன்னிலை விளக்கம் கோருகின்றார். அதில் அவருக்குத் திருப்தி என்றால் பேசாமல் விடலாம். திருப்தி இல்லை என்றால் நடவடிக்கைக்குப் போகலாம்.
இது அவருக்குள்ள உரிமை. இந்த விவகாரம் ஆளும் கட்சி விவகாரமாக கையாளப்படவேண்டும். விசாரணைக் குழுவின் இந்த அறிக்கை தீர்மானம் எடுக்கின்ற, குற்றம் காணுகின்ற அறிக்கையாக இருக்க முடியாது. இது முதலமைச்சருக்கு முதல்நிலை அறிக்கையாகத்தான் இருக்க முடியும்.
கொலைக் குற்றத்துக்கு மேல் நீதிமன்றத்தினால்தான் தண்டனை வழங்கப்படும். நீதிவான் நீதிமன்றில், சுருக்கமுறையற்ற விசாரணையை வைத்துக் கொண்டு தண்டனை வழங்க முடியாது. அதுபோன்றுதான் இந்த அறிக்கையை வைத்து முடிவு எடுக்க முடியாது.
இந்த அறிக்கை, முதலமைச்சருக்குச் சில காண்பிப்புக்களைச் சுட்டிக்காட்டியுள்ளது. அதனைப் பிரமாண அடிப்படையிலான விதிமுறைகளின் ஊடாக ஆராய்ந்து நடவடிக்கை எடுக்க முடியும் - என்றார்.
கனடா நாட்டின் 150 வது சுதந்திர தினம் எதிர்வரும் யூலை 1ம் திகதி கொண்டாடப்பட உள்ள நிலையில் தமிழ் மொழி உட்பட மொத்தம் 12 மொழிகளில் கனடா தேசிய கீதம் வெளியிடப்பட்டுள்ளது.
இதுவரை ஆங்கிலம் மற்றும் பிரெஞ்சு மொழியில் மட்டுமே இருந்த கனடா தேசிய கீதம், தற்போது நாடு தழுவிய நிலையில் அதிக அளவில் பயன்படுத்தப்படும் மற்றும் பேசப்படும் தமிழ் உள்ளிட்ட 12 மொழிகளில் ஒலிப்பதிவு செய்யப்பட்டுள்ளது.
தமிழ் , அரபி, அமெரிக்க சைகை மொழி, கிரேக்கம், ஆங்கிலம், பிரஞ்சு, ஜேர்மன், இத்தாலியன், சீன மான்டரின், பஞ்சாபி, ஸ்பானிஷ், டாகாலோக் ஆகிய 12 மொழிகளில் கனடா தேசிய கீதம் வெளியிடப்பட்டுள்ளது.
தமிழ் மொழி ஆக்கம் கவிஞர் கந்தவனம் அவர்களால் எழுதப்பட்டுள்ளது குறிப்பிடத்தக்கது.
களுத்துறையை தொடர்ந்து இரத்தினபுரியிலும் 5 இடங்களில் மண்சரிவு ஏற்பட்டுள்ளதாகவும், பாரிய வெள்ளப்பெருக்கு ஏற்பட்டுள்ளதாகவும் தெரிவிக்கப்படுகின்றது.
இதில் மண் சரிவினால் 10 பேர் வரை உயிரிழந்திருப்பதாக இரத்தினபுரி பிரதேச செயலாளர் தெரிவித்துள்ளார்.
மேலும் இரத்தினபுரி நகரமே நீரில் மிதப்பதாக அங்கிருந்து கிடைக்கும் செய்திகள் தெரிவிக்கின்றன.
நிலவும் சீரற்ற காலநிலையினால் நாட்டில் பல்வேறு பகுதிகளிலும் மண்சரிவு, வெள்ள அனர்த்தம், போன்ற சம்பவங்கள் இடம்பெறுகின்றன.
நாட்டில் நிலவி வரும் அசாதாரண காலநிலை காரணமாக இதுவரை 91 பேர் உயிரிழந்துள்ளார்கள் என தெரிவிக்கப்படுகின்றது.
இன்று காலை முதல் வெள்ளப்பெருக்கு மற்றும் மண்சரிவில் சிக்கி இவர்கள் பலியாகியுள்ளார்கள்.
மேலும் குறித்த அனர்த்தத்தில் 5 இலட்சம் பேர் வரை பாதிக்கப்பட்டுள்ளனர் எனவும் தகவல்கள் வெளியாகியுள்ளன.
இன்று காலை முதல் நாட்டின் பல பாகங்களிலும் இயற்கை அனர்த்தத்தால் பலர் பாதிக்கப்பட்டதுடன், அதிலும் குறிப்பாக களுத்துறை, காலி, மாத்தறை, இரத்தினபுரி மாவட்டங்களிலேயே உயிரிழப்புக்கள் ஏற்பட்டுள்ளன.
அந்த வகையில் இதுவரை 5 இலட்சம் மக்கள் பாதிக்கப்பட்டுள்ளதுடன், 110க்கும் மேற்பட்டவர்கள் காணாமல் போயுள்ளனர் எனவும் தகவல்கள் தெரிவிக்கின்றன.
இதன்படி களுத்துறை மாவட்டத்தில், 38 பேர் உயிரிழந்துள்ளனர். 70க்கும் மேற்பட்டோர் காணாமல் போயுள்ளனர்.
மாத்தறை - தெனியாய, மொரவகந்த பிரதேசத்தில் ஐவர் உயிரிழந்ததுடன், 16 பேர் காணாமல் போயுள்ளனர்.
இரத்தினபுரி மாவட்டத்தில் 28 பேர் உயிரிழந்துள்ளமை குறிப்பிடத்தக்கது.
மேலும் காணாமல் போயுள்ளவர்கள் உயிரிழந்த நிலையில் தொடர்ந்து மீட்கப்படுவதாகவும், இதனால் உயிரிழந்தவர்களின் எண்ணிக்கை மேலும் அதிகரிக்கும் என எதிர்வு கூறப்பட்டுள்ளது.
இவ்வாறு ஒரே நாளில் இயற்கை அனர்த்தத்தினால் உயிரிழந்தவர்களின் எண்ணிக்கை 91 ஆகவும், காணாமல் போனவர்களின் எண்ணிக்கை 110 ஆக உயர்ந்துள்ளது.
டென்மார்க்கில் நகரசபைகளுக்கான தேர்தல் வருகிறது, இதற்கான வேட்பாளர்களை தேர்வு செய்யும் பணிகள் நகரமட்டங்களில் இப்போது துரித கதியில் நடைபெற்று வருகின்றன.
அந்தவகையில் வயன்நகர சோசல்டெமக்கிரட்டி கட்சியின் நகரசபைக்கான குழு நிலைக்கூட்டம் நடைபெற்று முடிவடைந்துள்ளது.
சோசல்டெமக்கிரட்டி கட்சி சார்பில் தர்மா தர்மகுலசிங்கம் நகரசபை தேர்தலில் போட்டியிடுகிறார் என்று அறிவிக்கப்பட்டுள்ளது.
இதுபோல மேலும் சில நகரசபைகளில் தமிழர்கள் போட்டியிடுகிறார்கள், விபரங்கள் வெளியாகிக் கொண்டிருக்கின்றன.
தர்மா தர்மகுலசிங்கம் நீண்ட காலமாக டென்மார்க் அரசியலில் முக்கியமான ஒரு தமிழராக பங்கேற்று வருகிறார்.
சமீபத்தில் உலகத்தமிழ் பண்பாட்டு இயக்க மாநாட்டை வயன் நகரில் வெற்றிகரமாக நடத்தி, உலகப்புகழ் பெற்ற தமிழ் அறிஞர்களை டென்மார்க் அழைத்து வந்து மிகச்சிறந்த இரண்டு நாள் தமிழ் விழாவை நடத்திய செயல்த்திறன்மிக்க செயலாளராக உள்ளார்.
வயன் நகர பாராளுமன்ற உறுப்பினர் ரோல்ஸ்ராவன் தமிழர்களின் நிகழ்ச்சிகளில் தொடர்ந்து பங்கேற்று வருவதும், அதற்கான ஏற்பாடுகளை தர்மா செய்வதும் இன்னொரு சிறப்பம்சமாகும். இவரை வெற்றிபெறச் செய்ய டென்மார்க் வயன் நகர தமிழ் மக்கள் ஆதரவுவழங்கவேண்டும்.
candidacy for kv 17:
Tharuman Tharmakulasingam I Vejen Byråd
Flyer:
My name is tharuman and I live with my wife bavani, mågevej 43 of the way.
I'M 60 years old and I'm the father of four children, Allan, mayu, janan and chagana.
I've lived in the road since 1985, when I came as tamil refugee from Sri Lanka.
I have worked as an interpreter for many years, as I am also a writer and translator.
My political issues are social policy, labour markets, culture, integration.
I think it is important that we all have people in our society. Everyone should be able to contribute to a strong community. We're going out municipality have focus on the good children's lives. Parents need to be able to get home watching the kids in a daycare with quality, we must have good institutions and schools, and it is also important for our local area that young people can take a high school here in the way.
Road Municipality must be a strong erhvervskommune, and it is also important that socialpolitiken and citizen s' welfare is at the centre. "people above systems".
I am a big fan of culture and voluntary associations. Diversified culture creates community and is good for settlement in the municipality.
I have served on the board of social democracy in the way the circle and the road party chairman. PT. I'm sitting on the board for a number of cultural associations, and I have a former director in the way the music school.
மறைந்த மும்பை தாதா ஹாஜி அலி மஸ்தானின் வளர்ப்பு மகன் சுந்தர்ஷேகர் சூப்பர் ஸ்டார் ரஜினிகாந்திற்கு மிரட்டல் கடிதம் அனுப்பியுள்ளது திரையுலகில் பெரும் பரபரப்பை ஏற்படுத்தியுள்ளது.
மும்பையின் பிரபல தாதா ஹாஜி மஸ்தானின் வாழ்க்கையை சித்தரிக்கும் வகையில் இயக்குநர் பா.ரஞ்சித் இயக்கத்தில் நடிகர் ரஜினிகாந்த் நடிக்க உள்ளதாக தகவல்கள் வெளியாகியுள்ளது. இப்படம் தாரவி பகுதியை மையாக கொண்ட கதை எனவும் கூறப்படுகிறது.
இது குறித்து கருத்து தெரிவித்துள்ள ஹாஜி மஸ்தான் மிர்சாவின் வளர்ப்பு மகன் சுந்தர்ஷேகர் ரஜினக்கு மிரடட்டல் கடிதம் ஒன்றை அனுப்பி உள்ளார். அந்தக் கடிதத்தில் நான் மறைந்த தாதா ஹாஜி அலி மஸ்தான் மிர்சாவின் வளர்ப்பு மகன். பாரதிய மைனாரிட்டி சுரக்ஷா மஹாசங் என்ற கட்சியை நிறுவியவர்.
இயக்குநர் ரஞ்சித்துடன் இணைந்து நீங்கள் நடிக்கவிருக்கும் படத்தில் எனது வளர்ப்பு தந்தையின் வாழ்க்கையை படமாக எடுக்கப்போவதாக பத்திரிக்கைகளின் செய்தி படித்தேன். அதில் எனது வளர்ப்புத் தந்தை மிர்சாவை, கடத்தல்காரர் போன்றும் தாதா போலவும் சித்தரிக்க உள்ளீர்கள் என்பதை அறிந்தேன்.
இது வேண்டாத வீண் வேலை. என்னுடைய வளர்ப்புத் தந்தை எந்த வழக்கிலும் சிக்கவில்லை. அவருக்கு எந்த கோர்ட்டும் தண்டனை அளிக்கவில்லை. அப்படி இருக்கும்பட்சத்தில் அவரை தவறாக சித்தரிப்பது கடுமையாக கண்டனத்துக்குரியது.
எனது தந்தையின் வாழ்க்கை வரலாற்றை நல்ல முறையில் சித்தரிக்க வேண்டும். இல்லையென்றால் பின்விளைவுகளை சந்திக்க நேரிடும் என்று மிரட்டல் விடுத்துள்ளார். ரஜினிக்கு மிரட்டல் விடுத்து அனுப்பப்பட்டுள்ள கடிதத்தால் பெரும் பரபரப்பு ஏற்பட்டுள்ளது.
பாகிஸ்தான் நாட்டை சேர்ந்த பயணிகள் விமானம் ஒன்றில் பயிற்சி விமானியிடம் பணியை ஒப்படைத்து விட்டு முதன்மை விமானி இரண்டு மணி நேரம் தூங்கிய சம்பவம் பரபரப்பை ஏற்படுத்தியுள்ளது.
பாகிஸ்தான் நாட்டை சேர்ந்த Pakistan International Airlines விமானத்தில் Amir Akhtar Hashmi என்பவர் விமானியாகவும் Ali Hassan Yazdani துணை விமானியாகவும் பணியாற்றி வருகின்றனர்.
துணை விமானி பயிற்சியில் இருப்பதால் அவரும் விமானிகளின் அறையில் அமர்ந்து விமானத்தை இயக்குவது எப்படி என கவனித்து வந்துள்ளார்.
இந்நிலையில், 304 பயணிகளுடன் சில தினங்களுக்கு முன்னர் இஸ்லாமாபாத்தில் இருந்து லண்டன் நகருக்கு விமானம் புறப்பட்டுள்ளது.
விமானம் நடுவானில் பறந்துக்கொண்டு இருந்தபோது பயிற்சி விமானியிடம் பொறுப்பை ஒப்படைத்துவிட்டு விமானி முதல் வகுப்பிற்கு சென்றுள்ளார்.
பின்னர், அங்கிருந்து இருக்கையில் படுத்துக்கொண்ட விமானி சுமார் இரண்டு மணி நேரம் தூங்கியுள்ளார்.
இருக்கையில் படுத்து விமானி தூங்கிக்கொண்டு இருந்தபோது பயிற்சி விமானி தான் விமானத்தை இயக்கியுள்ளார்.
இந்நிலையில், முதன்மை விமானி தூங்கிக்கொண்டு இருந்ததை பயணி ஒருவர் கண்டு அதிர்ச்சி அடைந்துள்ளார். இதனை தனது கைப்பேசியில் புகைப்படம் எடுத்த பிறகு விமானப்பணியாளர்களிடம் புகார் அளித்துள்ளார்.
இச்சம்பவத்திற்கு பின்னர், விமானம் பத்திரமாக லண்டனில் தரையிறங்கியது.
இவ்விவகாரம் ஆதாரப்பூர்வமாக தற்போது வெளியாகியுள்ள நிலையில் இச்சம்பவம் குறித்து விரவான விசாரணை நடத்தப்படும் என விமான நிறுவனம் தெரிவித்துள்ளது குறிப்பிடத்தக்கது.
காங்கேசன்துறை கடற்பகுதியில் அத்துமீறி உள்நுழைந்த வெளிநாட்டு படகொன்றை இன்று காலை கடற்படையினர் கைப்பற்றியுள்ளனர்.
குறித்த படகு காங்கேசன்துறையிலிருந்து 12 கடல் மைல் தூரத்தில் வைத்து கைப்பற்றப்பட்டுள்ளது.
மேலும்,குறித்த படகில் இந்தியவைச் சேர்ந்த 2 பேர், மியன்மாரைச் சேர்ந்த 14 பேர் மற்றும் 16 சிறுவர்கள் உள்ளதாக தெரிவிக்கப்பட்டுள்ளது.
ஜேர்மனி நாட்டில் தண்டவாளத்தை கடக்க முயன்ற கார் மீது ரயில் மோதி விபத்துக்குள்ளானதில் பெண்கள் உள்பட 3 பேர் பலியாகியுள்ள சம்பவம் அதிர்ச்சியை ஏற்படுத்தியுள்ளது.
ஜேர்மனியில் உள்ள துரிங்கியா மாகாணத்தில் தான் இந்த துயரச் சம்பவம் நிகழ்ந்துள்ளது.
நேற்று பிற்பகல் நேரத்தில் சரக்கு ரயில் ஒன்று அதிவேக பயணத்தில் ஈடுப்பட்டுருந்தது.
அதே நேரம் சாலை வழியாக ஒரு காரும் பயணம் செய்துக்கொண்டு இருந்துள்ளது.
இந்நிலையில், Lohma பகுதிக்கு அருகில் வந்தபோது கார் திடீரென தண்டவாளத்தை கடக்க முயன்றுள்ளது.
அப்போது, அசுர வேகத்தில் வந்த ரயில் கார் மீது பயங்கரமாக மோதி சுமார் 200 மீற்றர் வரை இழுத்துச்சென்றுள்ளது.
இக்காட்சியை கண்டு அதிர்ச்சி அடைந்த ரயில் ஓட்டுனர் சிறிது தூர பயணத்திற்கு பின்னர் ரயிலை நிறுத்தியுள்ளார்.
விபத்துக் குறித்து தகவல் கிடைக்கப்பெற்றதும் ஹெலிகொப்டர் வரவழைக்கப்பட்டது.
ஆனால், காரில் பயணம் செய்த மூன்று பேரும் ஏற்கனவே உடல்கள் சிதறி பலியாகியுள்ளனர். விசாரணை செய்தபோது உயிரிழந்தவர்கள் 49 வயதான பெண். 17 வயதான சிறுமி மற்றும் 19 வயதான வாலிபர் எனத் தெரியவந்தது.
விபத்துக் குறித்து ரயில் ஓட்டுனர் பேசியபோது, தண்டவாளத்தின் குறுக்கே தடுப்பு போடப்பட்டிருந்தது. ஆனால், காரில் வந்தவர்கள் தடுப்பை மீறி தண்டவாளத்திற்கு வந்துள்ளனர் எனத் தெரிவித்துள்ளார்.
ரயில் ஓட்டுனரின் ரத்தத்தை சோதனை செய்தபோது அவர் மது அருந்தியதற்கான ஆதாரம் எதுவும் இல்லை.
மூவரின் சடலங்களை பிரேத பரிசோதனைக்கு அனுப்பியுள்ள பொலிசார் இவ்விபத்து தொடர்பாக வழக்கு பதிவு செய்து விசாரணை நடத்தி வருகின்றனர்.
வவுனியாவில் இன்று (10) காலை 10.15 மணியளவில் எண்ணை விநியோகம் மேற்கொள்ளும் ரயில் வவுனியாவில் தடம்புரண்டுள்ளது.
அனுராதபுரத்திலிருந்து வவுனியாவிற்கு எண்ணை சேவையினை மேற்கொண்டு வரும் ரயில் இன்று காலை வவுனியா புகையிரத நிலையத்தில் வந்து, எண்ணை கொண்டு வந்த கொள்கலன்களை வவுனியாவில் நிறுத்திவிட்டு திரும்பிச் செல்லும்போது சமிக்ஞை சரியாக வழங்கப்படாத காரணத்தினால் தண்டவாளத்திலிருந்து ரயில் தடம்புரண்டு, அருகிலுள்ள புகையிரத நிலையத்தில் பணியாற்றும் ஊழியர்களின் விடுதிக்கு அருகில் சென்றுள்ளது. எனினும் இதனால் எவருக்கும் பாதிப்பு ஏற்படவில்லை.
ரயிலினை அப்பகுதியிலிருந்து அகற்ற ரயில் நிலைய ஊழியர்கள் பணிகளை மேற்கொண்டு வருகின்றனர்.
ஐரோப்பிய ஒன்றியத்தில் இருந்து பிரித்தானியா வெளியேறுவதை அடுத்து பிரித்தானியர்கள் ஜெர்மன் குடியுரிமை கோருவது அதிகரித்துள்ளதாக தகவல் வெளியாகியுள்ளது.
ஐரோப்பிய ஒன்றியத்தில் இருந்து பிரித்தானியா வெளியேறும் முடிவை தங்களால் ஏற்றுக் கொள்ள முடியாது என ஜெர்மனியில் வாழும் 106,000 பிரித்தானியர்கள் ஒருமித்த குரலுடன் தெரிவித்துள்ளனர்.
மட்டுமின்றி ஜெர்மன் குடியுரிமை கோரிக்கையையும் அங்குள்ள பிரித்தானியர்கள் விடுத்துள்ளனர்.
பெரும்பாலான பிரித்தானியர்கள் ஐரோப்பா முழுமையும் எவ்வித கட்டுப்பாடும் இன்றி பணி புரியவும் பயணம் மேற்கொள்ளவும் உரிமை வேண்டும் என கோரிக்கை வைத்துள்ளனர்.
ஆனால் பிரித்தானியா வெளியேறும் நிலையில் குறித்த கோரிக்கை என்பது வீண் என்றே கருதப்படுகிறது.
ஐரோப்பிய ஒன்றியத்தில் இருந்து பிரித்தானியா வெளியேறும் முடிவை எடுக்கும் வரை ஒன்றியத்தின் கட்டுப்பாடில் உள்ள 28 நாடுகளிலும் பணி புரியவும் குடியிருக்கவும் எவ்வித தடங்கலும் இருந்ததில்லை என தெரிவிக்கும் முன்னாள் ராணுவ வீரர் ஒருவர், தற்போது அந்த சுதந்திரம் பறிக்கப்பட்டுள்ளதாக குற்றம்சாட்டியுள்ளார்.
பிரித்தானியாவில் குடியிருக்கும் மக்கள் தங்களை கருத்தில் கொள்வதில்லை என தெரிவிக்கும் அவர், தற்போது ஜெர்மனியின் குடியுரிமை கேட்டு விண்ணப்பித்துள்ளார்.
ஜெர்மனியை பொறுத்தமட்டில் இருநாட்டு குடியுரிமை என்பது ஐரோப்பிய ஒன்றியத்தில் உறுப்பினர் அல்லாத நாட்டினருக்கு அளிப்பதில்லை. இதனால் ஜெர்மனியில் இருக்கும் பிரித்தானியர்கள் உரிய முடிவை எடுக்க வேண்டிய கட்டாயத்தில் தற்போது தள்ளப்பட்டுள்ளனர்.
தங்கள் எதிர்காலத்தை கருத்தில் கொண்டே ஜெர்மனியில் குடியிருக்கும் பெரும்பாலான பிரித்தானியர்கள் குடியுரிமை கேட்டு விண்ணப்பித்துள்ளனர் என தெரிய வந்துள்ளது.
நடிக்கின்ற தந்திரசாலி நடிகர் ரஜனிகாந்த
நடிகர் ரஜனிகாந்த இலங்கை செல்லவில்லை. அவர் இலங்கை போகாமல் விட்டது சுரேஷ் பிரேமச்சந்திரனுக்கும் தலைவா என்றுஉருவேறி ஆடும் தமிழக இரசிகர்களுக்கும் கவலையாகவிருக்கின்றது.
தனது பயனத்தை இரத்து செய்துள்ள ரஜனிகாந்த் தான் இலங்கைக்கு போகவிருந்தது மாவீரர் களமாடிய மண்ணைப் பார்ப்பதற்கு எனவாழைப்பழத்தில் ஊசியேற்றுவது போல் காய் நகர்த்தினார்.
இலங்கையில் யாருமே இல்லாமலா இவரை அழைத்தார்கள். லைக்கா வணிக நிறுவனம். அதன் ஒவ்வொரு அசைவிலும் வணிகம்இருக்கும் , அது தவறல்ல அதுவும் சரியே.
லைக்கா வீடு கட்டி கையளிக்க இருக்கின்றது. வீட்டைக் கையளிக்க வட மாகாண முதலமைச்சரையோ சம்பந்தரையோஅழைத்திருக்கலாம். ஏன் வீடு கட்டிக் கொடுத்த பொறியிலாளரை அழைத்திருக்கலாம். இலங்கை ஜனாதிபதியைக்கூடஅழைத்திருக்கலாம் தவறேதும் இல்லை.
வீடு கட்டிக் கொடுப்பது லைக்கா நிறுவனம் . யாரை அழைக்க வேண்டும் என தீர்மானிப்பது அவர்களின் உரிமை அதைக் கேட்கஉரிமை இல்லை.
ஆனால் தமிழகத்தில் கல்விமான்களும் ,துறைசார் பேராசிரியர்களும் இருக்கும் போது அவர்களின் வழிகாட்டலை நுண்மையானஅறிவுத்தன்மையை பயன்படுத்தி தமிழகத்தை முன்னேற்றுவதை விட்டு
தலைவா என்றும் தல என்றும் புரட்சித்தலைவா என்றும் 'சொல்லுங்கள் தலைவா' என பல்லிளித்துக் கொண்டு நிற்கும் சமூகம் போலஎமது ஈழம் ஆகக்கூடாது என்பதே எமது விமர்சனம்.
அறிக்கைக்கு மேல் அறிக்கைவிட்டுக் கொண்டிருக்கும் நடிகர் தமிழக மீனவர் பிரச்சினையை இலங்கை ஜனாதிபதியுடன் கதைத்துஆவண செய்வேன் எனச் சொல்லியதுடன் தனது பயணத்தை அரசியலாக்கிவிட்டார்களே எனக் கவலைகொள்கிறார்,ஆதங்கப்படுகிறார்.
இவரும் செய்யப் போவது அரசியலே. தாமிழகத்துக்கு அவர் தலைவராக இருக்கட்டம் ஈழத்தில் அது முடியாது.ஈழத்தமிழர்களின்காதில் பூ வைக்க முயற்சிக்கிறார்.
இன்னொரு அறிக்கையும் விட்டிருக்கிறார். மூன்று இலட்சம் பேர் கூடும் வீட்டுக் கையளிப்பு நிகழ்ச்சியில் கலந்து கொள்ள முடியாமல்போய்விட்டதே என அறிக்கை விட்டிருக்கிறார்.
150 பேருக்கு வீடு கொடுக்கப்படவிருக்கின்றது. வீடுகளைப் பெற்றுக் கொள்பவர்கள் உறவினர்கள் அதிகாரிகள் எனப் பார்த்தால் 2000 பேரை எதிர்பபார்க்கலாம். நிலைமை இப்படி இருக்க 3இலட்சம் பேரை ரஜனி எதிர்பார்த்ததன் நோக்கம் என்ன?. தமிழகம் போலதலைவா என மக்கள் சொல்வார்கள் என்றா?
இதில் கார்த்திகேயன் எம்கே என்பவர் தலைவா நீ ஈழம் செல் ஈழமக்கள் உனக்காகக் காத்துக்கிடக்கிறார்களாம்.ஈழமக்கள்நடிகர்களைக் கொண்டாடுபவர்கள் அல்ல, யாரும் அவருக்காக காத்துக் கிடக்கவில்லை.
தனது பயணத்தை அரசியலாக்கிவிட்டார்களே என ரஜனிக்கு பெரும் கவலை. நீங்களும் சந்தில சிந்து பாட வெளிக்கிட்டதும் அரசியல்தான்.
நீங்கள் பசுத்தோல் போர்த்த நரி என்பது ஈழமக்களுக்குத் தெரியும்.உங்கள் அறிக்கைகள் எல்லாமே நீலிக் கண்ணீர்.
எமது விமர்சகர் - ஏல.முருகா
யாழ்ப்பாணத்தில் நிர்மாணிக்கப்பட்டுள்ள 150 வீடுகளை மக்களிடம் கையளிப்பதற்காக லைக்கா நிறுவனம் ரஜினிகாந்திற்கு அழைப்பு விடுத்திருந்தது.
இதற்கு ரஜினியும் சம்மதம் வெளியிட்டிருந்த நிலையில், பல தரப்பிலிருந்தும் எதிர்ப்புகள் வெளிவந்திருந்தன.
அரசியல் தரப்பில் பல விமர்சனங்களை ஏற்படுத்தியுள்ள குறித்த பயணத்திற்கு சூப்பர் ஸ்டார் ரஜினிகாந்த் “நான் யாழ்ப்பாணம் செல்லப்போவதில்லை” என தனது திட்டவட்டமான முடிவை வெளியிட்டுள்ளார்.
இது குறித்து ரஜினிகாந்த் உத்தியோகப்பூர்வ அறிக்கை ஒன்றையும் வெளியிட்டுள்ளார்.
குறிப்பாக திருமாவளவன், வைகோ ராமதாஸ், வேல்முருகன் உள்ளிட்டோர் இதற்கு எதிர்ப்பு தெரிவித்திருந்ததுடன், இலங்கை தரப்பிலிருந்தும் சில எதிர்ப்புகள் வெளிவந்திருந்தன.
இந்த நிலையின் ரஜினிகாந்த் தனது முடிவை மாற்றிக்கொண்டு இலங்கை விஜயத்தை ரத்து செய்துள்ளார்.
இலங்கை சென்று பூமிக்குள் புதைந்திருக்கும் மாவீர மண்ணை வணங்கி, மாவீரர்கள் நடமாடிய இடங்களை பார்வையிட்டு, அவர்கள் சுவாசித்த காற்றையும் சுவாசிக்க வேண்டும் என்று ஆவலாக இருந்தேன்.
ஆனால் இவை அனைத்தும் கனவாகி விட்டன. அரசியல் காரணிகள் இதை பெரிதுபடுத்தி விட்டதால் இதை நான் தவிர்த்து விட்டேன் என குறிப்பிட்டுள்ளார்.
மேலும், இனிவரும் காலங்களில் இவ்வாறானதொரு சந்தர்ப்பம் ஏற்படுமானால் தயவு செய்து அதையும் தடுத்து விடாதீர்கள் எனவும் ரஜினிகாந்த் தனது அறிக்கையில் தெரிவித்துள்ளார்.
வேகமாக வளரும் இஸ்லாம்: 2050இல் இந்தியாவே முஸ்லிம்கள் அதிகம் வாழும் நாடாக இருக்குமாம்
கிறிஸ்தவ மதத்துக்கு அடுத்தபடியாக உலகின் இரண்டாவது பெரிய மதமாக இஸ்லாம் இருக்கின்றது.
ஆனால், தற்போதைய மக்கள் தொகை வளர்ச்சிப்போக்கு தொடர்ந்தால் அந்த
நிலை மாறும்.
உலகின் வேகமாக வளரும் மதம் இஸ்லாமே என்கிறது அமெரிக்காவை தளமாகக்கொண்ட பீவ் ஆய்வு நிலைய ஆய்வு அறிக்கை.