WELCOME TO PANNAGAM.COM & PTV

பண்ணாகம் இணையம்

NEWS -3

வவுனியா - குருமன்காடு பிரதேசத்தில் இடம்பெற்ற வாகன விபத்தில் இரு இளைஞர்கள் உயிரிழந்துள்ள னர். மேலும் இருவர் படுகாயமடைந்துள்ளனர்.
தைப்பொங்கலை கொண்டாடுவதற்கு பயணித்து கொண்டிருந்த போதே இந்த விபத்து ஏற்பட்டுள்ளமை பெரும் சோகத்தினை ஏற்படுத்தியுள்ளது.

அதிவேகம் காரணமாக நேற்று அதிகாலை இந்த விபத்து இடம்பெற்றுள்ளதாக தெரிவிக்கப்படுகிறது. 20 மற்றும் 21 வயதுடைய இளை ஞர்களே இதன்போது உயிரிழந்துள்ளனர்.

இச்சம்பவம் தொடர்பாக மேலும் தெரிய வருவதாவது,
வவுனியா நகரப் பகுதியில் இருந்து புகை யிரத நிலைய வீதி ஊடாக வைரவப்புளி யங்குளம் நோக்கி பயணித்த மோட்டார் கார் ஒன்று  வேகக் கட்டுப்பாட்டை இழந்த நிலை யில் நேற்று ஞாயிற்றுக்கிழமை  அதிகாலை 1.20 அளவில் வீதியின்  அருகாமையில் இருந்த கற்குவியலிலும் மற்றும் கம்பத்துட னும் மோதுண்டு விபத்துக் குள்ளாகியுள்ளது. 
இந்த மோட்டார் காரில் 4 பேர் பயணி த்த நிலையில் ஒருவர் சம்பவ இடத்திலேயே பரிதாபகரமாக உயிரிழந்துள்ளதுடன் மேலும் 3 படுகாயமடைந்த நிலையில் வீதியால் சென்ற பொது மக்களினாலும் மற்றும் பொலி ஸாரினாலும் மீட்கப்பட்டு வவுனியா மாவட்ட பொது வைத்தியசாலையில் அனுமதிக்கப்பட்டனர்.

இந்த விபத்துச் சம்பவத்தின் போது இல. 36ஃ1, புகையிரத நிலைய வீதி வைரவப்புளி யங்குளம் வவுனியாவைச் சேர்ந்த இரா ஜேந்திரன் - பிரபாத் (வயது 21)  என்ற  இளை ஞர் சம்பவ இடத்திலேயே பரிதாபகரமாக உயிரிழந்துள்ளார், 
மேலும் 3 பேர் படுகாயமடைந்த நிலை யில் மீட்கப்பட்டு வவுனியா மாவட்ட பொது வைத்தியசாலையின் அதிதீவிர சிகிச்சைப் பிரிவில்  அனுமதிக்கப்பட்டு சிகிச்சை வழங் கப்பட்டு வந்த  நிலையில் சிகிச்சை பலனின்றி நேற்றுக் காலை வேளையில் கணேசபுரம் வவுனியா  என்ற முகவரியைச் சேர்ந்த சந் திரகுமார் - சாந்தப் பிரகாஸ் (வயது 20)  என்ற இளைஞனும் பரிதாபகரமாக உயிரிழந்துள்ளார், 

இச்சம்பவத்தின் போது படுகாயமடைந்த நிலையில், ஒயார் சின்னக்குளம் வவுனியா  என்ற முகவரியைச் சேர்ந்த எம்.விதுசன் (வயது 20) என்பவரும்,சாஸ்திரி கூமாங்கு ளம் வவுனியா  என்ற முகவரியைச் சேர்ந்த கதிர்காமநாதன் சசிகரன் (வயது 22) ஆகி யோர் தொடர்ந்தும் அதிதீவிர சிகிச்சை அளி க்கப்பட்டு வருவதாக வவுனியா பொலிஸ் நிலையத் தகவலில் தெரிவிக்கப்பட்டுள்ளது.                                 

விநாயகமூர்த்தி முரளிதரனின் (கருணா) வெளிநாட்டுப் பயணங்களுக்கு விதிக்கப்பட்டிருந்த தடையை நீக்க, கொழும்பு பிரதான நீதிமன்று நீதவான் லால் ரணசிங்க பண்டார, 09.01.18 உத்தரவு பிறப்பித்தார்.

நாடாளுமன்ற உறுப்பினர்களுக்கான சலுகைகள் அடிப்படையில், கருணாவுக்கு வழங்கப்பட்டிருந்த குண்டு துளைக்காத ஜீப் வண்டியை, முறையற்ற விதத்தில் பயன்படுத்தினார் என்ற குற்றச்சாட்டின் பேரில், அவருக்கு எதிராக வழக்குத் தொடரப்பட்டிருந்தது.

இந்தச் சம்பவத்துடன் தொடர்புடைய வழக்கு, சட்டமா அதிபரின் ஆலோசனைக்கு அமைய நீக்கிக்கொள்ளப்பட்டுள்ள நிலையில், கருணாவுக்கு எதிராக விதிக்கப்பட்டிருந்த வெளிநாட்டுப் பயணத் தடையையும் நீக்குமாறு, பாரிய நிதி மோசடிகள் குறித்து விசாரணை நடத்தி வரும் நிதிக் குற்றப்புலனாய்வுப் பிரிவினரால், நீதிமன்றத்தில் விடுக்கப்பட்டிருந்த கோரிக்கைக்கு அமையவே, மேற்படி பயணத் தடை நீக்கப்பட்டுள்ளது.

இதேவேளை இவரின் முதல் வெளிநாட்டுப் பயணம் தமிழகத்தில் உள்ள தென்னிந்திய நடிகர் ரஜனிகாந்தை சந்திப்பதாக அமையும் என கருணாவின் ஆதரவாளர்கள் தெரிவித்துள்ளனர்.
மற்றும் இப் பயணம் இவ் இருவருடைய வருங்கால அரசியல் பற்றிய கலந்துரையாடலாகவும் இருக்கும் எனவும் அவர்கள் தெரிவித்துள்ளனர். மேலும் அவர்கள் கருணா ரஜினி இருவரின் சந்திப்பை காண மிகவும் ஆவளாக இருப்பதாகவும் தெரிவித்துள்ளனர்.

ஐரோப்பிய நாடுகள் ஒன்றியத்தில் தற்போது துருக்கி இணைவதற்கான வாய்ப்பில், எந்த முன்னேற்றமும் இல்லை என பிரான்ஸ் அதிபர் இம்மானுவல் மக்ரோங், துருக்கி அதிபர் ரசெப் தாயிப் எர்துவானிடம் தெரிவித்தார்.

பாரிசில் நடைபெற்ற செய்தியாளர்கள் சந்திப்பில் அதிபர் மக்ரோங் பேசுகையில், 2016ஆம் ஆண்டு துருக்கியில் ஆட்சி கவிழ்க்கும் முயற்சி தோல்வியடைந்ததில் இருந்து ஏற்பட்ட சில சம்பவங்களால், மனித உரிமை விவகாரங்களில் வேறுபாடு ஏற்பட்டதாக கூறினார்.

இந்நிலையில், ஐரேப்பிய ஒன்றியத்தில் சேர தொடர்ந்து முயற்சி செய்து சலிப்படைந்து விட்டதாக, துருக்கி அதிபர் ரசெப் தாயிப் எர்துவான் தெரிவித்தார்.

சிரியாவுக்கு துருக்கி ஆயுதங்கள் அனுப்பியதாக வெளியான செய்தியைக் குறித்து, செய்தியாளர் ஒருவர் கேட்ட கேள்வியால் கோபமடைந்த எர்துவான், 2016ஆம் ஆண்டு ஆட்சி கவிழ்ப்பு முயற்சிக்குக் காரணமான குல்லனிஸ்ட் இயக்கத்தின் உறுப்பினர் போல கேள்வி கேட்பதாக செய்தியாளரை சாடினார்.

"கேள்விகளை கேட்கும்போது கவனமாக இருக்க வேண்டும். யாரோ ஒருவரின் வார்த்தைகளைக் கொண்டு பேசக்கூடாது" என்றும் அவர் தெரிவித்தார்.

ஐரோப்பிய ஒன்றியத்தில் துருக்கி இணைவதற்கான பேச்சுவார்த்தைகளில் முன்னேற்றம் இருப்பதாக காட்டிக் கொள்ளும் பாசாங்கிற்க்கு முடிவுகட்டும் நேரமிது என்று பிரான்ஸ் அதிபர் மக்ரோங் கூறினார்.

"ஐரோப்பிய ஒன்றியத்துடனான உறவை பார்க்கும் போது, சமீபத்திய முன்னேற்றங்கள் மற்றும் தேர்வுகள் நாங்கள் ஈடுபட்டுள்ள செயல்முறைகளில் எந்த முன்னேற்றத்தையும் அனுமதிக்கவில்லை" என்றும் அவர் தெரிவித்தார்.

ஆனாலும், துருக்கியுடன் இணக்கமான உறவை வைத்திருப்பது அவசியம் என்றும் உறுப்பினர் நிலைக்குக் குறைவான உறவுக்கான சாத்தியங்களை ஆராயும் தருணம் இது என்றும் மக்ரோங் தெரிவித்தார்.

துருக்கிக்கு எதிரான ஐரோப்பிய ஒன்றியத்தின் அணுகுமுறை வெறுப்பளிப்பதாகவும், துருக்கியின் நேரத்தை வீணடிப்பதாகவும் துருக்கி அதிபர் குற்றஞ்சாட்டினார். பெரும்பாலான துருக்கியர்கள், "இனியும் ஐரோப்பிய ஒன்றியத்தை விரும்பவில்லை" என்றும் எர்துவான் கூறினார்.

எனினும், ஐ.எஸ். அமைப்புக்கு எதிராகப் போராடுவதில் நிலவும் ஒத்துழைப்பு குறித்து இரு தலைவர்களும் பாராட்டுத் தெரிவித்தனர்.

தேர்தலில் போட்டியிடும் வேட்பாளர்கள் பற்றிய விபரங்கள் தேவைப்படுவதாக இராணுவத் தளபதி மகேஸ் சேனாநாயக்க கோரிக்கை விடுத்துள்ளார். 

எதிர்வரும் உள்ளுராட்சி மன்றத் தேர்தலில் போட்டியிடும் வேட்பாளர்கள் பற்றிய விபரங்கள் தேவைப்படுவதாக சர்வதேச ஊடகமொன்றுக்கு வழங்கிய செவ்வியில் அவர் தெரிவித்துள்ளார்.

இதற்காக இந்த வேட்பாளர்கள் கண்காணிக்கப்படுகின்றார்கள் என்று அர்த்தப்படாது என குறிப்பிட்டுள்ள அவர் சமூகத்தின் முக்கிய உறுப்பினர்கள் என்ற வகையில் இவ்வாறு தகவல்கள் இருக்க வேண்டுமென தெரிவித்துள்ளார். தேவை ஏற்பட்டால் வேட்பாளர்களுக்கு இராணுவப் பாதுகாப்பு வழங்கப்பட முடியும் எனவும் அவர் குறிப்பிட்டுள்ளார்

தமிழக மக்களின் எண்ணத்தைதான் ஆர்.கே.நகர் வாக்காளர்கள் வெளிப்படுத்தி உள்ளனர்.


ஜெயலலிதா மறைவால் காலியான ஆர்.கே.நகர் தொகுதிக்கு கடந்த ஏப்ரல் 12-ந்தேதி இடைத்தேர்தல் நடத்தப்படும் என்று அறிவிக்கப்பட்டது. பணப்பட்டுவாடா புகார் காரணமாக ஆர்.கே.நகர் இடைத்தேர்தல் ரத்தானது.


இந்தநிலையில் ஆர்.கே.நகர் தொகுதிக்கு இந்த மாதம் 21-ந்தேதி இடைத்தேர்தல் நடத்தப்படும் என்று அறிவிப்பு வெளியானது. அ.தி.மு.க. சார்பில் மதுசூதனன், தி.மு.க. சார்பில் மருது கணேஷ், பா.ஜ.க. சார்பில் கரு.நாகராஜன் ஆகியோரும், சுயேட்சை வேட்பாளராக சசிகலா உறவினர் டி.டி.வி. தினகரன் உள்பட 59 பேர் தேர்தல் களத்தில் நின்றனர்.

கடந்த முறை பணப்பட்டுவாடா புகார் விஸ்வரூபம் எடுத்தது போன்று இந்த முறையும் பணப்பட்டுவாடா புகார் எழுந்தது. இது தொடர்பாக எதிர்க்கட்சிகள் தேர்தல் ஆணையத்திடம் புகார் மனுக்கள் அளித்தன. பணப்பட்டுவாடா புகார் காரணமாக 20 பேர் மீது வழக்குப்பதிவு செய்யப்பட்டது.

இதனால் இடைத்தேர்தல் நடக்குமா? நடக்காதா? என்ற சூழ்நிலை ஏற்பட்டது. பரபரப்பான சூழ்நிலையில் 21-ந்தேதி வாக்குப்பதிவு அமைதியான முறையில் நடந்து முடிந்தது. இந்த இடைத்தேர்தலில் மொத்தமுள்ள 2 லட்சத்து 28 ஆயிரத்து 234 வாக்காளர்களில் ஒரு லட்சத்து 76 ஆயிரத்து 885 வாக்குகள் பதிவானது

பதிவான வாக்குகள் இன்று எண்ணப்பட்டு வருகிறது. முதல் சுற்று வாக்கு எண்ணிக்கையில் இருந்து சுயேட்சையாக போட்டியிட்ட டிடிவி தினகரன் பெரும்வாரியான வாக்குகள் வித்தியாசத்தில் முன்னிலை பெற்று வருகிறார். வெற்றியை நோக்கிய முன்னிலையில் டிடிவி தினகரன் பயணித்துவரும் நிலையில், மூன்றே மாதங்களில் இபிஎஸ்-ஓபிஎஸ் ஆட்சியை முடிவுக்கு வரும் என்ற கருத்தை பதிவிட்டு உள்ளார்.  மதுரை விமான நிலையத்தில் செய்தியாளர்களிடம் பேசிய டிடிவி தினகரன், ஆர்.கே.நகர் தேர்தல் முடிவுகள் வெளிவந்து கொண்டிருக்கிறது. இதில் எனக்கு மக்கள் அமோக ஆதரவு அளித்துள்ளனர். இதனால் எனது வெற்றி உறுதியாகி உள்ளது.

தமிழக மக்களின் எண்ணத்தைதான் ஆர்.கே.நகர் வாக்காளர்கள் வெளிப்படுத்தி உள்ளனர். இந்த வெற்றிக்காக பாடு பட்ட கட்சியின் 1.5 கோடி தொண்டர்களுக்கும் நன்றியை தெரிவித்துக் கொள்கிறேன். நான் அவினாசி, கோவை, அருமனை சென்றபோதும் அங்குள்ள மக்கள் குக்கர் சின்னம் வெற்றி பெற வேண்டும் என்று என்னைவாழ்த்தினர். மக்கள் விரும்பியபடி வெற்றி பெற்றுள்ளேன். இன்னும் 3 மாதத்தில் ஆட்சி மாற்றம் வரும். நல்லாட்சிதர தியாகத் தலைவி சின்னம்மாவால் தான் முடியும் என மக்கள் நம்புகின்றனர். அதனால் தான் ஆர்.கே.நகரில் வெற்றியை தந்துள்ளனர். 

சின்னமாக இருந்தாலும் சரி, கட்சியாக இருந்தாலும் சரி வேட்பாளரை வைத்தே அது நிர்ணயிக்கப்படுகிறது. சின்னமோ, கட்சியோ யாரிடம் இருக்கிறது என்பதுதான் முக்கியம். எம்.ஜி.ஆர். கையில் இருந்தால்தான் மக்கள் ஏற்றுக் கொள்வார்கள். எம்.என்.நம்பியார், பி.எஸ்.வீரப்பா  போன்றவர்கள் கையில் இருந்தால் ஏற்றுக்கொள்ள மாட்டார்கள். புரட்சித்தலைவர் எம்.ஜி.ஆர். நினைவு நாளில் அம்மாவிற்கு அடுத்த படியாக யார் வரவேண்டும் என்ற சிறந்த பரிசை மக்கள் வழங்கி உள்ளனர் என்றார். 
யேர்மனித் தமிழரின் புதிய புரட்சி!! 200க்கு மேற்பட்ட  தாயக கலைஞர்கள் ஒரேமேடையில்!!!
யேர்மனியில் 
“வணக்கம் ஐரோப்பா“ 
நெஞ்சம் மறக்குமா
 மாபெரும் இசைச் சங்கமம்

இந்தியக் கலைஞர்களுக்கு இணையான நிகழ்வு
 23.12.2017  சனிக்கிழமை நிகழ்வை சென்று பார்ப்பதால் நீங்களும் தாயக மக்களுக்கு உதவி செய்தவர் ஆகுகிறீர்கள்.     
“உங்களுக்கு விருந்தாகவும் தாயக மக்களுக்கு மருந்தாகவும் அமையும்“.
இரண்டாவது வருடமாக தாயகமக்களின் கண்ணீர்துடைக்க நிதி திரட்டும்வகையில் நடாத்தப்படும் வணக்கம் ஐரோப்பா நிகழ்வு பல நல் உள்ளங்கள் ஒன்று திரண்டு ஒரு நோக்த்திற்காக பலமாதங்களாக முயன்று இன்நிகழ்வை ஒழுங்கமைத்திருக்கிறார்கள். இதற்கு பல வர்த்தக நிறுவனங்கள் தமது முழு ஆதரவை வழங்கியுள்ளன அதே போன்று பல ஊடகங்களும் தமது ஆதரவை தெரிவித்து வருகின்றது.  சென்றவருடம் இன் நிகழ்வு  நடைபெற்றபோது  அங்கு நுளைவுச்சீட்டு மற்றும் நன்கொடைகள் மூலம்பெற்ற பணத்தின் வரவு செலவு அதே மேடையில் மக்களுக்காக அறிவிக்கப்பட்டது. இதை பலமக்களும் ஊடகங்களும் பலவகையில் பாராட்டினர் எந்த ஒரு அமைப்புகளும் செய்யாத மிக முன்னோடியான செயலாக வரவு செலவுகளை உடனடியாக மக்கள் பார்வைக்கு சமர்ப்பித்து தமது துாய்மையான சேவையை நிரூபித்தனர். 2016 விழாவில் அறிவிக்கப்பட்ட பணத்தை எப்படி எந்த வகையில் தாயகத்தில் துயர்உற்ற மக்களுக்கு கொடுக்கப்பட்டது என்பது பற்றிய வீடியோ பதிவுக் காட்சிகளை 2017.12.23 ம் திகதி யேர்மனி ஒபகௌசனில் நடைபெறும் நிகழ்வில் மக்களுக்கு காட்சிப்படுத்தவுள்ளதாக அந்த குழுவினர் பண்ணாகம் இணையத்திடம் தெரிவித்தார்கள். இவர்களின் இந்த செயல் மக்கள் மத்தியில் இவர்களின் செயற்பாட்டில்  அதீத நம்பிக்கை ஊட்டுவதாக அமையும் என்பது உண்மையே.  இவ்வருடம் நடைபெறும் நிகழ்வில் சென்றவருடம் பங்குபற்றாத பல கலைஞர்கள் தாங்களாகவே இணைந்து நிகழ்வுகளை வழங்கவுள்ளார்கள் என்பது குறிப்பிடத்தக்கது. வணக்கம் ஐரோப்பாவின் செயற்பாடுகள் மக்களுக்கு நம்பிக்கை ஊட்டும் நிகழ்வாக அமைந்துவிட்டது. மக்களிடம் திரட்டும் பணத்தின் மக்கள் மனம் குளிரும்படியான சேவைகளை யார் செய்கின்றார்களோ அவர்களின் பின்னால் மக்கள் செல்கின்றார்கள். எனவே எதிர்காலத்தில் இதுபோன்ற பல நிகழ்வுகளை செய்து  தாயக மக்கள்குறைகளை ஓரளவாவது களைந்து ஆறுதலளிக்க பாடுபடவேண்டும் என பண்ணாகம் இணையம் கேட்டுக் கொள்கின்றது. 
“உண்மை என்றும் உயர்வுபெறும்“

நிகழ்விற்கு  தனி நபர் - 10 ஒயிரோ
குடும்பத்தினர் -  25 ஒயிரோ



---------------------------------------------------------------------------------------------------------------

ஸ்ரீலங்காவிலுள்ள சிங்களத் தலைவர்களை விடவும் தமிழீழ விடுதலைப் புலிகளின் தலைவர் சிறந்த தலைமைத்துவத்தைக் கொண்டிருந்ததாக தென்னிலங்கையில் செயற்பட்டுவரும் கடும்போக்குவாத பௌத்த அமைப்புக்களில் பிரதான அமைப்பான பொதுபல சேனா தெரிவிக்கின்றது.

கொழும்பில் இன்று நடைபெற்ற ஊடகவியலாளர் சந்திப்பில் கலந்துகொண்டு கருத்து தெரிவித்த அந்த அமைப்பின் பொதுச் செயலாளரான ஞானசார தேரர் இதனைக் கூறினார்.

பொதுபல சேனா ஏற்பாடு செய்திருந்த ஊடகவியலாளர் சந்திப்பு கொழும்பு – கிருலப்பனையில் உள்ள அந்த அமைப்பின் தலைமையகத்தில் இன்றைய தினம் நடைபெற்றது.

தமிழர் தாயகப் பகுதிகளில் அண்மையில் நடைபெற்ற மாவீரர் நினைவேந்தல் நிகழ்வுகள் குறித்து பொதுபல சேனா அமைப்பின் பொதுச் செயலாளர் ஞானசார தேரர் கருத்து வெளியிட்டார்.

 “விடுதலைப் புலிகள் இயக்கத்தில் இருந்தாலும், ஸ்ரீலங்கா இராணுவத்தில் இருந்தாலும் அனைவரும் அதேபோல சிங்களவராக இருந்தாலும், தமிழ், முஸ்லிமாக இருந்தாலும் மக்களே என்பதை நாங்கள் அனைவரும் ஏற்றுக்கொள்கின்றோம். போராட்டம் ஏற்படுகிறது. அது முற்போக்கானதா அல்லது வேறொன்றா என்பது எமக்கு அவசியமில்லை. விடுதலைப் புலிகளின் தலைவராக இருந்தாலும் போராட்ட நோக்கம் சிறந்ததாக இருக்கலாம். எமது சிங்களத் தலைவர்களை விடவும் விடுதலைப் புலிகளின் தலைவர் சிறந்த தலைவர். அவருக்கு நேர்மை இருந்தது. அந்த நோக்கத்திற்கு உண்மைத்தன்மை இருந்தது. எமது தலைவர்கள் அனைவரையும் ஏமாற்றுகின்றனர். எனினும் விடுதலைப் புலிகளின் தலைவர் தெரிவுசெய்த வழிதான் பிழை. ஆயுதத்தை கையில் ஏந்தியது தவறல்லவா. எனவே அனைவரும் மக்கள்.

யுத்த வெற்றியை கொண்டாடுவதைப் போன்று, தமிழ் மக்கள் பறிபோன உயிர்களும் இந்த நாட்டு மக்களுடைய உயிர். வடக்கில் இருப்பவர்கள் இந்தியாவின் ஒரு பிரிவைச் சேர்ந்தவர்கள் அல்லர். விடுதலைப் புலிகளின் போராட்டமும், ஜே.வி.பி போன்ற போராட்டத்தை ஒத்ததாகும்.

இந்த உள்ளகப் போராட்டத்தில் உயிரிழந்தவர்களும் எமது மக்களாகும். எனினும் போரில் உயிரிழந்தவர்களை நினைவுகூர்வதாக தெற்கு மக்களுக்கு கூறிவிட்டு வடக்கில் வேறு ஒன்றை செய்வதை ஏற்கமுடியாது. இதனூடாக இனங்களுக்கு இடையில் முரண்பாடு ஏற்படுகிறது. சாதாரண மக்கள் இதனை செய்யமாட்டார்கள். இதனைத் தூண்டி ஏற்பாடு செய்கிறவர்களுக்கு எதிராகவே நடவடிக்கை எடுக்க வேண்டும்” என்றார்.

இலங்கையின் வடக்கே வவுனியாவில் இன்று(24) பிற்பகல் குளத்திற்கு குளிக்கச் சென்ற சகோதரன் மற்றும் சகோதரி ஆகியோர் நீரில் மூழ்கி உயிரிழந்துள்ளனர்.

இந்தப் பரிதாப அனர்த்தம் குறித்து தெரியவருவதாவது,

இன்று பிற்பகல் 2மணியளவில் மாமடு குளத்தில் குளிப்பதற்காக ஒரே குடும்பத்தைச் சேர்ந்த நான்கு பேர் சென்று, குளத்தின் கரையிலிருந்து தண்ணீரை ஒருவர்மீது ஒருவர் தட்டித்தட்டி விளையாடியுள்ளனர். இதன்போது இளைஞர் ஒருவரும் சிறுமி ஒருவரும் நீரில் இழுத்துச்செல்லப்பட்டுள்ளனர்.

இதனால் ஏனையவர்கள் கூக்குரலிட்டு அயலவர்களை அழைத்துவந்து நீரில் மூழ்கியவர்களை தேடி மீட்டுள்ளனர். பின்னர் குறித்த இருவரையும் அருகிலுள்ள மாமடுவ வைத்தியசாலைக்குக் கொண்டு சென்று அவசர சிகிச்சைகளுக்காக வவுனியா பொது வைத்தியசாலைக்குக் கொண்டு சென்றுள்ளனர். இதன்போது குறித்த இருவரும் வைத்தியசாலைக்குக் கொண்டுசெல்லும் வழியிலேயே உயிரிழந்ததாக தெரியவந்துள்ளது.

இதில் திருமணமாகி இரண்டு மாதம் நிறைவடைந்த ஜெயப்பிரதாப்(வயது -26) எனும் இளைஞரும் அவரது ஒன்றுவிட்ட சகோதரியான பானுரேகா (16வயது) என்ற சிறுமியுமே உயிரிழந்தவர்களாவர்.

குறித்த அனர்த்தத்தில் உயிரிழந்த இருவரின் சடலங்களும் வவுனியா பொது வைத்தியசாலையில் வைக்கப்பட்டுள்ளதுடன் மேலதிக விசாரணைகளை பொலிஸார் மேற்கொண்டு வருகின்றனர்.

காலி மாவட்டத்தில் உள்ள ஜின்தோட்டை பகுதியில் முஸ்லிம்களுக்கும் சிங்களவர்களுக்கும் இடையில் ஏற்பட்ட மோதல்களை அடுத்து  அங்கு நேற்றிரவு முதல் காவல்துறை ஊரடங்குச் சட்டம் நடைமுறைப்படுத்தப்பட்டுள்ளது.

பள்ளிவாசல் உள்ளிட்ட பல வீடுகள், கட்டங்கள் தீயிடப்பட்டும், சேதமாக்கப்பட்டும் உள்ளன. மோதல்களில் பலர் காயமடைந்துள்ளனர்.

நேற்றுமுன்தினம் சிங்களவர் ஒருவரது உந்துருளி முஸ்லிம் ஒருவரை மோதியதை அடுத்து இந்த வன்முறைகள் ஆரம்பித்ததாக சிறிலங்கா முஸ்லிம் கவுன்சில் துணைத் தலைவர் தெரிவித்துள்ளார்.

இதையடுத்து, முஸ்லிம்கள் சிலர் உந்துருளியைச் செலுத்திய சிங்களவரைத் தாக்கியுள்ளனர். பின்னர், தாக்கப்பட்ட சிங்களவர் ஒரு குழுவினருடன் வந்து முஸ்லிம்கள் மீது தாக்குதல் நடத்தியதாக கூறப்படுகிறது.

இதன் தொடர்ச்சியாக இரண்டு சமூகங்களுக்கிடையிலும் பெரும் மோதல் வெடித்தது. இதையடுத்து, கலகம் அடக்கும் காவல்துறையினரும், சிறப்பு அதிரடிப்படையினரும் குவிக்கப்பட்டனர்.

கூட்டத்தைக் கலைக்க, கண்ணீர் புகைக்குண்டுகளை அதிரடிப்படையினர் பயன்படுத்தியுள்ளனர். ஏழு பேர் கைது செய்யப்பட்டுள்ளதாக சிறிலங்கா காவல்துறை தெரிவித்துள்ளது.

பல வீடுகளும், கடைகளும் தீயிடப்பட்டு எரிக்கப்பட்டுள்ளன.  பள்ளிவாசல் ஒன்றும் சேதமாக்கப்பட்டுள்ளது.

தற்போது நிலைமைகள் கட்டுப்பாட்டுக்குள் கொண்டு வரப்பட்டுள்ளதாக காவல்துறை தெரிவித்துள்ளது.

200 காவல்துறையினரும், 1000 சிறப்பு அதிரடிப்படையினரும் அங்கு குவிக்கப்பட்டுள்ளனர் என்று காவல்துறை பேச்சாளர் தெரிவித்துள்ளார்.

ஏழு பேர் கைது செய்யப்பட்டுள்ளதாகவும் நிலைமைகள் கட்டுப்பாட்டுக்குள் இருப்பதாகவும் அவர் கூறியுள்ளார்.

இந்த மோதல்களில் காயமடைந்த 3 பேர், காலி மருத்துவமனையில் அனுமதிக்கப்பட்டனர்.

வன்முறைகளை அடுத்து ஜின்தோட்டை பகுதியில் நேற்றிரவு காவல்துறை ஊரடங்குச் சட்டம் நடைமுறைக்கு கொண்டு வரப்பட்டது. இன்று காலை 9 மணிவரை ஊரடங்குச்சட்டம் நடைமுறையில் இருக்கும் என்று அறிவிக்கப்பட்டுள்ளது.

வெலிபிட்டிமோதற, மகாஹப்புகல, ருக்வத்த, ஜின்தோட்டை கிழக்கு, ஜின்தோட்டை மேற்கு, பியந்திகம, குருந்துவத்த உள்ளிட்ட பகுதிகளிலேயே ஊரடங்குச் சட்டம் நடைமுறைப்படுத்தப்பட்டுள்ளது.

எதிர்வரும் 27ம் திகதி நடைபெற இருக்கின்ற மாவீரர் நாள் நினைவேந்தலுக்கான ஏற்பாடுகள் கிளிநொச்சியில் இடம்பெற்று வருகின்றது. 

அந்தவகையில் கிளிநொச்சியில் உள்ள மூன்று மாவீரர் துயிலுமில்லங்களிலும் நினைவேந்தலுக்கான ஏற்பாடுகள் நடைபெற்று வருகின்றன. 

அதிலும், கிளிநொச்சி - கனகபுரம் மாவீரர் துயிலுமில்லத்தில் மக்கள், பொது அமைப்புக்கள், பல்கலைக்கழக மாணவர்கள், அரசியற் கட்சிகள் எனப் பலரும் இணைந்து சிரமதானப் பணிகளை மேற்கொண்டு வருகின்றனர். 

கடந்த காலத்தில் பல அச்சுறுத்தல்களுக்கு மத்தியில் நினைவேந்தல் ஏற்பாடாகி இருந்தது. 

ஆனால், இந்த முறை இதுவரைக்கும் எந்தவித அச்சுறுத்தல்களும் இல்லாத நிலையில் ஏற்பாடுகள் நடைபெற்று வருகின்றது. 

கொழும்பிலிருந்து யாழ்ப்பாணம் நோக்கிப் பயணித்துக் கொண்டிருந்த பஸ்ஸொன்று, புத்தளம், மதுரங்குளிப் பகுதியில், இன்று காலை 8.15 மணியளவில் விபத்துக்குள்ளானதில் உயிரிழந்தவர்களின் எண்ணிக்கை 6 ஆக உயர்வடைந்துள்ள நிலையில், 43 பேர் காயமடைந்துள்ளனர்.

இதேவேளை காயமடைந்தவர்கள் சிலாபம், புத்தளம் மற்றும் முந்தல் வைத்தியசாலையில் சிகிச்சைக்காக அனுமதிக்கப்பட்டுள்ளனர்.

படுகாயமடைந்த நிலையில் சிலாபம் வைத்தியசாலையில் சிகிச்சைபெற்று வந்தவர்களில் ஒருவர் உயிரிழந்துள்ளார். இதனால் குறித்த விபத்தில் உயிரிழந்தவர்களின் எண்ணிக்கை 6 ஆக உயர்ந்துள்ள நிலையில், மேலும் , 43 பேர் காயமடைந்த நிலையில் வைத்தியசாலைகளில்  சிகிச்சைப் பெற்று வருகின்றனர்.

பிரித்தானியாவின் லிவர்பூல் பகுதியில் அமைந்துள்ள Moss View முதியோர் இல்லத்தில்  வசித்துவரும் தனது 80 வயது மகனை பராமரிக்கும் பொருட்டு 98 வயது தாயார் அதே முதியோர் இல்லத்தில் சென்று தங்கியுள்ளார்.

குறித்த  முதியோர் இல்லத்தில் கடந்த 2016ஆம் ஆண்டில் இருந்து 80 வயதான டோம் வசித்து வருகிறார். இதுவரை திருமணம் செய்து கொள்ளாத டோமுக்கு தினமும் காலை வணக்கம் சொல்லவும், உணவு தயாரானதும் சென்று கூப்பிடவும், அவருக்கு யாரும் இல்லை என்பதால் தாம் இந்த முடிவை எடுத்துள்ளதாக Ada Keating  என்ற டோமின் 98 வயது தாயார் தெரிவித்துள்ளார்.

எப்போதெல்லாம் தாம் வீட்டை விட்டு வெளியே செல்கின்றேனோ அப்போதெல்லாம் டோம் தமக்காக காத்திருந்ததாகவும், தாம் வீட்டுக்கு வந்த அந்த நொடி ஓடி வந்து தம்மை இறுக்கமாக அணைத்து அன்பை வெளிப்படுத்துவார் எனவும்  வயோதிப தாய் நெகிழ்ச்சியுடன் தெரிவித்துள்ளார்.

முதியோர் இல்லத்தில் அனைவரும் தமது தாயாரை அன்புடன் கவனிப்பதாக கூறும் டோம், சமயங்களில் தமது தாயார் தம்மை கண்டிப்பதாகவும் தெரிவித்துள்ளார்.

தற்போதெல்லாம் அடாவின் பேரப்பிள்ளைகளும் தவறாமல் வந்து டோமையும் அடாவையும் சந்தித்துவிட்டு செல்கின்றனர்.

த்தாலியில், 'இரத்த வியர்வை' பெருக்கெடுக்கும் நோயால் அவதிப்படும் 21 வயதுப் பெண்ணின் நிலை கண்டு மருத்துவர்கள் அதிர்ச்சியடைந்துள்ளனர்.

மூன்று வருடங்களாக இந்த வித்தியாசமான நோயால் பாதிக்கப்பட்ட பெண், அண்மைக்காலமாக அளவுக்கதிகமாக இரத்தம் வியர்வையாக வெளியேறியதையடுத்தே மருத்துவர்களை நாடியுள்ளார்.

தூங்கும்போதும், கடினமான வேலைகள் செய்யும்போதும் இப்பெண்ணுக்கு முகத்தில் இருந்தும் கைகளில் இருந்தும் இரத்தம் வியர்வையாகப் பெருக்கெடுக்கிறது.

எனினும் இதற்கு சாத்தியமே இல்லை என்று உறுதியாக நம்பிய மருத்துவர்கள் சிலர், அப்பெண்ணின் தந்திர வேலையாக இருக்கும் என்றும் கூறியுள்ளனர்.

ஆனால், அப்பெண்ணைப் பரிசோதித்த மருத்துவர்கள், உண்மையில் அவருக்கு வியர்வையாக இரத்தம் பெருக்கெடுப்பதை உறுதி செய்துள்ளனர். மேலும், மன அழுத்தத்துக்கு உள்ளாகும்போதும் அதிகளவு இரத்தம் வெளியேறுவதும் கண்டுபிடிக்கப்பட்டுள்ளது.

இதற்கு என்ன சிகிச்சையை வழங்குவது என்று தெரியாமல் தயங்கி நிற்கும் வைத்தியர்கள், இரத்த அழுத்தத்துக்காக வழங்கப்படும் மருந்துகளைக் கொடுத்திருக்கிறார்கள்.

அந்த மருந்தை உட்கொள்ள ஆரம்பித்ததன் பின் இரத்தம் வெளியேறுவது குறைந்திருப்பதாக அப்பெண் கூறியுள்ளார். எனினும், இரத்தம் வெளியேறுவது முழுமையாக இன்னும் நின்றுவிடவில்லை என்றும் குறிப்பிட்டுள்ளார்.

கலை இலக்கிய ஆளுமையாளருக்கான விருதும் நாவல் அறிமுகமும்

ஜேர்மன் தமிழ் எழுத்தாளர் சங்கத்தினர் 14.10.17 அன்று, நீண்ட பல ஆண்டுகளாக ஜேர்மனியில் கலை இலக்கிய பணியாற்றிய ஆளுமையாளர்களான கவிஞர் .முகில்வாணன் அவர்கள், எழுத்தாளரும் வில்லிசை வேந்தனுமாகிய நாச்சிமார் கோவிலடி த.இராஜன் அவர்கள்,எழுத்தாளரும்; கவிஞருமாகிய பசுபதிராஜா அவர்கள், டென்மார்க்கில் வாழும் எழுத்தாளர் ஜீவகுமாரன் அவர்கள் ஆகியோருக்கு பட்டயமளித்து கௌரவித்ததுடன் ஜீவகுமாரன் அவர்களின் 'குதிரை வாகனம்' என்ற நூலின் அறிமுகத்தையும்;, ஜேர்மனி டோட்முண்ட் நகரில் உள்ள தமிழ் அரங்கம் மண்டபத்தில் நடத்தி வைத்தனர்.

கௌரவம் பெற்ற கலை இலக்கிய ஆளுமைகள் பற்றிய திருமதி.கலைவாணி ஏகானந்தராஜா, புத்திசிகாமணி அவர்கள், திருமதி. கீதாராணி பரமானந்தம், அம்பலவன் புவனேந்திரன் அவர்கள் உரைகளை ஆற்றியிருந்தனர்.

கௌரவம் பெற்ற கலை இலக்கிய ஆளுமையாளர்களில் ஒருவரான கவிஞர் முகில்வாணன் அவர்கள், தனது உரையின் போது 400 ஆண்டுகால வரலாறு உடைய பிரஞ்சு இலக்கியத்திற்கு அதன் வளர்ச்சியைச் சொல்லுகின்ற வரலாறு உண்டு அதற்கான ஆவணப்படுத்தலும் இருக்கின்றது ஆனால் முதல் சங்கம் தொடங்கி நான்காம் சங்கம் வரை கொண்ட தமிழிலக்கிய வரலாற்றுக்கு ஆவணம் எதுவுமே இல்லையென ஆதங்கத்துடன் குறிப்பிட்டிருந்தார்.

அடுத்து உரையாற்றிய நாச்சிமார் கோவிலடி வில்லுப்பாட்டு த.இராஜன் அவர்கள், 1994 ஆண்டு ஆதவ கிருஸ்ணா நாடக மன்றம் நடத்திய நாடகப் போட்டியில் தனக்குக் கிடைக்க வேண்டிய சிறந்த நடிகருக்கான பரிசு சூழ்ச்சியனால் தடுக்கப்பட்டதாக மிகவும் கோபத்துடனும் கவலையுடனும் கூறி அதைச் செய்தவரின் பெயரையும் குறிப்பிட்டு, அந்நாடகப் போட்டிக்கு தலைமை நடுவராக இருந்தவர் இந்தச் சபையிலிருக்கின்றார் என  ஏலையா க.முருகதாசன் அவர்களை சுட்டிக் காட்டினார்.இப்போட்டியில் ஏற்பட்ட குழறுபடிகளை அவர் அறிவார் என என்னை நோக்கி அவர் குறிப்பிட்டார.;

அடுத்து உரையாற்றிய எழுத்தாளரும் கவிஞருமான பசுபதிராஜா அவர்கள், சாதிய அடக்குமுறை பற்றி குமுறும் கோபத்துடனும், கவலையுடனும் கூறி தனது ஆக்கங்களில் பலவற்றை அதற்கு எதிரானதாகவே எழுதி வருவதாக குறிப்பிட்டார்.

அடுத்து 'குதிரை வாகனம்' நாவல் அறிமுக நிகழ்ச்சியின் ஆரம்பமாக நாவலுக்கான அறிமுகவுரையை திருமதி.கௌசி சிவபாலன் ஆற்றியிருந்தார். அவர் முழு நாலையும் வாசித்தமை, நாவலில் ஆங்காங்கே தான இரசித்து உள்வாங்கியதை மிகவும் இரசணையுடன் வெளிப்படுத்தினார்.

அதனைத் தொடர்ந்து ஏற்புரை ஆற்றிய ஜீவகுமாரன் அவர்கள், தான் இதுவரை எழுதிய ஆக்கங்கள் பற்றியதும் அவற்றின் உள்ளடக்கம் எவ்விலக்கை நோக்கி இருந்தது என்பதுடன் குதிரை வாகனம் நாவலில் பண்டாரவளை சண்முகத்தார் பரம்பரையின் பரம்பரை அடையாளமாக குதிரை வாகனமே கதைககரு எனக் கூறிய அவர் நாவலுக்கும் சிறுகதைக்குமுள்ள வேறுபாடு பற்றி ஒப்பிடுகையில் சிறுகதை என்பது ஒருநாளில் நடந்து முடியும் துடுப்பாட்டம் போன்றதுடன் நடுவிக்கட்டை வீழ்த்தி வெற்றி பெறுவது போன்றது, ஆனால் நாவல் பலபேர் சேர்ந்து விளையாடும் உதைபந்தாட்டம் போன்றது என்று கூறி புத்தி சொல்லும் இலக்கியத்தில் தனக்கு உடன்பாடு இல்லை என்று கூறினார்.

இவ்விழாவில், மண் சஞ்சிகையின் ஆசிரியரும் ஜேர்மன் தமிழ் எழுத்தாளர் சங்கத்தின் தலைவருமாகிய வ.சிவராசா அவர்கள் உரையாற்றுகையில் இதுவரை ஜேர்மன் தமிழ் எழுத்தாளர் சங்கம் செயலாற்றிய நூல் வெளியீடுகள்,நிறைவேற்றிய திட்டங்கள் பற்றி விரிவாக எடுத்துக் கூறினார்.இவ்விழாவில் கலை நிகழ்ச்சிகளாக நடனங்களும் இடம்பெற்றன

கவிமணி த.குகதாசன் வாழ்த்துரை ஆற்றினார். ஏலையா க.முருகதாசன், வி.சபேசன் ஆகியோரின் வாழ்த்துக்களும் இடம்பெற்றன.


தகவல்  ஏலையா க.முருகதாசன்

யா/பண்ணாகம் மெய்கண்டான் மகா வித்தியாலய வருடாந்த பரிசளிப்பு விழா இம்மாதம் இடம்பெறவுள்ளது. இதற்காக மாணவர்களுக்கான பரிசில்கள், விருதுகள்,கேடயங்கள் வழங்குவதற்காக வழமையாக, மனப்பூர்வமான பங்களிப்பினை வழங்கி வருகின்ற, வழங்க விரும்புகின்ற பாடசாலை பழைய மாணவர்கள், பெற்றோர்கள்,ஆசிரியர்கள், நலன்விரும்பிகள், பாரெங்கும் பரந்து வாழும் பண்ணாக உறவுகளிடமிருந்து இம்முறையும் பங்களிப்பினை பாடசாலை சமூகத்தினர் எதிர்பார்க்கின்றனர்.
* நீங்கள் உங்கள் பங்களிப்பினை வழங்க விரும்பின் தொடர்பு கொள்ள வேண்டிய இலக்கம்.
0212251959 ( பாடசாலை தொலைபேசி இலக்கம் )
( [email protected] )

செய்தி -பாபு
காணாமலாக்கப்பட்டோருக்காக நீதி கேட்டு நாம் முன்னெடுக்கும் போராட்டம் எமது காலத்துடன் முடி ந்து போகாது. எமது அடுத்த தலை முறையும் நிச்சயம் போராடும் என வட மாகாண மகளிர் விவகார அமைச்சர் அனந்தி சசிதரனை சந் தித்த மனித உரிமைகள் கண்கா ணிப்பகத்தின் பிரதிநிதி களிடம் உறுதிபடத் தெரிவித்துள்ளார்.

யாழ்ப்பாணத்திற்கு விஜயம் செய்துள்ள மனித உரிமைகள் கண்காணிப்பகத்தின் சர்வதேச பிரதிநிதிகள்  நடைமுறையிலுள்ள பிரச்சினைகள் குறித்து கேட்டறிவதற்காக அனந்தி சசிதரன் அவர்களுடன் சந்திப்பை மேற்கொண்டிருந்தார்கள். 

மகளிர் விவகார அமைச்சரின் அலுவலகத்தில் நேற்றுமுன்தினம்  4.30 மணியளவில் நடைபெற்ற சந் திப்பின்போதே அமைச்சர் இதனை வலியு றுத்தியுள்ளார்.

இராணுவத்திடம் கையளிக்கப்பட்டு காணா மலாக்கப்பட்டவர்கள் இருக்கிறார்களா? இல்லையா? என்பதை அறியாது பெரும் மன உளைச்சலுக்கு ஆளாகிக்கொண்டிருப்பதா னது மிகவும் கொடுமையான விடயமாகும். 

இறந்துவிட்டவர்கள் குறித்த கவலை சில கால ங்களில் ஆறிவிடும் நிலையில், இருக்கிறார் களா? இல்லையா? என்ற தவிப்பு நிலையா னது. உளவியல் ரீதியில் பெரும் பாதிப்பினை ஏற்படுத்திக் கொண்டிருக்கிறது. 

இந்நிலையானது கறையான் அரித்துக் கொண்டிருப்பதைப் போன்று கொடிய வேதனைகளை தினமும் தந்துகொண்டிருக்கின்றது.


என்னைப் பொறுத்தவரையில் தொடர்ச்சி யான மக்கள் பணியில் ஈடுபட்டுவருவதால் ஓரளவு மன ஆறுதலடைகின்ற போதிலும் தற்போது உங்களுடன் கதைத்துக்கொண்டி ருந்தாலும் எனது மனதில் காணாமலாக்கப்ப ட்ட எனது கணவரின் நிலைகுறித்த எண்ண ங்கள்தான் ஓடிக்கொண்டிருக்கிறது.

சாதாரண மக்களின் நிலை மிகவும் மோசமானதா கவே காணப்படுகின்றது.

அமெரிக்கா, இந்தியா மற்றும் ஐரோப்பிய நாடுகளை நம்பியே போரின் இறுதியில் எமது உறவுகளை இலங்கை இராணுவத்திடம் ஒப்படைத்திருந்தோம். 

நோர்வே, ஜப்பான், அமெரிக்கா மற்றும் பிரித்தானியா உள்ளட ங்கிய ஐரோப்பிய ஒன்றியம் ஆகியவற்றுடன் இந்தியாவும் பின்னணியில் இருந்து செயற் பட்டதென்பது யாவரும் அறிந்திருந்த விடய மாகும். பொதுமன்னிப்பு வழங்கப்படுவதாக இலங்கை இராணுவம் வழங்கிய வாக்குறு தியை நாங்கள் நம்பவில்லை.

மாறாக அப்போது இணைத்தலைமை நாடுகளாகச் செயற்பட்ட மேற்குறிப்பிட்ட நாடு களையும் ஐக்கிய நாடுகள் சபையையும் நம் பியே எமது உறவுகளை இலங்கை இராணு வத்திடம் ஒப்படைத்திருந்தோம்.

ஆகவே பொறுப்புக்கூறும் கடப்பாடு இலங்கை அரசா ங்கத்தையும் கடந்து ஐக்கிய நாடுகள் சபை மற்றும் இந்தியா உள்ளிட்ட இணைத் தலைமை நாடுகளுக்கும் உண்டு என்பதையும் அமை ச்சர் அனந்தி சசிதரன் வலியுறுத்திக் கூறியிருந்தார்.

இவற்றை செவிமடுத்த மனித உரிமை கள் கண்காணிப்பக பிரதிநிதிகள், காணாம லாக்கப்பட்டோர் விடயத்தில் பொறுப்புக்கூறப் பட்டால் உங்கள் போராட்டம் முடிவுக்கு வந்து விடும்தானே என அவர்கள் வினவிய போது, இலங்கை இராணுவத்திடம் ஒப்படைக்கப்ப ட்டு காணாமலாக்கப்பட்டவர்களது விடயத்தில் இலங்கை அரசாங்கமும் ஐக்கிய நாடுகள் சபை, இந்தியா மற்றும் இணைத்தலைமை நாடுகள் கட்டாயம் பொறுப்புகூறியே ஆக வேண்டும்.

இவ்விடயத்திற்கு உரிய நீதி கிடைக்க வில்லையெனில் எம்மோடு இப்போராட்டம் நின்றுவிடாது. எமது அடுத்த  தலைமுறைப் பிள் ளைகள் பல்வேறு வழிகளில் தமது ஆற்றல் களை வளர்த்துக்கொண்டு வருகின்றார்கள். 

நிச்சயம் அவர்களும் காணாமலாக்கப்பட்ட தமது உறவுகளுக்கான நீதியைப் பெற்றுக்கொள்ள தொடர்ந்து போராடுவார்கள் என மனித உரி மைகள் கண்காணிப்பகத்தின் பிரதிநிதிகளி டம் அமைச்சர் அனந்தி சசிதரன்  உறுதிபடத் தெரிவித்துள்ளார்.