Pannagam.Com | News | Live Broadcast | Social Service |Village Improvement

இலண்டனில் பெருமை கொண்ட தமிழரால் நடாத்தப்படும் உணவகம்

தென்- மேற்கு இலண்டன் பகுதியில் உள்ள ''உமாமி'' UMAME என்ற பிரித்தனிய உணவு உணவகம் அதிசிறந்த உணவகம் என Time leisuer என்ற பிரபல அமைப்பினரால் இன்று தெரிவுசெய்யப்பட்டது. இதன் உரிமையாளர் ஒருவராகிய பண்ணாகம் திரு. சுப்பிரமணியம் சாந்தன் அவர்களுக்கும் அவரின் பங்குதாரருக்கும் தமிழ் மக்களின் பாராட்டுக்கள்.

இலண்டன் kingston கிங்சன் பகுதியில் அமைந்துள்ள உமாமி உணவகம் பிரித்தானியர்களில் அதி சிறந்த உணவகமாக இன்று முதல் திகழும் என ரைம் லேசர் அமைப்பினர் பல பொதுமக்களின் கருத்துக்கணிப்பு அடிப்படையில் வெற்றியாளர்களாக தெரிவு செய்தார்கள். இந்த நிகழ்வில் பல உணவகங்கள் போட்டியில் முன்மெழியப்பட்டிருந்தாலும் இறுதியில் உமாமி உணவகத்திற்கு வெற்றிக்கேடயம் வழங்கப்பட்டது.

நடிகர் பிரகாஷ்ராஜ் மீது பெங்களூரு 4-வது குற்றவியல் மாஜிஸ்திரேட்டு கோர்ட்டில் வக்கீல் கிரண் என்பவர் வழக்கு தொடர்ந்து உள்ளார்.

இது தொடர்பாக அவர் தாக்கல் செய்து உள்ள மனுவில் கூறி இருப்பதாவது:-

பல மொழி படங்களில் நடித்து வரும் நடிகர் பிரகாஷ்ராஜ் சமீப காலமாக இந்து மதத்தையும், இந்து கடவுள்களையும் அவதூறாக பேசி வருகிறார். பல நிகழ்ச்சிகளில் கலந்து கொண்டு பேசும் அவர் இந்து மதத்தையும், அதன் கடவுள் வழிபாடுகளையும் கடுமையாக விமர்சித்து பேசி வருகிறார்.

இந்துக்கள் கடவுளாக போற்றி வணங்கும் பசுவையும் அவர் கீழ்த்தரமாக விமர்சனம் செய்து வருகிறார். அவரின் பேச்சுக்களும், செயல்பாடுகளும் கோடிக் கணக்கான இந்துக்களின் உள்ளத்தில் ஆறாத காயத்தை ஏற்படுத்தி உள்ளது. இப்படி இந்துக்களின் மனங்களை காயப்படுத்தும் வகையில் பேசி வரும் அவர் மீது சட்டப்படி நடவடிக்கை எடுக்க கோர்ட்டு உத்தரவிட வேண்டும். இவ்வாறு அந்த மனுவில் வக்கீல் கிரண் கூறி உள்ளார்.

இந்த மனுவை பெங்களூரு 4-வது குற்றவியல் மாஜிஸ் திரேட்டு விசாரணைக்கு ஏற்றுக் கொண்டார். இது குறித்து பதில் அளிக்க போலீசாருக்கும், பிரகாஷ்ராஜூக்கும் நோட்டீசு அனுப்ப மாஜிஸ்திரேட்டு உத்தரவிட்டார். மேலும் வழக்கு விசாரணையை நவம்பர் 25-ந்தேதிக்கு ஒத்தி வைத்து உத்தரவிட்டார்.

மஹிந்த ராஜபக்ஷவுக்கு மீண்டும் ஜனாதிபதித் தேர்தலில் போட்டியிட முடியும் எனவும், இதற்கு சட்டத்தில் இடம் இருப்பதாக கோரவுள்ளதாகவும் ஸ்ரீ லங்கா பொதுஜன பெரமுனவின் தலைவர் ஜி.எல். பீரிஸ் தெரிவித்தார்.

1978 ஆம் ஆண்டு சட்டத்தின் படி ஒருவர் இரு தடவைகள் மாத்திரமே ஜனாதிபதியாக வர முடியும். பின்னர் 18 ஆவது திருத்தச் சட்டத்தின் படி இரண்டு முறைக்கு மேலாகவும் வர முடியும் என மாற்றம் செய்யப்பட்டது.

இதனை இந்த நல்லாட்சி அரசாங்கம் 19 ஆவது திருத்தச் சட்டத்தின் கீழ் மாற்றியது. 19 ஆவது திருத்தச் சட்டத்தின் பின்னர் நாட்டில் ஆட்சிக்கு வரும் ஜனாதிபதிகளுக்கே இச்சட்டம் பொருந்தும். மஹிந்த ராஜபக்ஷ இந்த சட்டம் நடைமுறைக்கு வரும் முன்னரே நாட்டில் ஜனாதிபதியாக இருந்தார்.

இது முன்னாள் ஜனாதிபதி மஹிந்த ராஜபக்ஷவுக்கு மாத்திரமல்ல. முன்னாள் ஜனாதிபதிகள் சகலருக்கும் மீண்டும் ஜனாதிபதித் தேர்தலில் கலந்துகொள்ள முடியும் எனவும் பேராசிரியர் ஜி.எல். பீரிஸ் மேலும் குறிப்பிட்டார்.

கண்ணீர் அஞ்சலிகள்

தி.மு.க. தலைவர் கருணாநிதி உடல்நலக்குறைவால் சென்னை ஆழ்வார்ப்பேட்டையில் உள்ள காவேரி ஆஸ்பத்திரியில் சிகிச்சைக்காக அனுமதிக்கப்பட்டார். நேற்று முன் தினம் முதல் அவருடைய உடல்நிலையில் திடீர் பின்னடைவு ஏற்பட்டது. கடந்த 11 நாட்களாக காவேரி மருத்துவமனையில் அனுமதிக்கப்பட்டு இருந்த கருணாநிதி நேற்று மாலை 6.10 மணியளவில் காலமானார்.

இந்திய அரசியல் வரலாற்றில் மிகப்பெரும் ஆளுமைகளில் ஒருவரான கருணாநிதியின் மறைவுக்கு, ஜனாதிபதி, பிரதமர் மோடி, தமிழக முதல் அமைச்சர் பழனிசாமி உள்பட தேசிய தலைவர்கள், திரை ஆளுமைகள் என பல்வேறு தரப்பினரும் இரங்கல் தெரிவித்தனர். காவேரி மருத்துவமனையில் இருந்து இரவு 9.20 மணியளவில் திமுக தலைவர் கருணாநிதியின் உடல், கோபாலபுரம் இல்லத்துக்கு எடுத்துச்செல்லப்பட்டது.

பின்னர் கோபாலபுரம் கொண்டு செல்லப்பட்ட கருணாநிதியின் பூத உடல் அங்கு அஞ்சலிக்காக வைக்கப்பட்டது. கோபாலபுரம் இல்லத்தில் திமுக தலைவர் கருணாநிதியின் உடலுக்கு கழக பொதுச்செயலாளர் க.அன்பழகன், திருமாவளவன், முத்தரசன், திருநாவுக்கரசர் ஆகியோர் அஞ்சலி செலுத்தினர். பின்னர் கோபாலபுரம் வீட்டில் கருணாநிதியின் உடலுக்கு மேற்குவங்க முதலமைச்சர் மம்தா பானர்ஜி அஞ்சலி செலுத்தினார். மேலும் கருணாநிதியின் உடலுக்கு குடும்பத்தினர் மற்றும் உறவினர்கள் அஞ்சலி செலுத்தினர்.

பின்னர் கோபாலபுரம் இல்லத்தில் இருந்து கருணாநிதியின் பூத உடல் சிஐடி காலனிக்கு கொண்டு வரப்பட்டது. அங்கு அவரது குடும்பத்தினர் இறுதி மரியாதை செலுத்த ஏற்பாடு செய்யப்பட்டிருந்தது. அங்கு பொதுமக்களும், தொண்டர்களும் அதிக அளவில் திரண்டிருந்தனர். பின்னர் கருணாநிதியின் பூத உடல் சிஐடி காலனியில் இருந்து ஓமந்தூரார் அரசினர் தோட்ட வளாகத்தில் உள்ள ராஜாஜி அரங்கத்திற்கு கொண்டு வரப்பட்டது. கழக உடன்பிறப்புகளும், பொதுமக்களுக்கும் அரசியல் கட்சி தலைவர்களுக்கும் இறுதி வணக்கம் செலுத்துவதற்காக ஏற்பாடு செய்யப்பட்டுள்ளது. மேலும் இங்கு பொதுமக்கள் மற்றும் தொண்டர்கள் அதிக அளவில் வருகை தருவார்கள் என்பதால் பாதுகாப்பு ஏற்பாடுகள் தீவிரப்படுத்தப்பட்டுள்ளன.

தற்போது திமுக தலைவர் கருணாநிதியின் உடல் பொதுமக்கள் அஞ்சலிக்காக ராஜாஜி அரங்கத்தில் வைக்கப்பட்டுள்ளது. திமுக தலைவர் கருணாநிதி உடலுக்கு தேசியக் கொடி போர்த்தி ராணுவ மரியாதை செலுத்தப்பட்டது.

* திமுக தலைவர் கருணாநிதியின் மறைவுக்கு டி.டி.வி.தினகரன் அஞ்சலி செலுத்தினார்.

* திமுக தலைவர் கருணாநிதி உடலுக்கு ரஜினிகாந்த் அஞ்சலி செலுத்தினார். லதா ரஜினிகாந்த், தனுஷ் மற்றும் ஐஸ்வர்யா தனுஷ் ஆகியோரும் அஞ்சலி செலுத்தினர்.

* திமுக தலைவர் கருணாநிதி உடலுக்கு நடிகர் ராதாரவி அஞ்சலி செலுத்தினார்.

* திமுக தலைவர் கருணாநிதி உடலுக்கு நடிகர் சிவகார்த்திகேயன் அஞ்சலி செலுத்தினார்.

*திமுக தலைவர் கருணாநிதி உடலுக்கு முதலமைச்சர் எடப்பாடி பழனிசாமி அஞ்சலி செலுத்தினார். சபாநாயகர் தனபால், துணை சபாநாயகர் பொள்ளாச்சி ஜெயராமன், துணை முதலமைச்சர் பன்னீர்செல்வம், மக்களவை துணை சபாநாயகர் தம்பிதுரை, தலைமை செயலர் கிரிஜா வைத்தியநாதன் ஆகியோரும் நேரில் அஞ்சலி செலுத்தினார்.

* பின்னர் பேட்டி அளித்த முதலமைச்சர் பழனிசாமி. திமுக தலைவர் கருணாநிதியின் மறைவு தமிழகத்திற்கு பேரிழப்பு. கருணாநிதியின் குடும்பத்தினர், ஸ்டாலின் மற்றும் திமுகவினருக்கு எனது ஆழ்ந்த இரங்கலை தெரிவித்துக் கொள்கிறேன் என கூறினார்.

* திமுக தலைவர் கருணாநிதி உடலுக்கு திராவிடர் கழகத் தலைவர் கி.வீரமணி அஞ்சலி செலுத்தினார்.

* திமுக தலைவர் கருணாநிதி மறைவுக்கு தேமுதிக பொதுச்செயலாளர் விஜயகாந்த் வீடியோ மூலம் கண்ணீர் மல்க அஞ்சலி செலுத்தினார்.

* திமுக தலைவர் கருணாநிதிக்கு நடிகர்கள் சிவக்குமார், சூர்யா அஞ்சலி செலுத்தினார்.

* திமுக தலைவர் கருணாநிதி உடலுக்கு ஆளுநர் பன்வாரிலால் புரோஹித் நேரில் அஞ்சலி செலுத்தினார். ஸ்டாலின், கனிமொழி ஆகியோருக்கு ஆளுநர் ஆறுதல் தெரிவித்தார்.

* திமுக தலைவர் கருணாநிதியின் உடலுக்கு நடிகர் அஜித், ஷாலினி அஞ்சலி செலுத்தினர்.

* திமுக தலைவர் கருணாநிதிக்கு நடிகை குஷ்பு அஞ்சலி செலுத்தினார்.

* திமுக தலைவர் கருணாநிதியின் உடலுக்கு நடிகர் பிரபு, சகோதரர் ராம்குமார், விக்ரம் பிரபு உள்ளிட்டோர் நேரில் அஞ்சலி செலுத்தினர்.

* திமுக தலைவர் கருணாநிதி உடலுக்கு தமிழக பாஜக தலைவர் தமிழிசை சௌந்தரராஜன் அஞ்சலி செலுத்தினர்.

* திமுக தலைவர் கருணாநிதி உடலுக்கு கவிஞர் வைரமுத்து அஞ்சலி செலுத்தினர்.

* திமுக தலைவர் கருணாநிதியின் உடலுக்கு டி.ராஜேந்தர் அஞ்சலி செலுத்தினார்.

* திமுக தலைவர் கருணாநிதியின் உடலுக்கு நடிகர் விவேக் அஞ்சலி செலுத்தினார்.

* திமுக தலைவர் கருணாநிதியின் உடலுக்கு நடிகர்கள் சத்யராஜ், கவுண்டமணி அஞ்சலி செலுத்தினர்

* திமுக தலைவர் கருணாநிதியின் உடலுக்கு நடிகர் விஜய் சேதுபதி அஞ்சலி செலுத்தினார்.

* திமுக தலைவர் கருணாநிதியின் உடலுக்கு பா.ம.க நிறுவனர் ராமதாஸ், அன்புமணி ராமதாஸ் அஞ்சலி செலுத்தினர்.

* திமுக தலைவர் கருணாநிதியின் உடலுக்கு நடிகர் கமல்ஹாசன் அஞ்சலி செலுத்தினார்.

* திமுக தலைவர் கருணாநிதியின் உடலுக்கு நடிகர் விஷால் அஞ்சலி செலுத்தினார்.

* திமுக தலைவர் கருணாநிதியின் உடலுக்கு நடிகர் வடிவேலு அஞ்சலி செலுத்தினார்.

* திமுக தலைவர் கருணாநிதிக்கு அஞ்சலி செலுத்த பிரதமர் மோடி சென்னை வருகை தந்துள்ளார். அவரை தமிழக கவர்னர் பன்வாரிலால் புரோகித், முதல் அமைச்சர் எடப்பாடி பழனிசாமி, துணை முதல்வர் ஓ.பன்னீர் செல்வம் ஆகியோர் வரவேற்றனர்.

லண்டன் செல்வதற்காக விமானத்திற்கு ஏறிய சந்தர்ப்பத்தில் வணக்கத்திற்குரிய உடுவே தம்மாலேக தேரர் கட்டுநாயக்க விமான நிலையத்தில் வைத்து விமானத்தில் இருந்து இறக்கி விடப்பட்டுள்ளார்.

வெளிநாடு செல்வதற்கு நீதிமன்ற தீர்ப்பில் வழங்கப்பட்ட திகதி பற்றிய சர்ச்சை காரணமாகவே அவர் இவ்வாறு விமானத்தில் இருந்து இறக்கி விடப்பட்டுள்ளார்.

லண்டனில் இவ்வார இறுதியில் நடைபெற உள்ள சொற்பொழிவு நிகழ்வுகளில் கலந்து கொள்வதற்கு செல்வதற்காக தம்மாலேக தேரர் இன்று காலை கட்டுநாயக்க விமான நிலையத்தை வந்தடைந்துள்ளார்.

இதன்போது வெளிநாடு செல்ல அனுமதி இல்லை என விமான நிலைய அதிகாரி ஒருவர் தெரிவித்ததை அடுத்து மேற்கொள்ளப்பட்ட பரிசோதனைகளின் பின்னர் அவர் விமானத்தில ஏற்றப்பட்டுள்ளார்.

பின்னர் விமானம் செல்வதற்கு சிறிது நேரம் இருந்த போது மீண்டும் நீதிமன்ற தீர்ப்பில் வழங்கப்பட்ட திகதி பற்றிய சர்ச்சை இருப்பதாக தெரிவித்து அவர் மீண்டும் விமானத்தில் இருந்து இறக்கி விடப்பட்டுள்ளார்.

உலககோப்பை கால்பந்து இறுதிப்போட்டி: பிரான்ஸ் அணி குரேஷியாவை 4-2 என்ற கணக்கில் வீழ்த்தி கோப்பையை கைப்பற்றியது.

உலகக்கோப்பை கால்பந்து இறுதியாட்டம் ரஷ்யாவின் மாஸ்கோவில் நடந்துவருகிறது. பிரான்ஸ் அணி அரை இறுதியில் பெல்ஜியத்தையும், குரேஷியா இங்கிலாந்தையும் வீழ்த்தி இறுதி போட்டியில் நுழைந்தன.

இலங்கை நேரப்படி இரவு 8.30 மணிக்கு ஆட்டம் துவங்கியது. மாஸ்கோவின் லுஜ்நிகி விளையாட்டரங்கில் நடந்து இப்போட்டியில் ஆரம்பம் முதலே குரோஷியா ஆக்ரோஷமாக விளையாடியது.

இரண்டாவது பாதியில் ஆட்டத்தின் 59-வது நிமிடத்தில் பால் போக்பா அடித்த கோலால் பிரான்ஸ் 3-1 என முன்னிலை பெற்றது.

குரோஷியா அதிர்ச்சியில் இருந்து மீள்வதற்குள் பிரான்ஸ் வீரர் கிலியன் ம்பாப்பி கிட்டத்தட்ட 22 யார்டு தூரத்தில் இருந்து கோல் அடிக்கவே பிரான்ஸ் 4-1 என மிகப்பெரிய முன்னிலை பெற்றது. குரேஷியா கோல் கீப்பரால் கோல் மழை தனது வலையில் பொழிவதை பார்க்க மட்டுமே முடிந்தது.

தொடர்ச்சியாக கோல் வாங்கிக் கொண்டிருந்தாலும் குரேஷியா தொடர்ந்து ஆக்ரோஷமாக விளையாடியது. ஆட்டத்தின் 69-வது நிமிடத்தில் மரியோ மண்ட்ஜூகிக் ஒரு கோல் அடிக்க குரேஷியாவின் நிலை 2- 4 என்றானது.

உலககோப்பை கால்பந்து மற்றும் ஈரோ கோப்பை/சாம்பியன்ஸ் லீக் இறுதி போட்டியில் கோல் அடித்த ஐந்தாவது வீரர் ஆனார் மரியோ மண்ட்ஜூகிக்.

முன்னதாக ஃபெரன்க் புஸ்கஸ், ஜோல்டன், முல்லர், ஜினடின் ஜிடேன் இந்த சாதனையைச் செய்திருந்தனர்.

முதல் பாதியில் என்ன நடந்தது?

பிரான்ஸ் நட்சத்திர வீரர் கிலியன் ம்பாப்பி ஆட்டத்தின் தொடக்க சில நிமிடங்களில் பந்தை தவறவிட்டுக்கொண்டிருந்தார்.

சொந்த அணிக்கு எதிராக கோல் போட்ட மரியோ மண்ட்ஜூகிக்.

ஆட்டத்தின் 19-வது நிமிடத்தில் பிரான்ஸ் அணிக்கு ஒரு ஃப்ரீ கிக் கிடைத்தது. பிரான்ஸ் வீரர் ஆன்டோன் கிரீஜ்மன் அட்டகாசமாக பந்தை உதைத்தார். அந்த பந்தை தலையில் முட்டி தடுப்பதற்காக எம்பினார் குரோஷியா வீரர் மரியோ மண்ட்ஜூகிக். ஆனால் பந்து அவர் தலையில் பட்டு இன்னும் எம்பி கோல் கீப்பரின் கையில் தஞ்சம் அடையாமல் குரேஷியாவின் வலையில் விழுந்தது .

இதையடுத்து உலககோப்பை இறுதி போட்டியில் 1-0 என்ற முன்னிலையுடன் விளையாடத்துவங்கியது பிரான்ஸ்.

ஆனால் விரைவிலேயே குரோஷியா ஒரு கோல் அடித்து ஆட்டத்தை சமநிலைக்கு கொண்டு வந்தது. ஆட்டத்தின் 28-வது நிமிடத்தில் குரோஷியா வீரர் பெரிசிச் இடது காலால் ஒரு கோல் அடித்தார்.

குரோஷிய வீரர்கள் இந்த உலக கோப்பையில் நாக் அவுட் போட்டிகளில் தொடர்ந்து ஆட்டத்தில் பின்தங்குவதும் பின்னர் மீண்டு வந்து வெற்றி பெறுவதுமாக இருந்தனர். டென்மார்க் அணிக்கு எதிராக ரவுண்ட் ஆஃப் 16, ரஷ்ய அணிக்கு எதிராக காலிறுதி மற்றும் இங்கிலாந்து அணிக்கு எதிராக இறுதி போட்டிகளில் முதல் கோல் எதிரணி அடித்திருந்தாலும் மீண்டும் வந்து வென்றது குரேஷியா.

ஆட்டத்தின் 38-வது நிமிடத்தில் பிரான்ஸ் வீரர் ஆன்டோனி கிரீஜ்மன் ஒரு கோல் அடித்தார். பத்தே நிமிட இடைவெளியில் மீண்டும் முன்னிலை பெற்றது பிரான்ஸ் அணி.

உலக கோப்பை மற்றும் ஈரோ கோப்பை ஆகியவற்றில் பத்து நாக் அவுட் போட்டிகளில் 12 கோல்களை தானாக அடிக்கவோ அல்லது இன்னொரு வீரர் அடிக்கவோ உதவியுள்ளார் ஆன்டோனி கிரீஜ்மன். கடந்த ஐம்பது ஆண்டுகளில் பிரான்ஸ் வீரர் ஒருவர் நாக்அவுட் போட்டிகளில் செய்த மிகப்பெரிய சாதனை இது. முன்னதாக ஜினடின் ஜிடேன் எட்டு கோல்களை அடித்ததே பிரான்ஸ் வீரர் ஒருவரின் சாதனையாக இருந்தது.

இறுதிப்போட்டியில் வெல்லும் அணிக்கு 38 மில்லியன் டாலர் (சுமார் 260 கோடி) பரிசாக வழங்கப்படும். இரண்டாமிடம் பிடிக்கும் அணிக்கு 28 மில்லியன் டாலர் பரிசு வழங்கப்படும்.

உதைபந்தாட்டத்தில் உலகமே ஆவலோடு எதிர்பார்த்துக் காத்திருக்கும் உலக கிண்ண கால்பந்தாட்ட இறுதிப்போட்டி இன்று இடம்பெறவுள்ளது. இன்றைய போட்டியில் பிரான்ஸ் அணி குரேஷியா அணியை எதிர்த்து விளையாடவுள்ளது.

* உலக கிண்ண வரலாற்றில் இதுவரை 8 நாடுகளே கிண்ணங்களை கைப்பற்றியுள்ளன.
* 12 நாடுகள் இறுதிப் போட்டியில் விளையாடியுள்ளன.
* இம்முறை 13 ஆவது நாடாக குரேஷியா இணைந்துள்ளது.
1) பிரேசில் - 5 முறையும்
2) ஜேர்மனி/இத்தாலி - 4 முறையும்
3) உருகுவே/ஆர்ஜண்டீனா - 2 முறையும்
4) இங்கிலாந்து/பிரான்ஸ்/இத்தாலி -1 முறையும்
உலக கிண்ணத்தை கைப்பற்றியுள்ளன.

நான்காண்டுகளுக்கு ஒருமுறை நடக்கும் உலகக் கோப்பை திருவிழாவுக்கு உலகம் முழுவம் பரவலான வரவேற்பு உண்டு. இந்நிலையில் 2018 கால்பந்து உலகக் கோப்பை இறுதியாட்டம் இன்று ரஷ்ய தலைநகர் மாஸ்கோவில் நடக்கிறது.

குரேஷியா முதல் முறையாக உலக கோப்பையை வெல்லும் முனைப்போடு இருக்கிறது. அதே சமயம் பிரான்ஸ் அணி இரண்டாவது முறையாக உலக கோப்பையை ஜெயிக்க திட்டமிட்டுள்ளது. கடைசி ஆறு உலக கோப்பை கால்பந்து தொடர்களில் மூன்றாவது முறையாக பிரான்ஸ் தற்போது இறுதியாட்டத்தில் விளையாடுகிறது.

பிரான்ஸ் அணி மீண்டும் கோப்பையை ஜெயிக்குமா?

20 வருடங்களுக்கு முன்னதாக பிரான்ஸ் உலக கோப்பையை வென்றது. 2006 உலககோப்பையில் இறுதியாட்டத்தில் இத்தாலியிடம் கோப்பையை இழந்தது.

2010 உலககோப்பையில் லீக் சுற்றோடு பிரான்ஸ் வெளியேறியது. 2014-ல் காலிறுதி வரையில் விளையாடியது.

குரூப் சி பிரிவில் இடம்பெற்றிருந்த பிரான்ஸ் அணி அப்பிரிவில் ஆஸ்திரேலியா மற்றும் பெரு அணிகளை வீழ்த்தியது. டென்மார்க் உடனான போட்டியை டிரா செய்தது.

ரவுண்ட் ஆஃப் 16 சுற்றில் அர்ஜென்டினாவை 4-3 என்ற கணக்கில் தோற்கடித்தது.

காலிறுதியில் உருகுவே அணியை 2-0 கோல் கணக்கில் வென்றது.

அரை இறுதியில் பெல்ஜியம் அணியை 1-0 என வென்று இறுதிப் போட்டிக்குள் நுழைந்துள்ளது.

கோப்பையை வெல்லுமா குரோஷியா?

குரோஷியா தனி நாடான பின்னர் கலந்து கொண்ட முதல் உலககோப்பையில் பிரான்ஸ் அணியிடம் தோல்வி கண்டதால் அரை இறுதி கனவு கலைந்தது. 1998-ல் நடந்த உலககோப்பையில் அரை இறுதி ஆட்டத்தில் பிரான்ஸ் அணி 2-1 என்ற கோல் கணக்கில் குரோஷியாவை வீழ்த்தியது. அதன்பிறகு 2002,2006,2014 உலக கோப்பைகளில் லீக் சுற்றோடு குரோஷியா வெளியேறியது.

ரஷ்யா உலககோப்பையில் குரோஷியாவின் பயணம் அபாரமானது. இந்தத் தொடரில் இதுவரை விளையாடிய அனைத்து போட்டிகளையும் வென்ற ஒரே அணியாக விளங்குகிறது குரோஷியா.

குரூப் டி பிரிவில் இடம்பெற்ற குரோஷியா அணி அப்பிரிவிலுள்ள அர்ஜென்டினா, நைஜீரியா, ஐஸ்லாந்து அணிகளை வென்று நாக்அவுட் சுற்றுக்கு தகுதிபெற்றது.

நாக் அவுட் சுற்றில் டென்மார்க் அணியுடனான ஆட்டத்தில் நிர்ணயிக்கப்பட்ட நேரத்தில் 1-1 என சமநிலையில் இருந்ததால் ஃபெனால்டி ஷூட் அவுட்டில் வென்றது.

படத்தின் காப்புரிமைADRIAN DENNIS

காலிறுதி போட்டியில் பெனால்டி ஷூட் அவுட்டில் 4-3 என்ற கணக்கில் ரஷ்யாவை வீழ்த்தி அரையிறுதிக்குத் தகுதி பெற்றது.

அரை இறுதியில் இங்கிலாந்து அணியை வென்று இறுதிப் போட்டிக்குத் தகுதி பெற்றது.

பிரான்ஸ் அணியும் குரேஷியாவும் இதுவரை ஐந்து முறை மோதியுள்ளது. இதில் மூன்று போட்டிகளில் பிரான்ஸ் வென்றது. இரு போட்டிகள் டிரா ஆனது.

இவ்விரு அணிகளும் மோதிய ஐந்து போட்டிகளில் இரண்டு போட்டிகள் பெரிய தொடர்களில் நடைபெற்றது. 1998 உலக கோப்பை அரை இறுதி ஆட்டத்தில் குரோஷியா தோற்றது. 2004-ல் ஈரோ கோப்பையில் 2-2 கோல் கணக்கில் ஆட்டம் சமநிலையில் முடிந்தது.

கடைசியாக நடைபெற்ற மூன்று உலககோப்பை இறுதி போட்டிகளும் கூடுதல் நேரம் வரை ஆட்டம் நீண்டது. குரோஷிமா இம்முறை விளையாடிய ரவுண்ட் ஆஃப் 16, காலிறுதி, அரை இறுதி ஆட்டங்களில் கூடுதல் நேரம் வரை ஆட்டம் நீண்டது.

உலக கோப்பை இறுதி ஆட்டத்துக்கு முதல் முறையாக குரேஷியா தகுதிபெற்றுள்ளது. உலக கோப்பை கால்பந்து இறுதிப்போட்டிக்கு தகுதிபெறும் 10வது ஐரோப்பா அணியானது குரேஷியா.

2016 ஈரோ கோப்பையில் பிரான்ஸ் அணி இறுதி ஆட்டத்தில் போர்ச்சுகல் அணியிடம் தோற்றது. கடந்த 20 வருடங்களில் நடந்துள்ள ஆறு உலககோப்பையில் மூன்று முறை இறுதிபோட்டிக்குத் தகுதி பெற்ற ஒரே அணி பிரான்ஸ். இதே காலகட்டத்தில் பிரேசில் மற்றும் ஜெர்மனி அணிகள் இரண்டு முறை இறுதியில் ஆடின.

யாழ்ப்பாணத்தில் உள்ள ஒல்லாந்தர் கோட்டையில் சிறிலங்கா இராணுவத்தினர் மீண்டும் நிரந்தரமான தளத்தை அமைக்கவுள்ளனர்.

ஒல்லாந்தர் ஆட்சிக்காலத்தில் கட்டப்பட்ட யாழ்ப்பாணம் கோட்டையின் பல பகுதிகள் போர்க்காலத்தில் சிதைவடைந்த போதும், போர் முடிவுக்கு வந்த பின்னர், நெதர்லாந்து அரசின் நிதியுதவியுடன், புனரமைக்கப்பட்டது.

சிறிலங்காவின் தொல்பொருள் திணைக்களத்தின் கட்டுப்பாட்டில் உள்ள, பாரம்பரிய மரபுரிமைச் சொத்துக்களில் ஒன்றாக அறிவிக்கப்பட்ட, இந்த கோட்டையில் சிறிலங்கா இராணுவம் தளத்தை அமைக்கவுள்ளது.

யாழ். கோட்டையில் சிறிலங்கா இராணுவத்தினர் தளம் அமைப்பதற்கு, இடத்தைப் பெற்றுக் கொடுக்க நடவடிக்கை எடுப்பதாக வட மாகாண ஆளுனர் றெஜினோல்ட் குரே முன்னர் கூறிவந்தார்.

எனினும், வடக்கு மாகாணசபையும், யாழ். மாநகர சபையும் இதற்இந்த நிலையில், யாழ்ப்பாணம் கோட்டைக்குள்- வடக்குப் பகுதியில் உள்ள இரண்டு கொத்தளங்களுக்கு நடுவே – 6 ஏக்கர் காணி சிறிலங்கா இராணுவத்துக்கு தொல்பொருள் திணைக்களத்தினால் வழங்கப்பட்டுள்ளது. இந்தக் காணியில் தளம் அமைக்கும் பணிகளை சிறிலங்கா இராணுவத்தினர் ஆரம்பிக்கவுள்ளனர். அதேவேளை, யாழ்ப்ப்பாணம், கோட்டையில் மீண்டும் சிறிலங்கா இராணுவத்தினர் தளம் அமைப்பதற்கு எதிர்ப்புத் தெரிவித்து, இன்று பிற்பகல் 2 மணியளவில் கோட்டை நுழைவாயிலுக்கு முன்பாக, போராட்டம் ஒன்றுக்கு அழைப்பு விடுக்கப்பட்டுள்ளது. கடும் எதிர்ப்பை வெளியிட்டு வந்தன. இந்த நிலையில், யாழ்ப்பாணம் கோட்டைக்குள்- வடக்குப் பகுதியில் உள்ள இரண்டு கொத்தளங்களுக்கு நடுவே – 6 ஏக்கர் காணி சிறிலங்கா இராணுவத்துக்கு தொல்பொருள் திணைக்களத்தினால் வழங்கப்பட்டுள்ளது. இந்தக் காணியில் தளம் அமைக்கும் பணிகளை சிறிலங்கா இராணுவத்தினர் ஆரம்பிக்கவுள்ளனர். அதேவேளை, யாழ்ப்ப்பாணம், கோட்டையில் மீண்டும் சிறிலங்கா இராணுவத்தினர் தளம் அமைப்பதற்கு எதிர்ப்புத் தெரிவித்து, இன்று பிற்பகல் 2 மணியளவில் கோட்டை நுழைவாயிலுக்கு முன்பாக, போராட்டம் ஒன்றுக்கு அழைப்பு விடுக்கப்பட்டுள்ளது.

ஜெனீவா மனித உரிமை பேரவையில் முதல் முறையாக, முன்னாள் விடுதலைப்புலிகள் அமைப்பின் கட்டளை தளபதியும், முன்னாள் பிரதி அமைச்சருமான கருணா என அழைக்கப்படும் விநாயகமூர்த்தி முரளிதரனுக்கு எதிராக யுத்தக் குற்றச்சாட்டு முன்வைக்கப்பட்டுள்ளது.

கடந்த 1990 ஆம் ஆண்டு 600 பொலிஸார் கொலை செய்யப்பட்டமை தொடர்பில் மேற்கோள்காட்டி சிங்கள பத்திரிகை ஒன்று செய்தி வெளியிட்டுள்ளது.

அந்தவகையில், திருக்கோவில் பகுதியில் 600 பொலிஸார் கொலை செய்யப்பட்டமை தொடர்பில் தான் முரளிதரனுக்கு எதிராக, ஜெனீவா மனித உரிமை பேரவையில் சாட்சி வழங்க தயார் என, புலம்பெயர்ந்தவரான கலாநிதி போல் நிவுமன் தெரிவித்துள்ளதாக அந்த பத்திரிகை செய்தியில் தெரிவிக்கப்பட்டுள்ளது.

1990 ஆம் ஆண்டு ஜுன் மாதம் 11 ஆம் திகதி 600 பொலிஸ் அதிகாரிகள் திருக்கோவில் பகுதியில் வைத்து படுகொலை செய்யப்பட்டமை தொடர்பில் தமிழீழ விடுதலைப் புலிகள் மீது குற்றம் சுமத்தப்பட்டிருந்தது.

மேலும் இந்த சம்பவத்தின் போது மாவனெல்ல மற்றும் அம்பாறை பிரதேசங்களைச் சேர்ந்த இரண்டு பொலிஸார் உயிர் தப்பியமையும் குறிப்பிடத்தக்கது.

மிருசுவில் படித்த மகளிர் திட் டம் பகுதியில் உள்ள வீட்டிற்குள் புகுந்த கொள்ளையர்கள் அங்கு ஆழ்ந்த உறக்கத்தில் இருந்தவர்களை கொடூரமான முறையில் தாக்கிவிட்டு அங்கிருந்த நகை, பணம் மற்றும் பெறுமதியான பொருட்களை கொளையடித்து சென்றுள்ளனர்.வாள், கத்தி மற்றும் கூரிய யான பொருட்களை கொள்ளையடித்து சென்றுள்ளனர்.வாள், கத்தி மற்றும் கூரிய ஆயுதங்களுடன் வந்த 5 ற்கும் மேற்பட்ட வர்களினாலே இக் கொள்ளைச் சம்பவம் அரங்கேற்றப்பட்டுள்ளது.

நேற்று அதிகாலை நடந்த இச் சம்பவ த்தில் 5 இலட்சத்திற்கும் அதிகமான உட மைகள் கொள்ளையிடப்பட்டுள்ளதாக கொடி காமம் பொலிஸார் தெரிவித்தனர்.

சம்பவம் தொடர்பில் மேலும் தெரியவரு வதாவது, மிருசுவில் ஆசைப்பிள்ளையேற்றம் படித்த மகளிர் திட்டத்தில் உள்ள வீடொன்று க்குள் நேற்று அதிகாலை ஒரு மணியளவில் வந்த கொள்ளையர்கள் வீட்டின் ஜன்னல் களை கழற்றி வீட்டிற்குள் புகுந்துள்ளனர்.

உட்புகுந்தவர்கள் அங்கு தூங்கிக் கொண்டிருந்த வீட்டு உரிமையாளரை போர் வையால் சுற்றி கட்டி தாக்கியுள்ளனர்.

இதன் பின்னர் அறைக்குள் உறங்கிக் கொண்டிருந்த இரு பெண்களை வாள் மற் றும் கத்தி என்பவற்றை காட்டி அச்சுறுத்தி அவர்கள் அணிந்திருந்த சங்கிலி, காப்பு, மோதிரம், தோடு என்பவற்றை அபகரித்து ள்ளனர்.

தொடர்ந்து வீட்டிற்குள் சல்லடை போட்டு தேடுதல் நடத்திய கொள்ளையர்கள் அங்கி ருந்த பெறுமதியான பொருட்களையும் 30 ஆயிரம் ரூபா பணத்தினையும் கொள்ளை யிட்டுள்ளனர்.

வீட்டிற்குள் சல்லடை போட்டு தேடுதல் நடத்தி கொள்ளையிட்ட அவர்கள் அங்கிரு ந்து தப்பி செல்லும் போது தங்களை பின் தொடர்ந்து செல்லாதவாறு வீட்டில் இருந்த மோட்டார் சைக்கிளின் பிளக்கையும் பிடு ங்கி சென்றுள்ளனர்.

இது தவிர வீட்டிற்குள் இருந்த தொலை பேசிகளையும் அபகரித்து சென்ற கொள்ளை யர்கள் தொலைபேசிகளை அயல் வீட்டு வளாகத்திற்குள் எறிந்து விட்டு தப்பிச் சென்று ள்ளனர்.

இதன் பின்னர் அயலவர்களின் துணை யுடன் கொள்ளையர்களின் தாக்குதலுக்கு இலக்காகி தலையில் காயமடைந்தவர் மீட்கப்பட்டு சாவகச்சேரி ஆதார வைத்திய சாலையில் அனுமதித்துள்ளனர்.

சம்பவ இடத்திற்கு மோப்ப நாயுடன் வந்த கொடிகாமம் பொலிஸார் கைரேகை உள்ளி ட்ட தடயங்களை பதிவு செய்ததுடன், விசா ரணைகளையும் ஆரம்பித்துள்ளனர்

WELCOME TO PANNAGAM.COM & PTV

பண்ணாகம் இணையம்

NEWS -3