WELCOME TO PANNAGAM.COM & PTV

திலகன் என அழைக்கப்படும் 74 வயதான அன்ரன் செபஸ்டியன் என்பவரே மரணமடைந்துள்ளார். Ontario மாகாணத்தின் Kingston வைத்தியசாலையின் ஆலோசகரான இவர் மரணமடைந்துள்ளார்.

ஏற்கனவே வைத்தியர் கடமையில் இருந்து இளைப்பாறியி இவர், கொரோனா வைரஸ் தாக்கத்தினால் ஏற்பட்ட வைத்தியர்களுக்கான தட்டுப்பாட்டை நிவர்த்தி செய்யும் வகையில் மீண்டும் கடமையில் இணைந்து கொண்டவர்.

சில வாரங்கள் கொரோனா வைரஸ் நோயர்களுக்கு சிகிச்சையளித்து வந்த இவரும் நோயின் தாக்கத்திற்கு உள்ளாகி மரணமடைந்துள்ளார்.

இந்தியாவில் தற்போது கொரோனா தொற்றால் பாதிக்கப்பட்டவர்களின் எண்ணிக்கை 511-ஆக உயர்ந்துள்ளது. குறிப்பாக மகாராஷ்டிரா மாநிலத்தில் கொரோனா தொற்று மிக வேகமாக பரவி வருகிறது. ஆனால், அதில் நம்பிக்கை தரும் கதையாக அவுரங்காபாத்தில் பேராசிரியர் ஒருவர் மருத்துவ உதவியுடன் கொரோனா தொற்றிலிருந்து மீண்டு வந்துள்ளார்.

அந்த பேராசிரியர் சமீபத்தில் ரஷ்யா சென்று திரும்பி வந்துள்ளார். அவர் மார்ச் மூன்றாம் தேதி கஜகஸ்தான் வழியாக இந்தியா வந்துள்ளார். டெல்லி வந்த அவர், பின் அவுரங்காபாத்திற்கு சென்றுள்ளார். மார்ச் 4ஆம் தேதி கல்லூரி பணிக்கு திரும்பியுள்ளார்.

ஆரம்பத்தில் அவருக்கு எந்த அறிகுறியும் இல்லை. எனவே தான் கொரோனா தொற்றால் பாதிக்கப்பட்டிருப்போம் என அவர் நினைத்துக் கூட பார்க்கவில்லை.

ஆனால் மார்ச் 7ஆம் தேதி, அவருக்கு காய்ச்சல் ஏற்பட்டுள்ளது. மேலும் இருமலும் இருந்துள்ளது. சில மாத்திரகளையும், ஆரம்ப சிகிச்சைகளையும் எடுத்துள்ளார். ஆனால் அதன்பிறகும் அறிகுறிகள் இருந்துள்ளன. அதன்பிறகு இரண்டு மூன்று நாட்கள் கழித்து அவருக்கு சளி பிடித்துள்ளது. பின் அவர் அசெளகர்யமாக உணர்ந்துள்ளார். மூச்சு விடவும் சிரமப்பட்டுள்ளார்.

எனவே 13ஆம் தேதி அவுரங்காபாத்தில் உள்ள நந்தலால் தூட் மருத்துவமனைக்கு அழைத்து செல்லப்பட்டுள்ளார். சிடி ஸ்கேன் மற்றும் பரிசோதனைக்கு பிறகு அவருக்கு கொரோனா தொற்று இருப்பது தெரியவந்தது.

கல்லூரி பணியில் தற்போது தேர்வு நேரம், என்பதால் அவர் திரும்பி வந்ததும் மாணவர்களுக்கு பரிட்சை வைத்துள்ளார்.

அந்த பேராரிசியருக்கு கொரோனா தொற்று என்று தெரிந்ததும் அவுரங்காபாத் குடியிருப்புவாசிகள் அச்சத்தில் மூழ்கினர்.

அந்த செய்தி பல வடிவங்களில் பரவியது. அந்த பேராசிரியர் பணிபுரியும் கல்லூரி தொடர்பான வாட்சப் குழுவில் வேறு யாருக்கேனும் பரவி இருக்குமோ என்றும் விவாதிக்கப்பட்டது.

சுகாதாரத்துறை அந்த ஆசிரியர்களுடன் தொடர்புடையவர்கள், மாணவர்கள் என பலருக்கும் சோதனை செய்தது. ஆனால், யாருக்கும் கொரோனா தொற்று இல்லை.

தனக்கு கொரோனா தொற்று உள்ளது என்று தெரியவந்ததும் முதலில் அந்த பேராசிரியர் பயந்துவிட்டார்.

"எனக்கு கொரோனா தொற்று வரும் என்று நான் நினைத்துக்கூட பார்க்கவில்லை. ரஷ்யாவிலிருந்து திரும்பி வரும்போது தொற்று எங்கு வேண்டுமானாலும் ஏற்பட்டிருக்கலாம். நான் ரஷ்யாவுக்கு பயணம் செய்தேன், எனவே அந்த சமயத்தில் எனக்கு தொற்று ஏற்பட்டுள்ளது என்பதை நான் ஒப்புக் கொள்ள வேண்டும்." என்றார்.

"எனக்கு இந்த தொற்று வர வேண்டும் என கடவுள் நினைத்திருக்கிறார். ஆனால் என்னால் பிறரும் பாதிக்கப்படுவார்கள் என்று நினைக்கும்போது வருத்தமாகவுள்ளது."

ஆனால் மருத்துவர்கள் அவரை அமைதிப்படுத்தினர். அவரின் குடும்ப உறுப்பினர்களிடமும் கவலைக் கொள்ள வேண்டாம் என்று தெரிவித்தனர். மேலும் மாணவர்கள் மற்றும் உறவினர்களுக்கு மருத்துவர்கள் தைரியம் வழங்கினார்கள் என்கிறார் அந்த பேராசிரியர்.

அந்த பேராசிரியர் கொரோனாவை வெற்றிகரமாக எதிர்கொண்டு விட்டதால் அவர் நாட்டில் உள்ள பலருக்கும் நம்பிக்கையளிக்ககூடியவராக உள்ளார். அவருக்கு சிகிச்சை அளித்த மருத்துவர்கள் மற்றும் மருத்து பணியாளர்களை மக்கள் பாராட்டி வருகின்றனர்.

அவருக்கு சிகிச்சை அளித்த மருத்துவர் ஹிமான்ஷி குப்தா, பிபிசி மராத்தி சேவையிடம் பேசினார்.

இந்த தொற்றை கட்டுப்படுத்த தனிமைப்படுத்துதால் மிக முக்கியம் என்கிறார் அவர். உலகம் முழுவதும் கொரோனா தொற்று அதிகளவில் பரவி வருவதால் மார்ச் ஒன்றாம் தேதி எங்களது மருத்துவமனையில் நாங்கள் தனி வார்டை உருவாக்கினோம்.

இந்த வார்டு, மருத்துவமனையிலிருந்து வேறு இடத்தில் உள்ளது. பயிற்சி பெற்ற நபர்கள், குடிநீர் மற்றும் கழிவறை போன்ற வசதிகளை நாங்கள் அங்கு செய்துள்ளோம்.

அந்த பேராசிரியர் மார்ச் 13ஆம் தேதி மருத்துவமனையில் அனுமதிக்கப்பட்டார். அவர் தனி வார்டுக்கு மாற்றப்பட்டு அவரின் சிகிச்சை உடனடியாக தொடங்கியது.

உலக சுகாதார நிறுவனம் மற்றும் இந்திய மருத்து ஆராய்ச்சி கவுன்சில் தகவல்படி, அவருக்கு ஆண்டி ரெட்ரோ வைரல் மருந்துகள் கொடுக்கப்பட்டுள்ளன. மூன்று நாட்களாக கொடுக்கப்பட்ட மருந்துகளுக்கு அவரின் உடல் நன்றாக எதிர்வினையாற்றியது மற்றும் ஆறு நாட்களில் அவரின் உடல்நிலையில் நல்ல மாற்றமும் தெரிந்துள்ளது.

அதன்பின் இருமுறை அவருக்கு சோதனை செய்யப்பட்டது. இந்த முறை அவருக்கு கொரோனா நெகடிவ் என தெரியவந்தது

அவரின் சமீபத்திய பயண தகவல்களை அறிந்துகொண்டு அந்த பேராசிரியர் உடனடியாக தனி வார்டுக்கு மாற்றப்பட்டார். எனவே அவரின் மூலம் ஏற்படும் தொற்று தடுக்கப்பட்டது என்கிறார் அவுரங்காபாத் மாவாட்ட மருத்துவர் எஸ்.வில்.குல்கர்னி.

மருத்துவர்கள் மற்றும் பிற ஊழியர்களால், அந்த பேராசிரியர் குணமடைந்தார். மேலும் சில நாட்களுக்குள் அவருக்கு நெகடிவ் என தெரியவந்தது. தேவையான நடவடிக்கைகளை ஊழியர்கள் உடனடியான எடுத்தனர் என்கிறார் குல்கர்னி.

குடிமக்களும் இதை தீவிரமாக எடுத்துக் கொள்ள வேண்டும். பலர் தாங்கள் வெளிநாட்டிலிருந்து பயணம் செய்த்த்தை மறைக்கின்றனர். அவர்கள் இவ்வாறு செய்யக்கூடாது. அவ்வாறனவர்கள் தங்களை தானே தனிமைப்படுத்தி கொள்ள வேண்டும். அப்போதுதான் வைரஸ் தொற்று பரவலை தடுக்க முடியும்.

இலங்கையில் தற்போது கொரோனா தொற்றின் தாக்கம் அதிகரித்துள்ள நிலையில் ஜனாதிபதி கோட்டாபய ராஜபக்ச நாட்டு மக்களுக்கு இன்று இரவு முக்கிய உரையொன்றை ஆற்றியுள்ளார்.

இதன்போது இன்று நள்ளிரவு முதல் பருப்பு ஒரு கிலோவிற்கான அதி கூடிய சில்லை விலை 65 ரூபாவிற்கும் மீன் ரின்னின் விலை 100 ரூபாவிற்கும் விற்பனை செய்ய ஜனாதிபதி உத்தரவிட்டுள்ளார்.

அத்துடன் வங்கிகள் மற்றும் நிதி நிறுவனங்கள் வழங்கிய கடன்களுக்கான அறவீட்டு நடவடிக்கைகளை ஆறு மாதங்களுக்கு நிறுத்துமாறும் ஜனாதிபதி உத்தரவிட்டுள்ளார்.

அதேபோன்று அத்தியாவசிய சேவைகள் வழமை போன்று செயற்படும் எனவும் வங்கி, பொதுப் போக்குவரத்து சேவைகளில் எந்தவித சிக்கல்களும் இருக்காது என்றும் ஜனாதிபதி மேலும் தெரிவித்துள்ளார்.

கொவிட் 19 என அழைக்கப்படும் கொரோனா வைரஸ் தொற்றினால் அதிகம் பாதிக்கப்பட்டுள்ள நாடுகளில் இருந்து இலங்கைக்கு வரும் பயணிகளை தனிமைப்படுத்தி சோதனைக்கு உட்படுத்தும் நடவடிக்கைகள் ஆரம்பிக்கப்படவுள்ளன.

அதற்கமைய குறித்த சோதனை நடவடிக்கைகள் இன்று (திங்கட்கிழமை) முதல் ஆரம்பிக்கப்படவுள்ளதாக சுகாதார அமைச்சு தெரிவித்துள்ளது.

அதற்கமைய இத்தாலி, ஈரான் மற்றும் தென்கொரியா உள்ளிட்ட நாடுகளில் இருந்து வருகின்ற பயணிகளை கட்டாயமாக தனிமைப்படுத்தி சோதனைக்கு உட்படுத்துவதற்கான சகல ஏற்பாடுகளும் பூர்த்தி செய்யப்பட்டுள்ளதாக சுகாதார சேவைகள் பணிப்பாளர் விசேட மருத்துவ நிபுணர் அனில் ஜாசிங்க தெரிவித்துள்ளார்.

அதற்காக, மட்டகளப்பு தனியார் பல்கலைகழகம் மற்றும் கந்தகாடு புனர்வாழ்வு நிலையம் என்பவற்றை கொரோனா மத்திய நிலையங்களாக மாற்றி, அவர்கள் அங்கு தங்கவைக்கப்பட்டு தொடர்ந்தும் மருத்துவ கண்காணிப்பிற்கு உட்படுத்தப்படுவர் எனவும் அவர் மேலும் தெரிவித்துள்ளார்.

அரச தலைவர் கோட்டாபய ராஜபக்ச தலைமையிலான ஸ்ரீலங்காவின் புதிய அரசாங்கத்திற்கு எதிராக ஐக்கிய தேசியக் கட்சியின் முதலாவது ஆர்ப்பாட்டம் கண்டியில் இன்றைய தினம் நடத்தப்பட்டுள்ளது. 

எதிர்வரும் சித்திரைப் புத்தாண்டிற்குப் பின்னர் இந்த புதிய அரசாங்கம் மீது மக்களே கொதித்தெழுவார்கள் என்று இந்த ஆர்ப்பாட்டத்திற்குத் தலைமை தாங்கிய ஐக்கிய தேசியக் கட்சியின் கண்டி மாவட்ட நாடாளுமன்ற உறுப்பினர் லக்ஸ்மன் கிரியெல்ல தெரிவித்தார்.

இந்த ஆர்ப்பாட்டம் தொடர்பில் மேலும் தெரியவருகையில்,

அதிகரித்து வருகின்ற வாழ்க்கைச் செலவு, அரச ஊழியர்களின் திடீர் இடைநிறுத்தம் உள்ளிட்ட அரச தலைவர் கோட்டாபய ராஜபக்சவின் புதிய அரசாங்கத்தின் செயற்பாடுகளுக்கு எதிர்ப்பு தெரிவித்து ஐக்கிய தேசியக் கட்சியினரால் கண்டி நகரில் இன்றைய தினம் பாரிய எதிர்ப்பு ஆர்ப்பாட்டமொன்று ஏற்பாடு செய்யப்பட்டிருந்தது.

ஐக்கிய தேசியக் கட்சியின் கண்டி மாவட்ட நாடாளுமன்ற உறுப்பினரான லக்ஷ்மன் கிரியெல்ல தலைமை தாங்கிய இந்த ஆர்ப்பாட்டத்தில் பெருந்திரளான மக்கள் கலந்து கொண்டு அரசாங்கத்திற்கு எதிராக கோஷங்களை எழுப்பினார்கள். மரக்கறி விலைகளின் அதிகரிப்பிற்கு எதிராக இந்த ஆர்ப்பாட்டத்தில் கலந்து கொண்ட பலரும் தங்களுடைய கைகளில் மரக்கறிகளை ஏந்தி எதிர்ப்பை காண்பித்தனர்.

கண்டி நகரில் நடத்தப்பட்ட இந்த ஆர்ப்பாட்டத்தினிடையே ஊடகங்களுக்குக் கருத்து வெளியிட்ட நாடாளுமன்ற உறுப்பினர் லக்ஷ்மன் கிரியெல்ல, எதிர்வரும் சித்திரைப் புத்தாண்டிற்குப் பின் புதிய அரசாங்கத்திற்கு எதிராக மக்களே கொதித்தெழுவார்கள் என்று கூறினார்.

இது தொடர்பில் தொடர்ந்தும் கருத்து வெளியிட்ட அவர்,

நவம்பரில் இந்த புதிய அரசாங்கம் ஆட்சிக்கு வந்தது முதல் பல நெருக்கடிகள் நாட்டில் ஏற்பட்டுள்ளன. அரச ஊழியர்கள் இடை நிறுத்தப்பட்டுள்ளனர். ஓய்வூதியங்கள் பறிக்கப்பட்டுள்ளன. பாடசாலை மாணவர்களுக்கான சீருடைகள் பறிக்கப்பட்டுள்ளன. காப்புறுதிகளும் இல்லை. நல்லாட்சி அரசின் 100 நாட்களிற்குள் அரச ஊழியர்களுக்கு சம்பள உயர்வைக் கொடுத்தோம்.

வாழ்க்கைச் செலவைக் குறைத்தோம். எரிபொருள் விலையை குறைத்தோம். ஆனால் இன்று சர்வதேச சந்தையில் எரிபொருள் விலை குறைந்திருக்கின்ற போதிலும் அதன் நன்மை மக்களுக்கு வழங்கப்படவில்லை. இன்னும் இந்த அரசாங்கம் தேன்நிலவையே கொண்டாடி வருகின்றது.

மக்களை மறந்துவிட்டது. எதிர்வரும் சித்திரைப் புத்தாண்டிற்குப் பின் இந்த அரசாங்கம் மீது மக்கள் அதிருப்தி கொள்வார்கள். கடந்த வாரம் இந்தியா சென்ற பிரதமர் மஹிந்த ராஜபக்ச, கடன் செலுத்த முடியாதென கூறியுள்ளார்.

வரலாற்றின் முதல்முறை எமது நாட்டு தலைவர் இவ்வாறு வெளிநாட்டில் சென்று கூறியுள்ளார். எமது நாட்டுத் தலைவர்களில் எவரும் இவ்வாறு இதற்கு முன் கூறியிருக்கவில்லை. எமது நாட்டு நற்பெயர் இன்று சர்வதேசத்தில் பாதிக்கப்பட்டுள்ளது. பொதுஜன முன்னணிக்கு வாக்களித்த மக்கள் இன்று காணாமல் போயுள்ளனர் எனவும் அவர் தெரிவித்தார்.

யாழ்ப்பாண பல்கலைக்கழக கிளிநொச்சி வளாகத்தில் இடம்பெற்ற பகிடிவதை தொடர்பான அனைத்து தகவல்களும் சமர்ப்பிக்கப்படும் போது உரிய சட்ட நடவடிக்கைகள் எடுக்கப்படும் என்று வடக்கு மாகாண ஆளுநர் பி.எஸ்.எம்.சார்ள்ஸ் தெரிவித்துள்ளார்.

சீரழிந்து செல்லும் இந்தச் சமூகத்தை மீளக் கட்டியெழுப்புவதில் நாம் உறுதியாக இருக்கின்றோம் என்பதை மக்களுக்கு தெரிவித்துக்கொள்கின்றேன் எனவும் அவர் தெரிவித்துள்ளார்.

இந்தப் பகிடிவதை தொடர்பான அனைத்து தகவல்களும் முழுமையாக சமர்ப்பிக்கப்படும் போது உரிய நடவடிக்கைகள் எடுக்கப்படும் என்றும் தெரிவித்துள்ளார்.

இந்த விடயம் தொடர்பில் ஊடகங்களுக்கு கருத்து வெளியிட்ட அவர் மேலும் தெரிவித்ததாவது,

யாழ்ப்பாணப் பல்கலைக்கழக மாணவர்களுக்கு இடையே இடம்பெற்ற பகிடிவதை தொடர்பில் நாம் கவனமாகவும் நுணுக்கமாகவும் நடவடிக்கைகளை மேற்கொள்ள இருக்கின்றோம்.

எனக்குக் கிடைத்த அறிக்கையின் அடிப்படையில் பல்கலைக்கழக நிர்வாகம் இந்த பகிடிவதையில் ஈடுபட்டோரின் விபரங்களை எடுத்துள்ளனர். பல்கலைக்கழக நிர்வாகத்தினரை நான் இன்று சந்திக்க இருக்கின்றேன்.

அத்தோடு அந்த மாணவர்களுக்கு எதிராக சரியான சட்டநடவடிக்கைகளை முன்னெடுக்க இருக்கின்றோம். வடக்கு மாகாண மாணவர்களது அடிப்படை உரிமைகளும் அவர்களது கல்வி நடவடிக்கைகளும் எமது ஜனாதிபதியின் உறுதுணையோடு முன்னெடுக்கப்படும்.

வடக்கு மாகாணத்தில் கல்வியை மேம்படுத்துவதற்கு பெற்றோரதும் ஆசிரியர்களினதும் ஒத்துழைப்பு எமக்கு அவசியமானவை. அத்தோடு ஊடகங்களும் சமூக அமைப்புக்கள் உரிய நேரத்தில் விடயங்களை சுட்டிக்காட்டும் போது, அவற்றுக்கு உரிய நடவடிக்கைகள் எடுக்கப்படும் எனவும் தெரிவித்தார்.

இல்லாத பிரச்சினைகளை ஏற்படுத்திக் கொள்ள எனக்கு எந்த அவசியமும் இல்லை என ஜனாதிபதி கோட்டாபய ராஜபக்ச அமைச்சர்களிடம் தெரிவித்துள்ளார்.

முன்னாள் நாடாளுமன்ற உறுப்பினர் துமிந்த சில்வாவுக்கு பொது மன்னிப்பு வழங்கி அவரை விடுதலை செய்யுமாறு ஆளும் கட்சியிலுள்ள அமைச்சர்களும், உறுப்பினர்களும் அண்மைக்காலமாக வலியுறுத்திவருகிறார்கள்.

துமிந்த சில்வாவின் உடல் நிலை தொடர்பிலும் கருத்துரைக்கும் அவர்கள், அவர் மோசமான நிலையிலிருப்பதாகவும், எனவே அவரை விடுவிப்பதற்கு ஜனாதிபதி கோட்டாபய ராஜபக்ஷ நடவடிக்கை எடுக்க வேண்டும் என்றும் குறிப்பிட்டுவருகின்றனர்.

இந்நிலையில், ஜனாதிபதி கோட்டாபய ராஜபக்சவிடம், நேரில் சென்ற அமைச்சர்கள் சிலர், முன்னாள் நாடாளுமன்ற உறுப்பினர் துமிந்த சில்வாவை விடுதலை செய்யுமாறு கோரிக்கை விடுத்துள்ளனர்.

அவர்களின் இதனையடுத்து கோபமடைந்த ஜனாதிபதி இந்த சந்தர்ப்பத்தில் தான் முகம் கொடுத்துள்ள பிரச்சினைகள் போதுமானதாகும், இல்லாத பிரச்சினைகளை ஏற்படுத்திக் கொள்ள எனக்கு எந்த அவசியமும் இல்லை என்று குறிப்பிட்டிருக்கிறார்.

ரஞ்சன் ராமநாயக்கவின் உரையாடல்கள் காரணமாக ஏற்பட்டுள்ள நிலையை பயன்படுத்தி துமிந்தவுக்கு ஜனாதிபதி மன்னிப்பு வழங்குமாறு உறுப்பினர்கள் கோரிக்கை விடுத்தனர் என்பது குறிப்பிடத்தக்கது.