WELCOME TO PANNAGAM.COM & PTV

பண்ணாகம் இணையம்

NEWS 7

இந்தியாவில் நடைபெறவுள்ள பயிற்சி நெறிக்குச் செல்லும் குழுவில் உள்ளடக்கப்பட்டிருந்த வடக்கு மாகாண சபை உறுப்பினர் எம்.கே.சிவாஜிலிங்கத்துக்கு வீசா வழங்க இந்திய உயர் ஸ்தானிகர் காரியாலயம் மறுப்பு தெரிவித்துள்ளது.

தமிழ் மாகாண சபை உறுப்பினர்களுக்கான பயிற்சி நெறி ஒன்றை இந்தியாவின் மும்பையில் ஏற்பாடு செய்துள்ளதுடன் அதற்காக இலங்கையில் இருந்து 18 மாகாண சபை உறுப்பினர்கள் தெரிவு செய்யப்பட்டிருந்தனர்.

அதனடிப்படையில் குறித்த குழுவினர் இந்தியா நோக்கி பயணித்துள்ளதுடன் தனக்கு வீசா மறுக்கப்பட்டதன் காரணமாக அந்த சந்தர்ப்பத்தை இழந்ததாக வடக்கு மாகாண சபை உறுப்பினர் எம்.கே.சிவாஜிலிங்கம் தெரிவித்துள்ளார்.

இந்தியாவில் பல்வேறு ஆர்ப்பாட்ட பேரணிகளில் கலந்து கொண்டதன் காரணமாக தனது பெயர் தடுப்புப் பட்டியலில் உள்ளடக்கப்பட்டுள்ளதால் இவ்வாறு வீசா மறுக்கப்பட்டுள்ளதாக அவர் மேலும் தெரிவித்துள்ளார்.

வடக்கு மாகாண முதலமைச்சர் சி.வி.விக்னேஸ்வரன் கூறியுள்ள குற்றச்சாட்டுத் தொடர்பாக விரிவாக ஆராய்ந்து விட்டுப் பொறுமையாகப் பதிலளிப்பேன் என்று தெரிவித்துள்ளார் தமிழ்த் தேசியக் கூட்டமைப்பின் தலைவர் இரா.சம்பந்தன்.

நேற்றுமுன்தினம் யாழ்ப்பாணத்தில் நடந்த தமிழ் மக்கள் பேரவையின் கூட்டத்தில் உரையாற்றிய வடக்கு மாகாண முதலமைச்சர் சி.வி.விக்னேஸ்வரன், 2009ஆம் ஆண்டு ஏற்றுக் கொண்ட தலைமைத்துவம் மற்றும் அணுகுமுறையில் தமிழ்த் தேசியக் கூட்டமைப்பு தோல்வி கண்டு விட்டது என்று கூறியிருந்தார்.

அவரது இந்தக் கருத்து தொடர்பாக ஊடகம் ஒன்று எழுப்பியிருந்த கேள்விக்குப் பதிலளித்துள்ள இரா.சம்பந்தன்,

”விக்னேஸ்வரன் தமது பக்க நியாயங்களைப் பட்டியலிட்டுள்ளார். நாங்கள் எமது பக்க நியாயங்களை முன்வைக்க வேண்டும்.

அதனை அவசரப்பட்டு செய்ய முடியாது, ஆற அமர்ந்து அலசி ஆராய்ந்து, உரிய நேரத்தில் பதில் கொடுப்பேன்.

அதேவேளை, முதலமைச்சர் வேட்பாளராக அவரைக் களமிறக்கியது தொடக்கம், முதலமைச்சராக்கியது வரை – தமிழ்த் தேசியக் கூட்டமைப்பு மாத்திரம் தான், பங்களிப்புச் செய்தது என்பதை அவர் கவனத்தில் கொள்ள வேண்டும்.

வடக்கு மாகாண முதலமைச்சர் என்னை வரும் 7ஆம் நாள் சந்திக்கவுள்ளதாக, ஊடகங்களைப் பார்த்துத் தான் அறிந்து கொண்டேன்.

ஆனால் சந்திப்புக்கான நேரம் இன்னமும் முடிவு செய்யப்படவில்லை. அவர் விரும்பும் நேரத்தில் சந்தித்துக் கொள்வேன்” என்றும் அவர் கூறியிருக்கிறார்.

வடக்கில் அமைக்கப்பட்டுள்ள போர் நினைவுச் சின்னங்களை அகற்றுமாறு சிறிலங்கா அதிபர் மைத்திரிபால சிறிசேனவிடம், வடக்கு மாகாண முதலமைச்சர் சி.வி.விக்னேஸ்வரன் கோரிக்கை விடுத்துள்ளார்.

இது தொடர்பாக வடக்கு மாகாண முதலமைச்சர், கடந்த 17ஆம் நாள், சிறிலங்கா அதிபருக்கு கடிதம் ஒன்றை அனுப்பி வைத்துள்ளார்.

வடக்கில் முக்கியமான இடங்களில் அமைக்கப்பட்டுள்ளபோர் நினைவுச் சின்னங்கள், சிங்கள மேலாதிக்கத்தைக் காட்டுகின்றன.

நல்லிணக்கத்துக்கும், நிலையான அமைதிக்கும் இவை தடையாக இருக்கின்றன.

இந்த நினைவுச் சின்னங்களை பார்க்கின்ற போது தமிழ் மக்கள் கோபமும் முன்பமும் அடைகிறார்கள்.

தமிழ் மக்கள் வாழும் பகுதிகளில் உள்ள இந்த நினைவுச் சின்னங்கள், அவர்களுக்கு உள ரீதியாக தொடர்ந்து பாதிப்புகளை ஏற்படுத்திக் கொண்டிருப்பதால், இந்த நினைவுச் சின்னங்களை அகற்றுவதன் மூலம், நல்லிணக்கத்துக்கான சூழலை ஏற்படுத்த முடியும்.

எனவே, வடக்கில் உள்ள போர் நினைவுச் சின்னங்களை அகற்ற உடனடியாக நடவடிக்கை எடுக்குமாறு இந்தக் கடிதத்தில் முதலமைச்சர் விக்னேஸ்வரன் கோரியிருந்தார்.

எனினும், இந்தக் கடிதத்துக்கு சிறிலங்கா அதிபரிடம் இருந்து இன்னமும் பதில் ஏதும் வரவில்லை என்று முதலமைச்சர் விக்னேஸ்வரன் நேற்று தெரிவித்தார்.

சிறிலங்கா அதிபர் இந்த விடயம் தொடர்பாக என்ன நிலைப்பாட்டில் இருக்கிறார் என்று தெரியாது, ஆனாலும், இந்த விடயங்களைச் சொல்ல வேண்டிய கடமை எமக்கு இருக்கிறது என்றும் அவர் குறிப்பிட்டார்.

ஆனைக்கோட்டை கண்ணகை அம்மன் ஆலய திருவிழாவில் வடக்கு கிழக்கு மாகாணங்களை ஒன்றிணைத்து தமிழீழ வரைபடத்தை ஒத்த அலங்காரத்தில் அம்மன் வலம் வந்திருந்தார். இந்த சம்பவம் தொடர்பில் விசாரணைக்காக ஊடகவியலாளர் உதயராசா சாளின் பயங்கரவாத குற்றத்தடுப்பு விசாரணைப் பிரிவினரால் கொழும்பிற்கு அழைக்கப்பட்டுள்ளார்.

குறித்த ஊடகவியலாளருடன் விசாரணைக்காக இந்து இளைஞர் மன்ற உறுப்பினர்கள், ஆலய நிர்வாக சபை உறுப்பினர்கள் மற்றும் ஆலய பூசகர் ஆகியோரும் விசாரணைக்காக அழைக்கப்பட்டுள்ளனர்.

இந்த சம்பவம் தொடர்பில் காங்கேசன்துறை பொலிஸ் புலனாய்வு பிரிவினர், மானிப்பாய், யாழ்ப்பாண பொலிஸார், மற்றும் கோப்பாய் இராணுவத்தினர் ஆகியோர் பல கட்ட விசாரணைகளை மேற்கொண்டிருந்தனர். இறுதியாக யாழ்ப்பாண பொலிஸாரால் இந்து இளைஞர் மன்றம் மற்றும் நிர்வாக சபையின் தலைவர் ,செயலாளர் ஆகியோரிடம் வாக்குமூலம் பெறப்பட்டுள்ளது. இவ்வாறான சம்பவம் இனிவரும் காலங்களில் நடைபெற கூடாது என்று எச்சரிக்கை செய்யப்பட்டு விசாரணைகளை முடிவுறுத்துவதாக கூறப்பட்டிருந்தது.

எனினும், எதிர்வரும் 16 ஆம் திகதி முதல் விசாரணைக்காக ஆலய உறுப்பினர்கள் அழைக்கப்பட்டுள்ளனர். இறுதியாக 22 ஆம் திகதி ஊடகவியலாளர் விசாரணைக்காக அழைக்கப்பட்டுள்ளார்.

இதேவேளை ,குறித்த வரைபடம் தமிழீழத்தை நோக்கமாக கொண்டு அலங்கரிக்கப்பட்டதல்ல எனவும் இதில் எந்த உள்நோக்கமும் இல்லை என ஆலயத்தை சேர்ந்தவர்கள் கூறியுள்ளனர்.

இந்த நிலையில் மீளவும் பயங்கரவாத குற்றத்தடுப்பு பிரிவினர் விசாரணைக்கு அழைத்துள்ளமை மத வழிபாட்டுக்கு இடையூறு செலுத்தும் நடவடிக்கையாகும் என பிரதேச மக்கள் சுட்டிக்காட்டியுள்ளனர்.

யாழ்ப்பாணத்தில் இடம்பெற்றுவரும் வாள்வெட்டு மற்றும் கொள்ளை சம்பவங்களை கட்டுப்படுத்த விசேட மோட்டார் சைக்கிள் படையணி களமிறங்கப்பட்டுள்ளதாக யாழ்.பொலிஸ் நிலைய உதவிப் பொலிஸ் அத்தியட்சகர் தெரிவித்துள்ளார்.

யாழ்.குடாநாட்டில் அண்மைக்காலமாக இடம்பெற்றுவரும் வாள்வெட்டு மற்றும் கொள்ளைச் சம்பவங்கள் இனந்தெரியாத நபர்களினால் மேற்கொள்ளப்பட்டுவரும் நிலையில், யாழ்ப்பாணம், கோப்பாய், மானிப்பாய், சுன்னாகம் ஆகிய பொலிஸ் பிரிவுகளில் விசேட ரோந்து நடவடிக்கைகளுக்காக, சுமார் 10 மோட்டார் சைக்கிள்கள் அடங்கிய விசேட பொலிஸ் அணியொன்று யாழில் களமிறக்கப்பட்டுள்ளனர்.

இதேவேளை 100 இற்கும் அதிகமான சிவில் பொலிஸ் அதிகாரிகள் களமிறக்கப்பட்டுள்ளதாகவும், ஓரிரு வாரங்களுக்குள் குறித்த குற்றச்செயல்களுடன் சம்பந்தப்பட்டவர்கள் கைது செய்யப்பட்டு சட்ட நடவடிக்கைக்கு உட்படுத்தப்படவுள்ளார்கள் எனவும் அவர் குறிப்பிட்டுள்ளார்.

எனினும் பொலிஸாரின் செயற்பாட்டுக்கு பொதுமக்கள் பூரண ஒத்துழைப்பு வழங்குமாறும், வாள்வெட்டுக் கும்பல்கள் தொடர்பில் தகவல்கள் தெரிந்தவர்கள் பொலிஸாரிற்கு தகவல்களை வழங்குவதன் மூலம் விரைவில் அவர்களை கைதுசெய்து சட்ட நடவடிக்கைக்கு உட்படுத்த முடியும்.

குறிப்பாக நேற்று முன்தினம் கிராம அலுவலர் மீது வாள்வெட்டு தாக்குதல் நடந்தாக சில ஊடகங்களில் செய்திகள் வெளியிடப்பட்டுள்ளதாகவும், எனினும் குறித்த கிராம சேவையாளர் அலுவலகம் இயங்கும் வாடகை வீட்டில் முன்னர் வாள்வெட்டுக்குழுக்களுடன் தொடர்புடைய ஒருவர் வசித்து வந்ததாகவும், அவர் மீது தாக்குதல் நடத்தவே வந்த குழுவினர் கிராம சேவையாளரின் அலுவலகத்தை சேதப்படுத்தியதுடன், அவரையும் அச்சுறுத்தியுள்ளதாக கூறியுள்ளார்.

இந்த சம்பவம் தொடர்பில் உரிய தடயங்கள் கிடைக்கப்பெற்றுள்ளமையால், விரைவில் அவர்களை கைது செய்ய நடவடிக்கை எடுப்போம் என்றும் அவர் மேலும் தெரிவித்தார்.

மரண தண்டனை விதிக்கப்பட்டவர்களில் 247 பேருக்கு ஜனாதிபதி மைத்திரிபால சிறிசேன பொது மன்னிப்பு வழங்கியுள்ளதாக தெரிவிக்கப்படுகின்றது.

நீதி அமைச்சின் 2017ஆம் ஆண்டுக்கான நீதித்துறை செயற்பாடுகள் தொடர்பான அறிக்கையில் குறித்த விடயம் தெரிவிக்கப்பட்டுள்ளது.

2015ஆம் ஆண்டு டிசம்பர் மாதம் 11ஆம் திகதியில் இருந்து 2017ஆம் ஆண்டு பெப்ரவரி மாதம் 4ஆம் திகதி வரையான காலப்பகுதியில் மரணதண்டனை வழங்கப்பட்ட 247 பேருக்கே இவ்வாறு ஜனாதிபதியால் மரண தண்டனையில் இருந்து பொதுமன்னிப்பு வழங்கப்பட்டுள்ளது.

இதற்கேற்ப 34 மரண தண்டனை கைதிகளுக்கு 2015ஆம் ஆண்டு டிசம்பர் மாதம் 11ஆம் திகதியிலும், 83 மரண தண்டனை கைதிகளுக்கு 2016ஆம் ஆண்டு ஏப்ரல் மாதம் 20ஆம் திகதியிலும், 70 மரண தண்டனை கைதிகளுக்கு 2016ஆம் ஆண்டு மே மாதம் 20ஆம் திகதியிலும், மேலும் 60 மரண தண்டனை கைதிகளுக்கு 2017ஆம் ஆண்டு பெப்ரவரி மாதம் 4ஆம் திகதியிலும் ஜனாதிபதியின் பொது மன்னிப்பு வழங்கப்பட்டுள்ளதாக தெரிவிக்கப்படுகின்றது.

இவ்வாறு மரண தண்டனையில் இருந்து ஜனாதிபதியால் மன்னிப்பு வழங்கப்பட்டுள்ள மேற்படி கைதிகளுக்கு அவர்களின் மரண தண்டனையை ஆயுட்கால சிறைத்தண்டனையாக மாற்றுவதற்கு முன்னாள் நீதி அமைச்சரால் ஜனாதிபதிக்கு பரிந்துரை செய்யப்பட்டிருந்ததாக குறிப்பிடப்பட்டுள்ளது.

இதற்கேற்பவே பரிந்துரை செய்யப்பட்ட அனைவரினதும் மரண தண்டனையில் இருந்து ஜனாதிபதி மன்னிப்பை வழங்கியுள்ளதாகவும் இதனைத் தொடர்ந்து அவர்களின் மரண தண்டனையை ஆயுட்கால சிறைத்தண்டனையாக மாற்றுவதற்காக நீதிமன்ற நடவடிக்கைகளை ஆரம்பித்துள்ளதாகவும் நீதி அமைச்சு அறிவித்துள்ளது.

மேலும், ஆயுள் சிறைத்தண்டனை விதிக்கப்பட்டுள்ள கைதிகளுக்கு அவர்களின் தண்டனை காலத்தை குறைப்பதற்காக சம்பந்தப்பட்ட கைதிகளுக்கு நேர்முக விசாரணை நடவடிக்கைகளையும் நீதி அமைச்சு ஆரம்பித்துள்ளதுடன் அவர்களிலும் தேர்ந்தெடுக்கப்பட்ட கைதிகளுக்கு அவர்களின் ஆயுட் சிறைத்தண்டனை விரைவில் குறைக்கப்படவுள்ளதாகவும் நீதி அமைச்சரின் அறிக்கையில் தொடர்ந்தும் குறிப்பிடப்பட்டுள்ளது.



போதைப்பொருள் தொடர்பான குற்றங்களுக்காக தூக்குத் தண்டனையை எதிர்நோக்கியிருப்பவர்களில் ஏழு பேர் தமிழர்கள் என தெரிவிக்கப்படுகின்றது.

சிறைச்சாலைகள் திணைக்களத்தினால் நீதி அமைச்சுக்கு அனுப்பி வைக்கப்பட்டுள்ள பெயர் பட்டியலில் குறித்த தகவல்கள் உள்ளடக்கப்பட்டுள்ளன.

குறித்த பெயர் பட்டியலின் அடிப்படையில்,

2003ஆம் ஆண்டு மரண தண்டனை தீர்ப்பு வழங்கப்பட்டுள்ள ஸ்ரீ தர்மாகரன்.

2007ஆம் ஆண்டு தீர்ப்பு வழங்கப்பட்டுள்ள வேலாயுதன் முரளிதரன்.

2009ஆம் ஆண்டு தீர்ப்பு வழங்கப்பட்டுள்ள சிவனேசன் ராஜா.

2012ஆம் ஆண்டு மரண தண்டனை தீர்ப்பு வழங்கப்பட்டுள்ள எஸ். புண்ணியமூர்த்தி, எஸ்.கணேசன்.

2013ஆம் ஆண்டு தீர்ப்பு வழங்கப்பட்டுள்ள டபிள்யு. விநாயக மூர்த்தி மற்றும் எஸ்.ஏ. சுரேஸ் குமார்.

ஆகிய 7 தமிழ் கைதிகளின் பெயர்களே இவ்வாறு மரண தண்டனை அமுல்படுத்தப்படவுள்ள கைதிகளின் பட்டியலில் உள்ளடக்கப்பட்டுள்ளமை குறிப்பிடத்தக்கது. இது குறித்து எந்த தமிழ் அமைப்புகளும் எதிர்ப்புத்தெரிவிக்கவில்லை  இவர்களின் தண்டனையால் மற்வர்களின் போதைப்பொருள் சம்பந்தமான நடவடிக்கைகள் குறையலாம்.

டென்னிஸ் பந்து ஒன்றிற்குள் ஹெரோயின் 3.15 கிராமை வைத்து வெலிகடை சிறைச்சாலைக்குள் உள்ள கைதி ஒருவருக்கு வீசிய குற்றத்திற்காக பெண்ணொருவருக்கு கொழும்பு மேல் நீதிமன்றத்தின் நீதிபதி ஷம்பா ஜானகி ராஜரத்ன ஆயுள் தண்டனை வழங்கி தீர்பளித்துள்ளார்.

பொரள்ள, சீவலி மாவத்தையை சேர்ந்த ஹிருனி அல்விஸ் எனும் 33 வயதுடைய திருமணமான பெண்ணிற்கே இந்த தண்டனை வழங்கப்பட்டுள்ளது.

2011 ஆம் ஆண்டு ஜனவரி 20 ஆம் திகதி சிறைச்சாலைக்குள் உள்ள கைதி ஒருவருக்கு டென்னிஸ் பந்திற்குள் ஹெரோயின் 3.15 கிராமை வைத்து வீசியதற்காக சட்டமா அதிபரினால் குறித்த பெண் மீது கொழும்பு மேல் நீதிமன்றத்தில் வழக்கு தொடரப்பட்டிருந்தது.

நீண்ட விசாரணைகளின் பின்னர் குறித்த பெண் எவ்வித சந்தேகமும் இன்றி குற்றவாளி என நிரூபிக்கப்பட்டதாக கொழும்பு மேல் நீதிமன்றத்தின் நீதிபதி ஷம்பா ஜானகி ராஜரத்ன தெரிவித்துள்ளார்.

அதனடிப்படையில் குற்றவாளியான குறித்த பெண்ணிற்கு ஆயுள் தண்டனை வழங்கப்படுவதாகவும் அவர் மேலும் தெரிவித்துள்ளார்.



குறிப்பு: - நீதிமன்ற செய்திகளுக்கு உங்கள் தனிப்பட்ட கருத்துக்களை பதிவு செய்வதை அத தெரண ஆசிரியர் குழாம் தடைசெய்துள்ளது.

இராஜாங்க அமைச்சர் விஜயகலா உட்பட வடமாகாண முதலமைச்சர் சி.வி.விக்னேஸ்வரன், மாகாண சபை உறுப்பினர் சிவாஜிலிங்கம் ஆகியோருக்கு புனர்வாழ்வு அளிக்கப்பட வேண்டும் என பிரதியமைச்சர் ரஞ்ஜன் ராமநாயக்க அரசாங்கத்திடம் கோரிக்கை விடுத்துள்ளார்.

வடக்கில் இடம்பெறுகின்ற குற்றச்செயல்களைக் கட்டுப்படுத்த தமிழீழ விடுதலைப் புலிகளின் தலைவர் வேண்டும் என்று இராஜாங்க அமைச்சர் விஜயகலா மகேஸ்வரன் மனத்தாக்கத்தில் கூறியிருந்தாலும் அதனை வன்மையாக கண்டிப்பதாகவும் ஐக்கிய தேசியக் கட்சியின் பிரதியமைச்சர் ரஞ்ஜன் ராமநாயக்க மேலும் தெரிவித்துள்ளார்.

தமிழீழ விடுதலைப் புலிகள் மீண்டும் உருவெடுக்க வேண்டும் என்று இராஜாங்க அமைச்சர் விஜயகலா மகேஸ்வரன் யாழ்ப்பாணத்தில் வைத்து பொது மேடையில் கூறிய விடயம் தென்னிலங்கை அரசியற் களத்தில் பெரும் எதிர்ப்பலையை ஏற்படுத்தியுள்ளது.

ஐக்கிய தேசியக் கட்சி, சுதந்திரக் கட்சி உட்பட பல கடும்போக்குவாத சிங்கள அமைப்புக்களும் இவரது இந்தக் கருத்தை வன்மையாக கண்டித்து வருகின்றன.

இந்த நிலையில் கொழும்பில் நேற்று நடைபெற்ற ஊடகவியலாளர் சந்திப்பில் கலந்துகொண்ட சமூக நலன்புரி பிரதியமைச்சரான ரஞ்ஜன் ராமநாயக்க, இராஜாங்க அமைச்சர் விஜயகலா மகேஸ்வரனுடன் ஊடக சந்திப்பினிடையே தொலைபேசி ஊடாக தொடர்புகொண்டு விசாரித்தார்.

உரையாடலின் பின்னர் ரஞ்சன் ராமநாயக்க கருத்துரைக்கையில்.,

‘விஜயகலாவின் பொறுப்பற்ற கருத்து பரிமாற்றமானது அவர் சுயநினைவின்றி இருந்ததை உணர முடிகிறது. இவ்வாறான விடயத்தை பதற்றத்தில் கூறினாலும் அது பிழையான விடயமாகும். 30 வருட யுத்தத்தின் போது பல்வேறுபட்ட இன்னல்களுக்கு முகங்கொடுத்திருந்த நிலையில் தற்போது சுதந்திரமடைந்துள்ளோம்.

இந்த நிலையில் மீண்டும் அவ்வாறானதொரு சூழலை ஏற்படுத்த முயற்சிப்பது தவறாகும். எனினும் அவர் இப்படியொரு விடயத்தை தெரிவிப்பது இதுவல்ல முதல் தடவை. இப்படியான கருத்துக்களை சிவாஜிலிங்கம், விக்னேஸ்வரன் போன்றோரும் கூறி வருகின்றனர்.

ஆனால் விஜயகலா போன்றோர் யாழில் ஒன்று சொல்கிறார்கள். கொழும்பில் ஆடம்பர வாழ்க்கையை வாழ்ந்து கொண்டு வேறொன்றை சொல்கிறார்கள். அத்துடன், சிலர் தமிழீழ விடுதலை புலிகளின் தலைவரை ஐயா என அழைக்கிறார்கள். ஆனால் நான் ஆயுதமேந்திய போராளிகளை ஒருபோதும் ஐயா என அழைக்கமாட்டேன். மகாத்மா காந்தி, ஆப்ரகாம் லிங்கன் போன்றோரையே நான் ஐயா என அழைப்பேன்.

இன்று எவரும் இன்னுமொரு யுத்தத்தை எதிர்பார்க்கவில்லை. இந்த நிலையில் தமிழீழ விடுதலைப் புலிகள் மீண்டும் உருவெடுக்க வேண்டும் என்ற இராஜாங்க அமைச்சர் விஜயகலா மகேஸ்வரனின் கருத்தை நான் கடுமையாக கண்டிக்கின்றேன்.

அதுமட்டுமல்லாமல் இவ்வாறான சிந்தனையிலிருக்கும் வடமாகாண முதலமைச்சர் விக்னேஸ்வரன், மாகாண சபை உறுப்பினர் எம்.கே.சிவாஜிலிங்கம் உள்ளிட்டவர்களை புனர்வாழ்வு முகாமுக்கு அனுப்பிவைத்து புனர்வாழ்வுக்கு உட்படுத்துமாறு நல்லாட்சி அரசாங்கத்திடம் கேட்டுக்கொள்கின்றேன்” என அவர் மேலும் தெரிவித்தார்

நெஞ்சில் நிறைந்த நினைவுகளுடன் 


உங்களிடம்  1 நிமிடம்.........


உங்கள் பண்ணாகம் இணையம் 11வது ஆண்டில் 1.3.2017 இல் காலடி வைக்கும் இவ்வேளையில் நாம் கடந்துவந்த பாதையில் சந்தித்த நல் உள்ளங்கள் அனைவருக்கும்  எமது மனமார்ந்த நன்றிகளைத் தெரிவித்துக் கொள்கின்றோம். 

பண்ணாகம் இணையம் முற்றுமுழுதாக ஒரு சேவையாகவே நடாத்தப்படுகிறது இச்சேவையில் எம்மோடு பலர் 2006ம் ஆண்டு முதல் தம்மாலான சேவைகளை செய்துவருகிறார்கள் .   பண்ணாகம் இணையத்தில் இதுவரை எழுதிய எழுதிவரும் இணைய ஆசிரியர்கள், எழுத்தாளர்கள், கவிஞர்கள், ஆய்வாளர்கள், கதாசிரியர்கள், ராசிபலன்சோதிடர் (இந்தியா) ,செய்தியாளர்கள், ஒப்புநோக்காளர்கள், தொடர்கதை ஆசிரியர்கள் ,ஆலோசகர்கள்  மற்றும் பண்ணாகம் இணையம் 11வருடங்களாக சோர்வின்றி திறம்பட இயங்குவதற்கு இலவச சேவைகள் வழங்கியவர்கள் வழங்கிக் கொண்டிருக்கும் மூலகாரணியான இயக்குனர்கள் தொழில்நுட்பவியலாளர்கள் இணைய வரைகலையாளர்கள் தகவல் தொடர்பாளர்கள் என்போரையும்  சிறப்பாக கௌரவிக்கப்பட உள்ளார்கள். இவர்களை பண்ணாகம் இணையம் மறவாது பதிவிட்டு வருகிறது. 

அதேபோன்று முகநுாலில்  வாழ்த்துகின்றவர்கள் பதிவும் இடம்பெறும். பண்ணாகம் இணையம்  தனது  இலவச திருமண சேவை மூலம்  இதுவரை 16 திருமணங்களை திறம்பட நிறைவு செய்து பெரும் பாராட்டுகளைப் பெற்றுள்ளது. 

நன்றி

அன்புடன் உங்கள்

பண்ணாகம் திரு.இக.கிருட்ணமூர்த்தி

பிரதம ஆசிரியர்  பண்ணாகம் இணையம்


11 வது நிறைவு வாழ்த்துக்களை இதை அழுத்தி பார்வையிடலாம்


HAPPY  BIRTHDAY  TO PANNGAM