WELCOME TO PANNAGAM.COM & PTV

பண்ணாகம் இணையம்

News-1

யாழ்.நகர் பகுதியில் தனியார் காணிகளில் உள்ள இராணுவத்தி னரை யாழ்.கோட்டைக்குள் அனுப் பிவிட்டு தனியாரிடம் அவர்களது காணிகளை கொடுப்பதற்கான நட வடிக்கையை மேற்கொள்ளுமாறு ஜனாதிபதி மைத்திரிபால
சிறிசேனவுக்கு கடிதம் அனுப்பியுள்ள தாக வடமாகாண ஆளுநர் ரெஜினோல்ட் கூரே தெரிவித்துள்ளார். 

நேற்று ஆளுநர் அலுவலகத்தில் இடம் பெற்ற ஊடகவியலாளர் சந்திப்பின் போது, குடாநாட்டில் உள்ள தனியார் காணி விடுவி ப்பு தொடர்பாக ஊடகவியலாளர்களால் கேட் கப்பட்ட கேள்விக்கு பதில் அளிக்கும் போதே மேற்கண்டவாறு தெரிவித்தார். 
இது தொடர்பில் அவர் மேலும் தெரிவிக் கையில்,
யாழ் நகர்ப்பகுதியில் தனியார் காணிக ளில் நிலைகொண்டுள்ள இராணுவத்தி னரை யாழ். கோட்டைக்குள் அனுப்பிவிட்டு தனியார் காணிகளை உரியவர்களிடம் ஒப்ப டைக்கலாம். பொது காணியாக இருந்தால் அதை பொதுமக்கள் சேவைக்கு பயன்படுத்த முடியும் என தெரிவித்தார். 
அப்போது, கோட்டை ஒரு சுற்றுலாத் தளம் என்றும் அது தொல்பொருள் திணைக் களத்துக்குரியது. அதில் எவ்வாறு இராணு வத்தினர் நிலைகொள்ளமுடியும் என ஊட கவியலாளர்களால் கேட்கப்பட்ட போது, 
கடந்த ஆங்கிலேயர் ஆட்சியில், அதாவது  பிரிட்டிஷ், டச்சு, ஒல்லாந்தர் ஆட்சிக்காலத் தில் அங்கு இராணுவத்தினர் இருந்தார்கள், புலிகளும் இருந்தார்கள். அந்த நேரம் தொல் பொருள் திணைக்களம் எங்கு போனது?  அப்போது இது தொடர்பில் யாரும் கேள்வி எழுப்பவில்லை தானே. இப்போது ஏன் கேட்க வேண்டும் என ஆவேசமாக தெரிவித்தார். 
அப்போது, தற்போது யுத்தம் இல்லை என் றும், வன்னியில் பொதுமக்களின் காணி களை தொல்பொருள் திணைக்களத்தினர் அடாத்தாக கைப்பற்றி வருகிறார்கள், அது தொடர்பில் நீங்கள் என்ன கூறுகிறீர்கள் என கேட்ட போது,

யுத்தம் இல்லாததால் தான் சுத்தம் செய் வதற்கு இராணுவத்தினர் இங்கு உள்ளார்கள்.  
வன்னியில் தொல்பொருள் திணைக்கள த்தினர் பொதுமக்களின் காணிகளை கைப்ப ற்றுவது தொடர்பில் எனக்கு எதுவும் தெரி யாது. நீங்கள் கேட்டவுடன் நேரடியாக பதில் கொடுக்க நான் கடவுள் இல்லை எனவும் தெரிவித்தார்.   

தமிழ் மக்களுக்கும், நாட்டின் அனைத்து மக்களுக்கும் நன்மை அளிக்கும் வகையில், அரசாங்கம் சமர்ப்பித்துள்ள வரவு,செலவுத் திட்டம் அமைந்திருப்பதாக,  தமிழ்த் தேசியக் கூட்டமைப்பின் தலைவரும், எதிர்க்கட்சித் தலைவருமான இரா.சம்பந்தன் தெரிவித்துள்ளார்.

சிறிலங்கா நாடாளுமன்றத்தில் நேற்று நிதியமைச்சர் மங்கள சமரவீரவினால் சமர்ப்பிக்கப்பட்ட வரவுசெலவுத் திட்டம் தொடர்பாக கருத்து வெளியிட்டுள்ள அவர்,

“யுத்தத்தினால் பாதிக்கப்பட்ட மக்கள் உள்ளிட்ட தமிழ் மக்களின் தேவைகள் மற்றும் அனைத்து மக்களுக்கும் நன்மை அளிக்கும் வகையில் அரசாங்கம் வரவு, செலவுத் திட்டத்தை தயாரித்திருக்கிறது.

அரசாங்கம் முன்வைத்துள்ள இந்த வரவுசெலவுத்திட்டத்தில் உள்ளடக்கங்களை ஆழமாக அவதானிக்க வேண்டியுள்ளது.“ என்றும் அவர் குறிப்பிட்டுள்ளார்.

அதேவேளை, அரசாங்கத்தினால் முன்வைக்கப்பட்டுள்ள வரவு செலவுத்திட்டம், தமிழ் மக்களுக்கு ஓரளவு நன்மை பயக்கும் வகையில் அமைந்திருப்பதாகவும், இதனை முழுமையாக நடைமுறைப்படுத்துவதன் மூலமே அதன் பயனை மக்கள் பெற்றுக் கொள்ள முடியும் என்றும் தமிழ்த் தேசியக் கூட்டமைப்பின் ஊடகப் பேச்சாளர் எம்.ஏ.சுமந்திரன் தெரிவித்தார்.

“நல்லிணக்கத்தினை கட்டியெழுப்புவது உள்ளிட்ட விடயங்களில் கூட்டமைப்பு முன்வைத்திருந்த யோசனைகள் உள்வாங்கப்பட்டுள்ளன.

முன்னாள் போராளிகளுக்கான மறுவாழ்வு, வேலைவாய்ப்பு, மாற்றுதிறனாளி பெண்களுக்கான வீடுகள், கணவனை இழந்த பெண்களுக்கான தேவைகள், இளைஞர்களுக்கான வேலைவாய்ப்பினை கருத்திற்கொண்டு அவற்றுக்கான முதலீடுகள் பரிந்துரைக்கப்பட்டுள்ளன.

அரசாங்கம் முன்வைத்துள்ள இந்த யோசனைகள் தமிழ் மக்களுக்கு ஓரளவு பயனளிக்கும் வகையில் அமைந்திருப்பதுடன், இவற்றை முழுமையாக நடைமுறைப்படுத்த அரசாங்கம் நடவடிக்கை எடுக்க வேண்டும்” என்றும் அவர் வலியுறுத்தினார்.

இலங்கையின் உள்ளூராட்சி மன்றங்களுக்கான தேர்தல், எதிர்வரும் ஜனவரி மாதம் என அறிவிக்கப்பட்டுள்ள நிலையில் அதற்குரிய வேட்புமனுத் தாக்கல்களினை எதிர்வரும் 27ஆம் திகதியிலிருந்து மேற்கொள்ளமுடியும் என தேர்தல்கள் ஆணையகம் தீர்மானித்துள்ளது.

அந்த வகையில் 27, 28, 29, ஆகிய தினங்களினும் 30ஆம் திகதி பிற்பகல் வரையிலும் குறித்த வேட்பு மனுக்கள் ஏற்றுக்கொள்ளப்படும் என்று குறிப்பிடப்பட்டுள்ளது.

உள்ளூராட்சி தேர்தல் தொடர்பான அறிவிப்பினை வெளியிடும் வர்த்தமானி அறிக்கையில் கடந்த முதலாம் திகதி அமைசர் பைசர் முஸ்தபா கையெழுத்திட்டிருந்தமை தெரிந்ததே.

இதற்கமைவாகவே எதிர்வரும் 27ஆம் திகதி தொடக்கம் 30ஆம் திகதி மதியம் வரை வேட்புமனுக்கள் ஏற்றுக்கொள்ளப்படும் என குறிப்பிடப்பட்டுள்ளது.

திருகோணமலை இயற்கை துறைமுகப்பகுதிகளை பெறுவதில் ஜப்பானுக்கும், இந்தியாவிற்கும் போட்டிநிலை உருவாகியிருப்பதாக ஸ்ரீலங்கா பிரதமர் ரணில் விக்கிரமசிங்க தெரிவித்துள்ளார்.

இயற்கை துறைமுகத்தை வழங்கும் தீர்மானம் இதுவரை எட்டப்படாதுள்ள நிலையில் இந்தியாவுக்கு திருகோணமலை எண்ணெய் கிணறுகளை வழங்கும் இணக்கப்பாடு மட்டுமே எடுக்கப்பட்டிருப்பதாக ஸ்ரீலங்கா பிரதமர் மேலும் கூறினார்.

ஸ்ரீலங்கா பிரதமர் ரணில் விக்கிரமசிங்க ஏற்பாடு செய்த ஊடகவியலாளர் சந்திப்பு கொழும்பிலுள்ள ஐக்கிய தேசியக் கட்சியின் தலைமையகமான ஸ்ரீகொத்தவில் இன்றைய தினம் முற்பகல் நடைபெற்றது.

இதன்போது கலந்துகொண்ட பிரதமர் ரணில் விக்கிரமசிங்கவிடம் திருகோணமலை எண்ணெய் கிணறு விவகாரம் மற்றும் இயற்கை துறைமுகம் தொடர்பில் ஊடகவியலாளர்கள் கேள்வி எழுப்பினர்.

இதற்கு பதிலளித்த பிரதமர் ரணில் விக்கிரமசிங்க “இந்தியாவிற்கு திருகோணமலை துறைமுகத்தை வழங்கும் தேவைப்பாடு எமக்கில்லை. அந்த துறைமுகத்தில் இடமாற்றம் மற்றும் பொருட்கள் களஞ்சியப்படுத்தல் போன்ற வணிக அபிவிருத்தி சந்தர்ப்பங்களை வழங்க முடியும். எண்ணெய் கிணறுகள் தொடர்பில்தான் இப்போது தீர்மானம் எடுத்திருக்கின்றோம். வேறு கிணறுகளை அமைப்பது குறித்து இன்னும் சில நாடுகள் பேச்சு நடத்தினால் அதுகுறித்தும் பரிசீலிக்க முடியும். ஆனால் வங்காள விரிகுடா வலய நாடுகள் அபிவிருத்தியடைந்தால் தான் திருகோணமலையும் அபிவிருத்தியடையும். இந்தியாவிலிருந்து திருகோணமலை துறைமுகத்திற்கு பொருட்களைக் கொண்டுவந்து மீண்டும் வேறு நாடுகளுக்கு கொண்டுசெல்ல தயார் என்றால் அதற்கான சந்தர்ப்பம் அளிப்பதில் பிரச்சினையில்லை. ஆனால் திருகோணமலை எண்ணெய் கிணறுகள் தொடர்பான இணக்கப்பாடு மட்டுமே இப்போது எட்டப்பட்டுள்ளது. திருகோணமலை இயற்கை துறைமுகத்தை வழங்குமாறு ஜப்பான் கேட்டிருக்கிறது. சிங்கப்பூர் இனி கேட்கலாம். எனினும் தற்போதைக்கு எண்ணெய்க் கிணறுகள் தொடர்பில்தான் இணக்கப்பாடு எட்டப்பட்டிருப்பதை தெரிவித்துக் கொள்கின்றேன்“ என்றார்.

இலங்கைக்கு இறக்குமதி செய்யப்பட்ட ஒரு தொகை அரிசியை நாடு முழுவதுமுள்ள லங்கா சதொச விற்பனை நிலையத்திற்கு விநியோகிக்கும் நடவடிக்கைகள் ஆரம்பமாகியுள்ளன.

இந்தியாவிலிருந்து  இறக்குமதி செய்யப்பட்டுள்ள ஒரு இலட்சம் மெற்றிக் தொன் நாட்டரிசியில், 10,000 மெற்றிக் தொன் அரசி இதுவரை விநியோகிக்கப்பட்டுள்ளதாக கைத்தொழில் மற்றும் வணிக அமைச்சு தெரிவித்துள்ளது.

இவ்வாறு இறக்குமதி செய்யப்பட்ட நாட்டரிசியை,  லங்கா சதொச ஊடாக,  நுகர்வோர் 74 ரூபாவிற்கு கொள்வனவு செய்ய முடியும் என அமைச்சு சுட்டிக்காட்டியுள்ளது.

இதேவேளை, கிராம மக்களுக்கு  குறைந்த விலையில் அரிசியை விற்பனை செய்வதற்கான விசேட வேலைத்திட்டமொன்றை   முன்னெடுத்துள்ளதாக சதொச தலைவர் டி.எம்.கே.பி தென்னகோன் தெரிவித்துள்ளார்.


உள்ளூராட்சித் தேர்தலில் போட்டியிடும் அரசியல் கட்சிகள், சுயேட்சைக் குழுக்களின் வேட்பாளர் பட்டியலில் 25 வீதம் பெண்களுக்கு ஒதுக்கப்பட்டுள்ளதால், பிரதான அரசியல் கட்சிகள் பெண் வேட்பாளர்களைத் தேடி அலையத் தொடங்கியுள்ளன.

எதிர்வரும் ஜனவரி மாதம் 335 உள்ளூராட்சி சபைகளுக்குமான தேர்தல்கள் நடத்தப்படவுள்ளன. இதற்கான ஏற்பாடுகளில் தேர்தல்கள் ஆணைக்குழு இறங்கியுள்ளது.

புதிய உள்ளூராட்சித் தேர்தல் சட்டங்களின் படி, உள்ளூராட்சித் தேர்தலில் போட்டியிடும் அரசியல் கட்சிகள், குழுக்களின் பட்டியல் 25 வீதம் பெண் வேட்பாளர்களை உள்ளடக்கியதாக இருக்க வேண்டும். அவ்வாறு இல்லாத வேட்புமனுக்கள் நிராகரிக்கப்படும்.

அத்துடன் புதிய தேர்தல்முறையின் படி, 60 வீதமான உறுப்பினர்கள்  நேரடியாகவும், 40 வீதமான உறுப்பினர்கள் விகிதாசாரப் பிரதிநிதித்துவ முறையின் கீழும் தெரிவு செய்யப்படவுள்ளனர்.

25 வீதம் பெண் வேட்பாளர்களை நிறுத்த வேண்டும் என்ற விதிமுறை முதல்முறையாக அறிமுகப்படுத்தப்பட்டுள்ள நிலையில், அரசியல் கட்சிகள் பொருத்தமான பெண் வேட்பாளர்களை தேடத் தொடங்கியுள்ளன.

சபை ஒன்றில் 25 வீதமான பெண் வேட்பாளர்கள் நேரடியாகத் தெரிவு செய்யப்படாவிடின், அங்கு 25 வீத பிரதிநிதித்துவத்தை உறுதி செய்யும் வகையில், விகிதாசாரப் பிரதிநிதித்துவ முறையின் கீழ் குறிப்பிட்ட கட்சியில் இருந்து பெண் வேட்பாளர்களை நியமிக்குமாறு கோரப்படும்.

சபை ஒன்றின் அனைத்து அரசியல் கட்சிகளும் பெற்ற வாக்குகளும் கணக்கிடப்பட்டு, விகிதாசாரப் பிரதிநிதித்துவ முறையில் நியமனங்கள் மேற்கொள்ளப்படும். என்றும் தேர்தல் ஆணையத் தகவல்கள் தெரிவிக்கின்றன.

சிறிலங்கா அரசியலில் பெண்களின் பங்களிப்பும், ஆர்வமும் குறைவாக உள்ள நிலையில், பெண் வேட்பாளர்களை தெரிவு செய்வதற்காக பிரதான அரசியல் கட்சிகள் மத்தியில் கடும் போட்டி ஏற்பட்டுள்ளது.

உண்மையை ஊக்குவித்தல், நீதி, இழப்பீடு, மற்றும் மீள நிகழாமையை உறுதிப்படுத்தல் தொடர்பான ஐ.நாவின் சிறப்பு அறிக்கையாளர் பப்லோ டி கிரெய்ப் நாளை மறுநாள் யாழ்ப்பாணத்தில் பொது அமர்வு ஒன்றில் பங்கேற்கவுள்ளார்.

ஐ.நாவின் சிறப்பு அறிக்கையாளர் பப்லோ டி கிரெய்ப் 13 நாட்கள் பயணமாக, நேற்று சிறிலங்காவை வந்தடைந்துள்ளார்.

இவர் சிறிலங்காவின் நிலைமைகள் தொடர்பாக மீளாய்வு செய்து, ஐ.நா மனித உரிமைகள் பேரவையில் அறிக்கை ஒன்றை சமர்ப்பிக்கவுள்ளார்.

ஐ.நாவின் சிறப்பு அறிக்கையாளர் பப்லோ டி கிரெய்ப் நாளை மறுநாள் யாழ்ப்பாணத்துக்குச் செல்லத் திட்டமிட்டுள்ளார். அங்கு அவர், பொது அமர்வு ஒன்றில் உரையாற்றவுள்ளார் என்று தகவல்கள் தெரிவிக்கின்றன.

சிறிலங்காவில் தங்கியிருக்கும் போது, இவர் பல்வேறு தரப்புகளையும் சந்தித்து கருத்துக்களைக் கேட்டறிந்து கொள்ளவுள்ளார் .

அமெரிக்காவின் லாஸ் வேகஸ் நகரில் உள்ள மாண்டலே பே ஹோட்டல் அருகே பலத்த துப்பாக்கிச் சூட்டில் 58 பேர் கொல்லப்பட்டனர். 515 பேர் காயமடைந்தனர்.

மாண்டலே பே சூதாட்ட விடுதியின் 32-வது மாடியில் இருந்து துப்பாக்கி சூடு நடத்தப்பட்டதாக இந்த சம்பவத்தை நேரில் கண்ட சாட்சிகள் தெரிவித்துள்ளனர்.

மண்டலே பே விடுதியில் நடைபெற்று வந்த ஒரு திறந்த வெளி இசை நிகழ்ச்சியில் கலந்துகொண்டவர்கள் மீது இந்தத் தாக்குதல் நடத்தப்பட்டது.

அந்தத் தாக்குதலில் ஈடுபட்ட நபர், 64 வயதுடைய ஸ்டீஃபன் பேடக் என்றும், உள்ளூரைச் சேர்ந்த அந்த நபரை போலீஸ் அதிகாரிகள் சுட்டுக்கொன்றதாகவும் போலீசார் தெரிவித்தனர்.

இந்த துப்பாக்கி சூடு தொடர்பாக அடையாளம் காணப்பட்ட உள்ளூர்வாசியான சந்தேக நபர் போலீஸ் அதிகாரிகளால் சுட்டுக் கொல்லப்பட்டதாக காவல்துறை தெரிவித்துள்ளது.

அமெரிக்க நேரப்படி இரவு 10.30 மணிக்கு நடந்த இந்த துப்பாக்கி சூட்டில் 58 பேர் உயிரிழந்திருப்பதாக போலீசார் தெரிவித்தனர். இதில், இரண்டு போலீஸ் அதிகாரிகளும் அடங்குவர்.

இந்த துப்பாக்கி சூடு சம்பவத்தில் 515 பேர் காயமடைந்து சிகிச்சை பெற்று வருவதாக ஒரு மருத்துவமனை பேச்சாளர் அமெரிக்க ஊடகத்தில் தெரிவித்தார்.

தாக்குதலில் ஈடுபட்ட நபருடன் வந்த ஒருவரை போலீசார் தேடி வருகின்றனர்.

நூற்றுக்கணக்கான முறை துப்பாக்கியால் சுடப்பட்டதாக நேரில் பார்த்தவர்கள் தெரிவித்தனர். அது, வீடியோ கேம்களில் ஆடப்படும் விளையாட்டில் தானியங்கி துப்பாக்கியால் சுடுவதைப் போன்ற காட்சிகள் இடம் பெற்றதாக தெரிவித்தனர்.

சம்பவம் நடக்கும்போது, அங்கிருந்து நூற்றுக்கணக்கானவர்கள் தப்பியோடினார்கள்.

சம்பவம் நடந்த இடத்துக்கு அருகில் இருந்த ஹோட்டல்கள் போலீஸ் பாதுகாப்புக்குள் கொண்டுவரப்பட்டுள்ளன. தப்பியோடிய மக்கள் அந்தக் கட்டடங்களில் தஞ்சம் புகுந்துள்ளனர்.

தாக்குதல் நடந்த ஹோட்டலைச் சுற்றி...லாஸ் வேகஸில் இருக்கும் லண்டனைச் சேர்ந்த மைக் தாம்ஸன் இதுபற்றிக் கூறும்போது, ஒருவர் தன் உடல் முழுவதும் ரத்தம் சொட்டச் சொட்ட ஓடியபோதுதான் ஏதோ ஒரு சம்பவம் நடந்திருப்பதைத் தெரிந்து கொண்டேன் என்று தெரிவித்தார்.
32 ஆண்டுகளாக ..தொடர்ந்து .. கல்வித்தெய்வம் சரஸ்வதிக்கு விழாவெடுத்து,குழந்தைகளின் கலையார்வத்தையும்,சமய அறிவையும் வளர்த்து வந்திருக்கிறது எசன் நுண்கலைக்கல்லூரி மற்றும் எசன் அறநெறிப்பாடசாலை.300 க்குமதிகமான மாணவர்கள் இன்று பல்கலைக்கழகங்களில் தமது உயர்கல்வியைத் தொடர்கிறார்கள்.
அவர்களை நல்நெறியில் வழிநடத்திச் சென்றதில் அதற்கு பெரும் பங்கு உண்டு. எதிர்வரும் 30.9.2017 அன்று 32 ஆவது வாணிவிழா கலைமாலை.எசன் வாழ் மாணவ மாணவிகள் மட்டுமல்லாது நூற்றுக்கணக்கான மைல்களுக்கப்பால் இருந்தும் பல மாணவர்கள் வருகைதந்து கலைகளைப் படிக்கிறார்கள். இதையறிந்த மாநில LANDES MUSIC ACADEMY NRW யினால், கலைப்பரீட்சையும், சான்றி்தழ்களும் அங்கீகரிக்கப்பட்டுள்ளதானது 32 ஆண்டுகள் கலைப்பணிக்குக் கிடைத்த பலன்.ஒத்துழைத்த ......அனைவருக்கும் மிக்க நன்றிகள்.30.9.2017 விழாவில் பல அற்புதமான நம்மவர் நிகழ்வுகளுடன் , தமிழக கலைஞ்ர்கள் , கிற்றர் சய்லு , சங்கீதமணி திவ்ஜாகுரு ஆகியோரின் கச்சேரிக்கு எமது கல்லூரி கலைஞர்களே பக்கவாத்தியம் வாசிக்கிறார்கள்.. கட்டணமில்லை அனைவரும் வருகைதந்து பிள்ளைகளை ஊக்குவியுங்கள்.நன்றிகள்.
இந்திய அரசாங்கத்திடம் ஐந்து அம்சக் கோரிக்கைகளை முன் வைத்து 12 நாட்கள் உண்ணாவிரதம் இருந்து வீரச்சாவடைந்த லெப். கேணல் தியாக தீபம் திலீபனின் நினைவுநாள் தாயக மண்ணிலும் புலம்பெயர் தேசங்களிலும் நேற்று மிகவும் உணர்வெழுச்சியுடன் ஆரம்பமாகியுள்ளது.

இந்திய அரசிடம் ஐந்து கோரிக் கையை முன்வைத்து  திலீபன் நேற்றைய தினம் உண்ணாவிரத த்தை ஆரம்பித்த நாளாகும். இந்த நாளில் அவரது தியாகத்தை நினைவு கூரும் வகையில் தமிழர் தாயகம் எங்கும் நினைவேந்தல் நிகழ்வுகள் நடைபெற்றுள்ளன.  

இந்த நிலையில் தான் உலக தமிழ் இளைஞர்களுக்கும் அகிம்சை போராட்டத்திற்கும் எடுத்துக்காட்டாக வும் உள்ள திலீபனின் உண்ணா விரத ஆரம்ப தினமான நேற்று தமிழர் தாயகமெங்கும் நினைவு கூரப்பட்டுள்ளது. 

இந்த நிகழ்வுகள் பிரதானமாக யாழ்.பல்கலைக்கழக மாணவர்களால் உணர்ச்சி பூர்வ மாக நடைபெற்றிருந்தன. 


இதில் நூற்றுக்கணக்கான மாணவர்கள் கலந்து கொண்டு திலீபனுக்கு அஞ்சலி செலுத்தி யிருந்தனர். முன்னதாக காலை 10 மணியள வில் ஆரம்பமாகிய இந்த நிகழ்வுகளில்,


திலீபனின் பாடல் இசைக்க விடப்பட்டு மாணவர்கள் ஒவ்வொருவராக அஞ்சலி செலு த்தியிருந்தனர். 

இதே போன்று நல்லூரில் இடித்து அழிக்கப்பட்டுள்ள நினைவு தூபியி லும் தமிழ்த் தேசிய மக்கள் முன்னணி மற் றும் ஜனநாயக போராளிகள் கட்சியினர் ஆகி யோரது ஏற்பாட்டில் நிகழ்வுகள் நடைபெற்றன. 

இந்த நிகழ்வுகளில் தமிழ்த்தேசிய மக் கள் முன்னணியின் செயலாளர் செல்வராஜா கஜேந்திரன் மற்றும் முன்னாள் போராளிகள், அவர்களின் குடும்ப உறுப்பினர்கள் எனப்பலரும் கலந்து கொண்டிருந்தனர். 


இதே போன்று முல்லைத்தீவு, மன்னார், வவுனியா, மட்டக்களப்பு, அம்பாறை மற்றும் புலம்பெயர் தேசங்களான இந்தியா, ஐரோப் பிய நாடுகளிலும் நினைவு நிகழ்வுகள் எழு ச்சியுடன் ஆரம்பமாகியுள்ளன.

இதேவேளை யாழ்.பல்கலையில் நேற்றைய தினம் ஆர ம்பமாகிய நினைவு தினம் எதிர்வரும் 26 ஆம் திகதிவரை ஒவ்வொரு நாளும் காலை எட்டு மணிமுதல் பத்து மணிவரையிலான இரண்டு மணித்தியாலங்கள் அஞ்சலி நிக ழ்வுகள் நடைபெறும் என மாணவர் ஒன்றிய தலைவர் அறிவித்துள்ளார். 


திலீபன் தமிழீழ விடுதலைப் புலிகளின் ஒரு ஆரம்பக்கால உறுப்பினரும் முக்கிய உறு ப்பினராகவும் இருந்தவராவார். 

இவர் யாழ்ப் பாணம், ஊரெழு எனும் ஊரைச் சேர்ந்த வர். இவரின் மறைவின் பின்னர் தமிழீழ விடுதலைப் புலிகள் அமைப்பில் லெப்டினன்ட் கேணல் திலீபன் எனும் நிலை வழங்கப்ப ட்டது.

இந்திய அமைதிப் படையினரிடம் ஐந்து கோரிக்கைகளை முன்வைத்து அகிம்சை வழியில் சொட்டு நீரும் அருந்தா உண்ணா விரதம் இருந்து, அக்கோரிக்கைகள் நிறை வேற்றப்படா சமயம் உறுதியுடன் அவ் உண்ணா விரதத்தில் உயிர்துறந்தவர். 

இவரை இந்திய அரசு இறக்க விட்டது தமிழீழ விடுதலைப் புலிகளுக்கும் இந்திய இராணுவத்துக்கு மிடையே பின்னர் ஏற்பட்ட போருக்கு இது ஒரு முக்கிய காரணம் என தெரிவிக்கப்படு கின்றது.

1987 செப்டெம்பர் 15ஆம் திகதி ஐந்து அம் சக் கோரிக்கையை முன்வைத்து உண்ணா விரதத்தை ஆரம்பித்தார்.1987ஆம் ஆண்டு செப்டெம்பர் 26ஆம் திகதி சனிக்கிழமை காலை 10.48 மணிக்கு லெப்டினன்ட் கேண லாக, யாழ்.மாவட்ட அரசியல் துறைப் பொறுப் பாளராக இருந்த திலீபன் மரணம் எய்தினார்.
ஐந்து அம்சக் கோரிக்கை வருமாறு,

1.மீளக்குடியமர்தல் என்ற பெயரில் வட க்கிலும் கிழக்கிலும் புதிதாக திட்டமிடும் குடியே ற்றங்களைத் தடுத்து நிறுத்தவேண்டும்.

2.சிறைக் கூடங்களிலும் இராணுவ பொலிஸ் தடுப்பு முகாம்களிலும் தடுத்து வைக்க ப்பட்டுள்ள தமிழ் அரசியல் கைதிகள் யாவ ரும் விடுதலை செய்யப்படவேண்டும்.

3.அவசரகாலச் சட்டம் முழுமையாக நீக்கப் படவேண்டும்.

4.ஊர்காவல் படையினருக்கு வழங்கப் பட்ட ஆயுதங்கள் முற்றாகக் களையப்பட வேண்டும்.

5.தமிழர் பிரதேசங்களில் புதிதாக பொலிஸ் நிலையங்களைத் திறப்பதற்கு மேற்கொள்ள ப்படும்

நடவடிக்கைகள் முற்றாக நிறுத்தப்பட வேண்டும் என்ற கோரிக்கைக்களை திலீபன் முன்வைத்திருந்தமை குறிப்பிடத்தக்கது.


2017-ம் ஆண்டு நல்லூர் உற்ச வத்தின் போது கடைகள், விளம்பர பதாகை, சித்த மருத்து விற்பனை, சஞ்சிகை விற்பனை, சேதன பசளை விற்பனை மற்றும் நன்கொடை மூலம் மாநகரசபைக்கு கிடைக்கப் பெற்ற மொத்த வருமானம் VAT, NBT உட்பட 2கோடி 5 இலட்சத்து 80 ஆயிரத்து 880 ரூபாய் 94 சதம் ஆகும்.


உற்சவத்தின் போது வழங்கு பொருட்கள், பயன்பாட்டுச் சேவைகளிற்கான கொடுப்பனவு, மேலதிக நேரக் கொடுப்பனவு உட்பட மொத்தமாக ரூபா 68 இலட்சத்து 37 ஆயிரத்து 717.63 செலவு செய்யப்பட்டுள்ளது. 

செல விலும் கூடிய வருமானமாக ரூபா ஒரு கோடி 37இலட்சத்து 43ஆயிரத்து 163ரூபாய் 31 சதமாகவும்;

காணப்படுகின்றது. நல்லூர் உற்சவத்தின் போது வெளிவீதி கண்காணிப்பிற்காக 13 இலட்சத்து 60 ஆயிரத்து 92 ரூபாவுக்கு சீ.சீ.ரி.வி கமரா கொள்வனவு செய்யப்பட்டது எனவும் சென்ற வருடத்துடன் ஒப்பிடும் போது வருமானமானது இந்த வருடம் ரூபா.1, 290, 205.41ஆல் அதிகரித்து காண ப்படுகிறது. 

இது சென்ற வருடத்துடன் ஒப்பி டும் போது 6.7% அதிகரிப்பாகும். செலவா னது ரூபா.719.599.15 ஆல் குறைவடைந் துள்ளது. 

சென்ற வருடத்துடன் ஒப்பிடும் போது செலவினமானது 9.5%ஆல் குறை வடைந்துள்ளது. செலவிலும் கூடிய வருமான மானது நகர அபிவிருத்திக்கும், இதர சேவை வழங்கலுக்கும் பயன்படுத்தப்படும்.

நல்லூர் உற்சவத்தின் போது சகல கடை களும் பத்திரிகை வாயிலாக கேள்வி கோரியே வழங்கப்பட்டது.
சகல கடைகளுக்குமான குறைந்த பட்ச கேள்வித் தொகை சென்ற வருடத்தில் நிர்ணயிக்கப்பட்ட விலையே இவ் ஆண்டிற்கும் அடிப்படை விலையாக நிர்ண யிக்கப்பட்டது. 

குறிப்பாக கச்சான் கடை மற்றும் இனிப்புக் கடைகளிற்கு இவ்வாண்டு எவ்வித அதிகரிப்பும் மேற்கொள்ளப்படவில்லை. 

எனினும் கேள்விதாரர்களிடையேயான போட்டி காரணமாக கேள்விதாரர்களால் கூடிய கேள்வித் தொகையே குறிப்பிடப்பட்டமையினால் உயர்ந்த தொகை குறிப்பிட்ட கேள்வி தாரரு க்கு வழங்கப்பட்டன என யாழ்.மாநகர சபை ஆணையாளர் பொ.வாகீசன் தெரிவித்துள் ளார்.                                
xt

 இலங்கை இராணுவத்தின் முன்னாள் தளபதிகள் இடையிலான கருத்து மோதல்களைப் பார்க்கும் போது தெளிவாகவே தெரிகின்றது.பொதுமக்களுக்கு எந்த இழப்புகளும் இல்லாத போர் என்று வெளி உலகுக்குப் பறை சாற்றப்பட்டு நடத்தப்பட்ட போரில் மனிதப் படுகொலைகள் நிகழ்த்தப்பட்டன என்கிற உண்மை சற்றே கசிந்திருக்கிறது.

இராணுவத்தின் முன்னாள் தளபதியான லெப்டினன்ட் ஜெனரல் ஜெகத் ஜயசூரியவின் மீது போர்க்குற்ற வழக்கு பிரேசில் நாட்டில் தாக்கல் செய்யப்பட்டமையே குட்டையில் எறிந்த கல்லாகி விட்டது.

அதைத் தொடர்ந்து அந்தப் போருக்குக் கட்டளையிட்டவர் பொன்சேகா தான், அவரிடம் தான் விசாரணை நடத்தப்பட வேண்டும் என்று ஜெகத் ஜயசூரிய சொல்லப்போக, அதனால் கோபமடைந்த சரத் பொன்சேகா ஜெகத் ஜெயசூரிய ஒரு போர்க் குற்றவாளிதான் என்று உண்மையைப் போட்டு உடைத்திருக்கிறார்.

இறுதிப் போரின் போது வன்னியில் போர்க் குற்றங்கள் நிகழ்த்தப்பட்டன என்று தமிழர் தரப்பு தொடர்ந்து வலியுறுத்தி வருகின்றது. அதனால்தான் போர்க் குற்றம் தொடர்பில் பன்னாட்டு விசாரணை ஒன்று வேண்டும் என்றும் வலியுறுத்தி வருகின்றனர்.

ஆனால், அரசோ போர்க்குற்றங்கள் எவையும் நிகழவில்லை என்றும், அப்படி படையினர் எவராவது குற்றங்களைச் செய்திருந்தால் அவர்கள் தண்டிக்கப்படுவார்கள் என்றும் கூறிக் கொண்டிருக்கின்றது.

ஐக்கிய நாடுகள் சபையின் பொதுச் செயலாளரால் நியமிக்கப் பட்ட வல்லுநர்கள் குழு மற்றும் ஐ.நா. மனித உரிமைகள் சபை என்பவை இறுதிப் போரில் 40 ஆயிரம் முதல் 70 ஆயிரம் பேர் வரையிலானோர் கொல்லப்பட்டார்கள் என்று அறிவித்த பின்னரும் போர்க் குற்றங்கள் நிகழவில்லை என்பதை அரசு திரும்பத் திரும்பக் கூறி வருகின்றது.

ஆனால் உயிரிழப்பு இதைவிட அதிகமாக இருக்கலாம் என்று உள்ளுர் மனித உரிமைக் குழுக்கள் கூறுகின்றன.

இலங்கையில் போர்க் குற்றங்கள் நிகழ்ந்தன என்று கூறுவதற்கான நம்பகரமான ஆதாரங்கள் இருக்கின்றன என்று ஐ.நா. அறிக்கைகளில் குறிப்பிடப்பட்டுள்ளது.

அத்தகைய நிலை யிலும் கொழும்பில் மாறி மாறி ஆட்சியிலிருக்கும் அரசுகள் இந்தக் குற்றச்சாட்டுக்களை மறுத்துள்ளன.

இப்போது போரை நடத்திய இராணுவத் தளபதியே தன் கீழ் பணியாற்றிய அதிகாரி ஒருவர் படுகொலைகளுடன் தொடர்புடைய குற்றங்களில் ஈடுபட்டார் என்பது தனக்குத் தெரிந்திருந்தது என்று கூறுகின்றார். பீல்ட் மார்ஷல் சரத் பொன்சேகாவே இதனைத் தெரிவித்திருக்கிறார்.

இறுதிப் போரில் கைது செய்யப்படுபவர்களின் விவகாரங்க ளைக் கையாண்டவர் லெப்டினன்ட் ஜெனரல் ஜெகத் ஜயசூரியவே என்றும், அப்படிக் கைது செய்யப்பட்டவர்கள் விடயத்தில் சில குற்றங்கள் அவரால் இழைக்கப்பட்ட தகவல்கள் தனக்குக் கிடைத்தன என்றும், அது தொடர்பாகத் தான் விசாரணைகளை முன்னெடுக்க முயன்ற போது தன்னைப் பதவியிலிருந்து அகற்றி விட்டார்கள் என்றும் சரத் பொன்சேகா கூறியிருக்கிறார்.

அந்தக் குற்றங்கள் தொடர்பில் தன்னிடம் தகவல்கள் இருக்கின்றன என்றும், விசாரணைகள் ஆரம்பிக்கப்படுமாயின் அவை குறித்துத் தகவல்களைத் தான் வெளியிடுவார் என்றும் கூட பொன்சேகா தெரிவித்திருக்கிறார்.

போரின் இறுதியில் கைது செய்யப்பட்டவர்களும், சரணடைந்தவர்களும் இலங்கை இராணுவத்தினரால் ஈவு இரக்கமின்றிச் சுட்டுக்கொல்லப்பட்டனர் என்று குற்றச்சாட்டு இருக்கும் நிலையில், பொன்சேகாவின் கருத்து மிக முக்கியமானது.

போர்க்குற்றங்கள் நிகழ்த்தப்பட்டதற்கான ஆதாரங்களை அவர் கொண்டிருக்கிறார் என்பது தெளிவாகின்றது.

பொன்சேகாவின் கருத்தை வெறுமனே நிராகரித்து, போர்க்குற்ற குற்றச்சாட்டுக்களை மறுத்து விடுவதன் மூலமும், ஜெனரல் ஜெகத் ஜயசூரிய குற்றமற்றவர் என்று சொல்வதன் மூலமும் மட்டும் கொழும்பு இந்த விவகாரத்தைக் கடந்து செல்ல முடியாது.

போர்க்குற்றங்களுக்கான ஆதாரங்கள் இப்போது கையிலேயே இருக்கும் நிலையில், நெய்யைத் தேடி அலைய வேண்டியதில்லை.

எனவே போர்க்குற்றச்சாட்டுக்களை விசாரிப்பதற்கான பன்னாட்டு நீதி விசாரணை ஒன்றை இலங்கை அரசு உடனடியாகவே அனுமதிக்க வேண்டும்.

ஆதாரங்கள் இருக்கும் நிலையிலும், உள்ளுர் விசாரணையில் தமிழர்கள் நம்பிக்கையற்று இருக்கும் நிலையிலும் பன்னாட்டு விசாரணைக்கு அரசு விரைந்து அனுமதிக்க வேண்டும்.

தெற்கு அதிவேக நெடுஞ்சாலையில், சிறிலங்கா இராணுவ உயரதிகாரிகள் பயணம் செய்த வாகனம் ஒன்று திடீரெனத் தீப்பிடித்து எரிந்து நாசமானது.

தெற்கு அதிவேக நெடுஞ்சாலையில், கொட்டாவ வெளியேற்றப் பகுதியில் இந்தச் சம்பவம் நேற்றுக்காலை இடம்பெற்றது.

மட்டக்களப்பு கல்லடி இராணுவ முகாமில் இருந்து, பனாகொட இராணுவத் தளத்துக்குச் சென்று கொண்டிருந்த போது இந்த தீ விபத்து ஏற்பட்டது.

இதில் மூன்று சிறிலங்கா இராணுவ அதிகாரிகள் இருந்தனர் என்றும், தீப்பிடித்ததும், அவர்கள் வாகனத்தில் இருந்து குதித்து வெளியேறியதால், காயங்களின்றி உயிர் தப்பியதாகவும் தகவல்கள் தெரிவிக்கின்றன.

எனினும், தீவிபத்து ஏற்பட்டமைக்கான காரணம் தெரியவில்லை. இதுகுறித்த இராணுவ, மற்றும் காவல்துறை விசாரணைகள் ஆரம்பிக்கப்பட்டுள்ளன.

டென்மார்க்கை சேர்ந்த மது தயாரிப்பு நிறுவனமொன்று பிஸ்னர் எனும் புது வகையான மது பானத்தை தயாரித்துள்ளது.

இந்த மது வகையை தயாரிப்பதற்காக ஒரு இசை திருவிழாவில் இருந்து ஐம்பதாயிரம் லிட்டர் சிறுநீர் சேகரிக்கப்பட்டுள்ளதாக தெரிவிக்கப்படுகின்றது.

எனினும், மது தயாரிப்பு நிறுவனமான நோர்ப்ரோ இந்த மது பானத்தில் எந்தவித மனிதக் கழிவுகளும் இல்லை என உறுதியளித்துள்ளது.

‘பிஸ்னர்’ என்று பெயரிடப்பட்டிருக்கும் இந்த மது பானத்தில் பார்லி பயன்படுத்தப்பட்டுள்ளது.

பொதுவாக பார்லி சாகுபடியில், மாட்டுச்சாணம் அல்லது உரத்தொழிற்சாலைகளில் தயாரிக்கப்படும் உரங்களே பயன்படுத்தப்படுகின்ற நிலையில், அதற்கு பதிலாக மனித சிறுநீர் உரமாக பயன்படுத்தப்பட்டுள்ளதாக தெரிவிக்கப்படுகின்றது.

வடக்கு ஐரோப்பாவில் இரண்டு ஆண்டுகளுக்கு முன்பு நடைபெற்ற பிரமாண்டமான இசை திருவிழாவில் இருந்து மனிதர்களின் சிறுநீர் சேகரிக்கப்பட்டுள்ளது.

மனிதக்கழிவுகளை உரமாக பயன்படுத்துவது ஒரு புதிய உத்தி என டென்மார்கின் வேளாண்மை மற்றும் உணவு கவுன்சில் குறிப்பிட்டுள்ளது.

50 ஆயிரம் லிட்டர் சிறுநீர் பயன்படுத்தப்பட்டு விளைவிக்கப்பட்ட பார்லியில் இருந்து அறுபதாயிரம் பீர் பாட்டில்கள் தயாரிக்கப்பட்டுள்ளன. சிறுநீர் பீர் தயாரிக்கும் வழிமுறைகளில் பயன்படுத்துவதற்கு இயந்திரம் இருக்கிறது.

இதேவேளை, சிறுநீரை குடிநீராகவும், உரமாகவும் மாற்றும் இயந்திரத்தை கண்டுபிடித்துள்ளதாக பெல்ஜிய பல்கலைக்கழகத்தின் ஒரு குழு கடந்த ஆண்டே தெரிவித்திருந்த நிலையில், இந்த தொழில்நுட்பம் கிராமப்புற பகுதிகளிலும், வளரும் நாடுகளிலும் பயன்படுத்தப்படுகின்றமை குறிப்பிடத்தக்கது.

பண்ணாகத்தினை சேர்ந்த கௌரவ திருமதி அனந்தி சசிதரன் அவர்கள் வடமாகாணசபையின் மகளிர் விவகாரம், புனர்வாழ்வளித்தல், சமூகசேவைகள், கூட்டுறவு, உணவு வழங்கலும் விநியோகமும், தொழில்துறை, தொழில்முனைவோர் மேம்பாடு அமைச்சராக பதவியேற்றமையை கௌரவிக்கும் முகமாக பண்ணாகம் கிராம அபிவிருத்திச் சங்கத்தினர் நடத்தும் பாராட்டு விழா.

* காலம் - 20.08.2017 ஞாயிற்றுக்கிழமை பி.ப 3.30 மணி
* இடம் - பண்ணாகம் கிராம அபிவிருத்திச்சங்க மண்டபம்
* தலைவர் - திரு த.துரைலிங்கம் அவர்கள் ( சங்க தலைவர் )

நிகழ்ச்சி நிரல்
1) கடவுள் வணக்கம்
2) மங்கள விளக்கேற்றல்
3) மௌன அஞ்சலி
4) வரவேற்புரை - திரு.அ.கிருஷ்ணமூர்த்தி ( சங்க உப தலைவர் )
5) தலைமையுரை
6) பாராட்டு உரைகள்
* கௌரவ த.சித்தார்த்தன் அவர்கள் ( யாழ்.மாவட்ட நாடாளுமன்ற உறுப்பினர் )
* திரு பா.கஜதீபன் அவர்கள் ( வட மாகாண சபை உறுப்பினர் )
* திரு க.கௌரிகாந்தன் அவர்கள்
* திருமதி நாச்சியார் செல்வநாயகம் ( ஓய்வு நிலை விரிவுரையாளர் யாழ்.பல்கலைக்கழகம் )
* திரு ஆ.கனகரட்ணம் அவர்கள் ( ஓய்வுநிலை ஆசிரியர் )
* திரு ஆ.கதிரமலைநாதன் அவர்கள் ( ஓய்வுநிலை திட்டமிடல் பணிப்பாளர் )

7) பதிலுரை - விழா நாயகி ( கௌரவ திருமதி அனந்தி சசிதரன் அவர்கள் )
8) நன்றியுரை - திரு அ.இராமலிங்கம் ( கௌரவ செயலாளர் )
9) கடவுள் வணக்கம்

* அனைவரையும் அன்புக்கரம் நீட்டி அழைக்கின்றோம்.

 அமைச்சர் அனந்தி அவர்கட்கு  பண்ணாகம் இணையம்   www.pannagam.com தனது வாழ்த்துக்களைத் தெரிவிக்கின்றது

கனடாவில் அகதி அந்தஸ்து பெற்ற நிலையில், இலங்கை வந்து சென்ற அகதியின் வழக்கை விசாரிக்க அந்நாட்டு உச்ச நீதிமன்றம் மறுத்துள்ளது.

2012ஆம் ஆண்டு இலங்கைக்கு வந்தவரின் கனேடிய அகதி அந்தஸ்து நீக்கப்படும் நிலை ஏற்பட்டுள்ளது. இது தொடர்பான வழக்கினை விசாரிக்க முடியாதென கனேடிய உச்ச நீதிமன்றம் நேற்றைய தினம் அறிவித்துள்ளது.

Vancouverஇல் நிரந்தர குடியுரிமை பெற்ற நஸ்ரின் அஹமட் மொஹமட் நிலாம் என்பவரே இந்த நிலைமைக்கு முகம் கொடுத்துள்ளார்.

அவர் தனது குடியுரிமை விண்ணப்பத்தை கூட்டாட்சி அரசாங்கம் செயல்படுத்த வேண்டும் என போராடி வருகின்றார்.

அவரது அகதி மற்றும் நிரந்தர குடியுரிமை நிலையை அகற்றலாமா என்பது தொடர்பான முடிவினை இடைநீக்கம் செய்ய வேண்டும் என அவர் குறிப்பிட்டுள்ளார்.

கனடாவில் இருந்து குடியுரிமை நீக்கப்பட்டால் அச்சம் இல்லாமல் தங்கள் சொந்த நாடுகளுக்கு திரும்ப முடியும் என்ற நிலையில் தங்கள் கட்சிக்காரர் உட்பட நூற்றுக்கணக்கான அகதிகள் கனடாவில் உள்ளதாக அவரது வழக்கறிஞர் Douglas Cannon தெரிவித்துள்ளார்.

வழக்கமான நடைமுறை போலவே, உச்ச நீதிமன்றம் இலங்கையரின் மேல்முறையீட்டு மனுவிற்கு எடுத்த தீர்மானத்திற்கான காரணங்களை கூறவில்லை என தெரிவிக்கப்படுகின்றது.

இலங்கையைச் சேர்ந்த நஸ்ரின் அஹமட் மொஹமட் நிலாம் 2008ம் ஆண்டு கனடா சென்று, 2011ம் ஆண்டு அந்நாட்டின் குடியுரிமையை பெற்றுள்ளார்.

இதேவேளை, அவர் 2011ம் ஆண்டிலும், 2012ம் ஆண்டிலும் இரண்டு தடவைகள் இலங்கைக்கு வந்து சென்றுள்ளார்.

இரண்டு தடவைகள் இலங்கை சென்று பாதுகாப்பாக நாடு திரும்பியமையால், அவருக்கு எந்தவித அச்சுறுத்தலும் அங்கு இல்லை என்ற நிலைப்பாட்டை கனேடிய குடிவரவு குடியகல்வு அதிகாரிகள் தீர்மானித்துள்ளனர்.

இதனடிப்படையில் கடந்த 2012ம் ஆண்டு கனடாவின் முன்னாள் அரசாங்கம் ஏற்படுத்திய அகதிகள் சட்டத் திருத்தங்களின் அடிப்படையில், அவரது குடியுரிமையை பறிக்க நடவடிக்கை மேற்கொள்ளப்பட்டது.

அவரது விண்ணப்பம் ஆரம்பத்தில் தள்ளுபடி செய்யப்பட்டது, ஆனால் அவர் புதிய இடைநிறுத்த விசாரணைக்கு காத்திருக்கின்றார்.

இதற்கிடையில், அவர் கனேடிய குடியுரிமைக்கு விண்ணப்பித்தார், ஆனால் இறுதியில் அவரது குடியுரிமை விண்ணப்பம் இடைநிறுத்தப்பட்டு வழக்கின் முடிவு இடைநீக்கம் செய்யப்பட்டது.

கடந்த ஆண்டு, தனது குடியுரிமை விண்ணப்பம் செயல்படுத்தப்பட வேண்டும் எனக் கோரி அவர் மத்திய நீதிமன்றத்திற்கு சென்றார்.

இந்த சூழ்நிலையில் கனேடிய குடியுரிமை அமைச்சருக்கு இடைநீக்கம் செய்வதற்கான தீர்மானம் மேற்கொள்ள முடியும் என மேல்முறையீட்டு நீதிமன்ற நீதிபதிகள் தீர்ப்பளித்துள்ளனர். அத்துடன் அவரது வழக்கை விசாரிக்க உச்ச நீதிமன்றம் மறுத்து விட்டது.

யேர்மனி டோட்முன் நகரில் நடைபெற்ற மாபெரும் தமிழர் உதைபந்தாட்டம்
யேர்மனி டோட்முன் நகரில் நடைபெறும் மாபெரும் தமிழர் உதைபந்தாட்டம்  1.4.2017 முதன்முறையாக இனிதே நடைபெற்றது.  இதற்கு  பண்ணாகம் இணையத்தின்  நிர்வாக தொழிநுட்பவியலாளரும்,    P-cation IT நிறுவன உரிமையாளர் திரு. பிரசாத் கிருஷ்ணமூர்த்தி B.sc அவர்கள்  முழுமையான அனுசரனை வழங்கியது குறிப்பிடத்தக்கது. இதேபோன்று  வருடாவருடம் நடைபெற உள்ளது. 
24 விளையாட்டுக்குழுக்கள் இப் போட்டியில் பங்குபற்றியது. 

P-cation IT நிறுவன உரிமையாளர் பிரசாத் கிருஷ்ணமூர்த்தி அவர்கள் வெற்றிபெற்றவர்களுக்கு வெற்றிக்கிண்ணத்தை வளங்கினார். 

முதற்செய்தி
யேர்மனி டோட்முன் நகரில் நடைபெறும் மாபெரும் தமிழர் உதைபந்தாட்டம் இதற்கு முழு அனுசரணையை திரு.பிரசாத் கிருஷ்ணமூர்த்தியின். p-cation IT நிறுவனம் வழங்குகிறது் இவ் உதைபந்தாட்ட நிகழ்வை TFC Dortmumd விளையாட்டுக்குழுவினர் நடாத்துகிறார்கள் இவ்விளையாட்டில்

24 குழுக்கள் 4பிரிவாக பங்குபற்றுகிறார்கள் இதில் கொலண்ட்டில் இருந்தும். விளையாட்டுக்குழுக்கள் பங்குபற்றுகிறது. 1.4.2017 காலை 8.00மணி முதல் மாலை19.00மணிவரை நடைபெறும்.