WELCOME TO PANNAGAM.COM & PTV

பண்ணாகம் இணையம்

NEWS -8

இலங்கையில் அடுத்த மாதம் மீண்டும் பாரியதொரு மக்கள் புரட்சி வெடிக்கும் என முன்னாள் நாடாளுமன்ற உறுப்பினரும் ஐக்கிய மக்கள் சக்தியின் மகளிர் பிரிவு தலைவியுமான ஹிருணிகா பிரேமச்சந்திர எச்சரிக்கை விடுத்துள்ளார்.

சிறிலங்கா அதிபர் ரணில் விக்ரமசிங்க மக்கள் ஒன்றுகூடலை தவிர்ப்பதற்காக பல வர்த்தமானி அறிவித்தல்களை வெளியிட்டிருந்தார் எனவும் அடுத்த மாதம் ஏற்படவுள்ள மக்கள் எழுச்சியை எந்தவொரு வர்த்தமானி அறிவித்தலாலும் கட்டுப்படுத்த முடியாதெனவும் ஹிருணிகா பிரேமச்சந்திர சுட்டிக்காட்டியுள்ளார்.

செய்தியாளர் சந்திப்பொன்றில் அவர் இந்த எச்சரிக்கையை விடுத்துள்ளார். அவர் மேலும் தெரிவித்துள்ளதாவது,

“அரசியலமைப்பில் ஒரு மாற்றத்தை எதிர்பார்த்து கடந்த காலங்களில் மக்கள் போராட்டம் முன்னெடுக்கப்பட்டது. நடுத்தர குடும்பங்களின் முன்னெடுக்கப்பட்ட போராட்டத்தை விட எதிர்காலத்தில் ஏழை மக்களால் முன்னெடுக்கப்படும் போராட்டம் மிக மோசமானதாக அமையும்.

இலங்கை வாழ் ஏழை மக்கள் எதிர்வரும் நாட்களில் எதிர்நோக்கப் போகும் வறுமை மற்றும் பட்டினி நிலைமை காரணமாக போராட்டம் முன்னெடுக்கப்படும் என்பதோடு ஒரு தீர்வை பெற்றுக் கொள்ளாது அவர்கள் அமைதியடைய மாட்டார்கள்.

அதிகரிக்கும் பசி, பட்டினி காரணமாக இலங்கையில் திருட்டுச் சம்பவங்கள் அதிகரிக்க வாய்ப்புள்ளது.

அதிபர் ரணில் தலைமையிலான அரசாங்கம் மக்கள் பிரச்சினைகளுக்கு தீர்வளிக்காது போராட்டக்காரர்கள் மதுபோதை பொருட்களுக்கு அடிமையானவர்கள் எனக் கூறி அவர்களை புனர்வாழ்வு மையங்களுக்கு அனுப்ப திட்டமிடுகிறது. இது நாட்டின் ஜனநாயகத்துக்கு எதிரான செயல்.

இலங்கையின் பொருளாதார நிலை

மக்கள் எதிர்ப்புக்கு மத்தியிலும் ராஜபக்ச குடும்பத்தினர் உள்ளிட்ட சிறிலங்கா பொதுஜன பெரமுன உறுப்பினர்கள் மீண்டும் நாட்டில் சுதந்திரமாக நடமாடக்கூடிய சூழலை தற்போது உருவாக்கி கொடுத்திருப்பது அதிபர் ரணில் விக்ரமசிங்க என்பதை அனைவரும் நினைவில் கொள்ள வேண்டும்.

இலங்கையில் தற்போது நடைமுறைப்படுத்தப்பட்டிருக்கும் அரசியல் முறைகள் எதிர்காலத்தில் முழுமையாக மாறும். இலங்கையின் பொருளாதார நிலை மீண்டும் கட்டியெழுப்பட்டிருப்பதாகவும் நாடு முன்னேற்றமடைந்திருப்பதாகவும் அண்மையில் அதிபர் ரணில் விக்ரமசிங்க முன்வைத்த கருத்தை நான் நிராகரிக்கிறேன்.

எரிபொருள், எரிவாயு, உணவுப் பொருட்கள் உள்ளிட்ட அனைத்தின் விலைகளும் தற்போது பாரியளவில் அதிகரித்திருக்கிறது. இது நாடு முன்னேற்றமடையும் விதம் அல்ல” என்றார்.

காலி முகத்திடல் போராட்டக்கார்களின் நிலைப்பாடு

இதேவேளை, இலங்கையில் அடுத்த மாதம் மீண்டும் மக்கள் போராட்டம் வெடிக்கும் என ஹிருணிகா பிரேமசந்திர எச்சரிக்கை விடுத்த நிலையில், காலி முகத்திடல் போராட்டக்கார்களும் இதனை உறுதிப்படுத்தியுள்ளனர்.

கொழும்பில் இன்று இடம்பெற்ற ஊடகவியலாளர் சந்திப்பில் சிறிலங்கா அரசாங்கத்தின் செயற்பாடுகளினால் மக்கள் மீண்டும் அதிருப்தி அடைந்து வருவதாகவும் அவர்கள் கூறியுள்ளனர்.



குருந்தூர் மலையிலே தண்ணிமுறிப்பு பகுதியிலே 632 ஏக்கர் நிலங்களை தொல்லியல் திணைக்களம் எந்தவித சட்டபூர்வமான ஏற்பாடுகளும் இன்றி அபகரிப்பதற்கு எதிரான போராட்டத்திற்கு பொத்துவில் தொடக்கம் பொலிகண்டி வரை மக்கள் பேரெழுச்சி இயக்கம் தனது ஆதரவை தெரிவித்துள்ளது.

இன்றையதினம் 21 ஆம் திகதி புதன்கிழமை காலை 9 மணியிலிருந்து ஆரம்பிக்கின்ற தொடர் போராட்டத்திற்கு முழுமையான ஆதரவை தந்துதவுமாறும் அழைப்பு விடுத்துள்ளது.

குருந்தூர் மலையிலே தண்ணிமுறிப்பு பகுதியிலே 632 ஏக்கர் நிலங்களை தொல்லியல் திணைக்களம் எந்தவித சட்டபூர்வமான ஏற்பாடுகளும் இன்றி அபகரித்து தமிழர் தாயகத்தை கூறு போடுகின்ற செயற்பாட்டுக்கு எதிராக கிராம மக்கள், கிராம பொது அமைப்புக்கள் இன்றையதினம் 21 ஆம் திகதி புதன்கிழமை காலை 9 மணியிலிருந்து ஆரம்பிக்கின்ற தொடர் போராட்டத்திற்கு பொத்துவில் தொடக்கம் பொலிகண்டி வரை மக்கள் பேரெழுச்சி இயக்கம் தன்னுடைய முழுமையான ஆதரவை தெரிவித்து நிற்கின்றது.

காலங்காலமாக மரபு வழியாக நாங்கள் வாழ்ந்து வந்திருக்கக்கூடிய எங்களுடைய தாயகம், வடக்கு-கிழக்கு இணைந்த எங்களுடைய தாயகத்தை கூறு போடுகின்ற முயற்சியாக வடக்கு கிழக்கின் எல்லைப் பகுதியாக இருக்கக்கூடிய முல்லைத்தீவு குருந்தூர் மலை, குமிழமுனை தண்ணிமுறிப்பு பிரதேசம்.

அங்கு இருக்கும் ஆதிசிவன் ஐயனார் ஆலயத்தை முற்றுமாக அகற்றி, பௌத்த விகாரையை நீதிமன்ற தடை உத்தரவையும் மீறி பணியை நிறைவு செய்யக்கூடிய நிலையில், தொல்லியல் திணைக்களம் இரவோடிரவாக கடந்த 11ஆம் திகதி ஞாயிற்றுக்கிழமை அதிகாலை பிரதேச செயலகம், மாவட்ட செயலகம், விவசாயத் திணைக்களம் போன்ற எந்த ஒரு திணைக்களங்களின் அனுமதியும் இல்லாமல் களவாக தொல்லியல் திணைக்களம் 632 ஏக்கர் நிலத்தை எடுத்திருக்கின்றது. தொல்லியல் திணைக்களம் என்ற போர்வையிலே தமிழர்களுடைய பூர்வீக நிலங்கள் அபகரிப்பு செய்யப்படுவதை நாங்கள் ஒரு போதும் ஏற்றுக்கொள்ள முடியாது.

நில உரிமை, மத வழிபாட்டு சுதந்திரம் என்பன முற்றாக மறுக்கப்பட்டு இருக்கக்கூடிய இந்த நிலையில் நீண்ட காலமாக குருந்தூர்மலை விவகாரம் மதவழிபாட்டு சுதந்திரத்தை பாதிக்கக்கூடிய விதத்திலே ஈடுபட்டு வருவதும், நீதிமன்றம் தடை உத்தரவு வழங்கி இருக்கக்கூடிய நிலையிலே மீண்டும் மீண்டும் அவற்றை மீறி அந்த அநீதியை இழைக்கின்ற இந்த செயற்பாட்டை தமிழர்களாகிய நாங்கள் ஒருபோதும் ஏற்றுக்கொள்ள முடியாது.

எங்களுடைய தாயக விடுதலைக்காக எத்தனையோ இன்னுயிர்கள் தியாகம் செய்யப்பட்டிருக்கின்றன. எத்தனையோ அர்ப்பணிப்புக்கள் எல்லாம் இந்த மண்ணிலே நடைபெற்று கொண்டிருக்கின்ற சூழ்நிலையிலே எங்களது தாயகத்தை கூறு போடுகின்ற, வடக்கு-கிழக்கை பிரிக்கின்ற, நிலத்தொடர்பை இல்லாமல் செய்கின்ற, இனப்பரம்பலை மாற்றுகின்ற எந்த ஒரு செயற்பாட்டிற்கும் ஒவ்வொரு ஈழத் தமிழனும் அனுமதிக்க முடியாது.

இதனை முற்று முழுதாக நாங்கள் அனைவரும் ஒன்றிணைந்து எதிர்க்க வேண்டும். அதற்காக கட்சி பேதமின்றி, அமைப்புகள் பேதமின்றி, மத பேதமின்றி அனைவரும் தமிழர்களாக இன்றைய தினம் காலை 9 மணிக்கு இந்த போராட்டத்திற்கு வலுச்சேர்க்குமாறு அனைத்து உறவுகளையும் பொத்துவில் தொடக்கம் பொலிகண்டி வரை மக்கள் பேரெழுச்சி இயக்கம் அன்புடன் அழைத்து நிற்கின்றது. நாங்கள் அனைவரும் தமிழர்களாக இங்கே ஒன்று திரளுவோம்.

எங்களுடைய நிலத்தை நாங்களே ஆளக்கூடிய உரிமையை வெல்வதற்கு எங்களுடைய நிலங்களை பாதுகாக்க வேண்டும். அதற்காக நாங்கள் அனைவரும் ஒன்று திரளுவோம் என இந்த சந்தர்ப்பத்திலே அனைவரையும் அன்புடன் அழைத்து நிற்கின்றோம். அதுமட்டுமன்றி சர்வதேசம் இந்த விடயத்தில் தலையிட்டு அழுத்தத்தைப் பிரயோகித்து, இவ்வாறான நில ஆக்கிரமிப்பு செயற்பாடுகளை உடனடியாக நிறுத்த வேண்டும்.

தமிழர் தாயகத்திலே நீதி நிலைநாட்டப்பட வேண்டும் என்பதற்கு சர்வதேசமும் அனைத்து சர்வதேச அமைப்புக்களும், நாடுகளும் அழுத்தத்தை சிறிலங்கா சிங்கள பௌத்த பேரினவாத அரசுக்கு கொடுத்து உடனடியாக நிறுத்த வேண்டும். சிங்களபௌத்த பேரினவாதத்தை நாங்கள் முற்றுமுழுதாக எதிர்த்து கடந்த 75 வருடங்களாக போராடிக் கொண்டிருக்கின்ற இந்த சூழ்நிலையிலே, எங்களுடைய மக்கள் விழிப்படைய வேண்டும்.

எங்களுடைய மக்கள் உண்மையை உணர்ந்து அனைவரும் ஒற்றுமையாக இதற்கு எதிரான எதிர்ப்பை வெளிப்படுத்த வேண்டும். அப்பொழுதுதான் எங்களுடைய இனத்தினுடைய விடுதலையும், எங்களுடைய தாயகத்திலேயே நாங்கள் சுயநிர்ணய உரிமையோடு வாழக்கூடிய சுதந்திர தேசம் மலருகின்ற நிலையும் ஏற்படும்.

ஆகவே இன்றைய தினம் குருந்தூர் மலை தண்ணீர் முறிப்பு பகுதியில் நடைபெற இருக்கின்ற தொடர் போராட்டத்திற்கு அனைத்து உறவுகளும் முழுமையான ஆதரவை தெரிவித்து இங்கு வருகை தந்து போராட்டத்தில் பங்கெடுத்து எங்களுடைய உரிமையை நிலைநாட்ட வேண்டும் என்று அனைவரையும் நாங்கள் அன்புரிமையோடு பொத்துவில் தொடக்கம் பொலிகண்டி வரை மக்கள் பேரெழுச்சி இயக்கம் வேண்டி நிற்கின்றது. 


திருகோணமலை – தம்பலகாமம் பொலிஸ் பிரிவுக்குட்பட்ட நாயன்மார் திடல் பகுதியில் தந்தை ஓட்டிச் சென்ற வேன் ஒன்றுடன் மோதியதில் இரண்டு வயது சிறுமி உயிரிழந்துள்ளதாக பொலிஸார் தெரிவித்தனர்.


திருகோணமலை – தம்பலகாமம் பகுதியைச் சேர்ந்த ரஜிந்தன் நட்சத்திரா (வயது 02) என்ற குழந்தையே இவ்வாறு உயிரிழந்துள்ளதாக தெரியவந்துள்ளது.

தந்தை வானத்தை பின்னால் இழுத்த போது சிறுமி வழுக்கி வானத்தில் விழுந்துள்ளதாக முதற்கட்ட விசாரணையில் தெரியவந்துள்ளது.

உயிரிழந்த சிறுமியின் சடலம் தற்போது திருகோணமலை பொது வைத்தியசாலையின் பிரேத அறையில் வைக்கப்பட்டுள்ளது.

சம்பவம் தொடர்பான மேலதிக விசாரணைகளை தம்பலகாமம் பொலிஸார் மேற்கொண்டு வருகின்றனர்.


சிறிலங்காவின் முன்னாள் அதிபர் கோட்டாபய ராஜபக்சவுக்கு எந்த சலுகைகளும் வழங்க முடியாது என முன்னாள் பிரதம நீதியரசர் தெரிவித்ததாக தகவல் வெளியாகியுள்ளது.

அதாவது, கோட்டாபய ராஜபக்ச தனது பதவிக் காலம் முடிந்து ஓய்வு பெற்ற அதிபர் அல்ல, அவர் சேவையிலிருந்து விலகிய அதிபர் என முன்னாள் பிரதம நீதியரசர் சரத் என். சில்வா சுட்டிக்காட்டியுள்ளார்.

அரசியலமைப்பில் இடம் இல்லை

ஆகவே அரசியலமைப்பு ரீதியாக முன்னாள் அதிபர்களுக்கு வழங்கப்பட்டுள்ள சலுகைகள் எதுவும் கோட்டாபய ராஜபக்சவுக்கு இல்லை எனவும் அவர் தெரிவித்துள்ளார்.

இதன்படி, முன்னாள் அதிபர்களுக்கு அரசியலமைப்புச் சட்டத்தில் வழங்கப்பட்டுள்ள உத்தியோகபூர்வ இல்லங்கள் உள்ளிட்ட எந்தவொரு சிறப்புரிமையும் கோட்டாபய ராஜபக்சவுக்கு இல்லை என சரத் என். சில்வா குறிப்பிட்டுள்ளார்.

கோட்டாபயவுக்கு வழங்கப்பட்ட தகவல்

ரணில் விக்ரமசிங்கவிற்கும் கோட்டாபயவுக்கும் இடையில் இடம்பெற்ற தொலைபேசி உரையாடலின் போது இது தொடர்பில் கோட்டாபயவுக்கு அறிவித்துள்ளதாகவும் தெரியவந்துள்ளது.

ஆகவே இவ்வாறு சேவையில் இருந்து விலகிய அதிபர் ஒருவருக்கு அரசியலமைப்புச் சட்டம் வழங்கியுள்ள சலுகைகள் எதுவும் கிடையாது என முன்னாள் பிரதம நீதியரசர் கருத்து தெரிவித்துள்ளமையும் குறிப்பிடத்தக்கது.



ரணில் விக்ரமசிங்கவை அதிபர் பதவிக்கு தெரிவு செய்தது தமது கட்சி என்பதால், அவர் தமது கட்சிக்கு தேவையான வகையில் செயற்பட வேண்டும் என பொதுஜன பெரமுனவின் நாடாளுமன்ற உறுப்பினர் சனத் நிஷாந்த தெரிவித்துள்ளார்.

மேலும் நாங்கள் தெரிவு செய்த அதிபர் எமக்கு தேவையான வகையில் நடந்துகொள்ள வேண்டும். அதில் இருக்கும் தவறு என்ன? எனவும் கேள்வியெழுப்பியுள்ளார்.

சிங்கள தொலைக்காட்சி ஒன்றில் ஒளிப்பரப்பான அரசியல் விவாத நிகழ்ச்சியில் கலந்துகொண்டு கருத்து வெளியிடும் போதே அவர் இவ்வாறு தெரிவித்துள்ளார்.

இது தொடர்பில் தொடர்ந்தும் கருத்துத் தெரிவித்த அவர், 

“ஐக்கிய மக்கள் சக்தியினர் டலஸ் அழகப்பெருமை அதிபராக தெரிவு செய்ய முயற்சித்தனர். ஆனால் அது முடியாமல் போயுள்ளது.

முன்னாள் அதிபர் கோட்டாபய ராஜபக்ச நாளைய தினம் சிங்கப்பூரிலிருந்து தாய்லாந்து செல்லவுள்ளதாக சர்வதேச ஊடகம் செய்தி வெளியிட்டுள்ளது.

கடந்த ஜூலை 9 ஆம் திகதி வெடித்த மக்கள் புரட்சியை தொடர்ந்து இலங்கையில் இருந்து வெளியேறிய கோட்டாபய ராஜபக்ச மாலைதீவு வழியாக சிங்கப்பூருக்கு சென்றிருந்தார்.

இந்நிலையில் அவர் தற்பொழுது சிங்கப்பூரில் இருந்து தாய்லாந்து செல்லவுள்ளதாக தகவல்கள் கிடைக்கப்பெற்றுள்ளன.

தஞ்சமடைய நாடு இல்லாமல் தவிக்கும் கோட்டாபய

இலங்கையில் ஏற்பட்ட மோசமான பொருளாதார நெருக்கடி காரணமாக கோட்டாபய ராஜபக்ச குடும்பத்தினருக்கு எதிராக கடும் போராட்டங்கள் வெடித்துடன் கடந்த ஜூலை 9 ஆம் திகதி போராட்டகாரர்கள் அதிபர் மாளிகையை முற்றுகையிட்டனர். இதனையடுத்து இரண்டு நாட்களில் கோட்டாபய ராஜபக்ச மாலைதீவு சென்றதுடன் அங்கிருந்து ஜூலை 14 ஆம் திகதி சிங்கப்பூர் சென்றார்.

கோட்டாபய ராஜபக்ச சிங்கப்பூரில் இருந்து தனது பதவி விலகல் கடிதத்தை அனுப்பி வைத்தார். ஆட்சிக்காலத்தின் பாதியில் பதவியில் இருந்து விலகிய முதல் இலங்கை அதிபர் என்ற வரலாற்றையும் கோட்டாபய உருவாக்கியிருந்தமை குறிப்பிடத்தக்கது.

இந்த நிலையில், சிங்கப்பூரில் இருந்து நாளைய தினம் தாய்லாந்தின் பேங்கொக் நகருக்கு செல்ல எண்ணியுள்ளதாக தகவல்கள் கூறுகின்றன. கோட்டாபய ராஜபக்ச தாய்லாந்து செல்ல உள்ளமை தொடர்பில் இலங்கை வெளிவிவகார அமைச்சு உடனடியாக தகவல் எதனையும் வெளியிடவில்லை.

அதேவேளை இது குறித்து சர்வதேச செய்தி நிறுவனம் ஒன்று தாய்லாந்து அரசாங்கத்தின் பேச்சாளர் ரட்சேடா தன்னடிரிக்கிடம் (Ratchada Thanadirek) கேட்டுள்ளதுடன் அவர் அதற்கு பதிலளிக்க மறுத்துள்ளார்.

கோட்டாபய நாடு திரும்புவதற்கான காலம் இதுவல்ல - ரணில் 

தற்போதைய சூழ்நிலையில், கோட்டாபய ராஜபக்ச இலங்கைக்கு வருவதை தவிர்க்க வேண்டும் என இலங்கையின் தற்போதைய அதிபரான ரணில் விக்ரமசிங்க என கூறியிருந்தார்.

கடந்த ஜூலை 31 ஆம் திகதி வோல்ட் ஸ்ட்ரீட் ஊடகத்திற்கு போட்டியளித்த ரணில் விக்ரமசிங்க, “கோட்டாபய ராஜபக்ச நாடு திரும்புவதற்கான காலம் இது என நான் நம்பவில்லை” எனக் கூறியிருந்தமை சுட்டிக்காட்டத்தக்கது.


கொழும்பு மாநகரசபைக்கு முன்பாக தற்போது ஆர்ப்பாட்ட பேரணியொன்று ஆரம்பிக்கப்பட்டுள்ளது.

அரசாங்கத்தின் அடக்குமுறைக்கு எதிராகவும், நாடாளுமன்றம் கலைக்கப்பட வேண்டும் என வலியுறுத்தியும் இந்த ஆர்ப்பாட்ட பேரணி ஆரம்பிக்கப்பட்டுள்ளது.

இந்த ஆர்ப்பாட்ட பேரணியில் மதகுருமார்கள், தொழிற்சங்கத்தினர் உள்ளிட்ட பெருந்திரளானோர் கலந்துகொண்டுள்ளனர்.

முதலாம் இணைப்பு

காலிமுகத்திடல் ஆர்ப்பாட்டகளத்தின் 123ஆவது நாளான இன்றும் மக்கள் தன்னெழுச்சி ஆர்ப்பாட்டம் முன்னெடுக்கப்பட்டு வருகிறது.

கோட்டா கோ கம பகுதியில் பெருமளவான தற்காலிக கூடாரங்கள் அகற்றப்பட்டிருந்தாலும், ஒரு சில கூடாரங்கள் தற்போது வரை அகற்றப்படாமலேயே இருக்கின்றன.

இந்த நிலையில் காலிமுகத்திடல் போராட்டக்களத்தின் போராட்ட மேடைப் பகுதியில் ஆர்ப்பாட்டமொன்று முன்னெடுக்கப்பட்டு வருகிறது.

காலிமுகத்திடல் போராட்டக்களத்தின் முன்னணி செயற்பாட்டாளர்களின் கைது நடவடிக்கையையும், அரசாங்கத்தின் அடக்குமுறையையும் குறித்த ஆர்ப்பாட்டக்காரர்கள் கண்டித்துள்ளனர்.

இதேவேளை இன்றைய தினம் கொழும்பில் மாபெரும் போராடத்தை முன்னெடுப்பதற்கு அழைப்பு விடுக்கப்பட்டுள்ளமையும் குறிப்பிடத்தக்கது. 

முன்னாள் ஜனாதிபதி கோட்டாபய ராஜபக்ஷவை கைது செய்யுமாறு கோரி சர்வதேச அமைப்பு ஒன்று சிங்கப்பூர் சட்டமா அதிபரிடம் முறைப்பாடு பதிவு செய்துள்ளது.

2009 உள்நாட்டுப் போரின் போது முன்னாள் பாதுகாப்புச் செயலாளராக அவரது நடவடிக்கை சட்டவிரோதமானதாக இருந்தது என குறிப்பிட்டே இந்த முறைப்பாடுமுன்வைக்கப்பட்டுள்ளது.

உள்நாட்டு போரின் போது அவர் நடந்துகொண்ட விதம் குறித்து, சர்வதேச உண்மை மற்றும் நீதித் திட்டத்தின் செயற்பாட்டாளர்கள் குழுவினால் இந்த நடவடிக்கை எடுக்கப்பட்டுள்ளது.

குறித்த காலப்பகுதியில் பாதுகாப்பு செயலாளராக கடமையாற்றிய கோட்டாபய ராஜபக்ஷ ஜெனிவா உடன்படிக்கைகளை பாரியளவில் மீறியுள்ளதாக மனுதாரர்கள் சுட்டிக்காட்டியுள்ளனர்.

வெளிநாடு செல்ல முயற்சித்த பசில்

முன்னாள் நிதி அமைச்சர் பசில் ராஜபக்ச வெளிநாடு செல்வதற்காக இன்று (12) அதிகாலை கட்டுநாயக்க விமான நிலையத்தை வந்தடைந்துள்ளதாக தெரிவிக்கப்படுகின்றது.

எவ்வாறாயினும், அவ்வேளையில் கடும் எதிர்ப்பு கிளம்பியதால் விமான நிலையத்திலிருந்து திரும்பிச் செல்ல நேரிட்டதாக தென்னிலங்கை ஊடகம் ஒன்று செய்தி வெளியிட்டுள்ளது.

வெளிநாடு செல்வதற்காக கட்டுநாயக்க விமான நிலையத்துக்கு சென்றபோது, அவரின் ஆவணங்களை பரீட்சிப்பதற்கு குடிவரவுத்துறை அதிகாரிகள் மறுத்துள்ளனர்.

இதனையடுத்து, அங்கு பதற்ற நிலை ஏற்பட்டுள்ளது.

இதன்போது, குடிவரவு மற்றும் குடியகல்வு அதிகாரிகள் தங்கள் கடமைகளில் இருந்து விலகுவதாக அறிவித்ததை அடுத்து, பசில் ராஜபக்சவின் முயற்சி தடைபட்டதாகத் தெரிவிக்கப்படுகிறது.


கொழும்பு கோட்டையில் ஆர்ப்பாட்டத்தில் ஈடுபட்டுள்ள ஆர்ப்பாட்டக்காரர்கள் அரச தலைவர் மாளிகை வளாகத்திற்குள் பிரவேசித்துள்ளனர். 

இதேவேளை, அரச தலைவர் மாளிகை இப்போது போராட்டக்காரர்களின் முழுமையான கட்டுப்பாட்டுக்குள் வந்துள்ளது,

மூன்றாம் இணைப்பு

அரசாங்கத்திற்கு எதிரான ஆர்ப்பாட்டக்காரர்கள் காவல் தடைகளை மீறி அரச தலைவர் மாளிகையின் வாயிலை அடைந்துள்ளனர்.

சுமார் ஆயிரத்திற்கும் மேற்பட்டவர்கள் அங்கு கூடியுள்ள நிலையில், படையினர் பொல்லுகளுடன் தயார் நிலையில் உள்ளைமை குறிப்பிடத்தக்கது.

இரண்டாம் இணைப்பு

கொழும்பு அரச தலைவர் மாளிகைக்கு அருகே போராட்டக்காரர்களை கலைக்க வானத்தை நோக்கி துப்பாக்கி பிரயோகம் மேற்கொள்ளப்பட்டுள்ளது.

ஆர்ப்பாட்டத்தில் ஈடுபட்ட மக்கள் வீதித்தடைகளை உடைத்து அரச தலைவர் மாளிகையினுள் செல்ல முயற்சித்த போது அவர்களை தடுக்கும் முகமாக இராணுவத்தினர் வானத்தை நோக்கி இரண்டு தடவைகள் துப்பாக்கி பிரயோகம் மேற்கொண்டுள்ளனர்.

இதேவேளை, ஆர்ப்பாட்டத்தில் மேற்கொள்ளப்பட்ட கண்ணீர்ப்புகை தாக்குதலில் 2 காவல்துறையினர் உட்பட 7 பேர் காயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

முதலாம் இணைப்பு

கொழும்பில் அரச தலைவர் மாளிகைக்கு அருகில் செத்தம் வீதிப் பகுதியில் பதற்ற நிலை ஏற்பட்டுள்ளது.

இதனைத் தொடர்ந்து அங்கு போராட்டத்தில் ஈடுபட்டவர்கள் மீது கண்ணீர்ப்புகை தாக்குதல் மேற்கொள்ளப்பட்டுள்ளது.

குறித்த பகுதியில் ஆயிரக்காண ஆர்ப்பாட்டக்காரர்கள் ஒன்றுகூடி அரச தலைவர் கோட்டாபய ராஜபக்சவை பதவி விலகுமாறு போராட்டம் நடாத்தியுள்ளனர்.

இந்நிலையில், வீதித்தடைகளை அமைக்கும் முயற்சியில் காவல்துறையினர் ஈடுபட்டுள்ள போது அவற்றை தகர்த்து எறியும் முயற்சியில் ஆர்ப்பாட்டக்காரர்கள் ஈடுபட்டுள்ளனர்.

ஆர்ப்பாட்டக்காரர்களை கட்டுப்படுத்த முடியாத காவல்துறையினர் அவர் மீது கண்ணீர்ப்புகை தாக்குதல் மேற்கொண்டுள்ளனர். 


உக்கரமடையும் போராட்டங்கள்

அரச தலைவர் கோட்டாபய ராஜபக்ச மற்றும் அவர் தலைமையிலான அரசாங்கத்தை பதவி விலகுமாறு கோரி இன்று(09) பல அமைப்புகள் தலைநகரில் போராட்டங்களை முன்னெடுத்துள்ளனர்.

இந்நிலையில், கண்டி புகையிரத நிலையத்தில் இருந்து புகையிரதம் ஒன்று "கோ கோம் கோட்டா - ரணில்" என பதாகை ஒன்றை புகையிரத்தத்தின் முன் கட்டியவாறு போராட்டக் காரர்களை ஏற்றி கொழும்பு நோக்கி பயணிக்கின்றது .

மற்றும் பல்கலைக்கழக மாணவர்கள் ஒன்றியமும் பாரிய ஆர்ப்பாட்டம் ஒன்றை முன்னெடுத்துள்ளனர்.

இதேவேளை, ஐக்கிய மக்கள் சக்தி, மக்கள் விடுதலை முன்னணி மற்றும் சிறிலங்கா சுகந்திர கட்சி ஆகிய அரசியல் கட்சிகளும் அரச தலைவர் மாளிகை முன்பாக பாரிய ஆர்ப்பாட்டமொன்றை முன்னெடுக்கவுள்ளமை குறிப்பிடத்தக்கது.


தற்போதைய பொருளாதார நெருக்கடி காரணமாக பாடசாலைகளிலிருந்து மாணவர்கள் இடைவிலகும் அபாயம் அதிகரித்துள்ளதாக கவலை வெளியிடப்பட்டுள்ளது.

டொலர் தட்டுப்பாடு காரணமாக காகிதங்களை இறக்குமதி செய்வதில் கட்டுப்பாடுகள் விதிக்கப்பட்டுள்ளன

இதன்காரணமாக, அப்பியாசக் கொப்பிகள், எழுதுகருவிகள் உள்ளிட்ட ஏனைய பாடசாலை உபகரணங்களின் விலைகள் பாரியளவில் அதிகரித்துள்ளன.

இந்தநிலையில், நாட்டின் பல பகுதிகளிலும் பாடசாலை உபகரணங்களில் குறிப்பிடப்பட்டுள்ள விலையை விட அதிகமாக வர்த்தகர்கள் விற்பனை செய்வதால் தாம் பாரிய அசௌகரியங்களை எதிர்நோக்கியுள்ளதாக பெற்றோர் குற்றம் சுமத்தியுள்ளனர்.

அத்துடன் தற்போதைய எரிபொருள் நெருக்கடியில் பேருந்து பயண கட்டணங்களும் அதிகரித்துள்ளதால் மாணவர்களை, பாடசாலைகளுக்கு அனுப்புவதில் பாரிய சிரமங்களை எதிர்நோக்கியுள்ளதாக பெற்றோர் குறிப்பிடுகின்றனர்.

தமது போக்குவரத்திற்கான பொறிமுறை உருவாக்கப்படாவிட்டால் திங்கள் முதல் பாடசாலைக்குச் செல்ல முடியாது என இலங்கைத் தமிழர் ஆசிரியர் சங்கத்தின் பொதுச் செயலாளர் சரா.புவனேஸ்வரன் ஊடகங்களுக்கு செய்தி அனுப்புகியுள்ளார்.


இது தொடர்பில் அவர் மேலும் குறிப்பிட்டதாவது, ஆசிரியர்களின் போக்குவரத்திற்கு ஏதாவது பொறிமுறையை உருவாக்குமாறு பல தடவைகள் அரசிடம், அமைச்சிடம் கோரிக்கை முன்வைத்தோம். அதற்கு இதுவரை சாதகமான பதில் கிடைக்கவில்லை.

நாளுக்குநாள் நெருக்கடிகள் அதிகரித்தே செல்கின்றன. பொதுமக்களுக்கும் ஆசிரியர்களுக்கும் முரண்பாடுகள் உருவாக ஆரம்பித்துவிட்டன. இந்த நிலையில் எமது போக்குவரத்திற்கான பொறிமுறை உருவாக்கப்படாவிட்டால் திங்கள் முதல் பாடசாலைகளுக்குச் செல்லமுடியாது என்பதனை கல்வி அமைச்சிற்கும் பெற்றோருக்கும் தெரிவித்துக்கொள்கின்றோம்.

தூர இடங்களுக்குப் பணிக்குச் செல்லும் ஆசிரியர்  

இது தொடர்பில் வடமாகாண கல்வி அமைச்சின் செயலாளருடன் கலந்துரையாடியபோது வடமாகாணத்தில் விசேடமாக தூர இடங்களுக்கு பணிக்குச் செல்லும் ஆசிரியர்களின் நிலை குறித்து பேசியபோது, அவர்கள் பாடசாலை அதிபருக்கு முறைப்படி அறிவிக்குமாறும் அதனை ஏற்றுக்கொள்ளாத அதிபர்கள் தொடர்பாக தமக்கு தகவல் தருமாறு கூறியுள்ளார்.

ஆகையால் தூர இடங்களுக்குப் பணிக்குச் செல்வோர் போக்குவரத்து இடர்ப்பாடு தொடர்பாக அதிபருக்கு அறிவிக்குமாறு கேட்டுக் கொள்கின்றோம்.

பெற்றோரிடம் கோரிக்கை

ஆசிரியர்களுக்கான போக்குவரத்துகள் சீராகாவிட்டால் பாடசாலைக்குச் சமூகமளிக்க முடியாத சூழ்நிலையை பெற்றோர்கள் புரிந்து கொண்டு உங்கள் குழந்தைகளை பாடசாலைக்கு அனுப்பாது வீண் சிரமங்களைத் தவிர்த்துக் கொள்ளுங்கள். இல்லையேல் பெற்றோராகிய நீங்களாவது ஒன்று சேர்ந்து ஒரு மார்க்கத்தை உருவாக்குங்கள்.

ஆசிரியர்களுக்கான போக்குவரத்து பொறிமுறை சீராகவில்லையென்றால் திங்கள் முதல் பாசாலைக்குச் செல்லவேண்டாம் என நாட்டில் உள்ள அனைத்து அதிபர், ஆசிரியர்களையும் கேட்டுக்கொள்கின்றோம். இதற்கு அனைவரையும் ஒத்துழைக்குமாறு வினயத்துடன் கேட்டுக்கொள்கின்றோம் என்றுள்ளது.