WELCOME TO PANNAGAM.COM & PTV

பண்ணாகம் இணையம்

 

யேர்மனியில் பண்ணாகம்  இணையத்தின் 
 15 வது ஆண்டுவிழா  2021

15 அகவை நிறைவுநாள் காணுவது எமக்கு  பெருமையே

                            செந்தமிழ் போற்றும் தமிழ் மண் தமிழ் அறிவு தமிழ் உணர்வு தமிழ் வீரம் பொங்கும் புனித மண் சொற்கோ அமிர் அண்ணன் தவழ்ந்த பூமி உலகமெங்கும் செறிந்து வாழும் பண்ணாகத்தின் மைந்தர்கள் 15 ஆண்டு இணையம் பெருவிழா கண்டு மகிழும் நாளில் அம் மண்ணில் இருந்து இரு ஆண். பெண் திருமன உறவு அன்பு மணமக்களை பெற்றவன் என்ற மகிழ் நிலையில் எனக்கும் பங்கு உண்டு வாழ்த்வே என் அன்பு நண்பன் என் சகபாடி தனித்து நின்று இன்று பலரை சேர்த்து இணைந்து 15 அகவை நிறைவுநாள் காணுவது பெருமை திறமை நன்று கலையில் நாடகம் இசை நாட்டியம் கதைஆக்கம் நூலகம் திருமணம் என பல வாழ்வாதார உதவி அரசியல் ஆலோசனை அப்பப்பா அநேகம்...... வாழ்க பண்ணாகத்தின் இணையம் இமயம் என உயர்ந்து புகழ்பெறுக.. றெமிங்ரன கல்வி வளர் சோலை மணோகர் என் வாழ்த்துக்கள் வாழ்க என்றும் அழியாத தமிழ் போல நன்றி மூர்த்தி மற்றும் அவர் உறவுகள் என் அன்பு நண்பா கிஸ்ணமூர்த்தி கந்தசாமி அவர்களே சபாஷ் சபாஷ் சபாஷ்

றெமிங்ரன கல்வி வளர் சோலை மணோகர்.  மூளாய் இலங்கை

15 ஆண்டு நிறைவில் கால் பதிக்கும் எங்கள் பண்ணாகம் இணையத்திற்கு வாழ்த்துக்கள். 

புலம் பெயர் தேசங்களில் வாழும் பண்ணாகம் உறவுகளையும் தாயக சொந்தங்களையும் இணைக்கும் உறவுப்பாலமாக 15 ஆண்டுகளுக்கு முன் தூர நோக்குப் பார்வையில் தமிழ் உணர்வாளன் ஊடக வித்தகர் கிருஸ்ணமூர்த்தி அவர்களால் உருவாக்கப்பட்ட எங்கள் இணையத்தளம் 15 ஆண்டு நிறைவை அடைவதை மகிழ்ச்சியுடன் நானும் வரவேற்கிறேன். பண்ணாகம் இணையம் உலகச் செய்திகை தாங்கி வருகின்ற ஒரு முழுமையான ஊடகமாக பரிணமிக்க ஆரம்பித்துள்ளது என்னும் பல செய்திகளை வாசகர்களுக்கும் தாயக புலம் பெயர் உறவுகளுக்கும் வழங்குவதற்கு இணையத்தின் பரிணாமம் வியாபிக்க வாழ்த்துகின்றேன். பண்ணாகம் இணையத்தின் பிரதம ஆசிரியர் கண்ணன் அண்ணா என்னைப் பொறுத்தவரை அவர் ஊடக வித்தகருக்கு அப்பால் தமிழ் உணர்வுப் போராளி. பல திறமையான பணிகளை செய்கிறார் செய்து கொண்டு இருக்கிறார் செய்வார் அவர்களுக்கும் வாழ்த்துக்கள்.

 சபா குகதாஸ் முன்னாள் வடக்கு மாகாணசபை உறுப்பினர் 
பண்ணாகம், யாழ்ப்பாணம், இலங்கை

மனமார்ந்த வாழ்த்துக்கள்

           ஜேர்மனியில் இயங்கி வருகின்ற பண்ணாகம் இணையத்தளம் தனது பதினைந்து ஆண்டுகால சேவையினை நிறைவு செய்து பதினாறவது ஆண்டில் காலடி எடுத்து வைத்து ஒரு பெரும் சமூகத் தொண்டினை தொடர்கின்ற வேளையில் பணணாகம் இணையத்தள செயல்பாட்டாளர்களையும் இவ்விணையத்தை ஆரம்பித்து அதன் பிரதம ஆசிரியரான திரு.இ.க.கிருஸ்ணமூர்த்தி அவர்களையும் வாழ்த்திப் பாராட்டி மகிழ்ச்சியடைவதில் பெருமை கொள்கிறோம்.

சிறுகதைகள், தொடர்கதைகள், கவிதைகள் செய்திகள், இன்னும் பல்வேறுபட்ட நிகழ்ச்சிகள் என அனைத்தையும் புலம்பெயர்ந்த தமிழர்களின் வாழ்வியல் கூறுகளின் ஆவணமாக இவ்விணையத்தளம் பதிவிட்டு வருகின்றது.

எதிர்காலத் தமிழ்ச் சந்ததியினராகட்டும் அல்லது புலம்பெயர்ந்து ஜேர்மனியில் வாழ்ந்த வாழ்ந்து கொண்டிருக்கும் தமிழர்களின் பன்முகக் கூறுகளை அறிவதற்காக ஆய்வு ரீதியாக அவர்கள் தேடிச் செல்லும் போதோ அணுகும் போதோ இவ்விணையத் தளத்தின் பங்கும் ஒரு சரித்திர நூலாக அவர்களுக்கு பெரும் உதவியாக இருக்கும்.

நூல்களாகவும் மக்களுக்குச் செய்திகளைக் கொண்டு சென்ற ஊடகமாகவும் அச்சுவாகனமேறிய தாள்களே முக்கியத்துவம் பெற்றிருந்தன.ஆனால் இன்று அந்தப் பணியை தாள்களுக்கு இணையாக இணையத்தளங்கள் நவீன தொழில்நுட்பப் பாதையில் செய்து வருகின்றன.

நவீன கணிணியுகத்தில் தொடுதிரைகளும்,கணிணி மின்திரைகளும் மக்களுக்கான அறிதலை இணையத்தளங்களிலிருந்து எடுத்துக் கொடுத்து வருகின்றன.

பண்ணாகம் இணையத்தள ஆசிரியர் அவர்கள் ஜேர்மனிக்கு புலம்பெயர்ந்த காலந்தொட்டு இன்றுவரை சமூகத் தொண்டாற்றாமல் இருந்ததில்லை, தொடர்ச்சியாக இயங்கிக் கொண்டிருப்பவர்.

பன்னாட்டு புலம்பெயர் தமிழ் எழுத்தாளர் ஒன்றியத்தினால் வெளியிடப்பட்ட நமது இலக்கு என்ற பத்திரிகையின் ஆசிரியராக பணியாற்றிவர். தொடர்ச்சியாக அதன் பணி நீட்சியாக இணையத்தள ஆசிரியராக, தமிழ்மொழி ஆசிரியராக, நாடகத் தயாரிப்பளராக ஆளுமைமிக்கவராக தன்னை இனங்காட்டி வரும் இவர் இப்பொழுது நாளைய நாம் தொடர் நாடகத்தில் நடித்தும் வருகிறார்.

பதினைந்தாவது ஆண்டு நிறைவினை முன்னிட்டு உலகளாவிய தமிழர்கள் மத்தியில் சிறுகதைப் போட்டியொன்றை நடத்தி பரிசு பெற்றவர்களுக்கு பரிசளித்தும் கலை நிகழ்ச்சிகளுடன் நிறைவு விழாவை நடத்துவதையிட்டு மீண்டும் ஒருமுறை அவரையும், அவருக்கு உற்ற துணையாக இருந்து வரும் அவருடைய துணைவியார் திருமதி.சர்வாஜினிதேவி கிருஸ்ணமூர்த்தி அவர்களையும் எங்கள் குடும்பத்தின் சார்பாகவும் பாராட்டியும் வாழ்த்தியும் மகிழ்ச்சியடைகிறோம்.

தொடரட்டும் உங்களுடைய இலக்கிய, சமூகப் பணி

அன்புடனும் வாழ்த்துக்களுடன்

ஏலையா க.முருகதாசன்

21.05.21

பண்ணாகம்.கொம் 15 வது ஆண்டு நிறைவு விழா 2021  

உலகளாவிய சிறுகதைப் போட்டி 
2021. 

பண்ணாகம்.கொம் இணையத்தளத்தின் 15வது ஆண்டு நிறைவை 2021 சித்திரை மாதம் கொண்டாடுவதை முன்னிட்டு உலகளாவிய சிறுகதைப் போட்டி நடாத்தப்படவுள்ளது. 

 ஜேர்மனியில் இயங்கி வருகின்ற பண்ணாகம்.கொம் இணையத்தளம் உலகத் தமிழ் எழுத்தாளர்களை கொளரவிக்கும் நோக்கில் இந்த பெரு முயற்சி எடுக்கப்பட்டுள்ளது. 

இப்போட்டிக்கு போட்டி விதி முறைகளைப் பின்பற்றியே கதைகள் எழுதப்படவேண்டும். 

 சிறுகதைப் போட்டி விதிகள்> 
 சிறுகதைகள் வந்துசேர வேண்டிய கடைசித் நாள் : மார்ச். 21 . 2021 

 1.< சிறுகதைகள் யாவும் சமூகம் நோக்கிய நற்சிந்தனை உள்ளதாக இருக்கவேண்டும். 
 
2.< அரசியல், தனிநபர் சாடல்கள், ஒருகட்சி சார்பு அல்லாததாக இருக்க வேண்டும். 
 
3. < இப் போட்டிக்கு வயதுக்கட்டுப்பாடு இல்லை , சிறந்தகதை ஆசிரியர் மூவருக்கு பணப்பரிசும் , சிறுகதையாளருக்கான சிறந்த பட்டமும் மற்றும் பங்கு பற்றிய அனைவருக்கும் மின்இதழ் சான்றிதழும் வழங்கப்படும். 
 
4. < ஒருவர் எத்தனை கதைகளை வேண்டுமானாலும் A4 தட்டச்சு தாளில் ஒன்றரைப்பக்கம் மட்டும் கதையாக அனுப்பலாம். நீண்ட கதைகள் தவிர்க்கப்படும். படைப்புகளுடன் தங்களது நிழற்படம் மற்றும் அலைபேசி எண் பதிவு செய்யப்படவேண்டும். 
 
5. < கதைகள் யூனிகோட் அல்லது பாமினி எழுத்துருவில் தட்டச்சு செய்யப்பட்டு மின்னஞ்சல் மூலம் அனுப்பப்பட வேண்டும் . கதைகள் அனுப்பப்பட வேண்டிய மின்னஞ்சல் முகவரி. pannagam@live.com , அல்லது , ekk.moorthy@gmx.de 
 
6.< சிறுகதை ஆசிரியரின் பெயர், முகவரி ஆகியவை தெளிவாகக் குறிப்பிடப்பட வேண்டும். உலக நாட்டிலிருந்து பங்கேற்போர் தங்கள் முகவரியை ஆங்கிலத்தில் எழுதுமாறு கேட்டுக் கொள்ளப்படுகிறார்கள் 
 
7.< கதைகளுடன்  கதைகள் எனது சொந்தக் கற்பனையில் உருவான புனைவுகளே.அவை தழுவலோ, மொழி பெயர்ப்போ பிறிதொன்றின் நகலோ அல்ல என்ற உறுதிமொழி இணைக்கப்பட வேண்டும். 
 
8.< பங்கேற்கும் படைப்பாளிகள் அவர்கள் அனுப்பும் படைப்புகளை வேறு எங்கும் பிரசுரிக்கும் எழுத்தாளர்கள் அனுப்புவதை தவிர்க்கவேண்டும். 
 
9.< எல்லா விஷயங்களிலும் பண்ணாகம்.கொம் இணைய ஆசிரிய குழுவின் முடிவே இறுதியானது, உலக எழுத்தாளர்களில்  5 பிரமுகர்கள் நடுவர்களாகப் பணியாற்றுவார்கள். 
 
10.< முடிவு திகதி 21.3.2021 ஞாயிற்றுக்கிழமைக்குப் பிந்தாமல் pannagam@live.com , அல்லது , ekk.moorthy@gmx.de அனுப்பிவையுங்கள். கதைகள் கிடைக்கும் ஒழுங்கிலேயே ஆண்டு மலரில் பிரசுரிக்கப்படும். 

 பண்ணாகம்.கொம் இணையம், 15வது ஆண்டுவிழாக் குழு. 2021 
@@@@@@@@@@@@@@@@@@@@@@@@@@@@@@@@@@@@@@@@@@@@@@
உலகளவிய சிறுகதைப் போட்டி 2021. 

பண்ணாகம்.கொம் இணையத்தளத்தின் 15வது ஆண்டு நிறைவை 2021 சித்திரை மாதம் கொண்டாடுவதை முன்னிட்டு உலகளாவிய சிறுகதைப் போட்டி நடாத்தப்படவுள்ளது.

எமது நன்றிகள்
யேர்மனியில் வாழும் பண்ணாகம் மக்கள் தாமாக ஒரு வாழ்த்து மலரை செய்து பண்ணாகம் இணையத்திற்கு 11.4.2021 சூம் செயலி ஒன்று கூடலில் எமக்கு வழங்கியிருந்தனர் அவர்கள் அனைவரும் எமது ஊரின் மரியாதை எமக்கு வழங்கி கணம் உச்ச மகிழ்ச்சியை அடைந்தோம் அவர்கள் அனைவருக்கும் எமது மனமார்ந்த நன்றிகள்.

பண்ணாகம் இணையத்தளத்தின் 10வது ஆண்டு விழா கடந்த  23.04.2016  அன்று சிறப்பாக நடைபெற்றது 

ஜேர்மனியில் இயங்கி வருகின்ற  பண்ணாகம்.கொம் இணையத்தளம் தனது 10வது ஆண்டு விழாவினைச் சுண்டன் நகரில்  சிறப்பாகக் கொண்டாடியது.

பண்ணாகம் இணையம் 10வது ஆண்டுவிழா

 

யேர்மனியில் பண்ணாகம் இணையத்தின் பத்தாவது ஆண்டுவிழா 23.0.4.2016 சனிக்கிழமை வெகுவிமர்சையாக, சிறப்பாக, தியாகிகள் அரங்கில்  யேர்மனி சுண்டனில் நடந்தேறியது.

 

பண்ணாகம் இணையத்தின் ஆதரவாளர்களும் உதவியாளர்கள் நலன்விரும்பிகள் பலர் மங்கலவிளக்கு ஏற்றும் நிகழ்வை ஆரம்பித்து வைத்தார்கள். அடுத்து தம்மினிய உயிர்களைத் இனத்துக்காக ஈகம் செய்த அரசியல்வாதிகள்,போராட்ட தியாகிகளையும் பொதுமக்களையும் இவ்விழாவுக்கு அதிதியாக வருகைதரவிருந்த அமரரான திருமதி மங்கையற்கரசி  அமிர்தலிங்கம் அவர்களையும் மனதில் நிறுத்தி அகவணக்கம் நிறைந்தேறியது.

 

நிகழ்ச்சிகளை ஆரம்பிக்க யேமனியின் புகழ் பெற்ற சிறந்த ஆசிரியை தனுசா ரமணனின் மாணவியர் வரவேற்பு நடனம் வந்தோரை வரவேற்றனர்

 

அதனையடுத்து யேர்மனி கம் காமாச்சி அம்பாளின் ஆலய ஆதீனகுரு பாஸ்கரக்குருக்கள் ஆசியுரை வளங்கினார்

 

சுவீஸ்நாட்டில் இருந்து வருகை தந்த பவளகாந்தன் அவர்கள் வரவேற்புரை வளங்கியதுடன் பண்ணாகம் இணையத்தின் பிரதம ஆசிரியர் கிருஸ்ணமூர்த்தி அவர்களுக்கு மாலை அணிவித்து வரவேற்றார்

 

இதனை அடுத்து பிரதமவிருந்தினர்களாக இலண்டனில் இருந்து வருகை தந்திருந்த மருத்துவமாதுவான திருமதி பகவதி தணிகாசலம், நோர்வேயில் இருந்து வருகை தந்திருந்த நோர்வே நக்கீரா அவர்களின் உரையும் வாழ்த்துப்பாவும் வளங்கப்பட்டன.

 

கலைவிளக்கு திரு.பாக்கியநாதன், தமிழருவி திரு நயினை விஜயன், ஏலையா திரு முருகதாசன்,வண்ணத்தப்பூச்சி திரு காசி நாகலிங்கம், செய்தி ஆய்வாளர் திரு சபேசன், அறிவிப்பாளர் திரு முல்லை மோகன், சமூகசேவையாளர் திரு.திருமதி மனோறஞ்சன் ரதிவதனி, இசையமைப்பாளர் எஸ்ரிஎஸ் தேவராஜா ஆகியோர் சிறப்பு விருந்தினராக கலந்து பண்ணாகம் இணையத்தின் ளெரவம் பெற்றனர்  இவர்களுக்கு இலண்டனில் இருந்து வருகை தந்த திருமதி பகவதி தணிகாசலம் ,பண்ணாக இணைய ஒப்புநோக்காளர் திருமதி கிருஷ்ணமூர்த்தி சர்வாஜினிதேவி அவர்களால் பண்ணாக இணையத்தின் சார்பாக இலட்சணைச்சின்னம் வளங்கிக் கௌரவிக்கப்பட்டனர் அத்துடன் சிறப்ப விருந்தினர் உரையும் இடம்பெற்றது.

 

இதனைத் தொடர்ந்து இணையத்தின் பிரதம ஆசிரியரான திரு கிருஷ்ணமூர்த்தி அவர்கள் பண்ணாக இணையத்துடன் தான் கடந்துவந்த பாதையில் தாண்டிவந்த சிரமங்களையும் உதவியவர்களையும் நினைவு கூர்ந்தார். அதில் முக்கியமாக பண்ணாகம் இணையம் ஊர்தளத்தில் இருந்து பொதுத்தளத்துக்கு வளர்ச்சி பெற்று நகர்த்தப்பட்டமையை சுட்டிக்காட்டினார்.

 

இணைய நிர்வாக சேவையாளராக வரைகலையாளர் திரு கிருஷ்ணராசா அருண்-சுவீஸ், பொறியலாளர் திரு கிருஸ்ணமூர்த்தி பிரசாத்   இளமானி கணனி பட்டதாரி கௌரவிக்கப்பட்டனர்.

 

தொடர்ச்சியாக இணையத்தின் கௌரவத்தைப் பெற்றவர்கள்

 

கவிஞர் திரு செல்வரத்தினம் பவளகாந்தன் –கவிஞர் திரு வெற்றிவேலு வேலழகன்-    நாடக்கலைஞர் திரு சிவப்பிரகாசம் சிவதாசன் –   சமூகசேவையாளர்   திரு குணரத்தினம் சச்சிதானந்தமூர்த்தி –நடனக்கலை ஆசிரியர் துரையரங்கன் சாந்தி . ஆரம்ப அங்கத்தவர் செல்வன் இராமநாதன் துசியந்தன். மெசடே  2007இல் பண்ணாக இணையத்தின் ஒர் இலட்சம் பார்வையாளராக இலங்கையில் பரிசு பெற்றவரான செல்வன் சுபரூபன் சுப்பிரமணியம்.

 

இவ்விழாவின் நிறைவு நிகழ்பாக சிறப்புப்பட்டிமன்றம் "நவீன தொலைத் தொடர்புச்சாதனங்கள் மனிதவாழ்வில் அமைதியை வளர்க்கிறதா? தொலைக்கிறதா?" பண்டைய பட்டிமன்ற விதிகளுக்கமைய நோர்வே நக்கீராவின் தலைமையில் அரங்கேறியது. 

பங்கு பற்றியோர்

திரு சபேசன், முத்தழகன், தேவராஜன், ஏலையா முருகதாசன், கிருஷ்ணமூர்த்தி (இணைய ஆசிரியர்) முல்லை மோகன்

 

இப்பட்டிமன்றத்தில் வாதத்திறமையால் நவீன தொலைத்தொடர்புச் சாதனங்கள் மனிதவாழ்வில் அமைதியைத் தொலைக்கிறது என்ற சாராரே புள்ளிகளின் அடிப்படையில் முடிவு வழங்கப்பட்டது.

கண்காட்சிகளாக முஞ்சன் நகரில் இருந்து உலகில் வெளியான தமிழ்ப் பத்திரிகைகள் ஆண்டாண்டுகளாகச் சேர்த்து வைத்திருந்த ஆவனங்களை சுமந்து வந்து அருங்காட்சியகத்தை காட்சிக்கு வைத்த திரு அன்ரன் யோசெப் அதிசிறப்பு கௌரவத்தைப் பெற்றார். இலகுசமையல் பாத்திர கண்காட்சியை பாலு ஏசியா பணமாற்று நிறுவனத்தினர் விழா மக்களுக்காக நடாத்தினார்கள்.

பண்ணாகம் இணைய 10வது ஆண்டு நிகழ்வு நிகழ்ச்சிகளை தொகுத்து வழங்க யேமனியிலேயே பிறந்து வளர்ந்து தமிழ் பயின்ற மாணிவியர்கள் இருவர் றெசிக்கா பேரின்பராஜா, டனுசா பேரின்பமூர்த்தி சிறப்பாக தொகுத்து வழங்கினர். இவர்களின் தமிழ் அழகு வியக்க வைத்தது. தமிழை அழாக வாசித்து நல்ல உச்சரிப்புடன் தொகுத்தளித்தனர். இவர்களுக்கு எம்வாழ்த்துக்கள்.

 

எந்தவித தடைகளோ தாமதமோ இன்றி விழா இனிதே நிறைவேறியது.

 

தொகுப்பு – நக்கீரா,ஏலையா

யேர்மனியில் பண்ணாகம்  இணையத்தின்
 
 10 வது ஆண்டுவிழா 
 
23.4.2016 
     சனிக்கிழமை   மாலை 17.30 மணி

நீ பிறந்த பிறகுதான்
நம் உறவுகளின் துடிப்பறிந்து
மிடுக்கோடு தலை நிமிர்ந்தோம்

சிறகிழந்த பறவையாய் எம்
பயணம் தொடர முடியாமல்
விழுந்து கிடந்தோம்
அன்னியர் தேசங்களில்
திக்கெட்டும் திசைமாறி
வந்தவழி தெரியாது
சொந்த மண்ணை இழந்து
வெந்த எம் உள்ளங்கள்
விம்மி அழுகின்ற தருணத்தில்
அறுதலாய் அவதரித்தாய்
பண்பான நம்மூரின்
நாமம் தனைக்கொண்ட
பண்ணாகம் இணையமென
பண்ணாகம் இணையமே!
நீ பிறந்த பிறகுதான்
நம் உறவுகளின் துடிப்பறிந்து
மிடுக்கோடு தலை நிமிர்ந்தோம்
கடுப்பான வலிகளெல்லாம்
களைந்தெடுத்தாய்
பிரிவுகளை இணைத்து
பேரானந்தம் தந்தாய்
உறவோடு உறவாட
உன் பின்னே நாம் தொடர்ந்தோம்
மறவோமே உன் சேவை
அகவைகள் அகிலம்தொட்டு
நீ வளர வாழ்த்துகின்றோம்

-தேவன் திரு-

போட்டியிடும் சிறந்த கதையை குறும்படமாக்குவேன்! தயாரிப்பாளரும் இயக்குனருமாகிய 

''ஈழக்குறுந்திரை வாணி'' சிபோ உறுதி

பண்ணாகம்.கொம் 15 வது ஆண்டு விழா சிறுகதைப் போட்டியில் பங்கு கொள்ளும் சிறந்த கதைகள் குறுந்திரைப்படமாகவுள்ளது என்பதை அனைத்து எழுத்தாளர்களுக்கு மகிழ்வுடன்  அறியத்தருகிறோம். 

பண்ணாகம் பெயர் எப்படி பிறந்தது?


பண்ணாகம்
ஆதியில் பண்புடைய, தீண்டாத, தீங்கிளைக்காத நாகங்கள் குடிகொண்ட பிரதேசமே பண்ணாகம் என்றானது. வெள்ளக்காட்டின் மேட்டுப்பகுதியாக பண்ணாகம் இருந்த காரணத்தினால் பாம்புகள் வெள்ளத்துக்கு ஒதுங்கி தம்புற்றுக்களை மேட்டு நிலங்களிலேயே அமைக்கும். இந்த மேட்டு நிலங்களிலேயே மேட்டுக்குடிகளும் வாழத் தொடங்கினர்.

இலங்கையின் வடபகுதியான யாழ்பாணத்தில் சித்தங்கேணி, சுழிபுரம், பனிப்புலம், வட்டுக்கோட்டை போன்ற கிராமங்களை எல்லைகளாகக் கொண்ட கிராமமே பண்ணாகம். இங்கேதான் தமிழீழத்தீர்மானம் த.வி.கூ எடுக்கப்பட்டது. ஈழத்தமிழர்களின் தானைத்தளபதி அமிர்தலிங்கம் பிறந்த இடமும் பண்ணாகமே. பண்ணாகம் இணையத்தின் வேண்டுகோளுக்கிணங்கவே இக்கட்டுரை எழுதப்படுகிறது. பண்ணாகம்  மரவெள்ளிக்கிழங்கு பெயர்போன ஊராக முன்னைய காலங்களில் திகழ்ந்தது  அது வணிக உணவாகவும் இருந்தது. 

அகம் என்பது மனை, வீடு, இல்லம் என்ற பொருள் கொண்டது. பண்புள்ள பண்பட்ட குடிகள் வாழ்ந்த இடமாக பிற்காலத்தில் பார்க்கப்பட்டாலும் பண்டைய வரலாறுகள் பெயர்களை காரணப்பெயர் கொண்டே வைத்தார்கள். பண்ணாகம் மக்களுடைய பேச்சு வளக்கில் அவர்களின் தனித்துவத்தை அறியலாம். ஒரு வசனத்தை நீட்டி இழுத்தே முடிப்பார்கள். இது பனிப்புலத்து மக்களின் பேச்சு வளக்குப்போல் அதிநீளமாக இருக்காது.

பண்ணாகம் சுழிபுரப்பகுதியைப் பார்த்தால் நெற்செய்கைக்கு ஏற்ற நிலங்களாக இருந்திருக்கின்றன. மேடானபகுதிகளில், மரங்கள் செறிந்த இடங்களில் நாகங்கள் தமது புற்றை அமைத்துக் கொள்ளும். தீண்டா நாகங்கள் அதாவது பண்புடைய பத்தியுடைய நாகங்கள் வாழ்ந்த பிரதேசமாகவே பண்ணாகம் பார்க்கப்பட்டுள்ளது. பண்ணாகத்திலும் அதை அண்டிய பிரதேசங்களிலும் நாகவணக்கம் செறிவாவே இருந்தது. அது அப்படியே இன்றும் இருக்கிறது. சங்கமித்திரை வந்த இறங்கிய சம்பில்துறை, திருவடிநிலை, சுழிபுரம், ஈறாக பொன்னாலை ஊடாக காரைநகர்வரை நாகவணக்கம் அதாவது நாகதம்பிரான் வணக்கம் அதிகமாக இருப்பதை இன்றும் காணலாம். முக்கியமாக அரசமரத்தின் கீழ் சிறிய நாகதம்பிரான் கோவில் இருக்கும். சிலவேளை அதைச் சுற்றிப் பாம்புப் புற்றுகளும் இருக்கும். 

இலங்கையின் ஆதிகுடிகளான இயக்கர், நாகர்களின் நாகங்களை வணங்கியவர்களே நாகர்கள் என்று அழைக்கப்பட்டனர். பண்புள்ள நாகங்களோ பண்புடைய நாகர்களோ வாழ்ந்த இடமே பண்ணாகம் என காரணப்பெயராக அமைந்திருக்கலாம் என்பது ஊகிக்க முடிகிறது. பௌத்தம் சம்பில்துறை ஊடாக இலங்கைக்கு வந்தபோது சங்கமித்திரை நாட்டிய வெள்ளரசுமரத்தை இன்றும் பறாளாய் முருகமூர்த்தி கோவிலில் காணலாம். 

சுருக்கமாகக் கூறின் பண்புமைய நாகர்கள் அல்லது நாகங்கள் அகம் எனும் இல்லமாக, வீடாகக் கொண்ட இடமே பண்ணாகம். பண்-அகம் பண்ணகம், பண் நாகம் - பண்ணாகம் அதாவது பண்புடைய தீண்டாது தீதற்ற நாகங்கள் வாழ்ந்த பிரதேசமே பண்ணாகம் ஆகும்.

  29.04.2016

இன்று 1.3.2015 பண்ணாகம் இணையத்தின் 10 வது பிறந்தநாள்

இதையொட்டி பண்ணாகம் இணையத்தின் அபிமானிகள் ஆதரவாளர்கள் முகநுாலிலும் கடிதம்ஊடாகவும் மின்னஞ்சல் மூலமும் வாழ்த்துக்களைத் தெரிவித்து வருகிறார்கள். இவர் அணைவரையும் 23.04.2016 நடைபெறும் விழாவில் அவை வாசித்து நினைவில் கொள்வோம்.

பண்ணாகம் இணைய நிர்வாகம்


குறிப்பு- விசவர்த்தனை முருகன் ஆலய பரிபாலன சபையின் வாழ்த்துக்கள், கனடா பண்ணாகம் மக்கள் ஒன்றிய ஆரமபத்தலைவர் ஆசிரியர் திரு .திகம்பரலிங்கம் அவர்களின்வாழ்த்துக்கள் மற்றும் பல முக்கிய பிரமுகர்களின்.மன்றங்களின்,கழகங்கள் வாழ்த்துக்கள் கவிதைகள் என்பன ஏற்கனவே தபால்மூலம் மின்னஞ்சல் மூலமும் கிடைக்கப் பெற்றிருக்கின்றது.

பண்ணாகம் இணைய 10வது ஆண்டுவிழா பற்றிய முன் அறிவிப்பு அறிவித்தல் வெளியானவுடன் பலர் எம்முடன் தொடர்புகொண்டு உற்சாகமும் ஆதரவும் தந்து வருபவர்கள் அனைவருக்கும் நன்றிகள். இவ்விழாவில் எழுத்தாளர்கள் கவிஞர்கள் ஆய்வாளர்கள் பலரும் கௌரவிக்கப்படவுள்ளார்கள் என்ற மகிழ்சிகரமான செய்தியை உங்களுக்கு அறியத்தருகின்றோம். அவர்களின் பெயர்களை உங்களிடமிருந்தும் வரவேற்கின்றோம்.