WELCOME TO PANNAGAM.COM & PTV

பண்ணாகம் இணையம்

NEWS - 2 

பிரான்ஸ் - பாரிஸில் பற்றியெரியும் தீ..! புகை மண்டலமாக மாறிய நகரம்

ருங்கிஸ் தீ விபத்து

பிரான்சின் பாரிஸ் நகரில் உள்ள ருங்கிஸ் எனும் சர்வதேச சந்தையில் பாரிய தீ விபத்து ஏற்பட்டுள்ளது.

குறித்த சந்தை கட்டிடத்தில் தொடர்ந்து தீப்பிடித்து வருவதாக அந்நாட்டு தகவல்கள் தெரிவிக்கின்றன.

தீயணைப்பு வீரர்கள் குவிப்பு

ஸ்தலத்தில் தீயணைப்பு வீரர்கள் குவிக்கப்பட்டுள்ளதுடன், தீயை அணைக்கும் பணிகள் தீவிரப்படுத்தப்பட்டுள்ளது.

இது பாரிஸ் பெருநகரப் பகுதியில் இருக்கும் மிகப்பெரிய மொத்த கொள்வனவுச் சந்தையாக அறியப்படுகிறது. 

பாரிஸிலிருந்து சிங்கப்பூர் புறப்பட்ட, சிங்கப்பூர் ஏர்லைன்ஸ் நடுவானில் தொழில்நுட்ப கோளாறு ஏற்பட்டதை அடுத்து சிங்கப்பூரிற்கு செல்லாமல் அஜர்பைஜா நாட்டிற்கு திருப்பிடவிடப்பட்டதாகக் கூறப்பட்டுள்ளது. 

போயிங் 777-300ER  எனும் விமானத்திலேயே தொழில்நுட்பக் கோளாறு ஏற்பட்டதாக விமான சேவை நிறுவனம் குறிப்பிட்டுள்ளது.

விமானத்தின் இயந்திரத்தில் தொழில்நுட்பக் கோளாறு ஏற்பட்ட நிலையில் பயணிகளுக்கு அச்சம் ஏற்படாத வகையில் விமானம் திசை திருப்பப்பட்டுள்ளது.

229 பயணிகளும் 18 விமான ஊழியர்களும் பயணம்

அதற்கமைய, இந்த விமானம் பாகு ஹெய்டர் அலியேவ் சர்வதேச விமான நிலையத்தில் நேற்று காலை பாதுகாப்பாகத் தரையிறங்கியுள்ளதெனவும், பாதுகாப்பாக தரையிறக்கியமைக்கு விமானிகளுக்கு பாராட்டுத் தெரிவிக்கப்பட்டதாகவும் விமான நிலைய தகவல்கள் தெரிவிக்கின்றன.

அதேசமயம் இந்த விமானத்தில் பிரான்ஸ் நாட்டவர்கள் உட்பட 229 பயணிகளும் 18 விமான ஊழியர்களும் பயணித்துள்ளதாக தெரியவந்துள்ளது.

இந்நிலையில் விமானத்திற்கு எவ்வித ஆபத்தும் ஏற்படாமல் பாதுகாப்பாக தரையிறக்கிய விமானிகள் பயணிகளாலும் பாராட்டப்பட்டுள்ளனர்.

மாற்று விமான ஏற்பாடு 

இந்த சம்பவத்தினால் பயணம் பாதிக்கப்பட்ட பயணிகளை சிங்கப்பூருக்கு அழைத்துச் செல்ல மற்றுமொரு விமானத்தை ஏற்பாடு செய்ததாக சிங்கப்பூர் ஏர்லைன்ஸ் தெரிவித்துள்ளது.

அத்துடன் அந்த பயணிகளுக்கு உணவும் தங்கும் வசதியும் வழங்கப்பட்டுள்ளதாக விமான நிறுவனம் தெரிவித்துள்ளதுடன், பயணிகள், விமான ஊழியர்கள் ஆகியோரின் பாதுகாப்புக்கு எப்போதும் முன்னுரிமை வழங்கப்படும் எனவும் அறிவித்துள்ளது என்பதும் குறிப்பிடத்தக்கது.


பதவி நீக்கம் செய்யப்பட்ட கோட்டாபய ராஜபக்ச நேற்று நள்ளிரவு நாடு திரும்பியதை அடுத்து மல்லசேகர மாவத்தையில் உள்ள அரசாங்கத்திற்கு சொந்தமான இல்லத்தில் தற்போது பாதுகாப்பாக தங்க வைக்கப்பட்டுள்ளார்.
இந்நிலையில், பல முக்கிய பிரமுகர்கள் சென்று அவரை சந்தித்துள்ளதாக தெரிவிக்கப்பட்டுள்ளது.
இதேவேளை கோட்டாபய ராஜபக்சவுக்கு முன்னாள் அதிபருக்கான உரிமைகள் வழங்கப்படவுள்ளதாக அதிபரின் செயலாளர் தெரிவித்துள்ளார் எனவும் தகவல் வெளியாகியுள்ளது.
முதலாம் இணைப்பு

சிறிலங்காவின் முன்னாள் அதிபர் கோட்டாபய ராஜபக்சவுக்கு காவல்துறை மற்றும் இராணுவம் அடங்கிய படைக்குழு புதிதாக அமைக்கப்பட்டு, பாதுகாப்பு வழங்கப்பட்டுள்ளதாகத் தெரிவிக்கப்பட்டுள்ளது.

இவ்வாறு அவருக்கு வழங்கப்பட்டுள்ள பாதுகாப்புப் படைக்குழுவில் கொமாண்டோக்களும் இடம்பெற்றுள்ளதாகவும் தெரிவிக்கப்பட்டுள்ளது.

இலங்கையில் ஏற்பட்ட கடும் பொருளாதார வீழ்ச்சியைத் தொடர்ந்து கடந்த ஜூலை மாதம் 9 ஆம் திகதி சிறிலங்கா அதிபரின் அதிகாரபூர்வ இல்லத்தை மக்கள் முற்றுகையிட்டதோடு,  இல்லத்தை கைப்பற்றியுமிருந்தனர்.

கொமாண்டோக்கள் அடங்கிய படை குழு

அதனையடுத்து  ஜூலை மாதம் 11 ஆம் திகதி நாட்டை விட்டு வெளியேறிய அதிபர் கோட்டாபய ராஜபக்ச மாலைதீவுக்குத் தப்பிச் சென்றார்.

பின்னர் அங்கிருந்து சிங்கப்பூர்  சென்றார். அங்கிருந்தபடியே தனது இராஜினாமா கடிதத்தை சிறிலங்கா நாடாளுமன்ற சபாநாயகருக்கு அனுப்பி வைத்தார்.

மாலை சூட்டி வரவேற்பு

சிங்கப்பூரில் சிறிது காலம் தங்கியிருந்த நிலையில், அங்கிருந்து, தாய்லாந்து தலைநகர் பாங்கொக்குக்குச் சென்று தஞ்சமடைந்தார். 

அங்கு சிறைக்கைதி போல் ஒரே அறையில் தங்கியிருந்தார். இந்நிலையில் 52 நாட்களுக்குப் பிறகு நேற்று நள்ளிரவு கொழும்பு வந்தடைந்தார்.

அவருக்கு சிறிலங்கா அமைச்சர்களும், அதிகாரிகளும் மாலை சூட்டி வரவேற்பு அளித்தனர் என்பதும் குறிப்பிடத்தக்கது.

‘படைப்பாளர்கள்’

 நூல் வெளியீட்டு விழா  


யேர்மனியில் உள்ள படைப்பாளர்கள் அனைவரது விபரங்கள் அடங்கிய நூல்  Frankfurt நகரில்  20-8-22 ல் நடைபெற்றது. இந்த நிகழ்வில் பலர் கலந்து கொண்டு நூலின் சிறப்பு பற்றியும் இந்த நூல் இதுவரை வெளிக்கொண்டு வராத வரலாற்றுப் பதிவாக பார்க்கமுடிகிறத்து என்ற கருத்தை முன்வைத்தனர் . உலகத்தில் உள்ள தமிழ் மக்கள் இந்த நூலை மின் நூல் மூலம் பெறமுடியும். அடுத்த இந்த நிகழ்வுகள் டோட்மூண்ட் , சுற்காட் ,பேர்லின் , ஶ்ரீலங்கா மட்டக்களப்பு , யாழ்பாணம் ,கனடா மற்றும் ஐரோப்பியநாடுகளில் நடைபெற இருக்கிறது.

சிறிலங்கா படைத்தரப்பின் அறிவுரைகள் மற்றும் உளவுத்துறை எச்சரிக்கைகளை கோட்டாபய ராஜபக்ச அப்பட்டமாக புறக்கணித்தாரா என்பது தற்போது பேசுபொருளாக மாறியுள்ளது.

சிறிலங்கா அரசாங்கம் தனது நாட்டின் முன்னாள் அதிபர் ஒருவரைப் பாதுகாக்க நட்பு நாடுகளின் உதவியை நாடுவது நல்லதல்ல எனவும் அரசியல் வட்டாரங்களை மேற்கோள்காட்டி தற்போது தகவல்கள் வெளியாகியுள்ளன.

தப்பியோடிய கோட்டாபய 

இலங்கையில் கடந்த ஜூலை 9 ஆம் திகதி வெடித்த மக்கள் புரட்சியை தொடர்ந்து கோட்டாபய ராஜபக்ச வெளிநாட்டுக்கு தப்பி சென்றார்.

இந்நிலையில் கோட்டாபய ராஜபக்ச மக்கள் புரட்சியை கண்டு பயந்து நாட்டை விட்டு ஓடிவிட்டார். யாரும் அவரை அவ்வாறு செய்யுமாறு கேட்கவில்லை. போராட்டக்காரர்கள் அவரை பதவி விலகுமாறு கோரினர். எனினும் பயத்தின் காரணமாக, வெளிநாடு செல்ல வேண்டும் என்பது அவரின் தனிப்பட்ட முடிவாகவே இருந்தது.

கடந்த மே 9 ஆம் திகதி காலிமுகத்திடல் போராட்டத்தின் மீது தாக்குதல் நடந்த பின்னர், முன்னாள் பிரதமர் மகிந்த ராஜபக்சவுக்கு திருகோணமலையில் உள்ள இலங்கை கடற்படைத் தளபதியின் உத்தியோகபூர்வ இல்லத்தில் பாதுகாப்பு கிடைத்தது.

ஏன் முன்னாள் அதிபர் கோட்டாபய ராஜபக்சவும் இவ்வாறு பயன்படுத்தியிருக்கக் கூடாது என்பதே தற்போதைய கேள்வியாக எழுப்பப்பட்டுள்ளது.

எல்லாவற்றிற்கும் மேலாக, பொருளாதாரச் சரிவு எவ்வாறு ஏற்பட்டது என்ற கேள்விகளுக்கு பதிலளிக்க அவர் கொழும்பில் இருந்திருக்கவேண்டும். அப்படிச் செய்திருந்தால், தற்போதைய இக்கட்டான நிலையை அவர் தவிர்த்திருக்கலாம்.

கோட்டாபய ராஜபக்சவுக்கு இப்படியொரு அவமானமான கதி ஏற்படும் என்பதை அவரது எதிரிகள் கூட எதிர்பார்க்கவில்லை.

அவர் பாதுகாப்புச் செயலாளராக இருந்தபோது, பல்வேறு பிரச்சினைகளுக்குத் தனது முழு அதிகாரத்தையும் ஆளுமையையும் கொண்டு செயற்பட்டார். எனினும் அதிபரானபோது, அவர் தன்னைத் தனிமைப்படுத்திக் கொள்ள ஆரம்பித்தார்.

அரச சேவை அதிகாரிகளை புறக்கணித்து ஓய்வுபெற்ற இராணுவ அதிகாரிகளை நியமித்தார். கோட்டாபய ராஜபக்ச நாடாளுமன்ற உறுப்பினர்களை துண்டித்துக்கொண்டார், அவர்களின் தொலைபேசி அழைப்புகளுக்கு பதிலளிக்கவில்லை. அடிமட்டத்தில் உள்ள சாதாரண மக்களுடன் தொடர்பு கொள்ள வழிவகுத்த பிலிசந்தர என்ற 'மக்களை சந்திப்போம்' திட்டத்தை கைவிட்டார்.

லஞ்சமும் ஊழலும் பெருக அனுமதித்தார். அவரது சொந்த குடும்பத்தைச் சேர்ந்தவர்கள் கோடிக்கணக்கில் பணம் பறித்து வெளிநாடுகளில் குவித்ததாக பரவலான குற்றச்சாட்டுகள் எழுந்தன. எனினும் அவர் நடவடிக்கை எடுக்கவில்லை.

தோல்வியுற்ற அதிபராக பதவியை விட்டு விலக மாட்டேன் என்று அவர் சபதம் செய்தார். இறுதியில், சொந்த நாட்டின் பாதுகாப்பை புறக்கணித்து சென்ற கோட்டாபய ராஜபக்ச தற்போது தனது உயிருக்கு பயந்து நகர்ந்து கொண்டிருக்கிறார்.

கேள்விக்கு உள்ளாக்கப்பட்டுள்ள சிறிலங்கா பாதுகாப்பு தரப்பு 

குறிப்பாக பாதுகாப்பு அமைச்சின் செயலாளராக, இராணுவ கட்டமைப்பை தனது கட்டுப்பாட்டில் வைத்திருந்த கோட்டாபய ராஜபக்ச, அதிபராக இருந்த போது பாதுகாப்பு அமைச்சராகவும், முப்படைத் தளபதிகளின் தலைவராகவும் இருந்திருக்கிறார்.

எனினும், இத்தனை அதிகாரங்களையும், இராணுவத்தினரின் உதவியையும் அவர் பெற்றிருந்தாலும், தனது இராணுவத்தையோ அல்லது சிறிலங்காவின் இராணுவ கட்டமைப்பு மீதோ அவர் நம்பிக்கை கொள்ளவில்லையா என்றும் கேள்வி எழுப்பப்படுகிறது.

சிறிலங்காவிலிருந்து அவர் தப்பித்து வெளிநாடுகள் தஞ்சமடைந்து தனது பாதுகாப்பை உறுதிப்படுத்தும் அளவிற்கு சிறிலங்கா இராணுவ கட்டமைப்பை அவர் நம்பாமல் இருப்பது ஏன் என்றும் கேள்வியாக எழுந்து நிற்கிறது.

எதிர்வரும் ஓகஸ்ட் 9 ஆம் திகதி மீண்டும் ஓர் மக்கள் புரட்சி வெடிக்கும் என சந்தேகிப்பதால், அதனை தடுப்பதற்கான முயற்சிகளை சிறிலங்கா பொதுஜன பெரமுன மேற்கொண்டு வருவதாக தகவல்கள் வெளியாகியுள்ளன.

நாட்டில் மீண்டும் கலவரமான சூழ்நிலை ஒன்று எதிர்வரும் 9 ஓகஸ்ட் மாதம் நடைபெறாது இருக்க எடுக்க வேண்டிய நடவடிக்கைகள் தொடர்பாக சிறிலங்கா பொதுஜன பெரமுனவின் மூத்த பிரதிநிதிகள், அடுத்த வாரம் அதிபர் ரணில் விக்ரமசிங்கவுடன் பேச்சுவார்த்தை நடத்த நடவடிக்கை எடுக்கப்பட்டு வருவதாக சிறிலங்கா பொதுஜன பெரமுனவின் தகவல்கள் தெரிவிக்கின்றன.

இதற்காக திகதியையும் நேரத்தையும் ஒதுக்கி தருமாறு ரணில் விக்ரமசிங்கவிடம் கோரிக்கை விடுக்கப்பட்டுள்ளதாகவும் தெரிவிக்கப்படுகின்றது.

இதேவேளை, சிறிலங்கா பொதுஜன பெரமுனவின் தலைவரும் முன்னாள் பிரதமருமான மகிந்த ராஜபக்ச மற்றும் அந்த கட்சியின் தேசிய அமைப்பாளர் பசில் ராஜபக்ச ஆகியோர் இந்த பேச்சுவார்த்தையில் கலந்துக்கொள்ள உள்ளனர்.

நாட்டில் மீண்டும் போராட்டமான நிலைமை ஏற்படும் என சமூக ஊடகங்களில் கருத்துக்கள் முன்வைக்கப்பட்டு வருவதாகவும் ஏதேனும் ஒரு வகையில் அப்படியான நிலைமை ஏற்பட்டால், தற்போது அமைதியாக காணப்படும் நாட்டில் மீண்டும் ஸ்திரமற்ற நிலைமையேற்படும்.

இதனால்,அதனை தடுப்பதற்காக ரணில் விக்ரமசிங்கவிடம் இந்த பேச்சுவார்த்தையை கோரியுள்ளதாக கூறப்படுகிறது.

இதனை தவிர நாட்டின் தேசிய பொருளாதாரத்தை கட்டியெழுப்புவது, மக்களுக்கு தேவையான அத்தியாவசிய உணவு பொருட்களை பெற்றுக்கொடுப்பது, பசளை விநியோகம், எரிபொருள் விநியோகம், சமையல் எரிவாயு விநியோகம் மற்றும் மருந்து விநியோகம் என்பன குறித்தும் பேச்சுவார்த்தையில் முக்கிய கவனம் செலுத்தப்படவுள்ளது.

கொழும்பு - காலிமுகத்திடலில் பதிவாகிய சம்பவத்தை கண்டித்து கோட்டை புகையிரத நிலையத்திற்கு முன்பாக அமைதியான முறையில் ஆர்ப்பாட்டமொன்று முன்னெடுக்கப்பட்டுள்ளது.

இன்று 22 ஆம் திகதி வெள்ளிக்கிழமை அதிகாலை 1.00 மணியளவில் சிறிலங்கா அதிபர் செயலகத்தை முற்றுகையிட்ட முப்படையினர் கோட்டா கோ கம போராட்டக்காரர்களை அங்கிருந்து வெளியேற்றியுள்ளனர்.


இதன் போது நடாத்தப்பட்ட தாக்குதலில் பலர் படுகாயம் அடைந்துள்ளனர்.

இந் நிலையில், அமைதியான முறையில்  ஆர்ப்பாட்டத்தில் ஈடுபட்டிருந்த ஆர்ப்பாட்டக்காரர்கள் மீது தாக்குதல் நடத்தப்பட்டமையை கண்டித்து இந்த போராட்டம் மேற்கொள்ளப்பட்டுள்ளது.

இதில் காலிமுகத்திடல் ஆர்ப்பாட்டக்காரர்கள், தொழிற்சங்கத்தினர் உள்ளிட்ட பலர் கலந்து கொண்டுள்ளனர்.

இதேவேளை இந்த போராட்டத்தில் மக்கள் அனைவரும் கலந்து கொள்ள வேண்டும் எனவும் போராட்டக்காரர்கள் பகிரங்கமாக அழைப்பு விடுத்துள்ளனர். 


கொழும்பு – கோட்டையில் இடம்பெற்ற ஆர்ப்பாட்டத்தின் போது காயமடைந்தவர்களின் எண்ணிக்கை 96 அதிகரித்துள்ளது என கொழும்பு தேசிய வைத்தியசாலை தகவல்கள் தெரிவிக்கின்றன .

நேற்றைய தினம் அரசுக்கு எதிராக கொழும்பு கோட்டை பகுதியில் பாரிய ஆர்ப்பாட்டமொன்று முன்னெடுக்கப்பட்டிருந்தது.

இதன்போது ஆர்ப்பாட்டக்காரர்களுக்கும் பாதுகாப்பு பிரிவினருக்கும் இடையில் மோதல்கள் இடம்பெற்றிருந்தன.

இதன்போது காயமடைந்தவர்கள் அனைவரும் தற்போது மருத்துவமனையில் அனுமதிக்கப்பட்டு சிகிச்சைப் பெற்று வருகின்றமை குறிப்பிடதக்கது .

ஆட்சி அதிகாரத்தை பெற்றுக்கொள்வது எப்படி என்று எதிர்க்கட்சித் தலைவருக்கு கற்பிக்க தயாராக இருப்பதாகவும் அதற்காக தன்னை வந்து சந்திக்குமாறும் நிறிலங்கா பிரதமர் ரணில் விக்ரமசிங்க தெரிவித்துள்ளார்.

நாடாளுமன்றத்தில் இன்றைய தினம் இடம்பெற்ற அமர்வின் போதேஅவர் இதனைத் தெரிவித்துள்ளார்.

இது தொடர்பில் தொடர்ந்தும் கருத்துத் தெரிவித்த அவர், 

ஆட்சி அதிகாரத்தை பெற்றுக்கொள்வது எப்படி என்று நான் கற்பித்துள்ளேன். நான் இரண்டு மூன்று முறை ஆட்சி அதிகாரத்தை பெற்றுக்கொண்டுள்ளேன். இலங்கையில் தற்போது இருக்கும் எதிர்க்கட்சி மிகவும் பலவீனமான எதிர்க்கட்சி.

கட்டாரில் இருந்து இயற்கை எரிவாயுவை மாத்திரமே பெற்றுக்கொள்ள முடியும். பெற்ரோலை பெற்றுக்கொள்ள முடியாது. எமக்கு பெற்ரோலே தேவை. கட்டாரில் பெற்ரோலை கொள்வனவு செய்ய முடியாது.

துபாய், குவைத், ஓமான் போன்ற ஏனைய நாடுகளிலேயே பெட்ரோலை கொள்வனவு செய்ய முடியும். ரணசிங்க பிரேமதாச அரச தலைவராக இருந்த போது அவரது பிரதிநிதியாக நானே மத்திய கிழக்கு நாடுகளுக்கு சென்றேன்.

மத்திய கிழக்கு நாடுகளிடம் இருந்து பணம் கிடைக்கவில்லை. நான் ஜப்பானுக்கு சென்றதும் ஜப்பான் 600 மில்லியன் டொலர்களை வழங்கியது. அன்றைய ஜப்பான் பிரதமர் வழங்கிய பணம் காரணமாக அன்று குவைத் போரின் போது இலங்கை தப்பியது.

அந்த காலத்தில் இருக்காதவர்களுக்கு இதனை நினைவுப்படுத்த வேண்டும். கழித்தல் 7 புள்ளியில் இருக்கும் பொருளாதாரத்தை எப்படி உடனடியாக ஆறு மாதத்தில் கூட்டல் புள்ளியாக மாற்ற முடியும் என்ற கேள்விக்கு எதிர்க்கட்சித் தலைவர் இன்னும் பதிலளிக்கவில்லை.

தற்போது 20 பில்லியன் டொலர் இழப்பு ஏற்பட்டுள்ளது. ஊழல், மோசடிகளை நிறுத்தினால், 2 பில்லியன் டொலர்கள் மீதமாகும். ஆட்சி அதிகாரத்தை கைப்பற்ற முடியாத இப்படியான எதிர்க்கட்சி குறித்து நான் வருத்தப்படுகிறேன்.

அதிகாரத்தை கைப்பற்றுவது எப்படி என்று நான் பழக்கினேன். இரண்டு, மூன்று முறை நான் அதிகாரத்தை கைப்பற்றினேன். இவர்கள் எதனையும் கற்றுக்கொள்ளவில்லை. மீண்டும் வாருங்கள், நான் ஒரு மாதம் அல்லது இரண்டு மாதங்கள் கற்பிக்கின்றேன்.

வெறுமனே கூச்சலிடுவதால், ஆட்சி அதிகாரத்தை கைப்பற்ற முடியாது. ஆட்சி அதிகாரத்தை கைப்பற்ற வேண்டுமாயின் அனைவரையும் ஒன்றிணைத்து செல்ல வேண்டும். அதனை செய்ய முடியாது, இந்த இடத்தில் கூச்சலிடுவதால், இவர்களில் எவருக்கும் ஆட்சி அதிகாரத்தை கைப்பற்ற முடியாது.

உண்மையில் தற்போது இருப்பது இலங்கையில் மிகவும் பலவீனமான எதிர்க்கட்சி என்பதை கூறவிரும்புகிறேன். அதிகாரத்தை கைப்பற்ற முடியாது வெறுமனே கூச்சலிட்டு பயனில்லை. தட்டிகளை தூக்குவதால் ஆட்சி அதிகாரத்தை கைப்பற்ற முடியாது.

அதிகாரம் என்பதை கையில் எடுத்துப்பெற வேண்டியது எனவும் தெரிவித்துள்ளார்.

இதற்கு பதிலளித்து கருத்து வெளியிட்டுள்ள எதிர்க்கட்சித் தலைவர் சஜித் பிரேமதாச,

பிரதமருக்கு வரலாறு மறந்து போயுள்ளது. ரணசிங்க பிரேமதாச, ரணில் விக்ரமசிங்கவை, 200 ஆடை தொழிற்சாலைகள் வேலைத்திட்டத்தில் பெயரளவில் வைத்துக்கொண்டார்.

எனது தந்தையே பிரதமருக்கு கற்றுக்கொடுத்தார். பாடம் கற்றுக்கொள்ள தன்னிடம் வருமாறு பிரதமர் கூறுகிறார். நாங்கள் அவருக்கு கற்றுக்கொடுக்க வேண்டிய பாடத்தை நன்றாக கற்றுக்கொடுத்துள்ளோம்.

தனியாக அவர் தேசிய பட்டியலில் நாடாளுமன்றத்திற்கு வந்து தனியாக அமர்ந்து இருக்கின்றார். தற்போது எங்களை கற்றுக்கொள்ள வருமாறு கூறுகிறார் எனக் கூறியுள்ளார்.



புலம்பெயர் தமிழர்களாலேயே இலங்கையர்களுக்கு விடிவு கிடைக்கும் என தமிழ் தேசியக் கூட்டமைப்பின் நாடாளுமன்ற உறுப்பினர் இரா.சாணக்கியன் நோர்வேயில் வைத்து தெரிவித்துள்ளார்.

நோர்வேயின் ஒஸ்லோவில் உள்ள இலங்கையர்களை சந்தித்துப் பேசிய போதே அவர் இவ்வாறு குறிப்பிட்டுள்ளார். இதன்போது தொடர்ந்தும் கருத்து வெளியிட்ட அவர்,

“பல்வேறு காலகட்டங்களில் இலங்கையில் இருந்து புலம்பெயர்ந்த அல்லது வெளியேற்றப்பட்ட புலம்பெயர் இலங்கையர்களை நோர்வேயில் சந்திக்கிறேன்.

மனித உரிமை மீறல்களுக்கு எவ்வாறு முகம் கொடுப்பது

கடந்த இரு வாரங்களில் சுவிஸ்லாந்தில் லீடிங் வித் பாஸ் என்ற தலைப்பில் கடந்த காலங்களை எவ்வாறு முகம் கொடுப்பது, யுத்த காலத்திலும் அதற்கு பின்னரான காலப்பகுதியிலும் இடம்பெற்ற மனித உரிமை மீறல்களுக்கு நாடு என்ற ரீதியில் எவ்வாறு முகம் கொடுப்பது. இதிலிருந்து எவ்வாறு வெளியேவருவது, முன்னேறி செல்வது தொடர்பில் அவதானம் செலுத்த சுவிஷ்லாந்து நகரில் இடம்பெற்ற நிகழ்வில் கலந்துக்கொண்டேன்.

சுவிஸ்லாந்துக்கு அண்மைய நாடாக நோர்வே உள்ளதால் இங்கு வந்துள்ளேன். வருகை தந்துள்ள அனைவருக்கும் முதலில் நன்றியை தெரிவித்துக்கொள்கிறேன்.

விசேடமாக தற்போது இலங்கை மோசமான பொருளாதார நெருக்கடியினை எதிர்க்கொண்டுள்ளது.

இலங்கையில் மோசமான பொருளாதார நெருக்கடி

அதிகாரிகளும் பொது மக்களும், காவல்துறையினரும் இராணுவத்தினரும் ஒருவருக்கொருவர் முரண்பட்டுக்கொள்கிறார்கள். ஊழல் மோசடி, இலஞ்சம் ஆகியவை தற்போதைய நிலைமைக்கு காரணம் எனக் குறிப்பிடுகிறார்கள்.

இல்லை நாட்டில் தமிழ் மக்களின் அரசியல் பிரச்சினைக்கு தீர்வு வழங்காமலிருப்பது தற்போதைய பிரச்சினைக்கு பிரதான காரணியாக உள்ளது.

1948ஆம் ஆண்டு காலப்பகுதியில் இருந்து தமிழ், முஸ்லிம், சிங்களம் என இலங்கையர்கள் வேறுப்படுத்தப்படுத்தப்பட்டதால் தான் தற்போதைய பிரச்சினை தீவிரமடைந்துள்ளது.

இலங்கையில் தமிழர்களுக்கு அவர்களின் உரிமைகள் மறுக்கப்பட்ட காரணத்தினால் தமிழர்கள் எதிர்ப்பு தெரிவித்தார்கள். அதனைத் தொடர்ந்து 30 வருடகால சிவில் யுத்தம் தோற்றம் பெற்றது. கடன் பெற்று யுத்தத்திற்கு அதிக நிதி செலவிடப்பட்டது. 2009ஆம் ஆண்டு காலத்திற்கு பிறகு பாதுகாப்பு அமைச்சுக்கு அதிக நிதி செலவிடப்பட்டுள்ளது.

துரதிஷ்டவசமாக கோட்டா கோ ஹோம், நோ டீல் கம எனக் குறிப்பிட நேரிட்டுள்ளது. அரச தலைவர் கோட்டபய ராஜபக்ஷவிற்கும், முன்னாள் பிரதமர் மஹிந்த ராஜபக்ஷவிற்கும் வெட்கமில்லை, இன்றும் பதவியில் இருக்கிறார்கள்.

பிளவுப்படாத இலங்கைக்குள் தீர்வினை கோருகிறோம்

73 வருடகால தீர்க்கப்படாத தமிழர்களின் உரிமை சார்ந்த பிரச்சினைகளுக்கு தீர்வு வழங்கினால் உலகளாவிய ரீதியில் உள்ள 13 இலட்சம் புலம்பெயர் தமிழர்கள் இலங்கையில் முதலீடுகளை மேற்கொள்வார்கள்.

அரச தலைவர், பிரதமர் பதவி விலக வேண்டும், பதவி விலகாவிடின் குறைந்தபட்சம் தமிழர் பிரச்சினைக்கு தீர்வு வழங்கினால் 13 இலட்சம் புலம்பெயர் தமிழர்களின் முதலீடுகளை மேற்கொள்ள தயாராகவுள்ளனர்.

இலங்கையின் தற்போதைய நிலைமை கவலைக்குரியது. இலங்கையர்கள் பாரிய நெருக்கடிகளை எதிர்க்கொண்டுள்ளமையினை காண்கையில் வேதனையடைகிறோம்.

அரச தலைவர் மற்றும் பிரதமருக்கு மக்களின் நிலை தொடர்பில் அக்கறையில்லை. இலங்கை மக்களின் வாழ்க்கையை மேம்படுத்த தமிழ் தேசிய கூட்டமைப்பினால் முடியும்.

இலங்கை பொருளாதார ரீதியில் பாதிக்கப்பட்டால் அதன் தாக்கம் வடக்கு மற்றும் கிழக்கு மக்களிடத்திலும் செல்வாக்கு செலுத்தும்.

அரச தலைவர், பிரதமர் பதவி விலக வேண்டும். பதவி விலகாவிடின் குறைந்தபட்சம் தமிழர்களின் அடிப்படை அரசியல் பிரச்சினைகளுக்கு தீர்வு கண்டு புலம்பெயர் தமிழர்களின் முதலீடுகளை பெற்றுக்கொள்ள வேண்டும்.

பிளவுப்படாத இலங்கைக்குள் தீர்வினையே கோருகிறோம்.“ எனக் குறிப்பிட்டுள்ளார்.

சர்வதேச நாணய நிதியத்துடன் ஜூலை மாத இறுதிக்குள் உத்தியோகபூர்வ உடன்படிக்கை ஒன்றை ஏற்படுத்த இலங்கை உத்தேசித்துள்ளதாக பிரதமர் ரணில் விக்ரமசிங்க தெரிவித்துள்ளார்.

சர்வதேச நாணய நிதியத்துடன் கலந்துரையாடல்களை மேற்கொள்வதே நெருக்கடியை சமாளிக்க இலங்கைக்கு இருக்கும் ஒரே பாதுகாப்பான வழி என பிரதமர் குறிப்பிட்டார்.

நாடாளுமன்றத்தில் இன்று உரையாற்றிய ரணில் விக்ரமசிங்க, இலங்கை தற்போது எரிபொருள், எரிவாயு, மின்சாரம் மற்றும் உணவுப் பற்றாக்குறைக்கு அப்பால் மிகவும் பாரதூரமான நிலைமையை எதிர்கொண்டுள்ளது எனத் தெரிவித்துள்ளார்.

இலங்கையின் பொருளாதாரம் முற்றுமுழுதான வீழ்ச்சி

இலங்கையின் பொருளாதாரம் முற்றுமுழுதான வீழ்ச்சியை எதிர்நோக்கியுள்ளதாகவும், இதுவே தற்போது நாடு எதிர்நோக்கும் பாரிய பிரச்சினை எனவும் பிரதமர் ரணில் விக்ரமசிங்க குறிப்பிட்டார்.

இலங்கையின் பொருளாதாரத்தை மீட்டெடுப்பதற்கு முதலில் அந்நிய கையிருப்பு நெருக்கடியை அரசாங்கம் தீர்க்க வேண்டும் எனவும்,

இந்திய கடன் வசதியின் கீழ் 4 பில்லியன் அமெரிக்க டொலர்கள் கடன் பெற்ற போதிலும், இந்தியாவிடம் இருந்து புதிய உதவியை கோரியுள்ளதாகவும் பிரதமர் தெரிவித்துள்ளார்.

மத்திய வங்கி, திறைசேரி, சம்பந்தப்பட்ட அரச அதிகாரிகள், தொழில் வல்லுநர்கள் மற்றும் நிபுணர்களுடனான கலந்துரையாடலின் பின்னர், பொருளாதாரத்தை ஸ்திரப்படுத்தும் வேலைத்திட்டத்தை முன்னெடுப்பதற்கான திட்டம் வகுக்கப்பட்டுள்ளதாக பிரதமர் ரணில் விக்ரமசிங்க தெரிவித்தார்.

தற்போது இலங்கையில் உள்ள சர்வதேச நாணய நிதியத்தின் பிரதிநிதிகளுடன் கலந்துரையாடல்களை ஆரம்பித்துள்ளதாக பிரதமர் ரணில் விக்ரமசிங்க மேலும் குறிப்பிட்டுள்ளார்.

ஆரம்ப கலந்துரையாடல்களை நிறைவுசெய்துள்ளதாகவும், பொது நிதி, நிதி, கடன் நிலைத்தன்மை, வங்கித்துறையின் ஸ்திரத்தன்மை மற்றும் சமூகப் பாதுகாப்பு வலையமைப்பு போன்ற பல்வேறு துறைகள் குறித்த கருத்துகளைப் பரிமாறிக் கொண்டதாகவும் பிரதமர் கூறினார்.

கடனை மறுசீரமைக்கும் முயற்சி

கடனை மறுசீரமைக்கும் முயற்சிகளில் அரசாங்கத்திற்கு உதவும் வகையில் நிதி மற்றும் சட்ட ஆலோசனை நிறுவனங்களான Lazard மற்றும் Clifford Chance இன் பிரதிநிதிகளும் இலங்கையில் இருப்பதாக பிரதமர் மேலும் தெரிவித்தார்.

எதிர்வரும் திங்கட்கிழமை, அமெரிக்க திறைசேரி திணைக்களத்தின் பிரதிநிதிகள் குழுவொன்றும் இலங்கை வரவுள்ளதாக பிரதமர் மேலும் கூறியுள்ளார்.

அமெரிக்கா மற்றும் இந்தியாவிலிருந்து வரவிருக்கும் குழுக்களுடன் பேச்சுவார்த்தை நடத்த தேவையான பின்னணியை அரசாங்கம் உறுதி செய்துள்ளதாக பிரதமர் ரணில் விக்ரமசிங்க தெரிவித்தார்.

Lazard மற்றும் Clifford Chance ஆகியோரின் ஆதரவுடன் கடன் மறுசீரமைப்புத் திட்டத்தை ஜூலை மாத இறுதிக்குள் முடிக்க எதிர்பார்ப்பதாக பிரதமர் ரணில் விக்ரமசிங்க மேலும் சுட்டிக்காட்டியுள்ளார்.

டொலரின் பெறுமதி அதிகரிப்பு

இலங்கை மத்திய வங்கி வெளியிட்டுள்ள நாணய மாற்று விகிதங்களின் படி, நேற்றுடன் ஒப்பிடுகையில் இன்று டொலரின் பெறுமதியில் சிறு அதிகரிப்பு பதிவாகியுள்ளது.

இதன்படி, அமெரிக்க டொலர் ஒன்றின் விற்பனைப் பெறுமதி 366 ரூபா 79 சதமாக பதிவாகியுள்ளது.

டொலரொன்றின் கொள்முதல் பெறுமதி 355 ரூபா 81 சதமாக பதிவாகியுள்ளது.

யூரோவொன்றின் பெறுமதி

மத்திய வங்கியின் நாணய மாற்று விகிதங்களின்படி, யூரோ ஒன்றின் விற்பனைப் பெறுமதி 394 ரூபா 74 சதமாகவும், யூரோ ஒன்றின் கொள்முதல் பெறுமதி 379 ரூபா 51 சதமாகவும் பதிவாகியுள்ளது.

இலங்கை மத்திய வங்கி இன்றைய நாளுக்கான நாணய மாற்று விகித அறிக்கையை வெளியிட்டுள்ளது.

இதன்படி, டொலரின் பெறுமதியில் சிறிதளவான மாற்றம் பதிவாகியுள்ளது.

அமெரிக்க டொலரொன்றின் விற்பனை விலை இன்றைய தினம் 365 ரூபா 09 சதமாக பதிவாகியுள்ளது.

அத்துடன் அமெரிக்க டொலரொன்றின் கொள்முதல் விலை 355 ரூபா 12 சதமாக பதிவாகியுள்ளது.

யூரோவின் பெறுமதி

மத்திய வங்கி வெளியிட்டுள்ள இன்றைய நாணய மாற்று விகிதங்களின் படி, யூரோ ஒன்றின் விற்பனை பெறுமதி 392 ரூபா 25 சதமாக பதிவாகியுள்ளது.

அதேவேளை, யூரோ ஒன்றின் கொள்முதல் பெறுமதி 381 ரூபா 42 சதமாக பதிவாகியுள்ளது.

சுவிசில் 'மனுஷி' அறிமுக விழா

ஊடகவியலாளர் சண் தவராஜா எழுதிய 'மனுஷி' சிறுகதைத் தொகுதியின் அறிமுக விழா அண்மையில் சுவிஸ் நாட்டின் பேர்ண் மாநகரில் சிறப்பாக நடைபெற்றது. ஊடகவியலாளரும் எழுத்தாளருமான கனகரவி தலைமையில் நடைபெற்ற இந்நிகழ்வில் மூத்த ஊடகரும், திரைப்பட நடிகரும், சுவிஸ்-லவுசான் மாநகர சபை உறுப்பினருமான தம்பிப்பிள்ளை நமசிவாயம் (ஜெயகாந்த்) வரவேற்புரை நிகழ்த்தினார். நூல் அறிமுகவுரையை எழுத்தாளர் கமலினி கதிர் நிகழ்த்த விமர்சன உரையை ஊடகவியலாளரான கவிதாயினி சுகந்தி மூர்த்தி நிகழ்த்தினார். நூலின் முதல் பிரதியை சுவிஸ் தமிழர் ஒருங்கிணைப்புக் குழுவின் முன்னாள் பொறுப்பாளர் குலம் அவர்கள் பெற்றுக் கொண்டார்.

நிகழ்வில் சிறப்பம்சமாக 'புலம்பெயர் வாழ்வில் தமிழ்ப் பெண்கள்' என்ற தலைப்பிலான பேச்சரங்கம் நடைபெற்றது. இதில் 'புலம்பெயர் குடும்பத்தில் தமிழ்ப் பெண்களின் பங்கு' என்ற தலைப்பில் பேர்ண் ஞானலிக்கேச்வரர் ஆலய பிரதம குருவும், உளவள ஆலோசகருமான சிவருசி தர்மலிங்கம் சசிக்குமார், 'புலம்பெயர் பெண்களின் படைப்புலகம்' என்ற தலைப்பில் கல்வியலாளரும் எழுத்தாளருமான க. அருந்தவராஜா, 'புலம்பெயர் தமிழர் பொருளாதாரத்தில் பெண்களின் பங்கு' என்ற தலைப்பில் கவிதாயினி சங்கரி சிவகணேசன், 'புலம்பெயர் வாழ்வில் பெண்ணடிமைத்தனம் ஒழிந்துவிட்டதா?' என்ற தலைப்பில் ஊடகவியலாளர் கனகரவி ஆகியோர் உரையாற்றினர்.
திருச்சி இனிய நந்தவனம் பதிப்பாக வெளியான மனுஷி சிறுகதை நூல் சேலம் தமிழ்ச் சங்கம், கம்பம்- பாரதி கலை இலக்கிய மன்றம் ஆகியவை நடத்திய போட்டிகளில் 2020 ஆம் ஆண்டுக்கான சிறந்த நூலுக்கான பரிசுகளை வென்றுள்ளமை குறிப்பிடத்தக்கது.

செய்தி .சண்

சுவிசில் 'மனுஷி' அறிமுக விழா

ஊடகவியலாளர் சண் தவராஜா எழுதிய 'மனுஷி' சிறுகதைத் தொகுதியின் அறிமுக விழா அண்மையில் சுவிஸ் நாட்டின் பேர்ண் மாநகரில் சிறப்பாக நடைபெற்றது. ஊடகவியலாளரும் எழுத்தாளருமான கனகரவி தலைமையில் நடைபெற்ற இந்நிகழ்வில் மூத்த ஊடகரும், திரைப்பட நடிகரும், சுவிஸ்-லவுசான் மாநகர சபை உறுப்பினருமான தம்பிப்பிள்ளை நமசிவாயம் (ஜெயகாந்த்) வரவேற்புரை நிகழ்த்தினார். நூல் அறிமுகவுரையை எழுத்தாளர் கமலினி கதிர் நிகழ்த்த விமர்சன உரையை ஊடகவியலாளரான கவிதாயினி சுகந்தி மூர்த்தி நிகழ்த்தினார். நூலின் முதல் பிரதியை சுவிஸ் தமிழர் ஒருங்கிணைப்புக் குழுவின் முன்னாள் பொறுப்பாளர் குலம் அவர்கள் பெற்றுக் கொண்டார்.

நிகழ்வில் சிறப்பம்சமாக 'புலம்பெயர் வாழ்வில் தமிழ்ப் பெண்கள்' என்ற தலைப்பிலான பேச்சரங்கம் நடைபெற்றது. இதில் 'புலம்பெயர் குடும்பத்தில் தமிழ்ப் பெண்களின் பங்கு' என்ற தலைப்பில் பேர்ண் ஞானலிக்கேச்வரர் ஆலய பிரதம குருவும், உளவள ஆலோசகருமான சிவருசி தர்மலிங்கம் சசிக்குமார், 'புலம்பெயர் பெண்களின் படைப்புலகம்' என்ற தலைப்பில் கல்வியலாளரும் எழுத்தாளருமான க. அருந்தவராஜா, 'புலம்பெயர் தமிழர் பொருளாதாரத்தில் பெண்களின் பங்கு' என்ற தலைப்பில் கவிதாயினி சங்கரி சிவகணேசன், 'புலம்பெயர் வாழ்வில் பெண்ணடிமைத்தனம் ஒழிந்துவிட்டதா?' என்ற தலைப்பில் ஊடகவியலாளர் கனகரவி ஆகியோர் உரையாற்றினர்.

திருச்சி இனிய நந்தவனம் பதிப்பாக வெளியான மனுஷி சிறுகதை நூல் சேலம் தமிழ்ச் சங்கம், கம்பம்- பாரதி கலை இலக்கிய மன்றம் ஆகியவை நடத்திய போட்டிகளில் 2020 ஆம் ஆண்டுக்கான சிறந்த நூலுக்கான பரிசுகளை வென்றுள்ளமை குறிப்பிடத்தக்கது.

செய்தி. சண்

அரச தலைவருக்கு எதிரான நம்பிக்கையில்லா பிரேரணையை விவாதத்திற்கு கொண்டுவருவதை தடுக்கும் வகையில் ஆளும் கட்சியுடன் இணைந்து பிரதமர் ரணில் விக்ரமசிங்க செயற்பட்டதாக தமிழ்த் தேசியக் கூட்டமைப்பு நாடாளுமன்ற உறுப்பினர் சுமந்திரன் இன்று நாடாளுமன்றத்தில் குறிப்பிட்டார்.

நாடாளுமன்றத்தில் அரச தலைவருக்கு எதிராக அதிருப்தியை வெளிப்படுத்தும் நம்பிக்கையில்லா பிரேரணையை விவாதிப்பதற்கான வாக்கெடுப்பு நடத்தப்பட்டது, அதற்கு எதிராக பிரதமர் ரணில் விக்ரமசிங்க வாக்களித்திருந்தார்.

இன்றைய நாடாளுமன்ற சபையில் உரையாற்றிய சுமந்திரன்,

"அரச தலைவர் கோட்டாபய ராஜபக்சவை பாதுகாக்க முயற்சிக்கும் நாடாளுமன்ற உறுப்பினர்கள் யார் என்பதை நாடு இப்போது அறிந்திருக்கும்.

நம்பிக்கையில்லா பிரேரணையை விவாதத்திற்கு கொண்டு வருவதன் மூலம் அரச தலைவர் தனது பதவியை இழக்கப்போவதில்லை.

உங்கள் பெயர்கள் இன்று பலகையில் காட்சிப்படுத்தப்பட்டன. அரச தலைவரை யார் பாதுகாக்கிறார்கள் என்பது இப்போது நாட்டிற்குத் தெரியும். பிரதமர் மற்றும் அரசாங்கத்தின் கதிரைகளில் அமர்ந்திருப்பவர்களின் வெட்கக்கேடான நடத்தை இது.

அரச தலைவருக்கு எதிரான பிரேரணை வரைவு செய்யப்பட்ட போது எதிர்க்கட்சியில் அமர்ந்திருந்த பிரதமர் ரணில் விக்ரமசிங்கவும் அதற்கு இணக்கம் தெரிவித்ததார்.

ரணில் குறித்த பிரேரணையை பார்க்க வேண்டும் என்று விரும்பினார், நான் அதை அவருக்கு ஏப்ரல் 26 ஆம் திகதி அனுப்பினேன். அவர் அதை ஆய்வு செய்தார். குறித்த பிரேரணையை காலி முகத்திடலுக்கு அனுப்புமாறு அவர் பரிந்துரைத்தார்.

காலி முகத்திடலில் ஆர்ப்பாட்டக்காரர்களுக்கு இந்த வரைவு அனுப்பப்பட்டு அவர்களின் சம்மதமும் பெறப்பட்டது. அரச தலைவர் மீது அதிருப்தியை வெளிப்படுத்தும் பிரேரணைக்கு ஆதரவாக வாக்களிப்பதாக பிரதமர் இரண்டு அறிக்கைகளை வெளியிட்டிருந்ததார்.

ரணில் விக்ரமசிங்க தனது நிலைப்பாட்டை மாற்றிக்கொண்டது ஏன்? பிரேரணைக்கு ஆதரவாக வாக்களிக்கத் தவறியது ஏன்?

அன்றைக்கும் இன்றைக்கும் ஒன்று தான் மாறியுள்ளது அன்று எதிர்க்கட்சியில் இருந்தார். இன்று பிரதமராக இருக்கிறார்.

பிரதமர் பதவிக்காக ரணில் விக்ரமசிங்க இந்த நாட்டுக்கு பகிரங்கமாக கூறிய கொள்கைகளை வியாபாரம் செய்துள்ளார்.

அவர் நமது நாட்டு பிரதமர். உட்காருகிறாரா, நிற்கிறாரா, நடப்பாரா என்று தெரியாத ஒருவரை பிரதமராகப் பெற்றிருப்பது நமக்கு வெட்கமாக இருக்கிறது.

அவருக்கே அவரது கொள்கைகள் என்னவென்று தெரியவில்லை. அவர் சொல்வது ஒன்று, செய்வது வேறு. ஆளும் கட்சியிலேயே ஆதரவு இல்லாத போது எதிர்க்கட்சிகளிடம் ஆதரவை கேட்கும் பிரதமர் இவர்தான்." எனக் குறிப்பிட்டார்,