WELCOME TO PANNAGAM.COM & PTV

பண்ணாகம் இணையம்

News-1

கண்டியில் 30 வயதுக்கு மேற்பட்டவர்களுக்கு கொரோனா தடுப்பூசி திட்டம் ஆரம்பிக்கப்பட்டுள்ள நிலையில் ஒரு பெண்ணுக்கு இரண்டு டோஸ் வழங்கப்பட்ட சம்பவம் அதிர்ச்சியை ஏற்படுத்தியுள்ளது.

கண்டியில், உடபேராதனை தடுப்பூசி மையத்திற்கு நேற்று (ஜூலை 21) சென்ற பெண்ணுக்கு இரண்டு டோஸ் தடுப்பூசி போடப்பட்டதாக அந்த பெண்ணின் கணவர் பேராதனை பொலிஸில் முறைப்பாடளித்துள்ளார்.

சம்பவத்தில் பாதிக்கப்பட்ட ஒகஸ்டாவத்தையைச் சேர்ந்த பெண், தடுப்பூசி மையத்தில் மயங்கி விழுந்த நிலையில், அவருக்கு முதலுதவி வழங்கப்பட்டு வீட்டுக்கு அனுப்பிவைக்கப்பட்டுள்ளார்.

பின்னர் அந்தப் பெண் மீண்டும் வீட்டில் வைத்து மயங்கி விழுந்துள்ளார். இதையடுத்து அவர் பேராதனை மருத்துவமனையில் அனுமதிக்கப்பட்டுள்ளார்.

மேலும் இவருக்கு மயக்கம் ஏற்படுவதாகவும், கை தாங்க முடியாத வலியைத் தருவதாகவும், கை வீங்கியுள்ளதாகவும் பாதிக்கப்பட்ட பெண் தெரிவித்துள்ளார்.

கோவிட் தொற்று அச்சம் காரணமாக நாட்டில் தற்போதுள்ள கட்டுப்பாடுகள் தொடர்பில் புதிய சுற்றறிக்கையொன்று வெளியிடப்பட்டுள்ளது.

குறித்த சுற்றறிக்கையை சுகாதார சேவைகள் பணிப்பாளர் நாயகம் அசேல குணவர்தன வெளியிட்டுள்ளார்.

அதன்படி, இன்று முதல் நாட்டில் அமுல்படுத்தப்பட்டுள்ள கட்டுப்பாடுகளை மேலும் தளர்த்த நடவடிக்கை எடுக்கப்பட்டுள்ளதாக சுட்டிக்காட்டப்பட்டுள்ளது.

எனினும், மாகாணங்களுக்கு இடையேயான பயணக்கட்டுப்பாடுகள் அடுத்த 14 நாட்களுக்கு தொடர்ந்தும் அமுலில் இருக்கும் என சுட்டிக்காட்டப்பட்டுள்ளது.

இதேவேளை இன்று அதிகாலை 6 மணிமுதல் அமுலுக்கு வரும் வகையில் கேகாலை மாவட்டத்தின் மலவிட கிராம சேவகர் பிரிவுக்குட்பட்ட கோலிந்த தோட்டத்தின் 03 ஆம் பகுதி தனிமைப்படுத்தப்பட்டுள்ளது.

இராணுவத் தளபதி ஜெனரல் சவேந்திர சில்வா இதை தெரிவித்துள்ளார்.

மேலும், 4 மாவட்டங்களைச் சேர்ந்த சில கிராம சேவகர் பிரிவுகள் இன்று அதிகாலை 6 மணிமுதல் தனிமைப்படுத்தலில் இருந்து விடுவிக்கப்பட்டுள்ளதாகவும் இராணுவத் தளபதி குறிப்பிட்டுள்ளார்.

யாழ்ப்பாணம் அரியாலை பகுதியில் மணல் கொள்ளையர்களுக்கும் பொலிஸ் விசேட அதிரடி படையினருக்கும் இடையில் ஏற்பட்ட கை கலப்பில் நான்கு பொலிஸ் விசேட அதிரடி படையினர் காயமடைந்த நிலையில் யாழ்.போதனா வைத்திய சாலையில் அனுமதிக்கப்பட்டுள்ளனர்.

அதேவேளை மணல் கொள்ளையர்கள் இருவர் கைது செய்யப்பட்டு, யாழ்ப்பாண பொலிஸ் நிலையத்தில் ஒப்படைக்கப்பட்டுள்ளனர்.

அரியாலை கிழக்கு பகுதியில் இன்றைய தினம் செவ்வாய்க்கிழமை அதிகாலை 2 மணியளவில் இந்த சம்பவம் இடம்பெற்றுள்ளது.

குறித்த சம்பவம் தொடர்பில் மேலும் தெரியவருவதாவது,

அரியாலை பகுதியில் மணல் கொள்ளையில் கும்பல் ஒன்று ஈடுபட்டுள்ளதாக கிடைக்கப்பெற்ற தகவலின் அடிப்படையில் அப்பகுதிக்கு பொலிஸ் விசேட அதிரடி படையினர் விரைந்து சென்றுள்ளனர்.

அங்கு மணல் கொள்ளையில் ஈடுபட்ட கும்பலை பொலிஸ் விசேட அதிரடி படையினர் கைது செய்ய முற்பட்ட போது , கொள்ளையர்கள் மணல் அள்ளுவதற்கு வைத்திருந்த உபகாரணங்களால் தாக்குதல் நடத்தி விட்டு அங்கிருந்து தப்பி சென்றுள்ளனர்.

குறித்த தாக்குதல் சம்பவத்தில் அதிரடி படையினர் நான்கு பேர் காயமடைந்துள்ளனர். அதேவேளை தப்பி சென்றவர்களில் இருவரை துரத்தி மடக்கி பிடித்து அதிரடி படையினர் கைது செய்திருந்தனர்.

காயமடைந்த அதிரடி படையினர் யாழ்.போதனா வைத்திய சாலையில் சிகிச்சைக்காக அனுமதிக்கப்பட்டுள்ளனர். அதேவேளை கைது செய்யப்பட்ட இருவரையும், மணல் கொள்ளை நடைபெற்ற இடத்தில் மீட்கப்பட்ட உழவு இயந்திரம் ஒன்றையும் பொலிஸ் விசேட அதிரடி படையினர் யாழ்ப்பாண பொலிஸாரிடம் ஒப்படைத்துள்ளனர்.

கைது செய்யப்பட்ட நபர்களிடம் பொலிஸார் விசாரணைகளை முன்னெடுத்து வருவதுடன், தப்பி சென்ற ஏனையவர்களை கைது செய்யவதற்கான நடவடிக்கைகளையும் மேற்கொண்டுள்ளனர். 

மாகாணங்களுக்கு இடையிலான பயணத் தடை கட்டாயமாக அமுல்படுத்தப்பட்டு வருவதாக பொலிஸார் இன்று (புதன்கிழமை) அறிவித்துள்ளனர்.

மாகாணங்களுக்கு இடையிலான பயணத்தில் தீவிர கவனம் செலுத்தப்பட்டு வருவதாக பொலிஸ் ஊடகப் பேச்சாளர் பிரதிப் பொலிஸ் மா அதிபர் அஜித் ரோஹன தெரிவித்துள்ளார்.

மாகாண எல்லைகளை கடக்க முயற்சிக்கும் வாகனங்கள் தொடர்ந்தும் திருப்பி அனுப்பப்படுகின்றன என்றும் அவர் கூறியுள்ளார்.

அத்தியாவசிய சேவையில் ஈடுபடும் வாகனங்களுக்கு மட்டுமே மாகாணங்களுக்கு இடையில் பயணிக்க அனுமதிக்கப்படுவதாகவும் அவர் தெரிவித்துள்ளார்.

எனவே, மாகாணங்களுக்கு இடையிலான தேவையற்ற பயணங்களை தவிர்த்துக்கொள்ளுமாறும் அவ்வாறு பயணிப்போர் மீது நடவடிக்கை எடுக்கப்படுமென்றும் பொதுமக்களுக்கு எச்சரிக்கை விடுக்கப்பட்டுள்ளது.

மன்னாரில் இருந்து வடமாகாணத்திற்கான தனியார் போக்குவரத்து சேவை நாளை சுகாதார நடைமுறைகளுடன் ஆரம்பிக்கும் என தனியார் போக்கு வரத்துச் சங்கத்தின் தலைவர் ரி.ரமேஸ் தெரிவித்துள்ளார்.

கொரோனா தொற்றுக் காரணமாக நாட்டில் விதிக்கப்பட்டுள்ள பயணத்தடை நாளை திங்கட்கிழமை (21) காலை நீக்கப்படுகின்ற நிலையில் அவர் இந்த அறிவிப்பை வெளியிட்டுள்ளார்.

இது குறித்து அவர் மேலும் தெரிவிக்கையில்,

பயணத்தடை நாளை திங்கட்கிழமை (21) காலை நீக்கப்படுகின்ற நிலையில் மன்னாரில் இருந்து வட மாகாணத்தின் ஏனைய மாவட்டங்களான வவுனியா, கிளிநொச்சி, முல்லைத்தீவு மற்றும் யாழ்ப்பாணம் ஆகிய மாவட்டங்களுக்கு இடையில் போக்குவரத்து சேவைகள் இடம் பெறும்.

வடமாகாணத்தை தவிர ஏனைய மாகாணங்களுக்கு இடையில் சேவைகள் இடம்பெறாது.

மக்கள் போக்குவரத்து சேவையை பெற்றுக்கொள்ளும் போது உரிய சுகாதார நடைமுறைகளை பின்பற்றிக் கொள்ள வேண்டும் என அவர் மேலும் தெரிவித்தார்.

ஆளும் கட்சிக்குள்ளேயே கடும் மோதல்கள் இடம்பெற்றுவரும் நிலையில் ஸ்ரீலங்கா பொதுஜன பெரமுனாவின் தேசிய அமைப்பாளர் பசில் ராஜபக்ஷ நாடு திரும்பவுள்ளார்.

தனிப்பட்ட காரணங்களுக்காக அமெரிக்காவிற்கு விஜயம் மேற்கொண்டிருந்த அவர் ஜூன் 23 புதன்கிழமை நாடு திரும்புவார் என அரசியல் வட்டார தகவல்கள் தெரிவிக்கின்றன.

இரட்டை பிரஜாவுரிமை கொண்ட பசில் ராஜபக்ஷ மே 12 ஆம் திகதி அமெரிக்காவிற்கு விஜயம் செய்திருந்த நிலையில் 6 வாரங்களின் பின்னர் நாடு திரும்பவுள்ளார்.

எரிபொருள் விலை அதிகரிப்பை தொடர்ந்து அமைச்சரை பதவி விலக வேண்டும் என ஆளும் கட்சி கோரிக்கை விடுத்திருந்தது.

இந்த அறிவிப்பு கட்சிக்குள்ளேயே கடும் அதிருப்தியை ஏற்படுத்தியிருந்த நிலையில் அமைச்சர் உதய கம்மன்பிலவும் விசேட ஊடக சந்திப்பை ஏற்பாடு செய்து சர்ச்சைகளுக்கு முற்றுப்புள்ளி வைத்ததுடன் கட்சியின் பொதுச் செயலாளருக்கு சவாலும் விடுத்திருந்தார்.

இதற்கிடையில் கருத்து வெளியிட்டிருந்த இராஜாங்க அமைச்சர் நிமல் லங்சா, எரிபொருள் விலை விவகாரத்தில் தலையிட்டு பசில் ராஜபக்ஷ உயர்வைத் தடுத்திருப்பார் என தெரிவித்திருந்தார்.

இந்நிலையில் கம்மன்பிலக்கு பதிலளிப்பதற்காக ஊடக சந்திப்பு கட்சியின் பொதுச் செயலாளர் சாகர காரியவசத்தால் ஏற்பாடு செய்யப்பட்டபோதும் உயர்மட்டத்தின் அறிவுறுத்தலை அடுத்து இச்சந்திப்பு இரத்து செய்யப்பட்டிருந்தமை குறிப்பிடத்தக்கது.

23.11.2019 யேர்மன் தமிழ் கலாச்சார மன்றத்தின் ஒன்றுகூடல் மன்றத் தலைவர் திரு.இக.கிருஷ்ணமூர்த்தி தலமையில் இனிதே நடைபெற்றது. 

 யேர்மன் தமிழ் கலாச்சார மன்றத்தின் 2019 இவ் வருடத்திற்கான  நிறைவு ஒன்றுகூடல் மன்றத் தலைவர் திரு.இக.கிருஷ்ணமூர்த்தி தலமையில் இனிதே நடைபெற்றது.  இவ் ஒன்று கூடலில் மன்ற அங்கத்தவர்கள் மன்ற கலைவகுப்பு மாணவர்கள் ,பெற்றோர்கள், ஆதரவாளர்கள் என பலரும் கலந்து சிறப்பித்தார்கள். 
இவ்வருடம் 2019  மன்றத்தால் நாடத்தப்பட்ட நிகழ்வுகள் மற்றும் சமூகப்பணிகள் பற்றிய  அறிக்கையை தலைவர் மக்களுக்கு எடுத்துக்கூறினார்.  யேர்மன் தமிழ் கலாச்சார மன்றம்  யேர்மனிய மக்கள் மத்தியில் ஒரு நற்பெயரைப்பெற்று விளங்குவதாகவும் பல வேலைத்திட்டங்களை இலகுவாக செய்வதற்கு இது உதவியாக உள்ளதையும் சுட்டிக்காட்டினார். மன்றத்தின் நிர்வாக அங்கத்தவர்களின் பாரிய முயற்சியும் புரிந்துணர்வும் மூன்று வருடங்களில் மன்றத்தின் வளர்ச்சியில் தெரிகிறது என்றார். தொடர்ந்து அடுத்தவருடம் 2020 க்கான திட்டங்கள் பல அடுத்த நிர்வாகசபையில் ஆராயப்பட்டு நடைமுறைக்கு வரும் எனவும் அதற்கான நடவடிக்கைகள் மன்ற நிர்வாகம் எடுத்துவருகிறது. இதற்கு எல்லோரும் ஒத்துழைப்பு வழங்கவேண்டும் என கேட்டுக்கொண்டார்.  
ஒன்றுகூடல் மாலை 16.30.மணிக்கு ஆரம்பித்து இரவு 20.00மணி வரை நடைபெற்றது இதில் மன்றச் செயலாளர் இராசாத் அவர்களின் திருமணவரவேற்பும் மன்ற உறுப்பினர்களால் செய்யப்பட்டது. இரவு விருந்துடன்ஒன்று கூடல்  சிறப்பாக நிறைவு பெற்றது. 
Click to edit table header
ஊடகவித்தகர் பண்ணாகம் திரு.இக.கிருஷ்ணமூர்த்தி அவர்களின் பொதுப் பணி விபரங்களும், விருதுகளும்.

1) பண்ணாகம்.கொம் இணைய பிரதம ஆசிரியர், நிர்வாக இயக்குனர்.
2) யேர்மன் தமிழ் கலாச்சார மன்றத் தலைவர்.
3) யேர்மனி தமிழ்ப் பாடசாலை ஆசிரியர்.
4) முன்னாள் நமது இலக்கு பத்திரிகையின் முதன்மை ஆசிரியர்
5) ஐரோப்பிய தமிழ் வாசக வட்ட அமைப்பின்  தலமை இயக்குனர்.
6) தமிழ் இணைய அகத்தின் நிறுவனர் . (முதற் பணி உலக 26 எழுத்தாளர்களை இணைத்து நாவல் உருவாக்கியது)
7) பன்னாட்டு புலம்பெயர் தமிழ் எழுத்தாளர் ஒன்றியத்தின் நிர்வாக செயற்பாட்டாளர்.
8) இலண்டன் பி.பி.சி தமிழ்ச் சேவை ஒன்றியத்தினால் ஊடகவியலாளர் அங்கீகார சான்றிதழ் பெற்றவர்.
9) சிறந்த தமிழ் ஆசிரியப்பணி விருதாளர்.
10) 24 மணிநேர தொடர் பேச்சு உலகசாதனையாளர். 2020
11) உலகத் தமிழ்மொழி நாளாளில் 8 மணி நேரப்பேச்சு உலகசாதனை 20.2.2021

விருதுகள்.
1)  ஊடகவித்தகர் விருது. 2017
2) வாழ்நாள் சாதனையாளர் விருது.2019
3) வாசகர் வட்ட விருது. 2019
4) சிறந்த தமிழ் ஆசிரியர் விருது. 2012
5) உலகசாதனை பேச்சாளர் விருது.2020
6) உலகசாதனை தமிழ்மொழி நாள் பேச்சு 2021
7) செந்தமிழோன் விருது 29.5.2021