WELCOME TO PANNAGAM.COM & PTV

பண்ணாகம் இணையம்

NEWS - 2 

ஊவா மாகாணம் பதுளை, தியத்தலாவ பகுதியில் உள்ள விமானப் படை பயிற்சி முகாமில் இன்று காலை இடம்பெற்ற வெடிப்பு சம்பவத்தில் மூன்று பேர் காயமடைந்துள்ளனர்.

பயிற்சி நடவடிக்கையில் ஈடுபட்டிருந்த போதே இந்த வெடிப்புச் சம்பவம் இடம்பெற்றுள்ளது.

கைக்குண்டு ஒன்று இன்று காலை 10.15 மணியளவில் வெடித்துள்ளதாக தகவல்கள் வெளியாகியுள்ளது.

விமானப் படையில் பணியாற்றும் பெண் ஒருவரும், இரண்டு வீரர்களும் இந்தச் சம்பவத்தில் காயமடைந்திருப்பதாக தெரிவிக்கப்பட்டுள்ளது.

காயமடைந்த மூவரும் தியத்தலாவ ஆதார வைத்தியசாலையில் அனுமதிக்கப்பட்டு மேலதிக சிகிச்சைக்காக பதுளை வைத்தியாலைக்கு மாற்றப்பட்டுள்ளதாக வைத்தியசாலை வட்டாரங்கள் தெரிவித்தன.

இச்சம்பவம் தொடர்பில் விசாரணைகள் முன்னெடுக்கப்பட்டு வருகின்றதாக தியத்தலாவ விமானப் படையின் அதிகாரி ஒருவர் தெரிவித்தார்.

தமிழ்மக்கள் , தமிழர் நிலங்கள் இல்லாமல் எப்படி தமிழ், தமிழர்  என அரசியல் செய்யமுடியும்?  மாகாண சபை உறுப்பினர் சபா-குகதாசன்  யேர்மன் தமிழ் கலாச்சார ஒன்றியத்தினரிடம் கேள்வி!!
தமிழர் தாயகம் எங்கும் அடிமட்ட மக்களின்  வாழ்வில் உயர்வுகாண பாடுபடும் வட மாகாணசபை உறுப்பினர் சபா-குகதாசன் அவர்களுடன்  யேர்மனியில்  இயங்கும் யேர்மன் தமிழ் கலாச்சார ஒன்றியத்தினர் பண்ணாகம் இணையம் ஊடாக தொடர்புகொண்டு உரையாடினார்கள்.
வடபகுதிகளிலிருந்து அதாவது பண்ணாகம் மண்ணில் தனது பாடசாலை நாளிலிருந்து தமிழர் இனம் அடிமைப்பட்டு இருப்பதைக் கண்ட இவர் தனது மாணவ பருவத்தில் தமிழ்மக்கள் விடுதலை பெற்றுச் சுதந்திரமாக வாழவேண்டும் என்ற நிலைபெறவேண்டும் என்ற எண்ணத்தில்  தன்னை விடுதலைப்போராட்டப்பாதையில் இணைத்துக்கொண்டவர் சபா -குகதாசன் அவர்கள். அவர் போராட்ட வாழ்வில் போராட்டம் மௌனிக்கும் நிலைவரை அதில் பங்கு கொண்டவர் என்றவகையில் தமிழையும் தமிழரையும் நேசிக்கும் பண்பு கொண்டிருந்ததை உற்று நோக்கிய ஒரு அரசியற்கட்சி தனது கட்சிசார்பாக அவரை மாகாண சபைத்தேர்தலில் முதன்முதலில் களம் இறக்கி அதில் வெற்றி கண்டு இன்று மாகாணசபை உறுப்பினர் என்ற அதிகார தன்மையைபெற்றாலும் தனது எண்ணம் சிந்தனைகளை அதேநிலையில் வைத்திருப்பதை மக்கள் உணர்ந்துவருகிறார்கள். இவர் தற்போது தனது பதவியின் துணை கொண்டு  வடபகுதியில் உள்ள நலிந்த அடிப்படை வசதிகள்  அற்றமக்களை சந்தித்து அவர்களின் நிலையை உயர்த்த பாடுபட்டுவருகின்றார்.  தமிழ்மக்கள் , தமிழர் நிலங்கள் இல்லாமல் எப்படி தமிழ், தமிழர்  என அரசியல் செய்யமுடியும்?    என இவர் இன்று யேர்மன் தமிழ் கலாச்சார ஒன்றியத்தினருடன் உரையாடும்போது ஒரு கேள்வியைத் தொடுத்தார்.  எனவே நான் முதலில் நாம் மக்களின் வாழ்வின் உயர்வுக்கு வழிவகுக்கவேண்டும் என அதைநோக்கி பயணிக்கிறேன் என்றார்.   போராட்டகாலங்களில் நலிவுற்ற மக்களில் பெரும்பகுதியினர் இன்று வரை இன்னும் மீளாமல் இருக்கின்றனர் அவர்களுக்கும் அவர்கள் பிள்ளைகளுக்கும்  உதவும் திட்டங்களை உருவாக்கி வருகின்றேன். அந்தவகையில் புனர்வாழ்வு பெற்ற போராளிகளின் பிள்ளைகளின் கல்வியை மேம்படுத்துவது மிக அவசியமானதாகும் அதனால் எதிர்காலத்தில் அவர்கள் குடும்பங்கள் நல்நிலையை அடைய வழிவகுக்கும் என்றார். இவரது கருத்தை ஒத்ததாக தமது கருத்தையும் கொண்டிருந்த யேர்மன் தமிழ் கலாச்சார ஒன்றியத்தினர்  சபா-குகதாசன் அவர்கள்  ஊடாக  மாணவர்களுக்கு கல்விச் செயற்பாட்டிற்கு உதவ முன்வந்திருக்கின்றார்கள்.  அதற்கான  நடவடிக்கைகளை தான் செய்து தருவதாக மாகாண சபை உறுப்பினர் உறுதியளித்தார். யேர்மன் தமிழ்கலாச்சார ஒன்றியம்  சந்திப்பை ஏற்படுத்திய பண்ணாகம் .கொம்  இணைய நிர்வாகத்தினருக்கும் சபா-குகதாசன் அவர்களுக்கம் நன்றிகளைத் தெரிவிக்கின்றார்கள்.

பயணிகளின் போக்குவரத்துக்காகப் பயன்படுத்தப்படும் முச்சக்கரவண்டிகளின் சாரதிகள் 35 க்கு மேற்பட்டவர்களாக இருக்க வேண்டும் என்ற புதிய சட்டம் நடைமுறைப்படுத்தப்படவுள்ளது.

இது தொடர்பிலான விதிமுறைகளை மீறுவோருக்கு எதிராக ஆரம்ப கட்ட நடவடிக்கைகள் மேற்கொள்ளப்பட்டு வருகின்றன என்று வீதி பாதுகாப்பு தொடர்பான தேசிய சபையின் தலைவர்
வைத்தியர் சிசிர கோதாகொட தெரிவித்துள்ளார்.

முச்சக்கர வண்டி செலுத்தும் சாரதியின் வயது 35 ஆக காணப்பட வேண்டும் என்ற நடைமுறையை இந்த வருட இறுதிக்கு முன்னர்  கட்டாயப்படுத்தப்படும். இதற்காக முச்சக்கர வண்டி சாரதிகள் சங்கத்துடன் கலந்துரையாடல் மேற்கொள்ளப்படும் என்றும் அவர் குறிப்பிட்டுள்ளார்.

ஸ்.பி.திஸாநாயக்கா, தயாசிறி ஜெயசேகர, சுசில் பிரேமஜெயந்த, திலங்க சுமதிபால உள்ளிட்ட 16 பேருக்கு எதிராக நம்பிக்கையில்லாத் தீர்மாானம் முன்வைக்கப்படவுள்ளது என அறியமுடிகிறது.

சிறிலங்கா சுதந்திரக் கட்சி உறுப்பினர்களுக்கு எதிராக முன்வைக்கப்படும் இந்தத் தீர்மானத்துக்கு ஜக்கிய தேசியக் கட்சியின் பங்காளிக் கட்சிகளும் இணக்கம் தெரிவித்துள்ளன என அறியமுடிகிறது.

சிறிலங்கா சுதந்திரக்கட்சியைச் சேர்ந்த 13 உறுப்பினர்கள் தலைமை அமைச்சர்  ரணில் விக்ரமசிங்கவுக்கு எதிராக முன்வைக்கப்பட்ட நம்பிக்கையில்லாத் தீர்மானத்துக்கு ஆதரவாக வாக்களித்தமை குறிப்பிடத்தக்கது.

தமிழ்த் தேசியக் கூட்டமைப்புக்கு வாக்களித்த, தமிழர் விடுதலைக் கூட்டணியின் பிரதேச சபை உறுப்பினர்களை கட்சியில் இருந்து நீக்கவுள்ளதாக, தமிழர் விடுதலைக் கூட்டணியின் தலைவர் வீ. ஆனந்தசங்கரி தெரிவித்துள்ளார்.

உள்ளூராட்சித் தேர்தலில், ஈபிஆர்எல்எவ் உள்ளிட்ட சில கட்சிகளுடன் இணைந்து தமிழர் விடுதலைக் கூட்டணி போட்டியிட்டிருந்தது.

உதயசூரியன் சின்னத்தில் போட்டியிட்ட இந்தக் கட்சிகளின், சார்பில் உள்ளூராட்சி சபைகளுக்குத் தெரிவு செய்யப்பட்ட உறுப்பினர்கள், தமிழ்த் தேசியக் கூட்டமைப்பு ஆட்சியமைக்க ஒருபோதும் உதவக் கூடாது என்று தமிழ் விடுதலைக் கூட்டணியின் செயலாளர் நாயகம் வீ.ஆனந்தசங்கரி கண்டிப்பான உத்தரவு பிறப்பித்திருந்தார்.

எனினும், உதயசூரியன் சின்னத்தில் போட்டியிட்டு தெரிவு செய்யப்பட்ட உறுப்பினர்கள், அம்பாறை மாவட்டத்தில் திருக்கோவில் பிரதேச சபையிலும், யாழ். மாவட்டத்தில் வலிகாமம் தெற்கு பிரதேசசபையிலும் தமிழ்த் தேசியக் கூட்டமைப்பு ஆட்சிமைக்க உதவினர்.

அத்துடன், யாழ்ப்பாண மாவட்டத்தில் வேலணை பிரதேச சபையில் மகிந்த ராஜபக்சவின் சிறிலங்கா பொதுஜன முன்னணியின் உதவியுடன் ஈபிடிபி ஆட்சியமைப்பதற்கும், தமிழர் விடுதலைக் கூட்டணியின் சார்பில் தெரிவு செய்யப்பட்ட ஈபிஆர்எல்எவ் உறுப்பினர் ஆதரவு அளித்திருந்தார்.

இந்த நிலையில், திருக்கோவில் மற்றும் வலி.தெற்கு பிரதேச சபைகளில் தமிழ்த் தேசியக் கூட்டமைப்பு ஆட்சியமைக்க உதவிய, தமிழர் விடுதலைக் கூட்டணியினரை கட்சியில் இருந்தும், பிரதேச சபை உறுப்பினர் பதவியில் இருந்தும் நீக்குவதற்கு நடவடிக்கை எடுத்துள்ளதாக,  தமிழ் விடுதலைக் கூட்டணியின் செயலாளர் நாயகம் வீ. ஆனந்தசங்கரி தெரிவித்துள்ளார்.

இதற்கமைய, வலி.தெற்கு பிரதேச சபையின் இரண்டு உறுப்பினர்கள் மீதும், திருக்கோவில் பிரதேசசபையின் ஒரு உறுப்பினர் மீதும் நடவடிக்கை எடுக்கப்படவுள்ளது.

அதேவேளை, வேலணை பிரதேச சபையில், சிறிலங்கா பொது ஜன முன்னணியின் உதவியுடன் ஈபிடிபி ஆட்சியமைப்பதற்கு ஆதரவு வழங்கிய, தமது உறுப்பினர் மீதான நடவடிக்கை பற்றி ஆனந்தசங்கரி எந்த தகவலையும் வெளியிடவில்லை.

தென் பிரான்ஸ் பகுதியில் உள்ள பல்பொருள் அங்காடியொன்றில் மர்ம நபர்கள் நடத்திய துப்பாக்கி பிரயோகத்தில் ஒருவர் கொல்லப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.
அத்துடன், துப்பாக்கி முனையில் பணயக்கைதிகளாக பலர் சிறைபிடிக்கப்பட்டுள்ளதாகவும் அந்த செய்தியில் தெரிவிக்கப்பட்டுள்ளது.

துப்பாக்கிதாரர்கள் அங்காடியினுள் நுழைவதற்கு முன்னர் பொலிஸ் அதிகாரிகள் மீது துப்பாக்கி பிரயோகம் மேற்கொண்டுள்ளதாகவும், இதில் ஒவர் காயமடைந்துள்ளதாகவும் தெரிவிக்கப்பட்டுள்ளது.
தற்போது பணயக்கைதிகளாக சிறைபிடித்து வைக்கப்பட்டுள்ள மக்களை மீட்பதற்கான நடவடிக்கைகளை பிரான்ஸ் பொலிஸார் மேற்கொண்டு வருகின்றனர்.

இந்த தாக்குதல் நடவடிக்கையின் பின்னணியில் ஐ.எஸ் பயங்கரவாத குழுவினர் இருக்கலாம் என சந்தேகம் வெளியிடப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.


பிரான்ஸின் தென்பகுதியிலுள்ள நகரமான ட்ரெப்பிலுள்ள பல்பொருள் அங்காடியில் பொதுமக்களை பணயக்கைதிகளாக பிடித்து வைத்திருந்த துப்பாக்கிதாரி பொலிஸாரால் சுட்டுக்கொல்லப்பட்டுள்ளார்.

குறித்த துப்பாக்கிதாரியால் மூன்று பொதுமக்கள் சுட்டுக்கொல்லப்பட்டுள்ளனர்.

இந்நிலையிலேயே மக்களை மீட்கும் நடவடிக்கையில் ஈடுபட்ட பொலிஸாரால் குறித்த ஆயுததாரி சுட்டுக்கொல்லப்பட்டுள்ளார்.

மொரோக்கோவை சேர்ந்தவராக கருதப்படும் குறித்த துப்பாக்கிதாரி தான் ஐ.எஸ் அமைப்பை சேர்ந்தவர் என்று கூறிக்கொண்டு தாக்குதலை முன்னெடுத்துள்ளதாக செய்திகள் தெரிவிக்கின்றன.

சம்பவத்திற்கு முன்னர் குறித்த பகுதியில் நடைப்பயிற்சியில் ஈடுபட்டுக்கொண்டிருந்த பொலிஸாரை நோக்கி குறித்த நபர் துப்பாக்கிப் பிரயோகம் மேற்கொண்டதில் பொலிஸ் அதிகாரியொருவர் காயமடைந்துள்ளார்.

அதிகளவிலான ஆயுதங்களுடன் இருந்ததாக கூறப்படும் குறித்த துப்பாக்கிதாரி, கடந்த 2015 ஆம் ஆண்டு நவம்பர் 13 ஆம் திகதி பிரான்ஸின் தலைநகர் பாரிஸில் 130 பேர் உயிரிழந்த சம்பவத்தில் உயிருடன் இருக்கும் முக்கியமான சந்தேக நபரான சலாஹ் அப்டேஸ்லாமை விடுவிக்குமாறு வலியுறுத்தி வந்துள்ளார்.

தாக்குதலில் ஈடுபட்ட சந்தேக நபரை பிரெஞ்சு உளவுப்பிரிவினர் ஏற்கனவே அறிந்திருந்தனர் என்றும், மேலும் அவருடைய தாயார் சம்பவ இடத்தில் இருந்துள்ளார்.


ஜப்பானில் ஏழைகளின் வயிற்று பசியை போக்குவதற்காக பணம் செலுத்தாமல் உணவு உண்ணும் வகையில் உணவகம் ஒன்று செயல்பட்டு வருகிறது.

ஜப்பானின் டோக்கியோ நகரின் ஜின்போசோ மாவட்டத்தில் 'மிரவ் சோகுடோ' எனும் உணவகம் உள்ளது. இந்த உணவகத்தில் சாதாரண ஏழைகள் பணம் செலுத்தாமல் உணவு உண்ணலாம். ஆனால் அவ்வாறு சாப்பிடும் ஏழைகள் 50 நிமிடங்கள் உணவு மேசைகளை சுத்தம் செய்வது போன்ற வேலைகளை செய்ய வேண்டும்.

இதனால் உணவு இலவசம் என்பது இல்லை. உண்ணும் உணவிற்கு பதிலாக அவர்கள் சிறிது நேரம் செலவிட்டு உணவக பணிகளில் ஈடுபடுகின்றனர். இதன் காரணமாக இந்த உணவகத்திற்கு மக்கள் மத்தியில் நல்ல வரவேற்பு கிடைத்துள்ளது. இந்த உணவகத்தின் நிறுவனர் சிகாய் கோபயஷி கடந்த 2016 ஆம் ஆண்டு இதனை ஆரம்பித்துள்ளார்.

தற்போது இவர் மட்டும் தான் இங்கு நிரந்தர பணியாளராக இருக்கிறார். ஆகையால் உணவு உண்ண வரும் ஏழைகள் தான் பணியாளர்களாக செயல்படுகின்றனர்.

இது குறித்து உணவகத்தின் நிறுவனர் சிகாய் கோபயஷி கூறுகையில் :- ஒருநாள் நான் சமைத்த உணவு எனது நண்பர்களுக்கு மிகவும் பிடித்திருந்தது. அதுதான் என்னை சொந்தமாக உணவகம் தொடங்க ஊக்குவித்தது. 'மிரவ் சோகுடோ' உணவகத்தை திறப்பதற்கு முன்பாக ஒரு மிகப்பெரிய உணவகத்தில் முறையாக பயிற்சி எடுத்துக் கொண்டேன்' என தெரிவித்துள்ளார்.

யாழ்ப்பாணத்தில் இன்றைய தினம் முஸ்லிம் வர்த்தகர்களால் மேற்கொள்ளப்படும் கடையடைப்புப் போராட்டத்துக்கு ஆதரவு வழங்காத தமிழ் வர்த்தகர்களின் செயற்பாட்டைக் கண்டித்து ஆர்ப்பாட்டம் ஒன்று முன்னெடுக்கப்படவுள்ளதாக தகவல் கசிந்துள்ளது.

இந்த விடயம் குறித்துத் தெரியவருவதாவது,

கண்டி மற்றும் அம்பாறை ஆகிய பகுதிகளில் ஏற்பட்ட வன்முறைகளையடுத்து நாடெங்கிலுமுள்ள முஸ்லிம் மக்கள் தமது எதிர்ப்பினைக் காட்டிவருகின்றனர். இதன்படி யாழ்ப்பாணம் நகரத்திலுள்ள முஸ்லிம் வர்த்தகர்களினாலும் இன்று காலையிலிருந்து கடையடைப்பு போராட்டம் ஒன்று முன்னெடுக்கப்பட்டுள்ளது.

ஆனாலும் தமிழ் வர்த்தகர்களின் கடைகள் அனைத்தும் திறந்து காணப்பட்டமையினால் இந்த போராட்டத்துக்கு தமிழ் தரப்பினர் ஆதரவு வழங்கவில்லை என்ற குறச்சாட்டு முன்வைக்கப்பட்டுள்ளது. இந்தக் குற்றச்சாட்டின் அடிப்படையிலேயே குறித்த முஸ்லிம் கடையடைப்பை ஏற்பாடு செய்தவர்கள் பௌத்த பிக்குகளுடன் இணைந்து தமிழ் வர்த்தகர்களுக்கெதிரான ஆர்ப்பாட்டத்தினை முன்னெடுக்கத் திட்டமிட்டிருப்பதாகத் தெரியவருகிறது.

இதேவேளை இன்றைய கடையடைப்பு போராட்டம் குறித்து தம்முடன் கலந்துரையாடபடவில்லை எனத் தெரிவிக்கும் தமிழ் வர்த்தகர்கள், இந்தப் போராட்டம் யாழ் வர்த்தகர் சங்கத்துடன் இணைந்து மேற்கொள்ளப்பட்ட தீர்மானம் அல்ல என குறிப்பிட்டுள்ளனர்.

முஸ்லிம் வர்த்தகர்களில் சில குழுவினர்தான் தன்னிச்சையாக இந்த முடிவை காலையில் மேற்கொண்டு கடையடைப்பினை முன்னெடுத்துள்ளதாக தெரிவிக்கப்பட்டுள்ளது.

எவ்வாறாயினும் இந்த போராட்டம்குறித்து முன்னேற்பாடாக நகரத்தின் அனைத்து வர்த்தகர்களுடனும் கலந்துரையாடப்பட்டிருந்தால் போராட்டத்திற்கு ஆதரவினை வழங்கியிருக்கமுடியும் என தமிழ் வர்த்தகர்கள் சிலர் தெரிவித்துள்ளமை குறிப்பிடத்தக்கதாகும்.

ஐரோப்பாவின் பெரும்பாலான பகுதிகளில் கடும் குளிர் நிலவி வருகிறது. இது சைபீரிய வானிலை அமைப்பு என்று அழைக்கப்படுகிறது.

பனிப்புயல் மற்றும் கடும் பனி பொழிவால் அனைத்து சாலைகள், ரயில்வே சேவைகள் மற்றும் பள்ளிகள் மூடப்பட்டன மேலும் நூற்றுக்கணக்கணக்கான விமான சேவைகளை ரத்து செய்யும் நிலை ஏற்பட்டுள்ளது.

மத்திய தரைக்கடலின் தெற்கு பகுதி வரை இந்த வழக்கத்திற்கு மாறான குளிர் உணரப்பட்டது.

காலநிலையால் உயிரிழந்தவர்களின் எண்ணிக்கை 55ஆக உயர்ந்துள்ளது அதில் 21 பேர் போலாந்து நாட்டைச் சேர்ந்தவர்கள். அதில் பெரும்பாலானோர் சாலைகளில் உறங்குபவர்கள்.

ஏழைகள், வீடற்றவர்கள், மற்றும் குடியேறிகள் இந்த மிகப்பெரிய பனிப்புயலால் பாதிக்கப்படுவார்கள் என உலக சுகாதார நிறுவனம் எச்சரிக்கை விடுத்துள்ளது.

லண்டன் சாலையில் அடர்ந்த பனியில் செல்லும் வாகனங்கள்

முதியவர்கள், குழந்தைகள், நீண்டகாலமாக நோயால் பாதிக்கப்பட்டு வருபவர்கள், மாற்று திறனாளிகள் மற்றும் மனநிலை குறைபாடு உள்ளவர்கள் குளிர் தொடர்பான உபாதைகளுக்கு உள்ளாகும் ஆபத்து அதிகமாக உள்ளதாக உலக சுகாதார நி்றுவனம் அறிக்கை விடுத்துள்ளது.

அடுத்த சில தினங்களில் வெப்பநிலை சிறிது அதிகரிக்கலாம் என எதிர்பார்க்கப்படுகிறது.

வெள்ளியன்று பனிப்புயல் கடந்து செல்லும் வரை மக்கள் வெளியே வருவதை தவிர்க்குமாறு அயர்லாந்து பிரதமர் கேட்டுக் கொண்டுள்ளார்.

"கடும் பனிப்பொழிவால் உயிருக்கு ஏற்படும் ஆபத்துக்களை யாரும் குறைத்து மதிப்பிடக் கூடாது. இம்மாதிரியான வானிலையில் வெளியே வருவது சரியில்லை" என அவர் தெரிவித்துள்ளார்.

பிற செய்திகள்

ராகவேந்திரா திருமண மண்டபத்தில் இன்று  நெல்லை மாவட்ட ரசிகர்களை சந்தித்தார்.முந்தைய  கூட்டங்களில் ரஜினியின் காணொளி காட்சி ஒளிபரப்பப்பட்ட நிலையில் முதல் முறையாக ரஜினிகாந்த்  நேரில் கலந்துரையாடினார்.

ரஜினிகாந்த் அவர்களிடையே பேசும் போது ரஜினிகாந்த் கூறியதாவது:-

காலா திரைப்படம் நெல்லை மாவட்ட கதை தான்.நீங்கள் மற்றவர்களுக்கு அரசியலை கற்றுக்கொடுப்பவர்கள். 

ஒரு குடும்பம் நடத்தணும்னா குடும்பத்தலைவன் சரியாக இருக்கணும்; இந்த குடும்பத்தை பொறுத்தவரை நான் சரியாக இருக்கிறேன்.மற்றவர்கள் சத்தம் போட்டால் போடட்டும்; நாம் நமது வேலையை அமைதியாக பார்ப்போம்.ரசிகர்கள் எல்லோரையும் ஒரே நேரத்தில் சந்திக்க சில நாட்கள் ஆகும் .

அரசியலில் கட்டமைப்புதான் முக்கியம். அடித்தளத்தை வலிமையுடன் அமைக்க வேண்டும் எனபதால்தான் நாம் இவ்வாறு செயல்படுகிறோம். இது சாதாரண பில்டிங் கிடையாது. 32 ப்ளோர். 32 மாவட்டம், அதனால் ஃபவுண்டேஷனை ஸ்ட்ராங்காக போடனும்.அரசியலில் எந்த விஷயத்தையும் கவனமாக கையாள வேண்டும் என கூறினார்.

பின்னர் அவர் நிருபர்களிடம் கூறியதாவது :-

காவிரி பிரச்சினையில் அனைத்துக்கட்சிக் கூட்டம் நடத்திய தமிழக அரசின் நடவடிக்கை வரவேற்கத்தக்கது. 32 மாவட்டங்களுக்கும் நிர்வாகிகளை நியமித்து வருகிறேன். அவர்களை ஒரே நேரத்தில் சந்திப்பதற்கு சில காலம் ஆகும். நேரம் வரும்போது சுற்றுப்பயணம் சென்று நேரடியாக ரசிகர்களை சந்திப்பேன். 
அனைத்து மாவட்ட நிர்வாகிகளையும் சந்தித்த பின் சுற்றுப்பயணம், பொதுக்கூட்டம் குறித்து முடிவு செய்யப்படும். நானும் கமலும் வெவ்வேறு பாதையில் சென்றாலும் மக்களுக்கு நல்லது செய்ய வேண்டும் என்ற ஒரே நோக்கத்துடன் செல்கிறோம். கமலின் முதல் அரசியல் பொதுக்கூட்டம் நன்றாக இருந்தது. கமலின் மக்கள் நீதி மய்யம் நன்றாகச் செயல்படும் என நம்புகிறேன். அவர் திறமைசாலி என்பதால் சிறப்பாக செயல்படுவார். இவ்வாறு அவர் கூறினார்.

19 ஆவது அரசியலமைப்புத் திருத்தத்தின்படி,  பிரதமரைப் பதவி நீக்கம் செய்யும் அதிகாரம், சிறிலங்கா அதிபருக்கு இல்லை என்று ஜனநாயகத்துக்கான சட்டவாளர்கள் அமைப்பு தெரிவித்துள்ளது.

சிறிலங்கா பிரதமர் ரணில் விக்கிரமசிங்கவை பதவி நீக்கம் செய்வது குறித்து சட்டமா அதிபரின் ஆலோசனையை பெறவுள்ளதாக சிறிலங்கா அதிபர் மைத்திரிபால சிறிசேன, நேற்று கூட்டு எதிரணியினருக்கு உறுதியளித்திருந்தார்.

இதுதொடர்பாக ஜனநாயகத்துக்கான சட்டவாளர்கள் என்ற அமைப்பின் சார்பில், சட்டவாளர்கள் லால் விஜேநாயக்க, கே.எஸ்.இரத்னவேலு,  சுதத் நெத்சிங்க,  பிரபோத ரத்நாயக்க, ஹரின் கோமிஸ் ஆகியோர் அறிக்கை ஒன்றை வெளியிட்டுள்ளனர்.

அதில் “19 ஆவது திருத்தத்துக்கு முன்னர், பிரதமரைப் பதவி நீக்கம் செய்யும் அதிகாரம் சிறிலங்கா அதிபருக்கு இருந்தது. ஆனால், 19 ஆவது திருத்தச்சட்டத்தின் மூலம், அந்த அதிகாரம் நீக்கப்பட்டுள்ளது,

எனவே நாடாளுமன்ற வழக்கத்தின்படி, நம்பிக்கையில்லா பிரேரணை ஒன்றைக் கொண்டு வந்து நிறைவேற்றுவதன் மூலமே, சிறிலங்கா பிரதமரைப் பதவி நீக்கம் செய்ய முடியும். இதில் சிறிலங்கா அதிபர் எந்தப் பங்கையும் வகிக்க முடியாது.” என்று தெரிவித்துள்ளனர்.

அதேவேளை, கொழும்பு பல்கலைக்கழக சட்ட பீடத்தின் மூத்த விரிவுரையாளரான கலாநிதி பிரதீப மகாநாமஹேவவும், பிரதமரைப் பதவி நீக்கம் செய்யும் அதிகாரம் சிறிலங்கா அதிபருக்கு இல்லை என்று கூறியிருக்கிறார்.

இதற்கிடையே பிரதமரை சிறிலங்கா அதிபர் பதவி நீக்கம் செய்ய முடியுமா என்பது பற்றிய சட்ட விளக்கத்தைக் கோர, உச்சநீதிமன்றத்தை நாடுவதற்கு சில சிவில் சமூக செயற்பாட்டாளர்கள் திட்டமிட்டுள்ளதாகவும் கூறப்படுகிறது.

யேர்மனியில் பெண் இயக்குனர் சிபோகி சிவகுமாரனின் கதை வசனம் இயக்கத்தில் தயாரிக்கப்பட்ட குறும்படம்"மறுபக்கம்" வெகுவிரைவில் வெளிவரவிருக்கின்றது.


நடிகர்கள்: அனுசியா கண்ணன்
கலைக்கண் பாலராj
ஏலையா க.முருகதாசன்
ரதி சர்மா
விக்கி
வி.உகந்தன்
ராமநாதன்
செல்வி 
Stelani
அனிருத்
அப்சரன்

கதை வசனம் இயக்கம்:சிபோகி சிவகுமாரன்
ஒளிப்பதிவு: சிவகுமாரன்
--------------

ன் மீது விதிக்கப்பட்ட சர்வதேசத் தடைகளை மீறி வடகொரியா சுமார் 200 மில்லியன் அமெரிக்க டாலர் (சுமார் 1,300 கோடி ரூபாய்) அளவுக்கு வருவாய் ஈட்டியுள்ளதாக ஐ.நா பாதுகாப்பு சபையில் சமர்ப்பிக்கப்பட்ட நிபுணர் குழுவின் அறிக்கையில் கூறப்பட்டுள்ளது.

சீனா, ரஷ்யா, மலேசியா உள்ளிட்ட பல நாடுகள் வடகொரியாவில் இருந்து வந்த சட்டவிரோத இறக்குமதிகளைத் தடுக்கத் தவறிவிட்டதாக அந்த ரகசிய அறிக்கையில் கூறப்பட்டுள்ளது.

தொடர்ச்சியான அணு ஆயுத மற்றும் ஏவுகணை சோதனைகளால் வடகொரியா மீது ஐ.நா, அமெரிக்கா, ஐரோப்பிய ஒன்றிய நாடுகள் ஆகியன பல தடைகளை விதித்தன

ஜனவரி 2017 முதல் செப்டம்பர் 2017 வரையிலான காலகட்டத்தில் தடை செய்யப்பட்ட பொருட்கள் அனைத்தையும் வடகொரியா தொடர்ச்சியாக ஏற்றுமதி செய்து வந்தது என்று அந்த அறிக்கையில் கூறப்பட்டுள்ளது.

வடகொரியாவுக்கு பெட்ரோலியப் பொருட்களை வழங்கியதற்காக, பல சர்வதேச எண்ணெய் நிறுவனங்களும் விசாரணைக்கு உட்படுத்தப்பட்டுள்ளதாக அந்த அறிக்கை கூறுகிறது.

பல சட்டவிரோத மற்றும் ஏமாற்று உத்திகளை பயன்படுத்தி சீனா, தென்கொரியா, வியட்நாம், மலேசியா. ரஷ்யா ஆகிய நாடுகளுக்கு வடகொரியாவில் இருந்து நிலக்கரி ஏற்றுமதி செய்யப்பட்டதாக அந்த அறிக்கை கூறுகிறது.

ஐ.நா பாதுகாப்பு அவை விதித்த தடைகளை தாங்கள் மீறவில்லை என்றும், வழக்காமான வர்த்தகப் பரிமாற்றங்களையே மேற்கொண்டதாகவும் வடகொரியாவில் உள்ள சீனத் தூதரகம் கூறியுள்ளது.

வடகொரியா செல்லும் எண்ணெய் கப்பல்கள் கண்காணிக்கப்பட்டு வருகின்றன

சிரியாவின் ரசாயன ஆயுதத் திட்டத்தை மேற்பார்வையிடும் நிறுவனத்துக்கு, 2012 முதல் 2017 வரையான காலகட்டத்தில் வடகொரியாவில் இருந்து 40 முறை கப்பலில் சரக்குகள் அனுப்பப்பட்டதாக அந்த அறிக்கை தெரிவிக்கிறது. தங்கள் நாட்டிலுள்ள வடகொரிய வல்லுநர்களே அத்திட்டத்தில் பங்குபெற்றதாக சிரியா கூறியுள்ளது.

வடகொரியாவுடன் எவ்விதமான ஆயுத பரிவர்த்தனையும் இல்லையென்று ஐ.நாவுக்கான மியான்மர் தூதரும் மறுத்துள்ளார்.

வடகொரியா மீதான தடைகள் எவை?

சீனாவுடன் வடகொரியா நிலக்கரி, கனிமத் தாது உள்ளிட்ட வர்த்தகத்தில் ஈடுபட ஐ.நா தடை விதித்துள்ளது.

அணு ஆயுத திட்டத்தால் வடகொரியாவுக்கு பல சர்வதேச தடைகள் விதிக்கப்பட்டுள்ளன.

வடகொரியாவின் அணு ஆயுத திட்டத்துடன் தொடர்புடைய தனிநபர்கள் மற்றும் நிறுவனங்களைச் சேர்ந்தவர்கள் மீது பயணத் தடை, சொத்துகள் முடக்கம் ஆகிய நடவடிக்கைகள் மேற்கொள்ளப்பட்டுள்ளன.

கடந்த டிசம்பரில் வடகொரியா மீது விதிக்கப்பட்ட ஒரு தடையால் அந்நாட்டுக்கு 90% பெட்ரோலிய இறக்குமதி பாதிக்கும் என்று கணிக்கப்பட்டது.

வெளிநாடுகளில் பணியாற்றும் வடகொரியர்களை 24 மணிநேரத்துக்குள் நாடு திரும்ப அப்போது அறிவுறுத்தப்பட்டது.

வடகொரியாவில் உற்பத்தி செய்யப்படும் மின்னணு சாதனங்கள் மற்றும் இயந்திரங்களை ஏற்றுமதி செய்யவும் தடை உள்ளது.



பிரான்ஸ் நாட்டில் கடந்த சில மாதங்களாக பெண்களுக்கு எதிரான பாலியல் குற்றங்கள் அதிகரித்து வருகின்றமையால் பிரான்ஸ் அரசு புதிய சட்டம் ஒன்றை இயற்ற முடிவு செய்துள்ளது.

குறிப்பாக இளம்பெண்களிடம் விரும்பத்தகாத வகையில் காதலை கூறுவதாக முறைப்பாடுகள் குவிந்து கொண்டிருப்பதால் இதற்கு முடிவு கட்டவே பிரான்ஸ் அரசு புதிய சட்டம் ஒன்றை இயற்ற முடிவு செய்துள்ளது.

இதன்படி பெண்களை பார்த்து விசில் அடித்தாலோ, அவர்களிடம் தொலைப்பேசி இலக்கங்களை  கேட்டாலோ, அல்லது விரும்பத்தகாத வகையில் நடந்து கொண்டாலோ 350 யூரோ அபாரதம் விதிக்க சட்டம் இயற்ற பிரான்ஸ் அரசு முடிவு செய்துள்ளது.

இந்த புதிய சட்டத்திற்கு பிரான்ஸ் நாட்டில் உள்ள 100% பெண்கள் ஆதரவு கொடுத்துள்ளதால் விரைவில் இந்த சட்டம் இயற்றப்பட்டு நடைமுறைக்கு வருமென எதிர்பார்க்கப்படுகிறது.

தமிழ் மக்கள் தமிழீழம் கோருவது நியாமான ஒன்றாகும் என முன்னாள் ஜனாதிபதி சந்திரிக்கா குமாரதுங்க தெரிவித்துள்ளார்.

இலங்கையில் நீண்ட காலமாக தமிழ் மக்கள் முகம் கொடுத்துள்ள மாற்றங்கள் காரணமாக இவ்வாறான கோரிக்கை வலுப்பெற்றுள்ளதாக அவர் தெரிவித்துள்ளார்.

பெரும்பான்மை இன சிங்கள மக்கள் வாழும் பகுதிகளில் ஏற்பட்டுள்ள அபிவிருத்தி தமிழ் மக்களுக்கு கிடைக்கவில்லை என்ற உண்மையை ஏற்றுக்கொள்ள வேண்டும்.எங்களுக்கு செய்யவில்லை என்றால் எங்களுக்கு தனி நாடு வழங்குங்கள் என தமிழ் மக்கள் தமிழீழம் கோருவது நியாயமான ஒன்றாகும் என அவர் குறிப்பிட்டுள்ளார்.

கொழும்பில் நேற்று இடம்பெற்ற ஊடகவியலாளர் சந்திப்பில் கலந்து கொண்டு கருத்து வெளியிடும் போதே அவர் இவ்வாறு குறிப்பிட்டுள்ளார்.

இலங்கை சிறிய நாடு. இங்கு பெருமளவு மக்கள் இல்லை. பல தசாப்தங்களாக பிரிந்து வாழும் மக்கள் பகுதியினர் ஒருவருக்கு ஒருவர் அறிமுகப்படுத்தி கொள்ளாமையே போர் நிலை ஏற்பட்டது. நான்கு மதங்களை சேர்ந்த மககள் நாட்டில் வாழ்ந்த போதிலும், ஒருவருக்கு ஒருவர் ஒருபோதும் பேசிக் கொள்வதில்லை. நாட்டில் பாரிய மோதல் ஏற்படுவது அது போதுமானதாகும்.

ஒருவருடைய மொழியை ஒவ்வொருவராலும் பேச முடியாமையே நாட்டில் கொடூர யுத்தம் ஏற்படுவதற்கான பிரதான காரணம்.

சமூகங்கள் சகஜமாக இருந்திருந்தால் பிரபாகரன் என்ற ஒருவரை உருவாக்காமல் இருந்திருக்கலாம்.

தமிழ், முஸ்லிம் பகுதிகளில் அபிவிருத்தி நடவடிக்கைகள் முன்னெடுக்கப்பட்ட போதிலும் மந்தமான நிலையில் காணப்படுவதாக முன்னாள் ஜனாதிபதி சந்திரிக்கா குமாரதுங்க மேலும் தெரிவித்துள்ளார்.

இரு வாரங்களுக்கு முன் விபத்துக்குள்ளான தமிழ் இளைஞர் ஒருவரது இரு சிறு நீரகங்களும் சிங்கள இளைஞர்கள் இருவருக்கு கண்டி வைத்தியசாலையில்  வெற்றிகரமாகப் பொருத்தப்பட்டுள்ளது.

கண்டி- மெனிக்கின பகுதியில் விபத்துக்குள்ளான ராமசாமி ரவீந்திரன், பேராதனை வைத்திய சாலையில் அதி தீவிர கண்காணிப்புப் பிரிவில் சிகிட்சை பெற்று வந்த  நிலையிலும் அவரது மூளையின் பகுதிகள் செயலிழந்து போயுள்ளன.

இதனை அடுத்து இளைஞனின் பெற்றோர் கண்டி வைத்திய சாலையின் உடல் உறுப்புக்கள் தானம் செய்யும் பிரிவில் தமது மகனின் உடற்பாகங்களை தானம் செய்ய விரும்புவதாகத் தெரிவித்ததுள்ளனர்.

அதனடிப்படையில் இளைஞனின் இரண்டு சிறு நீரகங்களும் அகற்றப்பட்டு, சிறு நீரக  குறைப்பாட்டால் உயிருக்கு போராடிய இரு இளைஞர்களுக்கு பொருத்த நடவடிக்கை எடுக்கப்பட்டுள்ளது.

பேராதனை பல் வைத்திய சாலையின் நினைவிழக்கச் செய்யும் வைத்தியர் சமன் ரத்நாயக்க, கண்டி வைத்திய சாலையின் அவயவங்கள் பொருத்தும் பிரிவின் வைத்திய நிபுணர் சரித்த பெர்னாந்து உட்பட மற்றும் குழுவினரால் இம்முயற்சி மேற்கொள்ளப்பட்டது.

தொடர்ந்து வாழ முடியாது என்ற நிலையிலுள்ள ஒருவரது அவயவம் இரு இளைஞர்களுக்கு புத்துயிர் அளித்துள்ளதாகவும் இதற்கு மனமுவந்து தானம் வழங்குவது மிக முக்கிய விடயம் என்றும் அது ஊடக அறிவுறுத்தல்கள் மூலம் மக்கள் மத்தியில் சென்றுள்ளதாகவும் தொடர்புடைய பெற்றோர் உட்பட மற்றும் சம்பந்தப்பட்ட அனைவருக்கும் நன்றி தெரிவிப்பதாக அவயவங்கள் பொருத்தும் பிரிவின்  வைத்தியர்  அருன அபேசிங்க தெரிவித்தார்.

தமிழ் மக்களுக்கு எதிராக இழைக்கப்பட்ட அநீதிகளுக்கு பொறுப்புக் கூறுவதிலிருந்து இலங்கை அரசாங்கம் தப்பிக்கவே முயன்று வருகின்றதாக வடக்கு மாகாண அமைச்சர் அனந்தி சசிதரன் தெரிவித்துள்ளார்.

தமிழர்கள் மீது மேற்கொள்ளப்பட்ட படுகொலைகளுக்கு இலங்கை அரசு பொறுப்புக்கூறலை வழங்க சர்வதேச சமூகமும், தமிழ் தலைவர்களும் அழுத்தம் வழங்க வேண்டும் எனவும் தெரிவித்துள்ளார்.

உலகத் தமிழாராச்சி மாநாட்டுப் படுகொலையின் நாற்பத்தி நான்காவது நினைவு தின நிகழ்வுகள் யாழ் முற்றவெளியில் அமைந்துள்ள நினைவத்தூபியில் இன்று நடைபெற்றது.

இந்நிகழ்வில் கலந்து கொண்டு உரையாற்றுகையிலையே மேந்கண்டவாறு தெரிவித்தார்.

பிரதமர் ரணில் விக்கிரமசிங்கவுக்கு எதிராக நாடாளுமன்றத்தில் நம்பிக்கையில்லா பிரேரணை சமர்ப்பிக்கப்பட்டால் ஜனாதிபதி மைத்திரிபால சிறிசேன தலைமையிலான ஸ்ரீலங்கா சுதந்திரக் கட்சி ஆதரவு வழங்காது என கட்சித் தகவல்கள் கூறுகின்றன.

பிரதமர் ரணில் விக்கிரமசிங்கவுக்கு எதிரான நம்பிக்கையில்லா பிரேரணைக்கு ஆதரவு வழங்கினால் நல்லாட்சியின் ஆயுட் காலத்திற்கு ஆபத்து ஏற்படும் என கட்சியின் மூத்த உறுப்பினர்கள் சிலர் கூறியுள்ளனர்.

முன்னாள் ஜனாதிபதி மஹிந்த ராஜபக்சவை மையப்படுத்திய கூட்டு எதிர்க்கட்சி நம்பிக்கையில்லா பிரேரணை ஒன்றை சமர்ப்பிக்கவுள்ளது. இது தொடர்பாக நல்லாட்சியில் அங்கம் வகிக்கும் ஸ்ரீலங்கா சுதந்திரக் கட்சி உறுப்பினர்களும் ஆலோசித்து வருகின்றனர்.

பிரதமர் ரணில் விக்கிரமசிங்கவுக்கு எதிரான நம்பிக்கையில்லா பிரேரணைக்கு ஆதரவு வழங்கினால் நல்லாட்சியின் ஆயுட் காலத்திற்கு ஆபத்து ஏற்படும் என கட்சியின் மூத்த உறுப்பினர்கள் சிலர் கூறியுள்ளனர்.

மத்திய வங்கி பிணைமுறி ஊழல் நடவடிக்கைகளில் பிரதமர் ரணில் விக்கிரமசிங்க பொறுப்புக் கூற வேண்டிய விடயங்கள் தொடர்பாக நீதிமன்ற விசாரணையில் தெரியவரும் என்றும் அதன் பின்னர் நம்பிக்கையில்லா பிரேரணை சமர்ப்பிக்கப்பட்டால், அதற்கு ஆதரவு வழங்க முடியும் என்றும் ஸ்ரீலங்கா சுதந்திரக் கட்சியின் மூத்த உறுப்பினர்கள் கூறியுள்ளனர்.

ஆகவே நீதிமன்ற விசாரணை முடிவடையும் வரை அமைதியாக இருக்க வேண்டும் என்றும், அதற்கு முன்னர் கூட்டு எதிர்க்கட்சி நம்பிக்கையில்லா பிரேரணையை சமர்ப்பித்தால் ஆதரவு வழங்க வேண்டிய அவசியம் இல்லை என்றும் ஸ்ரீலங்கா சுதந்திரக் கட்சியின் மூத்த உறுப்பினர்கள் சுட்டிக்காட்டியதாக கட்சித் தகவல்கள் கூறுகின்றன.

அதேவேளை நமப்பிக்கையில்லா பிரேரணை குறித்து நாளை ஞாயிற்றுக்கிழமை கூட்டு எதிர்க்கட்சி கொழும்பில் உள்ள மஹிந்த ராஜபக்சவின் இல்லத்தில் ஒன்று கூடி ஆராயவுள்ளதாக தெரிவிக்கப்படுகின்றது.

பாடசாலையினால் பரீட்சை எழுத அனுமதி மறுக்கப்பட்ட போதும், உயர்தரத்தில் தோற்றிய மாணவி ஒருவர் மாவட்ட மட்டத்தில் முதலிடம் பிடித்துள்ளார்.

2017ஆம் ஆண்டு உயர்தர பரீட்சையின் வணிக பிரிவில் தோற்றிய ஹரினி நிஹாரா கஜசிங்க என்ற மாணவியே இந்த மகத்தான சாதனை செய்துள்ளார்.

தங்காலை மகளிர் மகா வித்தியாலயத்தில் கல்வி கற்ற ஹரினி நிஹாரா என்ற மாணவி உயர்தரத்தில் ஆரம்பத்தில் உயிரியல் பிரிவை தெரிவு செய்துள்ளார். எனினும் ஒன்றரை வருடங்கள் கழிந்த பின்னர் உயிரியல் கற்கையை தொடர அவருக்கு கடினமாகியுள்ளது.

அதன் பின்னர் வர்த்தக பிரிவினை தெரிவு செய்தமையின் ஊடாக அந்த பாடசாலையின் சட்டத்திட்டங்களுக்கமைய அங்கு வர்த்தக பிரிவில் உயர் தர பரீட்சை எழுத அவர் அனுமதிக்கப்படாமையினால், வெளி மாணவியாக பரீட்சை எழுதியுள்ளார்.

வணிக பிரிவில் தகவல் தொழில்நுட்பம், கணக்கியல், வர்த்தகம் ஆகிய பிரிவுகளை தெரிவு செய்த ஹரினி குறுகிய காலத்தில் அந்தப் பாடங்கள் தொடர்பான திறனை பெற்றுள்ளார்.

“நான் பல்கலைக்கழகத்திற்கு செல்ல விரும்பியே உயிரியல் பிரிவை தெரிவு செய்தேன். எனினும் என்னால் பல்கலைக்கழகம் செல்ல கடினமான நிலை ஏற்படும் என்ற அச்சத்தில் வணிக பிரிவை இடையில் தெரிவு செய்தேன். நான் இவ்வாறு பாடத்தை மாற்றியமையால் எனக்கு கல்வி கற்பிப்பதற்கு ஆசிரியர்கள் அச்சமடைந்தனர். எனினும் உயர்தரத்தில் சிறந்த சித்தியை பெற்றுள்ளேன் என மாணவி ஹரினி பெருமையாக தெரிவித்துள்ளார்.

கொழும்பு நகரில் பிச்சை எடுப்பதை தடை செய்ய நடவடிக்கை எடுக்கவுள்ளதாக கொழும்பு மாநகர சபை தெரிவித்துள்ளது.

கொழும்பு நகருக்குள் சுமார் 600 ற்கும் அதிகமான பிச்சைக்காரர்கள் இருப்பதாக கொழும்பு மாநகர சபையின் ஆணையாளர் வி.கே.ஏ.அநுர தெரிவித்துள்ளார்.

பிச்சை எடுப்பவர்கள் அதிகரித்துள்ளமையினால் பொதுமக்களுக்கும், நகரின் அழகுக்கும் பாதிப்பு ஏற்பட்டுள்ளதாக அவர் குறிப்பிட்டுள்ளார்.

பிச்சை எடுப்பவர்களின் ஜீவனோபாயத்திற்கு வழி ஏற்படுத்தி கொடுப்பதுடன் அவர்களுக்கு புனர்வாழ்வளிக்கும் திட்டமொன்றையும் முன்னெடுத்துள்ளதாக அவர் தெரிவித்தார்.

வியாபார நோக்கில் பிச்சை எடுப்பவர்களுக்கு எதிராக சட்ட நடவடிக்கை எடுக்கப்படும் என மாநகர சபையின் ஆணையாளர் வி.கே.ஏ.அநுர தெரிவித்துள்ளார்.

சவூதி அரேபியாவில் திரைப்படங்களுக்கு அனுமதி அளிக்கவிருப்பதோடு அங்கு அடுத்த ஆண்டு ஆரம்பத்தில் திரையரங்கு திறக்கப்பட வாய்ப்பு இருப்பதாக அறிவிக்கப்பட்டுள்ளது.

“சவூதியில் திரையரங்குகளுக்கு அனுமதி அளிப்பது தொடர்பிலான செயற்பாடுகளை தொழில் ஒழுங்குபடுத்தல் மற்றும் ஓடியோ விசுவல் ஊடகம் ஆரம்பித்துள்ளது” என்று கலாசார தொலைத்தொடர்பு அமைச்சர் அவ்வாத் சலேஹ் அலவ்வத் நேற்று குறிப்பிட்டார்.

“2018 மார்ச்சி முதல் திரையரங்கை திறக்க நாம் எதிர்பார்த்துள்ளோம்” என்று அவர் குறிப்பிட்டார்.

ரியாத் நகரில் கடந்த 2017 ஒக்டோபரில் மிக அரிதான திரைப்பட இரவொன்று நடத்தப்பட்டது சவூதி திரைப்படத்திற்கான தடையை அகற்றும் வாய்ப்பை ஏற்படுத்தியது.

பெண்கள் வாகனமோட்ட இருக்கும் தடையை அகற்றும் அறிவிப்பை வெளியிட்ட சவூதி நிர்வாகம் திரைப்படங்களுக்கு உள்ள தடையை நீக்கும் என பெரிதாக எதிர்பார்க்கப்பட்டிருந்தது.

திரைப்படங்கள் கலாசார அடையாளத்திற்கு அச்சுறுத்தலானது என்று சவூதியின் மத கடும்போக்காளர்கள் கருதுகின்றனர். 

தமிழ் தேசியக் கூட்டமைப்பின் பங்காளி கட்சிகளுக்கு இடையில் உள்ளுராட்சி மன்ற தேர்தலுக்கான ஆசன பங்கீடு தொடர்பில் நிலவி வந்த பிரச்சினைகள் சுமுகமாக தீர்க்கப்பட்டுள்ளதாக தமிழ் தேசியக் கூட்டமைப்பு தெரிவித்துள்ளது.

இந்த பிரச்சினை தொடர்பில் தமிழ் தேசிய கூட்டமைப்பின் பங்காளிக்கட்சிகளின் தலைவர்களான மாவை சேனாதிராஜா, செல்வம் அடைக்கலநாதன், தர்மலிங்கம் சித்தார்த்தன் ஆகியோர் இன்று ஏனைய நாடாளுமன்ற உறுப்பினர்கள் மற்றும் கட்சி பிரதிநிதிகளோடு கலந்துரையாடியதன் அடிப்படையில் இந்தப் பிரச்சினை சுமுகமாக முடிவிற்கு கொண்டு வரப்பட்டுள்ளதாக கூட்டமைப்பின் ஊடகப்பிரிவு தெரிவித்துள்ளது.

எதிர்வரும் உள்ளுராட்சி மன்றத் தேர்தலில் தமிழ் தேசிய கூட்டமைப்பில் அங்கம் வகிக்கும் தமிழரசு கட்சி, ரொலோ மற்றும் புளோட் ஆகியவற்றுக்கு இடையில் கடந்த நாட்களில் நடைபெற்ற ஆசனப் பங்கீடு தொடர்பான பேச்சுவார்த்தை இணக்கப்பாடு இன்றி நிறைவடைந்திருந்தது.

இந்த இணக்கப்பாடு எட்டப்படாமைக்கு தமிழரசு கட்சியின் விட்டுக்கொடுப்பற்ற செயற்பாடே காரணம் என கூட்டமைப்பின் அங்கத்துவ கட்சிகளான ரொலோவும் புளோட்டும் வெளிப்படையாக குற்றஞ்சாட்டியிருந்தன.

இதன்எதிரொலியாக தமிழ் தேசிய கூட்டமைப்பின் கீழ் உள்ளுராட்சிமன்றத் தேர்தலை எதிர்கொள்ளப் போவதில்லை என பங்காளிக் கட்சியான ரொலோவும் அறிவித்த நிலையில், தமிழ் தேசிய கூட்டமைப்பு முழுமையாக பிளவுபடும் நிலைமை உருவாகியிருந்தது.

இந்த நிலையில் இந்தப் பிரச்சினையை சுமூகமாக தீர்க்கும் முயற்சியில் இறங்கியிருந்த தமிழ் தேசிய கூட்டமைப்பின் நாடாளுமன்ற உறுப்பினர் எம்.ஏ.சுமந்திரன் ரொலோ கட்சி சார்பில் நாடாளுமன்றத்திற்கு தெரிவான செல்வம் அடைக்காலநாதனுடன் பேச்சுவார்த்தை நடத்தியிருந்ததுடன், அதில் கலந்துரையாடப்பட்ட விடயங்கள் குறித்து தமிழரசு கட்சியின் தலைவர் மாவை சேனாதிராஜாவுடனும் கலந்துரையாடியிருந்தார்.

இதன்பின்னர் ஊடகங்களுக்கு கருத்து வெளியிட்டிருந்த நாடாளுமன்ற உறுப்பினர் எம்.ஏ.சுமந்திரன், தமிழரசு கட்சி பலமாக இருக்கின்றது என்ற போதிலும் ஒற்றுமையின் நிமிர்த்தம் சில விட்டுக்கொடுப்புக்களை செய்ய தாம் தயாராக உள்ளதாக குறிப்பிட்டிருந்தார்.

இந்த நிலையில் தமிழ் தேசியக் கூட்டமைப்பின் பங்காளி கட்சிகளுக்கு இடையில் உள்ளுராட்சி மன்ற தேர்தலுக்கான ஆசன பங்கீடு தொடர்பில் நிலவி வந்த பிரச்சினைகள் சுமுகமாக தீர்க்கப்பட்டுள்ளதாக தமிழ் தேசியக் கூட்டமைப்பு இன்று அறிக்கையொன்றின் மூலம் அறிவித்துள்ளது.

இந்த பிரச்சினை தொடர்பில் தமிழ் தேசிய கூட்டமைப்பின் பங்காளிக்கட்சிகளின் தலைவர்களான மாவை சேனாதிராஜா, செல்வம் அடைக்கலநாதன், தர்மலிங்கம் சித்தார்த்தன் ஆகியோர் இன்று ஏனைய நாடாளுமன்ற உறுப்பினர்கள் மற்றும் கட்சி பிரதிநிதிகளோடு கலந்துரையாடியதன் அடிப்படையில் இந்தப் பிரச்சினை சுமுகமாக முடிவிற்கு கொண்டு வரப்பட்டுள்ளதாக அதில் தெரிவிக்கப்பட்டுள்ளது.

இதன் பிரகாரம் தேர்தலுக்கான விண்ணப்பங்கள் இலங்கை தமிழரசு கட்சியின் பெயரிலும், வீட்டுச் சின்னத்திலும் கையளிக்கப்படும் என ஊடகப்பிரிவின் அறிக்கையில் சுட்டிக்காட்டப்பட்டுள்ளது.

வடக்கு கிழக்கிலுள்ள வாக்காளர்களிடம் இலங்கை தமிழரசுக் கட்சியின் கீழ் அதன் சின்னத்தில் போட்டியிடும் தமிழ் தேசிய கூட்டமைப்பிற்கு முழுமையான ஆதரவை வழங்குமாறும் அந்த அறிக்கையின் ஊடாக அழைப்பு விடுக்கப்பட்டுள்ளது.

இதேவேளை தாம் தமிழரசு கட்சியின் வீட்டுச் சின்னத்தில் போட்டியிட மாட்டோம் என அறிவித்துள்ள தமிழ் தேசிய கூட்டமைப்பின் பங்காளிக் கட்சியான பிரமேச்சந்திரன் தலைமையிலான ஈ.பீ.ஆர்.எல் , தற்போது வீ.ஆனந்தசங்கரியின் தமிழர் விடுதலை கூட்டணியின் உதய சூரிய சின்னத்தில் போட்டியிடத் தீர்மானித்துள்ளமை குறிப்பிடத்தக்கது.

அரசாங்கம் தன்னை கைது செய்வதை தடை செய்யும் உத்தரவொன்றை பிறப்பிக்குமாறு கோரி இலங்கையின் முன்னாள் பாதுகாப்பு செயலாளர் கோத்தபய ராஜபக்ஷ மேல் முறையீட்டு நீதிமன்றத்தில் மனு ஒன்றைத் தாக்கல் செய்துள்ளார்.

இந்த மனுவில் பிரதிவாதிகளாக போலிஸ் மா அதிபர் உட்பட போலிஸ் குற்றப் புலனாய்வு திணைக்கள அதிகாரிகள் குறிப்பிடப்பட்டுள்ளனர்.

கடந்த ஆட்சிக் காலத்தில் தனது தந்தையான முன்னாள் நாடாளுமன்ற உறுப்பினர் டி.ஏ.ராஜபக்ஷவை நினைவுகூர அம்பாந்தோட்டை பகுதியில் நூதன சாலையொன்று அமைக்கும் போது 90 மில்லியன் ரூபாய் அரச நிதியை தவறான முறையில் பயன்படுத்தியதாகத் தெரிவித்து போலீசார் தன்னை கைது செய்ய முயற்சிப்பதாகக் கூறியுள்ள கோத்தபய ராஜபக்ஷ இந்தக் குற்றச்சாட்டுகளை நிராகரிப்பதாகத் தெரிவித்துள்ளார்.

அரசியல் ரீதியாக தன்னைப் பழிவாங்கும் நோக்கத்துடன் தன்னை கைது செய்து சிறையில் அடைக்க அரசாங்கம் தயாராகி வருவதாகவும் அதனை தடை செய்யும் உத்தரவொன்றை பிறப்பிக்குமாறு அவர் நீதிமன்றத்தில் வேண்டுகோள் விடுத்துள்ளார்.

இந்த மனு மீதான விசாரணை நாளை நடைபெறவுள்ளதாக நீதிமன்றம் அறிவித்துள்ளது. கோத்தபய ராஜபக்ஷ முன்னாள் ஜனாதிபதி மகிந்த ராஜபக்ஷவின் அரசாங்கத்தில் பாதுகாப்புச் செயலாளராக இருந்தது குறிப்பிடத்தக்கது.

சென்னை மாநகரில் மட்டும் 144 சதுர கி.மீ கடற்கரையோர பகுதிகள் நீரில் மூழ்கிவிடும்  என சுற்றுச் சூழல் நிபுணர்கள் மிகப் பெரிய எச்சரிக்கையை விடுத்திருக்கிறார்கள்.

புவி வெப்பமயமாதல் பிரச்சனை குறித்து, விஞ்ஞானிகள் பலமுறை எச்சரித்து வருகின்றனர். ஆனால் உலக நாடுகள் இதற்கான உரிய தீர்வுகளை மேற்கொள்வதில் போதிய அக்கறை காட்டவில்லை.

இந்த நிலையில், கடல் நீர் மட்டம் திடீரென உயர்வதால், தமிழகத்தின் 3,209 சதுர கி.மீ. பகுதிகள் வரும் 2100 ஆம் ஆண்டுக்குள் கடலுக்குள் மூழ்கிவிடும் என்று சுற்றுச்சூழல் நிபுணர்கள் தமிழகத்துக்கு ஒரு எச்சரிக்கை விடுத்துள்ளார்கள்.

சுற்றுச் சூழல் ஆய்வுகளின் அடிப்படையில், தமிழக அரசின் மாநில திட்ட ஆணையம் தயாரித்துள்ள ஒரு அறிக்கையில், மேலும் அதிர்ச்சிகரமான தகவல்கள் உள்ளதாக கூறப்படுகிறது. இதன் காரணமாகவே அந்த அறிக்கை பொதுமக்களுக்கு வெளியிடப்படவில்லை.

அந்த அறிக்கையின்படி வரும் 2050 ஆம் ஆண்டுக்குள் சென்னை மாநகரில் மட்டும் 144 சதுர கி.மீ கடற்கரையோர பகுதிகள் நீரில் மூழ்கிவிடும். மேலும் 10 லட்சம் மக்கள் வசிக்கும் கடற்கரையோர பகுதிகள் நீரில் மூழ்கி விடும்.

அதோடு எண்ணூர் பகுதி குடியிருப்புகள், ஆலைகள் அனைத்தும் கடலில் மூழ்கிவிடும். பட்டினப்பாக்கம், திருவான்மியூர், நீலாங்கரை, கிழக்கு கடற்கரை சாலை பகுதிகளை தாண்டி, பழைய மகாபலிபுரம் சாலை பகுதிகளும் கடலில் மூழ்கிவிடும் என்று எச்சரிக்கப்பட்டுள்ளது.

பள்ளிக்கரணை சதுப்புநிலப் பகுதிகளில் உருவாக்கப்பட்டுள்ள புதிய குடியிருப்புகள் வரை கடல் நீர் உள்ளே வர வாய்ப்புள்ளதாக எச்சரிக்கப்பட்டுள்ளது.

மேலும் கல்பாக்கம் அணு உலை, கடலூர் பெட்ரோலிய ஆலைகள், நாகப்பட்டினம் பெட்ரோலிய ஆலைகள், தூத்துக்குடி உப்பள ஆலைகள், கூடங்குளம் அணு உலை அனைத்தும் கடலில் மூழ்கும் அபாயம் இருப்பதாக எச்சரிக்கப்பட்டுள்ளது.

இதனால், பல லட்சக்கணக்கான மக்கள் பாதிக்கப்பட உள்ளதாகவும், இப்பொழுதே மாற்று ஏற்பாடுகள் குறித்து சிந்தித்து திட்டமிட வேண்டும் என்றும், சுற்றுச் சூழல் நிபுணர்கள் எச்சரித்து வருகின்றனர்.

இந்த நிலையில், தமிழக அரசு இப்பொழுதே விழித்துக்கொள்ள வேண்டும் என்ற எச்சரிக்கை முன்வைக்கப்பட்டுள்ளது. மாநில திட்ட ஆணையம் தயாரித்துள்ள எச்சரிக்கை அறிக்கையை ஒளித்துவைத்துவிட்டு செயல்படாமல் இருந்தால், கண்கெட்டபின் சூரிய நமஸ்காரம் நிலைமைதான் உருவாகும் என்றும் எச்சரிக்கப்பட்டுள்ளது.

திருவடிநிலை அன்னதான மண்டப பூச்சுவேலைகள் தற்போது நடைபெறுகின்றது 
2015ல் இந்த மண்டப ஆரம்பவேலைகள் நடைபெற்று கட்டவேலைகள் கூரைவேலைகள் நிறைவடைந்த நிலையில் திறப்புவிழா நடைபெற்றதை யாவரும் அறிவீர்கள். ஆனால் இதற்கான சுவர்களுக்கான  பூச்சுவேலைகள்  வர்ண வேலைகள் நடைபெறாமல் இருந்தது. தற்போது   அவ்வேலைகள்   நடைபெற்று வரும்நிலையில் இதற்காக இன்னும் நிதி தேவைப்படுகின்றது. இந்த மாரிகாலத்தில் வேலையாட்களை இலகுவாக பெற்றுக் கொள்ளமுடியும் என்பதால் மண்டப உள்வேலைகளை செய்வதற்கு ஆரம்பிக்கப்பட்டிருக்கிறது.   எனவே உங்கள் உறவுகளின் ஞாபகார்த்தமாக நீங்கள் சிறு நிதியானாலும் அனபளிப்பு செய்யலாம் இந்த மண்டபமூலம்  சுழிபுரம் பறாளய் முருகன் .பிள்ளையார் தீர்த்தகாலத்திலும் பொன்னாலை கிருஷ்ணர் தீர்த்தக்காலத்திலும் .ஆடிஅமாவாசை காலத்திலும் அன்னாதனம்வழங்கும் மண்டபமாக இது உள்ளது.  எனவே  மரணமான   உங்கள் உறவினர்கள்  பெயரால் அன்பளிப்பு செய்து புண்ணியத்தை பெற்றுக் கொள்ளுங்கள்.

 நிதியுதவி செய்ய விரும்புவோர் கீழ்கண்ட அன்னதானசபை கணக்கிலக்கத்திற்கு அனுப்பி வைக்குமாறு வேண்டிகொள்கின்றார்கள் அன்னதான சபையினர்

K.Kanakenthiran and P.Kanesananthan
N.S.Bank
A/C No 107250142832
Chankanai
Sri Lanka

அல்லது 

யேர்மனியில் இச்சபையின் தொடர்பாளராக திரு.வீரசிங்கம் வைரவநாதன் (சாமி) அவர்களைத் தொடர்பு கொண்டு மேலதீகவிபரங்களைப் பெற்றுக் கொள்ளலாம் அல்லது அவரிடம் நிதியை வழங்கி பற்றுச்சீட்டைப் பெற்றுக் கொள்ளலாம்.  

 யேர்மனி தொடர்பு இலக்கம் 0049 15213896265


நன்றி

---------------------------------------------------------------------------------------------------------------------------

சிறிலங்கா பாதுகாப்புப் படையினர் மீது சுமத்தப்பட்டுள்ள சித்திரவதை மற்றும் பாலியல் வதைக் குற்றச்சாட்டுகள் தொடர்பாக கரிசனை கொண்டுள்ளதாகவும், இத்தகைய மீறல்களுக்குப் பொறுப்பானவர்கள் மீது தாமதமின்றி நடவடிக்கை எடுக்க வேண்டும் என்றும் அமெரிக்கா வலியுறுத்தியுள்ளது.

சிறிலங்காவில் அண்மைக்காலத்தில், தமிழர்கள் மீது நிகழ்த்தப்பட்ட சித்திரவதைகள், பாலியல் வல்லுறவுகள் தொடர்பாக, ஏபி வெளியிட்ட ஆய்வு அறிக்கை குறித்து, அமெரிக்க இராஜாங்கத் திணைக்களத்தின் பேச்சாளர் ஒருவர், ஏபி செய்தி நிறுவனத்திடம் கருத்து வெளியிட்டுள்ளார்.

“சிறிலங்கா பாதுகாப்புச் சேவைகள் மீது சுமத்தப்பட்டுள்ள குற்றச்சாட்டுகள் தொடர்பாக அமெரிக்கா கரிசனை கொண்டுள்ளது.

சித்திரவதைகள், வல்லுறவுகள், பாலியல் வன்முறைகள், உலகில் எங்கு நடந்தாலும், அதனை அமெரிக்கா கண்டிக்கிறது.

இந்தக் குற்றச்சாட்டுகள் தொடர்பாக, விசாரணை செய்யும், சிறிலங்கா அரசாங்கத்தின் அர்ப்பணிப்பை நாங்கள் வரவேற்கிறோம்.

இத்தகைய மீறல்களுக்குப் பொறுப்பான அனைவரையும் தாமதமின்றி, பொறுப்புக்கூற வைக்க நடவடிக்கை எடுக்க வேண்டும்.” என்றும் அமெரிக்க இராஜாங்கத் திணைக்களப் பேச்சாளர் தெரிவித்துள்ளார்.

பாடசாலைக்கு செல்லும் முன்னர் மாணவர்கள்  காலை உணவை எடுத்திருந்தார்களா? 

என்ற விடயத்தில் பொருளாதாரம், சமூகம்  மற்றும் சில சந்தர்ப்பங்களில் மதம் கலாச்சார காரணங்களும் தாக்கத்தை ஏற்படுத்துகின்றன.

குறிப்பாக பொருளாதார பிரச்சனை காரணமாக சில பிள்ளைகள் காலை உணவை எடுக்காமலே பாடசாலைக்கு  செல்கின்ற அதேவேளை பெற்றோர் இருவரும் வேலைக்கு செல்வதன் காரணமாகவும் சில பிள்ளைகளுக்கு காலை உணவு விடுபடுகின்றது.

2016 ஆம் ஆண்டு கல்வி அமைச்சகம் வெளியிடப்பட்ட தகவல்களின்படி,  இலங்கையில் 10,162 பாடசாலைகளில் 41,43,330 மாணவர்கள் கல்வி பயில்வதாக கூறப்படுகின்றது.

இந்த  எண்ணிக்கையில் மூன்றில் ஒரு பகுதி மாணவர்கள் அதாவது 14 லட்சம் பேர் காலை உணவு எடுப்பது இல்லை என ஆய்வுகளில் தெரியவந்துள்ளதாக சுகாதார அமைச்சகத்தின் மருத்துவ ஆய்வு மையத்தின் போஷாக்கு பிரிவு கூறுகின்றது.

Image captionசிறப்பு மருத்துவ நிபுணர் டாக்டர் ரேணுகா ஜயதிஸ்ஸ

"காலை உணவு உட்கொள்ளாமல் இருப்பது பிள்ளைகளின் மூளை வளர்ச்சியிலும், உடல் வளர்ச்சியிலும் தாக்கத்தை ஏற்படுத்தும். " என்கின்றார் அந்த பிரிவுக்கு பொறுப்பு வகிக்கும் சிறப்பு மருத்துவ நிபுணரான டாக்டர் ரேணுகா ஜயதிஸ்ஸ. 

காலை உணவு எடுக்காத பிள்ளைகளிடம் கணித ஆற்றல், நினைவாற்றல் குறைதல், பலவீனமாக காணப்படுதல், பிரச்சனைகளை தீர்க்கும் ஆற்றல் குறைதல் , போட்டிப் பரீட்சைகளில் குறைந்த புள்ளிகளை பெறுதல் மற்றும் உயரம் குறைதல் போன்ற அறிகுறிகள் காணப்படுவதாகவும் அவர் தெரிவிக்கின்றார்.

காலை உணவு எடுக்காமல் பாடசாலைக்கு செல்லும் மாணவர்கள் மேல் மற்றும் தென் மாகாணங்களிலே அதிகம் காணப்படுவதாகவும் அவரது தகவல்கள் மூலம் அறியமுடிகின்றது.

படத்தின் காப்புரிமைGETTY IMAGES

"பிள்ளைகளுக்கு காலையில் ஒரு கிளாஸ் பால் கொடுப்பதை பெற்றோர்கள் பழக்கமாக வைத்து கொள்கின்றனர். அது போதுமானதாக இல்லை. ஒரு கிளாஸ் பாலை விட பிள்ளைகளுக்கு காலை உணவு கொடுப்பது முக்கியமானதாகும். பாடசாலை செல்லும் வயதில்தான் பிள்ளைகளிடம் துரித வளர்ச்சி காணப்படும்.

காலை உணவு என்பது தானியம், பழவகை, மரக்கறி, மாமிசம்  என  மூன்று உணவு பிரிவுகளை கொண்ட பிரதான உணவு வேளையாக இருத்தல் வேண்டும்.  பால் என்பது இதில் ஒரு பிரிவு மட்டுமே. அதனை இடை உணவாக கொடுக்கலாம் "  என்று   டாக்டர்  ரேணுகா ஜயதிஸ்ஸ காலை உணவின் முக்கியத்துவம் பற்றி  வலியுறுத்தி  கூறுகின்றார்.

"இது பற்றி பெற்றோர் அறியாமல்  இருப்பதே  தற்போதைய இந்த நிலைமைக்கு காரணம் " என்றும்  அவர் சுட்டிக்காட்டுகின்றார்.

டெக்சஸ் மாகாணத்தின், வில்சன் கவுண்டியில் உள்ள பாப்டிஸ்ட் தேவாலயத்தில் நடந்த துப்பாக்கி சூட்டில், குறைந்தது 26 பேர் கொல்லப்பட்டுள்ளதாக அதிகாரிகள் தெரிவித்துள்ளனர்.

உள்ளூர் நேரப்படி காலை 11.30 மணிக்கு, தேவாலயத்தில் ஞாயிற்றுக்கிழமைக்கான பிரார்த்தனை நடந்து கொண்டிருந்த போது, உள்ளே நுழைந்த துப்பாக்கி ஏந்திய நபர், மக்களை நோக்கி சுடத்துவங்கியுள்ளார்.

தேவாலத்தின் உள்ளே 23 பேரும், வெளியே இருவர் இறந்து கிடந்ததாகவும் குறிப்பிட்டுள்ள அதிகாரிகள், ஒருவர் மருத்துவமனையில் இறந்ததாக தெரிவித்துள்ளனர்.

இறந்தவர்களின் எண்ணிக்கையை, ஆளுநர் கிரேக் அபோட் உறுதி செய்துள்ளார். டெக்சஸின் வரலாற்றிலேயே, மிக மோசமான மற்றும் பெரிய துப்பாக்கிச்சூடாக இது இருக்கும் என்றும் அவர் தெரிவித்துள்ளார்.

`வருத்தத்தில் உள்ளவர்களுக்கு இது ஒரு நீண்ட, பெரிய சோகமாக இருக்கும்' என்று அவர் செய்தியாளர் சந்திப்பில் தெரிவித்தார்.

  • நியூ யார்க் தாக்குதல் : பாதுகாப்பை பலப்படுத்த டிரம்ப் உறுதி
  • டிரம்ப் `வெற்றுத்தனமானவர்` -முன்னாள் அதிபர் புஷ் கோபம்

டெக்சஸின் பொதுபாதுகாப்புத்துறையின் பிராந்திய இயக்குநர் ஃப்ரீமென் மார்ட்டின், இறந்தவர்கள் 5 முதல் 72 வயது வரையில் உள்ளனர் என்றும், குறைந்தது 20 பேர் காயமடைந்துள்ளதால், அவர்கள் மருத்துவமனைக்கு கொண்டு செல்லப்பட்டுள்ளதாகவும் தெரிவித்தார்.

தாக்குதல் நடத்திய சந்தேக நபர், இளம் வெள்ளை இன ஆண் என்றும், அவர் 20 வயதை தாண்டியவர் என்றும், கைகளில் பெரிய துப்பாக்கியுடனும், பாதுகாப்பிற்கான உடைகளையும் அணிந்து இருந்ததாக ஃப்ரீமென் மார்ட்டின் தெரிவித்துள்ளார்.

அவர், தேவாலயத்தின் உள்ளே நுழைவதற்கு முன்பு, வெளியேவும் துப்பாக்கியால் சுட்டுள்ளார் என்றும் அவர் தெரிவித்தார்.

சந்தேகத்திற்குரிய நபரை பொதுமக்களில் ஒருவர் துரத்தி சென்றுள்ளார், அவரின் வாகனம், குவாடலூப் கவுண்டி வழியில் இடித்து நின்றுள்ளது.

சந்தேகத்திற்குரியவர், அந்த வாகனத்தில் இறந்த நிலையில், காவல்துறையால் கண்டுபிடிக்கப்பட்டுள்ளார். அவர் தானாக சுட்டுக்கொண்டு இறந்தாரா அல்லது, அவரை துரத்தி வந்தவர் சுட்டதில் இறந்தாரா என்பது சரியாக தெரியவில்லை என்றும் மார்ட்டின் தெரிவித்தார்.

துப்பாக்கி ஏந்திய நபர், 26 வயதாகும் டெவின் பி கெல்லே என்பது தெரியவந்துள்ளதாக, அமெரிக்க ஊடகங்கள் தெரிவிக்கின்றன.

இந்த தாக்குதல் குறித்து, அமெரிக்க அதிபர் டுவிட்டர் பதிவு செய்துள்ளார்.

கட்டலோனியாவின் தனிநாட்டுச் சுதந்திரப் பிரகடனத்தை சிறிலங்கா அரசாங்கம் நிராகரித்துள்ளது. ஸ்பெய்னின் தன்னாட்சிப் பிராந்தியமான கட்டலோனியாவின் நாடாளுமன்றம் நேற்று சுதந்திரமான நாடாக கட்டலோனியாவைப் பிரகடனம் செய்திருந்தது.

இந்த நிலையில் சிறிலங்கா வெளிவிவகார அமைச்சு கட்டலோனியாவின் சுதந்திரப் பிரகடனம் தொடர்பாக இன்று அறிக்கை ஒன்றை வெளியிட்டுள்ளது.

அதில், “சிறிலங்காவுக்கும் ஸ்பெய்னுக்கும் இடையில் நீடித்த நட்புறவு உள்ளது. ஐரோப்பிய ஒன்றியத்துடனான சிறிலங்காவின் பங்காளி உறவுகளில் ஸ்பெய்னை ஒரு முக்கியமான உறுப்பினராக சிறிலங்கா கருதுகிறது.

சிறிலங்கா அரசாங்கம், ஸ்பெய்ன் இராச்சியத்தின், இறையாண்மை மற்றும் பிராந்திய ஒருமைப்பாட்டை உறுதியாக ஆதரிக்கிறது. கட்டலோனியாவை ஸ்பெய்னின் ஒருங்கிணைந்த பகுதியாகவே கருதுகிறது.

சட்டத்தின் ஆட்சி மற்றும் ஸ்பெய்னின்  அரசியலமைப்பு வரையறைக்குள் ஒன்றுபட்ட ஸ்பெய்னுக்கான பேச்சுக்களைத் தொடர சிறிலங்கா அரசாங்கம் கேட்டுக் கொள்கிறது.” என்று குறிப்பிடப்பட்டுள்ளது.


 சுழிபுரம் வள்ளியம்மன் கோயிலடியில் நேற்று மாலை 4.30 மணியளவில் இடம் பெற்ற விபத்தில் ஒருவர் உயிரிழந்தார்.

இரண்டு மோட்டார் சைக்கிள் கள் நேருக்குநேர் மோதி விபத்து ஏற்பட்டது என வட்டுக்கோட்டை பொலிஸார் தெரிவித்தனர்.

சுழிபுரம் சத்தியகாடு சந்தை மீன் வியா பாரி ஒருவரே இல்லாது உயிரிழந்தார் என தெரிவிக்கப்பட்டுள்ளது.
உயிரிழந்தவரின் சடலமானது சங்கானை வைத்தியசாலையில் வைக்கப்பட்டுள்ளது. 

மேலும் பண்டத்தரிப்பினை சேர்ந்த சண் முகராசா கயனந்தன் (வயது 26) மற்றும் சுழிபுரத்தினை சேர்ந்த சிவப்பிரகாசம் செந்தில் செல்வன் (வயது 30) என்ற இரு இளைஞர்களும் படுகாயமடைந்த நிலையில் யாழ். போதனா வைத்தியசாலையில் சிகிச்சை பெற்று வருகின்றனர்.

இச் சம்பவம் தொடர்பில் வட்டுக்கோட் டைப் பொலிஸார் விசாரணைகளை முன்னெடுத்துள்ளனர்.   

அமெரிக்க ஜனாதிபதி டொனால்ட் ட்ரம்ப், வெள்ளை மாளிகையில் உள்ள தனது ‘ஓவல்’ அலுவலகத்தில் இன்று (18) தீபாவளி கொண்டாடினார். அவருடன், நிக்கி ஹாலே, சீமா வர்மா போன்ற அமெரிக்க-இந்தியப் பிரமுகர்கள் மற்றும் அரசாங்கப் பிரமுகர்கள் பலரும் நிகழ்வில் கலந்துகொண்டனர்.

மங்கல விளக்கேற்றி விழாவை ஆரம்பித்து வைத்த ட்ரம்ப், அமெரிக்காவின் வளர்ச்சியில் அமெரிக்கவாழ் இந்தியர்களின் பங்களிப்பைப் புகழ்ந்து பேசினார்.

“அமெரிக்காவின் கலைத்துறை, விஞ்ஞான, மருத்துவ மற்றும் பாதுகாப்புத் துறைகளிலும் பெரும்பங்களிப்புச் செய்திருக்கும் அமெரிக்கவாழ் இந்தியர்களை நான் இத்தருணத்தில் பாராட்டுகிறேன். இந்தியாவுடன் அமெரிக்காவுக்கு இருக்கும் நெருங்கிய தொடர்புகளை இந்நேரத்தில் நினைவுகூருகிறேன். அதுபோல், இந்தியப் பிரதமர் நரேந்திர மோடியுடனான எனது உறுதியான நட்பையும் இங்கு சுட்டிக்காட்ட விரும்புகிறேன்” என்று ட்ரம்ப் தெரிவித்தார்.

அவருடன், அவரது மகள் இவங்க்கா ட்ரம்ப்பும் நிகழ்வில் கலந்துகொண்டார். கடந்த தீபாவளி தினத்தன்று இவங்க்கா ட்ரம்ப், வேர்ஜீனியா மற்றும் ஃப்ளோரிடாவிலுள்ள இந்துக் கோயில்களுக்குச் சென்று வழிபாடு நடத்தியமை குறிப்பிடத்தக்கது.

வெள்ளை மாளிகையில் தீபாவளிக் கொண்டாட்டங்களை ஆரம்பித்து வைத்தவர் முன்னாள் ஜனாதிபதி ஜோர்ஜ் புஷ். எனினும், அவரது ஆட்சிக் காலத்தில் நடைபெற்ற எந்தவொரு தீபாவளி கொண்டாட்டத்திலும் அவர் நேரடியாகக் கலந்துகொள்ளவில்லை.

வடக்கு-கிழக்கு மாகாணங்கள் இணைக்கப்படா விட்டால் திருகோணமலை மாவட்டத்திற்கு என்ன நடந்ததோ அதுவே நாளை மட்டக்களப்பு, அம்பாறை மாவட்டத்திற்கும் நடக்கும். அதாவது கிழக்கு பறிபோய்விடுமென வடமாகாண முதலமைச்சர் சி.வி.விக் னேஸ்வரன் தெரிவித்துள்ளார்.     

மேலும் அவர் தெரிவிக்கையில்,
வடக்கு கிழக்கு இணைப்பை நடை முறைப்படுத்த விடாமலே அரசாங்கம் திட்டமிட்டு நடவடிக்கைகளில் ஈடுபட்டுவந்துள்ளது. தமிழ் பேசும் திருகோணமலை மாவட்டம் முப்பகுதியினரின் மாவட்டமாகக் கடந்த ஐம்பது வருடங்களுக்குள்ளேயே மாற்ற ப்பட்டுள்ளது.
சமஷ்டியில் சில தனித்துவ அலகுகளை யும் உள்ளடக்கலாம். திருகோணமலை நக ரத்திற்கென ஒரு சிறப்பு நிர்வாகத்தை ஏற்படுத்தலாம். வட கிழக்கு இணைப்பு எதற்காக கோரப்படுகின்றது என்பதை நாம் முற்றாக அறிந்திருக்க வேண்டும். 

தமிழ் பேசும் பிரதேசங்கள் ஒன்றாக இல்லாவிட்டால் திருகோணமலை மாவட்டத்திற்கு நடந்ததே மட்டக்களப்புக்கும் அம்பாறைக்கும் நடக்கும். அரசாங்கத்திற்குப் பல அனுசரணைகள் உண்டு. நாட்டின் மத்திய அரசாங்கம் பெரும் பான்மையினரது கட்டுப்பாட்டில் இருக்கின்றது. 

கூடிய நாட்டு மக்கள் பெரும்பான்மையினத்தவர்கள். பிறநாடுகளுடன் ஒப்பந்தங்கள் வைத்துக் கொள்ளும் அதிகாரம் அவர்களுடையது. மகாவலி அபிவிருத்தி போன்ற சட்டங்களை அவர்களே நடைமுறைப்படுத் துகின்றார்கள். 

ஆகவே தான் அவர்கள் திருகோணமலை மாவட்டத்தையும் தற்போது முல்லைத்தீவு மாவட்டத்தையும் பெரும்பான் மையினத்தவரின் குடியேற்ற நிலங்களாக மாற்றிவருகின்றார்கள்.

திருகோணமலைக்கு விசேட நிர்வாக அந்தஸ்தை அளித்து, மிகுதி வடகிழக்குத் தமிழ்ப் பிரதேசங்களை ஒன்றிணைத்து முஸ்லிம் மக்களுக்கு அதனுள் ஒரு தனி அலகை உருவாக்குவதே உசிதமெனத் தோற்றுகின்றது என்றார் முதலமைச்சர்.

யேர்மனியில் சுழிபுரம் திருவடிநிலை புனிதபூமி ஒன்றியம் ஒன்றுகூடல் 3.10.2017  மிகச்சிறந்த  முறையில்-pizzrria sole ,44652 Herne  இல் நடைபெற்றது

இந்த நிகழ்வில்   சுழிபுரம் மற்றும் பண்ணாகம் மக்கள் கலந்து கொண்டார்கள்.

இந்த நிகழ்வை திரு வீரசிங்கம் வைரவநாதன்  ,மோகன் மற்றும்  முருகதாசன், பண்ணாகம் கிருஷ்ணன் ஆகியோரின் முயற்சியில் ஒழுங்கு செய்யப்பட்டது. வருடாவருடம் ஒக்டொபர் மாதம் 3 திகதி நடைபெறும் என தீர்மாணிக்கப்பட்டது

இவ்வருடம் நிகழ்வில் பலர் கலந்து சிறப்பித்தார்கள்.

இவ் நிகழ்வில் கலந்து கொண்ட பண்ணாகம் இணைய ஆசிரியர்  முதன் முதலில் வெளிநாட்டில்  இரண்டு ஊரவர்கள் ஒரு பொது முயற்சிக்காக ஒன்றிணைந்தது மிகப்பெருமையாக உள்ளது மிகப் பெருமிதம் என்று தெரிவித்து  மௌன அஞ்சலியை ஆரம்பித்து வைத்தார்.  அதைத் தொடர்ந்த திரு மோகன் அவர்கள் திருவடிநிலை அன்னதான மண்டப திறப்புவிழா பற்றி விபரித்தார். இவ்நிகழ்வுக்காக  தனது உணவுச்சாலையை வழங்கிய திரு.முருகதாசன் அவர்கள் திருவடிநிலை  புனிதபூமி பற்றிய முக்கியத்துவத்தை விபரித்தார்.  இதன் செயற்பாட்டிற்கு முக்கிய பங்காற்றிய திரு வைரவநாதன் அவர்களால் சென்ற வருட கட்டிட நிறைவு  வரவு செலவு அறிக்கை வழங்கப்பட்டது இவ்நிகழ்வு அடுத்தவருடம் பெரியளவில் நடைபெற ஒழுங்குகள் செய்யப்படும்எனவும் தெரிவித்தார். கலந்து கொண்டவர்கள் பலர் தமதுகருத்துக்களைத் தெரிவித்தார்கள்.காலை உணவு- மதிய உணவு- மாலைச் சிற்றாண்டிகள் என மிக கலகலப்பான ஒன்றுபட்ட பயன்மிகு சந்திப்பாக அமைந்தது. 

ஐ.நா பொதுச்சபைக் கூட்டத்தில் சிறிலங்கா அதிபர் மைத்திரிபால சிறிசேன உரையாற்றிய போது, அரங்கில் பெரும்பாலான ஆசனங்கள் வெறுமையாகவே காட்சியளித்தன என்று நியூயோர்க் தகவல்கள் தெரிவிக்கின்றன.

ஐ.நா பொதுச்சபையின் 72 ஆவது கூட்டத்தொடரின் முக்கிய அம்சமாக, உலகத் தலைவர்களின் பொது விவாதம், கடந்த 19ஆம் நாள் தொடங்கி, நேற்று நிறைவுபெற்றது.

இந்தக் கூட்டத் தொடரில் சிறிலங்கா அதிபர் மைத்திரிபால சிறிசேன, தொடர்ந்து மூன்றாவது ஆண்டாக பங்கேற்று உரையாற்றியிருந்தார்.

பல ஆண்டுகளுக்குப் பின்னர், முதலாவது நாளிலேயே – 19ஆம் நாள் பிற்பகல் அமர்வில் சிறிலங்கா அதிபருக்கு உரையாற்றும் வாய்ப்புக் கிடைத்திருந்தது.

காலை அமர்வில் அமெரிக்க அதிபர் டொனால்ட் ட்ரம்ப் உரையாற்றியிருந்தார். அவரது உரையைத் தொடர்ந்து பெரும்பாலான உலகத் தலைவர்கள், பொதுச்சபையில் இருந்து வெளியே சென்றிருந்தனர்.

இதனால், 27 ஆவது பேச்சாளராக சிறிலங்கா அதிபர் மைத்திரிபால சிறிசேன உரையாற்றிய போது பெரும்பாலான ஆசனங்கள் வெறுமையாக காட்சியளித்தன.

கிளிநொச்சியில் இன்று பிற்பகல் இடம்பெற்ற வாள் வெட்டுச் சம்பவத்தில் படுகாயமடைந்த நால்வா் வைத்தியசாலையில் அனுமதிக்கப்பட்டுள்ளனா்.
கிளிநொச்சி பரந்தன் பகுதியில் அமைந்துள்ள விடுதி ஒன்றின் பின்பகுதியில்  உள்ள நான்காம் வாய்க்கால் வீதியிலேயே இச்சம்பவம்  இடம்பெற்றுள்ளது.
குறித்த விடுதியில் இரு இளைஞர்கள் மது அருந்திக் கொண்டிருந்த போது  அவா்களுக்கிடையில் ஏற்பட்ட வாய்த்தர்க்கம் முற்றிய நிலையில் அது இரு குழுக்களுக்கிடையேயான மோதலாக மாறி வாள்வெட்டில் முடிந்துள்ளது.
 இதன்  போது படுகாயமடைந்த நால்வரும் கிளிநொச்சி மாவட்ட வைத்தியசாலையில் அவசர சிசிசை பிரிவில் அனுமதிக்கப்பட்டு  அதில் ஒருவா் நோயாளர் விடுதிக்கு மாற்றப்பட்டுள்ள நிலையில் ஏனைய மூவரும் அவசர சிகிசை பிரிவில்  சிகிசைப் பெற்று வருகின்றனா். இவா்களுக்கும் ஆபதான நிலையில் இல்லை எனவும் வைத்தியசாலையினா் தெரிவித்துள்ளனர்.
குறித்த சம்பவம் தொடர்பில் கிளிநொச்சி பொலீஸ் நிலைய குற்றத்தடுப்பு பதில் பொறுப்பதிகாரியும், சிறுகுற்றப் பிரிவு பொறுப்பதிகாரியுமான உப பாிசோதகர் சுமனசிறி தலைமையிலான குழுவினா் விசாரணைகளை மேற்கொண்டு வருகின்றனா்.
இந்த விசாரணையின் போது சந்தேக நபர்கள்  நால்வாின் பெயர்கள் பெறப்பட்டுள்ள போதிலும் இதுவரை எவரும் கைது செய்யப்படவில்லை.

-------------------------------

கிளிநொச்சி பரந்தன் சந்திக்கு அருகில் பதற்றமான சூழ்நிலை தற்போது ஏற்பட்டுள்ளதாக ஐ.பி.சி. தமிழ்  செய்தியாளர் தெரிவித்தார்.

கிளிநொச்சி பரந்தன் பகுதியில் உள்ள மதுபானசாலைக்கு முன்பாக  இடம்பெற்ற வாள்வெட்டு தாக்குதல் சம்பவத்தை தொடர்ந்தே இந்த பதற்றமான சூழ்நிலை ஏற்பட்டுள்ளது.

குறித்த வாள்வெட்டு சம்பவம் இன்று மதியம் இடம்பெற்றதாக கிளிநொச்சி பொலிஸார் தெரிவித்துள்ளனர்.

கிளிநொச்சி – பரந்தன் பகுதியில் உள்ள மதுபானசாலைக்கு முன்பாக இரு குழுக்களுக்கு இடையில் வாள்வெட்டு சம்பவம் மேற்கொள்ளப்பட்டுள்ளது.

மதுபோதையில் நின்ற  நபர்களுக்கிடையில் இடம்பெற்ற வாய்த்தர்க்கம்  காரணமாக  இந்த வாள்வெட்டு சம்பவம் ஏற்பட்டதாக  கிளிநொச்சி பொலிஸார்  குறிப்பிட்டனர்.

இந்நிலையில் வாள் வெட்டு தாக்குதலுடன் தொடர்புடைய நபர்கள் இராணுவ முகாமிற்குள் ஒடி மறைந்ததாகவும் அவர்களை கைது செய்யுமாறு கோரியும் பரந்தன் சந்தியில்  மக்கள் ஒன்று கூடியுள்ளனர்.

பச்சிலைப்பள்ளி பிரதேச செயலாளர் பிரிவுக்கு உட்பட்ட  வேம்போடு கேணி  கிராம அலுவலர் பிரிவிற்கு உட்பட்ட  இந்திராபுரம் குடியிருப்புப் பகுதியில் நேற்று முன்தினம்  கண்ணிவெடி அகற்றும் பணியில் ஈடுபட்டிருந்த மனிதாபிமான கண் ணிவெடி அகற்றும் பிரிவினரால் 500 கிலோக் கிராம் நிறையுடைய கிபிர்க்குண்டு கண்டுபிடிக்கப்பட்டிருந்தது .

நேற்றையதினம் காலை முதல்  பளைப் பொலிஸாரால்   குறித்த இந் திராபுரம் பகுதியில் இருந்து சுமார் இரண்டு கிலோமீற்றர் சுற்றளவில் உள்ள கிராம மக்களை வெளியே  மாறும் மாலை நான்கு மணிக்கு  பாரிய  குண்டு செயலிழக்கப்பட உள்ளதாகவும் ஒலிபெருக்கி  மூலம் அறிவிக்கப்பட்டுள்ளதுடன்  வயதா னோர்களை வாகனங்களிலும் பொலிஸார் ஏற்றி அக்கிராமத்தை விட்டு அப்புறப்படுத்தி உள்ளனர். 

பின்னர் நேற்று மாலை இந்திராபுரம் பகுதிக்கு வருகை தந்த விமானப்படையினர் குறித்த கிபிர்க் குண்டினை சுமார் பத்து அடி குழி ஒன்றினைத் தோண்டி அதனுள் வீழ்த்தியே மாலை நான்குமணி ஒரு நிமிடத்திற்கு செயலிழக்க செய்துள்ளனர்.
செயலிழக்கச் செய்யும் பொழுது யாழ் கண்டி வீதியின் போக்குவரத்து முகமாலைப் பகுதியிலும் பளைப் பகுதியிலும் நிறுத்தப்பட்டே செயலிழக்க வைக்கும் பணி இடம்பெற்றுள்ளது.

இதன்போது அதனை அண்டிய பகுதிகளில் பாரிய சத்தத்துடனும் அதிர்வுடனும் குண்டு வெடித்ததாக அயலில் உள்ள கிராம மக்கள் தெரிவிக்கின்றனர். 

இதன் செயலிழப்பு பணி தொடர்பாக பச்சிலைப் பள்ளி பிரதேச செயலகத்திற்கு  விமானப்படையினர் கடிதம் மூலம் அறிவிக்கப்பட்டிருந்ததாக குறிப்பிடத்தக்கது.  
text

எங்களது போராட்டத்தில் உயி ரிழந்தவர்களின் ஆத்மாக்கள் சாந்தியடைய வேண்டும் என்றால் மக்கள் ஏற்றுக்கொள்ள கூடிய நியாயமான அரசியல் தீர்வு ஒன்று கிடைக்க வேண்டும் என தமிழ்த்தேசிய கூட்டமைப்பின் பாராளுமன்ற உறுப்பினர் தர்மலிங்கம் சித்தார்த் தன் தெரிவித்துள்ளார். 

முன்னாள் பாராளுமன்ற உறு ப்பினர் அமரர் வி.தர்மலிங்கத்தின் 32 ஆம் ஆண்டு நினைவு தினம் தாவடியில் அமைந்துள்ள அவரது நினைவு தூபியில் நேற்று காலை 7  மணியளவில் நடைபெற்றது. 

இந்த நிகழ்வில் உரையாற்றும் போதே  மேற்கண்டவாறு தெரிவித்துள்ளார். அங்கு அவர் மேலும் தெரிவிக்கையில்,

தமிழர் போராட்டத்தை எடுத்து கொண்டால் ஆயிரக்கணக்கான இளைஞர்கள் போராட்ட இயக்கங்களில் தாங் களாகவே இணை ந்து கொண்டு உயிர் தியாகங்களை செய் திருந்தார்கள். அதே போல் போராட்ட த்தில் மாட்டுப்பட்டு அப்பாவி மக்களும் கொல்லப்பட்டிருந்தார்கள். அமரர் அமிர்த லிங்கம், எனது தந்தை உள்ளிட்ட பலர் இந்த போராட்டத்தின் பெய ரால் கொல்லப்பட்ட வர்கள். 

இவர்கள் உண் மையில் ஏன் கொல் லப்பட்டார்கள் என்று பொதுமக்களுக்கும் தெரியாது. 
கொன்றவர்களுக்கும் தெரி யாது. இது உண்மை. இவ்வாறாக எங்கள் போராட்டத்தில் சரியாகவும், பிழையா கவும் தமது உயிர் களை இழந்துள்ளார்கள்.இவ்வாறு உயிரிழந்தவர்களின் ஆத்மாக்கள் சாந்தியடைய வேண்டும் என்றால். நியாய மான அரசியல் தீர்வு ஒன்று கிடைக்க வேண்டும். 

ஆனால் அந்த அரசியல் தீர்வு நியாயமானதாக மக்கள் ஏற்றுக்கொள்ள கூடி யதாக இருக்க வேண் டும். அதன் மூலம் தான் மக்களுடைய ஆத்மா சாந்தியடை யும். என அவர் மேலும் தெரிவித்தார். இந்த நிகழ்வில் அரசியல் வாதிகள், பொது அமைப்புக்கள் சார்ந்தோர், கல்வி அறிஞர்கள் புத்திஜீவிகள், பாரா ளுமன்ற, மாகாண சபை உறுப்பினர்கள் எனப்பலரும் கலந்து கொண்டிருந்தனர்

எங்களது போராட்டத்தில் உயி ரிழந்தவர்களின் ஆத்மாக்கள் சாந்தியடைய வேண்டும் என்றால் மக்கள் ஏற்றுக்கொள்ள கூடிய நியாயமான அரசியல் தீர்வு ஒன்று கிடைக்க வேண்டும் என தமிழ்த்தேசிய கூட்டமைப்பின் பாராளுமன்ற உறுப்பினர் தர்மலிங்கம் சித்தார்த் தன் தெரிவித்துள்ளார். 

முன்னாள் பாராளுமன்ற உறு ப்பினர் அமரர் வி.தர்மலிங்கத்தின் 32 ஆம் ஆண்டு நினைவு தினம் தாவடியில் அமைந்துள்ள அவரது நினைவு தூபியில் நேற்று காலை 7  மணியளவில் நடைபெற்றது. 

இந்த நிகழ்வில் உரையாற்றும் போதே  மேற்கண்டவாறு தெரிவித்துள்ளார். அங்கு அவர் மேலும் தெரிவிக்கையில்,

தமிழர் போராட்டத்தை எடுத்து கொண்டால் ஆயிரக்கணக்கான இளைஞர்கள் போராட்ட இயக்கங்களில் தாங் களாகவே இணை ந்து கொண்டு உயிர் தியாகங்களை செய் திருந்தார்கள். அதே போல் போராட்ட த்தில் மாட்டுப்பட்டு அப்பாவி மக்களும் கொல்லப்பட்டிருந்தார்கள். அமரர் அமிர்த லிங்கம், எனது தந்தை உள்ளிட்ட பலர் இந்த போராட்டத்தின் பெய ரால் கொல்லப்பட்ட வர்கள். 

இவர்கள் உண் மையில் ஏன் கொல் லப்பட்டார்கள் என்று பொதுமக்களுக்கும் தெரியாது. 
கொன்றவர்களுக்கும் தெரி யாது. இது உண்மை. இவ்வாறாக எங்கள் போராட்டத்தில் சரியாகவும், பிழையா கவும் தமது உயிர் களை இழந்துள்ளார்கள்.இவ்வாறு உயிரிழந்தவர்களின் ஆத்மாக்கள் சாந்தியடைய வேண்டும் என்றால். நியாய மான அரசியல் தீர்வு ஒன்று கிடைக்க வேண்டும். 

ஆனால் அந்த அரசியல் தீர்வு நியாயமானதாக மக்கள் ஏற்றுக்கொள்ள கூடி யதாக இருக்க வேண் டும். அதன் மூலம் தான் மக்களுடைய ஆத்மா சாந்தியடை யும். என அவர் மேலும் தெரிவித்தார். இந்த நிகழ்வில் அரசியல் வாதிகள், பொது அமைப்புக்கள் சார்ந்தோர், கல்வி அறிஞர்கள் புத்திஜீவிகள், பாரா ளுமன்ற, மாகாண சபை உறுப்பினர்கள் எனப்பலரும் கலந்து கொண்டிருந்தனர்

தமிழீழ விடுதலைப் புலிகளின் (எல்.ரீ.ரீ.ஈ) புலனாய்வுத் துறை என்ற பெயரில், அந்த இயக்கத்தின் இலட்சினையுடன் அச்சடிக்கப்பட்ட துண்டுப் பிரசுரங்கள், வவுனியாவில் உள்ள வீதிகள் சிலவற்றில், வீசப்பட்டு கிடந்த நிலையில் பொலிஸாரால் மீட்கப்பட்டுள்ளன.

வவுனியா, குருமன்காடு பிரதேசத்தில் உள்ள வீதிகள் மற்றும் சிறி டெலோ கட்சியின் காரியாலயத்துக்கு அண்மையில், வீசப்பட்டுக் கிடந்த நிலையிலேயே அந்தத் துண்டுப் பிரசுரங்களை பொலிஸார், செவ்வாய்க்கிழமை இரவு பொறுக்கியெடுத்துள்ளனர்.

தமிழ்ப் பெண்களால் மேற்கொள்ளப்படும் பிழைகள் தொடர்பில், புலிகளின் புலனாய்வு பிரிவு அவதானித்துக் கொண்டிருக்கிறது என்றும், தமிழ்ப் பெண்கள், சிங்கள ஆண்களுடன் தொடர்புகளை வைத்துக் கொள்ளக்கூடாது. அவ்வாறானவர்கள், கண்காணிக்கப் படுகின்றீர்கள் என்றும், மீறி நடந்தால் தண்டனை வழங்கப்படும் என்றும் அதில் எழுதப்பட்டுள்ளது.

17 வரு­டங்­க­ளின் பின்னர் இந்­திய சிப்­பாய்­க­ளுக்கு கோப்பாயில் அஞ்­சலி

இலங்கைக்கு வருகை தந்துள்ள இந்தியாவின் தெற்சியாவுக்கான கட்டளை  தளபதி அடங்கிய பாதுகாப்பு அதிகாரிகள் குழு, யாழ்.கோப்பாயில் உள்ள இந்திய இராணுவத்தின் சமாதிக்கு இன்று முற்பகல் அஞ்சலி செலுத்தினர். 

இந்திய இராணுவம், அமைதிப் படையாக வடக்கு - கிழக்கில் செயற்பட்ட தருணத்தில் இடம்பெற்ற மோதல்களில் நூற்றுக்கணக்கான இந்திய இராணுவ வீரர்கள் பலியானர்கள். 

அவ்வாறு உயிரிழந்தவர்களை நினைவுகூரும் நினைவுத் தூபியொன்றே கோப்பாயில் அமைக்கப்பட்டுள்ளது.