WELCOME TO PANNAGAM.COM & PTV

பண்ணாகம் இணையம்

News-5

பகுதி 2 

மழைக்காலம் நினைவு மீட்டல்

ஏலையா  க.முருகதாசன்


தாயகத்தில் வாழ்ந்த காலத்தில் மழைக்காலத்திலும் அதனூடான வெள்ளம் ஏற்படும் காலங்களிலும் ஏற்பட்ட உருசிகரமான சம்பவங்களை நினைவு மீட்டல்களாக சில தினங்களுக்கு முன்பு இங்கே பதிவு செய்திருந்தேன்.இந்நினைவு மீட்டல்களாக மழையில் நனைவதும் மழை பெய்யும் போது குளிப்பதும்கூட ஆனந்தமானதே என்பதை இனி பகிர்கிறேன்..
அடிச்சு மழை பெய்யும் போது மழையில் முழுவதும் நனைவது சுகமான ஒன்று.
எதிர்பாரத நேரத்தில் மழை பெய்யும் போது ஓடிச் சென்று மரத்தின் கீழ் நிற்பேன். கொஞ்ச நேர்த்திற்கு மழையைத் தாக்குப் பிடிக்க முடியும். பலத்த மழை பெய்ளயத் தொடங்கியதும் மழையில் நனைவதைவிட மர இலைகளிலிருந்து வடியும் நீர்தான் அதிகமாக உடம்பை நனைத்துவிடும்.
பிறகென்ன,உடை முழுவதும் நனைந்து உடம்பு முழுவதும் நனைந்தவுடன்  அற நனைந்தவனுக்கு குளிரென்ன கூதல் என்ன என்ற நிலை ஏற்பட மழையில் நனைந்தபடியே நடக்கத் தொடங்கிவிடுவேன்.
மழையில் நனைந்தால் குளிக்க வேண்டும் என்பார்கள்.மழை பெய்து கொண்டிருக்கும் போதே குளித்துக் கொண்டிருப்பேன்.
குளிப்பதற்கு என்ற வழமையாக ஒரு நேரத்தை வைத்திருப்பேன். பள்ளிக்கூடம் பொகும் நாட்களில் காலை ஏழு மணிக்கு குளித்துவிட்டே போவேன். சனி ஞாயிறுகளில் மத்தியானம் குளிப்பேன்.
நாலு குடும்பத்திற்கு ஒரு பொதுக் கிணறு இருந்தது. இன்னொரு பொதுக் கிணறும் இருந்தது. 
ஆனால் முதல் குறிப்பிட்ட பொதுக் கிணற்றிலேயே நான் குளிப்பேன். ஏனென்றால் எனது தோழியர் அங்குதான் குளிப்பார்கள். ஒரே நேரத்தில் தோழியரும் குளித்துக் களிப்பதை இங்கேதான் பார்க்க முடியும்.
மழை பெய்து கொண்டிருக்கும் போது அவர்களும் குளிப்பார்கள் நானும் குளிப்பேன். துலாப் போட்டு கயிற்றில் வாளி கட்டிய கிணறே இந்தப் பொதுக் கிணறு.நான் குளித்து சவர்க்காரம் போடும் போது அவர்கள் குளிப்பார்கள்.
குழந்தைப் பருவத்திலிருந்து தோழியரும் நானும் ஒன்றாக வளர்ந்தவர்கள் ஆகையால் யாருமே எங்கள் ஒருமித்த குளிப்பை வித்தியாசமாகப் பார்ப்பது இல்லை. 
ஆனால் எமக்குள் இருக்கும் வேதியல் போக்கு எமக்கு மட்டுந்தான் தெரியும்.
மழையில் நனைந்து கொண்டே கிணற்றில் அள்ளிக் குளிப்பதில் ஒரு சுகம் உண்டு.அதிலும் தோழியர்களின் அர்த்தமான பார்வைக்குள்ளும் அர்த்தமான சிரிப்புக்கிடையிலும் குளிப்பது ஆகா என்றவொரு இன்னொரு சுகம்.
சஸ்பெண்டர் என்ற உள்ளங்கி போட்டிருந்தாலும் அதற்கு மேல் துவாயைக் கட்டிக் கொண்டு குளிக்க வேண்டும் என்று அம்மா சொல்லுவதால் துவாயையும் கட்டிக் கொண்டுதான் குளிப்பேன். 
சஸ்பெண்டரை போட்டுக் கொண்டுதான் குளித்துக் கொண்டிருந்தேன். அரும்பு மீசையும் முகப்பருக்களும் வந்தவுடன் தோழியரின் தாய்மார் என்னை உற்றுப் பார்க்கத் தொடங்கினார்கள். அவர்களின் பார்வையை நான் புரிந்து கொண்டதனால் துவாயை மேலே கட்டிக் கொண்டு குளிப்பேன்.
ஆனால் தோழி ஒருத்தி துவாய் கட்டாமல் குளித்தாலும்  பரவாயில்லை என கிண்டலடிப்பாள். 
மழை இல்லாத நேரங்களில் நான் குளிக்கும் போது தோழியர் கிணற்றக் கட்டில் இருந்து ஏதாவது கதைத்துக் கொண்டிருப்பார்கள். 
அவர்கள் குளிக்கும் போது நானும் கிணற்றுக் கட்டிலிருந்து கதைத்த நாட்களும் உண்டு.
எனக்கு, குளிப்பதென்றால் அலாதிப் பிரியம். எமது நாடு வெய்யில் கொழுத்தும் நாடு என்பதால் ஒரு நாளைக்கு இரண்டு மூன்று முறை குளிப்பது இயல்பானது.
அதிலும் இரவு குளிப்பதென்பது அலாதிச் சுமானது. மழை பெய்யும் இரவு நேரங்களில்கூட குளித்திருக்கிறேன். பகல் குளிப்பின் போது ஏற்படும் சுக அனுபவத்திற்கும் இரவு குளிப்பின் சுக அனுபவத்திற்கும் இடையில் வேறுபாடு உண்டு.
எமது வீடு ஒழுங்கைக்கு அருகிலேயே இருந்தது. பெரிய பொது ஒழுங்கையிலிருந்து 'ட' னா வடிவிலிருக்கும் ஒழுங்கையை அப்பு கூட்டித் துப்பரவாக்குவார். அந்தப் பழக்கம் என்னிடமும் இருந்தது.
நிலாக் காலங்களிலும்; நான் ஒழுங்கையை கூட்டுவது உண்டு. அந்த ஒழுங்கையைக் கூட்டித் துப்பரவாக்க வைத்திருக்க வேண்டும் என்ற எண்ணம் அதைப் பயன்படுத்தும் அயலவர்களுக்கு ஏற்படுவதில்லை.ஆனால் அதைப்பற்றி நாங்கள் கவலைப்பட்டதும் இல்லை. நிலாக் காலங்களில் ஒழுங்கையைக் கூட்டித் துப்பரவாக்கிவிட்டுக் குளிப்பேன்.
கஞ்சலும் குப்பையுமா புல் பூண்டுகளும் முளைத்திருக்கும் ஒழுங்கையைக் கூட்டித் துப்பரவாக்கிவிட்டுப் பார்க்கும் போது அழகாக மனதுக்கு சுகமாக கண்ணுக்கு இதமாக இருக்கும்.
அழகு என்பது சுத்தத்திலும் உண்டு,துப்பரவிலும் உண்டு. அழகு ஒழுங்கையிலும் உண்டு மழையிலும் உண்டு.வெள்ளம் ஓடும் போது வெள்ளத்திலும் உண்டு.
மழைக் காலத்தில் மரவள்ளிக் கிழங்கை அவித்து, அதை மாங்காய் போட்டு அம்மியில் அரைத்த சம்பலுடன் மழை பெய்யும் போது மழையை இரசித்துக் கொண்டே உருசிப்பதில் ஒரு ஆனந்தம் உண்டு.
மகாஜனக் கல்லூரிக்கு முன்பாக அம்பனைப் பெரும் வயல் உண்டு.பல்வேறு வகையான பயிர்கள் அவ்வயலில் விளைவது உண்டு. அதில் மரவள்ளிப் பயிரும் ஒன்று. இவ்வயலின் அருகிலேயே கிழக்கிலிருந்து மேற்காக பண்டத்தரிப்பு நோக்கிச் செல்லும் வீதிக்குச் சமாந்தரமாக அம்பனைச் சந்திக்கு சற்றுத் தள்ளிவரை இவ்வாய்க்கால் சென்று இடது பக்கமாக திரும்பி வயல்வெளியை ஊடறுத்து பினாக்கை குளத்தில் சங்கமித்து தனது பயணத்தைத் நெடுந்தூரம் தொடர்ந்து அராலிக் கடலைச் சென்றடைகிறது.
இந்த வெள்ளவாய்க்காலுக்கு வழுக்கையாறு என்ற பெயரும் உண்டு. எழுத்தாளர் செங்கை ஆழியான்  அவர்கள் வாழி வழுக்கை ஆறு என்று இவ்வெள்ளவாய்க்காலைப் பற்றி கவிதையும் எழுதி, அது கவிதை நூலாகவும் வெளிவந்திருக்கின்றது.
தெல்லிப்பழைச் சந்தியிலிருந்து அம்பனைச் சந்திவரை வீதிக்கருகில் வசிப்பவர்களில் பெரும்பாலானவர்கள் தங்கள் வளவுக் குப்பைகளைக் கூட்டி வழுக்கையாற்றில் கொட்டுவார்கள். குப்பைகளாலும் புல் பூண்டுகளாலும் வெள்ளம்தடைபட ஆங்காங்கே வெள்ளம் வயலை நோக்கிப் பாய்ந்து வெள்ளக் காடாக்கிவிடும்.
இதனால் பாதிக்கப்படும் முதல் பயிர் மரவள்ளி மரமே. வெள்ளம் நின்றால் மரவள்ளிக் கிழங்கு நஞ்சூறி விடும் என்பதால் மரவள்ளி நட்டவர்கள் மரத்தோடு சேர்த்து கிழங்கை இழுத்தெடுத்து விடுவார்கள்.
இழுத்த கிழங்குகளை வீதிக்குக் கொண்டு வந்து போவோர் வருவோருக்கெல்லாம் கொடுப்பார்கள். எங்களுக்கும் தோட்டம் இருந்தது. அம்பனைச் சந்தியிலிருந்து கொல்லங்கலட்டிக்குப் போகும் திசையில் 200 மீற்றர் தூரத்தில் மேற்குப் புறத்தில் அருளானை என்ற குத்தகைக் காணியில் அத்தோட்டம் இருந்தது.
கொல்லங்கலட்டி வீதிக்கு மேற்குப் புறத்திலும் ஒரு சிறிய வெள்ளவாய்க்கால் உண்டு. இந்த வெள்ளவாய்க்காலின் ஊடாக வரும் வெள்ளம் அம்பனைச் சந்தியில் இருக்கும் மதவூடாக வழுக்கையாறைச் சந்திக்க வேணும்.
ஆனால் வெள்ளம் சந்திக்க முடியாமல் மேற்குப்புற வீடுகள் தோட்டத்திற்குள் பாய்ந்துவிடும். ஏனென்றால் குறித்த காலத்தில் கிராம அபிவிருத்திச் சபை வெள்ளவாய்க்காலைத் துப்பரவாக்காமையும் வெள்ளவாய்க்காலோடு இருப்பவர்கள் வளவுக் குப்பையைக் கூட்டி வெள்ளவாய்க்காலில் போடுவதாலுமே.
நாங்களும் மரவள்ளி நட்டிருப்போம்.அதற்குள்ளும் வெள்ளம் புகுந்துவிடும்.ஒன்றும் செய்ய முடியாது.அப்பு கிழங்குகளை இழுத்து தோட்டத்தோடு இருந்தவர்களுக்கும் எங்கள் வீட்டோடு இருந்த அயலவர்களுக்கும் கொடுப்பார்.
அன்று பகல் சாப்பாடு அவித்த மரவள்ளிக் கிழங்கும் மாங்காய் போட்டு அம்மியில் அரைத்த சம்பலுந்தான். அருமையாக இருக்கும்.மரவள்ளியில் இரண்டு வகை உண்டு. ஒன்று ஊர் மரவள்ளி. மற்றது சீமை மரவள்ளி. ஊர் மரவள்ளியின் உள்தோல் வெள்ளையாக இருக்கும்.அவித்தால் கரையாது. சீமை மரவள்ளிக் கிழங்கு நீளமாக இருக்கும். உள்தோல் வெளிர்சிவப்பும் வெள்ளையும் கலந்த நிறத்தில் இருக்கும். அவித்தால் கரைந்துவிடும்.
இனி வெள்ள வாய்க்காலின் நிலைமை பற்றி ஈழநாடு பத்திரிகைக்கு நான் எழுதிய கண்டனக் கடிதமும் நன்றி சொன்ன கிராம அபிவிருத்தி உத்தியோகத்தரும் பகுதி 4இல் தொடரும்.
text
பகுதி 2 

மழைக்காலம் நினைவு மீட்டல்

ஏலையா  க.முருகதாசன்

மழை பெய்யும் போது ஓலை வீட்டுக்கூரையில் ஏற்படும் ஓசையும், கூரையிலிருந்து நீர் கீற்று நுணி ஊடாக வழியும் போது ஏற்படும் சத்தம் பற்றியும் முந்தைய பதிவில் எழுதியிருந்தேன்.
அஸ்பெஸ்டர் கூரை போட்ட வீட்டிலிருந்த போது அந்தச் சீற்றின் மீது இரவு நேரங்களில் பெய்யும் மழை விழும் போது அது இன்னொருவிதமான ஓசையாக இருக்கும்.
டக்டக்டக்...என்ற சத்தத்துடன் மழைத்துளிகள் விழுவதும்,விழுந்த நீர் சீற்றின் மடிப்புப் பீலியூடாக சளசளவள என நிலம் நோக்கி வடிவதும் வேறுவிதமான ஓசையாக இருக்கும், அந்த ஓசை இன்னொரு சுகம்.
எங்கள் வீட்டுப் படிக்கட்டின் இரு புறமும் எந்தூரியம் செடியை ஒத்த இன்னொரு வகைச் செடியை சாடியில் நட்டு வைத்திருந்தேன்.
அவற்றுக்கு யூரியா உரம் போட்டதனால் மாதலிச்சு வளர்ந்து நீளமான காம்புகளுடனும் அகலமான இலைகளுடன் அச்செடிகள்  கம்பீரமாக இருக்கம். இலைகளில் காம்பு இணையும் மத்திலிருந்து சிவப்பு நிறத்தில் நரம்புகள் ஆரம்பித்து இலைகளின் ஓரத்தைச் சென்றடையும்.இலைகளில் வெள்ளை நிறத்தில் புள்ளிகள் இருக்கும். அந்தச் செடியின் இலைகளைப் பார்ப்பதற்கு மிக அழகாக இருக்கும்.
மழை நீர் பீலியால் வழிந்து அந்த இலைகளில் விழ,விழுந்த வேகத்தில் இலைகளிலிருந்து சிறு சிறு துளிகளாக பரவும்.
மழை பெய்யும் போதே அந்தக் காட்சியை இரசிப்பதற்காகவே அது எந்த நேரமாக இருந்தாலும் நித்திரையை விட்டு எழுந்து விடுவேன்.ஒரு தேநீரைப் போட்டுக் குடித்தபடியே நீர் வழிந்துவிழும் காட்சியையும் ஓசையையும் இரசிப்பேன்.
கல்வீடு கட்டமுன் எங்கள் வீடு ஓலை வீடே. தொடர்ந்து மழை பெய்தால் எங்கள் காணிக்குள் வெள்ளம் நிரம்பிவிடும்.வீட்டுக்குள்ளும் புகுந்துவிடும்.வெள்ளம் வழிந்தோடி வெள்ளைவாய்க்காலில் பாய்வதற்குரிய மதகின் கீழ் மண்ணும் கஞ்சலும் நிரம்பியதால் வெள்ளத்தால் போக முடியவில்லை.
மகாஜனக் கல்லூரிக்கு அருகிலேயே மேற்குப் புறத்திலேயே எங்கள் வீடு இருந்தது. எங்கள் வீட்டுக்கு போகும் ஒழுங்கையை கிரவல் கல் போட்டு வீதி பொல் ஆக்கியதால் வெள்ளத்தால் கடந்து போக முடியவில்லை.
எனது அப்பு(தந்தை) உட்பட வெள்ளத்தால் பாதிக்கப்பட்ட அனைவரும் சென்று வீதியை வெட்டி வெள்ளத்தை வழிந்தோடச் செய்வோம்.
ஆனால் வீடு சேறாகி நிற்கும். அதை ஒழுங்கபடுத்த ஒரு கிழமை செல்லும். கல்வீடு கட்டியதன் பின் பிரச்சனை இல்லை. அத்திவாரத்தை உயரமாகப் போட்டதால் வெள்ளத்தால் உள்ளே வர முடியவில்லை.
பக்கத்து வீட்டுத் தோழிகளுடன் வெள்ளம் கலங்குவேன். தொடை தெரிய அவை பாவடையை மேலே உயர்த்தியபடியும் நான் தொடை தெரிய சாரத்தை மேலே கட்டியபடி வெள்ளம் கலக்குவோம். ஒருவர் வீட்டிலிருந்து மற்றவர் வீட்டுக்குப் போவதென்றால் வெள்ளம் கலக்கித்தான் போகவேண்டும்.
தொடைக்கு மேல் நிற்கும் எமது உடைகளைக் கண்டதும் தோழிகளின் தாய்மாரும் எனது அம்மாவும்' கொஞ்சம்கூட வெட்கம் இல்லாமல் தொடையைக் காட்டிக் கொண்டு திரியதுகள்' எனத் திட்டுவார்கள். அதை ஒரு காதாலை கேட்டிட்டு மற்றக் காதாலை விட்டிடுவோம். 
வயது அப்படியான வயது.
ஒரு நாள் பெழுதுபடுகிற நேரம் வெள்ளத்தை கலக்கிக் கொண்டு நடக்கையில் காலில் தடி போல ஏதோ தட்டுப்பட காலால் தூக்கினேன். அது தடியல்ல சாரைப்பாம்பு எத்தி எறிந்து போட்டு வெள்ளம் கலக்கினேன்.
வெள்ளத்துள் நடக்கும் பொது சளக்புளக் என்ற ஓசை. வெள்ளக் கலக்கலுடன் நீர்ச்சிரங்கையும் வாங்கிவிடுவோம். கால் விரல் இடுக்குகள் கடிக்கத் தொடங்கிவிடும்,விராண்டுவோம்.விராண்டச் சுகமா இருக்கும் பிறகு புண்ணாக்கிவிடும். புளியமிலை அவிச்சு தடவுவோம்.
மழையும் வெள்ளக் கலக்கலும் சுகமானதே. அதிலும் ஒரு வயதில் தோழியருடன் வெள்ளம் கலக்கவதோ தனிச் சுவையானது. இஙஇகே எழுத முடியாத சொற்களில் அவர்களுடன் பகிடி விடுவோம்.அவர்களும் அப்படித்தான்.
இனித் தொடர்வது மழைக்குளிப்பு (தொடரும்)

நினைவுகளும் - நினைவூட்டல்களும் (மழை)
------------------------------------------------------
மனித வாழ்வில் ஒவ்வொரு மனிதனும் கடந்த கால நினைவுப் பதிவுகளாலும், எதிர்கால நினைவூட்டல்களாலுமே இயக்கப்படுகின்றான்.
இவ்விரண்டும் இல்லையெனில் மனிதன் நடைப்பினமாவான்.இயந்திரத்தால் இயக்கப்படும் பொம்மை போலாவான்.;

அன்றாடம் வாழ்வில் ஒவ்வொரு விநாடிப் பொழுதும் நடக்கும் சம்பவங்கள் நிகழ்வுகள், நடக்கும் விநாடிப் பொழுதுகளைக் கடந்து செல்லும் போது அவை நினைவுகளாக எமது முளையில் பதிவாகி விடுகின்றன.

இந்தப் பதிவுகள் யாவும் அப்படியே இடம் - பொருள் - காலம் என்ற முப்பரிமாண நிலையில் பதிவாகி அவற்றை நினைக்கும் தோறும் மேலெழுந்து மனத்திரையில் விரிகிறது.

மூளை என்னும் பெரும் களஞ்சியம் கடந்த காலத்தில் நடந்த சம்பவத்தில் நிகழ்வில் எதை நாம் நினைக்கிறோமோ அதை வெளிப்படுத்துகின்றது.

உலக மாந்தர் யாருமே இதற்கு விதிவிலக்கல்ல.

நல்லது கெட்டது எல்லாவற்றையுமே மூளை பதிந்து வைத்திருக்கிறது. கெட்ட சம்பவங்களை நாம் எப்படித்தான் மறக்க நினைத்தாலும் மூளை அதற்கு இடம் கொடுப்பதில்லை, ஊழல் செய்யாது இலஞ்சம் வாங்காது.

ஊரின் ஞாபகங்களை மனம் அசை போடுகின்றது. மகிழ்ச்சியாகவும் இருக்கின்றது.

மழைக் காலத்தை நினைக்கும் போது சுவையாக இருக்கின்றது. முதலில் ஓலை வீட்டில் வசிந்திருந்தோம்.பின்னர் அஸ்பெஸ்டேஸ் கூரை போட்ட கல்வீட்டில் வசித்தோம்.

இந்த இரண்டு வீடுகளிலும் வசித்த போது ஏற்பட்ட மழைக்கால நினைவுகள் வேறு வேறானவை.

பகலில் பெய்யும் மழையின் ஒலியும் இரவில் பெய்யும் மழையின் ஒலியும் வித்தியாசமானவை போல் தோன்றும்.

அதற்குக் காரணம் பகலில் தோன்றும் வேறு வேறு ஒலிகளின் கலவை மழையின் இயல்பான ஒலியை உள்வாங்கிவிடும்.

மழை பெய்யும் போது இருக்கும் பவனச்சூழ்நிலையும் (Atmosphere) இதற்குக் காரணமாகிவிடும். காற்றின் தன்மையைப் பொறுத்து மழை ஓசையில் வேறுபாடு தென்படும்.

பகலில் பெய்யும் மழையை செவி உள்வாங்கி இரசிப்பதற்கும் இரவு மழையை செவி உள்வாங்கி இரசிப்பதற்கும் வேறுபாடு உண்டு.

ஓலை வீட்டில் நாங்கள் குடியிருந்த போது மழைக்காலங்களில் உறக்கத்தில் இருக்கையில்( இரவு 12,1மணியளவில்) பெய்யும் மழை உறக்கத்தை தாலாட்டுவது போலவே இருக்கும்.

ஓலைக்கூரையில் மழைத்துளிகள் விழும் சத்தம், கூரையிலிருந்து வழிந்து தாழ்வாரத்தில் ஓலைக்கீற்று வழியாக லல்ல....ல்லல்...என்ற ஒலியோடு நிலத்தில் வழிய வழிந்த தாழ்வார நிலம் குழியாகி வழியும் நீர் டுக்டுக் என ஓசை எழுப்பும்.

வெயில் காலம் முடிந்து வரும் முதல் மழையானால், மழையும் மண்ணும் சங்கமித்து மண்வாசனை வரும்.
கூரை வீட்டில் மழை விழும் ஓசை ஏதோ ஒருவித சங்கீதமாகவே எனக்குக் கேட்கும்.

மழையை இரசித்துக் கொண்டே நித்திரை கொள்வேன். விழிப்புக்கும் நித்திரைக்கும் இடையில் ஒரு சுக உணர்வை மழை கொடுக்கும்.

சிறுவனாக இருந்த போது இரவு மழை நேரங்களில்' எமக்கு வீடு இருக்கிறது, மழையில் நனையாமல் இருக்கிறோம். காகங்கள்,குருவிகள், கோழிகள் அணில்கள் நனையாமல் இருக்குமா என்று நினைத்து காகங்கள் குருவிகள் கோழிகள் மரத்தின் இலைகளுக்கு கீழ் இருக்கும் அணில்கள் பனை ஓலைகளின் கீழ் அல்லது காய்ந்த கொக்கறைக்கு உள்ளே போய் இருக்கும் என கற்பனை செய்து திருப்திப்படுவேன்.

கிளிநொச்சி மாவட்டத்தின் பல பகுதிகளில் வீசிய பலத்த காற்றுடன் கூடிய மழையினால் பல வீடுகள் சேதமடைந்துள்ளது.

அந்த வகையில் கிளிநொச்சி மாவட்டத்தின் பொன்னகர், பாரதிபுரம், செல்வபுரம் ஆகிய கிராமங்களில் உள்ள வீடுகளே இவ்வாறு சேதமடைந்துள்ளதுடன், பயன்தரும் மரங்களும் சேதமடைந்துள்ளதாக எமது பிராந்திய செய்தியாளர் தெரிவித்தார்.

திடீரென மழையுடன் கூடிய பலத்த காற்று வீசியமையால் குறித்த பாதிப்பை மக்கள் எதிர்கொண்டுள்ளமை குறிப்பிடத்தக்கது.

ஐக்கிய நாடுகள் சபையின் அமைதிக்கான புதிய தூதராக நோபல் பரிசு பெற்ற மலாலா யூசப்சாய் நியமிக்கப்பட உள்ளதாக தகவல்கள் வெளியாகியுள்ளன.

தலிபான் தீவிரவாதிகள் தாக்கப்பட்ட மலாலா யூசப்சாயிற்கு கடந்த 2015-ம் ஆண்டு அமைதிக்கான நோபல் பரிசு கிடைத்துள்ளது.

நோபல் பரிசை பெற்றதை தொடர்ந்து சர்வதேச அளவில் முக்கிய நபராக திகழ்ந்து வரும் மலாலா யூசப்சாய் பெண் கல்விக்காக பெருமளவில் நிதி திரட்டி வருகிறார்.

இந்நிலையில், ஐக்கிய நாடுகள் சாபையின் அமைதிக்கான புதிய தூதராக மலாலா யூசப்சாய் நியமிக்கப்பட உள்ளதாக அதிகாரப்பூர்வ தகவல்கள் வெளியாகியுள்ளன.

எதிர்வரும் திங்கள் கிழமை நடைபெற உள்ள நிகழ்ச்சியில் அவருக்கு ஐ.நா சபையின் பொதுச்செயலாளரான ஆண்டினியோ குட்ரோஸ் பதவி பிரமானம் செய்து வைக்கிறார்.

இதன் மூலம் ஐ.நா சபையின் மிக இளவயது அமைதிக்கான தூதராக மலாலா யூசப்சாய் பதவி வகிக்க உள்ளது குறிப்பிடத்தக்கது.

Brexit விடயத்தில் ஐரோப்பிய யூனியன் நடந்து கொண்ட விதமும், பிரித்தானியா அதிலிருந்து விலகியது மிகவும் நல்லது எனவும் டொனால்டு டிரம்ப் கூறியுள்ளார்.

அமெரிக்க ஜனாதிபதி டிரம்ப் கூறுகையில், Brexit பிரித்தானியாவுக்கு நல்லது, பிரித்தானியா ஐரோப்பிய யூனியனிலிருந்து விலகினால் அதை பல நாடுகளும் பின்பற்றும் என நான் நினைத்திருந்தேன்.

இந்த விடயத்தில் ஐரோப்பிய யூனியன் நடந்து கொண்ட விதம் இரு தரப்புக்கும் நல்லதாக அமையும்.

ஐரோப்பிய யூனியன் நிர்வாகிகளை விரைவில் தான் சந்திக்கவிருப்பதாக டிரம்ப் கூறியுள்ளார்.

பிரித்தானிய மக்கள் ஐரோப்பிய யூனியனிலிருந்து விலகுவதற்கு ஆதரவாக வாக்களிப்பார்கள் என முன்னரே தான் கணித்ததாக டிரம்ப் கூறியிருந்தது குறிப்பிடத்தக்கது.

அமெரிக்க வெள்ளை மாளிக்கைக்கு திடீர் சீல் வைக்கப்பட்டுள்ளதால பரபரப்பு ஏற்பட்டுள்ளது.

அமெரிக்காவின் வெள்ளை மாளிகை அருகே உள்ள மைதானத்தில் மர்ம பெட்டி ஒன்று கண்டெடுக்கப்பட்டுள்ளது.

இதனால் பதற்றமான சூழ்நிலை ஏற்பட்டதால், உடனடியாக வெள்ளை மாளிகைக்கு சீல் வைக்கப்பட்டுள்ளது.

இதைத் தொடந்து அமெரிக்கா பொலிசார் சோதனை நடவடிக்கையில் ஈடுபட்டனர். அதற்கு பொதுமக்கள் மற்றும் ஊடகங்களை சற்று தொலைவிற்கு அப்பால் பாதுகாப்பான இடங்களுக்கு செல்லுமாறு அறிவுறுத்தியுள்ளனர்.

இதனிடையே மர்மமான பெட்டி அகற்றப்பட்டதோடு, இந்த சம்பவம் தொடர்பாக ஒருவர் கைது செய்யப்பட்டார். கலிபோர்னியாவை சேர்ந்த அவர் கையில் தண்டாயுதம் போன்ற ஒன்றை வைத்துக் கொண்டு அங்கும் இங்கும் சுற்றிக் கொண்டிருந்தார். அவரை பொலிசார் பிடித்து விசாரணை மேற்கொண்டனர்.

இந்த சம்பவத்தின் போது அதிபர் டொனால்டு டிரம்ப் மற்றும் துணை அதிபர் மிக்கி பென்ஸ் ஆகியோர் வெள்ளைமாளிகையின் உள்ளே இருந்தனர் என்பது குறிப்பிடத்தக்கது.

லண்டனிலுள்ள பிரிட்டிஷ் நாடாளுமன்றத் தாக்குதலைத் தொடர்ந்து புதனன்று இரவு முதல் ஆறு வீடுகளில் சோதனை நடத்திய லண்டன் காவல்துறை சந்தேகத்தின்பேரில் ஏழு பேரை கைது செய்திருப்பதாக பிரிட்டிஷ் பயங்கரவாத எதிர்ப்பு பிரிவின் உயரதிகாரி மார்க் ராவ்லி தெரிவித்துள்ளார்.

லண்டன் மெட்ரோபாலிட்டன் காவல்துறையின் பொறுப்பு துணை ஆணையராகவும் பதவி வகிக்கும் இவர் இதுபற்றி மேலும் கூறுகையில் லண்டன், பர்மிங்ஹாம் மற்றும் இங்கிலாந்தின் சில பகுதிகளில் நூற்றுக்கணக்கான காவல்துறை அதிகாரிகள் நேற்றிரவு தொடங்கி தொடர்ந்து புலனாய்வு செய்துவருவதாக தெரிவித்தார்.

தாக்குதலாளி சர்வதேச பயங்கரவாதத்தால் ஈர்க்கப்பட்டவர் என்று தாம் நம்புவதாகவும் அவர் கூறினார்.

இந்த சம்பவத்தில் காயமடைந்து சிகிச்சை பெற்றுவரும் 29 பேரில் ஏழு பேரில் நிலை தொடர்ந்தும் கவலைக்கிடமாக இருப்பதாக மருத்துவர்கள் தெரிவித்துள்ளனர்.

பாரிய ஊழல் மற்றும் மோசடிகள் தொடர்பில் விசாரணை செய்யும் ஜனாதிபதி ஆணைக்குழுவுக்கு, முன்னாள் ஜனாதிபதி மஹிந்த ராஜபக்ஷ நாளை  வாக்குமூலம் அளிப்பதற்காக அழைக்கப்பட்டுள்ளார்

முன்னாள் ஜனாதிபதி மஹிந்த ராஜபக்ஷ, கடந்த ஜனாதிபதி தேர்தல் காலப் பகுதியில், விளம்பரங்களை காட்சிப்படுத்தியமை, தேர்தல் காலத்தில் ரூபவாஹினி கூட்டுத்தாபனத்திற்கு ஏற்படுத்தப்பட்டதாக கூறப்படும் நஸ்டம் குறித்த விசாரணைகளுக்காக வாக்குமூலம் அளிக்கவே அவரை அளித்துள்ளதாக ஆணைக்குழு தெரிவித்துள்ளது.

மேலும் நட்டு மக்களின் வரிப்பணத்தை தேர்தல் விளம்பரத்திற்காக பயன்படுத்தியமை தொடர்பில், நாளை காலை 10.00 மணிக்கு ஆணைக்குழுவில் ஆஜராகுமாறு மஹிந்தவுக்கு அறிவிக்கப்பட்டுள்ளதாக தெரிவித்துள்ளமை குறிப்பிடத்தக்கது.

ஜேர்மனியில் எந்த நேரத்திலும் தீவிரவாதிகளின் தாக்குதல் நடத்தப்படலாம் என உளவுத்துறை எச்சரித்துள்ளது. பாதுகாப்பிற்கான மத்திய உளவுத்துறை அலுவலக தலைவர் Hans-Georg Maassen விடுத்துள்ள முக்கிய அறிக்கையில், இஸ்லாமிய தீவிரவாதிகள் ஜேர்மனியின் மீது எந்த நேரத்திலும் தாக்குதல் நடத்தலாம்.

2013லிருந்து ஜேர்மனிக்கு தீவிரவாத அச்சுறுத்தல் இருப்பதாக கூறி வருகிறோம், அது அப்படியே தான் இன்னும் தொடர்கிறது.

தீவிரவாதிகள் தாக்குதல் நடத்துவது தொடர்பான தொலைபேசி உரையாடலையும் சேகரித்து வருகிறோம் என தெரிவித்துள்ளார்.

ஜேர்மனி உளவுத்துறை தீவிரவாதத்துக்கு எதிரான நடவடிக்கைகளை துரிதப்படித்தியுள்ளது. அதற்கு 2016 காலகட்டத்தில் நிறைவேற்ப்பட்ட நடவடிக்கைகளே சாட்சியாகும்.

கடந்த வருடம் டிசம்பரில் டிரக் லொறி மூலம் தீவிரவாத தாக்குதல் நடத்தப்பட்ட பின் ஜேர்மனியில் பாதுகாப்பு இன்னும் பலப்படுத்தப்பட்டுள்ளது என அறிக்கையில் தெரிவிக்கப்பட்டுள்ளது.

கேப்பாபுலவு மண் எமது பாட்டன் பூட்டன் முப்பாட்டன் ஆண்ட பூமி அந்த மண் இராணுவத்தின் பாசறை என எமது ஊரின் பிரதான வீதியை மறித்து பிரம்மாண்டமாக வாசல் அமைத்து பாரிய படைத்தலைமையகத்தை அமைத்து அங்கே  பல்லாயிரக்கணக்கான இராணுவத்தினரை நிலை நிறுத்தி எமது மண்ணில் உள்ள வருமானம் தரும் வளங்களை எல்லாம் சூறையாடி வருகின்றனர். நாமோ மாதிரிகிராமம் என்னும் போர்வையில் அகதிமுகாமில் வாழ்ந்து வருகின்றோம்.

எமது சொந்த மண்ணில் என்ன வளம் இல்லை ஏன் இப்படி எம்மை இந்த அரசும் இராணுவம் நடத்துகின்றது. இதனால் இவர்களுக்கு என்ன இலாபம் நாம் தனி நாட்டை கேற்கவில்லை எமது சொந்த மண்ணையே கேட்கின்றோம். எமது நிலங்கள் விடுவிக்கப்படும்வரை இந்த வீதியில் கிடந்து மாண்டு போவமே தவிர சற்றும் நகர மாடடோம் என இன்று 5வது நாளாக தொடர் கவனயீர்ப்பு போராட்டத்தை முன்னெடுத்துள்ள கேப்பாபுலவு பூர்வீக கிராம மக்கள் தெரிவித்துள்ளனர்.

5வது நாளான இன்றையதினம் அருட்  சகோதரிகள் மற்றும் வன்னி மாவட்ட பாராளுமன்ற உறுப்பினர் சாந்தி ஸ்ரீஸ்கந்தராஜா ஆகியோர் மக்களை சந்;தித்து தமது ஆதரவினை வெளியிட்டனர். அத்தோடு நாலாவது நாளான நேற்று வன்னி மாவட்ட பாராளுமன்ற உறுப்பினர் சிவசக்தி ஆனந்தன் மக்களை சந்;தித்து தமது ஆதரவினை வெளியிட்டார்.

அத்தோடு இன்றையதினமும் தமது சொந்த நிலங்களுக்கு செல்லவேண்டும் என்ற ஆவலில் உள்ள கேப்பாபுலவின் சிறுவர்கள் மற்றும் பெரியவர்கள் இணைந்து தமது நிலங்கள் விடுவியுங்கள் என கோசம் எழுப்பி இராணுவ படை தலைமையக வாயில் முன்பாக ஆர்ப்பாட்டம் ஒன்றினை முன்னெடுத்திருந்தனர்.

கேப்பாபுலவு கிராம  சேவகர்  பிரிவில்  கேப்பாபுலவு பூர்வீக கிராமம், சீனியா மோடடை, பிலக்குடியிருப்பு, சூரிபுரம் போன்ற கிராமங்கள் காணப்படுகின்ற நிலையில் இதில் அனைத்து கிராமங்களிலும் இராணுவம் நிலைகொண்டுள்ளதோடு கேப்பாபுலவு பூர்வீக கிராமம் தவிர்ந்த ஏனைய அனைத்து கிராமங்களிலும் பெருமளவான பகுதிகள் இராணுவத்தால் ஏற்கனவே விடுக்கப்பட்டுள்ளது.

இந்த நிலையில் கேப்பாபுலவு பூர்வீக கிராமத்தில் பிரதான வீதியை மறித்து குடியிருப்பு காணிகள், வீடுகள் பாடசாலை, வணக்கஸ்தலங்கள், விளையாட்டு மைதானங்கள், தோட்ட நிலங்கள், வயல் நிலங்கள் என அனைத்தையும் கையகப்படுத்தி 480 ஏக்கருக்கு மேலான மக்களின் நிலங்களில் 10க்கும்  மேற்பட்ட இராணுவத்தின் பிரதான படைப்பிரிவுகளை அமைத்து பல இராணுவ முகாம்களை  இராணுவம் அமைத்துள்ளது.

இந்த நிலையில் தமது சொந்த நிலங்களை விடுவிக்குமாறு கோரி கடந்த 8 வருடங்களாக கேப்பாபுலவு பூர்வீக கிராம மக்கள் பலவடிவங்களில் போராட்டங்களை முன்னெடுத்திருந்தனர். இந்த நிலையில் பலமுறை ஏமாற்றபட்ட இந்த மக்கள் ஆத்திரமடைந்தவர்களாய் தொடர் கவனயீர்ப்பு போராட்டத்தை முன்னெடுத்துள்ளனர்.

நடிகர் தனுஷ் தங்களுடைய மகன் என்று சொந்தம் கொண்டாடுவதோடு, அவர் தங்களுக்கு பராமரிப்பு தொகை வழங்க வேண்டுமென கதிரேசன்-மீனாட்சி தம்பதியர் தொடுத்திருந்த வழக்கில், மதுரை உயர் நீதிமன்றத்தின் உத்தரவின்படி, நடிகர் தனுஷ் இன்று செவ்வாய்க்கிழமை சென்னை உயர்நீதிமன்ற மதுரை கிளையில் ஆஜரானார்.

Image captionநீதிமன்றத்தில் நடிகர் தனுஷ்

தனுஷை சொந்தம் கொண்டாடுகிற மதுரையின் மேலூரை சேர்ந்த ஆர்.கதிரேசன் மற்றும் கே. மீனாட்சி தம்பதிய,ர் அவர் கல்வி பயின்றதாக கூறுகின்ற மேலூர் அரசு மாணவர் மேல்நிலைப் பள்ளியின் தலைமையாசிரியர் வழங்கியதாக கூறுகின்ற பள்ளி மாற்றுச் சான்றிதழை முக்கிய ஆதரமாக நீதிமன்றத்திடம் வழங்கி இருக்கின்றனர்.

அந்த சான்றிதழில் குறிப்பிடப்பட்டிருக்கும் அங்க அடையாளங்களான மச்சங்கள் சரியானவையா என்று சோதித்து அறிவதற்காக தனுஷ் இன்று நீதிமன்றத்தில் நேரில் ஆஜராக வேண்டும் என்று முன்னதாக நீதிபதி உத்தரவிட்டிருந்தார்.

அதன்படி வெள்ளிக்கிழமை மதுரை உயர் நீதிமன்றத்தில் நடிகர் தனுஷ் ஆஜரானார்.

அவரது உடல் அடையாளங்களாக பள்ளி மாற்றுச் சான்றிதழில் வழங்கப்பட்டுள்ள மச்சங்களை சரிபார்த்து தனுஷ், அரசு மருத்துவர்களால் ஆய்வு செய்யப்பட்டார்.

சங்கானை பிரதேச செயலக உதவித் திட்டமிடல் பணிப்பாளரின் கடுமையான நடமுறை காரணமாக அலுவலகத்தில் மயங்கி வீழ்ந்த பெண் உத்தியோகஸ்தர் ஒருவர் சிசிக்சைக்காக சங்காணை வைத்தியசாலையில் அனுமதிக்கப்பட்டுள்ளார்.

குறித்த பிரதேச செயலகத்தில் நடைபெற்ற முறைகேடுகள் தொடர்பாக குறித்த பெண் உத்தியோகஸ்தர் அரசாங்க அதிபரிடம் உண்மைகளை சொன்னதன் பிரதிபலனாகவே அவருக்கு பிரதேச செயலகத்தில் அவ்வாறான நெருக்கடியான நிலமை ஏற்பட்டுள்ளது.

கடந்த சில மாதங்களுக்க முன்னர் சங்காணை பிரதேச செயலகத்தில் நடைபெற்ற அபிவிருத்தி குழுக் கூட்டத்தின் வளங்கப்படாத தண்ணீர் போத்தல்கள் வளங்கப்பட்டதாக காண்பிக்கப்பட்டிருந்தது.

இவ்விடயம் கணக்காய்வு பிரிவினர் நடத்திய ஆராய்வுகளின் ஊடாக கண்டுபிடிக்கப்பட்டது.

இது தொடர்பாக பிரதேச செயலக உத்தியோகஸ்தர்களிடம் நடத்திய விசாரணைகளின் போது அது தொடர்பான உண்மைகளை அங்கு பணியாற்றும் அபிவிருத்தி உத்தியோகஸ்தர்கள் இருவர் தெரிவித்துள்ளனர்.

இதனால் குறித்த பிரதேச செயலகத்தில் இருந்த அபிவிருத்தி இணைப்பாளர் அரசாங்க அதிபரால் கடுமையாக எச்சரிக்கை செய்யப்பட்டு, மீண்டும் பணிக்கு அமர்த்தப்பட்டிருந்தார்.

இதன் பின்னர் குறித்த சம்பவம் தொடர்பான உண்மைகளை கண்டறிய சொன்ற இரு உத்தியோகஸ்தர்களையும் பழிவாங்கும் வகையிலான பல செயற்பாடுகள் அங்கு நடைபெற்றுள்ளது.

இதனால் பாதிக்கப்பட்ட ஆண் உத்தியோகஸ்தர் ஒருவர் அலுவலகத்தில் மயங்கி வீழ்ந்து யாழ்.போதனா வைத்தியசாலையில் அனுமதிக்கப்பட்டிருந்தார்.

இதன் தொடர்ச்சியாக நேற்று பிரதேச செயலர் உட்பட உயர் அதிகாரிகள் அங்கு இல்லாத நிலையில் அங்கு பொறுப்பாக இருந்த உதவித்திட்டமிடல் பணிப்பாளர், தண்ணீர் போத்தல் பிரச்சினை தொடர்பான உண்மைகளை சொன்ன பெண் உத்தியோகஸ்தரை அழைத்து பிற உத்தியேகஸ்தர்கள் முன்னிலையில் சரமாரியாக பேசியுள்ளார்.

இதனால் குறித்த பெண் உத்தியோகஸ்தர் மயங்கி வீழ்ந்துள்ளார்.

உடனடியாக அங்கிருந்து மீட்கப்பட்ட அவர் சங்காணை வைத்தியசாலையில் அனுமதிக்கப்பட்டார்.

அங்கு சிகிச்சை பெற்ற குறித்த பெண் உத்தியோகஸ்தர் தனக்கு நடந்தவற்றை வைத்தியர்களிடம் கூறியுள்ளார்.

அவரை மேலதிக சிகிச்சைக்காக யாழ்.போதனா வைத்தியசாலைக்கு மாற்றுவதற்கான ஏற்பாடுகள் மேற்கொள்ளப்பட்டு வருகின்றன.