WELCOME TO PANNAGAM.COM & PTV

பண்ணாகம் இணையம்

 

2020
 முழு வருடஇராசி பலன்கள் 2020 
Rasi Palan 2020

உங்கள் வாழ்வு சிறக்க பண்ணாகம் இணையம் வாழ்த்துகின்றது

ஆட்டிப்படைக்க போகும் சுக்கிரன்…. பேராபத்துக்களை சந்திக்கப் போகும் ராசிக்காரர்கள்?
On Oct 1, 2020

சுக்கிரன் கடக ராசியின் இருந்து சிம்ம ராசிக்கு செப்டம்பர் 28, 2020 அன்று இடம் பெயர்ந்துள்ளார். சுக்கிரன் சிம்ம ராசியில் அக்டோபர் 23 வரை இருந்து, பின் கன்னி ராசிக்குள் நுழைவார்.

ஒருவரது ஜாதகத்தில் சுக்கிரனின் இருப்பு ஒவ்வொரு ராசிக்காரர்களையும் வித்தியாசமாக பாதிக்கும்.

இப்போது சிம்மத்திற்கு செல்லும் சுக்கிரனால் ஒவ்வொரு ராசிக்காரரின் வாழ்வில் ஏற்படும் மாற்றங்கள் என்னவென்பதைக் காண்போம்.



மேஷம்

அழகின் தெய்வமான சுக்கிரன், மேஷ ராசியின் 5 ஆவது வீட்டின் வழியே நகர்கிறது. இந்த வீடு சந்ததி, கல்வி மற்றும் அன்பைக் குறிக்கிறது. சிம்மத்திற்கு செல்லும் சுக்கிரனால், மேஷ ராசிக்காரர்களுக்கு பல சாதகமான முடிவுகளைத் தரப் போகிறது.

உங்கள் காதலியுடனான பிணைப்பு அதிகரிக்கும். மறுபுறம் திருமணமானவர்கள் மிகவும் கவனமாக இருக்க வேண்டும். உங்களுக்கும் உங்கள் மனைவிக்கும் இடையே மோதல்கள் அதிகரிக்கக்கூடும்.

மேலும் உங்கள் வாழ்க்கைத் துணைக்கு பணியிடத்தில் உயர் பதவி கிடைக்கும். மாணவர்கள் விளையாட்டு மற்றும் சமூக ஊடகங்களில் அதிக கவனம் செலுத்துவதால், படிப்பில் கவனம் குறையும்.

குடும்ப வாழ்க்கை பற்றி பேசுகையில், வீட்டு உறுப்பினர்கள் உங்களுக்கு ஆதரவாக இருப்பார்கள். ஆரோக்கியம் வழக்கம் போல இருக்கும். இருப்பினும், வயிறு சம்பந்தமான பிரச்சனைகளைத் தவிர்க்க, நீங்கள் மிகவும் காரமான உணவுகளைத் தவிர்க்க வேண்டும்.

ரிஷபம்

சிம்ம ராசிக்கு செல்லும் சுக்கிரன், ரிஷப ராசியில் நான்காவது வீட்டின் வழியே செல்கிறார். இந்த பெயர்ச்சியால், உங்களின் நோயெதிர்ப்பு சக்தி அதிகரிக்கும். வீடு வாங்க திட்டமிட்டிருந்தால் அல்லது உள் அலங்காரத்தை முடிக்க நினைத்திருந்தால், இந்த பெயச்சியால் அது நிறைவேறலாம். அதே சமயம் வாகனம் வாங்க திட்டமிட்டிருந்தாலும் வாங்க வாய்ப்புள்ளது.

இருப்பினும், வரவு செலவு திட்டத்தின் படி செலவழியுங்கள். இல்லாவிட்டால், நீங்கள் நிதி பிரச்சனையை சந்திக்க நேரிடலாம். இந்த ராசிக்காரரைத் திருமணம் செய்தவர்களுக்கு, பணியிடத்தில் உயர் பதவி கிடைக்கும். இந்த ராசியைச் சேர்ந்தவர்கள் உங்கள் திறன்களின் மீது நம்பிக்கை வைத்திருக்க வேண்டும். இந்த ராசிக்காரர்களின் குடும்ப வாழ்க்கை சாதகமான முடிவுகளைக் குறிக்கிறது.

இருப்பினும், உங்கள் தாயாரின் ஆரோக்கியம் குறித்து கவலைப்படலாம். அவருடன் நேரத்தை செலவிடுங்கள் மற்றும் அவர் எந்த மாதிரியான பிரச்சனையை சந்திக்கிறார் என்பதை தெரிந்து கொள்ள முயற்சி செய்யுங்கள். உங்கள் ஆரோக்கியத்தைப் பொறுத்தவரை, உடல் ஃபிட்டாக இருக்க உடற்பயிற்சியை தினமும் செய்யுங்கள்.

மிதுனம்

5 ஆவது மற்றும் 12 ஆவது வீடுகளின் அதிபதியான சுக்கிரன், மிதுனத்தில் 3 ஆவது வீடு வழியே இடம் பெயர்கிறார். ஒருவரது ஜாதகத்தில் உள்ள இந்த நிலை, வலிமை, தைரியம் மற்றும் இளைய உடன்பிறப்புக்களைக் குறிக்கிறது.

சிம்மத்திற்கு செல்லும் சுக்கிரனால் இந்த ராசிக்காரர்களின் வாழ்வில் பல சாதகமான விஷயங்கள் நடைபெறும். வேலை செய்பவர்கள் அலுவலகத்தில் நல்ல மரியாதையைப் பெறுவார்கள். வணிகர்கள் நன்மை பயக்கும் முடிவுகளை எதிர்பார்க்கலாம். வேலை சம்பந்தமான பயணங்கள் லாபத்தைத் தரும். திருமணமானவர்கள் நேர்மறை மாற்றங்கள் நிகழும்.

கணவன் மனைவி இடையே இருந்த சச்சரவுகள் முடிவுக்கு வரும். வார்த்தைகளில் கவனமாக இருங்கள். உங்கள் காதலியை கேலி கிண்டல் செய்யாதீர்கள். இல்லாவிட்டால் உங்களைப் பற்றிய அவர்களின் எண்ணங்களில் மாற்றங்கள் ஏற்படக்கூடும். அதோடு இது உறவில் விரிசலை ஏற்படுத்தும்.

கடகம்

கடக ராசிக்காரர்களின் நான்காவது மற்றும் 11 ஆவது வீடுகளின் அதிபதியான சுக்கிரன், இரண்டாவது வீட்டின் வழியே சிம்மத்திற்கு செல்கிறார். இந்த வீடு பேச்சு, குடும்பம் மற்றும் செல்வத்தைக் குறிக்கிறது. குடும்ப வணிகத்துடன் தொடர்புடைய கடக ராசிக்காரர்கள், இந்த பெயர்ச்சியால் லாபத்தை எதிர்பார்க்கலாம்.

வீட்டின் இளைய உறுப்பினர்கள் கூட உங்கள் பக்கம் நிற்பார்கள். வேலை செய்வோருகு சாதகமான முடிவுகள் கிடைக்கும். சிலர் சம்பள உயர்வை எதிர்பார்க்கலாம்.

அன்பின் தெய்வம் என்று அழைக்கப்படும் சுக்கிரனின் இந்த இடமாற்றம், கடக ராசிக்காரர்களின் காதலில் ரொமான்ஸை அதிகரிக்கும். இந்த காலக்கட்டத்தில் பலரும் முக்கியமான பணிகளை தவிர்த்து, காதலியுடன் தங்களின் நேரத்தை செலவிடுவார்கள். இந்த பெயர்ச்சியால் கடக ராசிக்காரர்கள் கண் தொடர்பான பிரச்சனைகளை சந்திப்பதால், உங்கள் கண்களை கவனமாக பார்த்துக் கொள்ளுங்கள்.

சிம்மம்

சிம்ம ராசியில் முதல் வீட்டில் சுக்கிரன் செல்கிறது. இந்த வீடு உடல், தன்மை, இயல்பு, ஆரோக்கியம் மற்றும் புத்தி ஆகியவற்றைக் குறிக்கிறது. சிம்மத்திற்கு செல்லும் சுக்கிரனால், இந்த ராசிக்காரர்களின் வாழ்க்கையில் பல சாதகமான மாற்றங்கள் நிகழும். விதி இப்போது முற்றிலும் உங்களுக்கு சாதகமாக இருக்கும். பல சிக்கல்களில் இருந்து வெளியே வருவீர்கள்.

பணி புரிபவர்களுக்கு சாதகமான காலம். சிம்ம ராசிக்காரர்கள், இந்த காலத்தில் தங்கள் வாழ்க்கையை முன்னேற்றுவதில் உறுதியாக இருப்பார்கள். இருப்பினும் அதிகமான ஆசை கொள்ள வேண்டாம். இல்லாவிட்டால், உங்கள் கவனம் பல திசைகளில் சிதறக்கூடும்.

இறுதியாக, எதையும் உருப்பிடியாக செய்ய முடியாமல் போகும். சுக்கிரனின் இந்த மாற்றம் உங்கள் நடத்தையில் முன்னேற்றத்தைக் கொண்டு வரும். இதன் விளைவாக உங்கள் பெயர் மற்றும் மரியாதை சமூகத்தில் அதிகரிக்கும். இந்த ஆரோக்கியமான சுக்கிரனின் மாற்றம் உங்கள் உடல் ஆரோக்கியத்தையும் சிறப்பாக வைத்திருக்கும்.

கன்னி

கன்னி ராசியின் 12 ஆவது வீட்டின் வழியாக சுக்கிரன் இடம் பெயர்கிறார். இந்த வீடு இழப்புகளின் வீடு. இது வாழ்க்கையில் வரவிருக்கும் பிரச்சனைகள், செலவுகள் மற்றும் வெளிநாடுகளுடனான உங்கள் உறவு ஆகியவற்றைக் குறிக்கிறது.

இந்த காலம் கன்னி ராசிக்காரர்களுக்கு மிகவும் சவால் நிறைந்ததாக இருக்கும் என்பதை நிரூபிக்கும். இந்த நேரத்தில் கன்னி ராசிக்காரர்கள் மிகவும் கவனமாக இருக்க வேண்டும். குறிப்பாக ஆரோக்கியத்தில் கவனமாக இருக்கவும். ஏதேனும் உடல்நல பிரச்சனையால் பாதிக்கப்பட்டிருந்தால், வழக்கமான பரிசோதனைகளுக்கு செல்லுங்கள். அதோடு வாகனத்தில் பயணம் செய்யும் போது, கவனமாக இருங்கள்.

நிதி ரீதியாக சில பிரச்சனைகளை எதிர்கொள்ளக்கூடும். எனவே இந்த காலத்தில் மற்றவர்களுக்கு கடன் கொடுப்பதைத் தவிர்த்திடுங்கள். வெளிநாடுகளுடன் தொடர்புடைய நிறுவன ஊழியர்கள் இந்த நேரத்தில் போதுமான பலன்களைப் பெறுவார்கள்.

துலாம்

துலாம் ராசிக்காரர்களின் அதிபதி தான் சுக்கிரன் மற்றும் இவர்களது எட்டாவது வீட்டின் அதிபதியும் இவராவார். சுக்கிரன் சிம்மத்திற்கு 11 ஆவது வீடு வழியே செல்கிறார்.

இந்த மாற்றம், துலாம் ராசிக்காரர்களின் வாழ்வில் பல சாதகமான மாற்றங்களைக் கொண்டு வரும். வேலை செய்பவர்கள் உயர் அதிகாரிகளின் ஆதரவைப் பெறுவார்கள்.

சிலருக்கு திடீரென்று நண்பர்கள் அல்லது உறவினர்களிடம் இருந்து பரிசு கிடைக்கும். பலர் இந்த நேரத்தில் திடீரென்று உங்கள் பணிகளில் இருந்து சிறந்த முடிவுகளை எதிர்பார்க்கத் தொடங்குவீர்கள். காதலிக்கும் துலாம் ராசிக்காரர்கள் தங்கள் வாழ்வில் காதல் அதிகரிப்பதை உணர்வார்கள். அதே சமயம், திருமணமானவர்கள் நல்லிணக்கத்தை அனுபவிப்பார்கள்.

எட்டாவது வீட்டின் அதிபதியான சுக்கிரன், பலருக்கு விசித்திரமான பாடங்களைக் கற்று கொடுப்பார். இந்த காலம் மாணவர்களுக்கு சாதகமான காலமாகும்.

விருச்சிகம்

விருச்சிக ராசியில் சுக்கிரன் 10 ஆவது வீட்டின் வழியே இடம் பெயர்கிறார். இந்த வீடு கர்மா, தலைமைத்துவ திறன்கள் மற்றும் வியாபாரத்தைக் குறிக்கிறது. இந்த கிரக இயக்கத்தின விளைவாக, வேலை செய்பவர்கள் உயர் அதிகாரிகளிடம் இருந்து முழு ஆதரவைப் பெறுவார்கள்.

இருப்பினும், இது சில சிக்கல்களை உருவாக்கும். உங்களுடன் பணிபுரிபவர்கள் உங்கள் வார்த்தைகளை தவறாக புரிந்து கொள்ள வாய்ப்புள்ளது. வணிகம் செய்யும் விருச்சிக ராசிக்காரர்கள் லாபத்தை எதிர்பார்க்கலாம்.

உங்களின் வருமானம் அதிகரித்து, பல பதட்டங்களில் இருந்து விடுபட உதவும். அதே சமயம், ஊடகங்கள் அல்லது திரைப்பட தொழில்களுடன் தொடர்புடைய விருச்சிக ராசிக்காரர்கள், அவர்களின் படைப்பாற்றலால் பயனடைவார்கள்.

உங்களின் பணி விரும்பப்படும் மற்றும் பாராட்டப்படும். குடும்ப முன்னிலையில் சாதகமாக இருக்கும். திருமணமானவர்கள், தங்கள் மனைவியின் முழு ஆதரவைப் பெறுவார்கள். நிதி ரீதியாக செலவுகள் அதிகரிக்க வாய்ப்புள்ளது.

இருப்பினும் வரவுக்கு ஏற்ற செலவு செய்ய திட்டமிட்டு செலவு செய்யுங்கள். ஆரோக்கியம் மேம்பட, உங்கள் அன்றாட வழக்கத்தில் சில மாற்றங்களை மேற்கொள்ளுங்கள்.

தனுசு

ஆறாவது மற்றும் 11 ஆவது வீடுகளின் அதிபதியான சுக்கிரன், தனுசு ராசியில் 9 ஆவது வீட்டின் வழியாக சிம்மத்திற்கு செல்கிறார். இந்த வீடு உங்கள் அதிர்ஷ்டம், தந்தை மற்றும் பயணத்தைக் குறிக்கிறது. இந்த இடப் பெயர்ச்சியால் தனுசு ராசிக்காரர்கள் எச்சரிக்கையாக இருக்க வேண்டும். அதே சமயம் அதிகம் பேசுவதையும் தவிர்க்க வேண்டும்.

உங்களுக்கும், உங்கள் தந்தைக்கும் இடையே பிரச்சனைகள் ஏற்படுவதற்கான வாய்ப்புக்கள் உள்ளன. மாணவர்கள் தங்கள் ஆசிரியர்களுடன் முரண்படுவார்கள். எனவே யாருடன் பேசும் போதும் வரம்புகளை நினைவில் கொள்ளுங்கள்.

அளவுக்கு மீறி பேச முயற்சிக்காதீர்கள். மறுபுறம் திருமணமானவர்கள், தங்கள் மனைவியுடன் சில அழகான தருணங்களை செலவிடுவார்கள். உடல் ஆரோக்கியம் சிறப்பாக இருக்க சரியான உணவுகளைத் தேர்ந்தெடுத்து உண்ணுங்கள். இல்லாவிட்டால் வயிறு தொடர்பான பிரச்சனைகளால் அவஸ்தைப்படக்கூடும்.

மகரம்

மகர ராசியில் சுக்கிரன் 8 ஆவது வீட்டின் வழியே செல்கிறார். இந்த வீடு நீண்ட ஆயுர், வாழ்க்கையில் உடனடி பிரச்சனைகள், மாய விஷயங்கள், தடைகள் மற்றும் மூதாதையர் சொத்து ஆகியவற்றைக் குறிக்கிறது. சிம்மத்திற்கு செல்லும் சுக்கிரனால் மகர ராசிக்காரர்களுக்கு மிகவும் சாதகமான காலமாக இருக்காது. இக்காலத்தில் உங்கள் குழந்தைகளைப் பற்றி அதிகம் கவலைக் கொள்வீர்கள்.

அவர்களின் ஆரோக்கியத்தில் பிரச்சனைகள் ஏற்பட வாய்ப்புள்ளதால், உங்கள் குழந்தைகளை கவனமாக பார்த்துக் கொள்ளுங்கள். வேலை செய்பவர்கள் அலுவலகத்தில் சில பிரச்சனைகளை எதிர்கொண்டு, அதனால் உங்கள் மன அழுத்தம் அதிகரிக்கும்.

தேவையற்ற கவலைகள் மற்றும் ஒரு தீர்வு எடுக்க முடியாமல் அவஸ்தைப்படுவீர்கள். இம்மாதிரியான நேரங்களில், வீட்டில் உள்ள பெரியோரை அணுகி, சரியான தீர்வு காண அவர்களின் ஆலோசனையைப் பெறுங்கள். என்ன தான் கவலைகள் இருந்தாலும், நிதி ரீதியாக எந்த பிரச்சனையும் இருக்காது. எதிர்பாராத இடங்களில் இருந்து நிதியைப் பெறுவீர்கள். இருப்பினும் பயணத்தின் போது மதிப்புமிக்க பொருட்களை கவனமாக வைத்துக் கொள்ளுங்கள்.

கும்பம்

சுக்கிரன் கும்ப ராசியின் 7 ஆவது வீட்டின் வழியே இடம் பெயர்கிறார். இந்த வீடு கூட்டாண்மை மற்றும் வாழ்க்கைத் துணையைக் குறிப்பது. இந்த பெயர்ச்சியால், கும்ப ராசிக்காரர்கள் தங்கள் துணையிடமிருந்து முழுமையான ஆதரவைப் பெறமாட்டார்கள். உங்கள் இருவருக்கும் இடையே வாதங்கள் நீடிக்கும்.

இருப்பினும் அது உங்கள் திருமண வாழ்க்கையை எதிர்மறையாக பாதிக்காது. வியாபாரம் செய்பவர்கள், இந்த காலத்தில் குறிப்பிடத்தக்க லாபத்தைப் பெறுவார்கள். உங்கள் திட்டங்கள் அனைத்தும் இப்போது வெற்றிகரமாக மாறும். முக்கியமாக இந்த காலத்தில் கும்ப ராசிக்காரர்கள் தங்களின் தன்மையை மெருகூட்டுவார்கள்.

மகர ராசியைச் சேர்ந்த பெண்க்ள, அழகு மற்றும் மேக்கப் பொருட்களுக்கு பணம் செலவழிப்பதில் இருந்து பின்வாங்க மாட்டார்கள். மாணவர்கள் எப்படிப்பட்ட கடினமான பாடத்தையும் எளிதில் புரிந்து கொள்வார்கள். ஆரோக்கியத்தைப் பொறுத்தவரை, சில காலமாக நோயுடன் போராடி வந்தவர்கள் இந்த காலத்தில் இறுதியாக நிவாரணம் பெறுவார்கள்.

மீனம்

மீன ராசியில் சுக்கிரன் ஆறாவது வீட்டின் வழியே சிம்மத்திற்கு செல்கிறார். இந்த வீடு எதிரிகள், கடன்கள், விவாதங்கள் மற்றும் அடிபணிந்தவர்களைக் குறிக்கிறது.

வேலை செய்பவர்கள் இந்த காலத்தில் பணியிடத்தில் மிகவும் கவனமாக இருக்க வேண்டும். ஏனெனில் உங்களுக்கு எதிராக சதி தீட்ட வாய்ப்புள்ளது. மேலும் உங்கள் உடல்நலம் பாதிக்கப்படுவாற்கான சாத்தியங்களும் உள்ளன.

உடலில் சிறு பிரச்சனை என்றாலும் உடனே மருத்துவரை அணுகுங்கள். இந்த காலத்தில் பலர் முதுகு வலியால் போராடலாம். எனவே அதிக எடை தூக்குவதைத் தவிர்த்திடுங்கள்.

ஆரோக்கியமற்ற உணவுகளைத் தவிர்த்திடுங்கள். பேசும் போது கவனமாக பேசுங்கள். முக்கியமாக விவாதங்களில் இருந்து விலகி இருப்பது மிகவும் நல்லது. உங்களை யாரேனும் சீண்டினால், அவர்களிடம் இருந்து விலகி இருக்க முயற்சி செய்யுங்கள். முக்கியமாக உங்கள் நிதி நிலைமை பலவீனமாக இருக்கும்.

ராசி பலன் 2020 - Rasi Palan 2020


2020 ஆம் பிறக்கப்போகிறது. புத்தாண்டில் அனைத்து ராசிக்காரர்களுக்கும் நிறைய எதிர்பார்ப்புகள் இருக்கலாம். பிறக்கப் போகிற ஆண்டு சந்தோஷமான ஆண்டாக அமைய வேண்டுமே என்று அனைத்து ராசிக்காரர்களும் விரும்புகின்றனர். சில ராசிக்காரர்களுக்கு சங்கடங்கள், கவலைகள் சூழ்ந்திருக்கிறது. நமக்கு விடிவுகாலம் பிறக்குமா என்று யோசிப்பீர்கள். உங்களின் கேள்விகளுக்கு இந்த புத்தாண்டு பதில் சொல்லப்போகிறது. சனியின் சஞ்சாரம், குருவின் கோச்சார ரீதியான சஞ்சாரமும் அவர்களின் சொந்த வீடுகளில் அமைந்துள்ளதால் 12 ராசிக்காரர்களுக்கும் பலன்கள் அபரிமிதமாக கிடைக்கப் போகிறது. உங்களுக்கு என்னென்ன நன்மைகள் நடக்கும், பரிகாரங்கள் என்னென்ன என்று பார்க்கலாம். 2020ஆம் ஆண்டில் ஜனவரி மாதம் சனிப்பெயர்ச்சி நிகழப்போகிறது. தனுசு ராசியில் இருந்து மகரம் ராசிக்கு சனி நகர்கிறார். அதே போல ராகு கேது பெயர்ச்சியும் ஆண்டு இறுதியில் தனுசு ராசியில் இருந்து குரு பகவான் மகரம் ராசிக்கு சென்றடைகிறார். இந்த கிரகங்களின் இடப்பெயர்ச்சியால் மேஷம் முதல் மீனம் வரை 12 ராசிக்காரர்களுக்கும் பலன்களை பார்க்கலாம். 2020ஆம் ஆண்டில் முக்கிய கிரகங்களின் சஞ்சாரத்தைப் பார்த்தால் சனிபகவான் தனுசு ராசியில் இருந்து ஆண்டின் முதலில் ஜனவரி 24ஆம் தேதி மகரம் ராசிக்கு நகர்கிறார். மிதுனத்தில் உள்ள ராகு 18.09.2020 அன்று இரவு 8.45 மணி ரிஷப ராசிக்கு நகர்கிறார். தனுசு ராசியில் உள்ள கேது விருச்சிக ராசிக்கு இடப்பெயர்ச்சி அடைகிறார். குருபகவான் தனுசு ராசியில் இருக்கிறார். 2020 மார்ச் 30ஆம் தேதியன்று அதிசாரமாக மகரம் ராசிக்கு செல்கிறார். ஜூன் 30ஆம் தேதிவரை மகரம் ராசியில் சஞ்சரிப்பார். பின்னர் வக்ரமடைந்து தனுசு ராசிக்கு வரும் குருபகவான் நவம்பர் வரை தனுசு ராசியில் சஞ்சரிப்பார். நவம்பர் 20ஆம் தேதியன்று நேர்கதியில் மகரம் ராசிக்கு செல்கிறார். இது பொதுவான பலன்கள்தான் ஒருவரின் ஜாதகத்தில் உள்ள கிரகங்கள், நட்சத்திரங்கள் தசாபுத்தியின்படி நன்மை தீமைகள் நடைபெறும் என்பதை புரிந்து கொள்ள வேண்டும்.

1.மேஷம் (Mesham)
செவ்வாயை ராசி அதிபதியாகக் கொண்ட மேஷம் ராசிக்காரர்களுக்கு புத்தாண்டு மேஷ ராசிக்காரர்களுக்கு அற்புதம். குரு பாக்யம், விரைய ஸ்தான அதிபதி. அவர் ஒன்பதாம் வீட்டில் இருக்கிறார் அப்புறம் பத்தாம் வீட்டிற்கு வருகிறார். குருவினால் இன்பங்கள் அதிகரிக்கும். மிகப்பெரிய வெற்றி கிடைக்கும் வாழ்க்கை வசந்தமாகும் பணவரவு அற்புதமாக இருக்கும். பெண்களுக்கு உற்சாகமாக ஆண்டு நிறைய நகைகள் வாங்குவீர்கள். மாணவர்களுக்கு இது அதி அற்புதமான ஆண்டாக அமையப்போகிறது. நன்றாக படித்து முடித்து அரியர்ஸ் எல்லாம் கிளியர் செய்து டிகிரி வாங்குவீங்க. இந்த புத்தாண்டில் நீங்க அதிகமாக மஞ்சள், இளம் சந்தன நிற ஆடைகளை உபயோகிங்க நல்லது நடக்கும் முயற்சிகள் வெற்றி கிடைக்கும். உங்க தசாபுத்தியும் நன்றாக இருந்தால் உங்களக்க இது அதி அற்புதமான ஆண்டாக அமையும் என்பதில் சந்தேசமில்லை. ஆலய தரிசனம் அற்புத பலன்களை தரும் வாலாஜா பேட்டையில் அருள்பாலிக்கும் சொர்ண சனீஸ்வரரை வணங்குங்கள் சங்கடங்கள் தீரும்.

2.ரிஷபம் (Rishabam)
சுக்கிரனை ராசி அதிபதியாகக் கொண்ட ரிஷப ராசிக்காரர்களுக்கு நிறைய லாபம் வரும் ஆனாலும் கடும் போராட்டம் இருக்கும். நீண்ட நாளாக தடை பட்டிருந்த காரியங்கள் தடைகள் நீங்கி வெற்றி கிடைக்கும். மகிழ்ச்சியும் சந்தோஷமும் அதிகரிக்கும். ஆடை ஆபரணங்கள் அதிகம் வாங்குவீங்க. நிறைய சுப நிகழ்ச்சிகளில் பங்கேற்பீங்க. வெற்றி மேல வெற்றி வந்து உங்களை திக்குமுக்காட வைக்கும். மாணவர்களுக்கு மகிழ்ச்சியான ஆண்டாக அமையும். வியாபாரம் தொழிலில் லாபம் வரும் புதிய முயற்சிகளில் வெற்றி கிடைக்கும். ரிஷபம் ராசிக்காரர்கள் கறுப்பு, நீலம் ஆடைகளை அதிகம் பயன்படுத்துங்க நன்மை. சிவகங்கை மாவட்டம் பட்டமங்கலத்தில் அருள்பாலிக்கும் குரு தட்சிணா மூர்த்தியை குரு ஹோரையில் தரிசனம் பண்ணுங்க நல்லதே நடக்கும்.


3.மிதுனம் (Midhunam)

சிந்தித்து முடிவெடுக்கும் சுபாவமுள்ளவர்களே!

புதனை ராசி அதிபதியாகக் கொண்ட மிதுனம் ராசிக்காரர்களுக்கு ஆண்டின் துவக்கத்தில் எட்டில் சனி, ஏழில் குரு இருந்தாலும் சந்தோஷமான ஆண்டாக அமைகிறது. காரணம் குருவின் சஞ்சாரம், பார்வையினால் பொன்னான ஆண்டாக அமைகிறது. ரொம்ப சிறப்பான ஆண்டு. பெண்களுக்கு சொந்த வீடு கிடைக்கும். தம்பதியர் இடையே நெருக்கம் ஏற்படும். மாணவர்களுக்கு அற்புதமான ஆண்டு நன்றாக படிப்பீங்க. தடைகளை தாண்டி முன்னேறுவீர்கள். அரசியல்வாதிகளுக்கு பட்டங்கள் பதவிகள் தேடி வரும். நிறைய சொத்து சேர்க்கை ஏற்படும். உடல் ஆரோக்கியத்தில் அக்கறை காட்டுங்க ஆரோக்கியம் அதிகரிக்க வாலாஜாபேட்டையில் எழுந்தருளியிருக்கும் தன்வந்திரி பகவானை வணங்குங்கள் நல்லதே நடக்கும்.

4.கடகம் (Kadagam)
கனிவாகப் பேசி அனைவரையும் கவர்பவர்களே!
சந்திரனை அதிபதியாகக் கொண்ட கடக ராசிக்காரர்களுக்கு உங்களுக்கு ஆண்டின் துவக்கத்தில் ஆறாம் வீட்டில் குரு சஞ்சரிக்கிறார். அப்புறம் ஏழாம் வீட்டிற்கு அதிசாரமாக சென்று பின்னர் வக்ரமடைந்து ஆண்டின் இறுதியில் நேர்கதியில் ஏழாம் வீட்டில் அமர்கிறார். சில மாதங்கள் குருவின் பார்வை உங்க ராசிக்குக் கிடைக்கும். குரு பகவானால் சில தீமைகள் ஏற்பட்டாலும் அதிகமான அளவில் அற்புதமான வெற்றிகளை தருவார். சனிபகவான் ஏழில் அமர்கிறார். குடும்பத்தில் ஒற்றுமை ஏற்படும். மாணவர்களுக்கு பெற்றோர்களின் அனுசரணை கிடைக்கும். வியாபாரிகளுக்கு ரொம்ப லாபமான வாரம். அற்புதமான ஆண்டாக அமைகிறது. தொழில் வியாபாரிகளுக்கு ஆரம்பத்தில் அற்புதமாக இருக்கும். ஆண்டு மத்தியில் சில தடைகள் ஏற்பட்டாலும் ஆண்டில் இறுதியில் தடைகளை தாண்டி முன்னேற்றம் ஏற்படும். வயலட் நிற ஆடைகளை அதிகம் அணியுங்கள் நல்லதே நடக்கும். பவுர்ணமி பூஜை பண்ணுங்க மன கலக்கங்கள் நீங்கி சந்தோஷம் அதிகமாகும்.

5.சிம்மம் (Simmam)

எதிலும் புதுமையை விரும்புபவர்களே!

சூரியனை ராசி அதிபதியாகக் கொண்ட சிம்ம ராசிக்காரர்களே, 2020ஆம் ஆண்டு உங்களுக்கு குதூகலம் நிறைந்த ஆண்டாக அமைகிறது. உங்க ராசிக்கு ஆறாம் வீட்டில் சனிபகவானும் பஞ்சம ஸ்தானத்தில் குரு பகவானும் சஞ்சரிப்பதால் உங்க வாழ்க்கை உயர்நிலையை அடையும். இந்த ஆண்டு உங்களுக்கு சின்ன சின்ன நோய்கள் எட்டிப்பார்த்தாலும் உங்களுக்கு பெரிய அளவில் செலவுகளோ பாதிப்புகளோ வராது கவலைப்பட வேண்டாம். பிள்ளைகளால் உங்களுக்கு அதிகம் நன்மைகள் நடக்கும். வயதானவர்கள் உடல் ஆரோக்கியத்தில அக்கறை காட்டுங்கள். வேலை செய்பவர்கள் குடும்பத்தோடு உல்லாச பயணம் செல்வீர்கள், பண வரவு அபரிமிதமாக இருக்கும். சொந்த பந்தங்களுடன் இருந்த பகை நீங்கும். உங்களுக்கு எதிரிகள் தொல்லை ஒழியும் இந்த ஆண்டு அதிக அளவில் மஞ்சள், நீல நிற ஆடைகளை அணியுங்கள். தினசரி சூரிய நமஸ்காரம் பண்ணுங்க மனதில் மகிழ்ச்சி அதிகரிக்கும்.


6.கன்னி (Kanni)
மன்னிக்கும் சுபாவம் கொண்டவர்களே!
2020ஆம் ஆண்டு மேன்மையான ஆண்டாக அமைகிறது. நீண்ட நாள் கனவு நனவாகும். உங்க திட்டங்களை செயல்படுத்துவீர்கள். காரணம் அர்தாஷ்டம சனி இடம் மாறி ஐந்தாம் வீட்டிற்கு செல்வது சிறப்பு. குருவும் உங்களுக்கு சாதகமாக சஞ்சரிக்கிறார். பெண்களுக்கு கணவர் மூலம் பரிசுகள் கிடைக்கும். உங்க அன்புக்கு உரியவர் இந்த ஆண்டு உங்களுக்கு நிறைய சர்ப்ரைஸ் கொடுப்பார். நகைகள், ஆடைகள் வாங்குவீர்கள். இளம் பெண்கள் சிலர் கணவர் உதவியால் தொழில் முனைவோர்களாக மாறுவீர்கள். நினைத்தது அதிகம் நிறைவேறும் மாணவர்களுக்கு அற்புதமான ஆண்டு. படித்து முடித்து கல்லூரிகளில் இருந்து வெற்றிகரமாக வெளியேறுவீர்கள். சிலருக்கு உயர்கல்வி யோகம் அமையும். மஞ்சள், பச்சை அதிர்ஷ்ட நிறங்கள். புதன்கிழமை பெருமாள் கோவிலுக்கு போய் துளசி மாலை போட்டு வழிபடுங்க நன்மைகள் நிறைய நடக்கும்.

7. துலாம். (Tulam)
சுக்கிரனை அதிபதியாகக் கொண்ட துலாம் ராசிக்காரர்களுக்கு லாப கரமான ஆண்டாக அமையும். பங்கு சந்தை, ரேஸ், லாட்டரி மூலம் பண வருமானம் அதிகம் வரும் மன உற்சாகத்தோடு இருப்பீங்க. மாணவர்களுக்கு முன்னேற்றகரமான ஆண்டு. பெண்களுக்கு உற்சாகமான ஆண்டு கணவர் உங்களுக்காக நிறைய செலவு செய்வார். தம்பதியரின் ஒற்றுமை சந்தோஷத்தை அதிகரிக்கும். குருவின் பார்வை லாப ஸ்தானத்தில் விழுவதால் தொழிலில் லாபம் அதிகரிக்கும், சனியின் பார்வை உங்க ராசியின் மீது விழுவதால் ஆண்டு முழுவதும் திடீர் அதிர்ஷ்டங்கள் கிடைக்கும். நீங்க அதிகம் இந்த ஆண்டு இளம் பச்சை, வெண்மை நிற ஆடைகளை அணியுங்கள் நல்லது நடக்கும். வெள்ளிக்கிழமைகளில் அம்மன் கோவிலுக்கு போய் சுக்கிர ஓரையில் நெய் தீபம் ஏற்றி வழிபடுங்க நல்லதே நடக்கும்.

8.விருச்சிகம் (Viruchigam)

தன்மானத்துடன் வாழ விரும்புபவர்களே!

செவ்வாய் பகவானை அதிபதியாகக் கொண்ட விருச்சிக ராசிக்காரர்களே, இந்த 2020ஆம் ஆண்டு உங்களுக்கு புத்துணர்ச்சி தரக்கூடிய ஆண்டாக அமையப்போகிறது. இத்தனை ஆண்டுகளாக சிக்கல்களை சந்தித்து கடுமையான சவால்களுடன் வாழ்க்கையை ஓட்டி வந்தீர்கள் இனி உங்களுக்கு சந்தோஷமான ஆண்டாக பிறக்கப் போகிற புத்தாண்டு அமைகிறது. காரணம் குருபகவான் உங்க ராசிக்கு இரண்டாம் வீடான தன வாக்கு ஸ்தானத்திற்கு மாறியிருக்கிறார். குடும்பம் குதூகலமாக இருக்கும். நீண்ட நாள் கனவுகள் நிறைவேறும். பெண்களுக்கு முக்கியத்துவமான ஆண்டாக அமைகிறது. படிக்கும் மாணவர்களுக்கு வெளிநாடு போகும் யோகம் வரப்போகிறது. ஏழரை சனி முடிந்து சனிபகவான் மூன்றாம் வீட்டிற்கு நகர்வது அற்புதமான அம்சம். மொத்தத்தில் 2020ஆம் ஆண்டில் இருந்து உங்களுக்கு சங்கடங்கள் நீங்கி சந்தோஷங்கள் அதிகரிக்கப் போகிறது. செவ்வாய் கிழமை முருகனை வணங்கி வாருங்கள். அறுபடை வீடு தரிசனம் மனதிற்கும் உடல் ஆரோக்கியத்திற்கும் அற்புதங்களை ஏற்படுத்தும்.

9.தனுசு (Dhanusu)

இரக்க சுபாவம் கொண்டவர்களே!

குரு பகவானை ராசி நாதனாகக் கொண்ட தனுசு ராசிக்காரர்களே, 2020ஆம் ஆண்டு உங்களுக்கு வெற்றிகளும் சந்தோஷங்களும் நிறைந்த ஆண்டாக அமையும். நீங்க நினைத்த காரியங்கள் எல்லாம் மளமளவென முடிந்து உங்களை மகிழ்ச்சியில் ஆழ்த்தும். திருமணம் உள்ளிட்ட சுப காரியங்கள் கை கூடி வரும் உங்க ராசியில் ஜென்ம குருவாக அமர்ந்துள்ள ராசி நாதன் குரு பகவான் உங்க ராசிக்கு ஏழாம் வீட்டினை பார்க்கிறார். தொழில் வியாபாரத்தில் லாபம் பெருகும். ஏழரை சனியின் பாதிப்பு இருப்பதால் உங்க உடல் ஆரோக்கியத்தில் அக்கறை காட்டுங்க. மாணவர்களுக்கு ஆசிரியர்களின் ஆதரவும் பெற்றோர்களின் ஒத்துழைப்பும் கிடைக்கும்.

10.மகரம் (Magaram)
கலாசாரத்தை விட்டுக் கொடுக்காதவர்களே!
சனி பகவானை ராசி நாதனாகக் கொண்ட மகரம் ராசிக்காரர்களுக்கு பிறக்கப் போகிற புத்தாண்டு சின்னச் சின்ன சங்கடங்களையும் சில நேரங்களில் சந்தோஷத்தையும் தரக்கூடிய ஆண்டாக அமைந்துள்ளது. ஏழரை சனியின் தாக்கம் ஜென்ம சனியாக தொடர்கிறது. அதோடு குருவும் விரைய குரு, ஜென்ம குரு என உங்களை சில நேரங்களில் சங்கடப்படுத்துவார். உங்களின் விடா முயற்சி வெற்றிகளை தரும். அலுவலகத்தில் வேலை செய்யும் ஆண்கள் பெண்கள் விசயத்தில் கவனமாக இருங்க. அதே போல இளம் பெண்கள் ஆண்களிடம் எச்சரிக்கையாக இருங்க, பெற்றோர்கள் சொல்வதை கேட்டு நடந்தால் பாதிப்பில் இருந்து தப்பிக்கலாம். படிக்கும் மாணவர்கள் கொஞ்சம் கவனமாக இருங்க, மன அழுத்தம் வர வாய்ப்பு இருக்கு ஆலய தரிசனம் அவசியம் செய்ய வேண்டும். தொழில் வியாபாரிகள் அதிக முதலீடுகள் செய்ய வேண்டாம் தவிர்த்து விடுங்கள்.

11.கும்பம். (kumpam)
சனி பகவானை ராசி நாதனாகக் கொண்ட கும்ப ராசிக்காரர்களே உங்களுக்கு பிறக்கப் போகிற புத்தாண்டு அதி அற்புதமான ஆண்டாக அமையப்போகிறது. மனதிலும் உடம்பிலும் உற்சாகம் பிறக்கும். நினைத்த காரியங்கள் எல்லாம் வெற்றிகரமாக முடியும். இந்த ஆண்டு புதிய பிசினஸ் தொடங்கலாம் இரட்டிப்பு லாபம் கிடைக்கும். பெண்களுக்கு கணவனின் அன்பும் ஆதரவும் கிடைக்கும். நிறைய சர்ப்ரைஸ் பரிசுகள் கொடுத்து அசத்துவார் உங்க கணவர். பிள்ளைகள் உங்கள் மீது பாசமழை பொழிவார்கள். இளைஞர்களின் கல்யாண கனவுகள் நனவாகும். புத்திர பாக்கியம் கிடைக்கும். மாணவர்களுக்கு சிறப்பான முன்னேற்றம் ஏற்படும். வெளிநாடு ஏற்றுமதி இறக்குமதி தொழிலில் அபரிமிதமான லாபம் கிடைக்கும். நீங்க இந்த ஆண்டு முக்கியமான விசயங்களை பேசும் போது நல்ல காரியங்களை செய்யும் போது கரும் பச்சை நிற ஆடைகளை அணியுங்கள் நன்மைகள் அதிகம் நடைபெறும்.

12.மீனம் (Meenam)

மனதில் உள்ளதை மறைக்காமல் பேசுபவர்களே!

குரு பகவானை ராசி நாதனாகக் கொண்ட மீனம் ராசிக்காரர்களே இந்த ஆண்டு சனிபகவான் சஞ்சாரமும், குரு பகவான் சஞ்சாரமும் உங்களுக்கு ரொம்ப சாதகமாக இருக்கிறது. தொழிலில் லாபம் அதிகம் கிடைக்கும். குரு பத்தாம் வீட்டில் கேது உடன் இணைந்து நான்காம் வீட்டில் உள்ள ராகுவின் பார்வையில் இருப்பதால் நன்மைகளும், சந்தோஷங்களும் அதிகம் கிடைக்கும். மனதளவிலும் உடல் அளவிலும் தெம்பும் தைரியமும் கூடும். மிகப்பெரிய உயரங்கள் கிடைக்கும். சமூகத்திலும் சமுதாயத்திலும் அந்தஸ்து அதிகரிக்கும். படிக்கும் மாணவர்களுக்கு உற்சாகமான ஆண்டாக அமையும். தொழில் வியாபாரிகளுக்கு நன்மைகள் அதிகம் நடைபெறும். ப்ரௌன் நிற ஆடைகளை அதிகம் அணியுங்கள் நன்மைகள் அதிகரிக்கும்.

உங்கள் வாழ்வு சிறக்க பண்ணாகம் இணையம் வாழ்த்துகின்றது