WELCOME TO PANNAGAM.COM & PTV

பண்ணாகம் இணையம்

News-1

நாட்டில் வாழும் 69 இலட்சம் மக்கள் இரண்டு கோடுகளை தவறாக பயன்படுத்தியதாலேயே இலங்கையின் அனைத்து மக்களும் தற்போது அவல நிலைக்கு தள்ளப்பட்டுள்ளார்கள்.

எனவே கோடுகள் தானே என்று இனிமேலும் அலட்சியமாக செயற்படக் கூடாது என நுவரெலியா மாவட்ட நாடாளுமன்ற உறுப்பினரும் மலையக மக்கள் முன்னணியின் தலைவருமான வேலுசாமி இராதாகிருஸ்ணன் தெரிவித்துள்ளார்.

இன்றைய நாட்டின் நிலைமை தொடர்பாக அவர் இன்று கருத்துத் தெரிவிக்கின்ற பொழுதே இவ்வாறு குறிப்பிட்டுள்ளார்.

இது தொடர்பாக தொடர்ந்து அவர் கருத்து தெரிவிக்கையில்,

எந்த ஒரு சந்தர்ப்பத்திலும் எந்த ஒரு விடயத்தையும் அலட்சியமாக பார்க்கவோ செயற்படவோ கூடாது. அப்படி செயற்பட்டதால் தான் இன்றைய நிலைமைக்கு இலங்கை தள்ளப்பட்டுள்ளது.

திட்டமிடல் இல்லாத அரசாங்கம்

வாக்களித்தவர்கள் மாத்திரம் அல்ல அனைவருமே இன்றைய நிலைமைக்கு முகம் கொடுக்க வேண்டியவர்களாக இருக்கின்றோம். இந்த அரசாங்கத்தில் எந்தவிதமான திட்டமிடலும் இல்லை.

டீசல் பெற்றோல் மண்ணெண்ணெய் கடைசி கட்டத்தை அடையும் வரை அதனை கொண்டு வருவதற்கு எந்தவிதமான திட்டத்தையும் முயற்சி செய்யாமல் இன்று கட்டாருக்கும் ரஸ்யாவுக்கும் ஒடிக் கொண்டிருக்கின்றார்கள்.

டொலர் கொண்டு வருவதற்கான திட்டம் இல்லை

எனவே எந்தவிதமான திட்டமிடலும் இல்லாமல் இந்த நாட்டை முன்கொண்டு செல்ல முடியாது. தொடர்ந்தும் இந்த அரசாங்கம் வெளிநாடுகளில் கடன் பெறுவதை மாத்திரமே இலக்காக கொண்டு செயற்படுகின்றது.

நாட்டிற்குள் டொலரை கொண்டு வருவதற்கு எந்தவிதமான திட்டமும் இல்லை. எவ்வளவு காலத்திற்கு கடன் வாங்கி நாட்டை கொண்டு செல்ல முடியும். எனவே நாட்டிற்குள் எங்களுடைய வளங்களை பயன்படுத்தி டொலர் கொண்டு வருவதற்கான திட்டங்களை ஏற்படுத்த வேண்டும்.

நாட்டில் கொட்டிக்கிடக்கும் வளம்

அதனை விடுத்து தொடர்ந்தும் ஏனைய நாடுகளிடம் கையேந்திக்கொண்டு இந்த நாட்டை எவ்வளவு காலத்திற்கு முன் கொண்டு செல்ல முடியும்? இன்று அரச தலைவராகவோ பிரதமராகவோ அமைச்சர்களாகவோ இருக்கின்ற எவருக்கும் எந்தவிதமான திட்டமிடலும் இல்லை.

இவர்கள் காலை முதல் மாலை வரை எந்த நாட்டில் கடன் வாங்க முடியும் என்பதைப்பற்றியே சிந்தித்துக் கொண்டிருக்கின்றார்கள். எங்களுடைய நாட்டில் என்ன வளம் இல்லை.

இயற்கை எளில், நாட்டை சூழவும் கடல், சிறப்பான மண்வளம் இப்படி அனைத்தையும் வைத்துக் கொண்டு ஏன் ஏனைய நாடுகளில் தொடர்ந்தும் நாம் கையேந்த வேண்டிய நிலை.

அரச துறைகளை தனியாருக்கு வழங்க வேண்டும்

இதனை மாற்றி அமைக்க வேண்டுமாக இருந்தால் இப்போதாவது அரசாங்கம் இதற்காக ஒரு குழுவை அமைத்து அதற்கான திட்டமிடலை செய்ய வேண்டும். இல்லாவிட்டால் நாம் ஏனைய நாடுகளிடம் கையேந்துகின்ற நிலையை மாற்றி அமைக்க முடியாது.

ஆரசாங்கத்தின் நட்டமீட்டுகின்ற அனைத்து துறைகளையும் தனியாருக்கு வழங்க வேண்டும். இன்று அபிவிருத்தி அடைந்துள்ள அனைத்து நாடுகளிலும் இந்த நிலைமையே காணப்படுகின்றது.

அனைத்தையும் அரசாங்கம் செய்ய முடியாது. நிர்வகிக்கவும் முடியாது. எனவே சரியான திட்டமிடலுடன் தனியாருக்கு வழங்கி நட்டமீட்டுகின்ற துறைகளை இலாபமீட்டுவதற்கு நடவடிக்கை எடுக்க வேண்டும்.

இல்லாவிட்டால் நாம் என்றுமே அபிவிருத்தியை நோக்கி முன் செல்ல முடியாது எனவும் அவர் மேலும் தெரிவித்துள்ளார்.   

தற்போதைய எரிபொருள் நெருக்கடியை கருத்தில் கொண்டு அரச ஊழியர்களுக்கு வெள்ளிக்கிழமை விடுமுறை வழங்குவதற்கான அமைச்சரவைத் தீர்மானத்தின் அடிப்படையில் புதிய சுற்றறிக்கையை பொது நிர்வாக அமைச்சின் செயலாளர் வெளியிட்டுள்ளார்.

இருப்பினும், இந்த திட்டத்தில் சுகாதாரம், மின்சாரம் மற்றும் எரிசக்தி, கல்வி, பாதுகாப்பு மற்றும் பிற அத்தியாவசிய சேவைகள் இல்லை என சுற்றறிக்கையில் சுட்டிக்காட்டப்பட்டுள்ளது.

அமைச்சரவை அனுமதி

அரச ஊழியர்களுக்கு வெள்ளிக்கிழமைகளை விடுமுறை தினமாக பிரகடனப்படுத்துவதற்கு கடந்த வாரம் அமைச்சரவை அங்கீகாரம் வழங்கியது குறிப்பிடத்தக்கது.

பொது நிர்வாக, உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சர் தினேஷ் குணவர்தன குறித்த யோசனையை அமைச்சரவையில் சமர்பித்திருந்தார்.

நாளைய தினம் நாடளாவிய ரீதியில் உள்ள அரசு மற்றும் அரசால் அங்கீகரிக்கப்பட்ட தனியார் பாடசாலைகள் அனைத்துக்கும் விடுமுறை வழங்கப்படவுள்ளது.

கல்வி அமைச்சர் சுசில் பிரேமஜயந்த இதனை அறிவித்துள்ளார். 

நாட்டில் ஏற்பட்டுள்ள எரிபொருள் தட்டுப்பாடு காரணமாக இவ்வாறு பாடசாலைகளுக்கு விடுமுறை வழங்க தீர்மானிக்கப்பட்டுள்ளதாக கல்வி அமைச்சு அறிவித்துள்ளது. 


சிறிலங்கா பிரதமர் ரணில் விக்ரமசிங்கவை, சில தினங்களுக்கு முன்னர் தனது ஆதரவாளர்களுடன் சந்தித்த பசில், 21ஆவது திருத்த சட்டத்தை நடைமுறைப்படுத்தப்பட வேண்டாம் என எச்சரித்துள்ளார்.

இதன் போது இருவருக்கும் இடையில், கடும் வாக்குவாதம் இடம்பெற்றதாக உள்ளக தகவல்கள் தெரிவிக்கின்றன.

அந்த வாக்குவாதத்தின் போது  இந்த சண்டித்தனங்களை அரச தலைவரான அண்ணனுடன் வைத்துக்கொள்ளுமாறு தெரிவித்து, பசிலை திரும்பி அனுப்பியதாக தெரிய வருகிறது. 

இது தொடர்பில் மேலும் தெரியவருகையில்,  

பசில் இராஜினாமா

சிறிலங்கா பொஜன பெரமுன கட்சியின் தேசிய அமைப்பாளரான பசில் ராஜபச தனது பதவியை இராஜினாமா செய்யவுள்ளதாக தகவல் வெளியாகி உள்ளது.

அதற்கமைய இன்றைய தினம் அவர் தனது பதவியை இராஜினாமா செய்வதற்கு அதிக வாய்ப்புகள் உள்ளதென குறிப்பிடப்படுகிறது.

உண்மையை ஒப்புக்கொண்ட தம்மிக்க

இதேவேளை, வர்த்தகர் தம்மிக்க பெரேராவை அமைச்சரவை அமைச்சராக நியமிக்கத் திட்டமிடப்பட்டுள்ளதாக உள்ளகத் தகவல்கள் தெரிவிக்கின்றன. நேற்று தென்னிலங்கை தொலைக்காட்சியில் ஒளிபரப்பான நிகழ்ச்சியில் அவர் அரசியலில் பிரவேசித்து பொறுப்புகளை ஏற்கத் தயார் என ஒப்புக்கொண்டார்.

அதற்கமைய பசில் பதவி விலகியவுடன் அவர் இடத்திற்கு தம்மிக்க நியமிக்கப்படலாம் என குறிப்பிடப்படுகின்றது.

21ஆவது திருத்தம்

அதேவேளை 21ஆவது அரசியல் திருத்த சட்டமூலம் விரைவில் கொண்டு வரப்படவுள்ளது.

நாடாளுமன்றத்தில் சட்டம் நிறைவேற்றப்பட்டால் பசில் ராஜபக்ச அரசியலில் ஈடுபட முடியாத நிலை ஏற்படும்.

இந்த சட்டம் மூலம் இரட்டை குடியுரிமை கொண்டவர்கள் தேர்தலில் போட்டியிட தடை விதிக்கப்பட்டுள்ளது என்பதும் குறிப்பிடத்தக்கது.


சர்வதேச விமான நிறுவனங்களிடம் இலங்கை விடுத்துள்ள கோரிக்கை
எரிபொருள் நிரப்புதல்

இலங்கைக்கு வரும் விமானங்களுக்கு போதுமான எரிபொருளை நிரப்பி கொண்டு வர வேண்டும் அல்லது வேறு விமான நிலையத்தில் எரிபொருள் நிரப்பப்பட வேண்டும் என சர்வதேச விமான நிறுவனங்களிடம் இலங்கை கோரிக்கை விடுத்துள்ளது.

சிவில் விமான போக்குவரத்து அதிகார சபையின் பணிப்பாளர் ரெஹான் வன்னியப்பா புளூம்பெர்க் நியூஸிடம் இதனைத் தெரிவித்தார்.

தற்போது விமான எரிபொருளுக்கு தட்டுப்பாடு ஏற்பட்டுள்ளதால், நிலைமையை நிர்வகிப்பதற்காக இலங்கைக்கு வரும்போது போதுமான விமான எரிபொருளை எடுத்துச் வருமாறு விமான நிறுவனங்களுக்கு அறிவுறுத்தப்படும் என்று அவர் கூறினார்.

ஸ்ரீலங்கன் எயார் லைன்ஸ்

இதேவேளை, ஸ்ரீலங்கன் எயார் லைன்ஸிற்கு எரிபொருள் நிரப்பும் பணி தற்போது தென்னிந்தியாவில் உள்ள சென்னை விமான நிலையம் மற்றும் துபாய் விமான நிலையத்தில் மேற்கொள்ளப்பட்டு வருவதாக புளூம்பெர்க் செய்திகள் தெரிவிக்கின்றன.

அரச தலைவர் கோட்டாபய ராஜபக்சவிற்கு எதிராக ஐக்கிய நாடுகள் சபையின் அதிகாரி யாஸ்மின் சூகா 43 பக்க அறிக்கையை ஐக்கிய நாடுகள் மனித உரிமைகள் ஆணையாளர் மிச்செல் பச்லெட்டிடம் சமர்ப்பித்துள்ளார்.

குறித்த அறிக்கை நேற்றைய தினம் சமர்ப்பிக்கப்பட்டுள்ளதாக தென்னிலங்கை ஊடகம் ஒன்று செய்தி வெளியிட்டுள்ளது. அந்த அறிக்கையில் கோட்டாபயவுக்கு எதிராக பல குற்றச்சாட்டுக்கள் முன்வைக்கப்பட்டுள்ளன.

இலங்கை அரச தலைவர் ஒருவருக்கு எதிராக ஜெனிவா மனித உரிமைகள் ஆணையாளரிடம் சமர்ப்பிக்கப்பட்ட முதலாவது விசாரணை அறிக்கை இதுவாகும்.

18 முன்னாள் இராணுவ அதிகாரிகளை அரச நிர்வாகத்திற்கு நியமித்ததன் மூலம் அரச சேவையை இராணுவமயமாக்கியதாகவும் கோட்டாபய மீது யாஸ்மின் சூகா குற்றம் சுமத்தியுள்ளார் என அந்த செய்தியில் மேலும் கூறப்பட்டுள்ளது.    

ரணில் விக்ரமசிங்க தலைமையிலான புதிய அரசாங்கத்திற்கு ஆதரவளிக்க தமது நாடாளுமன்ற குழு தீர்மானித்துள்ளதாக பிரதான எதிர்க்கட்சியான ஐக்கிய மக்கள் சக்தி தெரிவித்துள்ளது.

இதன்படி, பொருளாதாரத்தை மேம்படுத்துவதற்காக அரசாங்கம் எடுக்கும் முற்போக்கான தீர்மானங்களுக்கு தாம் ஆதரவளிப்பதாக அவர்கள் தெரிவித்துள்ளனர்.

ஐக்கிய மக்கள் சக்தி நாடாளுமன்றக் குழுவும் அரசாங்கத்தில் எந்த அமைச்சுப் பதவிகளையும் ஏற்பதில்லை என முடிவு செய்துள்ளது.

தமது நாடாளுமன்ற உறுப்பினர்களுடன் தனித்து அரசாங்கம் ஒப்பந்தம் செய்ய முயற்சித்தால் ஆதரவை ரத்து செய்வார்கள் எனவும் ஐக்கிய மக்கள் சக்தி எச்சரித்துள்ளது.

நாமல் ராஜபக்சவின் மனைவி மற்றும் மகன் உலங்குவானூர்தியில் {ஹெலிகாப்டரில்} தப்பிச் செல்லும் காணொளி காட்சி சமூக வலைத்தளங்களில் வெளியாகியுள்ளது.

நாமல் ராஜபக்சவின் மனைவி லிமினி மற்றும் அவரது மகன் கேசரா ஆகியோர் இன்று காலை கொழும்பில் இருந்து திருகோணமலைக்கு தப்பிச் சென்றதாக தகவல்கள் வெளியாகியுள்ளது.

முன்னதாக இலங்கை முன்னாள் பிரதமர் மகிந்த ராஜபக்ச அவரது மனைவுயுடன் இன்று காலை திருகோணமலைக்கு தப்பிச் சென்று அங்கு தங்கியிருப்பதாக தகவல்கள் வெளியான நிலையில், தற்போது நாமல் குடும்பம் தப்பிச் செல்லும் காணொளி வெளியாகியுள்ளது.

இலங்கை மத்திய வங்கியால் அங்கீகாரமளிக்கப்பட்ட வணிக வங்கியொன்றில் குறைந்தது 100,000 அமெரிக்க டொலர்களை வைப்பிலிடும் வெளிநாட்டவர்களுக்கு 10 ஆண்டுகளுக்கான வதிவிட விசா வழங்குவதற்கு நடவடிக்கை எடுக்கப்பட்டுள்ளதாக அறிவிக்கப்பட்டுள்ளது.

இலங்கையில் இதற்கு முன்னர் நடைமுறைப்படுத்தப்பட்டு வந்த நீண்டகால வதிவிட விசா வழங்கும் பொறிமுறைக்குப் பதிலாக புதிய முறைமையொன்றுக்கு 2021 மார்ச் மாதம் 7ஆம் திகதி இடம்பெற்ற அமைச்சரவைக் கூட்டத்தில் அங்கீகாரம் வழங்கப்பட்டுள்ளது.

இப்பொறிமுறையின் கீழ் குறிப்பிட்ட நீண்டகால வதிவிட விசா வழங்குதல் தொடர்பாக பாதுகாப்பு அமைச்சரான அரச தலைவர் கோட்டாபய ராஜபக்ச சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது.

கூட்டு ஆதனங்களின் பெறுமதி குறைந்தபட்சம் 75,000 அமெரிக்க டொலர்கள் அல்லது அதற்கு மேலதிகமாக முதலீடு செய்கின்ற வெளிநாட்டவர்களுக்கு மற்றும் வெளிநாட்டுக் கம்பனிகளின் இயக்குநர்களுக்கு, அவர்களுடைய துணைவருக்கும் தங்கி வாழ்பவர்களுக்கும் அவ்வாறு முதலிடுகின்ற அமெரிக்க டொலரின் அளவுக்கமைய 5 ஆண்டுகள் தொடக்கம் 10 ஆண்டுகள் வரையான நீண்ட கால வதிவிட விசா வழங்கப்படவுள்ளதாக தெரிவிக்கப்பட்டுள்ளது.

இலங்கை மத்திய வங்கியால் அங்கீகாரமளிக்கப்பட்ட வணிக வங்கியொன்றில் குறைந்தது 100,000 அமெரிக்க டொலர்களை வைப்பிலிடும் வெளிநாட்டவர்களுக்கு 10 ஆண்டுகளுக்கான வதிவிட விசா வழங்குவதற்கு இயலுமை கிட்டும் வகையில் “தங்க சுவர்க்க விசா நிகழ்ச்சித் திட்டம்” எனும் பெயரிலான நிகழ்ச்சித்திட்டமொன்றும் நடைமுறைப்படுத்தப்படவுள்ளதாகவும் அறிவிக்கப்பட்டுள்ளது. 

23.11.2019 யேர்மன் தமிழ் கலாச்சார மன்றத்தின் ஒன்றுகூடல் மன்றத் தலைவர் திரு.இக.கிருஷ்ணமூர்த்தி தலமையில் இனிதே நடைபெற்றது.

யேர்மன் தமிழ் கலாச்சார மன்றத்தின் 2019 இவ் வருடத்திற்கான  நிறைவு ஒன்றுகூடல் மன்றத் தலைவர் திரு.இக.கிருஷ்ணமூர்த்தி தலமையில் இனிதே நடைபெற்றது.  இவ் ஒன்று கூடலில் மன்ற அங்கத்தவர்கள் மன்ற கலைவகுப்பு மாணவர்கள் ,பெற்றோர்கள், ஆதரவாளர்கள் என பலரும் கலந்து சிறப்பித்தார்கள். 
இவ்வருடம் 2019  மன்றத்தால் நாடத்தப்பட்ட நிகழ்வுகள் மற்றும் சமூகப்பணிகள் பற்றிய  அறிக்கையை தலைவர் மக்களுக்கு எடுத்துக்கூறினார்.  யேர்மன் தமிழ் கலாச்சார மன்றம்  யேர்மனிய மக்கள் மத்தியில் ஒரு நற்பெயரைப்பெற்று விளங்குவதாகவும் பல வேலைத்திட்டங்களை இலகுவாக செய்வதற்கு இது உதவியாக உள்ளதையும் சுட்டிக்காட்டினார். மன்றத்தின் நிர்வாக அங்கத்தவர்களின் பாரிய முயற்சியும் புரிந்துணர்வும் மூன்று வருடங்களில் மன்றத்தின் வளர்ச்சியில் தெரிகிறது என்றார். தொடர்ந்து அடுத்தவருடம் 2020 க்கான திட்டங்கள் பல அடுத்த நிர்வாகசபையில் ஆராயப்பட்டு நடைமுறைக்கு வரும் எனவும் அதற்கான நடவடிக்கைகள் மன்ற நிர்வாகம் எடுத்துவருகிறது. இதற்கு எல்லோரும் ஒத்துழைப்பு வழங்கவேண்டும் என கேட்டுக்கொண்டார்.  
ஒன்றுகூடல் மாலை 16.30.மணிக்கு ஆரம்பித்து இரவு 20.00மணி வரை நடைபெற்றது இதில் மன்றச் செயலாளர் இராசாத் அவர்களின் திருமணவரவேற்பும் மன்ற உறுப்பினர்களால் செய்யப்பட்டது. இரவு விருந்துடன்ஒன்று கூடல்  சிறப்பாக நிறைவு பெற்றது. 
Click to edit table header
ஊடகவித்தகர் பண்ணாகம் திரு.இக.கிருஷ்ணமூர்த்தி அவர்களின் பொதுப் பணி விபரங்களும், விருதுகளும்.

1) பண்ணாகம்.கொம் இணைய பிரதம ஆசிரியர், நிர்வாக இயக்குனர்.
2) யேர்மன் தமிழ் கலாச்சார மன்றத் தலைவர்.
3) யேர்மனி தமிழ்ப் பாடசாலை ஆசிரியர்.
4) முன்னாள் நமது இலக்கு பத்திரிகையின் முதன்மை ஆசிரியர்
5) ஐரோப்பிய தமிழ் வாசக வட்ட அமைப்பின்  தலமை இயக்குனர்.
6) தமிழ் இணைய அகத்தின் நிறுவனர் . (முதற் பணி உலக 26 எழுத்தாளர்களை இணைத்து நாவல் உருவாக்கியது)
7) பன்னாட்டு புலம்பெயர் தமிழ் எழுத்தாளர் ஒன்றியத்தின் நிர்வாக செயற்பாட்டாளர்.
8) இலண்டன் பி.பி.சி தமிழ்ச் சேவை ஒன்றியத்தினால் ஊடகவியலாளர் அங்கீகார சான்றிதழ் பெற்றவர்.
9) சிறந்த தமிழ் ஆசிரியப்பணி விருதாளர்.
10) 24 மணிநேர தொடர் பேச்சு உலகசாதனையாளர். 2020
11) உலகத் தமிழ்மொழி நாளாளில் 8 மணி நேரப்பேச்சு உலகசாதனை 20.2.2021

விருதுகள்.
1)  ஊடகவித்தகர் விருது. 2017
2) வாழ்நாள் சாதனையாளர் விருது.2019
3) வாசகர் வட்ட விருது. 2019
4) சிறந்த தமிழ் ஆசிரியர் விருது. 2012
5) உலகசாதனை பேச்சாளர் விருது.2020
6) உலகசாதனை தமிழ்மொழி நாள் பேச்சு 2021
7) செந்தமிழோன் விருது 29.5.2021