WELCOME TO PANNAGAM.COM & PTV

பண்ணாகம் இணையம்

NEWS 10

பாராளுமன்றத்தைக் கூட்டுமாறு உயர் நீதிமன்றம் உத்தரவிட்டாலும் தான் அதனை செய்ய மாட்டேன் என ஜனாதிபதி கோட்டாபய ராஜபக்­ திட்டவட்டமாகத் தெரிவித்துள்ளார். மேலும் தேவையேற்படின் நிறைவேற்று அதிகாரத்தைப் பயன்படுத்த தயங்க மாட்டேன் என்றும் சுட்டிக் காட்டியுள்ளார்.

ஜனாதிபதி செயலகத்தில் நேற்று முன்தினம் நடைபெற்ற அமைச்சரவைக் கூட்டத் திலேயே அவர் மேற்கண்டவாறு தெரிவித்துள்ளதாக தென்னிலங்கை ஊடகம் ஒன்று செய்தி வெளியிட்டுள்ளது.

அரசியலமைப்பின்படியே நான் செயற்பட்டுள்ளேன். அரசியல் காரணங்களை வைத்து எனக்கு அழுத்தங்களை வழங்க எவரும் முயற்சிக்கக்கூடாது.

பாராளுமன்றை மீளவும் கூட்டுமாறு நீதிமன்றம் சொன்னாலும் நான் மீண்டும் ஒத்திவைப்பேன். அல்லது கூட்டும் வர்த்த மானியை விடுத்து மீண்டும் கலைப்பேன்.
இந்த பாராளுமன்றின் ஆயுட்காலம் முடியும் வரைக்கும் வேண்டுமானால் அப் படிச் செய்யலாம்.

நிறைவேற்று அதிகாரம் கொண்ட ஜனாதிபதியால் அரசியலமைப்பின்படி என்ன செய்ய முடியுமோ அதனை நான் செய்வேன்.

நாட்டின் தற்போதைய நிலைமையில் யாரும் தேவையற்ற அரசியலை செய்யக்கூடாது என்றும் அவர் மேலும் தெரிவித்துள்ளார்.


கட்டுப்பாடுகளை தளர்த்திய நாடுகளில் கொரோனா வைரஸ் தொற்று அதிகரிப்பு
கொரோனா வைரஸ் ஆபத்து காரணமாக கடும் கட்டுப்பாடுகளை விதித்திருந்த நாடுகள் அந்த கட்டுப்பாடுகளை தளர்த்திய பின்னர் வைரஸ் தொற்றியவர்கள் அடையாளம் காணப்படுவது அதிகரித்துள்ளதாக உலக சுகாதார அமைப்பு தெரிவித்துள்ளது.

இவ்வாறான ஆபத்து அதிகரித்துள்ள நாடுகளாக சீனா, தென் கொரியா மற்றும் ஜேர்மனி
ஆகிய நாடுகள் கடந்த வாரம் அடையாளப்படுத்தப்பட்டன.

கடும் கட்டுப்பாடுகள் தளர்த்தப்பட்ட பின்னர் வழமையாக நடவடிக்கைகள் ஆரம்பிக்
கப்பட்டதை அடுத்து வார இறுதியில் வைரஸ் தொற்றாளர்கள் குறிப்பிடத்தக்கள வில் அடையாளம் காணப்பட்டுள்ளனர்.

தென் கொரியாவில் மதுபான விற்பனை நிலையங்கள் மற்றும் களியாட்ட விடுதிகளில் கொரோனா வைரஸ் தொற்றியவர்கள் அடையாளம் காணப்பட்டதை அடுத்து, அவற்றை மூட அதிகாரிகள் நடவடிக்கை எடுத்துள்ளனர்.

சீனாவின் வுஹான் நகரிலும் கொரோனா வைரஸ் தொற்றியவர்கள் அடையாளம் காணப்பட்டுள்ளனர்.

இந்த நாடுகளில் மீண்டும் வைரஸ் பரவிய போதிலும் அதனை கட்டுப்படுத்த அந்நாடுகள் நடவடிக்கை எடுத்தமை குறித்து உலக சுகாதார அமைப்பு மகிழ்ச்சியை வெளியிட் டுள்ளது.


மானிப்பாய் பொலிஸ் நிலையப் பொறுப்பதிகாரிக்கு கிடைத்த இரகசிய தகவலுக்கு அமைய சங்குவேலி பகுதியில் மேற்கொண்ட திடீர் முற்றுகை நடவடிக்கையின் போது மதுபானப் போத்தல்கள் கைப்பற்றப்பட்டுள்ளது.

அத்துடன் வீடு ஒன்றில் வைத்து சட்டவிரோதமான முறையில் மதுபான பொருட்களை விற்பனை செய்த சந்தேகநபர் ஒருவர் கைது செய்யப்பட்டுள்ளார்.

கைது செய்யப்பட்டவர் அதே பிரதேசத்தைச் சேர்ந்தவர் என பொலஸார் தெரிவித்தனர்.

தொடர்ந்து மேற்கொண்ட சோதனை நடவடிக்கையின் போது வீட்டில் மறைத்து வைக்கப்பட்டிருந்த 180 மில்லி லிட்டர் கொள்ளளவு உடைய 85 அரச மதுபான போத்தல்கள் இதன்போது கைப்பற்றப்பட்டுள்ளது.

இந்தியாவில் சிக்கியிருந்த 101 மாணவர்கள் நாட்டுக்கு அழைத்து வரப்பட்டுள்ளனர்.

இந்தியாவின் அமிர்தசரஸ் நகரிலுள்ள மாணவர்களே இன்று (23) நண்பகல் இவ்வாறு அழைத்து வரப்பட்டுள்ளனர்.

பாகிஸ்தானின் லாஹுர் மற்றும் கராச்சியிலிருந்த 113 மாணவர்கள் நேற்று முந்தினம் மாலை நாட்டுக்கு அழைத்து வரப்பட்டனர்.

இதனையடுத்து, இரண்டாம் கட்டமாக இந்தியாவில் இருந்து 101 மாணவர்கள் இன்று நாட்டுக்கு அழைத்து வரப்பட்டுள்ளனர்.

கொரோனா தொற்றை கட்டுக்குள் கொண்டுவந்துவிட்டோம் - ஜெர்மனி சுகாதாரத்துறை அமைச்சர்

ஜெர்மனியில் கொரோனா தொற்றை கட்டுக்குள் கொண்டுவந்துவிட்டதாக அந்நாட்டு சுகாதாரத்துறை அமைச்சர் ஜென்ஸ் ஸ்பான் தெரிவித்துள்ளார்.

கொரோனாவால் பாதிக்கப்படுவோரின் எண்ணிக்கை குறைந்து வருவதை தொடர்ந்தே அவர் அவ்வாறு தெரிவித்தார்.

அதேபோல இந்த வைரஸ் தொற்றிலிருந்து பாதிக்கப்படுபவர்களைவிட, இதிலிருந்து குணமடைபவர்களின் எண்ணிக்கை தொடர்ந்து அதிகரித்து வருவது ஊரடங்கு வெற்றிகரமாக இருந்ததை காண்பிப்பதாகவும் ஜென்ஸ் தெரிவித்தார்.

எனினும், இத்தொற்றால் இறப்பவர்களின் எண்ணிக்கை ஜெர்மனியில் அதிகரித்து வருவதாக தெரிவிக்கப்பட்டுள்ளது.

அங்கு கொரோனா தொற்றால் பாதிக்கப்பட்டவர்களின் எண்ணிக்கை 1,38,000ஆக உள்ளது. 3,868 பேர் உயிரிழந்துள்ளனர்.

யாழ்ப்பாணத்தில் யாசகம் பெற்று வந்த ஒருவர் உணவின்றி இன்று உயிரிழந்துள்ளார்.

கொரோனா அச்சத்தால் முழு நாடும் முடக்கப்பட்டு, ஊரடங்கு அமுலில் உள்ளது. இந்த நிலையில், யாசகர்கள் உணவை பெறுவதில் பெரும் சிரமத்திற்குள்ளாகினர். அத்துடன்,  தெருவோரம் சுற்றித்திரிந்த கால்நடைகளும் உணவின்றி அல்லாடி வந்தன.

யாழ்ப்பாணம் தொடர்ந்து நீண்டநாட்களாக முடக்கப்பட்டுள்ள நிலையில், யாழ் நகரில் யாசகம் பெற்று வந்த ஒருவர் இன்று உயிரிழந்துள்ளார்.


காணாமல் ஆக்கப்பட்டவர்களது உறவினர்களின் திடீர் அறிவிப்பு 

சர்வதேச குற்றவியல் நீதிமன்ற விசாரணையை வலியுறுத்தி வடக்கிலும்,கிழக்கிலும் மாபெரும் கவனயீர்ப்புப் போராட்டம் ஒன்றை முன்னெடுக்கவுள்ளதாக காணாமல் ஆக்கப்பட்டவர்களது உறவினர்கள்  தெரிவிக்கின்றனர்.

இந்த ஆர்ப்பாட்டம் எதிர்வரும் திங்கட் கிழமை நடத்தப்படவுள்ளதாக வடக்கு கிழக்கு காணாமல் ஆக்கப்பட்டோர் சங்கத்தின் கிளிநொச்சி மாவட்ட ஒழுங்கமைப்பாளர் கருணாவதி தெரிவித்துள்ளார்.


சோஸ்நகரில் தமிழ்ப் பாடசாலையின் ஆண்டுவிழாவில்