WELCOME TO PANNAGAM.COM & PTV

பண்ணாகம் இணையம்

 

23.1.2015 விழுதல் என்பது எழுகையே.. 
பகுதி  36-37  எழுதுபவர்  திரு.சகாதேவன் நித்தியானந்தன்  அவர்கள்   இலங்கை

தொடர்ச்சி 36-37 ஐ எழுதுபவர் ச.நித்தியானந்தன் ,இலங்கை 


விழுதல் என்பது எழுகையே


பகுதி 37 


எழுத்தாளர் அறிமுகம் 


பெயர் சகாதேவன் நித்தியானந்தன் 


ஆரம்பக் கல்வி பண்ணாகம் மெய்கண்டான் மகாவித்தியாலயம் 

உயர்கல்வி யாழப்பாணம் இந்துக்கல்லூரி 


அரசபணி பதவி நிலை உத்தியோகத்தர் யாழ்ப்பாணப் பல்கலைக்கழகம் 


கலைப்பணி 


சுமார் பத்துக்கு உட்பட்ட நாடகங்கள் எழுதி நடித்தமை 

சொந்தப்பெயரிலும் 

நாரதன் 

அங்குசன் 

சனீஸ்வரன் 

என்ற புனை பெயர்களிலும் கவிதைகள் யாழ் உதயன் சஞ்சீவி மித்திரன் போன்ற அச்சு ஊடகங்களிலும் 

இணையத்தில் கவிதைகள்இகதை 

பண்ணாகம்.கொம் அக்கினிக்குஞ்சு.கொம் பதிவு.கொம் சங்கதி-   தமிழ் மிறர்- இனிஒரு- சரிதம் – தமிழ்வின் – காலச்சுவடு- தமிழ் சி.என. என் -அருவி போன்றவற்றிலும் வெளியாகியிருக்கின்றன.



தகவல்த் தொகுப்பு

பண்ணாகம் திரு.இக.கிருட்ணமூர்த்தி

திரு.எலையா முருகதாசன்

தமிழ் எழுத்தாளர் இணைய அகம் -யேர்மனி



பகுதி – 37 தொடர்கிறது


நடந்தது யாவுமே ஒரு கனவாக இருக்கக்கூடாதா 


யாழ்ப்பாண பல்கலைக்கழகம் , மருத்துவபீடம் பேராசிரியர் குமாரவேல், கலா, சாந்தன் கோப்பாய் இராணுவ புலனாய்வாளர்களால் இலக்கத்தகடற்ற வாகனத்தில் கடத்தப்பட்டது. 

இராணுவத்தினரின் சித்திரவதைகள் 

கோபமடைந்த அதிகாரியின் கையால் அடிபட்டு உடைந்த கையெலும்பு 

பொலிஸ் விசாரணைகள் 

தலைகீழா கட்டித் தொங்கவிட்டது 

மனித உரிமைக்குழுவினர் வந்து பார்வையிட்டமை 

செஞ்சிலுவைச்சங்கம் உணவுப் பொதிகள் தந்தமை  

பூசா பனாகொடை வெலிக்கடையென்று மாறி மாறி அடைக்கப்பட்டமை 

நோ டேற் என்னும் கொடுமையான விளக்கமறியலில் கழிந்த 3 வருடங்கள். 

இறுதியாக சாட்சிகள் போதவில்லை நிதாஸ் என்று கூறி தீர்ப்பெழுதிய நீதிபதி 

இனி இந்த நாட்டிலிருக்க முடியாதென்று எல்லா சொத்துகளைகளையும் ஈடு வைத்து ஏஜன்சியிடம் பணம்கட்டிய அந்த நாள். 

கொழும்பில் லொட்ஜில் ஆடு மாடுகள் போல் அடைபட்டு கிடந்த அந்த ஆறேழு மாதங்கள் 

இறுதியாக கனவு நாடாகிய சுவிஸ் நோக்கிய பயணம் புறப்பட்ட அந்த அதிகாலை 

தாய்நாட்டைவிட்டு மேலெழுந்த விமானம்.

அதன் பின் இங்கு வந்து பட்ட அவலங்கள் ”

சீலன் மாரிமுத்தாகிய உச்சக்கட்ட அவலம்: 


இதெல்லாம் கனவாயிருக்காதா 


கண் விழித்து பார்க்கையில் மருத்துவபீடத்;தில் பேராசிரிய பாலசுப்பிரமணியம் உயிர் இரசாயனவியல் பாடம் எடுத்துக்கொண்டிருக்கும் காட்சி விரியாதா?


மனம் அங்கலாய்த்தது 

பின் அழுதது 

இறுக்கி கிள்ளிப்பார்த்தான்  

வலித்தது 

இது நிஜந்தான் 

இதை தாங்கித்தான் ஆகவேண்டும் 

தாண்டித்தான் ஆகவேண்டும் 


எங்கோ யாழ்ப்பாணத்தில் இராமசாமிப்பரியாரியின் பீட்டனாயும். பிரக்கராசி கந்தவடிவேலரின் பேரனாயும் போலிஸ்கார புத்மநாதனின் மகனாயும் பிறந்த தர்மசீலனின் வாழ்க்கை இது. 

எனக்கு விதிக்கப்பட்டது. 

இது எனது விதி 

சில நல்ல கிரகங்களும் சில பாவக்கிரகங்களும் என்னை இந்ம நிலைக்கு ஆளாக்கியுள்ளன 

கோப்பாய் பொலிஸ் அதிகாரிரி சமிந்தவாஸ் - பத்தில் வியாழன் 

நோ டேற் அடித்த நீதவான் இராகு 

நிதாஸ் தந்தவர் - கேது 

சிவம் ஏழரைச்சனியன் 

டேவிட் அங்கிள் எம்மைக்காக்கும் புதன் 

தவம் அண்ணை, பானு எல்லாம் நல்ல கிரகங்கள் 


சீலன் என்கிற மாரிமுத்து தலையை உதறிக் கொள்கிறான் 

இனி அவனது கண்கள் அழமாட்டாது. 

இராமசாமிப்பரியாரியின் பீட்டனாயும்..... 

பிரக்கராசி கந்தவடிவேலரின் பேரனாயும்.... 

போலிஸ்கார பத்மநாதனின் மகனாயும் பிறந்த தர்மசீலனின் வாழ்க்கையை அவன்தான் வாழ்ந்தாக வேண்டும். 


வீழ்ந்தான் என்பது சிறுமையல்ல. 

வீழ்ந்தவன் ஒவ்வொரு விழுகையின் அடுத்த கணமே எழுந்தான் என்பதே பெருமை. 


சீலனாக வீழ்ந்தவன் மாரிமுத்தாக எழுந்தான் 

போன் வேலை செய்யத் தொடங்கிவிட்டது. 

டேவிட் அங்கிளின் நம்பரை டயல் செய்தான் 


சீலனிடம் இப்போது பயம் இல்லை 

கவலை இல்லை 

பாசம் இல்லை 


எழவேண்டும் என்ற வெறி மட்டுமே எஞ்;சியிருந்தது.


போன் மணி அடிக்கத் தொடங்கியது 


( தொடரும் 38)   


தொடர் 36 எழுதுபவர் ச.நித்தியானந்தன் ,இலங்கை


விழுதல் என்பது எழுகையே..


பகுதி 36 -37 


எழுத்தாளர் அறிமுகம் 


பெயர் - சகாதேவன் நித்தியானந்தன் 


ஆரம்பக் கல்வி பண்ணாகம் மெய்கண்டான் மகாவித்தியாலயம் 

உயர்கல்வி யாழப்பாணம் இந்துக்கல்லூரி 


அரசபணி பதவி நிலை உத்தியோகத்தர் யாழ்ப்பாணப் பல்கலைக்கழகம் 


கலைப்பணி 


சுமார் பத்துக்கு உட்பட்ட நாடகங்கள் எழுதி நடித்தமை 

சொந்தப்பெயரிலும் 

நாரதன் 

அங்குசன் 

சனீஸ்வரன் 

என்ற புனை பெயர்களிலும் கவிதைகள் யாழ் உதயன் சஞ்சீவி மித்திரன் போன்ற அச்சு ஊடகங்களிலும் 

இணையத்தில் கவிதைகள்இகதை 

பண்ணாகம்.கொம் -அக்கினிக்குஞ்சு.கொம் -பதிவு.கொம் -சங்கதி-   தமிழ் மிறர்- இனிஒரு- சரிதம் – தமிழ்வின் – காலச்சுவடு- தமிழ் சி.என. என் -அருவி போன்றவற்றிலும் வெளியாகியிருக்கின்றன.



தகவல்த் தொகுப்பு

பண்ணாகம் திரு.இக.கிருட்ணமூர்த்தி

திரு.எலையா முருகதாசன்

தமிழ் எழுத்தாளர் இணைய அகம் -யேர்மனி



கதை பகுதி 36  தொடர்கிறது


வீழ்ந்துவிட்டோம் என்று நீ நினைக்காதே 

வெட்டினாலும் வாழை முளைக்கும் மறக்காதே 

தாழ்ந்துவிட்டோம் என்று நீ கலங்காதே 

நம்பிக்கைதான் வாழ்க்கை அது மறக்காதே 

சீலனின் மனம் அங்கலாய்த்தது. 


தொலைபேசி அழைப்பு மணி அடித்து ஓய்ந்தது. தொடர்ந்து முயற்சி செய்கிறார்கள் ஒரு தரம், இரண்டு தரம் இல்லை மணி அடிக்கிறது யாரும் எடுக்கவில்லை 


என்ன வாழ்க்கையடா சாமி. 

வாழ்க்கையென்றால் சில சோதனைகள் வேதனைகள் இருக்கத்தான் செய்யும் சோதனையே வாழ்க்கை என்றால் 

சீலனின் மனம் பிதற்றிக் கொண்டேயிருந்தது 

கலா, 

அம்மா, 

தங்கை, 

தவம் , 

டேவிட் அங்கிள் , 

பானு, 

விறுமாண்டி 

சிவம் 


எல்லோரும் தட்டாமாலையாக மனதில் சுழன்று கொண்டிருந்தார்கள்.  


சாந்தன் தொலைபேசியில் மீண்டும் மீண்டும் முயன்று கொண்டிருந்தான். பலனில்லை என்பது தெரிந்தது. 

அம்மா என்ன செய்கிறாளோ தெரியவில்லை. 

தொலைபேசி பணம் உடுப்புகள் எல்லாம் இழந்து சொந்தப் பேரிழந்து இப்போது மாரிமுத்து என்ற பேருடன்


”சீலன் என்ரை குஞ்சு” அம்மா கூப்பிடுவது காதில் ஒலித்தது. 

 ”சீல்” என்றுதான் கலாவும் ஆசை வந்தால் அழைப்பாள். 

நாங்கள் ஊரிழந்தவர்கள், உறவிழந்தவர்கள், நாடிழந்தவர்கள், நாதியிழந்தவர்கள் 

இப்போது பேரிழந்தவர்கள் 


இந்தாடா மச்சான் டேவிட் அங்கிளிடம் எல்லா விசயமும் சொல்லிப்போட்டன் 

அவரோடை கதை சாந்தன் தொலைபேசியை தருகிறான் 

”அங்கிள்” குரல் தளு தளுக்கிறது. கண்கள் கண்ணீரைச் சொரிகின்றன. வாய் புலம்புகின்றது. 

மறுமுனையில் அங்கிள் 

எடேயப்பா சீலன் ஒண்டுக்கும் கவலைப்படாதை நான் சாந்தனிடம் எல்லாம் சொல்லிப்போட்டன் இப்ப மணிகிராமில் இரண்டாயிரம் அனுப்பிவிடுகிறன் போனொன்டும் வாங்கி உடுப்புகள் சாமான்களும் வாங்குடா தம்பி. நடந்ததை நினைச்சு கலங்காதை 

இனி உனக்கு புது வாழக்கை பழைய எல்லாம் போகட்டும். சாந்தனிடம் கதைத்திருக்கிறன் அவன் மூலமா ஒரு வேலைக்கும் தங்கிற இடம் ஒன்றுக்கும் ஏற்பாடு பண்ணிறன். நீ வேலை செய் மக்னொடால்ஸசுக்கு போறன் உன்ரை அரியர்ஸ் சம்பளங்களை வேண்டி அனுப்பிறன்.

” அங்கிள் அம்மா...” 

கவலைப்படாதை தம்பி வெள்ளவத்தை இராமகிருஸ்;ண மிசன் மனேஜர் என்ரை வேண்டப்பட்டவர்தான். அவரிட்டை தொடர்பு கொண்டு உன்ரை அம்மாவின் போன் நம்பர் வேண்டி தாறன். எல்லாம் சாந்தனிட்டை கதைச்சிருக்கிறன். இரண்டு நாளிலை நான் உம்மை வந்து சந்திக்கிறன். போன் வாங்கின உடனை போன் பண்ணும் என்ன தேவை என்டாலும் என்னட்டை சொல்லும் 

”..........................”

”என்ன சீலன் என்ன சொல்லும்” 

அங்கிள் என்ரை பேர் இப்ப மாரிமுத்து இப்ப.... நான்.... பேரிழந்தவன்.....

எடேய் சீலன் இங்கை யார்தான் சொந்தப் பேரிலை நிற்கினம் உதெல்லாம் ஒரு விசயமே இல்லை. கவலைப்படாதை தம்பி நாங்கள் இருக்கிறம் முதல் உன்ரை சாமான்களை நீயிருந்த சிவத்தின் வீட்டை போய் எடுக்க முடியுமோ என்று பார்க்கிறன். அவன் சிவம் ஊரறிஞ்ச கள்ளன் அவனிட்டை சீட்டு கட்டிறன் எண்டு சொல்லியிருந்தா நான் கட்ட விட்டிருக்கமாட்டன். 

சரி தம்பி உன்னை நான் குழப்ப விரும்பவில்லை இப்ப சாந்தனிடம் காசை வாங்கு சாந்தன் சொல்லிற இடத்திலை தற்காலிகமாக தங்கியிரு. உன்ரை வேலைக்கும் அவனிட்டை சொல்லியிருக்கு அவன் பாத்துக்கொள்வான் பிறகு போன் பண்ணு தம்பி வைக்கிறன். 

வைத்துவிட்டார்   

அதன் பின் சாந்தன் தன் பணமும் சேர்த்து 3000 பிராங்காக கொடுத்ததும் அதன்பின் தற்காலிக ரூம் ஒன்று எடுத்து சாந்தன் மூலமாக அதில் தங்கவைக்கப்பட்டதும். புதிய ஆடைகள் போன் என்பன வாங்கியது விரைவாக நடந்தேறியது. 

சாந்தன் ஆறுதல் கூறிவிட்டு போய்விட்டான். புது போன் சிம் அக்டிவேட் ஆக 3 மணி நேரம் செல்லும் என்பதால் யாருடனும் தொடர்பு கொள்ள முடியாது. அறையில் பேசாமல் படுக்கும்படிnயும் வெளியில் வீணாக தரிய வேண்டாம் என்றும் சாந்தன் அறிவுறுத்தலுக்கேற்ப கட்டிலில் சரிகிறேன் மாரிமுத்து என்கிற சீலன். 

அம்மா இப்ப என்ன செய்வா...? எனது போன் நம்பருக்கு முயன்று அது வேலை செய்யாமல் போக சிவம் வீட்டு பொது தொலைபேசிக்கு முயன்று நடந்ததை அறிந்திருப்பாவோ அல்லது சிவம் வீடு பொலிசாரின் கட்டுப்பாட்டில்தான் இருக்குமோ.  

ஒரு வேளை சிவம் செத்திருந்தால் 

சுவிசிற்கு வந்து கொலைக் குற்றம் வேறா. ஏசியிலும் பொல பொல என்று வேர்த்தது. 

மனம் அழுதது 

இரண்டு மூன்று வேலை செய்து வாயைக்கட்டி வயிற்றைக் கட்டி சிவத்திடம் சீட்டுக்காசு இருபதாயிரம் பிராங்குகளுக்கு மேல் கட்டியிருப்பான். 

எல்லாம் கனிந்து வரும்போல இருக்கும் போது பேரிடி போல எல்லாமே முடிந்துவிட்டது 

தவம் அண்ணை கூறியது ஞாபகம் வந்தது 

இங்கை யாரையும் நம்பாதையும் சீலன் 

முக்கியமா இலங்கைத்தமிழரை நம்பாதையும். பெரிய கள்ளர் உவங்கள்தான். 

சிவத்திற்கும் முற்பிறப்புக்கடனோ என மனம் அங்கலாய்த்தது. 

தூக்கம் பாதி துக்கம் பாதி ஏக்கம் மீதியாக சீலன் என்கிற மாரிமுத்துவிற்கு மனம் அங்கலாயத்துக் கொண்டிருந்தது. தூக்கம் வரவில்லை 

புரண்டு புரண்டு படுக்கிறான். 

அழுதழுது கண்ணீரும் வற்றிவிட்டது. 

” அம்மா வெள்ளவத்தை பெனான்டோ வீதியில் பிச்சை எடுக்கிறாள்” 

” தவம் அங்கிள் சிவத்தை குத்திக் கொல்கிறார்”  

”முரளி கலாவின் கழுத்தில் தாலி கட்டுகிறான்” 


திடுக்கிட்டு விழிக்கிறான் சீலன் 


எல்லாம் கனவு ....


தொடரும் பகுதி 37