WELCOME TO PANNAGAM.COM & PTV

பண்ணாகம் இணையம்

News-1

முன்னாள் அமைச்சர் தியாகராஜா மகேஸ்வரின் படுகொலைக்கு பின்னால் ஈ.பி.டி.பி கட்சியினரும் , யாழில்.உள்ள நான்கு பிரபல வர்த்தகர்களும் உள்ளனர் என மகேஸ்வரனின் தம்பியும் , ஐக்கிய தேசிய கட்சியின் யாழ்.மாவட்ட அமைப்பாளருமான தியாகராஜா துவாரகேஸ்வரன் தெரிவித்துள்ளார்.

யாழ்.ஊடக அமையத்தில் இன்றைய தினம் வியாழக்கிழமை நடைபெற்ற ஊடகவியலாளர் சந்திப்பின் போதே அவ்வாறு தெரிவித்தார்.

ஈழமக்கள் ஜனநாயக கட்சியை சார்ந்தவர்களும் , அக் கட்சியின் செயலாளரான டக்ளஸ் தேவானந்தாவும் மகேஸ்வரனை படுகொலை செய்வதற்கு பல தடவைகள் முயற்சித்தார்கள்.

யாழ்.காரைநகர் மணற்காடு முத்துமாரி அம்மன் ஆலய வளாகத்தினுள் வைத்து சுட்டுப்படுகொலை செய்வதற்கு 2000ஆம் ஆண்டு முயற்சித்தார்கள். பின்னர் இளவாலை சென் அன்ரனிஸ் தேவாலயத்திற்கு அருகில் தேர்தல் பிரச்சார கூட்டத்தில் உரையாற்றிக்கொண்டு இருக்கும் போது ஈ.பி.டி.பி. கட்சியை சேர்ந்த திருலோகநாதன் என்பவரால் சுடப்பட்டார். அதில் மகேஸ்வரன் உயிர்தப்பி இருந்தார்.

அதன் பின்னர் ஊர்காவற்துறை பகுதிக்கு தேர்தல் பிரச்சார நடவடிக்கைக்காக சென்ற தமிழ் தேசிய கூட்டமைப்பினர் மீது ஈ.பி.டி.பி கட்சியினர் தாக்குதலை மேற்கொண்டதில் இருவர் படுகொலை செய்யப்பட்டனர். குறித்த தாக்குதல் சம்பவத்தில் காயமடைந்த தமிழ் தேசிய கூட்டமைப்பின் வேட்பாளர்கள் ஆதாரவாளர்களை காப்பற்ற சென்ற மகேஸ்வரன் மீதும் தாக்குதல் முயற்சி மேற்கொள்ளப்பட்டது. அதிலும் அவர் உயிர் தப்பி இருந்தார். >பின்னர் கடந்த 2007ஆம் ஆண்டு மார்கழி மாதம் காரைநகர் சிவன் கோவில் திருவாதிரை உற்சவ தேர்த்திருவிழாவின் போது கோயிலில் வைத்து மகேஸ்வரனை படுகொலை செய்ய முயற்சித்தார்கள். அதிலும் அவர் உயிர் தப்பி இருந்தார். அதன் பின்னரே கொழும்பில் வைத்து சுட்டுபடுகொலை செய்யப்பட்டார்.

மகேஸ்வரனை படுகொலை செய்த வசந்தன் என அழைக்கப்படும் வெலேன்ரைன் என்பவர் முன்னர் விடுதலைப்புலிகள் அமைப்பில் இருந்தவர். பிறகு அமைப்பில் இருந்து விலகி ஈழமக்கள் ஜனநாயக கட்சியுடன் சேர்ந்து இயங்கினார்.

மகேஸ்வரனுக்கும் விடுதலைப்புலிகளுக்கும் முரண்பாடுகள் காணப்படவில்லை. அக்கால பகுதியில் ஈழமக்கள் ஜனநாயக கட்சியின் செயலாளர் டக்ளஸ் தேவானந்தாவின் தம்பி ‘அல்மீசா’ எனும் கப்பல் ஊடாக பொருட்களை ஏற்றி இறக்கும் வியாபாரம் செய்து வந்தார்.

அதன் ஊடாக யாழில் உள்ள பிரபல வார்த்தகர்கள் நால்வருடன் நட்பு கொண்டு அவர்கள் வர்த்தக நடவடிக்கையில் ஈடுபட்டு வந்தார்கள். அந்த வர்த்தக வியாபாரத்திற்கு வியாபர ரீதியாக மகேஸ்வரன் போட்டியாக இருந்தார். ஏற்கனவே தனி ஒரு மனிதனாக அரசியலில் ஈ.பி.டி.பி.யினருக்கு போட்டியாக இருந்தமையால் , வர்த்தக மற்றும் அரசியல் போட்டியாளனை இல்லாதொழிக்கவே மகேஸ்வரன் படுகொலை செய்யப்பட்டார்.

மகேஸ்வரனை படுகொலை செய்த நபருக்கு உதவியாக வந்த அரியாலையை சேர்ந்த நபர் அன்றைய தினம் மகேஸ்வரனின் மெய்ப்பாதுகாவலரின் துப்பாக்கி சூட்டில் உயிரிழந்து இருந்தார். அவரது சடலத்தை அறியாலைக்கு கொண்டு வர உதவியது ஈ.பி.டி.பி.யினரே.

அதேபோன்று கொலையாளி சார்பில் சட்டத்தரணியை நியமித்தமை , சட்டத்தரணிக்கான கொடுப்பனவுகளை கொடுத்தமை அனைத்துமே ஈ.பி.டி,பி.யினர்.

எனவே மகேஸ்வரின் படுகொலைக்கு சதித்திட்டம் தீட்டியமை , படுகொலை செய்தமை , கொலையாளிகளுக்கு பாதுகாப்பு வழங்கியமை ,உதவியமை என அனைத்தையும் ஈழமக்கள் ஜனநாயக கட்சியின் செயலாளர் டக்ளஸ் தேவானந்தா தான்.

தற்போது எனக்கும் அச்சுறுத்தல் விடுக்கும் செயற்பாட்டில் ஈடுபட்டு உள்ளனர். போலி முகநூல்கள் ஊடாகவும் , பதிவு செய்யப்படாத இணையத்தளங்கள் ஊடாகவும் பொய் பிரச்சாரங்களை மேற்கொண்டு வருவதுடன் அச்சுறுத்தல்களையும் விடுத்து வருகின்றனர். என தெரிவித்தார்.

யாழ்ப்பாண மாவட்டத்தில் உள்நாட்டலு வல்கள் அமைச்சர் கலந்து கொண்ட நிகழ்வில் அரச உத்தியோகத்தர்கள் அநாகரிக மாக நடந்து கொண்டனர். 

அது தொடர்பாக விசாரணை நடத்தி அறிக்கை சமர்ப்பிக்கும்படி சகல பிரதேச செயலர்களுக்கும் அறிவுறுத்தப்பட்டுள்ளது. இந்த அறிவுறுத்தலை யாழ்.மாவட்ட செயலர் வழங்கியுள்ளார்.

ஐனாதிபதியின் மக்கள் சேவை 8ஆவது தேசிய நிகழ்சி திட்டம் கடந்த திங்கட்கிழமை யாழ்ப் பாணம் வீரசிங்கம் மண்ட பத்தில் ஆரம்பித்து வைக்கப் பட்டது. இந்த நிகழ்வில் பெரு மளவான அரச உத்தி யோகத்தர்கள் கலந்து கொண்டிருந்தனர்.

இதன்போது வடக்கு மாகாண முதலமைச் சர் நீதியரசர் சி.வி. விக்னேஸ்வரன் உரையாற்றும் போதும் இராஜாங்க அமைச் சர் திருமதி விஜய கலா மகேஸ்வரன் தமிழீழ விடுதலை புலிகளின் கை ஓங்க வேண்டும் என்று உரையாற்றும் போதும் அரச உத்தியோகத் தர்கள் பெரும் கூச்ச லிட்டு ஆரவாரித்தனர்.

இந்த நிலையில் உத்தியோகத் தர்கள் நடந்துகொண்ட விதம் தொடர்பில் விசாரணை நடத்த அறிக்கை சமர்ப்பிக்கு மாறு யாழ்.மாவட் டத்தில் உள்ள சகல பிரதேச செயலர்களுக் கும் கடிதம் ஒன்று மாவட்டச் செயலர் என்.வேதநாயகனால் அனுப்பிவைக்கப்பட் டுள்ளது.

அந்த கடிதத்தில், உள் நாட்டலுவல் கள் அமைச்சர் கலந்து கொண்ட நிகழ்வில் தங்கள் பிரதேச செயலக உத்தி யோகத் தர்கள் மற்றும் கிராம அலுவலகர்கள் அநா கரிகமாக நடந்து கொண்டமை அவ தானிக்கப்பட்டுள்ளது.

ஆகவே இந்த விடயம் தொடர்பாக உடனடியாக விசா ரணை நடாத்தி அறிக்கை சமர்ப்பிக் கும்படி அறிவுறுத் தப்பட்டுள்ளது.

விஜயகலா மகேஸ் வரனின் கருத்து தென் னிலங் கையில் பெரும் அதிர் வலைகளை ஏற்படுத்தியுள்ள நிலை யில், அன்றைய தினம் நிகழ்வில் கலந்து கொண்ட அரச ஊழியர்கள் தொடர்பில் தற்போது விசாரணைகள் முன்னெடுக் கப்பட்டு உள்ளது என்பது குறிப்பிடத் தக்கது.                              

பாடசாலை மாணவி றெஜினா கொலை செய்யப்பட்டதைக் கண்டித்தும் நீதி கிடைக்க வேண்டுமெனக் கோரியும் யாழ். பல்கலைக்கழக மாணவர்கள் மாபெரும் கவனயீர்ப்பு போராட்டம் ஒன்றை முன்னெடுத்துள்ளனர். 

பல்கலைக்கத்தின் முன்னால் இன்று (28) காலை ஒன்று கூடிய மாணவர்கள் பல்கலைக்கழகம் முன்பாக பதாதைகளைத் தாங்கியவாறு போராட்டத்தில் ஈடுபட்டிருந்தனர்.

இதனைத் தொடர்ந்து பல்கலைக்கழத்தில் இருந்து பேரணியாக பரமேஸ்வராச் சந்தியைச் சென்றடைந்தனர். அங்கு வீதியின் இருமருங்கிலும் பல்வேறு கோஷங்களை எழுப்பியவாறு போராட்டத்தில் ஈடுபட்டனர்.

இதேவேளை, இந்த போராட்டத்தின் போது, இலஞ்சம் வாங்குவதில் உள்ள ஆர்வம் குற்றங்களைத் தடுப்பதில் இல்லை. காவல்துறையா? கஞ்சா துறையா?, வளரும் பயிரை முளையிலே கிள்ளாதே, காவல்துறையே நித்திரையா? போன்ற வாசகங்கள் எழுதிய சுலோக பதாதைகளை கைகளில் ஏந்தியவாறும், கோஷங்களை எழுப்பியவாறும் ஆர்ப்பாட்டத்தினை முன்னெடுத்தார்கள்.

அந்த ஆர்ப்பாட்டத்தின் போது, இந்தியாவில் இருந்து வரும் கேரள கஞ்சாவினை கடத்துவதற்கு பொலிஸாரும் துணை போகின்றார்களா என்றும் மாணவர்கள் கேள்வி எழுப்பினார்கள்.

பயங்கரவாத்தினை தடை செய்துவிட்டோம். ஆயுதக் கடத்தல்களை முறியடித்துவிட்டோம் எனக் கூறும் அரசாங்கம் ஏன் போதைப்பொருள் கடத்தல் மற்றும் விற்பனைகளுக்கு எதிராக கடுமையான நடவடிக்கைகளை முன்னெடுக்க முடியாமல் பின்நிற்கின்றது.

போதைப் பொருட்களுக்கு எதிராக சட்ட நடவடிக்கையினை மேற்கொள்ள முடியாமல் இருக்கின்றது. போதைப் பொருட்களை ஒழிப்பதற்கு அரசாங்கம் உரிய நடவடிக்கை எடுக்க வேண்டும் என்பதுடன், இவ்வாறான கொலை மற்றும் துஷ்பிரயோகங்களில் ஈடுபடுபவர்களுக்கு எதிராக கடுமையான சட்ட நடவடிக்கையினையும் முன்னெடுக்க வேண்டும் என்றும் ஆர்ப்பாட்டக்காரர்கள் வலியுறுத்தினர்.

மேலும், யாழ். பல்கலைக்கழக மாணவர்கள் இவ்வாறான துஷ்பிரயோகங்கள் மற்றும் கொலைச் சம்பவங்களுக்கு எதிராக கிளர்ந்தெழுவோம் என்றும், எதிர்காலங்களில் போதைப் பொருட்களை காரணம் காட்டி நடைபெறும் பாலியல் வன்புனர்வுக் குற்றங்கள் மற்றும் கொலைகளுக்கு எதிராக, மாணவர்கள் தொடர்ச்சியான போராட்டங்களை முன்னெடுக்க நேரிடும் என்றும், வட மாகாணத்தில் நிலவும் போதைப்பொருள் கடத்தல்களை கட்டுப்படுத்த அரசாங்கம் உடனடியாக நடவடிக்கை முன்னெடுக்க வேண்டும் என்றும் ஆர்ப்பாட்டக்காரர்கள் கோரிக்கை விடுத்துள்ளனர்.

2009 ஆம் ஆண்டு போர் முடிவுக்கு வந்த பின்னர், நோர்வேயின் உயர் மட்ட அமைச்சர்  ஒருவர் முதல்முறையாக யாழ்ப்பாணத்துக்குப் பயணம் மேற்கொள்ளவுள்ளார்.

நோர்வே வெளிவிவகார இராஜாங்க அமைச்சர் ஜென்ஸ் புரோலிச் ஹோல்ட் இன்று தொடக்கம் எதிர்வரும் 23 ஆம் நாள் வரை சிறிலங்காவில் அதிகாரபூர்வ பயணத்தை மேற்கொள்ளவுள்ளார்.

இவர் சிறிலங்காவில் தங்கியிருக்கும் போது, மூத்த அரசியல் தலைவர்கள், அமைச்சர்கள், நாடாளுமன்ற உறுப்பினர்கள், சிவில் சமூகத்திரைச் சந்தித்துப் பேச்சு நடத்துவார்.

நோர்வேயின் வெளிவிவகார இராஜாங்க அமைச்சர் யாழ்ப்பாணத்துக்கு குறுகிய பயணம் ஒன்றையும் மேற்கொள்வார்.

இதன்போது, மீள்குடியேற்றப் பகுதிகளில் நிலையான வாழ்வாதார செயற்பாடுகளுக்காக நோர்வே அளிக்கும் உதவிகளின் பெறுபேறுகள் குறித்தும் அவர் ஆராயவுள்ளார்.

அத்துடன், பளை பகுதியில் அமைக்கப்பட்டுள்ள காய்கறி மற்றும் பழங்கள் பொதியிடும் மையத்தையும் அவர் திறந்து வைப்பார்.

குருநகரில் உள்ளூர் மீனவர்கள் மற்றும் அவர்களுடன் இணைந்து கடற்கரையை தூய்மைப்படுத்தும் செயற்பாடுகளிலும் நோர்வே இராஜாங்க அமைச்சர் ஈடுபடவுள்ளார்.

சிறிலங்காவில் போர் நிறுத்த உடன்பாடு முறிவடைந்த பின்னர், நோர்வேயுடனான உறவுகளை சிறிலங்கா அரசாங்கம் மட்டுப்படுத்தியிருந்தது.

2015 ஆட்சி மாற்றத்துக்குப் பின்னர் இருதரப்பு உறவுகள் மீண்டும் பலப்படுத்தப்பட்டது.

இந்தநிலையில், போர் முடிவுக்கு வந்து கிட்டத்தட்ட 89 ஆண்டுகளுக்குப் பின்னரே, நோர்வேயின் வெளிவிவகார இராஜாங்க அமைச்சர் யாழ்ப்பாணத்துக்குப் பயணம் மேற்கொள்ளவுள்ளார் என்பது குறிப்பிடத்தக்கது.


நேற்று (11.06.2018) பெய்த மழையின் காரணமாக மண் அரிப்பு நேரிட்டதால், பாரிஸ் புற நகர் ரயில் ஒன்றின் மூன்று பெட்டிகள் கவிழ்ந்ததில் ஏழு பேருக்கு காயம் ஏற்பட்டுள்ளது.

மழை காரணமாக ரயில் பாதையை தாங்கி நின்ற மண் மழை வெள்ளத்தால் அரிக்கப்பட்டதால், பாரிஸ் நோக்கி சென்ற புற நகர் ரயில் ஒன்றின் மூன்று பெட்டிகள் தடம் புரண்டன.

அது அந்த தடத்தில் முதல் ரயிலானதாழும், ரயிலில் குறைந்தளவிளான நபர்கள் மாத்திரமே இருந்ததாலும் பெரும் அசம்பாவிதம் தவிர்க்கப்பட்டதாக Gif-sur-Yvette-இன் மேயரான Michek Bournet தெரிவித்தார்.

இன்னும் ஒரு மணி நேரத்திற்கு பிறகு இந்த சம்பவம் நிகழ்ந்திருந்தால் ஒரு பெரிய அசம்பாவிதம் ஏற்பட்டிருக்கும், ஏனென்றால் ஏராளமான மாணவர்கள் ரயிலில் செல்லும் நேரம் அது என்று அவர் கூறினார்.

ரயில் தண்டவாளத்தின் ஒரு பகுதியில் மரம் விழுந்துள்ளதாக ரயில் ஓட்டுநருக்கு தகவல் வந்ததால் அவர் ரயிலை வழக்கத்தைவிட குறைவான வேகத்தில் ஓட்டி சென்றுள்ளார்.

என்றாலும் ரயில் பயணிக்கும் நேரத்தில் இருட்டாக இருந்ததால் தண்டவாளத்தை தாங்கி நின்ற மண் அடித்து செல்லப்பட்டதை ஓட்டுநர் அவதானிக்கவில்லை என தெரிவிக்கப்படுகிறது.

ரஜனியையும் காலாவையும் புறக்கணிக்குமாறு சுவரொட்டிகள் ஓட்டப்பட்டுள்ளன.

எது ஒன்றிற்கும் கருத்து கூறாத நடிகர் ரஜினிகாந் நடந்து முடித்த தூத்து குடி துயரத்திற்கு கருத்து சொன்னார்.

இது அவரின் சினிமா வாழ்க்கைக்கும், எதிர்கால அரசியல் ஆசைக்கும் பெரும் சறுக்கலாக அமைந்து விட்டது.

பாதிக்கபட்ட மக்களை பார்த்து விட்டு பத்திரிகையாளர்களை சந்தித்த போது அவர் நடந்து கொண்ட விதமும் அங்கு தெரிவித்த கருத்துக்களும் தமிழ்மக்களின் உணர்வை சீண்டுவதாக அமைந்துவிட்டது.

அவரின் நடவடிக்கைக்கு எதிர்வினையாக அவரின் நடிப்பில் வெளியாகவிருக்கும் காலா திரைப்படத்தை தமிழர்கள் புறக்கணிக்க வேண்டும் எனும் கோரிக்கை உலகம் முழுவதிலிருந்தும் எழுப்பப்பட்டு வருகின்றது.

நோர்வே சுவிஸ் நாடுகளுக்கான திரைப்பட விநியோகித்தர்கள் தம் நாடுகளில் படம் வெளியிடப்படாதென அறிவித்து அதிரடி காட்டினார்கள்.

இந்த நிலையில் பெருமளவான தமிழர்கள் வாழும் பிரித்தானியாவில் திரைப்படம் வெளியாகுமா வெளியாகாதா எனும் குழப்பமான நிலையில் நேற்றைய தினம் அந்நாட்டின் சினிமா திரையரங்குகள், பொது இடங்கள் வர்த்தக நிலையங்கள் என நாடு முழுவதும் பரவலாக “தன்மானத் தமிழர் படை”

என்ற பெயரில் ரஜனியையும் காலாவையும் புறக்கணிக்குமாறு சுவரொட்டிகள் ஓட்டப்பட்டுள்ளன.

இதனால் அங்கும் திரைப்படம் வெளியாகுமா என்ற ஐயம் உருவாகி உள்ளது.

கடும் மழைக்கு மத்தியில் இந்தியாவின் கொச்சின் விமான நிலையத்தில் தரையிறங்கிய சிறிலங்கன் விமான சேவை விமானம், ஓடுபாதையில் வழுக்கிச் சென்று, விபத்துக்குள்ளாகியதில், 240 பயணிகள் ஆபத்தின்றி தப்பினர்.

கொழும்பில் இருந்து, புறப்பட்டுச் சென்ற UL 167 இலக்க, சிறிலங்கன் விமான சேவை விமானம், நேற்று பிற்பகல் 3.34 மணியளவில் கொச்சின் விமான நிலையத்தில் தரையிறங்கிய போது, காலநிலை மோசமாக இருந்தது.

கடும் காற்றுடன் மழை கொட்டிக் கொண்டிருந்த நிலையில், விமானத்தை தரையிறக்கிய போது, ஓடுபாதையின் எல்லை வரை வழுக்கிச் சென்று, அதில் பொருத்தப்பட்டிருந்த சமிக்ஞை விளக்குகளில் மோதியது.

இதனால் இரண்டு விளக்குகள் சேதமடைந்தன. விமானத்தின் ஒரு சில்லும் சேதமடைந்ததாக தகவல்கள் தெரிவிக்கின்றன.

எனினும், விமானத்துக்கோ, அதில் இருந்த 228 பயணிகள் மற்றும் 12  விமானப் பணியாளர்களுக்கோ எவ்வித பாதிப்பும் ஏற்படவில்லை.

இதையடுத்து விமான ஓடுபாதை மூடப்பட்டு, விமானம் முழுமையாகப் பரிசோதனைக்கு உட்படுத்தப்பட்டது.


முள்ளிவாய்க்கால் படுகொலை நாள் நினைவேந்தல் நிகழ்வுக்கான ஏற்பாடுகள், தீவிரமாக முன்னெடுக்கப்பட்டு வருகின்றன.

முள்ளிவாய்க்கால் படுகொலைகளின் 9 ஆவது ஆண்டு நிறைவை முன்னிட்டு,  மே 18ஆம் நாளை, துக்கநாளாகவும், தமிழினப் படுகொலை நாளாகவும் வடக்கு மாகாண சபை பிரகடனம் செய்துள்ளது.

தமிழினப் படுகொலைகள் இடம்பெற்ற முள்ளிவாய்க்கால் மண்ணில் வழக்கம் போலவே, நாளை பாரிய நினைவேந்தல் நிகழ்வுக்கான ஏற்பாடுகள் மேற்கொள்ளப்பட்டு வருகின்றன.

நினைவேந்தல் நிகழ்வை நடத்துவதற்கான ஒழுங்கமைப்புகளில் வடக்கு மாகாணசபைக்கும், யாழ். பல்கலைக்கழக மாணவர் ஒன்றியத்துக்கும் இடையில் நீடித்து வந்த இழுபறிகளுக்கு முடிவு காணப்பட்டு, அனைத்து தரப்புகளும் இணைந்து நினைவேந்தல் நிகழ்வை நடத்த முடிவு செய்யப்பட்டுள்ளது.

முள்ளிவாய்க்கால் நினைவேந்தல் நிகழ்வைத் தடுத்து நிறுத்தக் கோரி,  பௌத்த தகவல் கேந்திர நிலையம் நேற்று சிறிலங்கா காவல்துறை  தலைமையகத்தில் முறைப்பாடு செய்துள்ளது.

எதிர்வரும் 18ஆம் நாள் விடுதலை புலிகளுக்கு  வடக்கு, கிழக்கில் அஞ்சலி செலுத்தப்படவுள்ளது. அதனை தடுத்து நிறுத்துவதற்கான நீதிமன்ற உத்தரவை காவல்துறையினர் பெற்றுக்கொள்ள வேண்டும் என்று அந்த முறைப்பாட்டில் தெரிவிக்கப்பட்டுள்ளது.

இந்த விடயத்தில் உடன் நடவடிக்கை  எடுக்கப்பட வேண்டும் என்று பௌத்த தகவல் கேந்திர நிலையத்தின் நிறைவேற்றுப் பணிப்பாளர் அங்குலுகல்லே சிறி ஜீனாநந்த தேரர்,  தெரிவித்துள்ளார்.

வடகொரிய தலைவர் கிம் ஜாங் உன், தென் கொரியாவுக்குச் சென்ற போது உயர் பாதுகாப்புகளுடன், தனக்கான பிரத்யேக கழிப்பறையையும் எடுத்துச் சென்றுள்ளார்.

தென்கொரிய பகுதியில் உள்ள பன்முஞ்சோமில், இரண்டு நாடுகளின் தலைவர்களும் ஆரம்பத்தில் சந்தித்துக் கொண்டனர். கொரிய போர் முடிந்த பின்னர் வடகொரிய தலைவர் ஒருவர் தென்கொரியாவுக்கு சென்றது இதுவே முதல் முறை என்பது குறிப்பிடத்தக்கது.

வட கொரிய தலைவர் சாதாரண கழிப்பறையை உபயோகிப்பதில்லை. அவரது ரகசியங்களைப் பாதுகாப்பதற்காகவே சாதாரண கழிவறைகளை அவர் பயன்படுத்துவதில்லை என்று, வட கொரியாவின் ராணுவக் கட்டளைப் பிரிவில் பணியாற்றிய லீ யுன் கெயோல் ஊடகங்களுக்குத் தெரிவித்துள்ளார்.

சாதாரண கழிப்பறையை கிம் பயன்படுத்தினால், அவருடைய கழிவின் மூலம் தற்போதைய அவரின் உடல்நிலை மற்றும் அவரது மருத்துவ ரகசியங்கள் பற்றிய தகவல்கள் அம்பலமாகும் சாத்தியங்கள் உள்ளன.

எனவே வடகொரிய தலைவர் கிம்முடைய உடல்நிலை குறித்த ரகசியங்களை பாதுகாப்பதற்காகவே பிரத்தியேக கழிப்பறையை அவர் பயன்படுத்துவதாகவும் லீ யுன் கெயோல் கூறியுள்ளார்.

மேலும் கிம் பயன்படுத்தும் கழிப்பறை எப்போதும் உயர் பாதுகாப்புடன் தான் இருக்கும் எனவும் அவர் தெரிவித்துள்ளார்.

அதேவேளை, வட கொரியாவில் கிம் பயணம் செய்யும் போதும் ராணுவ தளங்கள், அரச தொழிற்சாலைகள் போன்ற இடங்களிலும், அவர் பயன்படுத்தும் வகையில் நவீன கழிப்பறை அமைக்கப்பட்டு ராணுவ வீரர்களால் பாதுகாக்கப்படுவதாகக் கூறப்படுகிறது.

நீண்ட பயணங்களுக்கு கிம் பயன்படுத்தும் தனிப்பட்ட தொடருந்தில் மட்டுமல்லாமல் அவருடைய கார்களிலும் கூட நவீன கழிப்பறை வசதி செய்யப்பட்டுள்ளன.

தனக்கென உயர் பாதுகாப்புகளுடன் கூடிய நவீன கழிப்பறையை கிம் பயன்படுத்துவதை வழக்கமாக வைத்திருப்பதால், அவர் தென் கொரியா செல்லும் போதும் பிரத்யேக கழிப்பறையை் கொண்டு சென்றுள்ளார் என்று ஊடகங்கள் தெரிவித்துள்ளன.

மாங்­கு­ளம் நீதி­பு­ரம் பகு­தி­யைச் சேர்ந்த 12 வயது பாட­சாலை மாண­வன், இரண்டு கால்­க­ளும் முறிந்த நிலை­யில் வவு­னியா வைத்­தி­ய­சா­லை­யின் விபத்­துச் சிகிச்­சைப் பிரி­வில் சேர்க்­கப்­பட்­டுள்­ள­தா­கப் பொலி­ஸார் தெரி­வித்­த­னர். கோ.இசைப்­பி­ரி­யன் என்ற 12 வய­துச் சிறு­வ­னவே வைத்­தி­ய­சா­லை­யில் இவ்­வாறு சேர்க்­கப்­பட்­டுள்­ளார்.

இது தொடர்­பில் பொலி­ஸார் மேலும் தெரி­வித்­த­தா­வது,
சிறு­வன் கடந்த சில நாள்­க­ளாக வீட்­டிற்கு வரா­மல் உற­வி­னர் வீட்­டில் தங்கி இருந்­த­தா­க­வும் நேற்­றுக் காலை வீட்­டிற்கு வந்த சிறு­வனை அவ­ரது தந்தை தாக்­கி­யுள்­ளார். தாக்­கு­த­லில் படு­கா­ய­ம­டைந்த சிறு­வனை தாய் உட­ன­டி­யாக மாங்­கு­ளம் வைத்­தி­ய­சா­லைக்கு கொண்டு சென்று சேர்ப்­பித்­துள்­ளார்.

அங்­கி­ருந்து உட­ன­டி­யாக நோயா­ளர் காவு வண்டி மூலம் வவு­னியா வைத்­தி­ய­சா­லை­யின் விபத்­துச் சிகிச்­சைப் பிரி­வில் சிறு­வன் நேற்று மாலை சேர்க்­கப்­பட்­டான் – என்று குறிப்­பிட்­ட­னர்.

சிறு­வ­னின் இரு கால்­க­ளும் முறிந்த நிலை­யில், கை, முகம், முதுகு பகு­தி­க­ளில் பலத்த காயங்­கள் காணப்­ப­டு­வ­தாக வைத்­தி­ய­சாலை வட்­டா­ரங்­கள் தெரி­வித்­தன.  சிறு­வ­னின் தந்தை தனது மக­ளுக்கு அடித்த குற்­றச்­சாட்­டில் சிறை­யில் அடைக்­கப்­பட்­ட­வர் என்­றும் பொலி­ஸார் குறிப்­பிட்­னர்.

தமிழர்கள் பண்பாட்டு விழு மியங்கள் கொண்டவர்கள் என் பதற்கு தமிழீழ விடுதலைப் புலிகளை மேற்கோள்காட்டி தமிழக பட்டிமன்றப் பேச்சாளர் பர்வின் சுல்தானா தனது உரையை நிகழ்த்தியுள்ளார்.

சித்திரைப் புத்தாண்டை முன்னிட்டு இந்திய செய்ம்மதி தொலைக்காட்சி ஒன்றில் ஒளி பரப்பான பட்டிமன்றமொன்றிலேயே அவர் இவ்வாறு பேசியுள்ளார்.

இன்றைய சூழ்நிலையில் தமிழர்களின் வாழ்வும் பண்பாடும் சிகரங்களை நோக்கி செல்கின்றதா, சிரமங்களை நோக்கி செல்கி ன்றதா என்ற தலைப்பில் பட்டிமன்றம் நடத்தப்பட்டது.

இந்தப் பட்டிமன்றத்தில் பங்கேற்ற பிரபல பெண் பேச்சாளர் பர்வின் சுல்தானா, தமிழர் தம் பண்பாட்டு, கலாசார விழுமியங்களை போற்றிப் புகழ்வதற்கு தமிழீழ விடுதலைப் புலிகளை உதாரணம் காட்டியுள்ளார்.

போர் இடம்பெற்ற காலத்தில் 30 இராணு வப் படையினர் பயணம் செய்த பஸ் மீது கண்ணிவெடித் தாக்குதல் நடத்துவதற்கு ஆயத்தமாகியிருந்த வேளையில் அந்த வழியில் சிங்கள மாணவர்களை ஏற்றிச் சென்ற பஸ் ஒன்று வந்ததாகவும், மாணவர்கள் குண்டுத் தாக்குதலில் இறந்து விடக்கூடாது என விடுதலைப் புலி போராளி தான் அந்த வெடியில் சிக்கி உயிரைத்தியாகம் செய்ததா கவும், பர்வின் சுல்தானா தனது பட்டிமன்றப் பேச்சில் சுட்டிக்காட்டியிருந்தார்.

பிரபல இந்திய செய்மதி தொலைக்காட்சி ஒன்றில் நேற்று இந்த நிகழ்ச்சி ஒளிபரப்புச் செய்யப்பட்டிருந்தமை குறிப்பிடத்தக்கது. 

கட்­டு­வ­னி­லி­ருந்து மயி­லிட்­டிச் சந்தி வரை­யி­லான முதன்மை வீதி­யில், இரா­ணு­வத்­தி­ன­ரின் கட்­டுப்­பாட்­டில் உள்ள 4 கிலோ மீற்­றர் நீள­மான வீதி எதிர்­வ­ரும் 16ஆம் திகதி விடு­விக்­கப்­ப­ட ­வுள்­ளது. அந்த வீதி­யின் மேற்­குப் பக்­கம் உள்ள 650 ஏக்­கர் காணி­க­ளும் மக்­கள் பாவ­னைக்கு ஒப்­ப­டைக்­கப்­ப­ட­வுள்­ளது.

அந்த வீதியை மறித்து அமைக்­கப்­பட்­டி­ருந்த இரா­ணுவ முன்­ன­ரங்க வேலி­களை அகற்­றும் பணியை பாது­காப்­புத் தரப்­பி­னர் ஆரம்­பித்­துள்­ள­னர்.

தமிழ், சிங்­க­ளப் புத்­தாண் டுப் பரி­சாக காணி­களை விடு­விக்­கு­மாறு இரா­ணு­வத் தள­ப­தி­யி­டம், மாவட்­டச் செய­லர் நா.வேத­நா­ய­கன் கோரிக்கை விடுத்­தி­ருந்­தார். அதற்கு அமை­வாக, காணி­களை விடு­விப்­ப­தற்கு இரா­ணு­வத் தள­பதி இணங்­கி­யி­ருந்­தார்.

இரா­ணு­வத்­தின் கட்­டுப்­பாட்­டில் 28 ஆண்­டு­க­ளாக இருந்­து­வ­ரும், கட்­டு­வ­னி­லி­ருந்து மயி­லிட்­டிச் சந்தி வரை­யான பிர­தான வீதி மக்­கள் பாவ­னைக்கு விடு­விக்­கப்­ப­ட­வுள்­ளது. இந்த வீதி­யின் கிழக்­குப் பக்­கம் பலாலி வானூர்தி நிலை­யம் அமைந்­துள்­ளது. மேற்­குப் பக்­கம் மக்­க­ளின் குடி­யி­ருப்­புக் காணி­கள் அமைந்­துள்­ளது. சுமார் 650 ஏக்­கர் காணி­கள் இதன்­போது விடு­விக்­கப்­ப­ட­வுள்­ளன.

மேலும், பரு­தித்­துறை – பொன்­னாலை வீதி எதிர்­வ­ரும் 16ஆம் திகதி தொடக்­கம் மக்­கள் பாவ­னைக்கு விடு­விக்­கப்­ப­ட­வுள்­ளது. தின­மும் காலை 6 மணி­யி­லி­ருந்து இரவு 6 மணி­வரை அந்த வீதி­யைப் பொது­மக்­கள் பயன்­ப­டுத்த முடி­யும்.

யாழ்ப்பாணம் மணியந்தோட்டம் கடற்கரை வீதியில் உள்ள பொலிஸ் காவலரன் ஒன்று நேற்றையதினம்(29-03-2018) இரவு இனந்தெரியாத நபர்களால் தீக்கிரையாக்கப்பட்டுள்ளது.

குறித்த பொலிஸ் காவலரன் அமைக்கப்பட நாளில் இருந்து அங்கு பொலிஸார் கடமையில் ஈடுபடுவதில்லை என்றும் அந்த இடத்தில் பல்வேறு சமூக சீர்கேடுகள் இடம்பெறுகிறது என்று பொதுமக்களால் பல தடவை சுட்டிக்காட்டப்பட்டு வந்துள்ளது.

ஆனால் அங்கு பொலிஸார் கடமையில் ஈடுபடாமல் தற்போது வரை அது வெறுமையாக காணப்பட்டுள்ளது.இந்த நிலையிலேயே நேற்று இரவு இந்த பொலிஸ் காவலரன் தீக்கிரையாக்கப்பட்டுள்ளது.

அம்பாறை மற்றும் கண்டி கலவரங்களை தொடர்ந்து ஆண்மையிழக்கச் செய்யும் மருத்துகள் குறித்த விவகாரம் சர்வதேச சமூகத்தையும் கவலைக்குள்ளாக்கியுள்ளது.

அம்பாறையில் முஸ்லிம்களின் உணவகத்தில் ஆண்மையிழக்கச் செய்யும் மருந்து கலந்த உணவு வழங்கப்பட்டதாகக் கூறி சிலர் அந்த உணவகத்தை தாக்கியதுடன் முஸ்லிம்களுக்கு சொந்தமான ஏனைய சொத்துக்கள், பள்ளிவாசல் ஆகியவற்றையும் தாக்கினர். பின்னர் கண்டியில் வேறு ஒரு காரணத்தை காட்டி தொடங்கிய வன்செயல்கள் பெரிதாகி முஸ்லிம் மக்களுக்கு பெருத்த சேதத்தை உருவாக்கியது.

தொடர்புடைய செய்திகள்:

  • கொத்து பரோட்டாவில் ஆண்மையை இழக்கச் செய்யும் மருந்தா?
  • இலங்கை: இனக்கலவரங்களின் பின்னணி

இதனையடுத்து அவ்வாறு ஆண்மையிழக்கச் செய்யும் மருந்து இருக்கிறதா இல்லையா என்பது குறித்த விவாதமும், ஆய்வும் இங்கு இலங்கை மட்டத்தில் தொடங்கியிருந்தது.

அரசாங்கத்தின் பகுப்பாய்வுகள், அம்பாறை உணவகத்தில் அப்படியான மருந்து கலக்கப்படவில்லை என்று அறிவித்தன. அதேவேளை உள்ளூர் மட்டத்தில் ஆண்மையை நிரந்தரமாக இழக்கச் செய்யும் மருந்து எதுவும் கிடையாது என்று சுகாதார திணைக்களமும் அறிவித்தது. மருத்துவர்களான அமைச்சர்களும் கூறினார்கள்.

தொடர்புடைய செய்திகள்:

  • இலங்கை: இரு இடங்களில் முஸ்லிம்களின் சொத்துக்கள் மீது தாக்குதல்
  • இன மோதலால் சிதைக்கப்பட்ட உணவகத்தை சீரமைத்து தந்த பெளத்த மதகுருமார்கள்
  • என்ன நடக்கிறது இலங்கையில்? - 4 முக்கிய கேள்வி பதில்கள்

இப்போது உலக சுகாதார நிறுவனமும் இப்படியான அறிக்கை ஒன்றை வெளியிட்டுள்ளது.

ஆண்மையை நிரந்தரமாக இழக்கச் செய்யும் வகையிலான மருந்தோ மாத்திரையோ இதுவரை கிடையாது என்றும் அப்படியான ஒன்று புழக்கத்தில் இல்லை என்றும் அது கூறியுள்ளது.

ஆகவே உணவில் ஆண்மையை இழக்கச் செய்யும் மருந்து கலந்து கொடுக்கப்பட்டதாக கூறப்படுவது ஆதாரமற்ற தகவல் என்று இலங்கைக்கான உலக சுகாதார நிறுவனத்தின் பிரதிநிதி டாக்டர். ரஷியா பெண்டஸி ஊடகங்களிடம் தெரிவித்தார்.

அம்பாறையில் இது தொடர்பாக நடந்த தாக்குதலில் குறைந்தப்ட்சம் ஐந்து பேராவது காயமடைந்ததுடன், பல சொத்துக்களும் சேதமாக்கப்பட்டன.

அந்த தாக்குதலை கண்டித்துள்ள முஸ்லிம் அமைப்புக்கள் பலவற்றை உள்ளடக்கிய முஸ்லிம் கவுன்ஸில் இது குறித்து கடுமையான நடவடிக்கைகளை அரசாங்கம் எடுக்க வேண்டும் என்று கேட்டுள்ளது.

பெண்கள் இரவு வேளைகளில் வீதியிலும், அரச பொதுப் போக்குவரத்துக்களிலும் எதுவித பயமும் இன்றி சென்றுவரக்கூடிய ஒரு நிலை ஏற்பட வேண்டும்.

அவ்வாறான சுதந்திரமும் மதிப்பும் 2009ம் ஆண்டுக்கு முன்னர் வடபகுதியில் பெண்களுக்குக் கிடைத்தது. அந்த நிலை மீண்டும் கிடைக்க வேண்டும் என வட மாகாண முதலமைச்சர் சீ.வி.விக்னேஸ்வரன் தெரிவித்துள்ளார்.

சர்வதேச மகளிர் தினத்தை முன்னிட்டு கிளிநொச்சி கூட்டுறவு மண்டபத்தில் இன்று இடம்பெற்ற நிகழ்வில் கலந்து கொண்டு உரையாற்றும் போதே இவ்வாறு கூறியுள்ளார்.

தொடர்ந்தும் அவர் கருத்து தெரிவிக்கையில்,

நியூயோர்க் நகரில் 1882ம் ஆண்டில் ஒரு பஞ்சு ஆலையில் கடமைபுரிந்த ஆண், பெண் இருபாலாருக்கும் சம அளவிலான சம்பளக் கொடுப்பனவை வழங்க வேண்டும் என்ற போராட்டத்தில் பெண்கள் இறங்கியிருந்தனர்.

இந்தப் போராட்டம் கிட்டத்தட்ட 25 ஆண்டுகள் வரை நீடித்து அந்த பஞ்சு ஆலைக்குள்ளேயே சுமார் 75 பெண்கள் உயிரை மாய்த்த பின்பே 1910ம் ஆண்டு மார்ச் 8ம் திகதி அவர்களின் சம்பளங்கள் சரிநிகர் சமானமாக வழங்குவதற்கு அந்த நிர்வாகம் ஒத்துக் கொண்டது.

அந்த வெற்றியை கொண்டாடும் முகமாகவே மார்ச் 8ம் தேதி மகளிர் தினமாக உலகளாவிய ரீதியில் கொண்டாடப்படுகின்றது.

இன்றைய தலைமுறைக்கு மகளிர் ஒடுக்கு முறை பற்றி முழுமையாக அறிந்திருக்க வாய்ப்பில்லை. இன்று ஆண்களுக்கு சமானமாக பெண்களும் கல்வி கற்கின்றார்கள்.

ஆண்கள் தொழிலுக்குச் செல்வது போல பெண்களும் தொழிலுக்குச் செல்கின்றார்கள். சமையல் கூடத்தில் ஆண், பெண் இருபாலாரும் இணைந்து வேலை செய்கின்றார்கள்.

எல்லா விடயங்களிலும் சமானமாக கையாளப்படும் போது பெண் விடுதலை பற்றி ஏன் கூடுதலாக விமர்சிக்கிறார்கள் என்ற கேள்வி இளையோர் சிலர் மனதில் எழக் கூடும்.

பெண் விடுதலைக்கு முதன்முதலில் குரல் கொடுத்தவன் புரட்சிக் கவிஞன் பாரதி என்றே கூறலாம்.

‘நாளும் கிழமையும் நலிந்தோர்க்கில்லை ஞாயிற்றுக்கிழமையும் பெண்களுக்கில்லை’ என்றான் பாரதி. ஆண்கள் ஞாயிற்றுக் கிழமைகளில் வீட்டில் ஓய்வாக அமர்ந்திருந்து புதினப் பத்திரிகை, செய்தித் துணுக்குகள், இலக்கிய நூல்கள் என்பவற்றுடன் பொழுதைக் கழிப்பார்கள்.

ஆனால் பெண் என்பவள் ஞாயிற்றுக்கிழமைகளிலும் வீட்டைப் பெருக்கி, உணவு சமைத்து, வீட்டில் இல்லாத சாமான்கள் வேண்டி, கணவனின், பிள்ளைகளின், தனது உடைகளைத் தோய்த்து மேலும் பல வேலைகளில் ஈடுபடுவார்.

ஒருவாறு மதிய உணவை உட்கொண்ட பின்னர் மீண்டும் அடுத்த நாள் விடியற்காலையில் என்ன உணவு சமைப்பது என்ற சிந்தனை அத்துடன் பிள்ளைகளைப் பராமரிப்பது, அவர்களின் உடைகளை மடித்தெடுத்தல் போன்ற கடமைகளில் முழுப்பொழுதையும் கழித்து ஓய்வு ஒழிவு இன்றி வாழுகின்றாள் பெண் என்று கூறாமல் கூறுகின்றான் பாரதி.

உரிமைகள் அற்ற ஒருவருக்கு நலிந்தவருக்கு எவ்வாறு நாளும், கோளும் இல்லையோ அது போன்றே பெண் என்பவளுக்கும் அதே நிலை தான் என்பதனையே மேலே குறிப்பிடுகின்றார்.

இன்றைய கால கட்டத்தில் பெண்கள் வேலைக்கு செல்கின்றார்கள். மாலையில் வீடு திரும்புகின்றார்கள். இந்த இடைப்பட்ட நேரத்தில் கடமைக்குச் செல்லும் போதும் கடமைபுரியும் வேலைத்தளத்திலும் கடமைமுடிந்து வீடு திரும்பும் போதும் பெண் எனப்படுபவள் படுகின்ற துன்பங்கள், அவமானங்கள், தலைக்குனிவுகள், வெளியில் எடுத்துச் சொல்ல முடியாதிருக்கின்றன.

அவற்றை ஜீரணிக்க முடியாமல் தனக்குள்ளே அமிழ்த்தி வைத்து அவள் படுகின்ற வேதனை சொல்லொண்ணாதது. அதே போன்று தற்செயலாக வேலைத்தளத்தில் சற்று கூடிய வேலைப்பழு காரணமாக அதிக நேரம் செலவழித்துவிட்டு சற்றுத் தாமதமாக இருட்டிய பின்னர் ஓடி ஓடி பேருந்தைப் பிடித்துவந்து வீட்டுக்கு அண்மையில் உள்ள பஸ் தரிப்பில் இறங்கி தனியாக சுற்றும் முற்றும் பார்த்து பயந்த சுபாவத்துடன் வீட்டிற்கு ஓடிச் சென்றால் அங்கே சினத்துடன் காவலிருக்கின்ற கணவனை சமாதானம் செய்வது பெரும் பாடாகிவிடுகிறது.

குழந்தைகளின் பசியைப் போக்க தேநீர் தயாரித்து, இரவு உணவு தயார் செய்து பல வேலைகளில் ஈடுபட வேண்டியுள்ளது. இவ்வாறாக அவளின் வாழ்க்கை முழுவதும் அர்ப்பணிப்புடையதாகவே கழிக்கப்படுகின்றது.

கிட்டத்தட்ட 100 ஆண்டுகளுக்கு முன்னர் பெண்கள் கல்வி கற்கும் உரிமையைப் பெற்றிருக்கவில்லை. சில பெண்கள் ஆரம்ப வகுப்புகளில் கல்வி கற்கின்ற போது பருவம் எய்தி விட்டால் அன்றில் இருந்து படிப்புக்கு முழுக்கு போட்டு விடவேண்டியிருந்தது.

பெண் எனப்படுபவள் வீட்டைப் பெருக்கிச் சுத்தம் செய்வதற்கும், உணவு சமைப்பதற்கும் துணி துவைப்பதற்கும் பிள்ளைகளை பெற்றுக் கொடுப்பதற்குமான ஒரு இயந்திரமாகவே கருதப்பட்டாள்.

ஆரம்பத்தில் வாக்களிக்கும் உரிமை கூட அவர்களுக்கு வழங்கப்படவில்லை. இன்றைய நிலையில் கூட பொதுத் தேர்தல்களில் பெண் அங்கத்துவம் 25மூ கட்டாயமாக இருக்க வேண்டும் எனச் சட்டம் இயற்றப்பட்டுள்ள போதும் அந்த அளவுக்கு அங்கத்துவத்தைப் பெற்றுக் கொள்வதற்கு பெண்கள் இன்னமுந் தம்மை தயாராக்கிக் கொள்ளவில்லை என்பதே உண்மை.

முன்னர் இருந்த பாலியல் விவாகம் போன்றவை இப்பொழுது எம்மை விட்டு அகன்றுவிட்ட போதும் பெண் எனப்படுபவள் ஒரு ஆணின் துணையுடன் தான் வாழ வேண்டும் என்ற ஒரு கட்டுக்கோப்புக்குள் தள்ளப்பட்டுள்ளாள்.

குழந்தையாக பிறந்த தினத்தில் இருந்து மணம் முடித்துக் கொடுக்கும் வரை தந்தையின் கவனிப்பில் அவரின் சொற்படி வாழுகின்றாள். திருமணம் முடித்த தினத்தில் இருந்து கணவனின் சொல் கேட்கிறாள். பின்பு பிள்ளைகள் வளர்ந்த பின் ஆண்மகனின் சொற்படியே இறக்கும் வரை தமது வாழ்க்கைச் சக்கரத்தை ஓட்டிச் செல்கின்றனர் பெரும்பாலான மகளிர்.

மகளிர் சம்பந்தமாக ஐக்கிய நாடுகள் நிறுவனத்தின் நிரந்தர அபிவிருத்திக் குறிக்கோள்கள் (SDGS) என்றவற்றின் ஐந்தாவது குறிக்கோளின் கீழ் இன்றைய நிலையும் இனிவருங்கால நிலையும் பற்றி பின்வருமாறு கூறப்பட்டுள்ளது.

‘உலகமானது பாலியல் சமத்துவம் சம்பந்தமாகவும் பெண்களுக்கான ஆற்றலளித்தல் சம்பந்தமாகவும் ஆயிரம் ஆண்டுகால அபிவிருத்திக் குறிக்கோள்களின் (MDG) கீழ் ஆண் பெண் ஆரம்பக்கல்விக்கான நுழைவுரிமை உட்பட பல விடயங்களில் முன்னேற்றம் கண்டிருந்தாலும் பெண்களும், பெண் பிள்ளைகளும் உலகம் பூராகவும் வேறுபடுத்தலுக்கும் வன்முறைக்கும் இன்றும் ஆளாகியே வருகின்றனர்.

பாலியல் சமத்துவம் என்பது அடிப்படை மனித உரிமை மட்டுமல்ல சமாதானமும், வளமும் நிறைந்த நிரந்தர உலக வாழ்விற்கு அத்தியவசியமான அடித்தளமும் ஆகும்.

எனவே கல்வி, சுகாதாரம், தகுந்த வேலை, அரசியல், பொருளாதார ரீதியாக முடிவெடுக்கும் செயல் முறையில் பங்குபற்றல் போன்றவற்றில் பெண்களுக்கும், பெண் பிள்ளைகளுக்கும் சம நுழைவுரிமை வழங்குதல் மனித குலத்தின் நிரந்தர பொருளாதார விருத்திக்கும் சமூக நலனுக்கும் வழி அமைப்பன.’ என்று கூறுகின்றது மேற்படி ஐந்தாவது குறிக்கோள்.

பெண் என்பவள் இன்று எம்மிடையே நாளொன்றுக்கு கிட்டத்தட்ட 16 மணித்தியாலங்கள் வேலை செய்கின்றாள். கணவனின் தேவைகளைப் பூர்த்தி செய்கின்றாள். பிள்ளைகளின் தேவைகளைப் பூர்த்தி செய்கின்றாள். வீட்டு வேலைகளையும் நிறைவு செய்கின்றாள்.

ஒரு பன்முக தோற்றத்தையுடையவளாக அவள் இன்று திகழ்கின்றாள். அவ்வாறான பெண் தான் கடமைபுரியும் இடத்தில் போதிய பாதுகாப்புடன் வலம்வர அனுமதிக்கப்பட வேண்டும் என குறிப்பிட்டுள்ளார்.